#اضعت_ربيع_عمري

#بارت_الثالث

#بقلمي_سارة_المجيد

مساءكم ورد جوري حبايب گلبي 🌹
طبعا شفت رأي الاغلبية يبقه النشر بنفس الوقت ساعة ب2 الظهر ..وراح امشي ع رأي الاغلبية ....
اتمنى لكم قراءة ممتعة احبتي ❤

جنة ..فجاة انداريت شفت امي واكفة ورايا وفاتحة عيونها وصاير وجها احمر مايبشر بالخير اصخام لا يالله ربي سترك 😱😱

امي ..ولج ويامنو جنتي تحجين ومنو هذا حبيبج ها

جنة ..اني كمزت من مكاني و وكع گلبي سديت الخط .....وجان امجد يسمع اني امي سمعتني هو هم يعرف امي اشلونها ويايه ......ومن هاي جان دوم يعاملني بحنيه والحب ...... لان جان يعرف محتاجة هل شي مالكيت يم اهلي .....هو عوضني عن كلشي فاني ضليت مصدومة ماكدرت احجي ولااكول شي .....

وجنت جبانه مكدرت ادافع ع نفسي وعن حبي اجتي امي ......كبل جرتني من شعري ودك راشديات ملختني تملخ وغلطت عليه ودك ضرب ودفرات

امي ..من سمعت جنه تحجي ويه واحد وعدها علاقة ويا اتخبلت .....عقلي طار من راسي اتسمرت بكاعي ....صحيت ع نفسي

وركضت عليها وجريتها من شعرها وكعتلها دك موتتها كتل .......كتلها تحجين منو هذا لو هسه احركج والله

جنة ..جانت امي تحجي وتضرب بيه واني جنت اصد ضرباتها الي ع وجهي .....

ملختني اتملخ وضليت ساكته بس ابجي ف امجد اشسوة دك ع تلفون وامي شالت السماعة هو جان عصبي حييل عصب ع امي وكال الها لا تلمسين منها ولاشعرة هي اشرف وحدة ديري بالج اتاذيها

امي ..انت ماعليك من بنتي ومنو انت واشلون عرفت بنتي والله لا اسوي بيك سواية الله واذا ماخليك تتندم ع علاقتك ببنتي سهلة ..

جنة ..جنت كاعدة بزاوية محصورة مثل البزونه بس ابجي ......وجنت اسمع صوت امجد يطلع من التلفون .....هلكد مايغلي من العصبيه وصاير نار .....لان يعرف هسه ماترحمني

امجد ..جنت حييل خايف ع جنة حسيت امها راح تنتقم منها ......دكيت عليها وصرخت بوجها .......وكتلها لتلمسيها واشلون عرفتها وماعرفتها مو مهم المهم لاتسويلها شي ......جنة شرفي وعرضي ديري بالج تلمسيها ......ترا احرك البيت عليكم

امي ..انجب حقير والزم حدودك فاهم وماريد بعد تتصل ع هل رقم ياحقير سديت الخط بوجهه

جنة .. ظل امجد بس يدك  ....وامي شالت الجهاز وركعته بالكاع .....كسرته من عصبيتها ظلت اتكطع بالوايرات مال التلفون حتئ مايبقئ خط .....وهم رجعت عليه كطعتني من الكتل بالصوندة وملختني باضافيرها وحبستني بالغرفه وراحت

امي ..اني الك يالاسمك امجد اذا ماخليتك تتتندم ع علاقتك بجنة ماتسمه بنت ابوي ..سهلة

رحت طلعت جهاز جديد مال تلفون وشكلته بالفيشة وخابرت ابن عمتي كتله اريدك بشغلة ..((طبعا هذا ابن عمتي حشاكم واحد ساقط تكه ماكو يموت ع الفلس)) ..

كتله اريدك بخدمه تروح لواحد هيج شكلة وبهيج مكان وبفلان ساعة يطلع لشغلة نطيته معلومات عنه ......

لان اهله من اجوي خطبوها لجنة نطوني كل معلومات عنه ......وكتله اخذ كم واحد وياك واريدكم اتأدبوا الي .....بس دير بالك احد يدري او يعرفكم .....هوه كيف قبل كال تدللي بنت خالي يجرالج اعتبري بالمستشفى نايم ..

