ﺳﻼﻡ ... ﻫﺎ ﻓﺮﺡ ﻭﻳﻦ ﺭﺣﺘﻲ ﺍﻟﻮﻭﻭﻭﻭﻭ ﺍﻟﻮﻭﻭﻭﻭ ...
- ﻓﺮﺡ ‏( ﺳﻤﺎ ‏) ... ﻫﺎ ﻫﺎ ﻭﻳﺎﻙ ﻭﻳﺎﻙ ﺑﺲ ﺻﻔﻨﺖ ﺷﻮﻳﺔ ﺻﺎﺭ ﺍﺣﺎﻭﻝ ﺍﺟﻴﺒﻠﻜﻢ ﺭﻗﻤﻬﺎ ﻭﺍﻧﺘﻮ ﺷﺮﺣﻮﻟﻬﺎ ﻇﺮﻭﻑ ﺍﻟﻮﻟﺪ ﺍﺣﺴﻦ ..
- ﺳﻼﻡ .. ﺍﻭﻛﻲ ﻳﻌﻨﻲ ﺑﺎﺟﺮ ﺗﺤﺼﻠﻴﻨﺎ ﺭﻗﻤﻬﺎ ...
- ﻓﺮﺡ .. ﺻﺎﺭ ﺍﻥ ﺷﺎﺀﺍﻟﻠﻪ ...
- ﺳﻼﻡ ... ﺍﻭﻛﻲ ﺑﺴﻼﻣﺔ ...
- ﻓﺮﺡ ... ﺑﺎﺍﺍﻱ ... ﻳﺎﺭﺑﻲ ﺷﺮﺍﺡ ﺍﺳﻮﻱ ﺍﻟﻨﻮﺑﺔ ﻗﺮﻳﺔ ﻟﻮ ﻫﻨﺎ ﺟﺎﻥ ﻛﻠﺖ ﻣﻴﺨﺎﻟﻒ ﺑﺲ ﺑﻠﻨﺎﺻﺮﻳﺔ ﻋﺰﺓ ﺍﻧﻲ ﺍﺭﻳﺪ ﺍﻓﺮ ﺍﻟﻌﺎﻟﻢ ﻛﻠﻪ ﻭﻫﻮ ﻳﺤﺼﺮﻧﻲ ﺑﻠﻨﺎﺻﺮﻳﺔ ﻻ ﻓﺪﻭﺓ ﺧﻠﻴﻨﻲ ﺧﻠﻴﻨﻲ ﻣﺠﻄﻠﺔ ﻭﻳﺔ ﺳﻼﻡ ﺑﻠﻜﻲ ﺍﻟﻠﻪ ﻫﺬﺍﻙ ﻳﺤﻞ ﻋﻨﻲ ﺷﻠﻮﻥ ﻭﺭﻃﺔ ﻳﺎﺭﺑﻲ .....
- ﺳﺮﻭﺓ .... ﺛﺎﻧﻲ ﻳﻮﻡ ﺩﺍﻭﻣﻨﺎ ﺑﺲ ﻣﺸﻔﺘﻬﻢ ﺍﻟﺤﻤﺪﻟﻠﻪ ﻭﺻﻠﻨﻲ ﺍﺑﻮﻳﺔ ﻭﺭﺟﻊ ﺷﻔﺖ ﺳﻤﺎ ﻛﺎﻋﺪﺓ ﻭﺻﺎﻓﻨﺔ ﻫﺎﺣﺒﻲ ﺻﺒﺎﺡ ﺍﻟﺨﻴﺮ ...
- ﺳﻤﺎ .. ﻟﺞ ﻫﻠﻮ ﺳﺮﻭﺓ ﺷﻠﻮﻧﺞ ...
- ﺳﺮﻭﺓ .. ﺍﻟﺤﻤﺪﻟﻠﻪ ﺷﺒﻴﺞ ﺷﻜﻮ ....
- ﺳﻤﺎ .. ﺍﺳﻜﺘﻲ ﺳﺮﻭﺓ ﺻﺎﺭ ﺑﻴﻪ ﻓﻠﻢ ﺷﻠﻮﻥ ﺍﺣﻠﻪ ﻣﺎﻋﺮﻑ ....
- ﺳﺮﻭﺓ .. ﺷﻜﻮ ﺷﺼﺎﺭ ﻟﻴﺶ ﺗﺤﺠﻲ ﻋﺎﺍﺍﺩ .... ﻭﻭﻭﻭﻭ ﺧﺮﻃﺘﻠﻲ ﻛﻠﺸﻲ ﻋﺰﺓ ﺑﻌﻴﻨﺞ ﺷﻔﺘﻲ ﺍﻛﻌﺪﻱ ﻭﺍﺳﻜﺘﻲ ﻳﻤﻌﻮﺩﺓ ﺷﺪﺳﻮﻳﻦ ﺑﺮﻭﺣﺞ ﻭﻟﺞ ﺍﻧﺘﻲ ﻣﺘﻌﺮﻓﻴﻬﻢ ﺣﺘﻮﺭﻃﻴﻦ ﺭﻭﺣﺞ ....
- ﺳﻤﺎ .. ﻳﻌﻨﻲ ﺍﻛﻠﺞ ﻧﺤﻠﻬﺎ ﻭﺍﻧﺘﻲ ﻛﻞ ﺷﻮﻳﺔ ﺗﻬﺒﻄﻴﻨﻲ ﻛﺎﻓﻲ ﺳﺮﻭﺓ ﻟﺨﺎﻃﺮ ﺍﻟﻠﻪ ﺍﻧﻲ ﺑﻴﺎﺣﺎﻝ ﺍﻟﻜﻴﻠﻲ ﺣﻞ ...
- ﺳﺮﻭﺓ .. ﻟﺞ ﻳﺎﺣﻞ ﺍﻧﺘﻲ ﺷﺠﻠﺒﺘﻲ ﺣﺘﺨﻠﻴﻬﻢ ﻳﺘﻤﺎﻟﺨﻮﻥ ﻏﻴﺮﻱ ﺭﻗﻤﺞ ﻭﺍﻛﻄﻌﻲ ﻋﻼﻗﺘﺞ ﺑﻴﻬﻢ ﻭﻛﺎﻓﻲ ﻋﺎﺩ ﻟﻬﻨﺎ ﺍﺩﺭﻱ ﺍﻧﺘﻲ ﻣﺘﺨﺎﻓﻴﻦ ﻣﻦ ﺍﻫﻠﺞ ﻳﻌﺮﻓﻮﻥ ...
- ﺳﻤﺎ .. ﺍﻛﻠﻠﻬﺎ ﺗﻲ ﺗﻜﻠﻲ ﺑﻲ ﺍﻛﻠﻠﻬﺎ ﺍﻧﻲ ﺍﺭﻳﺪ ﺍﺧﻠﺺ ﻣﻦ ﺣﻴﺎﺗﻲ ﻭﻳﺎﻫﻢ ﺍﻧﻲ ﻋﺎﻳﺸﺔ ﺑﻔﻜﺮ ﺍﺭﻳﺪ ﺍﺧﻠﺺ ﻭﻫﺬﺍ ﺗﻤﻴﻢ ﺧﺮﺏ ﻛﻞ ﻣﺨﻄﻄﺎﺗﻲ ﺷﻠﻮﻥ ﻭﻟﺞ ﻋﻴﻨﻲ ﺣﻠﻴﻬﺎ ﻭﻳﺎﻳﺔ ﺍﻟﻜﻴﻠﻲ ﺣﻞ ﺳﺮﻭﺓ ﺭﺍﺡ ﺍﺗﺨﺒﻞ ﻣﻦ ﺍﻟﺒﺎﺭﺣﺔ ﺑﺲ ﺭﺩﺕ ﺍﺩﺍﻭﻡ ﺣﺘﻰ ﺍﺳﻮﻟﻔﻠﺞ ...
- ﺳﺮﻭﺓ .. ﺳﻤﺎ ﺍﻧﻲ ﺍﺧﺎﻑ ﻣﻦ ﻫﺎﻱ ﺍﻟﺴﻮﺍﻟﻒ ﻋﻔﻴﺔ ﻣﺎﻋﺮﻑ ﺷﻠﻮﻥ ﻣﺘﺤﻤﻠﺔ ﺍﻧﺘﻲ ....
- ﺳﻤﺎ .. ﺍﻭﻭﻭﻑ ﺳﺮﻭﺓ ﺷﻜﺪ ﺳﻠﺒﻴﺔ ...
- ﺳﺮﻭﺓ .. ﺳﻠﺒﻴﺔ ﺳﻠﺒﻴﺔ ﻭﻻ ﺍﺳﻮﻱ ﻣﺼﺎﻳﺐ ﺗﻬﺪ ﺣﻴﻞ ﺍﻫﻠﻲ ﻭﻟﺞ ﺧﺎﻓﻲ ﻋﻠﻰ ﺍﺑﻮﺝ ﻋﻠﻰ ﺍﻣﺞ ﻋﻠﻰ ﺍﺧﻮﺗﺞ ﺍﺫﺍ ﻋﺮﻓﻮﺍ ..
- ﺳﺮﻭﺓ .. ﺷﺮﺍﺡ ﻳﻌﺮﻓﻬﻢ ﻛﻠﻤﻦ ﺣﺎﻳﺮ ﺑﺮﻭﺣﻪ ﻭﺑﺠﻬﺎﻟﻪ ﻣﺤﺪ ﺣﺎﻁ ﺑﺎﻟﻪ ﻻﻳﻤﻲ ﻭﻻ ﻳﻢ ﺧﻮﺍﺗﻲ ﻭﻻ ﺣﺘﻰ ﺍﺑﻮﻳﺔ ﻭﺍﻣﻲ ﺩﻋﻮﻓﻴﻨﻲ ﻓﺪﻭﺓ ﺍﺭﻭﺣﻠﺞ ﺳﺮﻭﺓ ﺧﻠﻴﻨﻲ ﺍﻧﻲ ﺍﻟﻜﺎ ﺣﻞ ﻟﺮﻭﺣﻲ .....
- ﺳﺮﻭﺓ .. ﻭﻟﺞ ﻳﺎ ﺣﻞ ﻏﻴﺮ ﺗﻔﻬﻤﻴﻨﻲ ﺷﺮﺍﺡ ﺗﺴﻮﻳﻴﻦ ..
- ﺳﻤﺎ .. ﺍﻟﺞ ﺍﻟﺼﺎﻓﻲ ﻛﻮﻣﻲ ﻛﺎﻓﻲ ﺍﻻﺻﻄﻔﺎﻑ ﻫﻢ ﺧﻠﺺ ..
