ﺍﻟﺪﻛﺘﻮﺭﺓ .. ﺍﻟﺤﻤﺪﻟﻠﻪ ﻛﺪﺭﻧﺎ ﻧﺴﻴﻄﺮ ﻉ ﺍﻟﻮﺿﻊ ﻭﺍﻟﻄﻔﻞ ﺍﻟﺤﻤﺪﻟﻠﻪ ﻟﺤﻜﺘﻮﺍ ﺟﺒﺘﻮﺍ ﺟﺎﻥ ﺑﻲ ﻧﺒﺾ ﺑﺲ ﻻﺯﻡ ﻳﺒﻘﺔ ﺑﻠﺨﺪﺝ ﻛﻠﺶ ﺻﻐﻴﺮ ﻻﻥ ﺑﻌﺪﻟﻪ ﺷﻬﺮﻳﻦ ﻳﻠﺔ ﻳﺠﻲ ﺑﺲ ﺍﻣﻪ ﻣﺘﻌﺮﺿﺔ ﻟﻀﺮﺑﺔ ﻛﻠﺶ ﻗﻮﻳﺔ ﻣﺒﻴﻨﺔ ﺍﺑﻄﻨﻬﺎ ﻭﺍﻟﻤﻔﺮﻭﺽ ﻣﺎﺳﻜﺖ ﺑﺲ ﻻﻥ ﺣﺎﻟﺘﻬﺎ ﺧﻄﺮﺓ ﻭﺟﺎﻥ ﻓﻘﺪﻧﺎﻫﻢ ﺍﺛﻨﻴﻨﻬﻢ ﺩﺧﻠﺘﻬﻢ ...
- ﺑﺮﻛﺎﺕ .. ﺍﻟﺪﻛﺘﻮﺭﺓ ﺗﺤﺠﻲ ﻭﺍﻟﻨﺎﺭ ﺻﻌﺪﺕ ﻟﺮﺍﺳﻲ .. ﺍﻟﻴﻮﻡ ﻣﻮﺗﺘﻬﻦ ﻉ ﺍﻳﺪﻱ .. ﺗﺴﻠﻤﻴﻦ ﺩﻛﺘﻮﺭﺓ ﺭﺑﻲ ﻳﺤﻔﻈﺞ .. ﻣﻤﻜﻦ ﻧﺸﻮﻓﻬﻢ ..
- ﺍﻟﺪﻛﺘﻮﺭﺓ ... ﻻ ﻣﺘﺮﻫﻢ ﻫﺴﺔ ﺍﻟﻄﻔﻞ ﺑﻠﺨﺪﺝ ﻓﺪ ﺳﺎﻋﺔ ﻳﻠﺔ ﺗﻜﺪﺭﻭﻥ ﺗﺸﻮﻓﻮﻩ ﻣﻦ ﺑﺮﺓ ﻻﺯﻡ ﻳﺒﻘﻰ ﺗﺤﺖ ﺍﻟﻤﻼﺣﻈﺔ ﻭﺍﻻﻡ ﺑﺎﻻﻓﺎﻗﺔ ﺍﻧﺘﻈﺮﻭﻫﺎ ﺑﻐﺮﻓﺘﻬﺎ ﻫﺴﺔ ﻳﺠﻴﺒﻮﻫﺎ ﺍﻟﻜﻢ .. ﺍﻣﻬﺎ ﻭﺻﻔﺎﺀ ﻭﻟﻤﻴﺎﺀ ﻣﻨﺘﻈﺮﻳﻦ ﺑﻠﻐﺮﻓﺔﻭﺍﻧﻲ ﺑﺮﺓ ﺻﺎﻳﺮ ﻧﺎﺭ ﺧﺎﺑﺮﻧﻲ ﻋﻤﻲ ..
ﺑﺮﻛﺎﺕ ... ﻫﺎ ﻋﻤﻲ ﻛﻮﻝ ..
ﺍﺑﻮ ﻏﺎﻧﻢ .. ﺷﻨﻮ ﺍﻻﺧﺒﺎﺭ ﺍﺑﻨﻲ ﺑﺸﺮﻧﻲ ...
ﺑﺮﻛﺎﺕ .. ﺍﻟﺤﻤﺪﻟﻠﻪ ﻋﻤﻲ ﺑﺲ ﺍﻃﻤﺌﻦ ﻋﻠﻴﻬﻢ ﺟﺎﻱ ...
- ﺍﺑﻮ ﻏﺎﻧﻢ .. ﻫﻼ ﺑﻴﻚ ﻭﻟﻴﺪﻱ ..
- ﺑﺮﻛﺎﺕ .. ﻃﻠﻌﻮﻫﺎ ﻣﻦ ﺍﻻﻓﺎﻗﺔ ﻭﺍﻟﻜﻞ ﺩﺍﻳﺮ ﻣﺪﺍﻳﺮﻫﺎ ﻭﻫﻲ ﺍﻟﺪﻣﻌﺔ ﺑﻌﻴﻨﻬﺎ ﺍﻫﺪﻱ ﺑﻴﻬﻢ ﻭﺍﻧﻲ ﺻﺪﺭﻱ ﻛﺎﺏ ﻧﺎﺭ ﻣﺪﺍﺗﺤﻤﻞ ﻧﻔﺴﻲ ﺍﺭﻳﺪ ﺍﻃﻠﻊ ... ﺻﻠﻮﺍ ﻋﻠﻰ ﺍﻟﻨﺒﻲ ﻳﺎﺟﻤﺎﻋﺔ . ﺍﺑﺎﻭﻉ ﻉ ﺍﺣﻤﺪ ﺍﻟﺪﻣﻌﺔ ﺑﻌﻴﻨﺔ .. ﻫﺎ ﺧﺎﻝ ﺍﻟﻔﻬﺪ ﺧﻴﺮﻙ ..
- ﺍﺣﻤﺪ .. ﺍﻭﻝ ﻣﺮﺓ ﺍﺷﻮﻓﻬﺎ ﻫﻴﺞ ﻧﻮﻣﺔ ﻧﺎﻳﻤﺔ ﻭﻣﺘﺄﺫﺍﻳﺔ ﻃﻮﻝ ﻋﻤﺮﻫﺎ ﺗﻬﻮﻥ ﻋﻠﻴﻨﻪ ﻭﻻ ﺷﻔﺘﻬﺎ ﺑﻴﻮﻡ ﺗﺸﻜﻲ ﺗﺪﺭﻱ ﺍﺑﻮ ﻧﺮﺟﺲ ﺷﻜﺪ ﺗﺤﺒﻚ ﺑﻴﻮﻡ ﻋﺮﺳﻚ ﻟﻠﺼﺒﺢ ﻣﻨﺎﻳﻤﺔ ﻭﻛﻠﻤﺎ ﺍﻃﺐ ﻋﻠﻴﻬﺎ ﻭﺍﻫﺪﻳﻬﺎ ﺗﻜﻠﻲ ﻣﺸﺘﺎﻗﺘﻠﻪ ﺍﺣﻤﺪ ﺧﺎﻑ ﻳﻄﻠﻜﻨﻲ ﻣﺎﻛﺪﺭ ﺍﻋﻴﺶ ﺑﻠﻴﺎﻩ ﻗﺎﺑﻞ ﻳﻌﻮﻑ ﺑﺖ ﻋﻤﻪ ﻭﻳﺒﻘﻴﻨﻲ ..
