#اضعت_ربيع_عمري

#بارت_الرابع

#بقلمي_سارة_المجيد

مساءكم ورد جوري احبتي 
🌹🌹🌹🌹🌹🌹🌹🌹

جنة ..وبعدها ماحسيت ع نفسي غير بس امي تصيح عليه
كالت يله كومي كملي شغلج لاتخليني اجرج من شعرج ........
كمت كعدت واني احس جسمي مكسر من الضرب ومن نومة الكاع .....
كمت رحت غسلت وجهي ....شفت وجهي بالمرايه تكول بزونه هاجمه عليه املختني باضافيرها ......كله خدش وصايرة خريطة  بلكوة غسلته ......ورحت للمطبخ شفت متريكين وامي مسويه ريوك مكملين وماكلين ......وذابه المواعين ع المغسلة واني جنت مااشتهي .....
لان من القهر وجهي وجسمي مايوجعوني هلكد ماكلبي يوجعني .....

رحت غسلت المواعين ونضفت المطبخ وكملته .....رحت ع الغرف رتبتهم ونضفت وغسلت كملت كلشي .....
امي جانت بس تطبخ الغدة باقي الشغل عليه بهاي اثناء اندك الباب ....

سمعت صوت مرة ....تحجي وياامي مديت راسي من الغرفه ....شفت اخت امجد وياها مرت اخوها ...يممممه گلبي راد يوكف .... اتجمدت بمكاني من شفتهم .....

جسمي انتفض مثل السعفه مادري خوف مادري قلق مادري فرحة .....مشاعر مخربطة امتزجت بداخلي ....شفت امي اندارت عليه باوعتلي صفح ....
كالت طبي جوة .....خزرتني واني كبل ركضت جوة خفت هم راح انكتل ف امي استقبلتهم بس بوجه ثكيل ......لان من دخلوا هما كالوا احنا من طرف امجد وراها كعدو .......كبل اخته فتحت الموضوع كالت اجيت اخطب جنة لامجد

امي ..قاطتعها كالت قبل كلتكم بنتي صغيرة مومال زواج ماازوجها لحد ما ازوج اخوانها يعني انتوا متجوزون من بنتي .........

زينة ..ليش هيجي تسدين قسمتها خطية اخوانها بعدهم اصغار شتزوجين منهم .......واحنا بس نخطبها ونلبسهم ذهب ونعقد المحكمة زواج يبقئ ماناخذها هسة

امي ..اسفه ماعندي ابنيه للزواج وخلوا ابنكم يبعد عن بنتي واذا ردت ازوجها راح تتزوج واحد من عدنا .....لان انتو اكراد ابوها مايقبل تتزوج كردي واحنا تركماني مانتراهم يعني ...

جنة ..من سمعت امي هيج حجت انجنيت هاي قسطتي...... حجتها قصد حتئ يكرهوني امي راح اتدمر حياتي بأستبدادها وظلمها .......مجنت احس هاي امي عبالك مرت ابوية ودتقسه عليه برفض الانسان الي حبيته هم اكو أم هيج اتسوي ببنتها ماصدك والله ...

وامي من حجت هجي جانت عصبية يعني مثل طردة سوت الهم واخت امجد ماتحملت حجي امي وتصرفاتهم ..

زينة ...عيب تحجين بالقوميات انتي مرة جبيرة وبعدين احنا طول عمرنا عايشين بكركوك بين عرب واكراد .....فماكو داعي تكولين انتو اكراد ...واحنا تركمانيين كولي ماكو قسمة وخلاص شنو هالتجريح

امي ..بكلبي كلت يعني ابنكم ماتوب من الكتلة الي اكلها ااااخ ...كتلها شسويلكم داكولكم بنتي صغيرة مومال زواج انتو تلحون شتردوني اكول يعني

