#اسقني__حبك

بقلم وئام البياتي

ﻭﺍﺧﻴﺮﺍ ﺍﻗﺘﻨﻌﺖ ﺍﻟﺤﺠﻴﺔ ﻭﻫﻲ ﺭﺍﺡ ﺗﻔﺎﺗﺢ ﺑﺮﻛﺎﺕ ....
- ﺍﻟﺤﺠﻴﺔ .. ﻳﻤﺔ ﺑﺮﻛﺎﺕ ﻋﻨﺪﻱ ﻣﻮﺿﻮﻉ ...
- ﺑﺮﻛﺎﺕ .. ﻛﻮﻟﻲ ﺣﺠﻴﺔ ﺃﺃﻣﺮﻳﻨﻲ ...
- ﺍﻟﺤﺠﻴﺔ .. ﻳﻤﺔ ﺍﺧﻮﻙ ﻋﺎﺷﻚ ﻣﻦ ﺑﻐﺪﺍﺩ ﻟﺘﻜﺴﺮ ﺑﺨﺎﻃﺮﻩ ﺑﻌﺪ ﺍﻣﻚ ..
- ﺑﺮﻛﺎﺕ .. ﻭﺗﻨﻜﺴﺮ ﺣﺠﺎﻳﺘﻲ ﻳﻮﻡ ..
- ﺍﻟﺤﺠﻴﺔ .. ﻣﺎﻋﺎﺵ ﺍﻟﻲ ﻳﻜﺴﺮ ﺣﺠﺎﻳﺘﻚ ﺑﺲ ﻭﻟﻴﺪﻱ ﺍﻧﻲ ﻛﻠﻴﺒﻲ ﻣﻜﺴﻮﺭ ﺑﺄﺧﻴﻚ ﺍﻟﻲ ﺭﺍﺡ ﻭﻣﺎﺃﺭﻳﺪ ﺗﻤﻴﻢ ﻳﺰﻋﻞ ﻭﺑﻌﺪ ﻣﺎﻳﺮﺟﻊ ﻣﺜﻞ ﺍﺧﻮﻙ ...
ﻭﺩﻛﺘﻬﺎ ﺑﺠﻲ ﻭﺗﻨﻌﻲ ﻋﻠﻰ ﻳﺰﻥ ﻭﻉ ﺷﺒﺎﺑﻪ ﺍﻟﻲ ﺭﺍﺡ ﻭﻫﻲ ﺣﺘﻰ ﻣﺸﺎﻓﺖ ﺑﺰﺭﻩ .. ﺣﺎﻝ ﺍﻏﻠﺐ ﺍﻟﻌﺮﺍﺍﺍﺍﻗﻴﺎﺕ ﺍﻟﻲ ﺩﻓﻨﺖ ﺷﺒﺎﺑﻬﺎ ﺑﻌﻤﺮ ﺍﻟﻮﺭﺩ ﺭﺑﻲ ﻳﺮﺣﻤﻬﻢ ﻭﻳﺼﺒﺮ ﻛﻠﻮﺑﻬﻦ ..
- ﺑﺮﻛﺎﺕ .. ﻛﺎﻓﻲ ﺑﺠﻲ ﻳﺎﻳﻤﺔ ﻫﺴﺔ ﺍﻧﻲ ﺷﺤﺠﻴﺖ ..
- ﺍﻟﺤﺠﻴﺔ .. ﻓﺪﻭﺓ ﻏﺪﻳﺘﻠﻚ ﺍﻗﺒﻞ ﻭﺍﻧﻲ ﺍﻭﻋﺪﻙ ﺭﺍﺡ ﺍﺭﻭﺡ ﻭﻳﺎﻩ ﻭﺍﺷﻮﻓﻬﻢ ﺍﺫﺍ ﻣﻮ ﺧﻮﺵ ﺍﻧﻲ ﻣﺎﺍﻃﺐ ﻫﻴﺠﻲ ﻃﺒﺔ ﻓﻮﻙ ﻗﻬﺮ ﻣﺮﺗﻚ ﺍﺟﻴﺒﻠﻲ ﻧﻐﺼﺔ ﻟﺦ ..
- ﺑﺮﻛﺎﺕ .. ﻳﻤﺔ ﺳﻠﻤﻰ ﺷﺒﻴﻬﺎ ﺷﺎﻳﻠﺘﻬﺎ ﻉ ﺭﺍﺳﺞ ...
- ﺍﻟﺤﺠﻴﺔ .. ﺍﺭﻳﺪﻟﻚ ﺿﻨﻪ ﺑﺘﻚ ﻋﺮﻭﺱ ﻭﺍﻧﺖ ﺻﺎﻓﻦ ﻣﺪﺭﻱ ﺷﺒﻴﻚ ﺷﻤﻨﺘﻈﺮ ﺣﺘﻰ ﺗﺘﺰﻭﺝ ﻣﺘﺠﻴﺐ ﻟﺒﻨﻴﺘﻚ ﺍﺥ ﻳﺴﻨﺪﻫﺎ ﺑﺪﻧﻴﺎﺗﻬﺎ ...
- ﺑﺮﻛﺎﺕ .. ﺍﻟﻠﻪ ﻛﺮﻳﻢ ﻳﻤﺔ ﺍﻟﻠﻪ ﻛﺮﻳﻢ ﺭﺑﺞ ﺷﻜﺎﺗﺐ ﻧﺸﻮﻓﻪ ..
- ﺍﻟﺤﺠﻴﺔ .. ﻳﻤﺔ ﺳﻠﻴﻤﺔ ﺟﺒﻴﺮﺓ ﻭﻣﺎﺗﺨﻠﻒ ﺑﻌﺪ ﻭﺷﺎﻳﻠﻪ ﺭﺣﻤﻬﺎ ﻏﻴﺮ ﺍﺑﻮﻙ ﺍﻟﻠﻪ ﻳﺮﺣﻤﻪ ﺷﻤﺮﻫﺎ ﺑﺮﺍﺳﻚ ﻭﺍﺩﺭﻱ ﺑﻴﻚ ﻣﻐﺼﻮﺏ ﻋﻠﻴﻬﺎ ﺑﻌﺪ ﺍﻣﻚ ﻭﻣﺎﻛﺴﺮﺕ ﺣﺠﺎﻳﺔ ﺍﺑﻮﻙ ﻭﺧﻠﻔﺘﻠﻚ ﻫﻠﻨﺮﺟﺴﺔ ﻭﻓﻄﺴﺖ ﻳﻤﺔ ﻻﺯﻡ ﺗﺸﻮﻑ ﺭﻭﺣﻚ ...
بيج قصص عراقيه حقيقيه من واقعنا.روعه الطائي
- ﺑﺮﻛﺎﺕ .. ﺳﻬﻠﺔ ﻳﻤﺔ ﺳﻬﻠﺔ ﺧﻠﻴﻨﺔ ﺑﺘﻤﻴﻢ ﻫﺴﺔ ...
- ﺍﻟﺤﺠﻴﺔ .. ﺍﻱ ﻭﻟﻴﺪﻱ ﺍﺭﻭﺡ ﻭﺍﺳﺄﻝ ﻋﻠﻴﻬﻢ ...
- ﺑﺮﻛﺎﺕ .. ﺑﺲ ﺑﺖ ﺑﻐﺪﺍﺩ ﻣﺪﺍﻡ ﺭﺍﺡ ﺗﺠﻲ ﻏﺼﺐ ﻋﻨﻲ ﻣﺘﻄﺐ ﺑﻴﺘﻲ ...
- ﺍﻟﺤﺠﻴﺔ .. ﻟﻴﺶ ﻳﻤﺔ ..
- ﺑﺮﻛﺎﺕ .. ﺗﻜﻌﺪ ﻭﻳﺔ ﺭﺟﻠﻬﺎ ﻫﻨﺎﻙ ﺍﺑﻐﺪﺍﺩ ﻭﻣﻦ ﻳﻜﻤﻞ ﻛﻠﻴﺔ ﺗﺠﻲ ﺗﻜﻌﺪ ﺑﻴﺖ ﻭﺣﺪﻫﺎ ...
- ﺍﻟﺤﺠﻴﺔ .. ﻟﻴﺶ ﻳﻤﺔ ﻭﺍﻧﻲ ﺍﺿﻞ ﺭﺍﻳﺤﺔ ﺟﺎﻳﺔ ﺑﻴﻨﻚ ﻭﺑﻴﻦ ﺍﺧﻴﻚ ﻭﺍﻟﺒﻴﺖ ﺧﻴﺮ ﻣﻦ ﺍﻟﻠﻪ ﻭﺭﺓ ﻣﺎﺗﺰﻭﺟﻦ ﺧﻮﺍﺗﻚ ﺑﻘﺖ ﺑﺲ ﻟﻤﻴﻪ ﻭﻫﻢ ﻣﻜﺎﻧﻬﺎ ﺧﺎﻟﻲ ﻭﻫﺎﻱ ﺍﻟﺒﻮﻣﺔ ﻣﻌﻠﻜﺔ ﻓﻮﻙ ﻳﻌﻨﻲ ﻟﻮ ﻣﺎ ﺑﻨﻴﺘﻚ ﻻ ﻭﻟﺔ ﺟﺎﻥ ﺗﺨﺒﻠﺖ ﻭﺣﺪﻱ ﻭﻣﺤﺪ ﻳﺪﺭﻱ ﺑﻴﻪ ..
- ﺑﺮﻛﺎﺕ .. ﻻ ﻳﻤﺔ ﺍﻧﺘﻲ ﻣﻮ ﺗﺮﻳﺪﻳﻦ ﺍﺗﺰﻭﺝ ﻋﻮﺩ ﺍﻧﻲ ﻫﻢ ﺍﺗﺰﻭﺝ ﻭﺗﻜﻌﺪ ﻭﻳﺎﺝ ..
- ﺍﻟﺤﺠﻴﺔ .. ﻭﺍﺧﻴﻚ ﻳﻤﺔ ﻭﺣﺪﻩ ﻳﻜﻌﺪ ..
- ﺑﺮﻛﺎﺕ .. ﻻﻳﻤﺔ ﺭﺍﺡ ﺍﺑﻨﻴﻠﺔ ﺑﻠﺤﺪﻳﻘﺔ ...
- ﺍﻟﺤﺠﻴﺔ .. ﺍﻟﻠﻪ ﻛﺮﻳﻢ ﻭﻟﻴﺪﻱ ﻭﻟﻮ ﻣﺎﻣﻘﺘﻨﻌﺔ ﺑﻬﺎﻱ ﺍﻟﺴﺎﻟﻔﺔ ﺑﺲ ﺧﻠﻲ ﻧﺮﻭﺡ ﻭﺍﻟﻠﻪ ﻛﺮﻳﻢ ..
- ﺑﺮﻛﺎﺕ .. ﺍﻧﻲ ﻣﺎﺭﻭﺡ ﻭﻳﺎﻩ ﻳﻮﻡ ..
- ﺍﻟﺤﺠﻴﺔ .. ﻫﺎﺍﺍﺍ ﻭﺗﻌﻮﻑ ﺍﺧﻴﻚ ﻭﺣﺪﻩ ..
- ﺑﺮﻛﺎﺕ .. ﻳﻤﺔ ﺍﻧﻲ ﻣﺎﺭﺍﺿﻲ ﻉ ﻫﻠﺰﻳﺠﺔ ﻛﻠﻬﺎ ﻣﺎ ﻣﻘﺘﻨﻊ ﺑﺲ ﻣﺎ ﺭﺍﺡ ﺍﻣﺎﻧﻊ ﻣﺎ ﻋﻨﺪﻱ ﻏﻴﺮ ﺷﻲ ﺭﻭﺣﻲ ﺍﻧﺘﻲ ﻭﻳﺎﻩ ..
- ﺍﻟﺤﺠﻴﺔ .. ﻭﺗﻌﻮﻑ ﺍﺧﻮﻙ ﻭﺣﺪﻩ ﺑﻬﻴﺞ ﻳﻮﻡ ﻣﺎﻳﻜﻮﻟﻮﻥ ﻣﺎﻋﻨﺪﻩ ﺍﻫﻞ ﻣﺎﻋﻨﺪﻩ ﻋﺰﻭﻩ ﻟﻴﺶ ﻳﻮﻟﻴﺪﻱ ﻟﻴﺶ ﻣﺎﻧﺨﻴﺘﻚ ﻫﻴﺠﻲ ﺗﻌﻮﻓﻪ ﻭﺣﻴﺪﻩ ﺟﺪﺍﻡ ﺍﻟﻮﺍﺩﻡ ﺗﺴﺘﻜﻮﻱ ﻋﻠﻴﻪ ﻭﺣﻨﺔ ﻣﺎﻧﻌﺮﻓﻬﻢ ...
- ﺑﺮﻛﺎﺕ .. ﻳﻤﺔ ﻛﻠﻴﻠﻬﻢ ﻣﺴﺎﻓﺮ ﺍﻱ ﺷﻲ ﺑﺲ ﺧﻄﺎﺑﺔ ﻣﺎﺭﻭﺡ ﻭﺍﺣﻨﺔ ﻋﺸﻴﺮﺗﻨﺎ ﻣﺘﺮﻭﺳﺔ ﺑﻨﺎﺕ ﻭﻳﺮﻭﺡ ﻳﺠﻴﺒﻠﻨﺎ ﻏﺮﻳﺒﺔ ﻣﺎﻧﻌﺮﻑ ﻋﻨﻬﺎ ﺷﻲ ﺑﺲ ﺣﺠﺎﻳﺘﺞ ﺍﻟﻲ ﻣﺎﺗﻨﻜﺴﺮ ﻭﻻ ﻫﻮﺓ ﺍﻛﺴﺮ ﺭﻛﺒﺘﻪ ﻭﺍﺧﺬﻟﻪ ﻭﺣﺪﺓ ﻣﻨﺎ ...
- ﺍﻟﺤﺠﻴﺔ .. ﻣﻨﻮ ﻳﺎﻭﺣﺪﺓ ﺍﺻﻼ ﺍﻧﺔ ﻣﻜﻴﻔﺔ ﺑﻠﻜﻲ ﺑﺖ ﺍﻭﺍﺩﻡ ﻭﺗﻔﺮﺣﻨﻲ ﺑﺠﻬﺎﻟﻪ ﻳﺎﺧﺬﻟﻪ ﻭﺣﺪﺓ ﻣﻨﺎ ﻛﻠﻬﻦ ﻋﻜﺎﺭﺏ ﻭﺍﻭﻟﻬﻢ ﻣﺮﺗﻚ ..
- ﺑﺮﻛﺎﺕ .. ﻳﻤﺔ ﻓﺪﻭﺓ ﺍﺭﻭﺣﻠﺞ ﺷﺒﻴﺞ ﻭﻳﺔ ﻣﺮﺗﻲ ﺷﻤﺴﻮﻳﺔ ﻣﺘﻜﻮﻟﻴﻠﻲ ..
- ﺍﻟﺤﺠﻴﺔ .. ﻭﺍﻧﺖ ﺷﻤﺪﺭﻳﻚ ﺍﻟﻨﻬﺎﺭ ﻛﻠﻪ ﺑﺮﺓ ﻣﺎﺗﻌﺮﻑ ﺷﺘﺴﻮﻱ ﻣﺎﺗﺴﻮﻱ ..
- ﺑﺮﻛﺎﺕ .. ﻳﻤﺔ ﻫﺴﺔ ﻫﻲ ﺑﻌﻴﺪﺓ ﻭﺍﺫﺍ ﺍﺣﺘﻜﺖ ﺑﻴﺞ ﺑﺲ ﺑﻠﻐﻴﻨﻲ ﻭﺷﻮﻓﻲ ﺷﺮﺍﺡ ﺍﺳﻮﻱ ﺑﻴﻬﺎ ....
- ﺍﻟﺤﺠﻴﺔ .. ﻋﻮﻓﻨﺎ ﺑﺮﻛﺎﺕ ﻭﻫﺴﺔ ﺍﺭﻭﺡ ﻟﻠﻌﺎﻟﻢ ﺍﺧﻄﺒﻬﺎ ﻭﺣﺪﻱ ﻭﺍﺧﻮﻩ ﻣﻦ ﻛﺒﺎﺭﻳﺔ ﺍﻟﻨﺎﺻﺮﻳﺔ ﻭﺍﻟﻜﻞ ﺗﻬﺎﺑﻪ ﻭﺗﺤﻠﻒ ﺑﺮﺍﺳﺔ ﻭﺗﺴﻮﻳﻠﻪ ﺍﻟﻒ ﺣﺴﺎﺏ ﻭﻣﺎﻛﻮ ﺷﺎﺏ ﻣﺮﺣﺖ ﺑﻤﺸﻴﺘﻪ ﻭﺍﺧﻮﻙ ﺗﻌﻮﻓﻪ ﻭﺣﺪﻩ ..
- ﺑﺮﻛﺎﺕ .. ﻳﻤﻪ ﻫﺬﺍ ﺍﺧﺮ ﻛﻼﻡ ﺣﺠﻴﺞ ﻛﻠﻪ ﻉ ﺭﺍﺳﻲ ﺑﺲ ﺣﺘﻰ ﻳﺤﺲ ﺑﻐﻠﻄﻪ ﻣﺪﺍﻡ ﻃﻠﻊ ﻋﻦ ﺷﻮﺭﻱ ﻭﺭﺍﻳﺢ ﻳﺠﻴﺒﻠﻨﺎ ﻭﺣﺪﺓ ﻏﺮﻳﺒﺔ ...
- ﺍﻟﺤﺠﻴﺔ .. ﻫﺎ ﻫﻴﺔ ﻭﻟﻴﺪﻱ ﺍﺭﻭﺡ ﺍﻧﻲ ﻭﻳﺎﻩ ﺍﺣﺴﻦ ..
- ﺗﻤﻴﻢ .. ﺧﺎﺑﺮﺕ ﺍﻣﻲ ﻭﻋﺮﻓﺖ ﺑﺮﻛﺎﺕ ﻣﻮﺍﻓﻖ .. ﺍﺭﻭﺡ ﺍﺣﺠﻲ ﻭﻳﺔ ﺍﺑﻮﻫﺎ ﻗﺒﻞ ﻟﺘﺠﻲ ﺍﻣﻲ ﺍﺿﻤﻦ ﺍﻟﻤﻮﺍﻓﻘﺔ ﺣﺘﻰ ﻟﻴﺶ ﺍﺟﻴﺐ ﺍﻣﻲ ﻭﻃﺮﻳﻖ ﻃﻮﻳﻞ ... ﻃﻠﻌﺖ ﻉ ﺑﻴﺘﻬﻢ ﺟﺎﻥ ﻭﻛﺖ ﻋﺼﺮﻳﺔ ﺷﻔﺖ ﺍﺑﻮﻫﺎ ﻛﺎﻋﺪ ﺑﻠﺒﺎﺏ ﻭﻳﺎﻩ ﻭﻟﺪ ﺍﺛﻨﻴﻦ ﺻﻐﺎﺭ ﺑﻌﻤﺮ ﺍﺑﺘﺪﺍﺋﻴﺔ ﻳﻤﻜﻦ ﻭﻟﺪﻩ ﺳﻠﻤﺖ ﻋﻠﻴﻪ ﻛﻮﻡ ﺍﺑﻨﻪ ﻭﻛﻌﺪﻧﻪ ﺟﺎﻧﻮ ﺍﺑﺎﺏ ﺍﻟﻤﺪﺭﺳﺔ ﻛﺎﻋﺪﻳﻦ ﻉ ﻛﺮﺍﺳﻲ ..
- ﺗﻤﻴﻢ .. ﺍﻟﺴﻼﻡ ﻋﻠﻴﻜﻢ ﻳﺎﺑﺔ ..
- ﺍﺑﻮ ﺳﺮﻭﺓ .. ﻭﻋﻠﻴﻜﻢ ﺍﻟﺴﻼﻡ ﻭﻟﻴﺪﻱ ...