- ﺑﺮﻛﺎﺕ .. ﺑﻬﻼﺛﻨﺎﺀ ﺻﺤﺼﺤﺖ .. ﺭﻛﻀﺖ ﻳﻢ ﺭﺍﺳﻬﺎ ﺑﺲ ﺷﺎﻓﺘﻨﻲ ﺑﺠﺖ ﻭﻣﺒﻴﻦ ﻋﻠﻴﻬﺎ ﻣﺘﻮﺟﻌﺔ ﻫﻮﺍﻳﺔ ﺗﺒﺎﻭﻉ ﻋﻠﻴﻪ ﻭﻉ ﺍﻣﻬﺎ ..
- ﺳﺮﻭﺓ .. ﺑﺮﻛﺎﺍﺍﺕ ﺍﺑﻨﻲ ...
- ﺑﺮﻛﺎﺕ .. ﺍﻃﻤﺌﻨﻲ ﻳﺎﻋﻤﺮ ﺑﺮﻛﺎﺕ ﻓﻬﺪ ﺑﻠﺨﺪﺝ . ﻟﻴﻀﻞ ﺑﺎﻟﺞ ...
- ﺳﺮﻭﺓ .. ﻻ ﺍﺩﺭﻱ ﺍﺑﻨﻲ ﺭﺍﺡ ﻣﻮ ...
- ﺑﺮﻛﺎﺕ .. ﻻ ﻭﺍﻟﻠﻪ ﺑﺲ ﺷﺪﻱ ﺣﻴﻠﺞ ﻭﻛﻮﻣﻲ ﺩﻧﺮﻭﺡ ﻧﺸﻮﻓﻪ .. ﻣﺎﻛﺪﺭ ﺍﺟﻴﺒﻪ ﻫﻨﺎ ﻭﺍﻟﻠﻪ ﻻﻥ ﺑﻌﺪﻩ ﺻﻐﻴﺮ ﻣﻮ ﺗﻌﺮﻓﻴﻦ .. ﺍﺟﺔ ﺍﺣﻤﺪ ﺑﻮﺳﻬﺎ ﻭﺍﻣﻬﺎ ﻭﺻﻔﺎﺀ ﻳﻢ ﺭﺍﺳﻬﺎ ﻛﻌﺪﺕ ﻳﻤﻬﺎ ﺍﻗﻞ ﻣﻦ ﺳﺎﻋﺔ ﺗﻮﺟﻌﺖ ﺿﺮﺑﻮﻫﺎ ﻣﺴﻜﻦ ﻭﻧﺎﻣﺖ .. ﺗﺮﺧﺼﺖ ﻭﻭﺻﻴﺖ ﺍﺣﻤﺪ ﻋﻠﻴﻬﻢ ﻭﺍﻱ ﺷﻲ ﺗﺤﺘﺎﺟﻪ ﺑﺲ ﺧﺎﺑﺮﻧﻲ . ﻭﻃﻠﻌﺖ ﻋﻠﻰ ﺑﻴﺖ ﻋﻤﻲ ﻛﺒﻞ ..
ﻋﻤﻲ ﻛﺎﻋﺪ ﻭﻭﻟﺪﻩ ﺳﻠﻤﺖ ﻭﻛﻌﺪﺕ ....
- ﺍﺑﻮ ﻏﺎﻧﻢ .. ﻭﻟﻴﺪﻱ ﺍﻟﻲ ﺗﺄﻣﺮ ﺑﻲ ﻭﺍﺣﻨﺔ ﻛﺴﺮﻧﺎﻫﻦ ﺍﺛﻨﻴﻨﻬﻦ ..
- ﺑﺮﻛﺎﺕ .. ﺑﻼ ﺍﻣﺮ ﺗﺼﻴﺤﻠﻴﺎﻫﻦ ﺍﺛﻨﻴﻨﻬﻦ ... ﻛﺎﻡ ﻏﺎﻧﻢ ﺻﺎﺣﻬﻦ ﺍﺟﻨﻲ ﺑﺲ ﺷﻨﻮ ﻣﻌﺮﻓﺘﻬﻦ ﻫﻠﻜﺪ ﻣﺎ ﻣﻮﺭﻣﺎﺕ .. ﻟﺰﻣﺖ ﺳﻨﺎﺀ ﻣﻦ ﺷﻌﺮﻫﺎ .. ﻣﻊ ﺍﻻﺳﻒ ﻋﻠﻴﺞ ﺧﻴﺘﻲ ﻣﻊ ﺍﻻﺳﻒ ﻳﻜﻮﻟﻮﻥ ﻫﺎﻱ ﺍﺧﺖ ﺑﺮﻛﺎﺕ ... ﺷﻮﻓﻲ ﺳﻨﺎﺀ ﺗﻨﺴﻴﻦ ﻋﻨﺪﺝ ﺍﺥ ﻟﻮ ﺿﺎﻙ ﺑﻴﺞ ﺍﻟﺰﻣﻦ ﻣﺎﻋﻨﺪﺝ ﺍﺥ ﺍﺳﻤﻪ ﺑﺮﻛﺎﺕ ﻭﻻﺗﻔﻜﺮﻳﻦ ﺗﺠﻴﻦ ﻭﺗﻜﻮﻟﻴﻦ ﻋﻨﺪﻱ ﻇﻬﺮ ﻫﺬﺍ ﺍﻟﺤﺠﻲ ﻛﺪﺍﻡ ﻋﻴﺎﻟﺞ ﺍﺑﺪ ﻟﺘﻜﻮﻟﻴﻦ ﺍﺗﺤﺎﻣﻰ ﺑﺄﻫﻠﻲ .. ﺍﻧﺘﻲ ﻣﺘﺘﻲ ﺑﻨﻈﺮﻱ ﻳﺎﺑﺖ ﺍﻣﻲ ﻭﺍﺑﻮﻱ ﻣﺮﺓ ﻣﺮﺗﻴﻦ ﻛﻠﺖ ﺍﺧﺘﻲ ﻣﺎﺭﻳﺪ ﺍﻛﺴﺮﻫﺎ ﻛﺪﺍﻡ ﻣﺮﺗﻲ ﻭﺍﻧﺘﻲ ﻣﺎﻛﻠﺘﻲ ﺍﺧﻮﻱ ﺷﻠﻮﻥ ﺍﻛﺴﺮﻩ ﻭﺍﻫﺪ ﺣﻴﻠﻪ ﺑﺲ ﻫﻠﻤﺮﺓ ﻻ ﺳﻨﺎﺀ ﻣﺮﺗﻲ ﻭﺑﺲ ﻭﺍﻧﺘﻲ ﻻﺷﻲ ﻭﺷﻤﺎﻳﺴﻮﻭﻥ ﺑﻴﺞ ﻋﻴﺎﻟﺞ ﺗﺴﺘﺎﻫﻠﻴﻦ ﺿﻠﻲ ﻭﺭﺍﻫﻦ ﻭﻭﺭﺓ ﺣﻘﺪﺝ ﺧﻠﻲ ﻳﻔﻴﺪﺝ ﻭﺍﻟﺤﺠﻴﺔ ﺩﺍﺯﺗﻠﺞ ﺭﺳﺎﻟﺔ ﺑﻴﺪﻱ ﺗﻜﻮﻝ ﺑﺘﻲ ﻣﺎﺗﺖ ﻭﻣﺘﺒﺮﻳﺔ ﻣﻨﺞ ﻟﻴﻮﻡ ﺍﻟﺪﻳﻦ .. ﺿﺮﺑﺘﻬﺎ ﻭﺷﻤﺮﺗﻬﺎ ﻻﻥ ﻣﺎﺑﻴﻬﺎ ﻣﻜﺎﻥ ﺗﻨﻀﺮﺏ ﺑﻲ .. ﻫﻲ ﻭﺫﻳﺞ ﺍﻟﺜﺎﻧﻴﺔ ﻭﺍﻧﺘﻲ ﻫﻤﻴﻦ ﻣﻊ ﺍﻻﺳﻒ ﺷﻠﺘﻲ ﺍﺳﻤﻲ ﺣﺘﻰ ﻟﻮ ﻳﻮﻡ ﻣﻮ ﺷﻬﺮ ﻭﻣﻴﺸﺮﻓﻨﻲ ﺗﺒﻘﻴﻦ ﻋﻠﻰ ﺫﻣﺘﻲ ..