زينة ..اي دنلح لان دنشوف اثنين يحبون بعض ليش تفرقينهم .....شنو ذنبهم شنو ذنب بنتج تعيش طول عمرها كلبها مكسور ...... ماتحبين بنتج تعيش مرتاحة وسعيدة ويه الشخص الي يحبها ويحترمها ...... سوا المستحيل علمودها واخونه اتمرمر من شغل ليشغل علمود يسعد بنتج وتاليها انتي تريدين ادمرينهم

امي ..بنتي ماتعرف مصلحتها بعدها صغيرة وشغلت الحب اثنين مراهقين باجر يكبرون وينسون

زينة ..لا امبينه انتي قافلة بعد وتريدين تحطميت بنتج

امي ..ياريت بعد لاتجون ماعندي ابنيه للزواج والله وياكم عيني

جنة .. فشلتني امي هاي صار ثاني مرة تطردهم بعد فاراحوا واني جنت اتسمع الهم واني استسلمت .....بس حسيت روحي طلعت لسما مابقئ، روح بيه حسيت بفرررراغ كبير بحياتي

امجد ..من رجعوا اهلي من يم حبيبتي وكلولي ع الكلام الي كالته امها حسيت الدنيا انهدت ع راسي .....
يعني معقولة جنة راحت من ايدي..... معقولة خسرتها بسبب القوميات والطائفية ليش هيج امها اتسوي .....شنو ذنبنه لان حبينه بعض بصدق وصفاء نية ...الله يجازي الي جان السبب 😔😔😔



((كولولها هوايه أنجرح لمن يمر طاريهه
كولولها هيه النفس عايش لاجلهه وبيهه
  كولولها يحب يقترب ويخاف ليأذيهه
كولولها دموعه جمر من يقترب يجويهه
كولولها بكلبه كتم حبه الج وأحساسه
كولولها يضحك جذب مابين أهله وناسه
  كولولها شابع حزن من جدمه ولحد راسه 
كولولها انتي النبض وانتي الهوا وانفاسه
  كولولها خاوه الحزن وعاف الفرح وأيامه 
كولولها ظهره أنكسر يجمع بقايا أحلامه
  كولولها وكت المسا يغفى بوسط ألامه
كولولها مات المحب واندفن وسط اوهامه
#كولولها

جنة .. جان اخر أمل الي بهاي الدنيا وبسبب أمي فقدته ......وراها انتكست واتدمرت احس نفسي ميته وامي كله تعاقبني بالشغل ....
ودوم عصبيه ومن يصير الها فرصة تكعد تحجي عليه وترزلني ......
ومرات تسوي تحقيق ويايه .....اتكولي احجيلي اشلون تعرفتي عليه .....واني حجيت الها اشلون تعرفنا

امي ..انتي وحدة ادبسزز اشلون سويتي هجي مافكرتي بابوج واخوانج اذا انفضحتي شيصير بيهم

جنة ..جنت ساكته اني مااجاوب بس دموعي تنزل ......
وصار الليل وابويه رجع من الموصل وشافني انصدم

بابا ....هاي اشبيج اشبي وجهج ليش هجي صاير بيج

جنة ....خنكتني العبرة .....كتله مابيه شي بست ايدة واختنكت ....دموعي نزلت ....كبل ركضت ع المطبخ حتئ احظرله العشا ......وماخليت يشوف دموعي
راح دخل الجوة وامي استقبلته كال هاي ليش هجي وجها جنة اشبيها

امي ..اني كتلتها تستاهل

ابوية ..بعصبيه ونفاذ صبر ليش وشنو سبب حتى اتملخيها هيج

امي ..لان صايرة وقحة وادبسزز صايرة ماتشتغل .....وترد عليه وعينها صلفه

ابويه ...بعصبيه .......انتي هم اشلون ينطيج كلبج هيجي تسوين ببنتج علمود الشغل

جنة ..جنت اسمعهم وبكلبي غصة ودموعي حركن خدي امي عرفت شلون اتسكته بكلام حلو منها ......وغير الموضوع عليها ومشت هيجي ومر عليه ايام واسابيع وشهور ماكو بعد لاشفت امجد ولاسمعت صوته ولااجه ......
بس مانسيته جنت مثل المجنونه جنت انام اسمع صوته يحاجيني ويغازل بيه ويشاقيني ......وبعدين افز من النوم