- ﺳﺮﻭﺓ ... ﺩﺧﻠﻨﺎ ﻛﻤﻠﻨﺎ ﺍﻟﺪﺭﻭﺱ ﻛﻠﻬﺎ ﻭﺩﻧﻄﻠﻊ ﺍﻟﺤﻤﺪﻟﻠﻪ ﻫﻢ ﻣﺸﻔﺘﻬﻢ ﻭﺑﻌﺪ ﻣﻔﺘﺤﺖ ﻣﻮﺿﻮﻉ ﻭﻳﺔ ﺳﻤﺎ ﻣﺮ ﺟﻢ ﻳﻮﻡ ﺑﻌﺪ ﻣﺸﻔﺘﻪ ﻟﻬﺬﺍ ﺍﻟﻮﻟﺪ ﺍﻟﻲ ﺍﺳﻤﻪ ﺳﻼﻡ ﺍﺑﻮﻳﺔ ﻳﻮﺻﻠﻨﻲ ﻭﺍﻧﻲ ﺍﺭﺟﻊ ﻭﺣﺪﻱ ﻟﺤﺪ ﻣﺎ ﻓﺪﻳﻮﻡ ﺑﺮﺟﻌﺘﻲ ﺩﺍﻣﺸﻲ ﻭﻃﺒﻜﺖ ﻳﻤﻲ ﺳﻴﺎﺭﺓ ﻭﺍﻧﻲ ﺭﺟﻠﻴﻪ ﺻﺎﺭﻥ ﺟﺮﻭﺥ ﻭﺍﺭﻛﺾ ...
- ﺳﻼﻡ .. ﺩﻭﻛﻔﻲ ﻳﻤﻌﻮﺩﺓ ﺑﺲ ﺍﺣﺠﻲ ﻭﻳﺎﺝ ﻛﻠﻤﺘﻴﻦ ﻭﺭﻭﺣﻲ ﻣﺎ ﺍﺃﺧﺮﺝ ..
- ﺳﺮﻭﺓ .. ﺍﻧﻲ ﻭﻻ ﻭﻛﻔﺖ ﻭﻛﻠﺒﻲ ﻳﺮﺟﻒ ﻣﻦ ﺍﻟﺨﻮﻑ ﻋﺒﺎﻟﻚ ﻣﺴﻮﻳﺔ ﺟﺮﻳﻤﺔ ﺻﻌﺪ ﺳﻴﺎﺭﺗﻪ ﻭﻛﺎﻡ ﻳﻤﺸﻲ ﻭﻳﺎﻳﺔ ﻭﻳﺤﺠﻲ ...
- ﺳﻼﻡ .. ﻭﻟﺞ ﻭﺍﻟﻠﻪ ﺭﺍﻳﺪﺝ ﺑﻠﺤﻼﻝ ﻭﻣﻦ ﻳﻮﻡ ﺍﻟﻲ ﺷﻔﺘﺞ ﺳﺒﻴﺘﻴﻨﻲ ﻭﻟﺞ ﺍﻟﻠﻴﻞ ﻛﻠﻪ ﻣﺪﺍﻧﺎﻣﻪ ﻳﻤﻌﻮﺩﺓ ﺷﺒﻴﺞ ﺑﺲ ﺍﻭﻛﻔﻲ ﺩﺣﺠﻲ ﻭﻳﺎﺝ ﺗﺎﻟﻲ ﺑﺲ ﺍﺭﻳﺪ ﺍﻋﺮﻑ ﺭﺃﻳﺞ ﺍﺫﺍ ﺗﻘﺒﻠﻴﻦ ﺍﺩﺯ ﺍﻫﻠﻲ ...
- ﺳﺮﻭﺓ .. ﻭﺻﻠﺖ ﻟﻠﻤﺪﺭﺳﺔ ﻭﻛﺒﻞ ﻃﺒﻴﺖ ﺍﺭﻛﺾ ﺍﻣﻲ ﺷﺎﻓﺘﻨﻲ ﺳﻮﻟﻔﺘﻠﻬﺎ ...
- ﺍﻣﻲ .. ﻳﺒﻮ ﺍﺳﻢ ﺍﻟﻠﻪ ﻋﻠﻴﺞ ﺑﻨﻴﺘﻲ ﺧﻴﻮﻟﻲ ﻫﺴﺔ ﻳﺠﻲ ﺍﺑﻮﺝ ﻭﺍﻛﻠﻪ ﻛﺎﻓﻲ ﺣﺒﻴﺒﺘﻲ ﻟﺘﺨﺎﻓﻴﻦ ..
ﻣﻦ ﺻﺪﻙ ﺧﻔﺖ ﻣﺎﻋﺮﻑ ﺍﻟﻌﻴﺐ ﺑﺘﺮﺑﻴﺘﻲ ﻟﻮ ﺑﻠﺰﻣﻦ ﻣﻦ ﻛﻠﺸﻲ ﺍﺧﺎﻑ ﺧﻮ ﺍﺫﺍ ﺷﻔﺖ ﻭﻟﺪ ﺗﻌﺘﺒﺮ ﻣﻦ ﺍﻟﻤﺤﺮﻣﺎﺕ ﺍﺧﺎﻑ ﻳﺴﻮﻳﻠﻲ ﺷﻲ ﺑﻨﻈﺮﻱ ﻣﺎﻛﻮ ﻭﻟﺪ ﻧﻴﺘﻪ ﺻﺎﻓﻴﺔ ﻭﻫﺬﺍ ﺍﻟﻲ ﺟﺎﻥ ﻳﺨﻮﻓﻨﻲ ﺍﻱ ﻧﻈﺮﺓ ﻣﻨﻬﻢ ﺍﺣﺴﻬﺎ ﻃﻤﻊ ﻭﻳﺮﻳﺪ ﻣﻨﻲ ﺷﻲ ﻭﺟﻨﺖ ﺍﻧﺤﻂ ﺑﻤﻮﺍﻗﻒ ﺳﺨﻴﻔﺔ ﻭﻣﺠﻨﺖ ﺍﻛﺪﺭ ﺍﺗﻌﺎﻣﻞ ﻭﻳﺔ ﻭﻟﺪ ﺣﺘﻰ ﺍﺑﻮ ﻣﺤﻞ ﺍﺧﻠﻲ ﻟﻮ ﺍﺧﻮﺗﻲ ﻟﻮ ﺻﺪﻳﻘﺘﻲ ﻟﻮ ﺍﻣﻲ ﺍﻟﻲ ﺗﺤﺠﻲ ﻣﺎﻋﺮﻑ ﺍﺣﺠﻲ ﻛﻠﻤﺘﻴﻦ ﻉ ﺑﻌﻀﻬﻦ ﻭﻫﺬﺍ ﺍﻟﻲ ﺟﺎﻥ ﻳﺨﻠﻴﻨﻲ ﺑﻨﻈﺮ ﺻﺪﻳﻘﺎﺗﻲ ﺟﺒﺎﺍﻧﺔ ...
بيج قصص عراقيه حقيقيه من واقعنا.روعه الطائي
ﻧﻤﺖ ﻭﺍﻟﻌﺼﺮ ﺣﺴﻴﺖ ﺍﺑﻮﻳﺔ ﻳﻢ ﺭﺍﺳﻲ ...
- ﺍﺑﻮﻳﺔ .. ﻫﺎﺑﻮﻳﺔ ﺳﺮﻭﺓ ﺷﺒﻴﺞ ﺑﻨﻴﺘﻲ ﺣﺠﺘﻠﻲ ﺍﻣﺞ ﺷﺪﻋﻮﺓ ﻫﻠﻜﺪ ﺧﺎﻳﻔﺔ ﻭﺍﻧﻲ ﻭﻳﻦ ﺭﺣﺖ ..
- ﺳﺮﻭﺓ .. ﻳﺎﺑﺔ ﺍﻧﻲ ﺧﺎﻳﻔﺔ ﻋﻠﻴﻚ ﺍﻟﻨﺎﺱ ﻣﺘﻨﺤﺰﺭ ﻭﺍﻟﺪﻧﻴﺎ ﺗﺨﻮﻑ ..
- ﺍﺑﻮﻳﺔ .. ﻻ ﻳﺎﺑﺔ ﻟﻌﺪ ﺍﻧﻲ ﺷﻌﻨﺪﻱ ﻏﻴﺮﻛﻢ ﺍﻧﻲ ﺍﺣﺠﻲ ﻭﻳﺎﻩ ..
- ﺳﺮﻭﺓ .. ﻻﻳﺎﺑﺔ ﻻ ﻓﺪﻭﺓ ﻋﻮﻓﻪ ﺭﺍﺡ ﺗﺠﻲ ﺍﻟﻌﻄﻠﺔ ﺑﻠﻜﻲ ﻳﻨﺴﻰ ﻭﻳﺤﻞ ﻋﻨﻲ ﻓﺪﻭﺓ ﺍﺭﻭﺣﻠﻚ ﻳﺎﺑﺔ ﻋﻮﻓﻪ ...
- ﺍﺑﻮﻳﺔ .. ﺻﺎﺭ ﻳﺎﺑﺔ ﺍﻋﻮﻓﻪ ﺑﺲ ﻉ ﺷﺮﻁ ﺑﻼ ﺧﻮﻑ ﺳﺮﻭﺗﻲ ﻳﺎﺑﺔ ﻣﺪﺍﻣﻨﻲ ﻣﻮﺟﻮﺩ ...
- ﺳﺮﻭﺓ .. ﺍﻧﻲ ﻛﻞ ﺧﻮﻓﻲ ﻋﻠﻴﻚ ﻳﺎﺑﺔ ..
- ﺍﺑﻮﻳﺔ .. ﻟﺘﺨﺎﻓﻴﻦ ﺣﺒﻴﺒﺘﻲ ﺑﻨﻴﺘﻲ ﻳﻠﺔ ﻛﻮﻣﻲ ﺍﻗﺮﻱ ﺍﺭﻳﺪﺝ ﺗﺮﻓﻌﻴﻦ ﺭﺍﺳﻲ ..