- ﻓﺮﺣﺔ .. ﻻ ﺑﺮﻛﺎﺕ ﺍﻧﻲ ﺣﺎﻣﻞ ﻣﻴﺠﻮﺯ ﺗﻄﻠﻜﻨﻲ ..
- ﺑﺮﻛﺎﺕ .. ﺳﻬﻠﺔ ﺗﺒﻘﻴﻦ ﺑﻴﺖ ﺍﻫﻠﺞ ﻭﻣﻤﻨﻮﻉ ﺗﻮﺻﻠﻴﻦ ﺑﻴﺘﻲ ﻟﺤﺪ ﻣﺎﺗﺠﻴﺒﻴﻦ ﻭﺍﺑﻨﻲ ﺍﺧﺬﻩ ﻻﻥ ﻣﻴﺸﺮﻓﻨﻲ ﻭﺣﺪﺓ ﻣﺜﻠﺞ ﺗﺮﺑﻲ ﻻﻥ ﺍﻧﺘﻲ ﺍﺻﻼ ﻣﻮ ﺍﻫﻞ ﺣﺘﻰ ﺗﺮﺑﻲ ﺳﻮﺍﺀ ﻭﻟﺪ ﻟﻮ ﺑﻨﻴﺔ ﻳﻄﻠﻌﻮﻥ ﻣﺜﻠﺞ ﻭﻣﺜﻞ ﺣﻘﺪﺝ ﻭﻏﻠﺞ ...
- ﺍﺑﻮ ﻏﺎﻧﻢ .. ﻣﺎﻟﻮﻣﻚ ﻭﻟﻴﺪﻱ ﻻﻥ ﻣﻮ ﺍﻭﻝ ﻣﺮﺓ ﻭﺣﺘﻰ ﺍﻟﻲ ﻧﺰﻟﻦ ﺭﺍﺳﻲ ﻣﻊ ﺍﻻﺳﻒ ﻋﻠﻴﺠﻦ ﻭﻉ ﺗﺮﺑﻴﺘﺠﻦ .. ﻳﺴﺘﺎﻫﻠﻦ ﻛﻞ ﺍﻟﻲ ﻳﺠﺮﺍﻟﻬﻦ ﻟﻮ ﻣﺎ ﻋﻴﺐ ﺍﻟﻌﺎﻟﻢ ﺟﺎﻥ ﺫﺑﺤﺘﻬﻦ ﻭﺷﻤﺮﺗﻬﻦ ﻟﻠﺠﻼﺏ ... ﺭﻭﺡ ﻭﻟﻴﺪﻱ ﻟﻤﺮﻳﺘﻚ ﻭﺍﻥ ﺷﺎﺀ ﺍﻟﻠﻪ ﺗﻜﻮﻣﻠﻚ ﺑﺴﻼﻣﺔ ...
- ﺑﺮﻛﺎﺕ .. ﺭﺟﻌﺖ ﻟﻠﻤﺴﺘﺸﻔﻰ ﻫﻢ ﺟﺎﻧﺖ ﻧﺎﻳﻤﺔ ﺭﺣﺖ ﺷﻔﺖ ﺍﻟﻮﻟﺪ ﺍﻟﺤﻤﺪﻟﻠﻪ ﻭﺿﻌﻴﺘﻪ ﺯﻳﻨﺔ ﺑﺲ ﻻﺯﻡ ﻳﺒﻘﻰ ﺑﻠﺨﺪﺝ ﻻﻥ ﻣﻮ ﻭﻛﺖ ﻭﻻﺩﺗﻪ ... ﺭﺟﻌﺖ ﻟﻠﺒﻴﺖ ﻃﻤﻨﺘﻬﻢ ﺳﺒﺤﺖ ﻭﺑﺪﻟﺖ ﻭﺭﺟﻌﺖ ﻣﻘﺒﻠﻮﺍ ﺍﻻ ﻣﺮﺍﻓﻖ ﻭﺍﺣﺪ ﺍﺿﻄﺮﻳﻨﺎ ﻧﺒﻘﻲ ﺻﻔﺎﺀ ﺑﻘﺖ ﻳﻤﻬﺎ ﺍﻣﻬﺎ ﻭﺍﺑﻮﻫﺎ ﻭﺍﺧﻮﺗﻬﺎ ﺭﺟﻌﺘﻬﻢ ﻭﻳﺎﻳﺔ .. ﻭﻭﻻﺣﺠﻮ ﺣﺠﺎﻳﺔ ﻧﺎﻗﺼﺔ ﺑﺲ ﻳﻘﺮﻭﻥ ﻗﺮﺍﻥ ﻭﻳﺪﻋﻮﻭﻥ ﻭﻳﻬﺪﻭﻥ ﺑﻴﻪ ﻻﻥ ﻧﻔﺴﻲ ﻣﺠﻨﺖ ﻃﺎﻳﻘﻬﺎ .. ﺍﺑﻮﻫﺎ ﺧﻄﻴﺔ ﺑﺤﻜﻤﺘﻪ ﻭﺑﺄﺧﻼﻗﻪ ﺍﻟﻌﺎﻟﻴﺔ ﺗﻘﺒﻞ ﺍﻟﻤﻮﻗﻒ .. ﺍﺫﻛﺮ ﺍﻟﻠﻪ ﻭﻟﻴﺪﻱ ﻳﺤﻔﻆ ﻣﺮﺗﻚ ﻭﺍﺑﻨﻚ .. ﻟﺘﺠﺰﻉ ﻣﻦ ﺭﺣﻤﻪ ﺭﺑﻚ ﻫﻮ ﺍﻻﺣﻦ ﻋﻠﻴﻬﻢ ﻣﻨﻚ .. ﺳﺮﻭﺓ ﺻﺤﺖ ﻟﻠﻴﻞ ..
- ﺳﺮﻭﺓ .. ﺑﺮﻛﺎﺕ ﻛﻮﻡ ﻭﺩﻳﻨﻲ ﺍﺷﻮﻑ ﺍﻟﻮﻟﺪ .