جنت اشوف نفسي داحلم وجنت اكعد ابجي وابجي .....لحد ماادوخ وانام هيجي صارت حياتي .....بسبب القوميات والحب 💔😭

بعد فترة جنه كاعدين .....اجو بيت خالتي لبيتنا دنيا مغرب وهاي خالتي الصغيرة عدها ولد وابنيه .....ف شفنا بيت خالتي اجو رحبنا بيهم واستقبلناهم شفنا خالتي وزجها وجهم موتمام .....امي باوعت عليهم كالت شكو خير خو ماكوشي امي حجت هجي .....وخالتي منا انفجرت بالبجي

امي .....خير بشرئ اشبيج احجي وكعتي كلبي صاير شي

بشرى ..بنتي زينب مريضه .....اخذناها للدكتور وسولها اشعه ....وتحاليل وسونار طلعت عدها ورم براسها .....ولازم نعالجها بلكمياوي

جنة ...اني اهنا انهاريت بالبجي لحالت هاي البنيه .....وكذالك كلبي مليان جروح وقهر بجيت وياخالتي .....وحضنتها خطيه كسروا خاطري لان ابنيه صغيرة عمرها جانت 5سنوات ....مومال هجي مرض بس هاي ارادة رب العالمين خطيه

حتئ،كمت سويت الهم العشا .....كوولشي مااكلوا كاموا راحو كالوا باجر نطلع للموصل نعالجها بالكمياوي .....لان بذاك الوكت جان بالمستشفيات كركوك ماكو علاج كمياوي لازم لو بغداد...... لو الموصل .....هما كالوا الموصل احسن وامان ......لان بغداد مو امان وهم جان عدهم كرايب بالموصل بيت خال زوج خالتي ......
يعيشون بالموصل كالو انبات هناك علما يخلص علاجها .......

وبعدها خطيه جانو كل اسبوع يودون الطفله للموصل ......ويضربوها ابر كمياوي ويرجعون ......بعد ماخلصت العلاج مال الكيمياوي .......الدكتور كال لازم عمليه راح نفتح راسها .........
حتئ نشيل الورم والكل دروا خالاتي وخوالي وعمام وعمات الطفلة حددوا الموعد ......ع اساس كالوا باجر العمليه وصار الصبح امي وابويه راحوا طلعوا من الصبح .......حتئ يروحون للمستشفئ وحتئ امي توكف ويااختها بمحنتها .....لان خالتي محتاجتهم يمها .....
وامي قبل لاتطلع جابت مرت عمي خلتها يمنا لان ماجانت تثق بيه بعد .....
جانت تخاف يمكن لو اطلع او نتشاوف اني امجد فخلت مرت عمي يمنا وراحوا للمستشفئ .......فصارت الدنيا ليل يله رجعوا من المستشفئ .......

واني وخواني جنه كاعدين ننتظرهم يجون يبشرونا بنجاح العمليه ......واني طول ماراحوا كملت شغلي وطبخت بس مااشتهينا ابد جان بالنا يم البنيه خطيه كمنا اني واخواني اتوضينا وصلينا الها .....وكعدت ادعي .....وابجي ع حظي وحالتي ......وع حالت الابنيه .....

والله بالليل اجوي امي وابويه كالوا الحمدلله طلعت من العمليه .....بعد بقت يم الله كلنا الحمدلله .....المهم طلعت من العمليه كمت حظرت العشا لامي وابويه اشويه اكلوا وكاموا من الاكل لان جانوا مايشتهون .....لان هم جانوا مقهورين ع الطفلة ف بعد صاروا امي وابويه يوميه يزورون بنت خالتي بالمستشفى ،ضلت 5تيام بالمستشفئ. ......قبل ماتتطلع من المستشفى بيوم ابويه ماجان موجود لان راح للموصل علمود شغلة .....