امي ....عاشت ايدك ابن عمتي متقصر ..ومن تكمل المهمة تعال حتى انطيك الفلوس

ابن عمتي ..ماشي بنت خالي يجرالج ..اصبريلي كم يوم حتى اشوف جماعتي ونروح للعنوان

امي ..تمام عاشت ايدك ..

جنة ..جسمي جان كله امدمه ويوجعني واني ظليت جثة بلاروح ......شاغت روحي للسما مادري شنو حياتي اني شهل عيشة الي داعيشها كلها قهر بقهر ......يعني يم اهلي ماشفت لاحنية ولاراحة متكولولي وين اشوفها لعد .......

بقيت اشهك وابجي بحسرة واحس روحي انمردت وكعت من طولي ضليت بالكاع ابجي لحد الصبح وبعدها ماحسيت ع نفسي .

امجد ..من ام جنة كشفت علاقتي بجنة اسودت الدنيا بعيني .......جنت حتى الشغل كوه اروحله ........جنت خايف عليها لاتسوي بيها شي .......شكد دكيت عليهم ماكو مداحصلهم .......وكل وكت اروح يم بيتهم ماتطلع

ظل بالي حييل يم حبيبتي ...بيوم داطلع للشغل ماشوفلكم اله 3 متلثمين والتفوا عليه وضربوني .....

جنت اقاومهم بكل قوتي كدرت اضربهم بس بالاخير واحد منهم طعني ابسجينه ومحسيت ع نفسي ..الا واني بالمستشفى ..

شفت اخوتي وخواتي يمي ركضوا عليه كالوا شصاير وياك منو الي ضربك سجينه .......اني شوية صحيت ع نفسي سئلتهم منو جابني هنا

اخوية كال جماعة شافوك مدمه مشمور بالشارع شالوك وجابوك للمستشفى وواحد منهم طلع صديقي يعرفني وعرفك اخوية  واتصل عليه .....

وجبت اهلي واجيتك احجيلنه هسه منو ضربك هيج وليش ..

امجد .. والله مادري الصبح داطلع للشغل ماحس والا 3 متلثمين التفوا عليه وضربوني واني هم ضربتهم بس بالاخير واحد طعني بجتفي ...احتمال سلابه ورادوا يبوكن فلوسي

بهل لحظة اجه ضابط شرطة يحقق بالقضية وسئلني المن تتهم الك اعداء ومن هل اسئلة ..

كتله لا سيدي ماعندي اعداء
بعدين صفنت كلت معقولة ام جنة الها ضلع بالموضوع .....بعدين كلت لالا ممعقولة شنو لهل درجة ......انسدت السالفه ضد مجهول ..

وره يومين طلعت من المستشفى وحالتي حالة ......كوه امشي انوب امي وكعت عليه.....
مرضها اشتد عليها ولازم اسفرها لتركيا حتى تتعالج .......والله من اتشافيت من ضربة السجين جمعت كل فلوسي الي جنت مجمعهن لزواجي واخذت امي لتركيا للعلاج ......
دخلتها المستشفى وسوولها التحاليل والفحوصات وحددوا موعد العملية لاستأصال الثدي وره عدة ساعات طلعت من العمليات وواخذناها للغرفة وره اسبوع طلعنه من المستشفى ورجعنه للعراق بس حالة امي بالنازل مجانت تستجيب للعلاج الكيمياوي ...
ومرت الايام وجانت الصدمة الي هدت عمري وحسيت نفسي ضايع من اخذت المنية امي من بين ايديه 😔 ..
ماتت امي وانحرمت من حظنها ..حسيت خسرت كوولشي احبه بهل دنيا خسرت امي وخسرت حب عمري .....
بس ما ايست جان عندي امل برب العالمين يجي يوم ويقبلون اهل حبيبتي ونتزوج ......
وبعد ماكملنه الدفنه والفاتحه ..رجعت اشتغل من جديد حتى اجمع فلوس عرسنه اني وجنة حبيبتي ........وبعد اربع اشهر كدرت اجمع مبلغ بسيط وفاتحت اختي الكبيرة كتلها روحولي ع جنة وطلبوها الي مرة لاخ بلكت يقبلون هل مرة .....