- ﺑﺮﻛﺎﺕ .. ﻛﻮﻣﺘﻬﺎ ﻭﺩﻳﺘﻬﺎ ﻟﻠﺨﺪﺝ ﺑﺲ ﺷﺎﻓﺘﻪ ﺩﻛﺘﻬﺎ ﻣﻨﺎﺣﺔ .. ﺗﺎﻟﻲ ﻭﻳﺎﺝ ﻛﺎﻓﻲ ﻭﻟﺞ ﺻﺤﺘﻪ ﺯﻳﻨﺔ ﻟﺘﺨﺎﻓﻴﻦ ﻭﻣﻮﺯﻳﻦ ﻋﻠﻴﻪ ﺗﺒﺠﻴﻦ ﻫﻠﻜﺪ ﺭﺟﻌﺘﻬﺎ ﻭﺍﻧﻲ ﻛﻠﺒﻲ ﻣﺤﺮﻭﻙ ﺍﻛﺜﺮ ﻣﻨﻬﺎ ... ﺷﻮﻳﺔ ﺷﻮﻳﺔ ﺑﺪﺕ ﺗﺴﺘﻌﻴﺪ ﺻﺤﺘﻬﺎ ﻭﻣﺘﻘﺒﻞ ﺗﻄﻠﻊ ﻣﻦ ﺍﻟﻤﺴﺘﺸﻔﻰ ﺑﻘﻴﺘﻬﺎ ﺍﺳﺒﻮﻉ ﺑﻮﺍﺳﻄﺎﺕ ﻭﺑﻔﻠﻮﺱ ﺑﻌﺪﻫﺎ ﻣﻘﺒﻠﻮ ﻧﺒﻘﻰ .. ﻛﻤﻨﺎ ﻳﻮﻣﻴﺔ ﻧﺮﻭﺡ ﻧﺒﻘﻰ ﻛﺎﻋﺪﻳﻦ ﻟﻠﻌﺼﺮ ﻭﻧﺮﺟﻊ ﺑﻴﻮﻣﻬﺎ ﺑﻠﻜﻮﺓ ﻃﻠﻌﻨﺎﻫﺎ ﻣﻦ ﺍﻟﻤﺴﺘﺸﻔﻰ ﻣﺘﻘﺒﻞ ﺗﻄﻠﻊ ﺭﺟﻌﺘﻬﺎ ﻟﻠﺒﻴﺖ ...
- ﺳﺮﻭﺓ .. ﺭﺟﻌﺖ ﻟﻠﺒﻴﺖ ﻭﻛﺒﻞ ﻃﺒﻴﺖ ﺑﻐﺮﻓﺔ ﺍﻟﺤﺠﻴﺔ ﻭﻋﻴﻮﻧﻲ ﻣﺪﺗﻮﻛﻒ ...
- ﺍﻡ ﺳﺮﻭﺓ .. ﻛﺎﻓﻲ ﺑﻨﻴﺘﻲ ﻣﻮﺯﻳﻦ ﻋﻠﻴﺞ ﺍﻧﺘﻲ ﻧﻔﺴﺔ .. ﺍﻣﻲ ﻣﻨﺎ ﻭﺍﻟﺤﺠﻴﺔ ﻣﻨﺎ ﻭﺍﻧﻲ ﺭﻭﺣﻲ ﻋﻔﺘﻬﺎ ﺑﻠﻤﺴﺘﺸﻔﻰ ﻣﺎﺩﺭﻱ ﺷﻠﻮﻥ ﺗﺤﻤﻠﺖ ﺍﻃﻠﻊ ﻭﺍﻋﻮﻓﻪ ﻭﺣﺪﻩ ﻫﻨﺎﻙ ﻳﺎﺭﺑﻲ ﺍﻟﺼﺒﺮ ﺍﺟﺎﻧﻲ ﺭﺿﺎ ﻳﺮﻛﺾ ﺣﻀﻨﺘﻪ ﻭﺟﺎﻥ ﻛﻞ ﻳﻮﻡ ﺍﻟﺒﻨﺎﺕ ﻳﺠﻴﺒﻮﻩ ﻭﻳﺎﻫﻢ ﻟﻠﻤﺴﺘﺸﻔﻰ .. ﺧﻄﻴﺔ ﻳﻮﻣﻴﺔ ﻭﺣﺪﺓ ﻣﻨﻬﻢ ﺗﺒﺎﺕ ﻳﻤﻲ ﺷﻠﺸﺘﻬﻢ ﻭﺧﺮﺑﻄﺖ ﻭﺿﻌﻴﺘﻬﻢ ﻭﺟﺎﻧﺖ ﻧﻬﺎﻳﺔ ﺍﻣﺘﺤﺎﻧﺎﺕ ..
ﺍﺣﻤﺪ ﺣﺒﻴﺒﻲ ﺍﻣﺘﺤﻦ ﺟﺎﻥ ﺳﺎﺩﺱ ﻭﻋﺒﺪﺍﻟﻠﻪ ﺭﺍﺑﻊ ﺍﻟﻜﻞ ﻧﺠﺢ ﻭﺩﻧﻨﺘﻈﺮ ﻧﺘﻴﺠﺔ ﺍﺣﻤﺪ ﻭﻣﻌﺪﻟﻪ ﻫﻮ ﺍﻟﻲ ﻳﺤﺪﺩ ﻣﺼﻴﺮﻩ ﺣﺒﻴﺒﻲ ﻫﻮﺍﻳﺔ ﻗﺮﺓ ﻭﺗﻌﺐ ﺣﺘﻰ ﻳﻄﻠﻊ ﻣﻌﺪﻝ ﻳﺴﺘﺎﻫﻞ ﺗﻌﺐ ﺍﺑﻮﻳﺔ .. ﻣﺮ ﺍﺳﺒﻮﻋﻴﻦ ﻋﻠﻰ ﻭﻻﺩﺗﻲ ﻭﺑﺮﻛﺎﺕ ﻳﻮﻣﻴﺔ ﻳﻮﺩﻳﻨﻲ ﻟﻔﻬﺪ ﺍﻃﻤﺌﻦ ﻋﻠﻴﻪ . ﺍﻟﻄﺒﻴﺐ ﻣﺎﻟﺘﻪ ﻛﺎﻝ ﻣﻨﺎ ﻝ 10 ﻭﺍﻥ ﺷﺎﺀﺍﻟﻠﻪ ﻧﺸﻮﻑ ﻭﺿﻌﻴﺘﻪ ﺑﻠﻜﺖ ﺗﻜﺪﺭﻭﻥ ﺗﺎﺧﺬﻭﻩ ﺭﺟﻌﺖ ﻭﺍﻧﻲ ﺍﻟﻔﺮﺣﺔ ﻣﺴﺎﻳﻌﺘﻨﻲ ﻓﺎﺗﺖ 10 ﺍﻳﺎﻡ ﺑﻠﻜﻮﺓ .. ﺍﻟﺪﻛﺘﻮﺭ ﻛﺎﻝ ﺻﺤﺘﻪ ﺯﻳﻨﻪ ﺗﻜﺪﺭﻭﻥ ﺗﻜﻤﻠﻮﻭﻥ ﺍﻭﺭﺍﻗﻪ ﻭﺗﻄﻠﻌﻮﻭﻭﻭﻥ .. ﻳﻤﺔ ﻭﺍﺧﻴﺮﺍ ﺭﺍﺡ ﺍﺷﻴﻞ ﺍﺑﻨﻲ ﺑﺄﻳﺪﻱ ﺑﺮﻛﺎﺕ ﻛﻤﻞ ﻛﻠﺸﻲ ﺣﺘﻰ ﺍﻟﺒﻴﺎﻥ ﻃﻠﻌﻪ ﻭ ﻃﺎﻳﺮ ﺑﻲ ﻻﻥ ﺍﻭﻝ ﻭﻟﺪ ﺍﻟﻪ ﺑﻌﺪ ﻋﻤﺮ ﻭﺗﻌﺐ ﻛﻤﻠﻨﺎ ﻭﻃﻠﻌﻨﺎ ﺑﺲ ﻭﺻﻠﻨﺎ ﺫﺑﺤﻮﺍ ﺟﻮﺓ ﺭﺟﻠﻲ ﻓﺪﻭﺓ ﻭﻃﺒﻴﻨﻪ ﻟﻠﺒﻴﺖ .. ﺍﻟﻜﻞ ﻓﺮﺣﺎﻥ ﺑﺸﻮﻓﻪ ﻓﻬﺪ .. ﺟﺎﻧﻮﺍ ﺩﻳﻨﺘﻈﺮﻭﻥ ﺍﻟﻨﺘﺎﺋﺞ ﻭﻣﻌﺪﻝ ﺣﻤﻮﺩﻱ ﻭﻃﻠﻌﺖ ﺍﻟﻨﺘﺎﺋﺞ ﻭﻧﺠﺢ ﺣﺒﻴﺒﻲ ﻭﻣﻌﺪﻟﻪ 99 . ﺍﺑﻮﻳﺔ ﺗﺨﺮﺑﻂ ﻣﻦ ﺍﻟﻔﺮﺣﺔ ﻭﻓﻌﻼ ﻣﺠﻨﺖ ﻣﺘﻮﻗﻌﻪ ﻫﻠﻤﻌﺪﻝ ﺑﺲ ﺍﻟﺤﻤﺪﻟﻠﻪ ﺭﺏ ﺍﻟﻌﺎﻟﻤﻴﻦ ﺟﺎﺯﺓ ﺍﺑﻮﻳﺔ ﻋﻠﻰ ﺗﻌﺒﻪ ﻭﺳﻬﺮﻩ ﻭﻳﺎﻧﺎ ...