وبيوم....
قبل ماتتطلع خالتي وبنتها من المستشفئ امي راحت من الصبح للمستشفئ واخذت وياها اخوية الجبير .....لان ابويه جان بالشغل .......ف راحو امي واخويه وبقيت اني واخواني اثنين بالبيت .....لان امي كالت اليوم راح نرجع من الوكت لان اليوم يطلعوها من المستشفئ ....وكالت قبل لاارجع تكملين كل شغل البيت وتسوين الغدة لان نرجع ع الغدة

كتلها زين والله هما راحو واني اخواني بقينا اخوي الصغير جان كلش حنين ويحبني كال جنونه راح اساعدج بشغل البيت امي كلش قاسية وياج هوايا تتعبين بالبيت كلت لاحبيبي انت روح اكعد باوع ع تلفزيون واني هسه اكمل

محمود ..لالا ابد الا اساعدج ههههه

جنة ..فدوة لعمرك اخوية حبيبي .. اني جنت اغسل مواعين هو يلمها خلصنا مواعين نظفت المطبخ كله ورحنا غسلنا البيت .....واني غسلت الملابس وكلشي كملنا وحتئ بالطبخ ساعدني حبيبي ههههه والله خلصنا كملنا كلشي .....وكعدنا ننتظرهم حتئ يجون .....وجانوا فرحانين لان راح يطلعون الطفلة من المستشفئ والله صار الظهر ...ساعه ب1 ونص اجوي زوج خالتي جاب امي واخويه بسيارته وصلهم للباب وراح .......دخلوا امي واخويه ركضنا عليهم كلت ها ماما طبعا مااكول ماما احنا نكول نانا بالتركماني ههههه فد كلت ها ماما شصار

امي .... الحمدلله طلعوها .....واحنا هم رجعنا وحظروا نفسكم باجر من الصبح نروح لبيت خالتج ....حتئ تشوفون زينب وتحمدولها ع سلامتها ع طلعتها من المستشفئ بسلامه .....

جنة .....طبعا اني حيل فرحت كلت واخيرا راح اطلع من البيت ....اشويه اغير جو واطلع من جو الحزن والكئابة ولو قهر الي بكلبي ......وفراقي بحبيبي مانساه طول عمري والله عاد اتغدينا وكملنا ونضفت كلشي امي راحت نامت لان جانو تعبانين ......واني خلصت شغلي ورحت سبحت .....
جنت احب اسبح الظهر وطلعت رحت بالغرفه ثانيه اتمددت اجا باذني صوت حبيبي فزيت كعدت كبل ركضت للباب عبالي ديصيح باسمي بالشارع والله فتحت الباب وماشفت شي جانت اتهيئلي عبالي جان صدك 😔

ودخلت سديت الباب رحت لغرفتي ذبيت نفسي ع جربايه ......واختنكت كعدت افكر بي وبكل شغلات اشلون جنه نحجي بالليل بسكته ....واشلون من جان يخابر بالنهار كبل جان يكول عندج مجال .....اذا ماعندي جان. اكوله لاغلط ههههه مرة خابرني كال عندج مجال ....هو جان عندي بس ردت اشاقه وياه ......كتله لا هو كبل سدة واني متت ضحك وبعدين خابرته كتله اشلون تسدة بوجهي ......

امجد ..غير انتي كلتي ماعندي مجال ف شسوي سديته

جنة ..اشكد جبان انت هههه

امجد ..ولج اني موجبان غير اخاف عليج من امج الشرسة 😂😂

جنة ..عابت 😂😂

..بقيت اذكر كل هالشغلات الحلوة بينا ومتت بجي حسيت احشائي دتتكطع بداخلي من قهري  ......بقيت ابجي لحد ماورمت عيني 😔

وصار العصر امي كعدت شافتني كالت اشبيها عيونج 😒 كتلها مابيها شي .....بس سبحت ودخلت صابونه بعيني .....لمت حلكها وراحت 😕
يعني ماقتنعت والله بالليل امي خابرت ابويه كالت باجر نروح بيت اختي لان طلعوا بنتها من المستشفئ  ........ابويه كال روحوا والله صار الصبح كعدنا اتريكنا وخلصنا ونضفت كل المواعين والمطبخ رحنا بدلنا ملابسنا اني. واخواني وامي ف طلعنا رحنا بيت خالتي .....