- ﺳﺮﻭﺓ .. ﺻﺎﺭ ﻳﺎﺑﺔ ﻛﻤﺖ ﺑﺴﺖ ﺍﺑﻮﻳﺔ ﻣﻦ ﺭﺍﺳﻪ ﻭﺍﻛﻠﺖ ﻟﻜﻤﺔ ﻭﺭﺣﺖ ﻧﻈﻔﺖ ﻭﻳﺔ ﺍﻣﻲ ﺍﻟﺼﻔﻮﻑ ﻭﺭﺟﻌﺖ ﻗﺮﻳﺖ ﻭﺭﺍﻫﺎ ﺻﺎﺩﻑ ﺟﻤﻌﺔ ﻭﺳﺒﺖ ﻭﺍﻻﺣﺪ ﺑﻠﻄﻠﻌﺔ ﺷﻔﺘﻬﻢ ﻭﺍﻛﻔﻴﻦ ﻭﻟﻜﻴﺖ ﺍﺑﻮﻳﺔ ﺳﻮﺩﺓ ﻋﻠﻴﻪ ﻭﺍﻛﻒ ﺭﺟﻌﻨﺎ ﺳﻮﺓ ﺩﺍﻭﻣﺖ ﺍﺳﺒﻮﻉ ﻭﺍﻣﺘﺤﻨﺎ ﻭﺑﺎﺧﺮ ﻳﻮﻡ ﺍﻣﺘﺤﺎﻥ ﺩﻭﺭﺕ ﻉ ﺳﻤﺎ ﺣﺘﻰ ﻧﻄﻠﻊ ﺳﻮﺓ ﻣﻠﻜﻴﺘﻬﺎ ﻃﻠﻌﺖ ﺍﺗﻠﻔﺖ ﺑﺲ ﻛﻮﻥ ﻣﺎﺷﻮﻑ ﺍﺣﺪ ﺍﺑﻮﻳﺔ ﻣﻜﺪﺭ ﻳﺠﻲ ﻻﻥ ﺍﻣﺘﺤﺎﻥ ﻭﻭﻛﺘﻲ ﻣﻤﻌﺮﻭﻑ ﺷﻮﻛﺖ ﺍﻃﻠﻊ ﻃﻠﻌﺖ ﺍﺗﻤﺸﻲ ﻭﻋﻴﻨﻲ ﺑﻠﻜﺎﻉ ﻭﺍﺷﻮﻓﻪ ﻛﺒﺎﻟﻲ ...
- ﺳﻼﻡ .. ﺷﻮﻓﻲ ﺳﺮﻭﺓ ﻭﻟﺘﺴﺘﻐﺮﺑﻴﻦ ﻣﺒﻘﻴﺖ ﺷﻲ ﻣﻌﺮﻓﺘﻪ ﻋﻨﺞ ﺍﻧﺘﻲ ﺣﺐ ﻋﻤﺮﻱ ﺗﻜﺪﺭﻳﻦ ﺗﻜﻮﻟﻴﻦ ﻋﺸﻖ ﻣﻦ ﺍﻭﻝ ﻧﻈﺮﺓ ﺣﺒﻴﺘﺞ ﻭﺣﺒﻴﺖ ﻛﻠﺸﻲ ﺑﻴﺞ ﻭﺍﻧﺘﻲ ﺍﻟﻮﺣﻴﺪﺓ ﺍﻟﻲ ﺗﻤﻨﻴﺖ ﺍﻛﻤﻞ ﻭﻳﺎﻫﺎ ﺣﻴﺎﺗﻲ ﺳﺮﻭﺓ ﻟﺘﺼﺪﻳﻨﻲ ﻓﺪﻭﺓ ﺭﺣﺘﻠﺞ ﺗﺪﺭﻳﻦ ﺷﻜﺪ ﺻﺎﺭﻟﻲ ﺍﺭﻳﺪ ﺑﺲ ﺍﺣﺠﻲ ﻭﻳﺎﺝ ﻛﻠﻤﺘﻴﻦ ﻭﺍﺭﻭﺡ ﺍﻧﻲ ﺭﺍﻳﺪﺝ ﻉ ﺳﻨﺔ ﺍﻟﻠﻪ ﻭﺭﺳﻮﻟﻪ ﺑﺲ ﺍﻟﻲ ﺍﺭﻳﺪﻩ ﻣﻨﺞ ﻟﺘﺼﻴﺮﻳﻦ ﻟﻐﻴﺮﻱ ﻣﻤﻜﻦ ﺍﺳﻤﻊ ﺟﻮﺍﺑﺞ ...
- ﺳﺮﻭﺓ .. ﺍﺳﻤﺤﻠﻲ ...
- ﺳﻼﻡ .. ﻳﻤﺔ ﻣﻦ ﻓﺪﻭﺓ ﻟﻬﻠﺼﻮﺕ ﻭﻳﻦ ﺭﺍﻳﺤﺔ ﺍﻧﺘﻈﺮﻱ ....
- ﺳﺮﻭﺓ .. ﻳﻤﺸﻲ ﻭﻳﺎﻳﺔ ﻭﺍﻧﻲ ﻭﻻ ﻣﻌﺒﺮﺗﻪ ﻭﻻ ﺭﺩﻳﺘﻠﻪ ﺑﻜﻠﻤﺔ ﻣﻦ ﺑﻌﻴﺪ ﺷﻔﺖ ﺍﺑﻮﻳﺔ ﺩﻳﺠﻲ ﻋﺎﺩ ﺍﻗﺘﺮﺏ ﻣﻦ ﺍﺑﻮﻳﺔ ﺍﻧﻲ ﻋﻔﺘﻬﻢ ﻭﺭﺣﺖ ﺩﺧﻠﺖ ﻟﻠﻤﺪﺭﺳﺔ ..
- ﺳﻼﻡ .. ﺍﻧﻲ ﺍﺳﻒ ﻋﻤﻲ ﺍﻟﻤﻔﺮﻭﺽ ﺍﺟﻲ ﻟﺤﻀﺮﺗﻚ ﺑﺲ ﻭﺍﻟﻠﻪ ﺑﺲ ﺭﺩﺕ ﻣﻨﻬﺎ ﻛﻠﻤﺔ ﺗﺒﻴﻨﻠﻲ ﺍﻧﻮ ﻫﻲ ﻣﻮﺍﻓﻘﺔ ﺣﺘﻰ ﺍﺟﻲ ﺍﻃﻠﺒﻬﺎ ﺑﺲ ﻭﻻ ﺭﻳﺤﺖ ﻛﻠﺒﻲ ﺑﻮﻻﻛﻠﻤﺔ ﻋﺎﺷﺖ ﺍﻳﺪﻙ ﻋﻤﻲ ﻫﻠﺘﺮﺑﻴﺔ ﻭﺍﺗﻤﻨﻰ ﻧﻜﻮﻥ ﻧﺴﺎﻳﺐ ...
- ﺍﺑﻮﻳﺔ .. ﻳﺼﻴﺮ ﻫﻴﺠﻲ ﻭﻟﻴﺪﻱ ﺑﻠﺸﺎﺭﻉ ﻭﺍﻛﻔﻴﻦ ﻭﺗﻌﺘﺮﺽ ﻃﺮﻳﻖ ﺍﻟﺒﻨﻴﺔ ﻳﻮﻣﻴﺔ ﻭﻣﺨﻮﻓﻬﺎ ﺣﺘﻰ ﻣﻦ ﺍﻟﺸﺎﺭﻉ ﺍﺫﺍ ﺟﺎﻧﺖ ﻭﺣﺪﻫﺎ ﺍﺗﻤﻨﻰ ﺗﻜﻮﻥ ﺍﺧﺮ ﻣﺮﺓ ﻣﺒﻴﻦ ﻋﻠﻴﻚ ﺧﻮﺵ ﻭﻟﺪ ﻭﻣﺘﺮﺑﻲ ﻭﻣﺘﻘﺒﻠﻬﺎ ﻉ ﺑﻨﺎﺕ ﺍﻟﻨﺎﺱ ﻣﻮ ﺻﺢ ﻭﻟﻴﺪﻱ ..
- ﺳﻼﻡ .. ﺻﺎﺭ ﻋﻤﻲ ﺗﺪﻟﻞ ﻭﻋﺪ ﺑﻌﺪ ﻣﺎﺣﺠﻲ ﻭﻳﺎﻫﺎ ﻭﺍﻥ ﺷﺎﺀﺍﻟﻠﻪ ﻓﺘﺮﺓ ﻭﺍﺟﻴﺐ ﺍﻻﻫﻞ ...
- ﺍﺑﻮﻳﺔ .. ﺍﻟﻠﻪ ﻛﺮﻳﻢ ﺍﺑﻨﻲ ﺍﻟﻲ ﻛﺎﺗﺒﺔ ﺍﻟﻠﻪ ﻳﺼﻴﺮ ..
- ﺳﻼﻡ .. ﺍﻥ ﺷﺎﺀﺍﻟﻠﻪ ﻋﻤﻲ ﺍﺗﺮﺧﺺ ﻣﻊ ﺍﻟﺴﻼﻣﺔ ..
- ﺍﺑﻮﻳﺔ .. ﻣﻊ ﺍﻟﻒ ﺳﻼﻣﺔ ...
ﺑﺪﺕ ﺍﻟﻌﻄﻠﺔ ﻭﺍﺭﺗﺎﺣﻴﺖ ﻫﺎﻱ ﺍﻟﻔﺘﺮﺓ ﺑﺲ ﺍﺷﻮﻓﻪ ﺑﻠﺒﻠﻜﻮﻧﺔ ﻣﺎﻟﺘﻬﻢ ﻭﺍﺑﺪ ﻣﻄﻠﻌﺖ ﻟﻠﺴﺎﺣﺔ ﺑﻌﺪ . ﺧﻠﺼﺖ ﺍﻟﻌﻄﻠﺔ ﻭﺩﺍﻭﻣﺖ ﻭﺷﻔﺖ ﺳﻤﺎ ﺳﻠﻤﺖ ﻋﻠﻴﻬﺎ ﻭﻛﻌﺪﺕ ﻛﻤﻠﻨﺎ ﺩﻭﺍﻣﻨﺎ ﻭﺭﺍﻫﺎ ﺩﺍﻭﻣﺖ ﺍﺳﺒﻮﻉ ﻭﺍﻟﺤﻤﺪﻟﻠﻪ ﻣﺸﻔﻨﺎ ﺍﺣﺪ ﺑﻴﻬﻢ ﻭﺳﻤﺎ ﻭﻻ ﺟﺎﺑﺖ ﻃﺎﺭﻳﻬﻢ ﻭﺍﻟﺘﻬﻴﺖ ﺑﻘﺮﺍﻳﺘﻲ ﺍﻟﺤﻤﺪﻟﻠﻪ ﺩﺭﺟﺎﺗﻲ ﻋﺎﻟﻴﺔ ﻭﺫﺍﺑﺔ ﺭﻭﺣﻲ ﻭﻛﻞ ﺣﻴﻠﻲ ﺑﻘﺮﺍﻳﺘﻲ ﻭﺍﻟﻤﺪﺭﺳﺎﺕ ﺧﻄﻴﺔ ﺍﺑﺪ ﻣﻘﺼﺮﻥ ﻭﻳﺎﻳﺔ ...