زينة ..اخوية يعني الخلق جنة ماخلق غيرها ليش مصمم عليها احنه كل مانروح امها وجها ثكيل علينه من تستقبلنه اتذلنه والله

امجد ..خيتي جنة روحي هم شفتي واحد اتخله عن روحه 😔

زينة ..سودة عليه حبيبي زين وفاة امنه مصارله 4 اشهر من توفت مو تشوفها زحمة نروح نخطب واحنه حزنانين

امجد ..لا ماسوي شي لاحفلة ولاشي بس مجرد احجزها لجنة من تطلع السنة اسوي حفلة

زينة ..ماشي اخويه تدلل بس خلي يخلص هل اسبوع  ان شاءالله وانروح ..

امجد ..بعد گلبي خيتي اشكرج ..صعدت لغرفتي واتمددت وبقيت افكر بجنة شكد مشتاقلها اووووف .....
شلونها هسه شصاير وياها صارلي 4 اشهر مشايفها ولا سامع صوتها .....حسيت بخنكه بصدري كمت طلعت  .....رحت يم بيتهم عسى ولو تطلع واشوفها بس للاسف ماشفتها يمكن امها حابستها ااااااه جنة شعوطتي گلبي بفراكج 😢 ..

جنة ...مر ع فراكنه 4 اشهر جنت مشتاقة لامجد مووت حسيت روحي دتطلع مني .....بيوم امي راحت لبيت عمي ....
اني استغليتها فرصه شلت التلفون ودكيت ع امجد ....
الحمدلله هوه شاله
امجد ....الووووو
جنة ....يمممه اروح فدووة للكال الوووو 😭😭😭😭

امجد .....ولج حبيبتي وينج والقران ميت بدونج شصار وياج طمنيني  كل ماخابر امج اتشيلة وتسدة بوجهي شكد ردت اسمع اخبارج ....
متت والله احجي حبيبي فدووة لگلبج لتبجين سمعيني صوتج كافي بجي .....

جنة ....سكتت ومسحت دموعي وكتله حبيبي مشتاقتله حمووت والله اريد بس اشوفك .....

امجد .....هسه اجيج والله بس كولي تعال ....

جنة .... لالا امي ع جية راحت لبيت عمي يمنه قريب اخاف تجي وتشوفك ذاك الساع يصير عزززة بلا ميت عدنه ....
شوف حبيبي ....بلكت امي تخليني اروح للسوك باجر الصبح ويه مرت عمي وبنتها ...
انت تعال بكل الاحوال ...

اني راح اتوسل بأمي واخلي مرت عمي هم تكولها اروح وياهم بلكت تقبل .....

امجد ....صاااار هاي هيه ان شاءالله الصبح باجر اني تلكيني بالسوك منتظرج

جنة ....سمعت باب الحوش انفتح كتله يله يله روح اجتي امي ...سديت الخط ورحت للمطبخ اكمل شغلي ....

وفعلا توسلت بأمي حتى تقبل اروح للسوك ويه بنت عمي وامها ....
وخليت مرت عمي تخابر امي وتطلب منها اجي وياهم ....
والله بالشافعات يله قبلت كوه .....
طرت من الفرحة ....
صار الصبح رحت بسرعه خلصت كل شغل البيت ورحت سويت ريوك حتئ بس امي ترضئ وماتحجي شي .....
علمود اريد اروح للسوك اطلع واشوف الناس

والله سويت الهم ريوك وخلصنا وكملنا رحت ع سريع غسلت المواعين وخلصتهن واجت بنت عمي كالت ها جنو ماخلصتي امي تنتظرنا .....

جنة ..... بلي 5 دقايق واجهز رحت ركض غسلت وبدلت لبست تنورة كصيفه اسود يصير ثلاث ارباع وياها بدي ازرق فاتح

ولميت شعري سويته ذيل حصان وخلصت طلعت رحت وياهم وصلنا لسوك جننا نباوع ع اغراض وكومه شغلات .....اني وبنت عمي لازمين ايد بعض نمشي ورة مرت عمي لان هي تمشي وتتسوك وتسال احنا نمشي وراها ........جنت امشي واحس واحد طابك ورايا بس ماانداريت ...... كلت يمكن لان سوك ازدحام عادي ناس لازك ببعضها