طبعا بالتكسي رحنا لان اشويه بعيد علينا نص ساعه بالسيارة .....والله وصلنا ودخلنا بيت خالتي استقبلتنا خالتي ....وحماتها يعني اخت زوجها جانت ابنيه بالبيت عايشة وياهم طبعا خالتي هي جانت عايشة ويابيت عيالها ......وجان عايش وياها 3 حماها وابنيه وحدة مامتزوجه.

واثنين بنات متزوجات فااستقبلونا خالتي وحماتها كعدنا اتحمدنا الهم بسلامه ع طلعة بنتها من العمليه بنجاح ......ف سوولنا غدة وكعدنا نحجي .....ف شفت ابنيه حماتها لخالتي كالتلي تعالي نروح لصاله نكعد اشويه اشوفج صور مال اهلي كتلها ديله كومي ........ والله رحنا كعدنا طلعت كل البوم صور كالت هاي امي الله يرحمها وهذا  ابويه .....وهذا اخويه الجبير هو وزوجته

جنة  .....هذول وين ليش موعايشين وياكم

نوال ...... بنو البيت وطلعو هسه هما كاعدين مقابيلنا

جنة ....اهااا حلوو .....وبعد شوفتني صور اخوانها وخواتها متزوجات وبالاخير شوفتني صورة اخوها كالت هذا اخويه كتلها متزوج

نوال ...لا بس هسه داندورله ع بنت حلال وان شاءلله راح يتزوج وبعدين شلت صورة وشوفتها كتلها شنو رائيج بأخوية 😁

جنة ..اني انصدمت كبل شمرت الصورة شتقصد هاي ..

نوال ...ضحكت هههههه كتلها اشبيج ليش هيجي سويتي بالصورة لاتخافين ماياخذج هسه واحجي واضحك

جنة .....اني حسيت الشغلة بيها انه ضجت واتنرفزت كتلها لا شنو ياخذني ماياخذني اني مااتزوج

نوال ...ليش عيني اشبي اخوي شوفي طوله وضخامته وجنه الممثل التركي اسمر فدوة لطولة يجنن 😏

جنة ..مو مشكله عاجبني او ماعاجبني بس اني بعدني صغيرة مو مال زواج

نوال ..ياصغيرة بكدج اتزوجو وعدهم جهال يمعودة

جنة .. كلامها ضوجني وانقهرت حيل كلت بكلبي لا اشلون اعوف امجد واتزوج واني ماعرف شي عنه بعد ماطلعوا خواته من بيتنا 😔😭

كتلها لاعيني مااتزوج وان شاءلله تلكون بنت الحلال الي تسعد اخوج وبعدين اني امي ماتقبل اتزوج لان تكول انتي اصغيرة وبعدين ازوج اخوانج يله ازوجج

نوال .... ضحكت كتلها واذا كتلج امج موافقة انو تتزوجين اخوي 😉

جنة ..😲اني انصدمت كلت شنو امي موافقة مستحيل شدتحجين انتي

نوال .....اي مثل ماكولج حبيبتي ......من جانو بالمستشفئ ....خالتج طلبتج من امج وامج وافقت .....بس كلنا ننتظر علما زينب تصير زينه ....ونطلعها من المستشفئ ....وبعدها نجي نخطبج ...

جنة ..طبعا بهاي اللحظة مادري اشصار بيه لوميته ولاسامعه هذا الخبر ....اشلون صار هيجي ....وما اكدر لااحجي ولا ابجي بس ضليت ارجف .....وعيوني غوركن حسيت صدري اختنك ....كوه كمت اجر النفس احسه ميطب الهوه لريتي وراها كمت كعدت يم امي وخالتي بس مافتحت موضوع ......كلت اشوف هما يحجون شي بس هما هم ما فتحوا ويايه اي موضوع ....... ضليت بس كاعدة وساكته بس احس نفسي دايخة من الصدمة والقهر حسيت بوجع قوي بمعدتي وبطني كوة لازمه نفسي .....
وبعدها صار العصر ......كلت لامي يله خلي نمشي نرجع للبيت .....زوج خالتي ماقبل كال ماكو روحه تبقون تتعشون يله اكعدوا

امي ..لا ابو اشرف منكدر لان طريق بعيد وابوهم ماموجود اشلون نرجع ..

زوج خالتي .. مو عيب لعد احنا شنو موعدنا سيارات موسيارة وحدة.... كعدوا ماكو روحة

جنة ...هفففففف طكت روحي  امي ماصدكت كعدت واني ضليت بس احوص بس اريد اطلع اختنكت ....والله خالتي كالت كومي جنة يله ساعديني حتئ نسوي عشا .....لان امج اتكول انتي طبخج ايجنن كلت بكلبي  عجيب امي منين نزل عليها هالحنيه حتئ تمدحني 😕

فكمت رحت للمطبخ ويه خالتي حتئ اساعدها .....وحماتها هم اجت حتئ تساعدنا وبعدين شفت خالتي وحماتها يباوعون ع بعض وخالتي غمزت الها ماعرفت شنو السالفه .....حماتها كالت انتي روحي كعدي يم اختج اني وجنة انسوي الاكل ونحجي ويا بعض .....خالتي كالت زين وراحت ......وبعدين حماتها كالتلي جنة تعالي اشويه نطلع للحديقة علما يستوي الاكل

جنة ..تمام يله ..طلعت للحديقة وياحمات خالتي اشويه وكفنا هي كالت اوكفي اهنا هسة اجيج كلت تمام هي راحت ورة دقايق شفتها اجتي واجه وياهه واحد امبين جان بالكوه جايبته .....امبين الولد ماجان يريد يجي اصلا الولد طويل وضخم ..والله جابته

وكف مقابيلي شفت هذا الولد نفسه الي بالصورة من شفته الظهر اخته كالت نريد نزوجه اني اتورطت صار وجع بطني ودخت وضليت ارجف  ........الولد واكف كبالي بس يباوع بعدين اخته كالت لاخوها داحجي وياها اشبيك ع اقل كول الها اهلا بيج

قاسم .....بأرتباك  ....احم اشلونج

جنة ... تمام ضليت اباوع عليه جان ولد ضخم وطويل ولون بشرته اسمر طوخ يعني اجلح واملح ههههه وعيونه بني وعندة لحية خفيفه يشبه اسمر صدك 🤔

بس اني ضليت مرتبكة وخايفه من الي كالته اخته الظهر ....يطلع صحيح بس لايزوجوني لهذا ...واني مااكدر اعيش ويا احد غير امجد .....

قاسم ....بقيت اباوع ع هل بنية جانت كوولش حلوة بس ماهتميتلها شفتها جامدة مدري شبيها حجت حجاية وطفرت  عبالك مغصوبة وكوه ساحليها 😕

جنة ....مكدرت ابقه اكثر بعدها خليتهم بمكانهم ودخلت جوة حتئ، ماساعدتهم بعد حصرت نفسي بزاوية .....وماحجيت ويا اي احد وبعدين انتبهوا عليه امي وخالتي وحماتها .....كالوا اشبيج ولونج اصفر ....... حماتها لخالتي ضحكت كالت ماكو شي لاتخافون عليها كل ابنيه من يجون الها خطابه تصير بيها هيجي .....