- ﺗﻤﻴﻢ .. ﻭﺍﻟﻠﻪ ﻳﺎﻋﻤﻲ ﻋﻨﺪﻱ ﻣﻮﺿﻮﻉ ﻭﻳﺎﻙ ﺑﺲ ﻣﻮ ﻣﺎﻝ ﺷﺎﺭﻉ ﻣﻤﻜﻦ ﻧﺪﺧﻞ ﺟﻮﺓ ...
- ﺍﺑﻮ ﺳﺮﻭﺓ .. ﺍﻱ ﻭﻟﻴﺪﻱ ﺗﻔﻀﻞ ﺗﻔﻀﻞ ﺑﺲ ﺍﺳﻮﻳﻠﻚ ﻃﺮﻳﻖ ﻻﻥ ﻣﻮ ﻣﺎﻝ ﺍﻛﻌﺪﻙ ﺑﺼﻒ ﺩﻗﻴﻘﺔ ...
ﺩﺧﻞ ﻭﺭﺓ ﺩﻗﺎﻳﻖ ﺭﺟﻊ .... ﺗﻔﻀﻞ ﻭﻟﻴﺪﻱ ... ﺩﺧﻠﻨﺎ ﻏﺮﻓﺔ ﺍﻇﺎﻫﺮ ﺍﻟﻜﻌﺪﺓ ﻣﺎﻟﺘﻬﻢ ﻣﻔﺮﻭﺷﺔ ﻭﻛﻠﺶ ﻣﺮﺗﺒﺔ ﻭﻧﻈﻴﻔﺔ ﻓﺎﺭﺷﻴﻦ ﺑﻠﻜﺎﻉ ﺩﻭﺍﺷﻚ ﻭﺍﻟﺘﻠﻔﺰﻳﻮﻥ ﻣﻌﻠﻚ ﻭﻉ ﺟﻬﺔ ﺟﺎﻧﺖ ﺍﻛﻮ ﻣﻜﺘﺒﺔ ﺑﻴﻬﺎ ﺍﺷﻜﺎﻝ ﻛﺘﺐ ﻣﻦ ﺻﺪﻙ ﻇﻠﻴﺖ ﺻﺎﻓﻦ ﻋﻠﻴﻬﺎ ﻳﻌﻨﻲ ﻫﻴﺞ ﻣﻜﺘﺒﺔ ﻣﻨﻮ ﺭﺍﺡ ﻳﻘﺮﻩ ﻛﺘﺒﻬﺎ ﺍﺑﻮﻫﻢ ﻟﻮ ﺑﺘﻬﻢ ..
- ﺍﺑﻮ ﺳﺮﻭﺓ .. ﻫﺎ ﻭﻟﻴﺪﻱ ﺻﻔﻨﺖ ﻻﺯﻡ ﻋﺠﺒﺘﻚ ...
- ﺗﻤﻴﻢ .. ﺍﻱ ﻭﺍﻟﻠﻪ ﻋﻤﻲ ﺗﺮﺗﻴﺒﻬﺎ ﻛﻠﺶ ﺣﻠﻮ ..
- ﺍﺑﻮ ﺳﺮﻭﺓ .. ﺍﻱ ﻳﺎﺑﺔ ﻫﺎﻱ ﺳﺮﺍﻭﻱ ﺍﺧﺘﺼﺎﺻﻬﺎ ﺗﺮﺗﻴﺐ ﻫﻠﻤﻜﺘﺒﺔ ﻭﺗﺮﺓ ﻋﻤﻚ ﻟﻴﻐﺮﻙ ﻣﻈﻬﺮﻩ ﺗﺮﺓ ﺍﻧﻲ ﺧﺮﻳﺞ ﺍﻧﻜﻠﻴﺰﻱ ﺑﺲ ﻣﺘﻌﻴﺖ ﻓﻲ ﻭﻗﺘﻬﺎ ﻭﺍﻟﺰﻣﻦ ﻭﺩﺍﻧﻲ ﻟﺸﺎﻡ ﻭﺭﺟﻌﻨﻲ ﻟﺤﻠﺐ ﻭﺩﻭﺧﻨﻲ ﻭﻳﺎﻩ ﻭﺑﻲ ﺑﺲ ﺗﺮﺓ ﻣﺜﻘﻒ ﻭﺍﻋﺠﺒﻚ ..
- ﺗﻤﻴﻢ .. ﻉ ﺭﺍﺳﻲ ﻋﻤﻲ ﻳﻨﻄﻴﻚ ﺻﺤﺔ ﻭﻋﺎﻓﻴﺔ ﻭﻫﺎﻱ ﺍﻟﻜﺘﺐ ﻛﻠﻬﺎ ﻗﺎﺭﻳﻬﺎ ..
- ﺍﺑﻮ ﺳﺮﻭﺓ .. ﺍﻱ ﻭﺍﻟﻠﻪ ﻋﻤﻲ ﻛﻠﻬﺎ ﻣﻴﻮﻛﻊ ﺑﻴﺪﻱ ﻛﺘﺎﺏ ﺍﺫﺍ ﻣﻘﺮﻳﺘﻪ ﻭﻋﻠﻤﺖ ﺍﻭﻻﺩﻱ ﻋﻠﻰ ﻫﺎﻱ ﺍﻟﻔﻘﺮﺓ ﻭﻫﻲ ﺍﻟﻘﺮﺍﻳﺔ ﻛﻠﺶ ﻣﻔﻴﺪﻩ ﻭﺧﺰﻳﻨﺔ ﻟﻠﻤﻌﻠﻮﻣﺎﺕ ﺗﺮﺟﻌﻠﻬﺎ ﺑﻜﻞ ﻭﻛﺖ ...
- ﺗﻤﻴﻢ .. ﺍﻱ ﻭﺍﻟﻠﻪ ﻋﻤﻲ ﺻﺢ ﻟﺴﺎﻧﻚ ﺑﺲ ﻳﺮﺍﺩﻟﻬﺎ ﻭﺍﻫﺲ ﻭﻭﻛﺖ ..
- ﺍﺑﻮ ﺳﺮﻭﺓ .. ﻭﺍﺣﻨﺔ ﺷﻌﺪﻧﺎ ﺍﺷﻮ ﻛﺎﻋﺪﻳﻦ ﻟﻠﻈﻬﺮ ﺑﻌﺪ ﻣﺎﻋﻨﺪﻱ ﺷﻲ ﻭﺣﺎﻟﻲ ﻻﻳﺴﺮ ﻋﺪﻭ ﻭﻻ ﺣﺒﻴﺐ ﺑﻠﻌﻄﻠﺔ ﺍﻇﻞ ﺍﺻﻔﻦ ﺍﺧﺬ ﺍﻟﻮﻟﺪ ﻭﺍﺭﻭﺡ ﻟﻠﻤﺘﻨﺒﻲ ﻧﻔﺘﺮ ﻟﻮ ﻟﺴﻮﻙ ﺍﻟﻐﺰﻝ ﻣﻨﺒﻘﻲ ﻣﻜﺎﻥ ﻣﻨﺮﻭﺣﻠﻪ ﺣﺘﻰ ﻧﺨﻠﺺ ﺍﻟﻮﻛﺖ .. ﺩﻭﺧﺘﻚ ﻭﻟﻴﺪﻱ ﻫﻮﺍﻳﺔ ﺣﺠﻴﺖ ﻧﻮﺭﺕ ﺍﺑﻨﻲ ...
- ﺗﻤﻴﻢ .. ﻻ ﻋﻤﻲ ﺑﻠﻌﻜﺲ ﺍﻟﻜﻌﺪﺓ ﻭﻳﺎﻙ ﻛﻠﻠﺶ ﺣﻠﻮﺓ ﻣﻨﻮﺭ ﺑﻴﻜﻢ ﻳﺎﺭﺏ ﻭﺍﻟﻠﻪ ﻳﺎﻋﻤﻲ ﺣﺎﺏ ﺍﺩﺧﻞ ﺑﻠﻤﻮﺿﻮﻉ ﻭﺍﺗﻤﻨﻰ ﻣﺘﺮﺩﻧﻲ ﺧﺎﻳﺐ ﻭﺍﻧﻲ ﺟﺎﻱ ﻭﺣﺪﻱ ﺍﺧﺬ ﺍﻟﻤﻮﺍﻓﻘﺔ ﻭﺑﻌﺪﻳﻦ ﺍﺟﻴﺐ ﺍﻟﻮﺍﻟﺪﺓ ﺗﺤﺠﻲ ﺭﺳﻤﻲ ... ﻫﺎ ﻋﻤﻲ ﺳﻜﺘﺖ ...
- ﺍﺑﻮ ﺳﺮﻭﺓ .. ﻭﺍﻟﻠﻪ ﻳﺎﻋﻤﻲ ﻣﺎﻋﺮﻑ ﺷﻜﻮﻟﻚ ﻛﻤﻞ ..
- ﺗﻤﻴﻢ .. ﺍﻧﻲ ﻃﺎﻟﺐ ﺍﻟﺴﻨﺔ ﺍﻟﺠﺎﻳﺔ ﺍﺧﺮ ﺳﻨﺔ ﻫﻨﺪﺳﺔ ﻭﺍﻫﻠﻲ ﻣﻦ ﻛﺒﺎﺭﻳﺔ ﺍﻟﻨﺎﺻﺮﻳﺔ ﻭﻋﺰﻭﺗﻲ ﻭﻋﺸﻴﺮﺗﻲ ﻛﻠﻬﺎ ﻫﻨﺎﻙ ﻭﻫﻨﺎ ﻫﻢ ﻋﻨﺪﻱ ﺷﻐﻞ ﺑﻤﻜﺘﺐ ﻫﻨﺪﺳﻲ ﻭﺭﺓ ﺍﻟﻜﻠﻴﺔ ﺍﺩﺍﻭﻡ ﺑﻲ ﺑﺼﺮﺍﺣﺔ ﺍﻟﺤﺠﻲ ﻣﻌﻠﻤﻨﺔ ﻣﻨﻌﺮﻑ ﺍﻟﻜﻌﺪﺓ ﻣﻦ ﻳﻮﻣﻨﺎ ﺍﺣﻨﺔ 5 ﺍﺧﻮﺓ ﻭ 4 ﺧﻮﺍﺕ ﻭﺍﻟﻮﺍﻟﺪﺓ ﺍﻟﻠﻪ ﻳﺤﻔﻈﻬﺎ ﻣﻮﺟﻮﺩﺓ ﻭﺍﻥ ﺷﺎﺀﺍﻟﻠﻪ ﺗﺘﻌﺮﻓﻮﻥ ﻋﻠﻴﻬﺎ ﻋﻦ ﻗﺮﻳﺐ ﻭﺍﺣﺪ ﻣﻦ ﺍﺧﻮﺗﻲ ﺍﻟﻠﻪ ﻳﺮﺣﻤﻪ ﺍﻧﻘﺘﻞ ﺑﻠﻄﺎﺋﻔﻴﺔ ﻭﺍﺛﻨﻴﻦ ﺑﺴﺒﺐ ﺍﻻﻭﺿﺎﻉ ﻃﻠﻌﻮﺍ ﺑﺮﺓ ﻭﺑﺎﻗﻴﻴﻦ ﺑﺲ ﺍﻧﻲ ﻭﺍﺧﻮﻳﺔ ﺍﻟﺠﺒﻴﺮ ﺑﺮﻛﺎﺕ ﻫﻮ ﺣﺎﻟﻴﺎ ﻭﻳﺔ ﻋﻤﻲ ﺷﻴﺦ ﻋﺸﻴﺮﺓ ﺑﺲ ﺑﺮﻛﺎﺕ ﻣﻦ ﻛﺒﺎﺭﻳﺘﻬﻢ ﻛﻠﻬﺎ ﺗﻌﺮﻓﻪ ﺑﻠﻨﺎﺻﺮﻳﺔ ﻭﻟﻮ ﻋﻤﺮﻩ ﺻﻐﻴﺮ 33 ﺳﻨﺔ ﻭ 4 ﺧﻮﺍﺕ 3 ﻣﺘﺰﻭﺟﺎﺕ ﻭﻭﺣﺪﺓ ﻭﻳﺔ ﺍﻟﺤﺠﻴﺔ ﺑﻠﺒﻴﺖ ...
بيج قصص عراقيه حقيقيه من واقعنا.روعه الطائي
ﻃﺒﻌﺎ ﻫﺎﻱ ﺍﻟﻤﻘﺪﻣﺔ ﺍﻟﻄﻮﻳﻠﺔ ﺍﻟﻌﺮﻳﻀﺔ ﺣﺘﻰ ﺗﻌﺮﻓﻨﻲ ﻭﺗﺘﻌﺮﻑ ﻉ ﺍﻫﻠﻲ ﻻﻥ ﺑﺼﺮﺍﺣﺔ ﻋﻤﻲ ﻳﺸﺮﻓﻨﻲ ﺍﻃﻠﺐ ﺍﻳﺪ ﺑﻨﺘﻚ ﻭﺍﺗﻤﻨﻰ ﻣﺘﺮﺩﻧﻲ ﺍﻧﻲ ﺍﻟﺼﺮﺍﺣﺔ ﻣﺸﺎﻳﻔﻬﺎ ﺍﺑﺪ ﺑﺲ ﺍﺧﻼﻗﻬﺎ ﺗﺴﺒﻘﻬﺎ ... ﻫﺎ ﻋﻤﻲ ﻟﻴﺶ ﺳﺎﻛﺖ ..
- ﺍﺑﻮ ﺳﺮﻭﺓ .. ﻭﺍﻟﻠﻪ ﻳﺎﻭﻟﻴﺪﻱ ﻣﺎﻋﺮﻑ ﺷﻜﻮﻟﻚ ﺑﺲ ﺍﻧﻲ ﺑﻨﺘﻲ ﻣﻨﺎﻭﻱ ﺍﺯﻭﺟﻬﺎ ﻫﺴﺔ ﻭﻟﻮ ﺧﻮﺵ ﻗﺴﻤﺔ ﻭﻉ ﺍﻟﺮﺍﺱ ﺍﻧﺖ ﻭﺍﻫﻠﻚ ﺑﺲ ﻳﺎﺍﺑﻨﻲ ﺳﺮﻭﺓ ﺑﻌﺪﻫﺎ ﺻﻐﻴﺮﺓ ﻭﺍﺭﻳﺪﻫﺎ ﺗﻜﻤﻞ ﻛﻠﻴﺔ ﺣﺘﻲ ﺗﻌﻴﻨﻲ ﺗﻌﺮﻑ ﺣﺎﻟﺔ ﻋﻤﻚ ﻣﺎﻋﻨﺪﻩ ﺣﻴﻞ ﻭﺍﻟﻮﻛﺖ ﻭﺍﻟﻘﻬﺮ ﻭﺍﻟﻤﺎﻛﻮ ﺍﺧﺬﻭﺍ ﻣﻦ ﺣﻴﻠﻲ ﻭﻛﻠﻲ ﺍﻣﻞ ﺳﺮﻭﺓ ﺑﺸﻬﺎﺩﺗﻬﺎ ﺗﻄﻠﻊ ﻛﻠﻴﻪ ﺯﻳﻨﺔ ﻭﺍﺻﺮﻑ ﻋﻠﻴﻬﺎ ﺷﻜﺪ ﻣﺎﺑﻴﻪ ﺣﻴﻞ ﺣﺘﻰ ﺗﺘﺨﺮﺝ ﻭﺗﺘﻌﻴﻦ ﻭﺍﻫﻞ ﺍﻟﺮﺣﻢ ﻫﻮﺍﻳﺔ ﻳﺴﺎﻋﺪﻭﻧﻲ ﺑﺘﻌﻴﻴﻨﻬﺎ ...
- ﺗﻤﻴﻢ .. ﻋﻤﻲ ﺍﻧﻲ ﻫﻢ ﺍﺑﻨﻚ ﻭﺍﻥ ﺷﺎﺀﺍﻟﻠﻪ ﻣﺎﻗﺼﺮ ﻭﻳﺎﻛﻢ ...
- ﺍﺑﻮ ﺳﺮﻭﺓ .. ﻣﺘﻘﺼﺮ ﻭﻟﻴﺪﻱ ﻭﺍﻟﻨﻌﻢ ﻣﻨﻚ ﻭﻣﻦ ﺍﺻﻠﻚ ﺑﺲ ﻣﺘﺮﻫﻢ ﻭﺍﻟﻠﻪ ﺍﺑﻨﻲ ﺟﻨﺖ ﺍﺗﻤﻨﻰ ﺑﺲ ﺣﻴﺎﺗﻨﺎ ﻭﺣﻴﺎﺓ ﺍﺧﻮﺗﻬﺎ ﻣﺘﻮﻗﻔﺔ ﻋﻠﻴﻬﺎ ...
- ﺗﻤﻴﻢ .. ﻋﻤﻲ ﻭﺍﺫﺍ ﻛﺘﻠﻚ ﻣﻦ ﻣﺼﻠﺤﺘﻬﺎ ﻭﻣﺼﻠﺤﺘﻜﻢ ﺗﻘﺒﻠﻮﻥ ﻻﻥ ﺍﻛﻮ ﺷﻐﻼﺕ ﺍﻧﺘﻮ ﻣﺘﻌﺮﻓﻮﻫﺎ ﺻﺎﺭﺭﺕ ﻭﺍﻧﻲ ﺑﺼﺮﺍﺣﺔ ﺍﻟﻲ ﺧﻼﻧﻲ ﺍﺻﺮ ﻉ ﺧﻄﻮﺑﺔ ﺑﻨﺖ ﺣﻀﺮﺗﻚ ﺧﻮﻓﻲ ﻋﻠﻴﻬﺎ ﻣﻦ ﺷﻲ ﺟﺎﻥ ﻣﺪﺑﺮ ﺍﻟﻬﺎ ...
- ﺍﺑﻮ ﺳﺮﻭﺓ .. ﺷﻨﻮﻭﻭﻭ ﺍﺑﻨﻲ ﺷﻨﻮ ﺍﻟﻲ ﺻﺎﺭ ﺧﻮﻓﺘﻨﻲ ..
- ﺗﻤﻴﻢ .. ﻭﺍﻟﻠﻪ ﻋﻤﻲ ﺍﻧﻲ ﻣﺮﺩﺕ ﺍﺣﺠﻲ ﻭﻻ ﺍﺟﻴﺐ ﻃﺎﺭﻱ ﺑﺲ ﻻﻥ ﻣﺎﻧﻌﺖ ﻫﺴﺔ ﻓﻼﺯﻡ ﺗﻌﺮﻑ .. ﺗﻌﺮﻑ ﺳﻼﻡ ﺍﻟﻲ ﺍﺟﺘﻲ ﺍﻣﻪ ﻫﻨﺎ ﻭﺳﻮﻭﺕ ﻫﻮﺳﺔ ﺳﻼﻡ ﺻﺎﺣﺒﻲ ﺑﻠﻜﻠﻴﺔ ﺑﻨﻔﺲ ﺍﻟﺴﻨﺔ ﻭﺑﺼﺮﺍﺣﺔ ﺍﻧﻲ ﻋﺮﻓﺖ ﺭﺍﻳﺪ ﺑﻨﺘﻚ ﺑﺲ ﺍﻫﻠﻪ ﻣﺮﺍﺿﻴﻴﻦ ﻭﺧﺼﻮﺻﺎ ﺍﻣﻪ ﻭﺑﺼﺮﺍﺣﺔ ﺟﺎﻥ ﻧﺎﻭﻱ ﻧﻴﺔ ﻣﻮﺯﻳﻨﺔ ﻭﻳﺎﻛﻢ ﺣﺘﻰ ﻳﺠﺒﺮﻛﻢ ﻭﻳﺠﺒﺮ ﺍﻫﻠﻪ ﻉ ﻫﺎﻱ ﺍﻟﻘﺴﻤﺔ ...
- ﺍﺑﻮ ﺳﺮﻭﺓ .. ﻳﻌﻨﻲ ﺷﻨﻮ ﺍﺑﻨﻲ ﺷﻨﻮ ﺍﻟﻲ ﻳﻜﺪﺭ ﻳﺴﻮﻱ ..