امشي اشويه احس مثل الي واحد حاضني من ورة مثل الي يسوون بالحمايات .......جان هيج يسويلي واني طبعي اضوج من امشي بالسوك ويطخون بيه .......اموت من هالسالفه بعدين ضجت هوايا كلت خلي اندار اشوف منو هذا الي لازك بيه انداريت ردت اتعارك شفت هذا امجد 😍 ديمشي ومسوي حمايه اليه ههههه يممممه گلبي بعد شوية يوكف

بس من شفته اتفاجاءت اشلون اجه واشلون عرف بمكانه  .....واشلون جان يمشي ورايه ماحسيت بي من شفته ماعرف اضوج لو افرح لو اتعارك بس فتحت عيني ...وباعت عليه ردت اتعارك وياه .....بس مكدرت احجي شي لان بنت عمي وامها ويايه بس خزرته
هو باوع عليه غمز وشمر بوسه بالهوا يعني امشي وماعليج بيه عود اني حمايتج هههه

والله عاد مشيت بس من يصير المكان ازدحام جان يلزك بيه ......وفجأه لزم ايدي انداريت خزرني بعيونه يعني امشي ولاتحجين شي. .....

فوصلنا لفد محل هنا وخرت ايدي من ايدة طبينا للمحل جنه نباوع ع ملابس .....مرت عمي كالت انتو ضلوا اهنا باوعوا ع الملابس ........اني اروح اتسوك واجي واخذكم منا لان السوك ازدحام وبنت عمي هم راحت تقيس قميص الها واني بقيت واكفه وحدي ....

شفت امجد واكف كدام المحل اشرلي تعالي رحت طلعت بسرعه كتله شكو حبيبي شتريد روح الله يخليك اخاف لا ترجع مرت عمي وتشوفنا

امجد .....ماعليج لاتخافين اني يمج وتخافين وسفه عليج  .....لعد ع شنو اجيت اني غير اشوفج حبيبي مشتاقلج بكد رحمة الله .....

جنة .... والله اخاف احد يشوفنه ...شو فجأ سحبني من ايدي واخذني لمكان وره المحلات كتله امجد اشبيك يمعود اشكاعد اتسوي 😨

امجد .....انتي اشبيج تخافين مني ماسويلج شي والله

جنة ....حبيبي مااخاف منك بس ولله اخاف من الفضيحة

امجد .....لاتخافين ماكو احد بهل مكان مثل مدتشوفين فارغ .....

جنة ..... باوعت جان صدك محد اكو .....اشويه وكفنا بمكان بس اني وهو ماكو احد ويانا وكفت كباله وجنت اباوع بعيونه وهو هم مثلي واكف وصافن ع وجهي .....بعدين حجئ كال جنونه اني شنو بالنسبه الج كتله انت حبيبي وامي وابويه ودنيتي كلها

امجد  ......ولج اااااخ تعرفين من البارحه ما نايم اريد بس الصبح يطلع واشوف اشوكت تروحين لسوك حتئ اجي وياج

اريد احميج من كل البشر لان انتي ملاك ماتستاهلين تعيشين بوسط الوحوش

جنة ....حبيبي اني من احجي وياك احس عايشه بالجنه واحس بالامان اكثر من اهلي

امجد ....اوووف جنونتي مشتاقلج مووووت ......اريد افتح صدري واضمج بگلبي ولج ماريد المسج ۔۔۔۔۔اخاف ائذيج ومايجي من كلبي حتئ ابوس اشفايفج اريدج حلالي اتصيرين ماريدج اوسخج .......لان انتي انظف واطهر من الملائكه

جنة .....حبيبي انت امنين اتجيب هالكلمات بحياتي ماسامعه هجي حجي من اي احد

امجد ....جبته الج من گلبي لان انتي نبضه وينبض بحبج وبأسمج

جنة ...مجودي

امجد  ...عيونه كولي ياروح مجودي

جنة  ....احبك موووت واموت بدونك اريد اضل يمك طول العمرررر 😔😔

امجد  .....ااااخ ولج والله مو بكدي يوميه اموت الف موته مااكدر انام ليلي وانتي ابالي وخايف تروحين مني وحتئ الشغل مااعرف اشلون اشتغل ....وبالي كله يمج تعبت والله تعبت ....
بس اريد اعوف كلشي اجي ابقئ يمج خايف انحرم منج ....ومن صوتج ....ومن وجهج الي كل برائه ....