جنة ..لامابيه شي بس بطني توجعني ..شفت امي غمزت لحمات خالتي يعني سكتي هسه مو وكتها .....وبعدها حظروا العشا واكلنا وكملنا اني مااكلت ضليت بس العلب بالماعون لان متوترة وماعرف اشكاعد يصير من ورايا ....والله كملنا وخلصنا كمت ساعدتهم ورحت وكفت يم خالتي ......جانت تسوي جاي رحت يمها كتلها لخالتي اريد احجي وياج ....

بشرى ..... احجي ماكو احد

جنة ....خالة هاي اشكاعد يصير من ورايا ممكن اتفهميني فدووة 

بشرى  ..شنو يعني شديصير

جنة ..شنو سالفه الخطبه وتجيبون الولد حتئ اشوفه ويشوفوني صورته

بشرى ...سكتت شويه بعدين كتلها اني افهمج السالفه ترئ اني ماعليه

جنة ....اي فهميني وانتي ماعليج من شنو ترا قلقتيني والله

بشرى ... شوفي احنا من جنه بالمستشفئ ورة ماطلعت بنتي من العمليه صارت زينه وارتاحينه وجنت اني وزوجي وامج كاعدين اجه قاسم طبعا هذا الولد الي شفتي بالحديقة اسمه قاسم

جنة ..اي كملي

بشرى ..من اجه قاسم كعد سلم علينا وسلم ع امج وراح كعد يم بنتي اشويه وبعدها راح ف زوجي كال والله هذا هم دوخنا يريد يتزوج ......ف امج كالت اشلونه طبعه كتلها مثل طبع زوجي ف امج كالت اذا تريدون انطيكم بنتي ......
اني الصراحة انصدمت بحجي امج اشلون هيجي كالت ......كتلها من كل عقلج .....امج كالت اي ليش اشبي الولد كتلها مابي شي بس الولد جبير ع بنتج لان بنتج صغيرة ...

امي ..لا شكو بيها رجال اشكد مايصير جبير احسن يضل يعرف قيمتها احسن من زعاطيط هل وكت يقشمروهن بالحب والخرابيط ..

بشرى ..ف زوجي كال ماشي خلي نطلع من المستشفئ وهم خلي ابوها يرجع والله كريم وهاي كل السالفة

جنة ..من سمعت هل حجي انصدمت صدمة بحيث حسيت بنفسي رخيصه وللبيع والا شنو معناتها امي تعرضني الهم للزواج اني بجيت كلت يعني شنو خاله امي تزوجني لهذا الرجال الجبير

بشرى ..والله حجتلي سالفتج اشلون لاكفتج ويه هذا امجد .... تحجين بالتلفون من يومها امج تكول ماعندي ثقه بيها بعد اريد ازوجها واخلص من همها حبيبتي انتي السبب الي خليتي امج تفقد الثقه بيج ...

جنة ..اني كعدت بالكاع ابجي كلت خاله والله جان حب صافي وبريء والله جان يريد يزوجني ....جم مرة دز اهله علمود يخطبوني .....بس امي طردتهم بحجة القوميه ......

بشرى ..اعرف امج حجتلي واني ردت اقنعها بس ماقبلت .....وامج راسها يابس ماتسمع لاي احد ..الله كريم بس صدكي جنونه والله ماتندمين اذا تتزوجين حماي والله طبعه حلو يحب يشاقه والله راح ينسيج حب امجد .....ويدللج وعنده سيارة يحب يطلع يفرفر .....والله تشبعين ونسه

جنة ... ما اريد خالة وما اكدر انسه حب امجد صدكيني .....ليش هيج اتسوون بيه حرام عليكم اوووويلي .. ولكم حسوا بنار گلبي الي حركتني حرك 😭😭

بشرى ..حبيبتي اذا امج كالت شي بعد ماتكدرين تسوين ضده وانتي منا ضعيفه وجبانه ماتكدرين تسوين شي واشوف بلكي اني احجي ويازوجي بلكي يغيرون رائيهم

وللحكاية بقية .....

شتتوقعون منو راح ياخذ جنة قاسم لو امجد 🤔🤔

#يتبع ...

#سارة_المجيد🎀