- ﺗﻤﻴﻢ .. ﺧﻠﺼﺖ ﺍﻣﺘﺤﺎﻧﺎﺕ ﻭﺭﺟﻌﺖ ﻟﻠﻨﺎﺻﺮﻳﺔ ﻭﺗﻠﻜﺘﻨﻲ ﺗﺎﺝ ﺭﺍﺳﻲ ..
- ﺍﻡ ﺗﻤﻴﻢ .. ﻫﺎ ﻭﻟﻴﺪﻱ ﺣﻤﺪﻟﻠﻪ ﻉ ﺳﻼﻣﺘﻚ ..
- ﺗﻤﻴﻢ .. ﻫﻠﺔ ﺣﺒﻴﺒﺔ ﺷﻠﻮﻧﺞ ..
- ﺍﻡ ﺗﻤﻴﻢ .. ﺑﺨﻴﺮ ﻣﺪﺍﻣﻨﻲ ﺷﻔﺘﻚ ﺷﻠﻮﻧﻚ ﺑﻠﺪﺭﺍﺳﺔ ﺑﻐﺪﺍﺩ ﺷﻠﻮﻧﻬﺎ ..
- ﺗﻤﻴﻢ .. ﺿﻠﻤﺔ ﺑﻠﻴﺎﺝ ﻭﺍﻟﻠﻪ ﺻﺎﺭ ﻫﻮﺍﻳﺔ ﻣﻤﻨﻮﺭﺗﻨﻲ ﻭﻣﻨﻮﺭﺓ ﺑﻐﺪﺍﺩ ..
- ﺍﻡ ﺗﻤﻴﻢ .. ﻣﻨﻮﺭﺓ ﺑﻴﻚ ﻭﻟﻴﺪﻱ ...
- ﺗﻤﻴﻢ .. ﺑﺮﻛﺎﺕ ﺷﻠﻮﻧﻪ ﺍﻟﺒﻨﺎﺕ ﺷﺨﺒﺎﺭﻫﻦ ﻭﺍﻟﻠﻪ ﻣﺸﺘﺎﻕ ﻟﻠﻜﻞ ...
- ﺍﻡ ﺗﻤﻴﻢ .. ﺑﺨﻴﺮ ﻛﻠﻬﻢ ﺯﻳﻨﻴﻦ ﻣﺒﺎﺭﻙ ﺣﺒﻴﺒﻲ ﺭﺍﺡ ﺗﻜﻌﺪ ﻭﻳﺎﻱ 15 ﻳﻮﻡ ..
- ﺗﻤﻴﻢ .. ﺍﻱ ﺣﺒﻴﺒﺔ ﻫﻤﺰﻳﻦ ﻭﺍﺣﺪ ﻳﻜﻌﺪ ﻭﻳﺮﺗﺎﺡ ﻭﻳﺸﻢ ﻫﻮﺍ ﺍﻟﻘﺮﻳﺔ ﻭﺍﻟﻠﻪ ﻣﺸﺘﺎﻗﻠﻜﻢ ﻣﻌﻤﺮ ﻭﻣﻘﺪﺍﺩ ﺷﻠﻮﻧﻬﻢ ...
- ﺍﻡ ﺗﻤﻴﻢ .. ﻳﺨﺎﺑﺮﻭﻥ ﺯﻳﻨﻴﻦ ﺍﻟﺤﻤﺪﻟﻠﻪ ﺩﻭﻡ ﻳﺴﺎﻟﻮﻥ ﻋﻠﻴﻚ . ﻋﺰﻣﺖ ﺧﻮﺍﺗﻚ ﺑﺎﺟﺮﺣﺘﻰ ﻧﺴﻮﻱ ﺛﻮﺍﺏ ﻻﺑﻮﻙ ﻭﻻﺧﻮﻙ ﺳﻮﺩﺓ ﻋﻠﻴﺔ ﻭﺣﺘﻰ ﻳﺸﻮﻓﻨﻚ ﻫﻤﻴﻦ ...
- ﺗﻤﻴﻢ .. ﺗﻌﻴﺸﻴﻦ ﻭﺗﺬﻛﺮﻳﻬﻢ ﺣﺠﻴﺔ ﺍﻟﺒﺮﻛﺔ ﺑﻴﺞ ...
- ﺍﻡ ﺗﻤﻴﻢ .. ﻳﺎﺑﺮﻛﺔ ﻭﻟﻴﺪﻱ ﻟﻮ ﻣﺎ ﺍﻧﺘﻮ ﺩﺍﺩﻋﻲ ﺭﺑﻲ ﺑﺲ ﻛﻮﻥ ﻳﺎﺧﺬ ﺍﻣﺎﻧﺘﻪ ﺍﺭﻳﺪ ﺍﺷﻮﻓﻬﻢ ﻛﺴﺮﻭ ﻇﻬﺮﻱ ﺑﻌﺪ ﻋﻴﻨﻲ ﺍﺧﻮﻙ ﺭﺍﺡ ﻭﻫﻮ ﺷﺎﺏ ﺳﻮﺩﺓ ﻋﻠﻴﻪ ﻣﻠﺤﻜﺖ ﺍﻓﺮﺡ ﺑﻲ ..
- ﺗﻤﻴﻢ .. ﺍﻟﻠﻪ ﻳﺮﺣﻤﻪ ﻳﻤﺔ ..
- ﺍﻡ ﺗﻤﻴﻢ .. ﻭﻳﻔﺮﺣﻨﻲ ﺑﻴﻚ ﻭﺑﺸﺒﺎﺑﻚ ﻭﻳﺤﻔﻆ ﺑﺮﻛﺎﺕ ﻭﺍﺷﻮﻑ ﺑﺰﺭﻩ ﺧﺒﻠﻨﻲ ﻫﻠﻮﻟﺪ ﺻﺎﺭ ﺷﻜﺪ ﺍﺗﻮﺳﻞ ﺑﻲ ﻳﺘﺰﻭﺝ ﻣﺪﻳﻘﺒﻞ ...
- ﺗﻤﻴﻢ .. ﻣﻮ ﻣﺘﺰﻭﺝ ﻳﺎﻳﻤﺔ ﺷﺒﻴﺞ ..
- ﺍﻡ ﺗﻤﻴﻢ .. ﺍﺩﺭﻱ ﻣﺘﺰﻭﺝ ﻫﺎﻱ ﺍﻟﺒﻮﻣﺔ ﺍﺭﻳﺪﻟﻪ ﻭﻟﻴﺪ ﻭﻫﺎﻱ ﺑﻌﺪ ﻣﺎﺗﺨﻠﻒ ﻭﺍﻧﺖ ﺷﻮﻛﺖ ﺗﺠﻲ ﺗﺴﺘﻘﺮ ﺣﺘﻰ ﺍﺧﻄﺒﻠﻚ ..
- ﺗﻤﻴﻢ .. ﻛﺮﻳﺐ ﻳﻤﺔ ﻛﺮﻳﺐ ﺍﻥ ﺷﺎﺀﺍﻟﻠﻪ ﺍﺟﻴﺒﻬﺎ ﻭﻳﺎﻱ ﻣﻨﺎﻙ ﻣﻦ ﺑﻐﺪﺍﺩ ....
- ﺑﺮﻛﺎﺍﺍﺕ .. ﺷﺘﺠﻴﺐ ﻣﻦ ﺑﻐﺪﺍﺩ ﺗﻤﻴﻢ ...
ﻭﺟﺎﻥ ﻳﺠﻲ ﺑﺮﻛﺎﺕ .....
- ﺑﺮﻛﺎﺍﺕ .. ﺷﺘﺠﻴﺐ ﻣﻦ ﺑﻐﺪﺍﺩ ﺗﻤﻴﻢ ...
- ﺗﻤﻴﻢ .. ﺑﺮﻛﺎﺕ ﻫﻠﺔ ﺧﻮﻳﺔ ﺷﻠﻮﻧﻚ ..
- ﺑﺮﻛﺎﺍﺍﺕ .. ﺑﺨﻴﺮ ﻣﺪﺍﻡ ﺍﻧﺖ ﺑﺨﻴﺮ ﻣﺎﻛﻠﺘﻠﻲ ﺷﺘﺠﻴﺐ ﻣﻦ ﺑﻐﺪﺍﺩ ..
- ﺗﻤﻴﻢ .. ﻭﺍﻟﻠﻪ ﻳﺎﺑﺮﻛﺎﺕ ﻫﻮ ﻫﺬﺍ ﺍﻟﻤﻮﺿﻮﻉ ﺍﻟﻲ ﺍﺭﻳﺪ ﺍﺣﺠﻲ ﻭﻳﺎﻙ ﺑﻲ ﻭﺍﻟﻠﻪ ﻧﺎﻭﻱ ﺍﺧﻄﺐ ﺑﻨﻴﺔ ﻣﻦ ﺑﻐﺪﺍﺩ ﻫﻮﻳﺘﻬﺎ ﺧﻮﻳﺔ ﻭﺻﺎﺭ ﻣﺪﺓ ﻫﻲ ﺍﺑﺎﻟﻲ ...
- ﺑﺮﻛﺎﺕ .. ﺍﻱ ﻛﻤﻞ ...
- ﺗﻤﻴﻢ .. ﺍﻱ ﺧﻮﻳﺔ ﻭﺭﺩﺕ ﻋﻮﻧﺘﻚ ﻭﻳﺎﻳﺔ ﺍﺧﻮﻳﺔ ﺍﻟﺠﺒﻴﺮ ﺍﻧﺖ ...
- ﺑﺮﻛﺎﺕ .. ﻭﺍﺫﺍ ﻛﻠﺘﻠﻚ ﺍﻧﻲ ﻣﺎﺭﺍﺿﻲ ﺗﺰﻭﺝ ﻣﻨﺎﻙ ﺗﺮﻳﺪ ﺗﺨﻄﺐ ﻣﻨﺎﻣﻦ ﺍﻟﻘﺮﻳﺔ ﻣﻦ ﺍﻟﻐﺮﺑﺔ ﻻ ....
- ﺗﻤﻴﻢ .. ﺑﺲ ﺍﻧﻲ ﻣﺎﺭﻳﺪ ﻣﻨﺎ ﺑﺮﻛﺎﺕ ﺍﺗﺰﻭﺝ ﺍﻟﻲ ﺍﺭﻳﺪﻫﺎ ﻭﺍﺟﻴﺒﻬﺎ ﺗﻌﻴﺶ ﻭﻳﺎﻳﺔ ﻫﻨﺎ ...
- ﺑﺮﻛﺎﺕ .. ﺑﺖ ﺑﻐﺪﺍﺩ ﻣﺎﺗﺠﻲ ﻫﻨﺎ ﺗﻤﻴﻢ ﺗﺰﻭﺝ ﻣﻨﺎ ﻭﻛﺎﻓﻲ ﻣﻬﺎﻃﻠﺔ ...
- ﺗﻤﻴﻢ .. ﺍﻟﻠﻪ ﻛﺮﻳﻢ ﺑﺮﻛﺎﺕ ﺳﺪ ﺍﻟﻤﻮﺿﻮﻉ ...
- ﺍﻡ ﺗﻤﻴﻢ .. ﻭﻳﻦ ﺭﺍﻳﺢ ﻳﻤﺔ ...
- ﺗﻤﻴﻢ .. ﺍﻓﺘﺮ ﺷﻮﻳﺔ ﺑﻠﺒﺴﺘﺎﻥ ﻳﻤﺔ ....
- ﺍﻡ ﺗﻤﻴﻢ .. ﻟﻴﺶ ﻳﻤﺔ ﺑﺮﻛﺎﺕ ﻟﻴﺶ ﻛﺴﺮﺕ ﺑﺨﺎﻃﺮ ﺍﺧﻮﻙ ﻭﻫﻮﺓ ﺗﻮﻩ ﺟﺎﻱ ..
- ﺑﺮﻛﺎﺕ .. ﻳﻤﺔ ﺍﻧﻲ ﺍﺩﺭﻱ ﻣﻨﻴﻦ ﺟﺎﻳﺒﻬﺎ ...
- ﺍﻡ ﺑﺮﻛﺎﺕ .. ﻧﺴﺄﻝ ﻋﻠﻴﻬﺎ ﺑﻠﻜﻲ ﺧﻮﺵ ﻭﺍﺩﻡ ﻭﺧﻮﺵ ﺑﻨﻴﺔ ﻭﻟﻴﺪﻱ ﻟﺘﺤﻜﻢ ﻉ ﺍﻟﻨﺎﺱ ﺑﺪﻭﻥ ﻭﺟﻪ ﺣﻚ ... ﻭﺍﻧﺖ ﺑﺮﻛﺎﺕ ﺷﻮﻛﺖ ﺍﺷﻮﻑ ﺑﺰﺭﻙ ...
- ﺑﺮﻛﺎﺕ .. ﻟﻴﺶ ﻳﻤﺔ ﻻﺯﻡ ﻧﺮﺟﺲ ﻣﻮ ﺑﻌﻴﻨﺞ ..
- ﻧﺮﺟﺲ .. ﻫﺎﺑﻴﺒﻲ ﻫﻴﺠﻲ ..
- ﺍﻡ ﺑﺮﻛﺎﺕ .. ﺍﻧﺘﻲ ﺑﻌﺪ ﺟﺒﺪﻱ ﺑﺲ ﺍﺭﻳﺪﻟﺞ ﺍﺥ ﺑﻌﺪ ﺑﻴﺒﺘﺞ ﻳﺴﻨﺪﺝ ﻭﻳﺴﻨﺪ ﺍﺑﻮﺝ ... ﻫﺎ ﻭﻟﻚ ﺟﺒﺖ ﺑﺘﻚ ﺍﺩﺍﻓﻌﻠﻚ ﻛﻮﻣﻲ ﻣﻔﻌﻮﺻﺔ ﻓﺮﻛﻴﻠﻲ ﺭﺟﻠﻴﻪ ...
- ﺑﺮﻛﺎﺕ .. ﻭﺍﻟﻠﻪ ﺣﺠﻴﺔ ﺍﻧﺖ ﺗﺄﻣﺮﻳﻦ ﺑﺲ ﻣﻮ ﻫﺴﺔ ﻣﺎﻧﺎﻭﻳﻬﺎ ﻫﺴﺔ ﺧﻠﻴﻨﻲ ﻭﻳﺔ ﻋﻤﻲ ﺍﺑﻮ ﻏﺎﻧﻢ ﺍﺭﻳﺪ ﺍﺛﺒﺖ ﻧﻔﺴﻲ ﻛﺪﺍﻡ ﺍﻟﻨﺎﺱ ﻭﺍﻛﺒﺮ ﺍﻟﺸﺮﻛﺔ ﺍﻟﻲ ﻻﺯﻣﻬﺎ ﻣﻔﺎﺭﻍ ﻟﻐﻴﺮ ﻣﻮﺿﻮﻉ ﻫﺴﺔ ...
- ﺍﻡ ﺑﺮﻛﺎﺕ .. ﺍﻟﻠﻪ ﻳﻮﻓﻘﻜﻢ ﻭﻟﻴﺪﻱ ﻭﻳﺴﻬﻠﻚ ﺍﻣﺮﻙ ﻭﻳﻔﺘﺤﻬﺎ ﺑﻮﺟﻬﻚ ..
- ﺑﺮﻛﺎﺕ .. ﻳﻤﺔ ﺍﺣﺠﻲ ﻭﻳﺔ ﺗﻤﻴﻢ ﻳﺸﻴﻞ ﻫﺎﻱ ﺍﻟﺴﺎﻟﻔﺔ ﻣﻦ ﺑﺎﻟﻪ ﺍﻧﻲ ﻧﺎﻭﻱ ﺍﺧﻄﺒﻠﻪ ﻓﺮﺣﺔ ﺑﺖ ﻋﻤﻲ ﺣﺴﻦ ‏( ﺍﺑﻮ ﻏﺎﻧﻢ ‏) ..
- ﺍﻡ ﺑﺮﻛﺎﺕ .. ﻳﺒﻮﻭﻭﻭﻭﻭ ﻣﺎﻟﻜﻴﺖ ﻏﻴﺮﻫﺎ ﻫﻠﺼﻔﺮﺓ ...
- ﺑﺮﻛﺎﺕ .. ﻟﻴﺶ ﻳﻤﺔ ﺷﺒﻴﻬﺎ ..
- ﺍﻡ ﺑﺮﻛﺎﺕ .. ﺧﺘﻮﻟﻲ ﻉ ﺍﻣﻬﺎ ﻃﺎﻟﻌﺔ ﺩﻧﻐﻮﺯﺓ ...
- ﺑﺮﻛﺎﺕ .. ﻫﻬﻬﻬﻪ ﻫﺎﻱ ﺷﻨﻮ ﻣﻨﺞ ﺣﺠﻴﺔ ...
- ﺍﻡ ﺑﺮﻛﺎﺕ .. ﺧﻴﻮﻟﻦ ﻫﺬﻧﻲ ﻣﺎﺭﻳﺪ ﻣﻨﻬﻦ ﻳﻤﺔ ﺑﺮﻛﺎﺕ ﻣﺮﺗﻚ ﺑﻮﻣﺔ ﻳﺼﻴﺮﻥ ﺑﻮﻣﺘﻴﻦ ﺗﺮﻳﺪ ﺗﻤﻮﺗﻨﻲ ...
- ﺑﺮﻛﺎﺕ .. ﺍﺳﻢ ﺍﻟﻠﻪ ﻋﻠﻴﺞ ﺣﺒﻴﺒﺔ ﻣﻦ ﻋﻤﺮﻱ ﻉ ﻋﻤﺮﺝ ﻟﻴﺶ ﻫﻴﺞ ﺗﻜﻮﻟﻴﻦ ...
- ﺍﻡ ﺑﺮﻛﺎﺕ .. ﻋﻮﻓﻚ ﻣﻦ ﻫﺬﻧﻲ ﺍﻟﺤﻴﺎﻳﺔ ﺍﻧﻲ ﺍﻟﻜﻴﻠﻪ ﻟﻮﻟﻴﺪﻱ ﺗﻤﻴﻢ .. ﻳﻤﺔ ﺣﻀﺮﺕ ﻛﻠﺸﻲ ﺑﺎﺟﺮ ﻟﺴﻨﻮﻳﺔ ﺍﺑﻮﻙ ﻭﺍﺧﻮﻙ ..
- ﺑﺮﻛﺎﺕ .. ﺍﻱ ﻳﻤﺔ ﺍﻃﻤﺌﻨﻲ ﻛﻠﺸﻲ ﺣﺎﺿﺮ ﻭﺍﻟﺒﻨﺎﺕ ﻫﻢ ﺑﺎﺟﺮ ﻛﻠﻬﻦ ﻳﺠﻦ ...
- ﺍﻡ ﺑﺮﻛﺎﺕ .. ﺍﻟﻠﻪ ﻳﺒﺎﺭﻛﻠﻲ ﺑﻌﻤﺮﻙ ﻭﻟﻴﺪﻱ ﻭﻟﺞ ﻧﺮﺟﺲ ﻛﻮﻣﻲ ﻛﻮﻣﻲ ...
- ﻧﺮﺟﺲ ﻭﻳﻦ ﺑﻴﺒﻲ ﻋﻮﻓﻴﻨﻲ ﺍﻧﺎﻡ ﻳﻤﺞ ﺍﻟﻴﻮﻡ ﻣﺎﺭﻳﺪ ﺍﺭﻭﺡ ﻳﻢ ﺍﻣﻲ ﻫﺴﺔ ﺗﻜﺮﺏ ﻋﻠﻴﻪ ...
- ﺍﻡ ﺑﺮﻛﺎﺕ .. ﻋﺰﺓ ﺑﻌﻴﻨﺞ ﺳﻠﻴﻤﺔ ﺷﺘﻜﺮﺏ ﻋﻠﻴﺞ ﺑﻬﻠﻴﻞ ﻭﻫﻲ ﻣﻜﻀﻴﺘﻬﺎ ﺳﻔﺮﺍﺕ ﻭﻭﻧﺴﺎﺕ ﻭﺯﻳﺎﺭﺍﺕ ﻭﻃﻔﻠﺔ ﻋﻤﺮﻫﺎ 13 ﺳﻨﺔ ﻣﺸﻐﻠﺘﻬﺎ ﺧﺪﺍﻣﺔ ﺑﺮﻛﺎﺕ ﺍﻟﻜﺎﻟﻬﺎ ﺣﻞ ﻟﺴﻠﻴﻤﺔ ﻻ ﻭﺍﻟﺨﻠﻘﻬﺎ ﺍﻫﺠﺠﻬﺎ ﻻﻫﻠﻬﺎ ﺍﻫﻞ ﺍﻟﻔﻜﻮﺭ ﺍﻟﻨﺎﻳﻤﻴﻦ ﺑﺮﺍﺳﻚ ﻋﺒﺎﻟﻚ ﻣﺎﺩﺭﻱ ﻭﻫﻢ ﻳﺎﺭﻳﺖ ﻳﺴﺘﺎﻫﻠﻮﻥ ﻛﻠﻪ ﻣﻦ ﻛﺮﺩﻙ ﻭﺗﻌﺒﻚ ﺍﻓﺘﻤﺖ ﻟﻮ ﻻ ..
- ﺑﺮﻛﺎﺕ .. ﺻﺎﺭ ﺣﺠﻴﺔ ﺗﺪﻟﻠﻴﻦ ﺑﻘﻲ ﻧﺮﺟﺲ ﺍﻟﻴﻮﻡ ﻳﻤﺞ ...
- ﺍﻡ ﺑﺮﻛﺎﺕ .. ﻋﻮﻓﻬﺎ ﻣﻦ ﻋﺎﺑﺖ ﻫﻸﻡ ...
ﺑﺮﻛﺎﺕ
ﺻﻌﺪﺕ ﻟﻐﺮﻓﺘﻲ ﺻﺪﻙ ﻓﺎﻳﺮ ﻣﺸﻐﻠﺔ ﺍﻟﺒﻨﻴﺔ ﺧﺪﺍﻣﺔ ﻭﻫﻲ ﻣﺘﻜﻌﺪ ﺍﺻﻼ ﺑﻠﺒﻴﺖ ﺑﺲ ﻣﺤﺘﺮﻣﻬﺎ ﻻﻥ ﺍﻛﺒﺮ ﻣﻨﻲ ...
- ﺑﺮﻛﺎﺕ .. ﺳﻠﻤﻰ ﺳﻠﻤﻰ ...
- ﺳﻠﻤﻰ .. ﻫﻠﺔ ﺑﺮﻛﺎﺕ ..
- ﺑﺮﻛﺎﺕ .. ﺳﻠﻤﻰ ﺷﺒﻴﻬﺎ ﻧﺮﺟﺲ ..
- ﺳﻠﻤﻰ .. ﺻﺪﻙ ﻭﻳﻨﻬﺎ ﻣﻮ ﻛﻠﺘﻠﻬﺎ ﺧﻠﺼﻲ ﺍﻟﻤﻄﺒﺦ ﻭﻧﺰﻟﻲ ﺧﻠﺘﻮﻛﻔﻠﻲ ...
- ﺑﺮﻛﺎﺕ .. ﺍﻧﺘﻲ ﺷﻠﻮﻥ ﺑﻬﻴﺞ ﻋﻤﺮ ﺗﺸﻐﻠﻴﻬﺎ ...
- ﺳﻠﻤﻰ .. ﻟﻴﺶ ﺷﺒﻲ ﻋﻤﺮﻫﺎ ﺻﻐﻴﺮﺓ ﺍﺣﺴﻦ ﻣﻜﺎﻋﺪﺓ ﺧﻠﻲ ﺗﺸﺘﻐﻞ ﺷﻐﻠﺔ ﺗﻔﻴﺪﻫﺎ ﺍﻟﻨﻬﺎﺭ ﻛﻠﻪ ﻣﻜﺎﺑﻠﺔ ﺑﻴﺒﺘﻬﺎ ﻭﻋﺎﻳﻔﺘﻨﻲ ﻫﻨﺎ ﻭﺣﺪﻱ ...
- ﺑﺮﻛﺎﺕ .. ﻭﺍﻧﺘﻲ ﻛﺎﺿﻴﺘﻬﺎ ﺗﻔﺮﻓﺮ ﻣﻔﺪ ﻳﻮﻡ ﻛﻠﺘﻲ ﺍﺧﺬﻫﺎ ﻭﻳﺎﻳﺔ ﺑﻮﺣﺪﺓ ﻣﻦ ﺯﻳﺎﺭﺍﺗﺞ ﺗﺸﻢ ﻫﻮﺍﺍ ﺗﺘﻨﻔﺲ ...
- ﺳﻠﻤﻰ .. ﺧﺘﻮﻟﻲ ﺗﺨﺒﺼﻨﻲ ﻣﺘﺨﻠﻴﻨﻲ ﺍﺗﻮﻧﺲ ﺑﺮﺍﺣﺔ ﺑﺲ ﺗﺘﻄﻠﺐ ..
- ﺑﺮﻛﺎﺕ .. ﺩﺧﺬﻱ ﻫﺎﻱ ﻟﻌﺪ ﻧﺮﺟﺲ ﺑﻌﺪ ﻣﺘﻤﺪ ﺍﻳﺪﻫﺎ ﺑﻬﺬﺍ ﺍﻟﺒﻴﺖ ﺍﻧﺘﻲ ﺍﻟﻲ ﺗﻨﻈﻔﻲ ﻛﻠﻪ ﻭﺍﺻﻼ ﺭﺍﺡ ﺍﺑﻘﻴﻬﺎ ﺑﻠﺒﻴﺖ ﺍﻟﺠﺒﻴﺮ ﻳﻢ ﺍﻟﺤﺠﻴﺔ ﻭﺍﻧﺘﻲ ﻫﺬﺍ ﺑﻴﺘﺞ ﻣﺴﺆﻭﻟﻴﺘﺞ ﻭﺣﺪﺝ ...
- ﺳﻠﻤﻰ .. ﺻﺪﻙ ﺗﺤﺠﻲ ﺑﺮﻛﺎﺕ ﺍﻧﻲ ﻭﻳﻦ ﺍﻟﺤﻚ ﻋﻔﻴﺔ ﻟﻴﺶ ﺗﺴﻮﻱ ﺑﻴﻪ ﻫﻴﺞ ...
- ﺑﺮﻛﺎﺕ .. ﻫﺬﺍ ﺍﻟﻌﻨﺪﻱ ﻭﺑﺲ ﺍﺷﻮﻓﻬﺎ ﺗﺴﻮﻱ ﺷﻲ ﻏﻴﺮ ﺩﺭﺍﺳﺘﻬﺎ ﺍﻧﺘﻲ ﺍﻟﻲ ﺭﺍﺡ ﺗﺘﻌﺎﻗﺒﻴﻦ ﻳﻠﺔ ﻫﺴﺔ ﺳﺪﻱ ﺍﻟﻀﻮﺍ ﺩﺍﻧﺎﻡ ..
- ﺳﻠﻤﻰ .. ﺍﻭﻭﻭﻭﻑ ....
- ﺑﺮﻛﺎﺕ ... ﻣﺎﺳﻤﻊ ﻛﻠﻤﺔ ﻛﺎﻓﻲ ...
- ﺳﻠﻤﻰ .. ﺻﺎﺭ ﺻﺎﺭ
بيج قصص عراقيه حقيقيه من واقعنا.روعه الطائي
- ﺗﻤﻴﻢ .. ﻫﺎ ﻳﻤﺔ ﻟﻌﺪ ﻭﻳﻦ ﺑﺮﻛﺎﺕ ...
- ﺍﻡ ﺗﻤﻴﻢ .. ﺻﻌﺪ ﻟﺒﻴﺘﻪ ﻭﻟﻴﺪﻱ ..
- ﺗﻤﻴﻢ .. ﻭﻟﺞ ﻫﺎ ﻧﺮﺟﻮﺳﺔ ﺷﻠﻮﻧﺞ ﺍﺷﻮ ﻣﻄﻔﻴﺔ ...
- ﻧﺮﺟﺲ .. ﻫﻠﻮ ﺗﻴﻤﻮ ﺷﻠﻮﻧﻚ ..
- ﺍﻡ ﺗﻤﻴﻢ .. ﻭﻟﺞ ﻋﻤﺞ ﺻﻴﺤﻴﻠﻪ ﻋﻤﻲ ...
- ﺗﻤﻴﻢ .. ﻋﻮﻓﻴﻬﺎ ﻳﻤﺔ ﻫﺎﻱ ﺻﺎﺣﺒﺘﻲ ﻣﻮ ﺑﺖ ﺍﺧﻮﻱ ﺗﻌﺎﻟﻲ ﻭﻟﺞ ﺷﺨﺒﺎﺭﺝ ..
- ﻧﺮﺟﺲ .. ﺍﻟﺤﻤﺪﻟﻠﻪ ﻋﻔﻴﺔ ﺗﻴﻤﻮ ﻣﺘﻌﺮﺱ ﺍﺭﻳﺪ ﺍﺩﻙ ﻭﺍﺭﻛﺺ ...
- ﺗﻤﻴﻢ .. ﺗﺪﻟﻠﻴﻦ ﺣﺒﻴﺒﺔ ﻋﻤﻬﺎ ﻫﺎ ﻳﻤﺔ ﻓﺪﻭﺓ ﺍﺣﺠﻲ ﻭﻳﺔ ﺑﺮﻛﺎﺕ ﺗﺮﺓ ﻟﻮ ﺍﻟﺪﻧﻴﺎ ﺗﻨﻜﻠﺐ ﻣﺎﺍﺧﺬ ﻣﻦ ﺑﻨﺎﺕ ﻋﻤﻲ ﺍﺑﻮ ﻏﺎﻧﻢ ...
- ﺍﻡ ﺗﻤﻴﻢ .. ﺧﺎﻳﺐ ﺍﻧﻲ ﻣﺎﺭﻳﺪﻫﻦ ﺧﻴﻮﻟﻦ ﺣﻴﺎﻳﺔ ﺍﺟﻴﺐ ﻟﺒﻴﺘﻲ ﻧﺎﻗﺼﺔ ﻣﻮ ﻋﺪﻱ ﻭﺣﺪﺓ ﻓﻮﻙ ...
- ﺗﻤﻴﻢ .. ﻫﻬﻪ ﻳﻠﺔ ﺣﺒﻴﺒﺔ ﻣﺘﻔﻘﻴﻦ ...
- ﺍﻡ ﺗﻤﻴﻢ .. ﺍﻟﻠﻪ ﻛﺮﻳﻢ ﻭﻟﻴﺪﻱ ﺧﻠﻴﻨﺎ ﻫﺴﺔ ﻣﻠﺘﻬﻴﻦ ﺑﺒﺎﺟﺮ ...
ﺗﻤﻴﻢ ....
ﺛﺎﻧﻲ ﻳﻮﻡ ﻣﻦ ﺍﻟﺼﺒﺢ ﺍﺟﻨﻲ ﺧﻮﺍﺗﻲ ﻛﻠﻬﻦ ﻫﻨﺔ ﻭﺭﺟﻮﻟﺘﻬﻦ ﻭﺟﻬﺎﻟﻬﻦ ﺳﻮﻭﻭﻥ ﺳﻨﻮﻳﺔ ﻟﻠﻤﺮﺣﻮﻡ ﺍﺑﻮﻳﺔ ﻭﻟﻴﺰﻥ ﺍﺧﻮﻳﺔ ﺍﻛﺒﺮ ﻣﻨﻲ ﺑﺴﻨﺘﻴﻦ ﺍﻧﻘﺘﻞ ﺑﻠﻄﺎﺋﻔﻴﺔ ﻭﺑﻠﻜﻮﺓ ﻳﻠﺔ ﻛﺪﺭﻧﺎ ﻧﺪﻓﻨﻪ ﺑﻠﻨﺠﻒ ﻻﻥ ﺟﺎﻥ ﺍﻟﻮﺿﻊ ﻛﻠﺶ ﻣﺘﺄﺯﻡ ﻓﻤﻜﺪﺭﻧﺎ ﻧﺮﻭﺣﻠﺔ ﻟﻼﺭﺑﻌﻴﻦ ﺍﻣﻲ ﺍﻟﺤﺠﻴﺔ ﻛﻠﺶ ﺗﺄﺫﺕ ﻭﺷﻜﻞ ﻋﺪﻫﺎ ﺳﻜﺮ ﻣﻦ ﻳﻮﻣﻬﺎ ﻭﻛﻠﺶ ﻣﺪﺍﺭﻳﻬﺎ ﺑﻮﻛﺘﻬﺎ ﺟﺎﻥ ﻣﻌﻤﺮ ﺩﻳﺪﺭﺱ ﺑﺮﺓ ﺍﻛﺒﺮ ﻣﻦ ﻳﺰﻥ ﻣﻦ ﺗﺄﺯﻡ ﺍﻟﻮﺿﻊ ﻣﻘﺪﺍﺩ ﻫﻢ ﻃﻠﻊ ﻭﺍﺳﺘﻘﺮ ﺑﺮﺓ ﻭﺍﻟﻮﺿﻊ ﻣﻦ ﺳﺊ ﺍﻟﻰ ﺍﺳﻮﺀ ﻛﺎﻡ ﻳﺮﻭﺡ ﺍﻻﺧﻀﺮ ﻭﺍﻟﻴﺎﺑﺲ ﺑﻘﻴﻨﺎ ﺍﻧﻲ ﻭﺑﺮﻛﺎﺕ ﺍﺣﻨﺔ 5 ﻭﻟﺪ ﻭ 4 ﺑﻨﺎﺕ ﺍﻟﺒﻨﺎﺕ ﺻﻔﺎﺀ ﺍﻡ ﻣﻬﻨﺪ ﺍﻟﺠﺒﻴﺮﺓ ﻣﺘﺰﻭﺟﺔ ﻭﺭﺍﻫﺎ ﻣﻘﺪﺍﺩ ﻭﺭﺍﻫﺎ ﺩﻋﺎﺀ ﻫﻢ ﻣﺘﺰﻭﺟﺔ ﻭﺳﻨﺎﺀ ﻣﺘﺰﻭﺟﺔ ﺭﺍﺿﻲ ﺍﺑﻦ ﻋﻤﻲ ﺣﺴﻦ ﺍﺑﻮ ﻏﺎﻧﻢ ﻭﺭﺍﻫﺎ ﺑﺮﻛﺎﺕ ﻭﺑﻌﺪﻳﻦ ﻣﻌﻤﺮ ﻭﺍﻧﻲ ﻭﻟﻤﻴﺎﺀ ﺑﻌﺪﻫﺎ ﻣﻤﺘﺰﻭﺟﺔ ﺑﻌﺪﻫﺎ ﺛﺎﻧﻲ ﻛﻠﻴﺔ ﺗﺮﺑﻴﺔ ﻫﻨﺎ ﺗﺪﺍﻭﻡ ﺑﻠﻨﺎﺻﺮﻳﺔ ﻭﺗﺪﺍﺭﻱ ﺍﻣﻲ ﻫﻲ ﻭﻧﺮﺟﺲ ﺑﺖ ﺑﺮﻛﺎﺕ ﻣﺘﺰﻭﺝ ﺳﻠﻤﻰ ﺑﺖ ﻋﻤﻲ ﺣﺴﻴﻦ ﺍﻛﺒﺮ ﻣﻨﻪ ﺑﻬﻮﺍﻳﺔ ﺑﺲ ﺍﻧﺠﺒﺮ ﻋﻠﻴﻬﺎ ﻣﻦ ﺍﺑﻮﻱ ﻭﺍﻧﻲ ﻃﻠﻌﻠﻲ ﻫﻨﺪﺳﺔ ﺑﻐﺪﺍﺩ ﻭﺑﻠﻜﻮﺓ ﺍﻣﻲ ﻗﺒﻠﺖ ﺍﺭﻭﺡ ﺍﻛﻤﻞ ﺑﻐﻴﺮ ﻣﺤﺎﻓﻈﺔ ﻭﻫﺴﺔ ﺍﻟﺤﻤﺪﻟﻠﻪ ﺛﺎﻟﺚ ﻫﻨﺪﺳﺔ ﺟﺎﻣﻌﺔ ﺑﻐﺪﺍﺩ ﻭﺑﺮﻛﺎﺕ ﻭﻳﺔ ﻋﻤﻲ ﺣﺴﻦ ﺍﺑﻮ ﻏﺎﻧﻢ ﺷﻴﺦ ﺍﻟﻌﺸﻴﺮﺓ ﺑﺲ ﻫﻮ ﻣﻌﺘﻤﺪ ﻉ ﺑﺮﻛﺎﺕ ﺣﺘﻰ ﺍﻛﺜﺮ ﻣﻦ ﻭﻟﺪﻩ ﺑﺮﻛﺎﺕ ﺷﺨﺼﻴﺔ ﺧﺮﺍﻓﻴﺔ ﺍﻟﻨﺎﺱ ﻛﻠﻬﺎ ﺗﺤﺒﻪ ﻭﺗﻬﺎﺑﺔ ﺑﺪﻭﻥ ﺣﺘﻰ ﻣﻴﻜﻮﻥ ﺷﻴﺦ ﻃﻴﺒﺔ ﻛﻠﺐ ﻉ ﺣﻨﻴﺔ ﻉ ﻗﻮﺓ ﻉ ﺣﺰﻡ ﻉ ﻗﺴﻮﺓ ﻓﻲ ﺍﺣﻴﺎﻥ ﻛﺜﻴﺮﺓ ﺧﺼﻮﺻﺎ ﻭﻳﺎﻧﺎ ﻳﻌﻨﻲ ﻭﻳﺔ ﺍﻫﻞ ﺑﻴﺘﻪ ﻻﻥ ﻣﻴﺮﻳﺪ ﺗﻤﺴﻨﺎ ﺍﻱ ﺣﺠﺎﻳﺔ ... ﻛﻤﻠﻨﺎ ﺍﻟﺴﻨﻮﻳﺔ ﻭﺍﻟﺘﻤﻴﻨﺎ ﻭﻟﺪ ﻋﻤﺎﻣﻲ ﻭﻋﻤﺎﺗﻲ ﻭﺑﻨﺎﺗﻬﻢ ﻟﻠﻴﻞ ﻛﻠﻬﻢ ﺷﻮﻳﺔ ﺷﻮﻳﺔ ﺭﺍﺣﻮ ﻭﺧﻮﺍﺗﻲ ﻫﻢ ﻃﻠﻌﻦ ﻛﻔﻦ ﺍﻟﺒﻴﺖ ﻭﻧﻈﻔﻨﻪ ﻭﺭﺍﺣﻦ ﻭﻓﺮﺣﺔ ﻟﻄﺸﺖ ﺑﺲ ﺗﺮﻳﺪ ﺗﺒﻘﻰ ﻛﻠﺶ ﺷﻮﻳﺔ ﺟﺎﻳﺔ ﻳﻤﻲ ﻭﺫﺍﺑﺘﻠﻬﺎ ﺣﺠﺎﻳﺔ ﻭﺍﻧﻲ ﺭﻭﺣﻲ ﻃﺎﻟﻌﺔ ﻭﻟﺰﻛﺖ ﻟﺰﻛﺔ ﺧﺮﺏ ﺿﻤﻴﺮﺝ ... ﺍﺑﻮﻫﺎ ﺑﻠﻜﻮﺓ ﺷﻠﻌﻬﺎ ﺍﻟﺤﻤﺪﻟﻠﻪ ﻣﻦ ﻃﻠﻌﺖ ...
ﺑﻘﻴﻨﺎ ﺍﻧﻲ ﻭﺑﺮﻛﺎﺕ ﻭﻟﻤﻴﺎﺀ ﻭﺳﻠﻤﻰ ﻣﺮﺕ ﺑﺮﻛﺎﺕ ﻭﻧﺮﺟﺴﺔ ﻳﻢ ﺍﻣﻲ ﻛﻌﺪﻧﺎ ﻧﺤﺠﻴﻬﺎ ﻭﻧﺘﺸﺎﻗﻪ ﻭﻳﺎﻫﺎ ﻻﻥ ﺑﻌﺪ ﻛﻞ ﺳﻨﻮﻳﺔ ﺗﺘﺄﺫﺓ ﻭﺗﺘﺨﺮﺑﻂ ﺻﺎﺭ 3 ﺳﻨﻮﺍﺕ ﻉ ﻭﻓﺎﺓ ﻳﺰﻥ ﻭﺭﺍﻫﺎ ﺑﺸﻬﺮﻳﻦ ﺍﺑﻮﻳﺔ ﺗﻮﻓﻰ ﺳﻜﺘﺔ ﻻﻥ ﺟﺎﻥ ﻛﻠﺶ ﻣﺘﺄﺫﻱ ﻉ ﻭﻓﺎﺓ ﻳﺰﻥ ﻭﺍﻟﺤﻤﺪﻟﻠﻪ ﻛﺪﺭﻧﺎ ﻧﻐﻴﺮ ﻣﻦ ﻣﺰﺍﺟﻬﺎ ﻭﻛﻠﻪ ﺗﻤﺎﻡ ..