- ﺗﻤﻴﻢ .. ﻭﺍﻟﻠﻪ ﻳﺎﻋﻤﻲ ﺍﻟﻲ ﻋﺮﻓﺘﻪ ﺍﻧﻮ ﻳﺮﻳﺪ ﻭﺍﻟﻠﻪ ﺣﺘﻰ ﻣﺎﻋﺮﻑ ﺷﻠﻮﻥ ﺍﻛﻮﻟﻬﺎ ...
- ﺍﺑﻮ ﺳﺮﻭﺓ .. ﻛﻮﻝ ﺍﺑﻨﻲ ﺍﻟﻠﻪ ﻳﺴﺘﺮ ﻋﻠﻴﻚ ..
- ﺗﻤﻴﻢ .. ﻳﺮﻳﺪ ﻳﻜﺴﺮ ﺑﻨﺘﻚ ﻭﻳﺎﺧﺬﻫﺎ ﻳﺘﺰﻭﺟﻬﺎ ﻏﺼﺒﺎ ﻋﻦ ﺍﻫﻠﻪ ﻭﺣﺘﻰ ﺍﺫﺍ ﺍﻧﺘﻮ ﻣﺎ ﻭﺍﻓﻘﺘﻮﺍ ... ﻫﺎ ﻋﻤﻲ ﺻﻔﻨﺖ ..
- ﺍﺑﻮ ﺳﺮﻭﺓ .. ﻭﺍﻟﻠﻪ ﻋﻤﻲ ﺣﻴﺮﺗﻨﻲ ﻭﺍﻧﻲ ﺣﻴﺮﺗﻲ ﺑﻬﻠﺪﻧﻴﺎ ﺍﻛﺒﺮ ﻭﺍﺑﻮﻩ ﺍﻧﺴﺎﻥ ﻭﺍﺻﻞ ﻭﺍﻣﻪ ﺍﻟﻠﻪ ﻳﺴﺘﺮ ﻋﻠﻴﻬﺎ ﺟﺒﺎﺭﺓ ﻣﺘﺘﻌﺎﺷﺮ ﻣﺒﻴﻦ ﻋﻠﻴﻬﺎ ﻳﻌﻨﻲ ﺑﻜﻞ ﺍﻟﻤﻘﺎﻳﻴﺲ ﻣﻴﻮﺍﻟﻤﻮﻧﺎ ﻭﻣﻮﻣﺎﻝ ﺍﻧﻄﻲ ﺳﺮﻭﺓ ﻟﻬﻴﺞ ﻧﺎﺱ ﺳﺮﻭﺓ ﻣﺘﻌﻴﺶ ﻭﻳﺎﻫﻢ ﺳﺮﻭﺓ ﻓﻘﻴﺮﺓ ﻭﻣﻦ ﺍﻫﻞ ﺍﻟﻠﻪ ﻭﻣﺘﺴﺘﺎﻫﻞ ﺍﻟﺸﻴﻦ ﻭﺗﺮﻳﺪ ﺗﻮﺻﻞ ﻭﺗﻜﻤﻞ ﻭﺗﻌﻴﺶ ﻭﺗﻌﻴﺸﻨﺎ ﺣﻴﺎﺓ ﺍﺣﺴﻦ ﻣﻦ ﺍﻟﻲ ﻋﺎﻳﺸﻴﻬﺎ ﻭﺍﻟﻠﻪ ﻭﻟﻴﺪﻱ ﻟﻮ ﺗﻌﺮﻑ ﺍﻟﺸﻐﻞ ﺍﻟﻲ ﺍﺷﺘﻐﻠﺘﻪ ﺣﺘﻰ ﺍﻭﻓﺮﻟﻬﺎ ﺍﻟﻠﻜﻤﺔ ﺍﻟﻬﺎ ﻭﻻﺧﻮﺗﻬﺎ ﺣﺘﻰ ﻳﻜﻤﻠﻮﻥ ﺩﺭﺍﺳﺘﻬﻢ ﻭﺣﺘﻰ ﺍﻟﻮﻟﺪ ﻫﻢ ﺭﺍﺡ ﺍﺗﻌﺐ ﻋﻠﻴﻬﻢ ﻋﻠﻤﺎ ﻳﻜﻤﻠﻮﻥ ﺣﺘﻰ ﺍﺷﻮﻑ ﺛﻤﺮﺓ ﺗﻌﺒﻲ ﻭﺍﻧﺖ ﻭﻟﻴﺪﻱ ﻫﺴﺔ ﻭﻫﺪﻧﺘﻨﻲ ﻭﺧﻠﻴﺘﻨﻲ ﺑﺤﻴﺮﺓ ﻭﺍﻧﻲ ﺍﺻﻼ ﺩﺍﻳﺦ ﺑﺰﻣﺎﻧﻲ ..
- ﺗﻤﻴﻢ .. ﻟﻴﺶ ﻫﻠﺪﻭﺧﺔ ﻋﻤﻲ ﺭﺍﺡ ﺍﻋﻴﺸﻬﺎ ﻣﻠﻜﺔ ﻭﻣﻤﺤﺘﺎﺟﺔ ﺍﻱ ﺷﻲ ﺭﺍﺡ ﺍﻭﻓﺮﻟﻬﺎ ﻛﻞ ﺍﻟﻲ ﺗﺮﻳﺪﻩ ...
- ﺍﺑﻮ ﺳﺮﻭﺓ .. ﺍﻋﺮﻑ ﻭﻟﻴﺪﻱ ﻣﺒﻴﻦ ﻋﻠﻴﻚ ﺍﺑﻦ ﺧﻴﺮ ﻭﺍﺑﻦ ﺍﻭﺍﺩﻡ ﺑﺲ ﺍﻧﻲ ﺍﻓﻜﺮ ﺑﺤﺎﻟﻲ ﻭﺑﺤﺎﻝ ﺍﺧﻮﺗﻬﺎ ﻣﻦ ﺑﻌﺪ ﻣﺘﺰﻭﺝ ﺳﺮﻭﺓ ﻣﻮ ﺑﻨﺘﻲ ﺳﺮﻭﺓ ﺻﺪﻳﻘﺘﻲ ﻭﺟﻨﺖ ﺍﺗﻤﻨﻰ ﺗﻜﻤﻞ ﻭﻣﺴﺘﻘﺒﻠﻬﺎ ﺑﺸﻬﺎﺩﺗﻬﺎ ﻭﻛﻠﻴﺔ ﺯﻳﻨﺔ ﺑﺲ ﺧﻮﻓﺘﻨﻲ ﻭﻟﻴﺪﻱ ﻭﻃﻠﻌﺖ ﺍﻟﺪﻧﻴﺎ ﻣﻦ ﻋﻴﻨﻲ ﻭﻣﺎﻋﺮﻑ ﺷﺘﺼﺮﻑ ﻟﻮ ﻭﻳﻦ ﺍﺧﺬﻫﺎ ﻭﺍﻧﻬﺰﻡ ﺑﻴﻬﻢ ﻭﺍﺣﻨﺔ ﺑﻠﻜﻮﺓ ﻫﻨﺎ ﻳﻠﺔ ﺍﺭﺗﺎﺣﻴﻨﺎ ﻳﻌﻨﻲ ﺭﺍﺡ ﺍﺑﻬﺬﻟﻬﺎ ﻭﺍﺑﻬﺬﻝ ﺍﺧﻮﺗﻬﺎ ﻭﺍﻣﻬﺎ ...
- ﺗﻤﻴﻢ .. ﻟﻴﺶ ﻳﺎﻋﻤﻲ ﻭﺍﻧﻲ ﻭﻳﻦ ﺭﺣﺖ ﻭﺍﻧﻲ ﺭﺍﻳﺪﻫﺎ ﺑﻠﺤﻼﻝ ﻭﺭﻛﺒﺘﻲ ﺳﺪﺍﺩ ﻭﺍﻟﻲ ﺗﺄﻣﺮ ﺑﻲ ..
- ﺍﺑﻮ ﺳﺮﻭﺓ .. ﻻ ﺍﺑﻨﻲ ﻣﻮ ﻫﻴﺞ ﺍﻓﺘﻬﻤﺘﻨﻲ ﻏﻠﻂ ﻫﺬﺍ ﻣﺼﻴﺮ ﺍﻟﻌﺎﺋﻠﺔ ﻛﻠﻬﺎ ... ﺯﻳﻦ ﻭﻟﻴﺪﻱ ﺍﻧﻄﻴﻨﻲ ﻣﻬﻠﺔ ﺍﻓﻜﺮ ﺑﻠﻤﻮﺿﻮﻉ ﻭﺍﺷﻮﺭﻫﺎ ﻭﺍﺷﻮﺭ ﺍﻣﻬﺎ ﻭﺍﻧﻄﻴﻚ ﺧﺒﺮ ..
- ﺗﻤﻴﻢ .. ﺷﻜﺪ ﻋﻤﻲ ﻣﻮ ﺣﺘﻰ ﺍﺩﺯ ﺍﺟﻴﺐ ﺍﻫﻠﻲ ﻣﻦ ﺍﻟﻨﺎﺻﺮﻳﺔ ﻭﺗﻌﺮﻑ ﻃﺮﻳﻖ ﺑﻌﻴﺪ ..
- ﺍﺑﻮ ﺳﺮﻭﺓ .. ﺍﻟﻠﻪ ﻛﺮﻳﻢ ﻭﻟﻴﺪﻱ ﺍﻧﻄﻴﻨﻲ ﺭﻗﻤﻚ ﻭﺧﻼﻝ ﻳﻮﻣﻴﻦ ﺍﺭﺟﻌﻠﻚ ﺧﺒﺮ ﻭﻳﺼﻴﺮ ﺧﻴﺮ ...
- ﺗﻤﻴﻢ .. ﺯﻳﻦ ﻋﻤﻲ ﺍﻧﻲ ﺍﺗﺮﺧﺺ ...
- ﺍﺑﻮ ﺳﺮﻭﺓ .. ﺍﺑﻘﻰ ﻭﻟﻴﺪﻱ ﻉ ﺍﻟﻌﺸﺎ ﻫﻠﻘﺎﺳﻤﺔ ﺍﻟﻠﻪ ..
- ﺗﻤﻴﻢ .. ﻭﺍﺻﻞ ﻋﻤﻲ ﻭﺍﻥ ﺷﺎﺀﺍﻟﻠﻪ ﻋﻦ ﻗﺮﻳﺐ ﻧﺼﻴﺮ ﺍﻫﻞ ﻭﻋﻮﺩ ﻧﺘﻌﺸﺎ ﺳﻮﺓ ..
- ﺍﺑﻮ ﺳﺮﻭﺓ .. ﺍﻟﻠﻪ ﻛﺮﻳﻢ ﻭﻟﻴﺪﻱ ﻧﺸﻮﻑ ﺭﺑﻚ ﺷﻜﺎﺗﺒﻠﻨﺎ ..
- ﺗﻤﻴﻢ .. ﺍﺗﺮﺧﺺ ﻋﻤﻲ ﻓﻲ ﺍﻣﺎﻥ ﺍﻟﻠﻪ ..
- ﺍﺑﻮ ﺳﺮﻭﺓ .. ﻓﻲ ﺍﻣﺎﻥ ﺍﻟﻠﻪ ﻃﻠﻌﺖ ﻭﺭﺍﻩ ﻭﺍﻧﻲ ﺑﺎﻟﻲ ﻣﻮ ﻭﻳﺎﻩ .. ﺻﺤﺖ ﻉ ﺍﺣﻤﺪ ﻭﻋﺒﺪﺍﻟﻠﻪ ﻃﺒﺒﺘﻬﻢ ﻭﻗﻔﻠﺖ ﺍﻟﺒﻮﺏ ﻭﻃﺒﻴﺖ ...
- ﺍﻡ ﺳﺮﻭﺓ ‏( ﺳﻬﺎﻡ ‏) .. ﻫﺎ ﻣﺤﻤﻮﺩ ‏( ﺍﺑﻮ ﺳﺮﻭﺓ ‏) ﺍﻟﻴﻮﻡ ﻣﻦ ﻭﻛﺖ ﻗﻔﻠﺖ ...
- ﺍﺑﻮ ﺳﺮﻭﺓ .. ﺍﻱ ﻭﺍﻟﻠﻪ ﺳﻬﺎﻡ ﺍﺣﺲ ﻧﻔﺴﻲ ﺗﻌﺒﺎﺍﻥ ﻭﻣﺎﻟﻲ ﻭﺍﻫﺲ ﻛﻠﺸﻲ ﺍﺭﻳﺪ ﺍﻣﺪﺩ ﺷﻮﻳﺔ ...
- ﺍﻡ ﺳﺮﻭﺓ .. ﺧﻴﺮﻙ ﻣﺤﻤﻮﺩ ﻟﻴﺶ ﺗﻌﺒﺎﻥ ﺍﻛﻮ ﺷﻲ ﻳﻮﺟﻌﻚ ...
- ﺍﺑﻮ ﺳﺮﻭﺓ .. ﻻ ﻻ ﻣﺎﺑﻴﺔ ﺷﻲ ﺑﺲ ﺩﺍﻳﺦ ﺷﻮﻳﺔ ﻣﺎﻛﻮ ﺷﻲ ﻟﻴﻀﻞ ﺑﺎﻟﻜﻢ ...
- ﺍﻡ ﺳﺮﻭﺓ .. ﻣﻨﻮ ﺟﺎﻥ ﺟﺎﻳﻚ ﻫﺴﺔ ﻭﺻﺎﺭﻟﻜﻢ ﺳﺎﻋﺔ ﻭﻧﺺ ﺗﺤﺠﻮﻭﻥ ...
- ﺍﺑﻮ ﺳﺮﻭﺓ .. ﻫﻴﺞ ﻭﻟﺪ ﺟﺎﻥ ﺭﺍﻳﺪ ﺷﻐﻠﺔ ..
- ﺍﻡ ﺳﺮﻭﺓ .. ﺍﻫﺎﺍﺍ ﺧﻴﺮ ﺍﻥ ﺷﺎﺀﺍﻟﻠﻪ ﺑﺮﺍﺣﺘﻚ ﺍﻋﻮﻓﻚ ﺗﺮﺗﺎﺡ ﺷﻮﻳﺔ ﺑﺲ ﺍﺫﺍ ﺍﻛﻮ ﺷﻲ ﺷﺎﺭﻛﻨﺎ ﺑﻲ ﺣﺘﻰ ﻧﻔﻜﺮ ﺯﻳﻦ ﻭﻳﺎﻙ ﻭﻧﻠﻜﺎ ﺣﻞ ﺍﺫﺍ ﺍﻛﻮ ﻣﺸﻜﻠﺔ ﻟﺘﻔﻜﺮ ﻭﺣﺪﻙ ﻭﺗﺪﻭﺥ ...
- ﺍﺑﻮ ﺳﺮﻭﺓ .. ﻇﻠﻴﺖ ﺻﺎﻓﻦ ﻋﻠﻴﻬﺎ ﺷﺄﻛﻮﻟﻠﻬﺎ ﻭﺷﺤﺠﻴﻠﻬﺎ ﺍﻛﻮﻟﻠﻬﺎ ﺣﻠﻤﻨﺎ ﺑﺒﻨﺘﻨﺎ ﻃﺎﺭ ﻭﺻﺎﺭ ﺩﺧﺎﻥ ﻭﻳﺔ ﺍﻟﻬﻮﺍ ﻟﻮ ﺍﻛﻮﻟﻠﻬﺎ ﺑﻨﺘﺞ ﻣﻬﺪﺩﺓ ﺑﺄﻧﻮ ﺗﺨﺘﺎﺭ ﻟﻮ ﺗﺨﺴﺮ ﺣﻴﺎﺗﻬﺎ ﻟﻮ ﺗﺪﻓﻦ ﺭﻭﺣﻬﺎ ﻭﻳﺔ ﻧﺎﺱ ﻣﺘﻌﺮﻓﻬﻢ ﻭﻻ ﻓﺪ ﻳﻮﻡ ﺷﺎﻓﺘﻬﻢ ﺍﻭ ﺍﺟﺔ ﺍﺑﺎﻟﻬﺎ ﺗﻌﻴﺶ ﻭﻳﺎﻫﻢ .. ﻃﻠﻌﺖ ﻭﺳﺪﺕ ﺍﻟﺒﺎﺏ ﻭﺭﺍﻫﺎ ﻭﻃﺎﻟﺖ ﺻﻔﻨﺘﻲ ﻉ ﺍﻟﺴﻜﻒ ﺍﻓﻜﺮ ﺑﻠﻲ ﺟﺎﻱ ﻭﺍﻟﻲ ﻣﻨﺘﻈﺮﻧﺎ ...

#ج٨

- ﺳﺮﻭﺓ .. ﻫﺎﻳﻤﺔ ﺷﺒﻲ ﺍﺑﻮ ﺳﺮﻭﺓ ﻣﻨﻮ ﺟﺎﻥ ﻳﻤﺔ ...
- ﺍﻡ ﺳﺮﻭﺓ .. ﻭﺍﻟﻠﻪ ﻳﻤﺔ ﻣﺎﺩﺭﻱ ﻳﻜﻮﻝ ﻭﻟﺪ ﻣﺘﻌﺮﻓﻮﻩ ﺑﺲ ﺍﻋﺘﻘﺪ ﺍﻛﻮ ﺷﻲ ﻣﺪﻳﻘﺒﻞ ﻳﻜﻮﻟﻪ ...
- ﺳﺮﻭﺓ .. ﺍﺧﺎﻑ ﺗﻌﺒﺎﻥ ﺍﻓﺮﻛﻠﻪ ﺭﺟﻠﻪ ..
- ﺍﻡ ﺳﺮﻭﺓ .. ﻻﻳﻤﺔ ﻋﻮﻓﻲ ﺧﻠﻲ ﻳﺮﺗﺎﺡ ﺑﻌﺪﻳﻦ ﻫﻮ ﻳﻜﻌﺪ ﻳﺤﺠﻲ ﻭﺣﺪﻩ ﺍﻧﻲ ﺍﻋﺮﻑ ...
- ﺳﺮﻭﺓ .. ﻃﺒﻌﺎ ﺗﻌﺮﻓﻪ ﻏﻴﺮ ﺣﺒﻴﺐ ﺍﻟﻜﻠﺐ ﺍﺫﺍ ﺍﻧﺘﻲ ﻣﺘﻌﺮﻓﻲ ﻗﺎﺑﻞ ﺍﻧﻲ ﺍﻋﺮﻑ ﻫﺎ ﺳﻬﻮﻣﺔ ﻣﻮ ﺻﺤﻴﺢ ...
- ﺍﻡ ﺳﺮﻭﺓ .. ﺍﻱ ﻭﺍﻟﻠﻪ ﺍﻋﺮﻓﻪ ﻣﻦ ﻋﻴﻮﻧﻪ ﺍﺑﻮﺝ ﺷﺎﻳﻞ ﻫﻢ ﺷﻲ ﻭﻣﻴﺮﻳﺪ ﻳﻀﻮﺟﻨﺎ ﺑﻲ ﻭﻣﺪﻳﺤﺠﻲ ﺑﺲ ﻫﺴﺔ ﻳﺘﻌﺐ ﻣﻦ ﺍﻟﺘﻔﻜﻴﺮ ﻭﻳﺠﻲ ﻳﺴﻮﻟﻒ ﻋﻮﻓﻲ ﺣﺒﻴﺒﺘﻲ ﻣﻮ ﻣﺎﻝ ﻧﻠﺢ ﻋﻠﻴﻪ ﺍﻧﻲ ﺍﺩﺭﻱ ﻣﺮﺍﺡ ﻳﺤﺠﻲ ﺍﻻﻳﺮﺗﺎﺡ ..
- ﺳﺮﻭﺓ .. ﺑﺮﺍﺣﺘﺞ ﺍﻡ ﺳﺮﻭﺓ ﻋﻴﻨﻲ ..
- ﺍﻡ ﺳﺮﻭﺓ .. ﺩﻛﻮﻣﻲ ﺍﺑﻮﻳﺔ ﺍﻧﺘﻲ ﺳﻮﻱ ﻋﺸﺎ .. .
ﻣﺮﺕ ﻳﻮﻣﻴﻦ ﻭﺍﺑﻮﻳﺔ ﺍﺣﺲ ﻫﻤﻮﻡ ﺍﻟﺪﻧﻴﺎ ﻉ ﺭﺍﺳﻪ ﻭﺭﺓ ﻣﺎﺍﺟﺔ ﻋﻠﻴﻪ ﺍﻟﻮﻟﺪ ﺣﺎﻟﺘﻪ ﻛﻠﺶ ﺗﺪﻫﻮﺭﺕ ﺑﺲ ﺻﺎﻓﻦ ﻭﺣﺘﻰ ﺍﻛﻠﻪ ﺻﺎﺭ ﻗﻠﻴﻞ ﺩﺧﻠﺘﻠﻪ ﻟﻠﻐﺮﻓﺔ ﺟﺎﻥ ﻣﺘﻤﺪﺩ ﻭﺍﻣﻲ ﺑﻠﻤﻄﺒﺦ ﺍﺧﻮﺗﻲ ﺑﺴﺎﺣﺔ ﺩﻳﻠﻌﺒﻮﻥ ﺻﺎﺭﻭ ﺍﺣﻤﺪ ﺍﻭﻝ ﻣﺘﻮﺳﻂ ﻭﻋﺒﺪﺍﻟﻠﻪ ﺧﺎﻣﺲ ﺍﺑﺘﺪﺍﺋﻲ ﺣﺒﺎﻳﺒﻲ ﻛﺒﺮﻭﺍ ﻃﺒﻴﺖ ﻉ ﺍﺑﻮﻳﺔ .. ﻫﺎ ﺍﺑﻮ ﺳﺮﻭﺓ ﺧﻴﺮﻙ ﻫﻴﺠﻲ ﺗﻀﻢ ﻋﻠﻴﻪ ﻭﺷﺎﻳﻞ ﻫﻢ ﺍﻟﺪﻧﻴﺎ ﻓﻮﻙ ﺭﺍﺳﻚ ﻭﺣﺪﻙ ﺣﺘﺰﻋﻠﻨﻲ ﻣﻨﻚ ﺍﺑﻮ ﺳﺮﻭﺓ ... ﺩﺣﺠﻲ ﻳﺎﺑﻌﺪ ﺟﺒﺪﻱ ...
- ﺍﺑﻮ ﺳﺮﻭﺓ .. ﻫﻬﻪ ﻭﺍﻟﻠﻪ ﻳﺎﺑﻨﺘﻲ ﺑﺲ ﺍﻧﺘﻲ ﺗﻜﺪﺭﻳﻦ ﺗﻄﻠﻌﻴﻨﻲ ﻣﻦ ﻫﻤﻮﻣﻲ ﺗﻌﺎﻟﻲ ﻓﺮﻛﻴﻠﻲ ﺍﻳﺪﻱ ﺷﻮﻳﺔ ...
- ﺳﺮﻭﺓ .. ﻳﺪﻟﻞ ﺍﻟﻜﺒﺪ ﺷﻠﻮﻧﻚ ﺭﻭﻳﺤﺘﻲ ﺍﻧﺖ ..
- ﺍﺑﻮ ﺳﺮﻭﺓ .. ﻫﺎﻱ ﺷﻨﻮ ﻭﻟﺞ ﻫﺴﺔ ﺗﺠﻲ ﺍﻣﺞ ﺷﻴﺨﻠﺼﻨﺎ ..
- ﺳﺮﻭﺓ .. ﻭﺍﻟﻠﻪ ﻣﻌﻠﻴﺔ ﺍﻧﺖ ﺍﻟﻌﺸﻖ ﻣﺎﻝ ﺍﻧﻲ ﻭﻣﺤﺪ ﻳﻨﺪﻙ ﺑﻴﻪ ﻫﺎ ..
- ﺍﺑﻮ ﺳﺮﻭﺓ .... ﻫﻬﻬﻬﻬﻬﻪ . ..
- ﺳﺮﻭﺓ .. ﺑﻌﺪ ﻋﻴﻨﻲ ﺿﺤﻜﺘﻚ ..
- ﺍﺑﻮ ﺳﺮﻭﺓ .. ﻭﻟﺞ ﻟﺴﺎﻧﺞ ﻭﻻ ﺟﻨﺞ ﻛﺮﺩﻳﺔ ﺑﺲ ﺷﻜﻠﺞ ﺍﻟﻠﻪ ﻳﺤﻔﻈﺞ ﻭﻳﺒﻌﺪ ﻋﻨﺞ ﺍﻭﻻﺩ ﺍﻟﺤﺮﺍﻡ ﻭﻳﺠﻔﻴﺞ ﺷﺮ ﺑﻨﻲ ﺍﺩﻡ ..
- ﺳﺮﻭﺓ .. ﺧﻴﺮﻙ ﺍﺑﻮ ﺍﺣﻤﺪ ﺷﺒﻴﻚ ﻭﻣﻨﻮ ﺍﺟﺎﻙ ﻭﻛﻠﺐ ﻛﻴﺎﻥ ﺍﻟﺒﻴﺖ ﻛﻠﻪ ..
- ﺍﺑﻮ ﺳﺮﻭﺓ .. ﻫﺎ ﻭﻟﺞ ﺍﺷﻮ ﺍﺑﻮ ﺍﺣﻤﺪ ..
- ﺳﺮﻭﺓ .. ﻣﻮ ﻣﻦ ﺍﺣﺠﻲ ﻭﻳﺎﻙ ﺟﺪﻳﺎﺕ ﺍﺻﻴﺤﻠﻚ ﺑﺄﺳﻢ ﺍﻟﺰﻟﻢ ﻣﺎﻟﺘﻨﺎ ﻫﻬﻬﻪ ﻭﺍﻟﻠﻪ ﻳﺎﺑﺔ ﻛﺒﺮﻭﺍ ﻭﺍﻥ ﺷﺎﺀﺍﻟﻠﻪ ﻳﻌﻴﻨﻮﻙ ﻭﻳﻌﻴﻨﻮﻧﺎ ﻋﻠﻰ ﺩﻧﻴﺎﺗﻨﺎ ... ﻫﺎﻳﺎﺑﺔ ﺿﺮﺑﺘﻬﺎ ﺻﻔﻨﻪ ﺷﻜﻮ ﻭﺍﻟﻠﻪ ﺧﻮﻓﺘﻨﻲ ..
- ﺍﺑﻮ ﺳﺮﻭﺓ .. ﻭﺍﻟﻠﻪ ﻳﺎﺑﺔ ﺳﺎﻟﻔﺔ ﺟﺒﻴﺮﺓ ﻭﺗﺨﻮﻑ ﻭﺗﺴﻄﺮ ﻭﻧﺎﻭﻱ ﺍﺣﺠﻴﻬﺎ ﺍﻟﺞ ﻭﻻﻣﺞ ﺭﻭﺣﻲ ﺻﻴﺤﻴﻬﺎ ﻭﺗﻌﺎﻟﻲ ... ﺻﺤﺖ ﺍﻣﻲ ..
- ﺍﻡ ﺳﺮﻭﺓ .. ﻫﺎ ﻳﻤﻌﻮﺩ ﻓﻜﻴﺖ ﻫﻠﻤﺮﺓ ﻃﻮﻟﺖ ﺻﺎﺭﻟﻚ ﻳﻮﻣﻴﻴﻦ ﺩﻭﺧﺘﻨﺎ ﻭﻳﺎﻙ ...
- ﺳﺮﻭﺓ .. ﺧﻴﺮ ﻳﺎﺑﺔ ﺧﻮﻓﺘﻨﻲ ﻭﺍﻟﻠﻪ ..
- ﺍﺑﻮ ﺳﺮﻭﺓ .. ﻭﺍﻟﻠﻪ ﺑﻨﻴﺘﻲ ﺧﻮﻓﻲ ﻛﻠﻪ ﻋﻠﻴﺞ ﺍﻧﺘﻲ ﻟﻮ ﺍﻋﺮﻑ ﻧﻀﻴﻊ ﺑﺲ ﺍﻧﺖ ﻻ ..
- ﺳﺮﻭﺓ .. ﺷﻜﻮ ﻳﺎﺑﺔ ﺷﻨﻮ ﺍﻟﺴﺎﻟﻔﺔ ﻟﻴﺶ ﺍﺿﻴﻊ ﻭﻧﻀﻴﻊ ﻓﺪﻭﺓ ﺍﺭﻭﺣﻠﻚ ﻓﻬﻤﻨﻲ ﺧﻴﺮ ..
ﺍﻡ ﺳﺮﻭﺓ .. ﻳﺎﺳﺘﺎﺭ ﺧﻴﺮ ﻳﻤﻌﻮﺩ ..
- ﺍﺑﻮ ﺳﺮﻭﺓ .. ﻭﺍﻟﻠﻪ ﻣﺎﻋﺮﻑ ﺑﻌﺪ ﺧﻴﺮ ﺷﺮ ﺍﻟﻠﻪ ﺍﻋﻠﻢ ﺷﻮﻓﻲ ﺑﻨﻴﺘﻲ ﺍﻟﻮﻟﺪ ﺍﻟﻲ ﺍﺟﺎﻧﻲ ﻗﺒﻞ ﻳﻮﻣﻴﻦ ﺍﺳﻤﻪ ﺗﻤﻴﻢ ﺻﺪﻳﻖ ﺳﻼﻡ ﺍﻟﻲ ﺍﺟﺘﻲ ﺍﻣﻪ ﻭﺳﻮﺕ ﻫﻮﺳﺔ ﻫﻨﺎ ﺑﻠﺒﺎﺏ ﺗﺘﺬﻛﺮﻭﻥ ..
- ﺳﺮﻭﺓ .. ﺍﻱ ﺍﻱ ﻭﺷﻴﺮﻳﺪ ..
- ﺍﺑﻮ ﺳﺮﻭﺓ .. ﻭﺍﻟﻠﻪ ﺣﺠﺎﻟﻲ ﺳﺎﻟﻔﺔ ﺩﻭﺧﻨﻲ ﺑﻴﻬﺎ ﺳﺎﻣﻊ ﻣﻦ ﺍﺻﺪﻗﺎﺀ ﻭﻳﺎﻫﻢ ﺑﻠﻜﻠﻴﺔ ﻋﻠﻤﻮﺩ ﺳﻼﻡ ﺻﺪﻳﻘﻪ ﺍﺫﺍ ﺍﻣﻪ ﻭﺍﺑﻮﻩ ﻣﻘﺒﻠﻮﺍ ﻳﺨﻄﺒﻮﺝ ﺍﻟﻪ ﻭﺍﻧﻲ ﻣﻨﻄﻴﺘﺞ ﻳﺨﻄﻔﺞ ﻭﻳﺠﺒﺮﻧﻲ ﺍﻗﺒﻞ ﺑﻲ ..
- ﺳﺮﻭﺓ .. ﺍﻧﻲ ﺻﻔﻨﺖ ﻋﻠﻴﻪ ﻣﺠﺎﻭﺑﺘﻪ ﺑﺲ ﺍﺑﺎﻭﻉ ﻋﻠﻰ ﺣﻠﻜﻪ ﺍﺭﻳﺪﻩ ﻳﻜﻤﻞ ﺍﻱ ..
- ﺍﺑﻮ ﺳﺮﻭﺓ .. ﺍﻱ ﻳﺎﺑﺔ ﻭﺍﻧﺘﻲ ﺍﻓﺘﻬﻤﻲ ﺍﻟﺒﺎﻗﻲ ..
- ﺳﺮﻭﺓ .. ﻭﺑﻌﺪﻳﻦ ﻳﺎﺑﺔ ...
- ﺍﺑﻮ ﺳﺮﻭﺓ .. ﺷﺒﻌﺪﻳﻦ ﻳﺒﻌﺪ ﺍﺑﻮﺝ ﺍﻧﻲ ﻗﺮﺭﺕ ﻧﺘﺮﻙ ﺍﻟﻤﺪﺭﺳﺔ ﻭﻧﻄﻠﻊ ﻣﻦ ﺍﻟﻤﻨﻄﻘﺔ ﻛﻠﻬﺎ ﻭﺧﻠﻴﻬﻢ ﻧﺎﺭﻫﻢ ﺗﺎﻛﻞ ﺣﻄﺒﻬﻢ ...
- ﺍﻡ ﺳﺮﻭﺓ .. ﺍﺩﺭﻱ ﻣﺎﻛﻮ ﻗﺎﻧﻮﻥ ﻳﻌﻨﻲ ﺻﺪﻙ ﺗﺤﺠﻲ ﺍﺑﻮ ﺳﺮﻭﺓ ﻭﻳﻦ ﻧﺮﻭﺡ ﻫﻢ ﻧﺮﺟﻊ ﻟﻠﻀﻴﻢ ..
- ﺳﺮﻭﺓ .. ﻭﻳﻦ ﻧﺮﻭﺡ ﻳﺎﺑﺔ ﻫﺬﺍ ﺍﻟﻤﻜﺎﻥ ﺍﻟﻮﺣﻴﺪ ﺍﻟﻲ ﺍﺭﺗﺎﺣﻴﻨﺎ ﺑﻲ ﻭﻣﺪﺍﺭﺱ ﻻﺣﻤﺪ ﻭﻋﺒﺪﺍﻟﻠﻪ ﻭﺍﻣﻲ ﻭﺷﻐﻠﻬﺎ ﻭﺍﻫﻢ ﺷﻲ ﺍﻧﺖ ﻣﺎﻛﻮ ﺗﻌﺐ ﻋﻠﻴﻚ ﻭﻛﻌﺪﺗﻨﺎ ﺑﻼﺵ ﺑﺪﻭﻥ ﺍﻳﺠﺎﺭ ﺻﺪﻙ ﺗﺤﺠﻲ ﻳﺎﺑﺔ ﻭﻳﻦ ﻧﺘﺒﻬﺬﻝ ﺍﺩﺭﻱ ﻗﺎﺑﻞ ﺍﻟﺒﻠﺪ ﺗﺎﻳﻪ ﺧﻴﻮﻟﻮﻥ ﻳﺎﺑﺔ ﻟﺘﺪﻳﺮ ﺑﺎﻝ ...
- ﺍﺑﻮ ﺳﺮﻭﺓ .. ﺷﻠﻮﻥ ﻳﺎﺑﺔ ﺷﻌﻨﺪﻱ ﺍﻏﻠﻰ ﻣﻨﺞ ﺳﺮﻭﺓ ﺍﻧﺘﻮ ﺍﻏﻠﻰ ﺷﻲ ﻋﻨﺪﻱ ﺑﻠﺪﻧﻴﺎ ﺍﻧﻲ ﺑﻌﺖ ﺍﻟﺪﻧﻴﺎ ﻛﻠﻬﺎ ﺣﺘﻰ ﺍﺣﺎﻓﻆ ﻋﻠﻴﻜﻢ ﻭﺍﻧﻲ ﺗﺪﺭﻳﻦ ﻣﺎﻟﻲ ﻇﻬﺮ ﺍﺣﺘﻤﻲ ﺑﻲ ﻭﺍﺑﻮﻩ ﺳﺎﻟﺖ ﻃﻠﻊ ﺟﺒﻴﺮ ﺑﻠﺪﻭﻟﺔ ﻳﺎﺑﺔ ﻳﻌﻨﻲ ﺷﻲ ﻳﺴﻮﻱ ﺍﺑﻨﻪ ﻳﻄﻠﻌﻪ ﻣﻦ ﺣﻠﻚ ﺍﻟﺴﺒﻊ ﻭﻻ ﻛﺄﻧﻮ ﻣﺴﻮﻱ ﺷﻲ ﻭﺍﺣﻨﺔ ﺍﻟﻨﻮﻛﻊ ﺑﻴﻬﺎ ﺣﻚ ﺍﻟﻀﻌﻴﻒ ﺿﺎﻳﻊ ﻭﺍﻟﻘﺎﻧﻮﻥ ﻣﻴﺤﻤﻲ ﻏﻴﺮ ﺭﻭﺣﻪ ﻛﻠﻤﻦ ﻳﺤﻤﻲ ﻧﻔﺴﻪ ﻭﻋﺎﺋﻠﺘﻪ ﺧﻠﻲ ﻧﻄﻠﻊ ﻣﻨﺎ ﻭﻧﺪﻭﺭ ﻣﻜﺎﻥ ﺍﺣﺴﻦ ﻭﺍﻥ ﺷﺎﺀﺍﻟﻠﻪ ﺧﻴﺮ ﺷﺪﻛﻮﻟﻴﻦ ﺳﻬﺎﻡ ..
- ﺍﻡ ﺳﺮﻭﺓ .. ﻭﻫﺬﺍ ﺍﻟﻮﻟﺪ ﺷﻴﺮﻳﺪ ﺍﺟﺎﻙ ﺑﺲ ﺩﻳﺒﻠﻐﻚ ﻭﻳﺮﻭﺡ ...
- ﺍﺑﻮ ﺳﺮﻭﺓ .. ﺍﺟﺔ ﻳﺨﻄﺐ ﺳﺮﻭﺓ ﻭﻳﺎﺧﺬﻫﺎ ﻟﻠﻨﺎﺻﺮﻳﺔ ﺍﺑﻦ ﻋﺸﺎﻳﺮ ﻭﺍﻫﻠﻪ ﻫﻨﺎﻙ ﺑﺲ ﻳﻜﻤﻞ ﻛﻠﻴﺘﻪ ..
- ﺳﺮﻭﺓ .. ﻻ ﻳﺎﺑﺔ ﻫﺬﺍ ﻣﻮ ﺣﻞ ﺍﻧﻲ ﻣﺎﺭﺿﻰ ﺑﻠﺒﻬﺬﻟﺔ ﻣﻮ ﺟﻨﺔ ﻗﺒﻞ ﺑﻼﻳﺠﺎﺭﺍﺕ ﻭﺷﻐﻞ ﻣﺎﻛﻮ ﻭﺍﻟﻤﻨﺎﻃﻖ ﺍﻟﺘﻌﺒﺎﻧﺔ ﺍﻟﻲ ﻛﻌﺪﻧﺎ ﺑﻴﻬﺎ ﻋﻼﻗﻞ ﻫﻨﺎ ﺍﻟﻤﻨﻄﻘﺔ ﻣﺮﺗﺒﺔ ﻭﺍﻫﻠﻬﺎ ﻧﺎﺱ ﺍﻭﺍﺩﻡ ﻭﻟﻮ ﻣﻮ ﻛﻠﻬﻢ ﺑﺲ ﺍﺣﺴﻦ ﻣﻦ ﺍﻟﻤﻨﺎﻃﻖ ﺍﻟﻲ ﺟﻨﺔ ﻛﺎﻋﺪﻳﻦ ﺑﻴﻬﺎ ﻭﺍﻫﻢ ﺷﻲ ﺭﺍﺣﺘﻚ ﻳﺎﺑﺔ ﻭﺷﻐﻠﻚ ...
- ﺍﺑﻮ ﺳﺮﻭﺓ .. ﻟﻌﺪ ﺷﻠﻮﻥ ﻳﺎﺑﺔ ...