جنة .......اووف حبيبي 😭 .....مكدرت احجي بعد لان اثنينه عيونه غوركت وذبيت نفسي بحظنه وهو هم حظني حظنه قويه حسيت ضلوعي كلها راح يتكسرن وراها وخرت من حضنه كتله حبيبي لازم اروح اكيد هسه يدورون عليه

امجد ....ديله يعمري روحي واذا كالوا وين رحتي كولي عجبني اباوع ع الملابس بالمحلات الثانيه ....

جنة ....تمام ردت اروح سحبني لحضنه مرة ثانيه وباس كصتي وخدي

امجد ...متحملت تبتعد عني ردت اشبع من حظنها سحبتها لحظني مرة لاخ وبست خدها وكصتها وكتلها يله روحي واني هم

وراج طبعا مااعوفج وحدج لحد مااوصلج للبيت يله ارتاح .....

جنة .....ضحكت ورحت ركض وفعلا شفت يدورون عليه كتلهم مثل ماكالي امجد

وطبعا اشويه اكلت رزاله من مرت عمي لان انهبطوا من الخوف عليه ههههه ورجعنا لسوك وحبيبي ماعافني وطول السوك كل مايصير ازدحام يلزك بيه ويلزم ايدي ههههه

حسيته درع حصين صارلي ....حتئ لحد يطخ بيه ماعافني لحظة لحد ماشاف بعينه طبيت للبيت يله راح لشغله خطيه

ومرت الايام وبقينه نستغل الفرص حتى نتخابر او نتشاوف وجان عدنه امل نصير لبعض بيوم من الايام 😔😔 جان الاشتياق دائما يأذينه والبعد فتك بينه ....
امجد جان يموووووت عليه والله جان نعم الحبيب والاخ والصديق اليه ....

ماجان ينسئ شي يخصني ابدددد فديوم جان يم استراحته ......مارايح لشغله واني جنت اعرف يايوم كاعد مارايح لشغله وجنت حييييل مريضه افلاونزة قويه ...... وخابرته الضهر حجينا ويه بعض هوه حس بيه مالي خلك .......

امجد .....اشبيج جنتي صوتج ماعاجبني احجيلي حبيبي

جنة  .....مريضه حبيبي فدمره موتتني الصخونه والفلاونزة 😪

امجد .....يمه فدوة اروحلج بيه ولابيج

جنة .....اسم الله حبيبي غير اموت

امجد ......اني اموت عليج جنونه تكدرين تتطلعين كدام الباب اشويه ساعه ب3

جنة .....ليش حبيبي 

امجد .....عندي الج مفاجاة 😘

جنة .....طبعا هاي السالفه ورة مادز اهله يخطبوني اول مرة كتله ماشي راح اطلع

امجد .... هسه اني رايحة لسوك عندي شغله ساعه 3 تلكيني كدام بابكم واكف ماشي حياتي ....

جنة ..... ماشي حبيبي روح الله وياك والله صارت ساعه ب3 طلعت برة وجنت لابسه تراك جان هو جايبه الي 
..
لان جان كل مايصير عيد ميلادي يجيبلي هديه اني جنت انسئ يايوم هو ماينسئ ابدددد 😭 وطلعت برة ولابسة تراك الي جايبه اليه اجا وشافني غمض عيونه قوي واخذ نفس عمييييييق وجر حسرة

امجد ...من شفت حبيبتي انعصر گلبي واختنكت جريت نفس عميق وكتلها مادري من اشوفج شيصير بيه اموووووت باللحظه الف موته شسوي لامج هسه افوت جوة افلشها وهسه اخذج واروح

جنة ....حبييي اصبر الله كريم شبيدي عليك اني جاي اتعذب اكثر منك بس شسوي

امجد .....جنتي الله عليج تعالي ونروح سويه شيصير خلي يصير ولج وربج ماتحمل بعد

جنة .....لاامجد ماكدر اكسر ابويه واخواني اكو الله .....نصبر وبعدين لزم ايدي وباسها وشمها قووووي وانطاني علاكه

امجد .....جنت مشتريلها هدية بعيد ميلادها نطيتهيا وكتلها جنتي فوتي جوة حبيبي ماريد احد يشوفنه وتجيج حجاية .......

جنة .....ماشي حبيبي  دخلت جوة وفتحت العلاكه شفته جايبلي تنورة قصيرة وكصيفه وياها قميص ايجنن ......وجان اكو علبه صغيرة حمرة فتحتها .....وشفت بي حلقة وبيها ورقه فتحت الورقه .....

جان كاتب بيها جنتي ودنيتي انتي .....كل عام وانتي حبيبتي وبنتي ومرتي اليوم عيد ميلادج وهاي حلقة ذهب اشتريتها الج لان انتي الي وراح ادز اهلي هم مرة ثانيه عليج .......

وبعدين رحت خابرته كتله حبيبي انت كل مرة تجيب اليه شغلات من الملابس واكسسورات اكول ميخالف هديه واقبلها بس هاي حلقة مااقبلها انت تشتغل وتتعب تروح تصرف فلوسك عليه

امجد ....حبيبي  لان فلوسي فلوسج واني اتعب علمودج ....وهسه قبل مااروح انطيني وعد حتئ لو ماصارت قسمه لاسماح الله .....تحافظين ع الحلقة 😔

جنة .... اووووف هل كلمة شلعت گلبي من صدري كمت اشهك متت ....مسحت دموعي وكتله اوعدك حبيبي اضمها بقلبي ........
وفعلا ضميتها ولحد هسه موجودة يمي كل مايجي يوم عيد ميلادي اباوع عليها وابجي 💔😭😭

ومرت الايام بقت مئساتي ويه امي الي دومها قاسية بتعاملها ويايه وزادت من كشفت علاقتي ب امجد . ...... وراها امجد هم اختفه ....وبيوم جنت نايمة فزيت ع صياح امي ...

ام جنة ..كومي ولج سوي الغدة يله شعندج نايمة لحد هسه ..

جنة ..فزيت من نومي ع صياح
امي كمزت ......ورحت غسلت وجهي وطلعت من الثلاجة بيتنجان وطماطة حتى اسوي تبسي كشرت البتيته والفلفل والبصل والبيتنجان وغسلتهن وبديت اكلي ..هنا سرح فكري وبالي بامجد .......كلبي كام ينعصر مشتاقه لشوفته ....

اوووف حبيبي وينك هسه انت ليش عفتني وماسئلت عني معقولة بعد متحبني واتخليت عني 😢😢وبهل لحظة اجتني كفخة ع راسي حسيت الدنيا صارت ظلمة كدامي عيني مثل مي العمة نزل بعينه وصوت صرخة زرفت اذاني زرف ..

امي ..اشتميت ريحة حرك ركضت للمطبخ شفت هاي واكفه وصافنه .....والطاوة مفحمة لا يالله ....... شلت ايدي وضربتها

ضربة ع راسها .......نزلت مي العمه بعينها ونزلت عليها دك كفخات طفيت الطباخ كتلها الله لايبارك بيج ولج وين شارد فكرج وعايفه الاكل يحترك......... ليش هيج ليش انتي راح تجلطيني راح اتموتيني شسوي بيج فهميني اقتلج واخلص من شرج ..

جنة ..شمرتني امي بالكاع وكعتلي دك دفرات وكفخات ...واني لازمه وجهي ومكرفصه نفسي........ وحسيت هل انسانه مو امي عبالك مرت ابوية ابد ولاتحن عليه بس تقسة عليه .......حسيت روحي دتطلع وهاي اخر انفاس بيه شالتني وسحل للغرفه وملخت وجهي بضافرها صار قطعه دم ..وينك يا امجد تجي تخلصني من هل مئسات تعبت وربك تعبت ماعاد بي طاقة تحمل اريدك تعااااال انقذني قبل لا انتحر واخلص من هل ظلم والاستبداد بقيت ابجي وفرفح كلبي لحد ما نمت ماحسيت ع نفسي ..😭😭😭

وللحكاية بقية ...

حبايبي بنهاية القصة راح اخليكم تتعرفون  ع جنة شخصيا لان وافقت
وطبعا تفاعلكم صاير ميشجع والله ديخرب واهسي بالكتابة والنشر مو مثل قبل تفاعلكم ضجت 😒😒😒😒

#يتبع ...

#سارة_المجيد🎀