ﻣﺮ ﺟﻢ ﻳﻮﻡ ﻭﺍﻧﻲ ﻭﺳﻼﻡ ﻧﺘﺨﺎﺑﺮ ﻭﺑﺮﻛﺎﺕ ﻳﻠﻤﺤﻠﻲ ﻉ ﺑﻨﺎﺕ ﻋﻤﻲ ﻭﺍﻧﻲ ﻣﻐﻠﺲ ﻟﻮ ﺍﺧﻠﻲ ﻭﺍﻛﻮﻡ ....
- ﺗﻤﻴﻢ .. ﻳﻮﻡ ﻓﺪﻭﺓ ﻟﻌﻴﻨﺞ ﻗﻨﻌﻲ ﺑﺮﻛﺎﺕ ﺗﺮﺓ ﺍﻧﻲ ﻛﻠﺐ ﻣﺎﻋﻨﺪﻱ ﻳﻮﻣﻴﺔ ﻫﻠﻤﻔﺎﺷﻠﺔ ﻛﺪﺍﻡ ﺍﻟﻌﺎﻟﻢ ﺗﻠﻤﻴﺤﺎﺗﻪ ﺧﻠﻲ ﻳﺒﻄﻠﻬﺎ ﻫﺬﺍ ﻋﻤﺮ ﺍﻧﻲ ﺍﺧﺬ ﻣﻦ ﻫﺬﻧﻲ ﺷﻠﻮﻥ ﺍﻋﻴﺶ ﻭﻳﺎﻫﺎ ﻭﺍﻧﻲ ﻣﻄﺎﻳﻘﻬﺎ ﻓﺪﻭﺓ ﺧﻠﻲ ﻳﻜﻒ ﻋﻨﻲ ﺍﺫﺍ ﻣﻮ ﻫﺎﻱ ﺍﻟﺒﻨﻴﺔ ﺍﻟﻲ ﺍﺑﺎﻟﻲ ﻣﺎﺗﺰﻭﺝ ﺗﺮﺓ ...
- ﺍﻡ ﺗﻤﻴﻢ .. ﻭﻟﻚ ﺗﻤﻴﻢ ﺷﺠﺎﻙ ﺷﺒﻴﻚ ﺷﻤﺴﻮﻳﺘﻠﻚ ﺑﺖ ﺑﻐﺪﺍﺩ ...
- ﺗﻤﻴﻢ .. ﻳﻤﺔ ﺍﻟﻰ ﻫﺴﺔ ﻫﻲ ﻣﺘﺪﺭﻱ ﺑﺲ ﺍﻧﻲ ﺍﻟﻲ ﺗﻌﻠﻘﺖ ﺑﻴﻬﺎ ﻣﻦ ﻳﻮﻡ ﺍﻟﻲ ﺷﻔﺘﻬﺎ ﻭﺍﺭﻳﺪﺝ ﺗﻘﻨﻌﻴﻦ ﺑﺮﻛﺎﺕ ﻳﺸﻴﻠﻨﻲ ﻣﻦ ﺑﺎﻟﻪ ﻣﺎﺃﺧﺬ ﻣﻦ ﻫﺬﻧﻲ ﻟﻮ ﺍﻟﺪﻧﻴﺎ ﺗﻨﻜﻠﺐ ...
- ﺍﻡ ﺗﻤﻴﻢ .. ﺻﺎﺭ ﺻﺎﺭ ﻳﻤﺔ ﺍﻧﻲ ﻫﻢ ﻣﺎﻗﺎﺑﻠﺔ ﻳﺠﻲ ﻭﺍﺣﺠﻲ ﻭﻳﺎﻩ ...
- ﺗﻤﻴﻢ .. ﺍﻱ ﻓﺪﻭﺓ ﺭﺣﺘﻠﺞ ﺣﺒﻴﺒﺔ ...
- ﺍﻡ ﺗﻤﻴﻢ .. ﺍﻧﻲ ﺍﻟﻲ ﻏﺪﻳﺘﻠﻚ ﺳﺒﻊ ﻓﺪﻭﺍﺕ ﻭﻟﻴﺪﻱ ﺷﻌﻨﺪﻱ ﻏﻴﺮﻛﻢ ﺑﺲ ﻛﻮﻥ ﺧﻮﺵ ﺑﻨﻴﺔ ﻣﻮ ﺗﺠﻴﺒﻠﻲ ﻭﺣﺪﺓ ﺗﺮﻛﺼﻨﻲ ﻣﺎﻟﻲ ﺣﻴﻞ ﻳﻤﺔ ﺗﻤﻴﻢ ..
- ﺗﻤﻴﻢ .. ﺍﻟﻠﻪ ﻛﺮﻳﻢ ﻳﻤﺔ ﺗﺠﻲ ﻫﻨﺎ ﻭﺗﺘﻌﻮﺩ ﻋﻠﻰ ﻃﺒﺎﻳﻌﻨﺎ ...
ﺧﻠﺼﺖ 15 ﻳﻮﻡ ﺍﻟﻌﻄﻠﺔ ﻭﺑﺎﺟﺮ ﺭﺍﺟﻊ ﻟﺒﻐﺪﺍﺩ ﻳﻮﻣﻴﻦ ﻭﻧﺪﺍﻭﻡ ......
ﺳﻼﻡ ..
ﺑﻘﻴﺖ ﻉ ﺍﺗﺼﺎﻝ ﻭﻳﺔ ﻓﺮﺡ ﻭﺟﺎﺑﺘﻠﻲ ﺭﻗﻢ ﺳﻤﺎ ﻣﻦ ﻳﺮﺟﻊ ﺗﻤﻴﻢ ﺍﻧﻄﻬﻴﺎ ﻭﻫﺎﻱ ﻟﺰﻛﺘﻠﻲ ﻓﺪ ﻟﺰﻛﺔ ﺩﺧﺖ ﻣﻦ ﺗﻠﻴﻔﻮﻧﺎﺗﻬﺎ ﻭﻣﺴﺠﺎﺗﻬﺎ ﻣﺎﻋﺪﻫﺎ ﺷﻐﻞ ﻭﻋﻤﻞ .. ﻭﺍﻣﻲ ﺍﻟﻲ ﺍﻗﻨﻊ ﺑﻴﻬﺎ ﻭﻣﺘﻘﻨﻊ ﺩﻣﺮﺗﻨﻲ ...
- ﺍﻡ ﺳﻼﻡ .. ﻛﺎﻓﻲ ﺳﻼﻡ ﺍﻧﺖ ﺗﻤﺎﺩﻳﺖ ﻫﻮﺍﻳﺔ ﺍﺧﻠﻲ ﺍﺑﻮﻙ ﻳﺘﻔﺎﻫﻢ ﻭﻳﺎﻙ ﺍﻟﻨﻮﺑﺔ ﺟﺎﻳﺒﻠﻲ ﻭﺣﺪﺓ ﻛﺎﻋﺪﺓ ﺑﻤﺪﺭﺳﺔ ﻣﻦ ﻛﻞ ﻋﻘﻠﻚ ﺗﻀﺤﻚ ﻋﻠﻴﻪ ﺍﻧﺖ ﻟﻚ ﻫﺎﻱ ﺩﺍﻳﺮﺓ ﻋﻠﻴﻚ ﻭﻋﻴﻨﻬﺎ ﻉ ﻓﻠﻮﺳﻚ ﻭﺑﻴﺘﻚ ﻟﻴﻜﻮﻥ ﻫﺬﻭﻟﺔ ﺑﻴﺖ ﺍﻡ ﺍﺣﻤﺪ ﺑﻠﻤﺪﺭﺳﺔ ﺍﻟﻤﻘﺎﺑﻴﻠﻨﺎ ﻫﺎﻱ ﺑﺘﻬﻢ ﺍﻟﻲ ﺗﻠﺒﺲ ﻋﺒﺎﻳﺔ ﺍﻟﻠﻪ ﻳﺴﺘﺮ ﻣﻨﻬﺎ ﻋﻮﺩ ﻣﺒﻮﺷﺔ ﺍﻧﻲ ﺍﻋﺮﻑ ﺷﻠﻮﻥ ﺍﺗﺼﺮﻑ ﻭﻳﺎﻫﻢ ...
- ﺳﻼﻡ .. ﻳﻤﺔ ﺍﻟﺒﻨﻴﺔ ﻭﺍﻫﻠﻬﺎ ﻣﻴﺪﺭﻭﻥ ﺍﺫﺍ ﺳﻮﻳﺘﻲ ﻫﻮﺳﺔ ﺻﺪﻛﻴﻨﻲ ﻣﺘﻠﻜﻴﻨﻲ ﻛﺪﺍﻣﺞ ﺑﻌﺪ ..
- ﺍﻡ ﺳﻼﻡ ... ﺍﻱ ﺩﺍﻓﻊ ﻋﻨﻬﺎ ﺩﺍﻓﻊ ﺑﻌﺪ ﻣﺠﺘﻲ ﻛﻤﺖ ﺗﺪﺍﻓﻌﻠﻬﺎ ﻭﺗﻨﻄﻲ ﺑﻴﻪ ...
- ﺳﻼﻡ .. ﺷﺪﺍﻓﻊ ﻳﺎﻣﻲ ﺍﻟﺒﻨﻴﺔ ﺑﻌﺪﻧﻲ ﻣﺤﺎﺟﻲ ﻭﻳﺎﻫﺎ ...
- ﺍﻡ ﺳﻼﻡ ... ﺳﺪ ﺍﻟﻤﻮﺿﻮﻉ ﻫﺴﺔ ﻣﻦ ﻳﺠﻲ ﺍﺑﻮﻙ ﺍﺣﺠﻲ ﻭﻳﺎﻩ ﻭﻳﺼﻴﺮ ﺧﻴﺮ ....
ﻧﻈﺮﺍﺕ ﺍﻣﻲ ﺗﺨﻮﻑ ﻭﺍﻋﺮﻓﻬﺎ ﻣﺮﺍﺡ ﺗﻜﻌﺪ ﺭﺍﺣﺔ ﻭﺭﺍﺡ ﺗﺴﻮﻳﻠﻲ ﻓﺎﻳﻨﺔ ﻭﻳﺔ ﺍﻟﻌﺎﻟﻢ