ﺍﻟﺤﺠﻴﺔ ﺑﺲ ﺷﺎﻓﺖ ﻓﻬﺪ ﺩﻣﻮﻋﻬﺎ ﻋﺸﺮﺓ ﻋﺸﺮﺓ ..
- ﺍﻟﺤﺠﻴﺔ .. ﻳﻤﺔ ﻭﻟﻴﺪ ﺍﻟﻐﺎﻟﻲ ﻭﻟﻚ ﺭﺿﺎ ﺗﻌﺎﻝ ﺷﻮﻑ ﺍﺧﻴﻚ ﻭﻣﺘﻘﺒﻞ ﺗﻨﻄﻲ ﻻﺣﺪ ﻭﺭﺿﺎﻭﻱ ﻣﻜﺎﺑﻠﺔ ﻭﻛﺎﻋﺪ ﻭﻧﺮﺟﺴﺔ ﻫﻢ ﻓﺮﺣﺎﻧﺔ ﺑﺄﺧﻮﻫﺎ ﻟﻤﻴﺎﺀ ﺣﺒﻴﺒﺘﻲ ﺣﻠﻠﺖ ﻫﻢ ﻃﻠﻌﺖ ﺣﺎﻣﻞ ..
ﻣﻌﻤﺮ ﻭﻣﻘﺪﺍﺩ ﺧﻠﺼﺖ ﺍﺟﺎﺯﺗﻬﻢ ﻭﺭﺟﻌﻮﺍ ﻭﻫﻢ ﺗﺄﺫﺕ ﺧﺎﻟﺔ ﻫﻮﺍﻳﺔ ﻛﺄﻧﻤﺎ ﺍﻟﻴﻮﻡ ﻃﻠﻌﻮﺍ
ﻓﺎﺕ ﻛﻢ ﻳﻮﻡ ﻭﺩﻧﻨﺘﻈﺮ ﻧﺘﺎﺋﺞ ﺍﻟﻘﺒﻮﻝ .. ﻭﻃﻠﻊ ﻃﺐ ﻋﺎﻡ .. ﻳﺎﺭﺑﻲ ﻛﻤﺖ ﺍﺧﺎﻑ ﻋﻠﻰ ﺍﺑﻮﻳﺔ ﻣﻦ ﺍﻟﻔﺮﺡ ﻣﻤﺘﻮﻗﻌﻴﻦ ﻫﻠﻘﺒﻮﻝ ﺍﺑﺪ .. ﻭﺍﺑﻮﻳﺔ ﺑﻴﻮﻣﻬﺎ ﺑﺠﻰ ﺑﺠﻲ ﻭﻟﻚ ﻭﻟﻴﺪﻱ ﺭﻓﻌﺖ ﺭﺍﺳﻲ ﻭﺳﻮﻳﺘﻨﻲ ﺍﺑﻮ ﺍﻟﺪﻛﺘﻮﺭ ﻭﻳﺒﻮﺱ ﺑﻲ ﻣﻮﻗﻒ ﻳﺨﺒﻞ ... ﺑﺪﺓ ﺍﻟﺪﻭﺍﻡ ﻭﺍﻟﺤﻤﺪﻟﻠﻪ ﺍﻻﻭﺿﺎﻉ ﺗﻤﺎﻡ ﻣﺎﻛﻮ ﻣﻌﻜﺮﺍﺕ ...
ﺑﻴﻮﻡ ﻛﺎﻋﺪﺓ ﻭﺧﺎﺑﺮﻧﻲ ﺍﺣﻤﺪ ..
- ﺍﺣﻤﺪ .. ﺳﺮﻭﺓ ﻋﻨﺪﻱ ﻣﻮﺿﻮﻉ ﺍﺭﻳﺪ ﺍﺣﺠﻲ ﻭﻳﺔ ﺑﺮﻛﺎﺕ ﻭﺍﺧﺎﻑ ﻳﺮﺩﻧﻲ ...
- ﺳﺮﻭﺓ .. ﻛﻮﻝ ﺣﺒﻴﺒﻲ ﻋﻠﻴﺶ ﻫﻠﺨﻮﻑ ..
- ﺍﺣﻤﺪ .. ﺳﺮﻭﺓ ﺑﺪﻭﻥ ﻣﻘﺪﻣﺎﺕ ﺍﻧﻲ ﺭﺍﻳﺪ ﻧﺮﺟﺲ ﺑﺖ ﺑﺮﻛﺎﺕ ﻭﺧﺎﻳﻒ ﻻﺍﺑﻮﻫﺎ ﻣﻴﻘﺒﻞ ﺗﻌﺮﻓﻴﻦ ﻟﻴﺶ ..
- ﺳﺮﻭﺓ .. ﻭﻟﻚ ﻣﻮ ﺑﻌﺪ ﻭﻛﺖ ﺗﻮﻙ ﺍﻭﻝ ﻛﻠﻴﻪ ..
- ﺍﺣﻤﺪ .. ﻭﺍﻟﻠﻪ ﺍﻋﺮﻑ ﺑﺲ ﺍﺧﺎﻑ ﺍﺣﺪ ﻳﺨﻄﺒﻬﺎ ﻭﺗﺮﻭﺡ ﻣﻨﻲ ﺣﺘﻰ ﻟﻮ ﺑﺲ ﺍﺣﺠﺰﻫﺎ ..
- ﺳﺮﻭﺓ .. ﻫﺎ ﻭﻟﻚ ﺧﻮﺵ ﺗﻀﻤﻀﻢ ﻉ ﺍﺧﺘﻚ .. ﻭﻟﻴﺶ ﻣﺘﻜﻮﻟﻪ ﺭﺃﺳﻦ ﺷﻨﻮ ﻣﺴﺘﺤﻲ ..
- ﺍﺣﻤﺪ .. ﺍﻱ ﻭﺍﻟﻠﻪ ﺳﺮﻭﺓ ﻣﺴﺘﺤﻲ ﻻﻥ ﻣﺎﻋﻨﺪﻱ ﺷﻲ ﺍﻗﺪﻣﻪ ﺍﻟﻬﻢ ﺑﺲ ﺣﺒﻲ ﺍﻟﻬﺎ ﻭﺷﻐﻠﻲ ﻟﻮﻣﺎ ﺍﺑﻮﻫﺎ ﻣﺠﺎﻥ ﺍﺷﺘﻐﻠﺖ ﻭﻫﻲ ﺍﻛﻴﺪ ﻣﺘﻌﻮﺩﺓ ﻉ ﻏﻴﺮ ﻋﻴﺸﺔ ﻓﻤﺴﺘﺤﻲ ﻻ ﻣﻴﻘﺒﻞ ..
- ﺳﺮﻭﺓ .. ﻭﻫﻲ ﻋﻴﻨﻲ ﺭﻭﻣﻴﻮ ﺗﺪﺭﻱ ﻟﻮ ﺍﺳﺄﻟﻠﻬﺎ ﺍﻟﻚ ..
- ﺍﺣﻤﺪ .. ﺑﻠﻲ ﻭﺍﻟﻠﻪ ﻋﻠﻮﺍﻩ ﺍﺑﺪ ﻣﺤﺎﺟﻲ ﻭﻳﺎﻫﺎ ﻣﺸﺎﻋﺮﻱ ﺟﺎﻧﺖ ﻣﻦ ﻃﺮﻑ ﻭﺍﺣﺪ ﻭﻣﺎﻋﺮﻑ ﺍﺫﺍ ﺟﺎﻧﺖ ﻫﻲ ﻫﻢ ﻣﻴﺎﻟﺔ ﺍﻟﻲ ﻟﻮ ﻻ ...
- ﺳﺮﻭﺓ .. ﺳﻬﻠﺔ ﺣﺒﻴﺒﻲ ﺗﺪﻟﻞ ...
- ﺳﺮﻭﺓ .. ﺣﻴﺎﺗﻲ ﺍﻧﻤﻠﺖ ﺑﻮﻟﺪﻱ ﻭﺍﻟﺤﻤﺪﻟﻠﻪ ﺍﻫﻠﻲ ﺍﺭﺗﺎﺣﻮﺍ ﻭﺑﺮﻛﺎﺕ ﻣﺎﻛﻮ ﻣﻨﻪ ﺭﻏﻢ ﺍﻛﺒﺮ ﻣﻨﻲ ﺑﻬﻮﺍﺍﺍﻳﺔ ﺑﺲ ﺍﺭﺗﻮﻳﺖ ﺑﺤﺒﻪ ﺑﻌﺪ ﻣﺎﺟﻨﺖ ﺗﺎﻳﻬﺔ ﺑﺪﺭﻭﺏ ﺍﻟﺰﻣﻦ ..
ﻛﺘﺒﺘﻠﻬﺎ ﻟﻨﺮﺟﺲ . . ﺣﺒﻴﺒﺘﻲ ﺍﺫﺍ ﻣﺎﻋﻨﺪﺝ ﺷﻲ ﺗﻌﺎﻟﻴﻠﻲ ..
- ﻧﺮﺟﺲ .. ﻻﺯﻡ ﻛﺮﻭﺓ ﺗﻌﺒﺎﻧﺔ
- ﺳﺮﻭﺓ .. ﺗﻌﺎﻟﻲ ﻭﻟﺞ ﻣﻮ ﺍﺧﻮﺗﺞ ﻫﻤﻪ ..
- ﻧﺮﺟﺲ .. ﻭﺍﻟﻠﻪ ﻋﺮﻓﺖ ﻣﻮ ﻛﺘﻠﺞ ﻛﺮﻭﺓ ﺗﻌﺒﺎﻧﺔ .. ﻫﺴﺔ ﺟﺎﻳﺔ ..
- ﺳﺮﻭﺓ .. ﺍﺟﺘﻲ ﻟﻌﺒﺖ ﺑﻔﻬﺪ ﺻﺎﻳﺮ ﻳﺨﺒﻞ ﺍﺑﻴﺾ ﻭﻣﺪﻧﻔﺶ ﻛﻠﺶ ﻳﺸﺒﻬﻨﻲ ﻳﺎﻫﻮ ﺍﻟﻴﺸﻮﻓﻪ ﻳﻜﺰﻛﺰ ﻋﻠﻴﻪ ..
ﻧﺮﺟﺲ ﺍﺭﻳﺪ ﺍﺣﺠﻲ ﻭﻳﺎﺝ ﺑﻤﻮﺿﻮﻉ ..
- ﻧﺮﺟﺲ .. ﻛﻮﻟﻲ ﺷﺮﺍﻳﺪﺓ ﺍﻛﻴﺪ ﺗﻄﺒﻴﻦ ﺗﺴﺒﺤﻴﻦ ﻭﺍﻟﺰﻡ ﺯﻋﺎﻃﻴﻄﺞ ..
- ﺳﺮﻭﺓ .. ﻻ ﻭﻟﺞ ﻫﺎﻱ ﺷﺒﻴﺞ ﺍﺳﻤﻌﻲ ﺑﺲ ﺑﻴﻨﺎﺗﻨﺎ ﻣﻮ ﺗﺤﺠﻴﻦ ﻻﺣﺪ ..
- ﻧﺮﺟﺲ .. ﻻ ﻭﺍﻟﻠﻪ ﻛﻮﻟﻲ ﻻﺯﻡ ﻣﻮﺿﻮﻉ ﻣﻬﻢ ﺧﻠﻲ ﺍﺭﻛﺰ ﻛﻮﻟﻲ ...
- ﺳﺮﻭﺓ .. ﺷﻮﻓﻲ ﺣﺒﻴﺒﺘﻲ ﺍﺣﻤﺪ ﺍﺧﻮﻳﺔ ﻳﺮﻳﺪﺝ ﻭﻛﻠﻲ ﺟﺴﻲ ﻧﺒﻀﻬﺎ ﺍﺫﺍ ﻗﺒﻠﺖ ﺍﺣﺠﻲ ﻭﻳﺔ ﺍﺑﻮﻫﺎ ﺑﺲ ﺍﺫﺍ ﻣﺘﺮﻳﺪﻧﻲ ﺣﺘﻰ ﻣﺎﺃﻓﺸﻞ ﻧﻔﺴﻲ ..
- ﻧﺮﺟﺲ .. ﻳﻤﺔ .. ﻭﺿﺮﺑﺖ ﻉ ﺻﺪﺭﻫﺎ ..
- ﺳﺮﻭﺓ .. ﺍﺳﻢ ﺍﻟﻠﻪ ﻭﻟﺞ ﺷﺒﻴﺞ ...
- ﻧﺮﺟﺲ .. ﺍﻟﺪﻛﺘﻮﺭ ﻳﺮﻳﺪﻧﻲ ﻭﺍﻧﻲ ﺍﺗﻌﺰﺯ ﻭﻟﺞ ﻫﺬﺍ ﺍﻟﺼﺎﻙ ﺑﺎﻭﻋﻠﻲ ﻳﻤﺔ ﻣﻌﻘﻮﻟﺔ ﻫﻴﺠﻲ ﻣﻮﺯ ﻳﺒﺎﻭﻉ ﻋﻠﻴﻪ ..
- ﺳﺮﻭﺓ .. ﻟﻴﺶ ﻭﻟﺞ ﺷﺒﻴﺞ ﺍﻧﺘﻲ ..
- ﻧﺮﺟﺲ .. ﻻ ﻳﻌﻨﻲ ﺑﺲ ﺍﺧﻮﺝ ﻛﻠﻠﺶ ﺣﻠﻮ ﺍﻟﻠﻪ ﻳﺤﻔﻈﻪ ﺍﻟﻴﻪ ..
- ﺳﺮﻭﺓ .. ﻫﻬﻪ ﺍﻟﻠﻪ ﻳﺴﻠﻤﺞ ﺣﺒﻴﺒﺘﻲ ﻳﻌﻨﻲ ﺍﺣﺠﻲ ﻭﻳﺔ ﺍﺑﻮﺝ ..
- ﻧﺮﺟﺲ .. ﺍﻱ ﻭﺍﻟﻠﻪ ﺍﻡ ﺭﺿﺎ ﻭﻫﻤﺘﺞ ﻭﻳﺎﻧﺎ ﺧﺎﻑ ﺑﺮﻛﺎﺕ ﻳﻌﺼﻠﻜﻬﺎ ﻛﻮﻟﻴﻠﻪ ﺍﻟﺒﻨﻴﺔ ﺑﻴﻬﺎ ﺣﺎﻟﺔ ﻧﻔﺴﻴﺔ ﺧﻠﻲ ﻧﺸﻤﺮﻫﺎ ﺑﺮﺍﺳﻪ ﻭﻧﺨﻠﺺ ﻣﻨﻬﺎ .. ﺧﻠﺼﻮﺍ ﻣﻨﻲ ﺷﻌﻨﺪﻱ ﻛﺎﻋﺪﺓ ﻫﻨﺎ ..
- ﺳﺮﻭﺓ .. ﻭﻟﺞ ﺷﻨﻬﻠﺨﺮﻁ ...
- ﻧﺮﺟﺲ .. ﺷﻜﻮ ﻏﻴﺮ ﺍﺷﻮﻓﻠﻲ ﻗﺴﻤﺔ ﺯﻳﻨﺔ ﻭﻟﺔ ﻗﺎﺑﻞ ﺍﺑﻮﻳﺔ ﻳﺪﻭﺭﻟﻲ ... ﻳﻤﺔ ﻭﺍﺻﻴﺮ ﻣﺮﺕ ﺍﻟﺪﻛﺘﻮﺭ ﻭﻳﻦ ﺍﻟﻜﺎﻫﺎ ﻭﻟﺞ ﺍﻟﻌﺸﻴﺮﺓ ﻛﻠﻬﺎ ﻣﺜﻘﻔﻬﻢ ﻣﻌﻠﻢ ﺧﻴﺔ ﻭﺍﻧﻲ ﺩﻛﺘﻮﺭ ﺍﺟﺎﻧﻲ ﺩﻛﺘﻮﻭﻭﻭﺭ ﻭﻟﻮ ﺍﻣﻲ ﻣﺘﺪﻋﻴﻠﻲ ﺍﻛﻴﺪ ﺣﺒﻮﺑﺔ ﺩﺍﻋﻴﺘﻠﻲ ﺑﻬﻴﺞ ﻗﺴﻤﺔ ..
- ﺳﺮﻭﺓ .. ﻭﻟﺞ ﻛﺎﻓﻲ ﻋﺎﺩ ﻟﻌﺪ ﺭﺍﺡ ﺍﻛﻮﻟﻪ ﻻﺑﻮﺝ ﻛﺪﺍﻡ ﺍﻟﺤﺠﻴﺔ ﺍﻟﻌﺼﺮ .. ﻟﻠﻌﺼﺮ ﺍﺟﺔ ﺑﺮﻛﺎﺕ ﺭﺿﺎ ﺟﺎﻥ ﺟﺎﻱ ﺑﻠﻤﺪﺭﺳﺔ ﺣﺒﻴﺒﻲ ﺻﺎﺭ ﺑﻼﻭﻝ ﻭﻓﻬﺪ ﻫﻢ ﻧﺎﻳﻢ ﻭﻃﺐ ﺍﻟﻜﺒﺪ ﻣﺎﻝ ﺍﻧﻲ ..
- ﺑﺮﻛﺎﺕ .. ﺷﻠﻮﻥ ﺍﻟﻜﻤﺮ ..
- ﺳﺮﻭﺓ .. ﻳﻀﻮﻱ ﺑﺠﺎﻟﻚ ﺗﺎﺝ ﺭﺍﺳﻲ ﺍﻧﺖ ..
- ﺑﺮﻛﺎﺕ .. ﺍﻭﻳﻠﻲ ﻳﺎﺑﺔ ﺷﻨﻮ ﻫﻠﺪﻻﻝ ..
- ﺳﺮﻭﺓ .. ﺭﺣﺖ ﻳﻤﺔ ﻭﺗﺴﺘﺎﻫﻞ ﻳﺎ ﻧﺒﺾ ﺳﺮﻭﺓ ﺍﻧﺖ ..
ﺑﺎﺱ ﺭﺍﺳﻲ ﻛﻞ ﻣﺮﺓ ﺍﺻﻴﺮ ﺑﺤﻀﻨﻪ ﻣﺎﺷﺒﻊ ﺩﻓﻮ ﺍﺣﺴﻪ ﺑﻌﻴﻴﺪ ﺑﺮﻛﺎﺕ ﺍﻧﺖ ﻋﻤﺮﻱ ﺍﻟﻲ ﺭﺍﺡ ﻭﺍﻟﺠﺎﻱ ﻣﺎﺭﻳﺪﻙ ﺗﻌﻮﻓﻨﻲ ..
- ﺑﺮﻛﺎﺕ .. ﻟﻴﺶ ﻫﻴﺞ ﺗﺤﺠﻴﻦ ﻭﻟﺞ ﻫﻮ ﺍﻧﻲ ﻫﺴﺔ ﻳﻠﺔ ﻋﺸﺖ ﻣﻦ ﻳﻮﻡ ﺍﻟﺸﻔﺖ ﻋﻴﻮﻧﺞ ..
- ﺳﺮﻭﺓ .. ﺗﺴﻠﻤﻠﻲ ﻳﺎﻏﺎﻟﻲ ﻳﺎ ﺍﺑﻮ ﺍﻟﻐﻮﺍﻟﻲ .. ﺑﺮﻛﺎﺕ ﺍﻟﻲ ﻃﻠﺐ ﻳﻤﻚ ..
- ﺑﺮﻛﺎﺕ .. ﻛﻮﻟﻲ ﺣﺒﻴﺒﺔ ﻋﻤﺮﻱ ﺍﻧﻄﻴﺠﻴﺎﻩ ..
- ﺳﺮﻭﺓ .. ﻳﺴﻠﻤﻠﻲ ﻋﻤﺮﻙ .. ﺑﺮﻛﺎﺕ ﺍﺣﻤﺪ ﺍﺧﻮﻳﺔ ﻳﺮﻳﺪ ﻳﻄﻠﺐ ﺍﻳﺪ ﻧﺮﺟﺲ ﺑﺲ ﻣﺴﺘﺤﻲ ﻳﻜﻮﻝ ﺑﻌﺪﻧﻲ ﻣﺮﺣﻠﺔ ﺍﻭﻟﻰ ﻭﻣﻤﻜﻮﻥ ﻧﻔﺴﻲ ﺑﺲ ﺍﺧﺎﻑ ﻳﺨﻄﺒﻮﻫﺎ ﻭﺍﻣﺎﻧﺔ ﺍﻟﻠﻪ ﻣﺤﺎﺟﻲ ﻭﻳﺎﻫﺎ ﻛﻠﻤﺔ ﻳﻜﻮﻝ ﻋﻴﺐ ﺣﺘﻰ ﺍﺧﻮﻥ ﺛﻘﺔ ﺍﺑﻮﻫﺎ ﺑﻴﻪ ﺑﺲ ﺍﻣﻨﻴﺘﻲ ﺍﻧﺎﺳﺒﻪ ﻭﺍﺻﻴﺮ ﺭﺟﻞ ﺑﺘﻪ ..
ﺿﺮﺑﻠﻬﺎ ﺻﻔﻨﻪ .. ﻫﺎﺑﺮﻛﺎﺕ ﺍﺣﻨﺔ ...
- ﺑﺮﻛﺎﺕ .. ﻛﺎﻓﻲ ﺳﺮﻭﺓ ﺍﻧﻲ ﻳﺸﺮﻓﻨﻲ ﻭﻳﺸﺮﻑ ﺑﺘﻲ ﺍﺣﻤﺪ ﻳﺨﻄﺒﻬﺎ ﻛﺎﻓﻲ ﺗﺮﺑﻴﺔ ﺍﺑﻮﺝ ﺍﻟﻲ ﺍﻟﻜﻞ ﻳﺤﻠﻒ ﺑﻴﻬﺎ .. ﺑﺲ ﺭﺍﺡ ﻳﻜﺒﺮﻧﻲ ..
- ﺳﺮﻭﺓ .. ﻳﻤﺔ ﻣﻨﻮ ﺍﻟﻲ ﻳﻜﺒﺮﻙ ﺣﻴﺎﺗﻲ ﺍﻧﺖ ﺑﻌﺪﻙ ﺷﺒﺎﺏ .. ﻳﻌﻨﻲ ﺍﻃﻤﻨﻪ ..
- ﺑﺮﻛﺎﺕ .. ﻻ ﺍﻭﻛﻔﻲ ﺧﻠﻲ ﺍﻛﻮﻝ ﻻﻣﻬﺎ ﻭﻟﻠﺤﺠﻴﺔ ﻭﺑﻌﺪﻳﻦ ﻃﻤﻨﻲ ..
- ﺳﺮﻭﺓ .. ﻟﻠﻴﻞ ﻛﺎﻋﺪﻳﻦ ﻳﻮﻣﻴﺔ ﻛﻌﺪﺍﺗﻨﺎ ﺑﻼﺳﺘﻘﺒﺎﻝ ﻧﻮﺑﺎﺕ ﺍﻟﺒﻨﺎﺕ ﻳﺠﻦ ..
- ﺑﺮﻛﺎﺕ .. ﺣﺠﻴﺔ ﺍﻟﻴﻮﻡ ﺧﻄﺒﻮﺍ ﻧﺮﺟﺴﺔ ﻣﻨﻲ ﻭﻛﺒﺮﺗﻴﻨﻲ ﻭﻟﺞ ..
- ﺍﻟﺤﺠﻴﺔ .. ﺍﻱ ﻳﺒﻌﺪ ﺍﻣﻚ ﻓﺮﺣﻨﺎ ﻣﻨﻮ ﻭﻟﺞ ﻧﺮﺟﺲ ﺻﺮﺗﻲ ﻣﺮﺓ ﻭﻛﺎﻡ ﻳﺠﻮﺝ ﺧﻄﺎﺑﺔ ..
- ﺑﺮﻛﺎﺕ .. ﻳﻤﺔ ﺍﺣﻤﺪ ﺍﺧﻮ ﺳﺮﻭﺓ ..
- ﺳﺮﻭﺓ .. ﺍﻟﺪﺧﺘﻮﺭ ... ﻭﻧﻌﻢ ﺍﻟﻨﺴﺐ ..
- ﺑﺮﻛﺎﺕ .. ﺍﻱ ﻳﻤﺔ ﻫﻮ ..
- ﺳﻠﻤﻰ .. ﺷﻨﻮﻭﻭ ﺑﺮﻛﺎﺕ ﺻﺪﻙ ﺗﺤﺠﻲ ﺗﻨﻄﻲ ﺑﺘﻚ ﻟﻬﺬﻭﻟﺔ ﻫﻲ ﻫﻠﺒﻨﻴﺔ ﻭﺗﺸﻤﺮﻫﺎ ﻫﻠﺸﻤﺮﺓ ﺛﻢ ﻭﻟﺪ ﺍﺧﻮﺗﻲ ﻳﺴﺪﻭﻭﻥ ﻋﻴﻦ ﺍﻟﺸﻤﺲ ﻭﺗﺮﻳﺪ ﺗﻨﻄﻴﻬﺎ ﻟﻐﺮﻳﺐ ﻣﻨﻌﺮﻑ ﻣﻨﻴﻦ ﺍﺟﻮﻧﺎ ﻻ ﻭﻓﻮﻛﺎﻫﺎ ﻓﻜﻮﺭﺓ ﺑﺘﻲ ﺑﺖ ﻋﺰ ﻣﺘﻌﻠﻤﺔ ﻋﻠﻰ ﺩﻻﻝ ﻫﻤﺔ ﻣﻼﻛﻴﻦ ﻳﺎﻛﻠﻮﻭﻥ ﻟﻮ ﻣﺎ ﺣﺴﻨﺎﺗﻚ ﺍﻟﻬﻢ ..
ﻛﺎﻡ ﺿﺮﺑﻬﺎ ﻭﺟﺮ ﺷﻌﺮﻱ ﺣﺘﻲ ﺭﺑﻄﺘﻬﺎ ﻭﻛﻌﺖ .. ﻛﺎﻣﺖ ﺗﺒﺠﻲ ﻫﻴﺠﻲ ﺑﺮﻛﺎﺕ .. ﻻﻥ ﻣﻤﺤﺘﺮﻣﺔ ﻧﻔﺴﺞ ﻣﻊ ﺍﻻﺳﻒ ﻣﺠﻨﺖ ﻣﺘﻮﻗﻊ ﺑﻴﻮﻡ ﺍﺿﺮﺑﺞ ﺑﺲ ﻗﻠﻠﺘﻲ ﺍﺣﺘﺮﺍﻣﺞ ﻟﻨﻔﺴﺞ ﻭﻣﺤﺘﺮﻣﺘﻲ ﻻ ﻭﺟﻮﺩﻱ ﻭﻻ ﻭﺟﻮﺩ ﺍﻟﺤﺠﻴﺔ ﻭﻻ ﻛﻞ ﺍﻟﻜﺎﻋﺪﻳﻦ ...
- ﺳﻠﻤﻰ .. ﺍﻱ ﺍﺧﻮﺗﻲ ﻳﺮﻳﺪﻭﻫﺎ ﻟﻮﻟﺪﻫﻢ ..
- ﺑﺮﻛﺎﺕ .. ﻣﻨﻮ ﺍﺧﻮﺗﺞ ﻣﻮ ﻫﻢ ﻉ ﺍﻳﺪﻱ ﻛﻠﻬﺎ ﻋﻄﺎﻟﺔ ﺑﻄﺎﻟﺔ ﻭﻟﻮﻣﺎ ﺷﺮﻛﺘﻲ ﻻﻣﺘﻬﻢ ﺟﺎﻥ ