#اضعت_ربيع_عمري

#بارت14

#بقلمي_سارة_المجيد

مساء النور والسرور عليكم احبتي

🌹🌹🌹🌹🌹🌹🌹🌹🌹🌹🌹🌹🌹

جنة ..وكعت بالكاع وكمت ادك والطم ملخت وجهي
قاسم شافني وركض عليه لزم ايديه الاثنين يريد يلزمني ماكدر فقدت اريد اضربه اصيح عليه اكله لا ولك لاتلزمني عوفني اكيد اخويه مات مادام وصل حالته للمستشفئ قاسم اتخبل عصب ع مرت اخويه

قاسم ..من شفت جنة هيج سوت بنفسها اتخبلت لو جان مرت اخوها كدامي جان طحنت اعظامها البنت ال........ باوعت عليها وعيني تجدح نار ودمرات ركبتي كلها طلعت من عصبيتي صرخت بعلو صوتي كتلها ولج انتي اشلون حجيتي وياها هجي وليش كلتيلها اخوج احترك
مرت اخوية ..اوووي واني اشمدريني وعفتهم وطبيت جوة

جنة ..قاسم فدوة اروحلك اخذني للمستشفئ اريد اشوفه بعيوني اشوف اشصايرله هذا روحي وابني 😭 ولك حموت

قاسم ..لاحول ولاقوة الا بالله ديله كومي صعدي لسيارة راح اخذج

جنة ..كومني بالكوة صعدني لسيارة ورحنا لمستشفئ اول مانزلت رحنا لطورائ بس اشلون امشي واتعثر لان جسمي كله يرجف من الصدمة والقهر سألنا عليهم كالوا روحوا لقسم الحروق رحنا اني شفت من بعيد امي واكفه وتبجي اني فتحت عيوني ع وسعهن اندرايت ع قاسم كتله اكيد صايرلة شي

قاسم ..جنة رحمة لاهلج اصبري لاتخافين ولاتتهورين ع كيفج خلي نفتهم السالفة لاتسوين هجي بنفسج ان شاءلله ماكو شي

جنة ..بس اني ماسمعت كلام قاسم ركضت سريع وصلت يم امي كتلها ماما اشبي محمود كالت محروك كل جسمه وهي.تبجي وتحجي اني من سمعت هجي ضليت ادك والطم ملخت خدودي من ضرب دخلت جوة امشي وادك ع وجهي واصيح

اخويه الوسطاني شافني جانو واكفين هو واصدقاء اخويه كدام الباب شافني ركض عليه يريد يلزمني مايكدر كتله الااشوفه مااكدر ولكم ماكدر راح اموت نفسي والله هذا حبيبي هذا ابني والله

صديق اخويه كال دخلها خلي تشوفه اشويه تحجي ويا راح ترتاح وهو هم يرتاح من يشوفها لان بس يصيح بأسمها ويريدها والله اخويه دخلني وحاضني وبيدة ثانيه لازم ايديه حتئ ماادك والطم

امشي وابجي دخلت لغرفته اوووووووف شفت ملامحة كلها متغيره وشعرة كله متغير صاير جمررر وملفلفين جسمه كله باللفاف شافني وحجئ جان صوته كوة ينسمع

كال لاتبجين حبيبتي مابيه شي كتله ولك اشلون مابيك شي سودة بوجهي كلشي بيك متغير هو جان يشبهني بس هو طويل وضخم وابيض وجان عندة لحيه خفيفه جان عندة كفشه مثل هالشباب الي يسون شعرهم كفشه بس كله متغير بي اوووف ياربي اشلون اكدر اتحمل اشوفه هجي

وبعدها بقئ بالمستشفئ وثاني يوم طلعوا اني بقيت يم اهلي وزوجي هم بقئ ويايه كال اكيد تحتاجوني وراها طلع من المستشفئ وجان يوميه انجيبله مضمد للبيت يداوي اووف اشكد جان يتوجع خطيه جنت اسمع صوته يصرخ اني كل جسمي يرجف

جنت ابجي ويا واخلي ايدي ع اذني حتئ مااسمع صوته يوم من الايام اخواني راحو لشغلهم وزوجي هم رجع لبيت كال اذا احتاجيتوا شي خابروني وابويه طلع برة لان الحمدلله اخويه اشويه اتحسن بس اني بقيت جنت اساعد امي لان هوايا ناس كاعد يزورونا

فد يوم اخويا كال جنة محتاج ملابس داخلي تروحين تشتريلي كتله من عيوني هسه اروح ماعندي شي والسوك قريب عليهم لبست العبايه اخذت مجودي ويايا ورحت جان سوك جبير وبي محلات واسواق وجان اكو كوزمتك جنت دائما من اروح لبيت اهلي اروح اشتري شغلات من العطور ومكياج وخلطات من هذا الكوزومتك

وجنت من اريد اتعامل ويا الولد جان يكول والله اختي هذا مو مالتي اني مو صاحب الكوزمتك صاحبه ببغداد ف مااكدر اسوي شي من كيفي جنت اخذ الغراض وارجع فذاك اليوم رحت لسوك اشتريت الغراض الاخويه واتسوكت

اله وكلت خلي بطريقي امر ع الكوزمتك اشتري عطور وشامبوات لاخويه من يطيب تماما يستعملهم فارحت دخلت جوة كلت السلام عليكم شفت نفس الولد جنت اشتري من عنده صار يعرفني بعد كال هلا بيج اختي اتفضلي طلبت من عده شغلات نزلهم اليه وخلاهن بالعلاكه

وكال سعرهم هلكد فتحت الجنطة وطلعت الفلوس مديت ايدي انطيت الفلوس للولد سمعت صوت كال مصطفئ لاتاخذ الفلوس اني جمدت بمكاني 😳

كلت ليش واشصار وهذا منو ...صوته مو غريب فجأة شفت امجد كبالي لايالله شهل طركاعة هو الي جان يكول مصطفئ لاتاخذ الفلوس منها اووووف ياربي 😣 شنو هالصدفة الي شفته كدامي هسه

الولد رجع فلوسي وراح وامجد اجه وكف كبالي بس ضل صافن عليه واني من الصدمة الي مامستوعبتها جمدت حتئ ماجنت ارمش حسيت جمد الدم بجسمي بقينا 5 دقايق ساكتين ومامصدكين هالصدفة الي جمعتنا مع بعض عكب هل سنين ...

بعدين حسيت ع نفسي كلت بنفسي استغفرالله لاجنة  فكري زين انتي متزوجة وعندج ولد مايصير وحرام افكر بي ولاحتئ افكر الي صارلنه من سنوات الماضيه بعدين كتله هاك الفلوس ليش ماخليت الولد ياخذهن مني اخذها اريد اروح مستعجله بدل ماياخذ الفلوس لزم ايدي ويه الفلوس عيونه بعيوني

امجد ..اول ماطبيت للمحل اتسمرت بكاعي من شفت حبيبتي دتشري معرفت شسوي گلبي كام يدك سريع ونبضاته زادن حسيت يريد يطلع من صدري كوه سيطرت ع نفسي يعني صدفه بالف ميعاد عكب هل سنين كلها نتقابل للمرة الثانية بس هل مرة غير عن ذيج المره ..
عبالك صدفه مترتبه شفتها بمحلي واجماله وحدنه اوووووف يازمن ...كتلها الفلوس والكوزمتك وصاحب الكوزمتك كله فدوة الج ولعيونج

جنة ..اني حسيت اتكهربت من لمست ايده وبكلامه مادري شصار بيه

امجد ..ولج اشلون كدرتي تعيشين بدوني كل هالسنين جنت ميت بدونج دنيتي صارت ظلمة عكب عينج ..

جنة ..مو انت الي رحت مارجعت شسويلك يعني ..اني هلكد انتظرت وانكتلت الي شفته محد شافه وانت رحت وخليتني وحدي واتزوجت غصبن عليه

امجد ..امج غصبتج مو

جنة ..اي

امجد ..خواتي اخر مرة من طلعوا من بيتكم كالوا امها رفضت وصارت حزازيات بينه علمود القوميه وراها ثاني يوم اخذنا الامي لعلاج وصرت اصرف كل فلوس علمود علاج امي وبعدها مااستجابت للعلاج صارت حالتها اسوء اخذناها لتركيا واهناك اتوفت صارت حالتنه حاله ورجعنا وكملنا فاتحة اني كرهت كلشي انتي رحتي من ايدي وامي راحت وفلوسي الي جمعتهم الج حتئ نتزوج بي راحت دخلت بحالة كأبة وبعدين وراها جنت يوميه امر من كدام بابكم عسئ ولعلئ المحج ماجنت اشوف منج اي شي بس رغم هيج ما ايست اشتغلت وجمعت فلوس نيشانج وكتلهم لخواتي روحوا مرة لاخ عليها خواتي حجن عليه لان هواي اهلج ذلوني وفشلوني ..

ماهتميت كتلهن ميخالف كولشي يهون تستاهل جنتي ..واجوكم وامج طردتهم اني هنا بعد طلعت الدنيا من عيني كعدت وبقيت اندب حظي وجنت اريد اشوفج ماكو اختفيتي مشفتج بعد ...

جنة ..😔صح امي عاقبتني وحرمتني من الطلعه وحتئ التلفون شالته

قاسم ...تدرين بيوم زفافج حلمت بكابوس فضيع وركضت اجيت لبيتكم شفت الصدمة كدامي من طلعتي بفستانج الابيض وانتي تنزفين لغيري ....
عيوني كامن يذبن دم بدال الدمع مكدرت اشوفج عفت المكان ورحت حتى مادري وين اخذتني رجلي جنت امشي وابجي لحد ما اتدمرت دمار حسيت خسرت كوولشي بحياتي

جنة ..انصدمت من هيج كال اووووف شكد صعبة كتله اني هم بيوم زفافي مثل وحدة سايقيها للاعدام شجرى عليك جرى عليه ..بس هذا كله ميفيد بعد هسه ..

امجد ..جنة اني هربت رحت لبغداد عشت ويه بيت خالتي الي ساكنين ببغداد بالمنصور صرت اشتغل وياابن خالتي وفتحنا كوزومتك اهناك وبعدها صارت عندي فلوس اجيت بكركوك هم فتحتنا بس اني واخويه شريك ويايه وجان عندي امل يجي يوم اتزوجج بس وره سنين شفتج كدامي كاعدة بالملاعيب فرحت بشوفتج كلت اخيرا لكيتها حبيبة عمري نسيت انتي اتزوجتي جنت اريد اجي احظنج بس بعدها شفتج رحتي وكفتي يم رجال ويا طفل وشفتج تباوعين عليه ولزمتي ايده حسيت حركتيني حرك من لزمتي ايده اتذكرت انتي متزوجة وصاير عندج ولد ...

وراها عفتج ومشيت ونار بكلبي تجويني حسيت الكون كله انهار كدامي ...

جنة ...كافي امجد الي صار صار واخذ فلوسك اني راح امشي لاتحجي ويايه بعد ...اني متزوجة واحب زوجي ومايصير افكر بيك بعد وانت هم انساني اني كلت هجي هو صار نارر عصبي لزمني من زندي وصرخ بوجهي

امجد ..من حجت هيج حركت دمي صرخت بوجها كتلها ولج شنو انساج ياظالمة تدرين اني لحد هسه مامتزوج وكاعد انتظرج يجي يوم تصيرين الي وغصبا عنج افتهمتي

جنة ..اني اهنا ماتحملت نظراته وكلامه نزلت دموعي كتله كافي امجد ماكو قسمه بينا روح شوف حياتك اهنا سمعت صوت ابني خايف يكول ماما منو هذا وشيريد منج يله خلي نمشي كتله حبيبي لاتخاف مارايد شي يله خلي انروح ردت اطلع مكدرت جان لازم زندي قوي بتك ايدة كال هذا ابنج كتله اي وبعدين انداريت لابني كتله امجد ماما اطلع اوكف برة دقايق واجيك ماحسيت الا هو سحبني قريب عليه صار عيونه بعيوني

امجد ..انصدعت واذني انزرفت من سمعت اسمي تصيح بي ابنها كتلها الله ..لا وجماله مسميه ابنج امجد وتكولين اني نسيتك وروح شوف حياتك انتي شنو اتجذبين عليه لو ع نفسج ياحياة هاي الي اعيشها بدونج وانتي حتى ابنج امسميته ع اسمي ها ..

جنة ..دفعته وحجيت بعصبيه كافي امجد انت اتخبلت اشلون تتجرئ تسوي هجي واني متزوجة اشلون تقبل ع نفسك كتله خلي نفسك مكاني لوانت متزوج هم تقبل تخون مرتك

امجد ..اني مااخون احد ولاانتي تخونين كتلج يجي يوم تصيرين الي وهسه اتشوفين ..

جنة ..مبين انت ماكو فايدة وياك احسن شي اعوفك واروح رحت مشيت ردت اطلع كالي اسم حسابه بالفيس اني مااهتميت طلعت ورحت ورجعت للبيت حتئ ماجبت الغراض خليتهن يمه بالكوزمتك ...وبعدها اخويه صار زين واني رجعت لبيتي فديوم قاسم جان نايم وابني هم ...

جنت اريد انام ماكدر يجي بالي شكل امجد وكلامه وتصرفاته جنت اشوفه غصبن عليه افكر بي كعدت استغفرت ربي وانداريت شفت قاسم نايم جنت ضايجة حيل كلت ياربي ارحمني وطلعه من بالي خطيه هالرجال شنو ذنبه اني بذمته وافكر برجال ثاني وراها اختنكت من التفكير كعدت بجيت بعدها فتحت الفيس كلت خلي اتصفح اشويه وادوخ وانام

حتئ ماافكر بشي بعدين شفت صديقتي سمسمة هي موبس صديقة هي امي واختي وبنتي كلت خلي احجي وياها اشويه الهي نفسي حجيت وياها هي حست كالت اشبيج اختي احجيلي حجيتلها انو اني جنت احب واحد وصار هجي شفته صدفه وهجي كالي

سمسمه ..لا خيتي لاتفكرين بي انسي بعد ..لان انتي متزوجة واعندج ولد وهذا الكوزومتك لاتروحيله بعد غيري من غير مكان اشتري ..

وانطيني وعد ماتروحين بعد لهذا الكوزومتك لان اخاف عليج بعد

جنة ..تمام وعد ماافوت من يمه بعد وصار بعد مارحت لهذا الكوزومتك هسه كلشي احتاجه اروح وياقاسم بغير محلات من يومها بعد لاشفته ولاشافني والحمدلله هسه ماكو بالي غير زوجي وحبيبي وبس ..

ومرت الايام
وطبعا احنا من اجينا ابيتنا كعدنا ورة ماستقريت الحمدلله خلصت من القال والقيل والمشاكل زوجي صار يحبني حيل مامقصر علينه بشي حسيت عايشه بالنعيم بس جان دائما زوجي يكولي لاتتطلعين برة ابد ولاتتخالطين وياجوارين كعدي بيتج وسدي بابج ماعليج بأحد ولاتثقين بأحد انتي وحدج بالبيت خلي عينج ع البيت وع امجد لان اني اطلع من الصبح ارجع المغرب

جنة ..لاتخلي بالك يمنا حبيبي لاتخاف هو اني مااحب اطلع برة واختلط ويه الناس الي ماعرفهم جان بس مرات وكت العصر امجد يطلع برة يكعد ويه اصدقائه اتعرف عليهم بالمدرسة الي هما طلعوا جوارينا اني ماجنت اعرف احد بس امجد يطلع يكعد وياهم

فمن جنت اطلع اصيح امجد جنت اشوف ابنيه شابة دائما تجي تمر من كدام بابنا وتروح لخالتها لان خالتها عدها محل كماليات كبال بابنا بالضبط جانت تفوت لهذا المحل تقريبا جم مرة شفتها مرات تجي بس تسلم وتروح او تحجي وياامجد ..لان ابن خالتها وياابني بالمدرسة نفس الصف هما ..

جنت اسمع صوتها تحجي وياامجد وتروح اني عبالي تسأل علمود اخوها فد يوم جنت محتاجة اشويه عطورات ومكياج وشغلات نسائيه كلت لقاسم اريد اروح يم هاي المرة الي عدها كماليات اشتري شغلات كال روحي بس لاتتاخري واخذي امجد وياج كتله تمام لبست عبايه وخليت شال ع راسي ورحنا اني وامجد دخلت للمحل شفت هاي الابنيه هي جانت اسمها مريم شفتها واكفه وياخالتها وديحجون

ف شافوني وكتلهم سلام عليكم هما هم ردوا السلام رحت دورت ع شغلات الي اريدها شلتهم وخليتهم بالعلاكه رحت خليتهن كدام المرة كتلها بلازحمة شوفي هذني اشكد اسعارهم فشافتهم كالتلي ع السعر مالتهم انطيتها وبعدين المرة ساألتني كالت اني اول مرة اشوفج انتي وين تكعدين

كتلها صح اني جديدة بهاي المنطقة وهذا بيتي اشرتلها بيدي كتلها هذا مقابيلج

جارتي ..يعني انتي جارتي ومااعرفج

جنة ..ضحكت كتلها اي صح

جارتي ..بس ولامرة شفتج برة

جنة ..حبيبتي اني ماطلع زوجي مايقبل يغار عليه

مريم ..اي عيني حقه زوجج يغار عليج اذا عده هجي كيكة مثلج طبعا يغار

جنة ..ضحكت كتلها تسلمين حبيبتي انتي الاحلئ

مريم ..بس لاتكولين هاي السيارة التكسي تتطلع دوم من بيتج هو زوجج

جنة ..اي حبيبتي زوجي يشتغل تكسي

مريم ..ضحكت وكتلها بصوت عالي صدك الله عليج هذا زوجج وج عبالي ابوج او خو زوجج

جنة ..ضحكت كتلها لا حبيبتي زوجي

مريم ..بس انتي حلوة وصغيرة اشعجب متزوجة رجال اكبر منج

جنة ..ماحجيت الها شي كتلها قسمه ...واحنا جنا نحجي دخلن جم نسوان ع المحل وبعدين مريم كالت تعالي ع صفحة احنا نحجي وبعدين طلعت موبايلها شوفتني صورتها هي واختها كالت اليوم العصر جننا بحفلة خطوبة اخذنا صور كومة اني واختي

خلي اشوفج شفت صورهم كلش جانو حلوين كتلها بس اختج ماتشبهج اختها جانت بيضة وعيونها عسلي ودبدوبة حيل وهي جانت سمرة وعيونها بني جانت مربربة وضخمة

مريم ..عندج فيس او شي

جنة ..اي عندي فيس

مريم ..عادي تنطيني اسم حسابج واني هم انطيج اذا تقبلين يعني

جنة .. اي عادي حبي انطيتها اسم حسابي وهي هم انطتني حسابها ورجعت لبيتي

قاسم ..وين صرتي شو اتأخرتي ...

جنة ..هاي الابنيه جنت دوم اشوفها تمر من كدام بابنا جانت تباوعلي وتبتسم وتسلم وتمشي هسه شفتها بالمحل طلعت مال خالتها وهي تجي يمها

قاسم ..اهااا يعني لكيتي صديقة الج ههههه

جنة ..اي وضحكت وبعدين رحت حضرت العشا واتعشينا وخلصنا ولملت مواعين ونظفت المطبخ والبيت واجيت كعدت يم قاسم وفتحت الفيس كمت دورت بالبحث ع اسمها ولكيته ودزيت الها رساله بس ماجاوبت

وراها ثاني يوم جانت الدنيا ظهر متمددة سمعت صوت رساله من ماسنجر اجيتني كمت رحت اشوف منو شفته هي دازة وكاتبه هلو انتي منو حجيت وياها كتلها اني ام امجد البارحة من جنه نحجي بالمحل مال خالتج

مريم .. اهاا اي اي عرفتج

جنة ..بعدين حجينا اشويه وسالتني عن اسمي وعمري واني هم سالت عن عمرها كالت عمري 18سنة كتلها بعدج صغيرة بس ماتبين عليج بس احسج جبيرة

مريم ..هههه لا بس لان مربربه وضخمه ابين جبيرة

جنة ..يمعودة عبالك اني اختج الصغيرة ههههه

مريم ..صح انتي حلوة مايبين عليج انتي جبيرة لعد اشلون اخذتي هالرجال

جنة ..حبي قسمه وصارت بعدين ورة فترة علاقتنا قوت حيل صرنا يوميه الصبح والضهر والعصر وحتئ باليل جنه نحجي جنت من اضوج كبل اروح احجي وياها حتئ هي هم فديوم كالتلي جنة اكولج شي كتلها كولي

مريم ..اني حيل مرتاحة الج وحبيتج هوايه اكثر من امي واختي

جنة ..حبيبتي اني هم احبج

مريم ..صدكي من اضوج او اريد افتح كلبي لاختي دوم تتعارك ويايه وترزلني ماتسمعني ابد ولاتنصحني بشي بس انتي غيررر شكل شفت يمج الحب والاهتمام والحنيه الي فقدتهم بأهلي ..اني ابويه متوفي واخويه متزوج وطالع من البيت واختي اكبر مني متزوجة هسه اني وامي عايشين ويااهل امي

دوم يتعاركون ويانا وخاصة اني مايحبوني ابد وامي عدها راتب مال ارامل ياخذوا منها كله وامي تخاف من المشاكل وتنطيهم ومن احتاج شي امي تكول ماعندي 😔😔

جنة ...الصراحة انقهرت عليها كتلها حبيبتي انتي ..اني اختج وامج اي شي تحتاجين اني موجودة مرات تجي يمي بالبيت نكعد ونسوي عصرونيه جاي وكيك وحب ونكعد ونحجي مرات تبجي لان ماعدها احد يصرف عليها

كتلها حبيبتي اعتبريني اختج اي شي تردين لاتستحين جنت من اشتري قماش اليه اشتريلها نفس للقماش او شال نفس لون اني وياها مرات جانت تتطلب فلوس جانت تكول من يصير عندي ارجعهن الج جنت انطيها مااقبل اترجعها جنت من اطبخ شي طبخ غريب جنت ادز لها وياامجد او اسويلها كيك ادزالها

جانت دائما العصر او الصبح تجيني جانت تكول حتئ تصيرين وحدج من اجي يمج عيب من زوجج استحي اجي المغرب لان هو بالبيت حتئ باليل هوايا جنه منتراسل بس بالنهار يوم ورة يوم شفتها بعد ماتراسلني الابليل او ماتجي الا ورة المغرب

وجانت دوم تجي تفوت توكف ويازوجي تشاقة وتحجي ساعات اني ماجنت اغار جنت اكول هي صديقتي مستحيل تخوني او هم بعدها طفلة ماتعرف تصرفها عادي وبعدين شفتها تريد تبعدني عن قاسم جانت دائما تكول زوجج عينها زايغة بس يبصبص عليه 😕

جنت اكولها لايمعودة هوه معتبرج اخته من سمعت كلمة اخته عوجت حلكها 😏 وراحت جنت دائما اكول مريم انتي صايرة بعيدة عليه لاتسالين ولاتجين جانت دائما تكول والله امي ماتقبل اطلع كتلها لعد ليش ماتحاجيني بالماسنجر جانت تتحجج او ماعندي شحن او اشتراك ماعندي او تكول تعبانه وانام جنت اعذرها ..

لاكن للاسف مجنت ادري المي ديمشي من جوايه 😔😔

وللحكاية بقية ..

شتتوقعون ليش هيج جنة كالت 🤔🤔

#يتبع......

#سارة_المجيد