- ﺳﺮﻭﺓ .. ﻣﻮ ﻣﺸﻜﻠﺔ ﻳﺎﺑﺔ ﺍﻗﺒﻞ ﺑﺘﻤﻴﻢ ﺍﻧﺖ ﻣﻮ ﺗﻜﻮﻝ ﺍﻫﻠﻪ ﻋﺸﺎﻳﺮ ﻫﻮ ﺍﻟﻮﺣﻴﺪ ﺍﻟﻲ ﻳﻜﺪﺭ ﻳﻮﻛﻔﻠﻬﻢ ﻭﺍﻃﻠﻊ ﻣﻨﺎ ﻭﻫﺬﺍ ﺍﻟﺜﺎﻧﻲ ﺳﻼﻡ ﻣﺮﺍﺡ ﻳﻜﺪﺭ ﻳﺴﻮﻱ ﺷﻲ ﺑﺲ ﻋﻔﻴﺔ ﺍﺷﺮﻁ ﻋﻠﻴﻪ ﺍﻛﻤﻞ ﺩﺭﺍﺳﺘﻲ ﻭﺍﺗﻌﻴﻦ ﻋﻔﻴﺔ ﻻﺯﻡ ﺍﺣﻘﻖ ﺣﻠﻤﻲ ﻭﺣﻠﻤﻚ ﻭﺍﺟﻴﺒﻠﻚ ﺍﻟﺸﻬﺎﺩﺓ ﺍﻟﻲ ﺗﻄﻠﻌﻨﺎ ﻣﻦ ﺍﻟﻨﻜﺮﺓ ﺍﻟﻲ ﻋﺎﻳﺸﻴﻦ ﺑﻴﻬﺎ ﻭﺍﺭﻳﺤﻚ ﺑﻌﺪ ﻛﻞ ﺗﻌﺒﻚ ﻭﻳﺎﻧﺎ ...
- ﺍﺑﻮ ﺳﺮﻭﺓ .. ﺷﻠﻮﻥ ﻳﺎﺑﺔ ﺍﻧﺘﻲ ﺑﻌﺪﺝ ﺻﻐﻴﺮﺓ ﺑﻨﻴﺘﻲ ﻭﺗﺮﺓ ﻫﻤﺔ ﻛﺎﻋﺪﻳﻦ ﺑﻠﻨﺎﺻﺮﻳﺔ ﻳﻌﻨﻲ ﺳﻨﺔ ﻳﻜﻤﻞ ﻛﻠﻴﺘﻪ ﻳﺎﺧﺬﺝ ﻫﻨﺎﻙ ﺗﻌﻴﺸﻴﻦ ﺗﻜﺪﺭﻳﻦ ﺗﺘﺤﻤﻠﻴﻦ ﻋﻴﺸﺔ ﺍﻟﻘﺮﻳﺔ ﻭﺍﻧﺘﻲ ﻣﺘﻌﻮﺩﺓ ﻉ ﺑﻐﺪﺍﺩ ..
- ﺳﺮﻭﺓ .. ﺍﺗﻌﻮﺩ ﻳﺎﺑﺔ ﻛﻠﺸﻲ ﺍﺗﻌﻮﺩ ﺑﺲ ﻟﺘﻜﻮﻟﻲ ﺗﻄﻠﻌﻮﻥ ﻣﻦ ﺍﻟﻤﺪﺭﺳﺔ ﻭﺗﺘﺒﻬﺬﻟﻮﻥ ﻣﻦ ﻭﺭﺍﻳﺔ ..
- ﺍﻡ ﺳﺮﻭﺓ .. ﺑﺲ ﻣﻜﺎﻧﻬﻢ ﺑﻌﻴﺪ ﺑﻨﻴﺘﻲ ﺷﻠﻮﻥ ﺭﺍﺡ ﺗﺘﺤﻤﻠﻴﻦ ﻭﺍﺣﻨﺔ ﺷﻠﻮﻥ ﺭﺍﺡ ﻧﺘﺤﻤﻞ ﻫﻠﻜﺪ ﺗﺒﺘﻌﺪﻳﻦ ...
- ﺳﺮﻭﺓ .. ﺷﺴﻮﻱ ﻳﺎﻣﻲ ﻣﺘﻜﻮﻟﻴﻠﻲ ﺗﺘﺬﻛﺮﻳﻦ ﻟﻮ ﻧﺴﻴﺘﻲ ﻋﻴﺸﺘﻨﺎ ﺑﺮﺓ ﻣﻦ ﺍﻳﺠﺎﺭ ﻻﻳﺠﺎﺭ ﻭﺍﺑﻮﻳﺔ ﻭﺷﻐﻠﻪ ...
- ﺍﺑﻮ ﺳﺮﻭﺓ ... ﺯﻳﻦ ﻳﺎﺑﺔ ﺍﻧﺘﻲ ﺷﺎﻳﻔﺘﻪ ﻟﻠﻮﻟﺪ ...
- ﺳﺮﻭﺓ .. ﻻ ﻳﺎﺑﺔ ﻣﻮ ﻣﻬﻢ ..
- ﺍﺑﻮ ﺳﺮﻭﺓ .. ﺷﻠﻮﻥ ﻣﻮ ﻣﻬﻢ ﺳﺮﻭﺓ ﻫﺎﻱ ﺣﻴﺎﺗﺞ ﻟﺘﺤﺴﺴﻴﻨﻲ ﺑﺬﻧﺐ ﻣﻜﺪﺭﺕ ﺍﻋﻴﺸﻜﻢ ﺍﻟﻌﻴﺸﺔ ﺍﻟﻄﻴﺒﺔ ﺍﻟﻲ ﺗﺘﻤﻨﻮﻫﺎ ﻭﻻ ﻛﺪﺭﺕ ﺍﺣﻤﻴﻜﻢ ...
- ﺳﺮﻭﺓ .. ﻻ ﻳﺎﺑﺔ ﺷﺪﺗﺤﺠﻲ ﻓﺪﻭﺓ ﺭﺣﺘﻠﻚ ﻳﻜﻔﻲ ﻭﺟﻬﻚ ﻭﺍﺑﺘﺴﺎﻣﺘﻚ ﻳﺎﺑﺔ ﻣﺎﺭﻳﺪﻙ ﺗﺘﻌﺮﺽ ﻟﻤﻮﻗﻒ ﻣﺘﺘﺤﻤﻠﻪ ﻭﺍﻧﻲ ﻋﺎﻳﺸﺔ ﻗﺎﺑﻞ ﻭﻳﻦ ﺭﺍﻳﺤﺔ ﻭﺍﻧﻲ ﺍﺗﺤﻤﻞ ﺻﺪﻛﻨﻲ ﻳﺎﺑﺔ ﺷﻮﻳﺔ ﺷﻮﻳﺔ .. ﻃﺒﻌﺎ ﺍﻣﻲ ﻣﺪﻧﺠﺔ ﻭﺑﺲ ﺩﻣﻮﻉ ..
ﻣﺮ ﺍﻟﻴﻮﻡ ﺍﻟﻮﺍﺭﻩ ﻭﻃﻠﺒﺖ ﻣﻦ ﺍﺑﻮﻳﺔ ﻳﺘﺼﻞ ﺑﻲ ﻭﻳﺒﻠﻐﺔ ﻣﻮﺍﻓﻘﻴﻦ ..
3 ﺍﻳﺎﻡ ﻭﺍﺟﺔ ﺗﻤﻴﻢ ﻫﻮ ﻭﺍﻣﻪ ﺍﺑﻮﻳﺔ ﺟﺎﻥ ﺑﻠﺴﺎﺣﺔ ﺻﺎﺡ ﻋﻠﻴﻪ ﻭﻉ ﺍﻣﻲ ﻃﻠﻌﺖ ﺍﻣﻲ ﻭﺍﺟﺘﻲ ﺗﺮﻛﺾ ﻟﺞ ﻛﻮﻣﻲ ﺳﺮﻭﺓ ﺍﺟﻮﻱ ﺧﻄﺎﺭ ﻭﺍﻧﻲ ﻇﻠﻴﺖ ﺍﻣﺪﺩﺓ ﻛﻞ ﺿﻨﻲ ﺍﻟﺨﻄﺎﺭ ﺑﻠﻐﺮﻓﺔ ﺍﻟﺜﺎﻧﻴﺔ ﺑﺲ ﺍﻣﻲ ﻃﺒﺒﺖ ﺍﻟﻤﺮﺓ ﺑﻠﻐﺮﻓﺔ ﺍﻟﻲ ﺍﻧﺎﻡ ﺑﻴﻬﺎ ﻭﺍﺑﻮﻳﺔ ﻭﺗﻤﻴﻢ ﻛﻌﺪﻭ ﺑﻠﻬﻮﻝ ﺍﺟﺘﻲ ﺍﻣﻪ ﻃﺒﺖ ﻭﺑﺲ ﺗﺼﻠﻲ ﻉ ﺍﻟﻨﺒﻲ ﻣﺮﺓ ﺟﺒﻴﺮﺓ ﻭﻻﺑﺴﺔ ﺷﻴﻠﺔ ﺑﻴﻀﺔ ﺑﺲ ﻃﻠﺘﻬﺎ ﺗﺨﺒﻞ ﻧﻮﺭ ﺍﻟﻨﺒﻲ ﻛﻠﻪ ﺑﻮﺟﻬﻬﺎ ﻭﺑﺲ ﻭﺍﺣﺪ ﻳﻌﺠﺒﻪ ﻳﺒﺎﻭﻉ ﺑﻮﺟﻬﻪ ﻛﻠﻠﺶ ﺣﺒﻴﺘﻬﺎ ﺑﻮﺳﺖ ﺍﻣﻲ ﻭﺩﺧﻠﺖ ﻛﻌﺪﺕ ﺑﻠﻜﺎﻉ ﻻﻥ ﺟﻨﺔ ﻓﺎﺭﺷﻴﻦ ﺑﻠﻜﺎﻉ ﻭﺍﻟﺤﻤﺪﻟﻠﻪ ﺑﻴﺘﻨﺎ ﺩﺍﺋﻤﺎ ﻧﻈﻴﻒ ﻭﻣﺮﺗﺐ ﻻﻥ ﻣﺎﻋﺪﻧﺎ ﺟﻬﺎﻝ ﺍﺧﻮﺗﻲ ﻛﺒﺎﺭ ﻭﻫﻨﺔ ﺑﺲ ﻏﺮﻓﺘﻴﻦ ﻃﺒﺖ ﺗﺒﺎﻭﻉ ﻋﻠﻴﻪ ﻭﺗﺼﻠﻲ ﻉ ﺍﻟﻨﺒﻲ ﺗﻌﺎﻟﻲ ﻳﺎﺑﻌﺪ ﺟﺒﺪﻱ ﺗﻌﺎﻟﻲ ﻳﻤﺔ ﻭﺭﻳﺪﺓ ﻭﺩﺧﻠﺖ ﻛﻠﺒﻲ ﻭﺑﻌﺪ ﺍﺭﻳﺪﻫﺎ ﺗﺪﺧﻞ ﺑﻴﺘﻲ ﻭﻣﺎﺗﻄﻠﻊ ﻣﻨﻪ ﻭﻛﻞ ﻭﻟﻴﺪﺍﺕ ﺍﺑﻨﻲ ﻣﻨﻬﺎ ﻛﻤﺖ ﺑﻮﺳﺘﻬﺎ ﻭﻟﻬﺠﺘﻬﺎ ﻭﻣﺼﻄﻠﺤﺎﺗﻬﺎ ﺗﺨﺒﻞ ﻛﻠﺶ ﻋﺠﺒﻨﻲ ﺍﺣﺠﻲ ﻭﻳﺎﻫﺎ ﻭﺍﻣﻲ ﻫﻢ ﺍﻧﺪﻣﺠﺖ ﻛﻠﺶ ﻭﻳﺎﻫﺎ ﻳﻤﺔ ﻭﻟﻴﺪﻱ ﻭﻋﺮﻑ ﻳﺨﺘﺎﺭ ﻫﻲ ﻣﺘﺪﺭﻱ ﻫﻮ ﺍﺻﻼ ﻻﺷﺎﻳﻔﺘﻪ ﻭﻻ ﺷﺎﻳﻔﻨﻲ ﻛﻌﺪﻧﺎ ﻧﺴﻮﻟﻒ ﻭﻋﺮﻓﺘﻨﺎ ﻉ ﻋﺎﺋﻠﺘﻬﻢ ﻭﻫﻲ ﻣﺘﻌﻠﻘﺔ ﺑﻮﻟﺪﻫﺎ ﺑﺸﻜﻞ ﻻﻥ ﺭﺍﺣﻠﻬﺎ ﻭﺍﺣﺪ ﻭﻛﻌﺪﺕ ﺗﺒﺠﻲ ﻭﺗﺴﻮﻟﻔﻠﻨﺎ ﻓﺘﺨﺎﻑ ﻛﻠﺶ ﻉ ﻭﻟﺪﻫﺎ ﻭﻣﺘﺮﻓﻀﻠﻬﻢ ﻃﻠﺐ ﺧﺼﻮﺻﺎ ﺗﻤﻴﻢ ﻻﻥ ﺩﻳﺪﺭﺱ ﻭﺍﻏﻠﺐ ﺍﻟﻮﻛﺖ ﻣﻮ ﻳﻤﻬﺎ ..
- ﺍﻟﺤﺠﻴﺔ .. ﻳﻤﺔ ﻭﺍﻟﻠﻪ ﺗﺮﺗﺎﺣﻴﻦ ﻳﻤﻲ ﻭﺍﻧﻲ ﺍﺭﺗﺎﺣﻴﺘﻠﻜﻢ ﺣﻴﻞ ﻭﻣﺎﻓﻮﺗﺞ ﻣﻦ ﺍﻳﺪﻱ ﺣﺒﻴﺒﺔ ﻛﻠﺒﻲ ﻭﻛﻠﺐ ﺍﺑﻨﻲ ...
ﺍﻧﻲ ﺳﺎﻛﺘﺔ ﻭﺍﻓﻜﺮ ﺑﻠﻲ ﺟﺎﻱ ﻭﻳﻦ ﺣﻴﻮﺩﻳﻨﻲ ﺍﻟﺪﻫﺮ ﻭﺷﺮﺍﺡ ﻳﻠﻌﺐ ﺑﻴﻪ ﺯﻣﺎﻧﻲ ﺑﻌﺪ...

ﻇﻠﺖ ﺍﻟﺤﺠﻴﺔ ﻳﻤﻨﺎ ﺗﻘﺮﻳﺒﺎ ﺳﺎﻋﺘﻴﻦ ﺑﻌﺪﻳﻦ ﻃﺐ ﺍﺑﻮﻳﺔ ﻛﻠﻠﻬﺎ ﺣﺠﻴﺔ ﺗﻤﻴﻢ ﻳﺮﻳﺪﺝ ...
- ﺍﻟﺤﺠﻴﺔ ... ﺍﻱ ﻳﻤﺔ ﻛﺎﻳﻤﺔ ...
- ﺍﺑﻮ ﺳﺮﻭﺓ .. ﻛﻮﻣﻲ ﺳﺮﻭﺓ ﻳﺎﺑﺔ ﻭﺍﻧﺘﻲ ﻫﻢ ﺍﻡ ﺳﺮﻭﺓ ﻃﻠﻌﻦ ﺳﻠﻤﻦ ﻉ ﺍﻟﻮﻟﺪ ....
- ﺳﺮﻭﺓ ..😱😱😱 ﻻﻳﺎﺑﺔ ﻋﻔﻴﺔ ﺍﻧﻲ ﻟﻴﺶ ﻃﺎﻟﻌﺔ ﺍﺳﺘﺤﻲ ...
- ﺍﻟﺤﺠﻴﺔ ... ﻣﺎﻛﻮ ﻣﺴﺘﺤﺔ ﺑﻌﺪ ﺑﻨﻴﺘﻲ ﻛﻮﻣﻲ ﺧﻠﻲ ﻳﺸﻮﻓﺞ ﺧﻄﻴﺒﺞ ...
- ﺍﺑﻮ ﺳﺮﻭﺓ .. ﻛﻮﻣﻲ ﺳﺮﻭﺓ ﻛﻮﻣﻲ ﻳﺎﺑﺔ ﻋﻠﻴﺶ ﻫﻠﻤﺴﺘﺤﺔ ..
- ﺳﺮﻭﺓ .. ﻛﻤﺖ ﻭﺍﻧﻲ ﻣﻴﺘﻪ ﻣﻦ ﺍﻟﻤﺴﺘﺤﺔ ﻋﻔﻴﺔ ﻭﺍﻟﻠﻪ ﺣﺘﻰ ﻧﻮﺑﺎﺕ ﺍﺣﺲ ﺍﻧﻲ ﺍﺧﺎﻑ ﻣﻦ ﺍﻟﻮﻟﺪ ﻫﻠﻜﺪ ﻣﺎﺗﺠﻨﺒﺘﻬﻢ ﺑﺤﻴﺎﺗﻲ ﻛﻠﻬﺎ ﻭﻫﺎﻱ ﺍﻭﻝ ﻣﺮﺓ ﺍﻣﺮ ﺑﻬﻴﺞ ﻣﻮﻗﻒ ﻭﺭﺟﻠﻲ ﺗﻄﻜﻄﻚ ﻣﻦ ﺍﻟﺨﻮﻑ ﺍﻗﺪﻡ ﺭﺟﻞ ﻭﺍﺃﺧﺮ ﻋﺸﺮﺓ ﻟﺤﺪ ﻣﺎﺍﻣﻲ ﺻﺎﺣﺘﻨﻲ ﻭﺍﻣﻪ ﺻﺎﺣﺘﻨﻲ ﺻﺎﺭﻥ ﻧﺎﺩﺭﺍﺕ ﺍﻟﺤﺒﺎﻳﺐ ﺩﻏﻠﺴﻦ ﺧﺮﺏ ﺣﻈﻲ ... ﻃﺒﻴﺖ ﻛﻠﺖ ﺍﻟﺴﻼﻡ ﻋﻠﻴﻜﻢ ﻛﻌﺪﺕ ﻳﻢ ﺍﻣﻲ ﺯﺭﻙ ﻛﻌﺪﺕ ﺑﺎﻭﻋﺖ ﻋﻠﻴﻪ ﻣﺪﻧﺞ ﻭﻻ ﺭﻓﻊ ﺭﺍﺳﻪ ﻣﻜﺴﻮﻑ ﻣﻨﻲ 😁 ﺭﺩ ﺍﻟﺴﻼﻡ ﺑﺲ ﻳﺨﺒﺒﺒﻞ ﻫﻮ ﻧﻔﺴﻪ ﺍﻟﻲ ﺟﺎﻥ ﻳﻮﻛﻒ ﻋﻠﻤﻮﺩ ﺳﻤﺎ ﻟﻌﺪ ﻟﻴﺶ ﺍﺟﺔ ﻋﻠﻴﻪ ﻭﻋﺎﻓﻬﺎ ﻣﻌﻘﻮﻟﺔ ﻫﻲ ﻣﺮﺍﺩﺗﻪ ﺍﻱ ﻃﺒﻌﺎ ﺍﻛﻴﺪ ﻻﻥ ﺟﻠﺒﺖ ﺑﺴﻼﻡ ﻫﻲ ﻛﺎﻟﺖ ﻭﻋﺎﻓﺘﻪ ﻇﻠﻴﺖ ﺍﻭﺩﻱ ﻭﺍﺟﻴﺐ ﺑﺘﻔﻜﻴﺮﻱ ﻟﺤﺪ ﻣﺎﺻﺎﺣﺘﻨﻲ ﺍﻣﻪ ...
- ﺍﻟﺤﺠﻴﺔ .. ﺗﻌﺎﻟﻲ ﻳﻤﻪ ﺍﻛﻌﺪﻱ ﻳﻤﻲ ...
ﺭﺣﺖ ﻳﻤﻬﺎ ﺑﻜﻮﻣﺘﻲ ﺭﻓﻊ ﺭﺍﺳﻪ ﻭﺑﺎﻭﻋﻠﻲ ﻭﺻﺎﺭﺕ ﻋﻴﻨﻲ ﺑﻌﻴﻨﻪ ﺭﺃﺳﻦ ﺩﻧﺞ ﺍﻧﻲ ﻫﻢ ﻛﻠﺶ ﺍﺳﺘﺤﻴﺖ ﻛﺎﻋﺪﻳﻦ ﻳﺴﻮﻟﻔﻮﻥ ﻭﺍﻧﻲ ﺍﻟﻤﺴﺘﺤﺔ ﻣﻮﺗﺘﻨﻲ ﻣﺮﺗﻴﻦ ﺑﺎﻭﻉ ﻋﻠﻴﻪ ﻭﻟﺔ ﻫﻮ ﺍﻟﻜﻌﺪﺓ ﻛﻠﻬﺎ ﻣﺪﻧﺞ ﻣﻦ ﻳﺤﺠﻲ ﻭﻳﺔ ﺍﻣﻪ ﻻﻥ ﺍﻧﻲ ﻛﺎﻋﺪﺓ ﻳﻤﻬﺎ ﻭﻭﻳﺔ ﺍﺑﻮﻳﺔ ... ﻛﺎﻡ ﻛﻠﻠﻬﺎ ﻳﻠﺔ ﺣﺠﻴﺔ ﻧﺘﺮﺧﺺ .. ﺍﻣﻲ ﺟﻠﺒﺖ ﺑﻴﻬﺎ ...
- ﺍﻡ ﺳﺮﻭﺓ .. ﻭﺍﻟﻠﻪ ﻳﺎﺍﻡ ﺗﻤﻴﻢ ﺍﻭﻝ ﻃﺒﺘﺞ ﺍﻟﻨﺎ ﺩﺑﺎﺗﻲ ﻳﻤﻨﺎ ...
- ﺍﻟﺤﺠﻴﺔ .. ﻻ ﻳﺎ ﺍﻡ ﺍﻟﻐﺎﻟﻴﺔ ﺗﻤﻴﻢ ﻋﻨﺪﻩ ﺷﻘﺔ ﻫﻨﺎ ﻳﻢ ﻛﻠﻴﺘﻪ ﻭﺍﻧﺔ ﺩﺍﻳﻤﺎ ﺍﺟﻲ ﻟﺒﻐﺪﺍﺩ ﺍﻛﻌﺪ ﻳﻤﻪ ﻣﻌﻤﻮﺭ ﺍﻥ ﺷﺎﺀﺍﻟﻠﻪ ﻭﻛﺎﻋﺪﺓ ﻭﺗﺒﻮﺱ ﺑﻴﻪ ﻳﻤﺔ ﺑﻨﻴﺘﻲ ﻣﺎﻓﻮﺗﺞ ﻣﻦ ﺍﻳﺪﻱ ﻳﻤﻪ ﺷﻠﻮﻥ ﺟﻤﺎﻝ ﺑﻨﻴﺘﻲ ﻭﻫﻮ ﻣﺪﻧﺞ ﻭ ﻳﺒﺘﺴﻢ ﻋﻮﺩ ﺩﻳﺤﺠﻲ ﻭﻳﺔ ﺍﺑﻮﻳﺔ ﻭﻛﻞ ﺷﻮﻳﺔ ﻭﻣﺒﺎﻭﻉ ﻋﻠﻴﺔ ﻃﻠﻌﻮ ﺍﺑﻮﻳﺔ ﻣﻜﻴﻒ ﺑﻴﻬﻢ ﻭﺍﻣﻲ ﻫﻢ ..
- ﺍﻡ ﺳﺮﻭﺓ .. ﻭﺍﻟﻠﻪ ﻣﺒﻴﻨﻴﻦ ﺧﻮﺵ ﻧﺎﺱ ﻣﻮ ﻣﺜﻞ ﺫﺍﻙ ﺍﻟﺰﻧﺎﻧﺔ ﺍﻟﻲ ﺧﺎﻑ ﻣﻦ ﺍﻣﻪ ﻭﺍﻧﻬﺰﻡ ﻭﻫﻤﺔ ﺷﻠﻮﻥ ﻋﺎﺋﻠﺔ ﻋﺎﺑﺖ ﻭﻟﺞ ﺍﻟﻠﻪ ﻳﺤﺒﺞ ﺣﺒﻴﺒﺘﻲ ﻭﺗﺨﻠﺼﻴﻦ ﻣﻦ ﻫﻠﻌﻴﺸﺔ ..
- ﺳﺮﻭﺓ .. ﻻ ﻳﻤﺔ ﺍﻧﻲ ﻣﻤﺸﺘﻜﻴﺔ ﺟﻨﺖ ﺍﺳﻮﻱ ﺣﻞ ﺍﻟﻨﺎ ﻛﻠﻨﺎ ﺑﺲ ﻣﺎﺭﻳﺪ ﺍﺟﺰﻉ ﺍﺑﻮﻳﺔ ﻭﺍﺧﻠﻲ ﺑﺲ ﻳﻔﻜﺮ ﺷﻠﻮﻥ ﻳﻬﺞ ﺑﻴﻨﺎ ﻣﻨﺎ ﻭﺍﻧﻲ ﻛﻠﺖ ﺍﻛﻮﻝ ﻻﻣﻪ ﻳﺨﻠﻴﻨﻲ ﺍﻛﻤﻞ ﻛﻠﻴﺔ ﻭﺍﺗﻌﻴﻴﻦ ﻭﺍﻋﻴﻨﻜﻢ ﻫﺬﺍ ﻫﺪﻓﻲ ﺑﻠﺪﻧﻴﺎ ﻳﻤﺔ ...
- ﺗﻤﻴﻢ .. ﻫﺎﻳﻤﺔ ﺷﻨﻮ ﺭﺍﻳﺞ ...
- ﺍﻟﺤﺠﻴﺔ .. ﻳﻤﺔ ﻳﺒﻌﺪ ﺍﻣﻚ ﻳﺨﺒﻠﻮﻥ ﻓﻌﻼ ﻋﺎﻳﻠﺔ ﺗﻌﺒﺎﻧﺔ ﻉ ﻧﻔﺴﻬﺎ ﻭﺍﻧﻲ ﺍﻟﻲ ﻧﻈﺮﺓ ﺑﻠﻮﺍﺩﻡ ﺍﻣﻬﺎ ﻭﺍﺑﻮﻫﺎ ﻭﻫﻲ ﺑﻨﻴﺔ ﻣﺆﺩﺑﺔ ﻭﻭﺟﻬﻪ ﻳﻀﺤﻚ ﻣﻮ ﻣﺜﻞ ﺍﻟﺒﻮﻡ ﺍﻟﻬﻨﺎﻙ ﺑﻠﻜﻲ ﺍﻟﻠﻪ ﻭﻳﻜﺘﺒﻬﺎ ﻣﻦ ﻧﺼﻴﺒﻚ ﻭﻟﻴﺪﻱ ﻭﺗﺼﻴﺮ ﺑﻨﻴﺘﻲ ﺑﻌﺪ ﻣﺎﺗﺰﻭﺟﻦ ﺧﻮﺍﺗﻚ ﻭﺭﺍﺡ ﺍﻇﻞ ﻭﺣﺪﻱ ﻋﻜﺐ ﻟﻤﻴﺔ ..
- ﺗﻤﻴﻢ .. ﺍﻥ ﺷﺎﺀﺍﻟﻠﻪ ﻳﻮﻡ ..
- ﺍﻟﺤﺠﻴﺔ .. ﺍﻟﻠﻪ ﻳﺠﻌﻠﻬﺎ ﻣﻦ ﻧﺼﻴﺒﻚ ﻳﺎﺗﻤﻴﻢ ﻳﻮﻟﻴﺪﻱ ﺑﺲ ﻛﻮﻥ ﻣﻮ ﺗﺄﺫﻳﻬﺎ ﺍﻭﻛﻔﻠﻚ ﻭﺍﻟﻠﻪ ﻫﺎﻱ ﻭﻳﻦ ﺫﻳﺞ ﺍﻟﻲ ﺳﻮﻟﻔﺘﻠﻲ ﻋﻠﻴﻬﺎ ﻭﻳﻦ ...
- ﺗﻤﻴﻢ .. ﺭﺍﺣﺖ ﺍﻛﻴﺪ ﻣﻮ ﻧﺼﻴﺒﻲ ..
- ﺍﻟﺤﺠﻴﺔ .. ﺍﺣﺴﻦ ﻭﻟﻴﺪﻱ ﻻﻥ ﺩﺍﻋﻴﺘﻠﻚ ﻭﺍﻥ ﺷﺎﺀﺍﻟﻠﻪ ﺗﺮﺗﺎﺡ ﻭﻳﺎﻫﺎ ﻭﺗﻨﺴﻰ ﺫﻳﺞ ..
- ﺗﻤﻴﻢ .. ﻣﺎ ﻇﻦ ﺣﺒﻴﺒﺔ ...
- ﺍﻟﺤﺠﻴﺔ ... ﺷﻨﻮﻭﻭﻭﻭ ﻭﺗﻮﺭﻁ ﺑﺖ ﺍﻟﻌﺎﻟﻢ ﺗﺮﺓ ﻣﺎ ﺍﻧﻄﻴﻚ ﺍﻟﺤﻚ ﺍﺑﺪ ﻫﺎﻱ ﻣﻦ ﻫﺴﺔ ﺻﺎﺭﺕ ﺑﻨﻴﺘﻲ ﻭﺍﻧﻲ ﺍﻟﻲ ﺭﺍﺡ ﺍﻭﻛﻔﻠﻚ ﻫﻠﻤﺮﺓ ..
- ﺗﻤﻴﻢ .. ﻫﺎﻱ ﺷﻨﻮ ﻳﺎﺑﻌﺪ ﺟﺒﺪﻱ ﺍﺷﻮ ﻛﻠﺒﺘﻲ ﻋﻠﻴﻪ ..
- ﺍﻟﺤﺠﻴﺔ .. ﺗﻌﻴﺐ ﻋﻠﻴﻪ ﻳﻮﻳﻞ ...
- ﺗﻤﻴﻢ .. ﻻ ﻭﺍﻟﻠﻪ ﺣﺠﻴﺔ ﺑﺲ ﺍﻧﻲ ﻣﺎ ﺭﺍﺡ ﺍﻗﺼﺮ ﻭﺍﻟﻠﻪ ﻛﺮﻳﻢ ﺍﻧﻲ ﺣﺒﻴﺖ ﺍﺧﻠﺼﻬﺎ ﻣﻦ ﻫﻠﻤﻮﻗﻒ ﻫﻲ ﻭﺍﻫﻠﻬﺎ ﻭﻫﻢ ﺣﺒﻴﺖ ﺍﺿﺮﺏ ﻫﺬﻭﻻﻙ ﺍﻻﺛﻨﻴﻦ ﻣﺜﻞ ﻣﺎ ﺃﺫﻭﻧﻲ ﺑﺲ ﺑﻠﺒﺪﺍﻳﺔ ﻣﺎﺃﻧﻜﺮ ﺟﻨﺖ ﺭﺍﻳﺪ ﺍﺧﺮﺏ ﻣﺨﻄﻄﺎﺗﻬﻢ ﺑﺲ ﻣﻦ ﺗﻌﺮﻓﺖ ﻉ ﺍﺑﻮﻫﺎ ﻭﺍﻣﻬﺎ ﻻ ﻧﻴﺘﻲ ﺟﺎﻧﺖ ﺍﺣﺎﻓﻆ ﻋﻠﻴﻬﻢ ﻭﻫﻲ ﻫﻢ ﺧﻮﺵ ﺑﻨﻴﺔ ﻷﻥ ﺳﺄﻟﺖ ﻋﻠﻴﻬﺎ ﻭﻉ ﺍﻫﻠﻬﺎ ﺍﻟﺪﻧﻴﺎ ﻛﻠﻬﺎ ..
- ﺍﻟﺤﺠﻴﺔ .. ﻋﺎﺷﺖ ﺍﻳﺪﻙ ﻭﻟﻴﺪﻱ ﻭﺍﺭﻳﺪﻙ ﺗﻜﻤﻞ ﻟﻼﺧﻴﺮ ﻣﻮ ﺗﺪﻙ ﺍﻟﻨﺎﻗﺼﺔ ﻭﻳﺎﻫﻢ ...
- ﺗﻤﻴﻢ .. ﺷﻨﻮ ﺍﻟﺴﺎﻟﻔﺔ ﻳﻤﺔ ﺗﺮﺑﺎﺕ ﺍﻳﺪﺝ ﻭﺍﻳﺪ ﺍﻟﺤﺠﻲ ﺍﻟﻠﻪ ﻳﺮﺣﻤﻪ ...
- ﺍﻟﺤﺠﻴﺔ .. ﺍﻟﻠﻪ ﻳﺮﺣﻤﻪ .
بيج قصص عراقيه حقيقيه من واقعنا.روعه الطائي
- ﺳﻼﻡ .. ﺑﻌﺪ ﻣﺎﺳﺎﻓﺮﺕ ﺳﻤﺎ ﻟﺤﻈﺔ ﻣﺎﺗﺮﻛﺘﻨﻲ ﻭﻛﻞ ﺷﻮﻳﺔ ﺗﺪﻙ ﻋﻠﻴﻪ ﻳﺎﻓﺎﻳﺒﺮ ﻳﺎﻓﻴﺲ ﺳﻄﺮﺗﻨﻲ ﺳﻄﺮ ﺑﺖ ﺍﻻﻭﺍﺩﻡ ﺭﺣﺖ ﻳﻢ ﺯﻳﻨﺐ ﺍﺧﺘﻲ ﻣﻠﻜﻴﺖ ﺷﻐﻞ ﺷﻜﺪ ﺣﺎﻭﻟﺖ ﺟﻨﺖ ﺍﻃﻠﻊ ﻭﻳﺔ ﺯﻭﺟﻬﺎ ﺟﺎﻥ ﻳﺸﺘﻐﻞ ﺑﻤﺤﻞ ﻣﺎﻝ ﻭﺭﺩ ﻭﺑﻠﻜﻮﺓ ﻣﺪﺑﺮ ﺍﻟﻌﻴﺸﺔ ﻭﻋﻨﺪﻩ ﺍﻃﻔﺎﻝ ﺍﺛﻨﻴﻦ ﻭﺍﻧﻲ ﺍﻣﻲ ﺟﺎﻧﺖ ﺗﺤﻮﻟﻲ ﻭﻋﺎﻳﺶ ﻣﻜﻀﻴﻬﺎ ﺑﻠﺸﻮﺍﺭﻉ ...
ﻫﻠﻜﺪ ﻣﺠﺎﻧﺖ ﺗﺪﻙ ﻣﻦ ﺻﺪﻙ ﺿﺠﺖ ﺍﺑﺪ ﻣﺘﻤﻞ ﻛﻤﺖ ﺍﻓﺘﺢ ﺧﻂ ﻋﻠﻴﻬﺎ ﻭﺍﻧﻲ ﻣﻦ ﺟﻴﺖ ﻫﻨﺎ ﻗﺮﺭﺕ ﺍﻛﻄﻊ ﻧﻬﺎﺋﻲ ﻭﻳﺎﻫﺎ ﻭﺗﺸﻮﻑ ﺣﺎﻟﻬﺎ ﻻﻥ ﺍﻧﻲ ﻣﻮ ﻧﺼﻴﺒﻬﺎ ﺍﺳﻮﻳﻠﻲ ﺟﻢ ﻓﻠﺲ ﻭﺍﺭﺟﻊ ﺍﺳﻮﻳﻠﻲ ﻣﺸﺮﻭﻉ ﺍﻟﻲ ﻣﺎﻋﺘﻤﺪ ﺑﻲ ﻉ ﺍﺣﺪ ﺣﺘﻰ ﻟﻴﺘﺤﻜﻤﻮﻥ ﺑﻴﻪ .. ﻛﻤﺖ ﺍﻓﺘﺢ ﺧﻂ ﻭﻧﻮﺑﺎﺕ ﺗﺨﺎﺑﺮﻧﻲ ﻛﺎﻣﻴﺮﺍ ﻟﺤﺪ ﻣﺎﻛﺎﻣﺖ ﺗﻠﻬﻴﻨﻲ ﻭﺍﻧﻲ ﻭﺣﺪﻱ ﻫﻨﺎﻙ ﺍﻟﻨﻮﺑﺔ ﻛﻤﺖ ﺍﻧﻲ ﺍﺧﺎﺑﺮﻫﺎ ﺍﺫﺍ ﺗﺄﺧﺮﺕ ﻋﻠﻴﻪ ﺷﻮﻳﺔ ﺣﺘﻰ ﺻﺪﻳﻘﻲ ﻧﺴﻴﺘﻪ ﻣﻦ ﺍﻟﻮﺣﺪﺓ ﻭﺍﻟﻀﻮﺟﺔ ﺍﻟﻲ ﻋﺸﺘﻬﺎ ﻫﻨﺎﻙ ﺍﻧﻲ ﺗﺮﻛﻴﺎ ﺣﺎﻓﻈﻬﺎ ﻣﻦ ﻛﺜﺮ ﺳﻔﺮﺍﺗﻲ ﻭﻳﺔ ﺟﻤﺎﻋﺘﻲ ﻓﻤﺎﻛﻮ ﺷﻲ ﺟﺪﻳﺪ ﺍﻟﺘﻬﻲ ﺑﻲ ﻫﻲ ﺍﻟﻲ ﺟﺎﻧﺖ ﻣﻬﻮﻧﺔ ﻋﻠﻴﻪ ﺍﻟﻜﺄﺑﺔ ﺍﻟﻲ ﻋﺎﻳﺶ ﺑﻴﻬﺎ ﻫﻨﺎﻙ ...
- ﺳﻤﺎ .. ﺳﻼﻡ ﺣﺒﻴﺒﻲ ﺷﻮﻛﺖ ﺗﺮﺟﻊ ﺍﻧﻲ ﻣﺪﺍﺗﺤﻤﻞ ﺑﻌﺪﻙ ﻋﻨﻲ ...
- ﺳﻼﻡ .. ﻣﺎﻋﺮﻑ ﻭﺍﻟﻠﻪ ﺑﻌﺪ ﺍﺣﺘﻤﺎﻝ ﻣﺎﺑﻴﻪ ﺟﻴﺔ ﻫﺴﺔ ﻻﻥ ﺍﺣﺘﻤﺎﻝ ﺭﺍﺡ ﺍﺑﺪﻱ ﻣﺸﺮﻭﻉ ﻭﻳﺔ ﻭﻟﺪ ﻧﺘﺸﺎﺭﻙ ﺍﻧﻲ ﻭﻳﺎﻩ ﻓﻤﻮ ﻣﺎﻝ ﺍﺭﺟﻊ ﻫﺴﺔ ..
- ﺳﻤﺎ .. ﺳﻼﻡ ﺍﻧﻲ ﻣﺎﻛﺪﺭ ﺍﺑﺘﻌﺪ ﻋﻨﻚ ﻋﻔﻴﺔ ﻣﻮ ﺗﻌﻮﻓﻨﻲ ﻣﻦ ﺗﺠﻲ ...
- ﺳﻼﻡ .. ﻻ ﻳﺎﺑﺔ ﻭﻳﻦ ﺍﻋﻮﻓﺞ ﺍﻧﻲ ﻫﻢ ﺑﻌﺪ ﻣﺎﻛﺪﺭ ﻉ ﺑﻌﺪﺝ ﺑﺲ ﻣﺎ ﺍﻭﻋﺪﺝ ﺑﺰﻭﺍﺝ ﺣﺘﻰ ﻟﺘﻈﻠﻴﻦ ﺑﺎﻣﻞ ﺍﻧﺘﻲ ﻣﺠﺮﺩ ﺻﺪﻳﻘﺔ ﻋﺰﻳﺰﺓ ﻭﺑﺲ ..
- ﺳﻤﺎ . ﻫﺎﺍﺍ ﺷﻨﻮ ﺻﺪﻙ ﺗﺤﺠﻲ ﺳﻼﻡ ﻋﻔﻴﺔ ﺍﻧﻲ ﺍﻛﻠﻚ ﻣﺪﺍﺗﺤﻤﻞ ﺑﻌﺪﻙ ﻋﻨﻲ ﻭﺍﻧﺖ ﺗﻜﻮﻝ ﻣﺘﺰﻭﺟﻨﻲ ..
- ﺳﻼﻡ .. ﺑﺲ ﺍﻧﻲ ﻛﺎﻳﻠﺞ ﻣﻦ ﺍﻟﺒﺪﺍﻳﺔ ﻛﻠﺒﻲ ﻭﻳﺔ ﻏﻴﺮﺝ ﻭﻻ ﻳﻤﻜﻦ ﺍﻧﺴﺎﻫﺎ ﻣﻨﺘﻈﺮ ﺑﺲ ﺭﺟﻌﺘﻲ ﺑﻔﺎﺭﻍ ﺍﻟﺼﺒﺮ ﺣﺘﻰ ﺗﺼﻴﺮ ﺍﻟﻲ ﻭﺍﻛﺪﺭ ﺍﺧﻄﺒﻬﺎ ﻭﻣﺎ ﺃﻛﺪﺭ ﺍﻭﻋﺪﺝ ﺑﺸﻲ ...
- ﺳﻤﺎ .. ﺻﺪﻙ ﺗﺤﺠﻲ ﺳﻼﻡ ﻭﺍﻧﻲ ...
- ﺳﻼﻡ .. ﺍﻧﺘﻲ ﺻﺪﻳﻘﺔ ﻭﻣﺎﻛﺪﺭ ﺍﻧﻄﻴﺞ ﺷﻲ ﻣﻮ ﻣﻠﻜﻲ ﺍﺻﻼ ﻛﻠﺒﻲ ﻣﻮ ﻣﻠﻜﻲ ﻣﻦ ﻳﻮﻡ ﺍﻟﻲ ﺷﻔﺘﻬﺎ ﺟﻠﺐ ﺑﻴﻬﺎ ..
- ﺳﻤﺎ .. ﻋﻔﻴﺔ ﺍﺷﻮ ﺍﻧﺖ ﺗﺤﺠﻲ ﻭﻣﺪﻳﺮ ﺑﺎﻝ ﻟﻤﺸﺎﻋﺮﻱ ﻭﺗﺤﺠﻲ ﺑﻮﺟﻬﻲ ..
- ﺳﻼﻡ .. ﻣﻮ ﺍﺣﺴﻦ ﻣﺎ ﺃﺃﻣﻠﺞ ﻭﺍﻋﻮﻓﺞ ﺍﻛﻮﻥ ﺻﺮﻳﺢ ﻭﻳﺎﺝ ﻣﻦ ﺍﻟﺒﺪﺍﻳﺔ ..
- ﺳﻤﺎ .. ﺍﻭﻛﻲ ﺣﺒﻴﺒﻲ ﺍﺷﻮ ﺍﺣﺴﻚ ﺍﻋﺼﺎﺑﻚ ﺗﻌﺒﺎﻧﺔ ﺭﻭﺡ ﻭﺑﻌﺪﻳﻦ ﺍﺧﺎﺑﺮﻙ ﺑﺴﻼﻣﺔ ﺣﻴﺎﺗﻲ ... ﺳﺪﻳﺘﺔ ﻳﺒﻮﻭﻭﻭ ﺷﻨﻮ ﻫﻠﻘﻬﺮ ﺳﺮﻭﺓ ﻻﺣﻜﺘﻨﻲ ﺷﻠﻮﻥ ﺑﻴﻪ ﻋﻮﺩ ﻛﻠﺖ ﻧﺴﺎﻫﺎ ﺑﺲ ﻛﻮﻥ ﻣﺎ ﺍﻭﺻﻠﻪ ﺧﺒﺮ ﻟﺤﺪ ﻣﺎ ﺗﺘﺰﻭﺝ ﻭﺗﻨﻘﻠﻊ ﻣﻦ ﻃﺮﻳﻘﻲ ﻭﺭﺍﻫﺎ ﻣﻴﻜﺪﺭ ﻳﺴﻮﻱ ﺷﻲ ...
- ﺳﻼﻡ .. ﺑﺪﻳﺖ ﻣﺸﺮﻭﻉ ﺻﻐﻴﺮ ﻓﺘﺤﻨﺎ ﻣﻄﻌﻢ ﺍﻧﻲ ﻭﻭﻟﺪ ﻋﺮﺍﻗﻲ ﻫﻨﺎﻙ ﺑﺘﺮﻛﻴﺎ ﻭﻣﻮ ﻣﺎﻝ ﺍﺭﺟﻊ ﻻﺯﻡ ﺍﻛﻤﻞ ﻣﺸﺮﻭﻋﻲ ﻭﺍﻛﺒﺮﻩ ...
- ﺳﻤﺎ .. ﺑﺪﺓ ﺍﻟﺪﻭﺍﻡ ﻭﻫﻮ ﺍﺃﺟﻞ ﺍﻟﺴﻨﺔ ﻻ ﺳﻼﻡ ﺻﺪﻙ ..
- ﺳﻼﻡ .. ﺍﻱ ﻭﺍﻟﻠﻪ ﻫﻲ ﺑﻘﺎﻟﻲ ﺳﻨﺔ ﻋﻮﺩ ﺍﺭﺟﻊ ﻭﺍﻛﻤﻠﻬﺎ ﺑﻌﺪ ﻣﺎﻛﺪﺭ ﺍﺭﺟﻊ ﻭﺍﻋﻮﻑ ﺍﻟﻲ ﺑﺪﻳﺖ ﺑﻲ ...
- ﺗﻤﻴﻢ .. ﺭﺟﻌﻨﺎ ﺍﻧﻲ ﻭﺍﻟﺤﺠﻴﺔ ﻟﻠﻨﺎﺻﺮﻳﺔ ﺍﻣﻲ ﺣﺠﺖ ﻭﻳﺔ ﺑﺮﻛﺎﺕ ...
- ﺑﺮﻛﺎﺕ .. ﻻ ﻳﻤﺔ ﻣﺎﻟﻲ ﺟﻴﺔ ﻣﻮ ﻛﺎﻓﻲ ﺍﻟﻜﻠﻤﺔ ﺍﻟﻲ ﻧﻄﻴﺘﻬﺎ ﻟﻌﻤﻲ ﻋﻠﻰ ﺑﺘﻪ ﻭﺍﻟﻠﻪ ﻣﺎﻋﺮﻑ ﺷﻠﻮﻥ ﺭﺍﺡ ﺍﻓﻀﻬﺎ ﻭﻳﺎ ﺍﺻﻼ ﻛﻠﺶ ﻣﺴﺘﺤﻲ ﻣﻨﻪ ..
- ﺍﻟﺤﺠﻴﺔ .. ﺻﺪﻙ ﺗﺤﺠﻲ ﻫﻨﺔ ﻫﺬﻧﻲ ﻫﻢ ﺑﻨﺎﺕ ﺍﻟﻜﻄﻤﺔ ﺗﻌﺎﻝ ﺷﻮﻑ ﺳﺮﻭﺓ ﺍﻟﻲ ﺭﺍﻳﺪﻫﺎ ﺗﻤﻴﻢ ﻏﻴﺮ ﺗﻔﺎﺣﺔ ﻭﺗﺮﺩ ﺍﻟﺮﻭﺡ ..
- ﻧﺮﺟﺲ .. ﺻﺪﻙ ﺑﻴﺒﻲ ﺍﺟﻲ ﻭﻳﺎﺝ ..
- ﺍﻟﺤﺠﻴﺔ .. ﺍﻱ ﺑﻌﺪ ﺑﻴﺒﺘﺞ ﺗﻌﺎﻟﻲ ﻭﻳﺎﻳﺔ ﻫﻠﻤﺮﺓ ﻣﻦ ﻧﺮﻭﺡ ﻧﺨﻄﺒﻬﺎ .. ﻳﻤﺔ ﺑﺮﻛﺎﺕ ﻟﻌﺪ ﺭﺍﺡ ﺍﺧﺬ ﺧﻮﺍﺗﻚ ﻭﻳﺎﻳﺔ ﻋﻴﺐ ﻫﻢ ﺍﺭﺩ ﺍﻃﺐ ﻭﺣﺪﻱ ﻉ ﺍﻟﻌﺎﻟﻢ ..
- ﺑﺮﻛﺎﺕ .. ﻛﻴﻔﺞ ﻳﻤﺔ ﻛﻴﻔﺞ ...
- ﺍﻟﺤﺠﻴﺔ .. ﻋﺎﻓﻨﻲ ﻭﻃﻠﻊ ﺧﺎﺑﺮﺕ ﻉ ﺍﻟﺒﻨﺎﺕ ﺻﻔﺎﺀ ‏( ﺍﻡ ﻣﻬﻨﺪ ‏) ﻭﻟﻤﻴﺎﺀ ﺩﻋﺎﺀ ﻭﺳﻨﺎﺀ ﻣﺎﻛﻠﺘﻠﻬﻦ ﻻﻥ ﺍﺻﻼ ﺟﻬﺎﻟﻬﻦ ﺻﻐﺎﺭ ﻣﻮ ﻣﺎﻝ ﻃﺮﻳﻖ ﻃﻮﻳﻞ ... ﻳﻤﺔ ﺗﻤﻴﻢ ﺧﺎﺑﺮﺕ ﻉ ﺧﻮﺍﺗﻚ ﺻﻔﺎﺀ ﻭﻟﻤﻴﺎﺀ ﻭﻧﺮﺟﺴﺔ ﻭﺧﺎﻟﺘﻚ ﺍﻡ ﺳﻠﻤﺎﻥ ﻫﻢ ﺗﺠﻲ ﻭﻳﺎﻧﺔ ﺑﺲ ﻳﻤﺔ ﺑﺮﻛﺎﺕ ﻣﺎﺭﺍﺡ ﻳﻜﺪﺭ ﻳﺠﻲ .. ﻳﻤﺔ ﺧﻠﻴﻨﺎ ﻧﺮﻭﺡ ﻭﺍﻫﻠﻬﺎ ﻧﺎﺱ ﻃﻴﺒﺔ ﺍﻛﻴﺪ ﻣﺎﺭﺍﺡ ﻳﺘﻨﺤﺴﻮﻥ ...
- ﺗﻤﻴﻢ .. ﺻﺎﺭ ﻳﻤﺔ ﺻﺎﺭ ..
- ﺍﻟﺤﺠﻴﺔ .. ﻟﻴﺶ ﺿﺠﺖ ﻳﺎﻳﻤﺔ ...
- ﺑﺮﻛﺎﺕ .. ﻳﻌﻨﻲ ﻟﻴﺶ ﻳﺮﻳﺪ ﻳﻔﺸﻠﻨﻲ ﻛﺪﺍﻡ ﺍﻟﺮﺟﺎﻝ ﺯﻳﻦ ﺍﺭﻭﺡ ﺑﻄﻮﻟﻲ ﺍﻃﺐ ﻉ ﺍﻟﺮﺟﺎﻝ ..
- ﺍﻟﺤﺠﻴﺔ .. ﻣﻴﺨﺎﻟﻒ ﻳﺎﻳﻤﺔ ﻫﻮ ﻫﻢ ﻓﺸﻼﻥ ﻣﻦ ﻋﻤﻚ ﻻﻥ ﺧﻄﺒﻠﻚ ﺍﻟﺒﻮﻣﺔ ﺑﺘﻪ ﻭﺍﻧﺖ ﻣﺎﻗﺒﻠﺖ ﺑﻴﻬﺎ ...
- ﺗﻤﻴﻢ .. ﻟﻴﺶ ﻳﻤﺔ ﺷﺒﻴﻪ ﻭﻳﺨﻄﺒﻠﻲ ﻫﻮ ﺭﺍﺡ ﻳﻌﻴﺶ ﻭﻳﺎﻫﺎ ﻟﻮ ﺍﻧﻲ ...
- ﺍﻟﺤﺠﻴﺔ .. ﻣﻴﺨﺎﻟﻒ ﻳﺒﻌﺪ ﺍﻣﻚ ﺍﺧﻮﻙ ﺍﻟﺠﺒﻴﺮ ﻭﻳﻤﻮﻥ ﻫﻮ ﻏﻴﺮ ﺭﺍﻳﺪ ﻣﺼﻠﺤﺘﻚ ...
- ﺗﻤﻴﻢ .. ﺯﻳﻦ ﺷﻮﻛﺖ ﻧﺮﻭﺡ ..
- ﺍﻟﺤﺠﻴﺔ .. ﺍﻟﺨﻤﻴﺲ ﺍﻥ ﺷﺎﺀﺍﻟﻠﻪ ﻣﻦ ﺍﻟﻔﺠﺮ ﻧﻄﻠﻊ ﻧﺮﻭﺣﻠﻬﻢ ﻉ ﺍﻟﻌﺼﺮﻳﺔ ﻭﺍﻟﺠﻤﻌﺔ ﻧﻄﻠﻊ ﻧﺸﺘﺮﻳﻠﻬﻢ ﺫﻫﺒﺎﺕ ﻭﻧﺸﻮﻑ ﺷﻴﺮﺩﻭﻥ ﺑﻌﺪ ...
- ﺗﻤﻴﻢ .. ﺍﻟﻠﻪ ﻛﺮﻳﻢ ﻳﻮﻡ .. ﻃﻠﻌﺖ ﺑﻴﻮﻣﻬﺎ ﺿﺎﻳﺞ ﻣﻦ ﺗﺼﺮﻓﺎﺕ ﺑﺮﻛﺎﺕ ﻻﻥ ﻛﻠﺸﻲ ﻳﺮﻳﺪ ﺑﻜﻴﻔﻪ ﻣﺎﻛﻮﻝ ﺍﻧﺎﻧﻲ ﺑﺲ ﻣﻴﺤﺴﺐ ﻟﻤﺸﺎﻋﺮﻱ ﺷﻨﻮ ﻭﻟﻮ ﻫﻲ ﺣﺘﻰ ﺍﻟﻲ ﺑﻜﻠﺒﻲ ﻣﺎﺃﺧﺬﺗﻬﺎ ... ﺑﺲ ﺳﺮﻭﺓ ﺣﻠﻠﻮﺓ ﻭﻣﺆﺩﺑﺔ ﻗﺎﺑﻞ ﺷﺮﻳﺪ ﺑﻌﺪ
بيج قصص عراقيه حقيقيه من واقعنا.روعه الطائي
- ﺍﺑﻮ ﺳﺮﻭﺓ .. ﻫﺎ ﻳﺎﺑﺔ ﺳﺮﻭﺓ ﺷﻬﻠﺼﻔﻨﺎﺕ ...
- ﺳﺮﻭﺓ .. ﻣﺎﻋﺮﻑ ﻳﺎﺑﺔ ﻭﺍﻟﻠﻪ ﻣﺎﻋﺮﻑ ﻛﻞ ﺧﻄﻄﻲ ﺍﻧﻬﺎﺭﺕ ﻭﺍﺣﻼﻣﻲ ﻉ ﺷﻔﺎ ﺣﻔﺮﺓ ﻭﺍﺣﺘﻤﺎﻝ ﻣﺎﻛﺪﺭ ﺍﺣﻘﻘﻬﻦ ﺳﺒﺤﺎﻥ ﺍﻟﻠﻪ ﺍﺣﻨﺔ ﺭﺩﻧﺎ ﻭﺭﺏ ﺍﻟﻌﺎﻟﻤﻴﻦ ﺭﺍﻳﺪ ﻏﻴﺮﻩ ﺗﻤﺎﻣﺎ ...
- ﺍﺑﻮ ﺳﺮﻭﺓ .. ﺍﻱ ﻳﺎﺑﺔ ﺍﺭﻳﺪﺝ ﺗﺒﻘﻴﻦ ﻣﺆﻣﻨﺔ ﺑﻘﻀﺎﺀ ﺭﺑﺞ ﻭﻗﺪﺭﻩ ﻳﺠﻮﺯ ﺭﺍﻳﺪﻟﺞ ﺍﻟﺨﻴﺮ ﺑﻬﻠﺰﻳﺠﺔ ﺣﺘﻰ ﺗﺮﺗﺎﺣﻴﻦ ﻣﻦ ﻋﻴﺸﺘﻨﺎ ...
- ﺳﺮﻭﺓ .. ﻻ ﻳﺎﺑﺔ ﺑﺴﺖ ﺭﺍﺳﻪ ﻟﺘﻜﻮﻝ ﻫﻴﺞ ﻳﺎﺃﻋﻈﻢ ﺍﺏ ﺑﻠﺪﻧﻴﺎ ﻭﺍﻟﻠﻪ ﻳﺎﺑﺔ ﻣﺎﺭﻳﺪ ﺍﺣﻤﻠﻚ ﻓﻮﻙ ﻃﺎﻗﺘﻚ ﻭﺍﻋﺮﻑ ﻫﺬﻭﻟﺔ ﺑﻴﺖ ﺍﻡ ﺳﻼﻡ ﻣﻮ ﺧﻮﺵ ﻧﺎﺱ ﻭﻳﻜﺪﺭﻭﻥ ﻳﺄﺫﻭﻧﺔ ﻭﻳﻄﻠﻌﻮﻧﺔ ﻣﻨﺎ ﻓﺨﻠﻲ ﻧﺘﺠﻨﺐ ﺷﺮﻫﻢ ﺍﺣﺴﻦ ...
ﻭﻫﻤﺔ ﻓﻌﻼ ﻣﺒﻴﻨﻴﻦ ﺧﻮﺵ ﻧﺎﺱ ﻭﺍﻣﻲ ﻣﻜﻴﻔﺔ ﺑﻴﻬﻢ ﺑﺲ ﻣﻦ ﺗﺬﻛﺮ ﺑﻌﻴﺪﺓ ﺗﺒﻘﻰ ﺗﺒﺠﻲ ﻭﺗﺒﺠﻴﻨﻲ ﻭﻳﺎﻫﺎ ..
- ﺍﻡ ﺳﺮﻭﺓ .. ﻭﺍﻟﻠﻪ ﺍﺑﻮ ﺳﺮﻭﺓ ﺟﻨﺖ ﺷﺎﻳﻠﺔ ﻫﻤﻬﺎ ﺑﺲ ﺍﻟﺤﻤﺪﻟﻠﻪ ﻗﺴﻤﺔ ﺯﻳﻨﺔ ﺗﺮﺗﺎﺣﻴﻦ ﺑﻴﻬﺎ ﻭﺗﺸﻮﻓﻴﻦ ﻛﻞ ﺧﻴﺮ ...
- ﺳﺮﻭﺓ .. ﺍﻟﻠﻪ ﻳﺴﻠﻤﺞ ﻣﻦ ﻓﺪﻭﺓ ﺭﺣﺘﻠﻜﻢ ﺍﻧﻲ ﺍﻟﻲ ﻣﺎﻛﺪﺭ ﻋﻠﻴﻪ ﺷﻠﻮﻥ ﺭﺍﺡ ﺍﻋﻮﻓﻜﻢ ﺍﻧﺘﻮ ﻋﻴﻮﻧﻲ ﻭﺍﺧﻮﺗﻲ ﺍﻟﻨﻔﺲ ﺍﻟﻲ ﻳﺼﻌﺪ ﻭﻳﻨﺰﻝ ﺍﻧﻲ ﺍﻟﻲ ﺭﺑﻴﺘﻬﻢ ..
- ﺍﻡ ﺳﺮﻭﺓ .. ﻣﻴﺨﺎﻟﻒ ﺑﻨﻴﺘﻲ ﺗﺘﻌﻮﺩﻳﻦ ﻛﻠﻨﺎ ﻫﻴﺞ ﺑﻠﺒﺪﺍﻳﺔ ﻭﺑﻌﺪﻳﻦ ﺍﺻﻼ ﺑﺲ ﻳﺼﻴﺮ ﻋﻨﺪﺝ ﺟﻬﺎﻝ ﺗﻜﻮﻣﻴﻦ ﺗﻀﻮﺟﻴﻦ ﺗﺠﻴﻨﺎ ...
- ﺳﺮﻭﺓ .. ﻣﻨﻮ ﺍﻟﻴﻀﻮﺝ ﺍﻧﺘﻮ ﺭﻭﺣﻲ ﻣﻦ ﺍﻟﺪﻧﻴﺎ ﺭﺑﻲ ﻳﺤﻔﻈﻜﻢ ﺍﻟﻲ ..
- ﺍﻡ ﺳﺮﻭﺓ .. ﺍﻣﻴﻦ ﺣﺒﻴﺒﺘﻲ ﻳﺤﻔﻈﺞ ﻭﻳﺤﻔﻆ ﺍﺧﻮﺗﺞ ..
- ﺍﺑﻮ ﺳﺮﻭﺓ .. ﻳﺎﺑﺔ ﺳﺮﻭﺓ ﺗﺮﺓ ﺍﻟﺨﻤﻴﺲ ﺍﻟﻌﺼﺮ ﻳﺠﻮﻥ ﺍﻟﻮﻟﺪ ﺧﺎﺑﺮﻧﻲ ﻫﻮ ﻭﺍﻣﻪ ﻭﺧﻮﺍﺗﻪ ﻻﻥ ﺍﻇﺎﻫﺮ ﺍﺧﻮﻩ ﻣﺴﺎﻓﺮ ﻭﺍﻟﻮﻟﺪ ﻣﺴﺘﻌﺠﻞ ﻗﺒﻞ ﺑﺪﺍﻳﺔ ﺍﻟﺴﻨﺔ ﺍﻟﺠﺪﻳﺪﺓ ﻳﺮﻳﺪ ﻳﺘﺰﻭﺝ ﻭﻫﻢ ﻳﻠﺔ ﻭﺍﺣﺪ ﻳﺠﻬﺰ ..
- ﺍﻡ ﺳﺮﻭﺓ .. ﻭﻣﻦ ﺍﻟﺰﻳﻨﺎﺕ ﺭﺍﺡ ﺗﺒﻘﻴﻦ ﻫﻠﺴﻨﺔ ﻛﻠﻬﺎ ﻫﻨﺎ ﻟﺤﺪ ﻣﻴﻜﻤﻞ ﺍﺧﺮ ﺳﻨﺔ ﺑﻠﻜﻲ ﻳﻘﺒﻞ ﺍﻧﺘﻲ ﻫﻢ ﺗﻜﻤﻠﻴﻦ ﻭﻋﻮﺩ ﺗﻨﻘﻠﻴﻦ ﻣﻦ ﻳﻜﻤﻞ ﻫﻮﺓ ..
ﺣﻀﺮﻧﺎ ﺍﻧﻲ ﻭﺍﻣﻲ ﺍﻟﺒﻴﺖ ﻭﺑﺪﻟﻨﺎ ﺟﺮﺍﺟﻒ ﺍﻟﺪﻭﺍﺷﻚ ﻭﺟﺎﻥ ﻇﺎﻣﺔ ﺟﻢ ﻓﻠﺲ ﺭﺍﺣﺖ ﺟﺎﺑﺘﻠﻲ ﻗﻤﺎﺵ ﻣﺎﻝ ﻧﻔﻨﻮﻑ ﺍﺷﺘﺮﻳﻨﺎ ﺍﺣﻤﺮ ﺧﻴﻄﺘﻠﻴﺎ ﻛﺼﻴﺮ ﻭﺍﻧﻲ ﺑﻴﻴﻴﻴﻀﺔ ﻭﻣﺮﺑﺮﺑﺔ ﻣﻮ ﺿﻌﻴﻔﺔ ﻭﻻ ﺳﻤﻴﻨﺔ ﻭﺷﻌﺮﻱ ﺍﺳﻮﺩ ﻛﻠﺶ ﻃﻮﻳﻞ ﻻﻥ ﺍﻟﻨﻬﺎﺭ ﻛﻠﻪ ﻻﻣﺘﻪ ﻭﺟﻴﺮﺍﻧﻪ ﺧﻄﻴﺔ ﺑﺲ ﻋﺮﻓﺖ ﻫﻲ ﺍﺟﺘﻲ ﺍﻟﺨﻤﻴﺲ ﺳﻮﺗﻠﻲ ﻣﻜﺎﻳﺞ ﻭﺷﺴﻮﺭﺗﻠﻲ ﺷﻌﺮﻱ ..
ﺻﺎﺭ ﺍﻟﺨﻤﻴﺲ ﻛﻌﺪﻧﺎ ﻣﻦ ﺍﻟﺼﺒﺢ ﺗﻨﻈﻴﻔﺎﺕ ﺍﺟﺘﻲ ﺍﻟﻤﺮﺓ ﺍﻟﻈﻬﺮ ﺳﻮﺗﻠﻲ ﻣﻜﻴﺎﺝ ﻭﺷﻌﺮﻱ ﻳﻤﺔ ﺑﺪﻟﺖ ﻣﻌﺮﻓﺖ ﺭﻭﺣﻲ ﺍﺑﻮﻳﺔ ﻭﺍﻣﻲ ﻳﺒﺠﻮﻥ ﻭﺍﺧﻮﺗﻲ ﻳﺒﻮﺳﻮﻭﻥ ﺑﻴﻪ ..
- ﺍﻡ ﻭﺍﺑﻮ ﺳﺮﻭﺓ .. ﻭﻟﺞ ﺣﺒﻴﺒﺘﻲ ﻃﺎﻟﻌﺔ ﻭﺭﺩﺓ ﺍﻟﻠﻪ ﻳﺤﻔﻈﺞ ﻟﺸﺒﺎﺑﺞ .. ﻳﺎﺑﺔ ﺳﺮﻭﺓ ﺭﺍﺡ ﻳﺠﻴﺐ ﻭﻳﺎﻩ ﺷﻴﺦ ﺣﺘﻰ ﻳﻌﻘﺪﻟﻜﻢ ﻭﺭﺍﻫﺎ ﻳﻤﺸﻲ ﺑﺎﺟﺮﺍﺀﺍﺕ ﺍﻟﻤﺤﻜﻤﺔ ...
- ﺳﺮﻭﺓ .. ﻛﻴﻔﻚ ﻳﺎﺑﺔ .. ﺍﺑﻮﻳﺔ ﻃﻠﻊ ﻫﻮ ﻭﺍﺧﻮﺗﻲ ﺩﻳﺠﻴﺒﻮﻥ ﺍﻟﻜﻴﻚ ﻭﺍﻟﺸﺮﺍﺑﺖ ...
- ﺍﻡ ﺳﺮﻭﺓ .. ﻳﻤﺔ ﺳﺮﻭﺓ ﺍﺷﻮ ﺟﻨﺞ ﻣﻮ ﻫﻠﻜﺪ ﻓﺮﺣﺎﻧﺔ ﺷﻔﺘﻲ ﻟﻠﻮﻟﺪ ﻋﺠﺒﺞ ..
- ﺳﺮﻭﺓ .. ﻭﺍﻟﻠﻪ ﻳﻤﺔ ﻋﺎﺩﻱ ﻫﻮ ﺍﻟﻮﻟﺪ ﻳﺨﺒﺒﻞ ﺑﺲ ﻣﺎﻛﻮ ﺍﻱ ﻣﺸﺎﻋﺮ ﻣﺎﺩﺭﻱ ﻫﻮ ﺍﻟﻴﺤﺐ ﺷﻴﺤﺲ ﺑﻤﺎ ﺍﻧﻮ ﺣﺒﻴﺘﻲ ﺍﻟﻜﺒﺪ ﻣﺎﻟﻲ ﻫﻬﻬﻬﻪ ..
- ﺍﻡ ﺳﻮﺭﺓ .. ﻭﻟﺞ ﻳﻤﺔ ﻫﻮ ﺍﺑﻮﺝ ﺍﻟﻲ ﺳﻮﺍﻩ ﻗﻠﻴﻞ ﻫﻮ ﺍﻟﻲ ﺣﺴﺴﻨﻲ ﺑﺤﺒﻪ ﻣﻦ ﺷﺎﻓﻨﻲ ﻭﻛﺘﻞ ﻧﻔﺴﻪ ﻋﻠﻴﻪ ﺍﻧﻲ ﺑﺪﻭﻥ ﻣﺎﺣﺲ ﺣﺒﻴﺘﻪ ﻭﻣﻮﺍﻗﻔﻪ ﻭﻳﺔ ﺟﺪﺝ ﻭﺧﺎﻟﺞ ﻭﻏﻴﺮﺗﻪ ﺣﺒﺒﺘﻨﻲ ﺑﻲ ..
- ﺳﺮﻭﺓ .. ﺍﻟﻠﻪ ﻳﺤﻔﻈﻜﻢ ﺍﻟﻨﺎﺍ ..
- ﺍﻡ ﺳﺮﻭﺓ .. ﻭﻳﺤﻔﻈﺞ ﻭﻳﺤﻔﻆ ﺍﺧﻮﺗﺞ ﻭﻳﺴﻌﺪﺝ ﺍﻣﻲ ﻭﺍﺑﻮﻳﺔ ﺍﻧﺘﻲ ﻟﻮ ﺗﺪﺭﻳﻦ ﺑﻔﺮﺣﺘﻲ ﺍﻟﻴﻮﻡ ﻣﺘﻨﻮﺻﻒ ﻣﻦ ﺍﺷﻮﻓﺞ ﻋﺮﻭﺳﺔ ﻭﻣﺮﺗﺎﺣﺔ ﺍﺑﻴﺘﺞ .....
ﻧﺺ ﺳﺎﻋﺔ ﻭﻛﺎﻟﻮ ﺍﺟﻮﻱ ﺍﻧﻲ ﻃﺒﻴﺖ ﻟﻠﻐﺮﻓﺔ ﺍﻟﻲ ﺍﻧﺎﻡ ﺑﻴﻬﺎ ... ﻃﺐ ﻫﻮ ﻭﺧﻮﺍﺗﻪ ﺍﺛﻨﻴﻦ ﻭﺍﻣﻪ ﻭﺧﺎﻟﺘﻪ ﻭﺑﻨﻴﺔ ﻣﺮﺍﻫﻘﺔ ﺍﻣﻲ ﻃﻠﻌﺘﻠﻬﻢ . ﻃﺒﻦ ﻋﻠﻴﻪ ﺍﺧﺘﻪ ﻟﻤﻴﺎﺀ ﺗﻄﻠﻊ ﺍﻛﺒﺮ ﻣﻨﻲ ﺑﺠﻢ ﺳﻨﺔ ﻭﺑﺖ ﺍﺧﻮﻫﻢ ﻧﺮﺟﺲ ﺍﻛﺒﺮ ﻣﻦ ﺍﺣﻤﺪ ﺑﺴﻨﺔﺗﻘﺮﻳﺒﺎ ﻳﻤﻪ ﻳﺨﺒﻠﻦ ﺑﺲ ﻳﻀﺤﻜﻦ ﻭﻳﻐﻨﻦ ﻭﻳﺒﻮﺳﻦ ﺑﻴﻪ ..
- ﻟﻤﻴﺎﺀ .. ﻳﻤﺔ ﺍﻧﻴﺎﻝ ﺍﺧﻮﻳﺔ ﻋﻠﻴﺞ ...
ﻭﻧﺮﺟﺲ ﺗﺼﻴﺢ ﻣﺮﺕ ﻋﻤﻲ ﻣﺮﺕ ﻋﻤﻲ ... ﻋﺸﺮﺗﻬﻢ ﺗﺨﺒﻞ ﻭﻧﺎﺱ ﺑﺴﻴﻄﻴﻴﻦ ﺍﻟﻰ ﺩﺭﺟﺔ ... ﺍﺑﻮﻳﺔ ﺻﺎﺣﻨﺔ ﻻﻥ ﺗﻤﻴﻢ ﻃﻠﻊ ﻳﺠﻴﺐ ﺷﻴﺦ ﻭﻳﺠﻲ ﻃﺒﻴﺖ ﺳﻠﻤﺖ ﻭﺣﺪﺓ ﺍﺣﺴﻦ ﻣﻦ ﺍﻟﺦ ﻣﻤﻌﻘﻮﻟﺔ ﻛﻠﻬﻢ ﻫﻠﻜﺪ ﺣﺒﺎﺑﻴﻦ .. ﺍﻟﺤﺠﻴﺔ ﺗﺨﺒﻠﺖ ﻣﻦ ﺷﺎﻓﺘﻨﻲ ﺑﺲ ﺗﺼﻠﻲ ﻉ ﺍﻟﻨﺒﻲ .. ﻭﺍﺧﺘﻬﺎ ﻫﻢ ﻣﺮﺓ ﺟﺒﻴﺮﺓ ﺍﺳﻤﻬﺎ ﺍﻡ ﺳﻠﻤﺎﻥ ﻭﺍﺧﺘﻬﻢ ﺻﻔﺎﺀ ﺟﺒﻴﺮﺓ ﻣﺪﺭﺳﺔ ﻭﻣﺒﻴﻦ ﻋﻠﻴﻬﺎ ﻣﺜﻘﻔﺔ ﺍﺑﺪ ﻣﺤﺴﺴﻮﻧﻲ ﺍﺣﻨﺔ ﺍﻗﻞ ﻣﻨﻬﻢ ﻭﻻ ﺍﺣﺪ ﺣﺠﺔ ﺣﺠﺎﻳﺔ ﺯﺍﻳﺪﺓ ﺗﻐﺚ ﺍﻣﻲ ﻟﻮ ﺍﺑﻮﻳﺔ ﺑﻠﻌﻜﺲ ﺣﺠﻴﻬﻢ ﻛﻠﻪ ﺑﺎﺣﺘﺮﺍﻡ ﻭﺍﺣﻨﺔ ﻣﺮﺍﺡ ﻧﻘﺼﺮ ﻭﻳﺎﺝ ﻭﻣﺮﺍﺡ ﻧﺤﺴﺴﺞ ﺍﻧﺘﻲ ﻣﻮ ﺍﺑﻴﺘﺞ ﺑﻠﻌﻜﺲ ﺭﺍﺡ ﺗﺤﺒﻴﻦ ﺍﻟﻜﻞ ﻭﻟﻤﻴﺎﺀ ﻛﺎﻋﺪﺓ ﻭﺗﺤﺸﺶ ﻫﻲ ﻭﻧﺮﺟﺲ ﻋﺒﺎﻟﻚ ﺻﺪﻳﻘﺎﺕ ﺷﻮﻳﺔ ﻭﻛﺎﻟﻮ ﺍﺟﺔ ﺍﻟﺸﻴﺦ ﺍﻧﻲ ﻛﻤﺖ ﻟﻠﻐﺮﻓﺔ ﻛﺎﻋﺪﻳﻦ ﻣﻦ ﻭﺭﺓ ﺍﻟﺒﺎﺏ ﻋﻘﺪ ﺍﻟﺸﻴﺦ ﻭﺍﺑﻮﻳﺔ ﻭﻛﻴﻠﻲ ﻋﻘﺪﻧﺎ ﻭﺍﻣﻪ ﻭﺧﻮﺍﺗﻪ ﻇﻠﻦ ﻳﻬﻠﻬﻦ ﻭﻳﻜﻮﻟﻦ ﺑﻬﻠﻬﻮﺳﺎﺕ ﺣﺘﻰ ﺍﻣﻲ ﻛﺎﻣﺖ ﺗﻬﻠﻬﻞ ﻓﺘﺤﺖ ﺍﻟﺒﺎﺏ ﻟﻤﻴﺎﺀ ﻭﻃﻠﻌﺖ ﻫﻲ ﻭﻧﺮﺟﺲ ﺍﻧﻲ ﻛﻠﺶ ﺍﺳﺘﺤﻴﺖ ﻇﻠﻴﺖ ﻛﺎﻋﺪﺓ ﺑﻠﻐﺮﻓﺔ ﺷﻮﻳﺔ ﻭﻃﺐ ﺍﺑﻮﻳﺔ ﺻﺎﺣﻨﻲ ﻳﺎﺑﺔ ﺍﺳﺘﺤﻲ ﺍﻃﻠﻊ ﻃﻠﻌﺖ ﻟﻜﻴﺘﻪ ﻭﺍﻛﻒ ﺍﺑﺎﺏ ﺍﻟﻐﺮﻓﺔ ﺑﺎﺱ ﺭﺍﺳﻲ ﻭﻟﺰﻡ ﺍﻳﺪﻱ ﺍﻧﻲ ﺍﺗﺨﺮﺑﻄﺖ ﺍﻻ ﺷﻮﻳﺔ ﺍﺣﺲ ﻭﺟﻬﻲ ﻛﺎﻡ ﻳﻄﻠﻊ ﻧﺎﺭ ﻭﺍﺣﺴﺔ ﺍﻧﺼﺪﻡ ﻣﻦ ﺷﺎﻓﻨﻲ ﺑﻼ ﺍﻟﻌﺒﺎﻳﺔ ﻭﺍﻟﺒﻮﺷﻲ ﻛﻌﺪﺕ ﺑﺼﻒ ﺍﻣﻪ ﻭﺑﻘﻦ ﻳﻬﻮﺳﻦ ﻭﺍﻧﻲ ﺻﺎﻳﺮﺓ ﻃﻤﺎﻃﺔ ﺩﺍﺭ ﻭﺟﻬﻪ ﻋﻠﻴﻪ ... ﻣﺒﺮﻭﻙ .... ﺗﺴﻠﻢ ﺍﻧﺖ ﻫﻢ ﻣﺒﺮﻭﻭﻭﻙ ﻋﻠﻴﻚ ...
ﻣﺠﻨﺖ ﺍﻋﺮﻑ ﺍﻧﺘﻲ ﻫﻠﻜﺪ ﺣﻠﻮﺓ ﺗﺴﺘﺎﻫﻠﻴﻦ ﺍﻟﺘﻌﺐ .... ﺷﻜﺮﺍ ﻫﺎﻱ ﻋﻴﻮﻧﻚ ﺍﻟﺤﻠﻮﺓ ... ﻻ ﻭﻟﺞ ﺍﻧﺘﻲ ﺟﻤﺎﺭﺓ ﺍﻣﻲ ﺗﺼﻴﺤﻠﺞ ﺗﻔﺎﺣﺔ ﺷﻮ ﺩﺷﻴﻠﻲ ﺭﺍﺳﺞ ﺩﺷﻮﻑ ﻋﻴﻮﻧﺞ ... ﻻ ﻋﻔﻴﺔ ﺗﺮﺓ ﺍﻧﻲ ﻛﻠﺶ ﺍﺳﺘﺤﻲ ﻭﻟﻮ ﺗﺪﺭﻱ ﻫﺴﺔ ﺷﺼﺎﻳﺮ ﺑﻴﻪ .... ﺑﻌﺪ ﻣﺎﻛﻮ ﻣﺴﺘﺤﺔ ﻻﺯﻡ ﺗﺘﻌﻮﺩﻳﻦ ﻛﻌﺪﻭ ﺳﺎﻋﺔ ﻭﺍﻣﻲ ﺧﻄﻴﺔ ﺳﻮﺕ ﻋﺸﺎ ﻛﻤﻨﺎ ﻛﻠﻨﺎ ﻭﺍﻟﺒﻨﺎﺕ ﻭﻳﺎﻧﺎ ﻋﺒﺎﻟﻚ ﻧﻌﺮﻓﻬﻢ ﺻﺎﺭ ﻛﻮﻭﻣﺔ ﻛﻤﻠﻨﺎ ﺍﻟﻌﺸﺎ ﺷﻮﻳﺔ ﻭﻛﺎﻣﻮﺍ ﻭﺍﺗﻔﻘﻨﺎ ﺛﺎﻧﻲ ﻳﻮﻡ ﻋﻠﻤﻮﺩ ﺍﻟﺬﻫﺐ ﻭﺍﻟﺘﺠﻬﻴﺰﺍﺕ ... ﻛﻤﺖ ﺑﺪﻟﺖ ﻭﻃﻠﻌﺖ ﻧﻈﻔﺖ ﻭﺭﺗﺒﺖ ﺍﻟﺒﻴﺖ ﻭﺍﻣﻲ ﻭﺍﺑﻮﻳﺔ ﻳﺴﻮﻟﻔﻮﻭﻭﻥ ﺑﻴﻬﻢ ....
ﻳﺘﺒﻊ .....
#روووعه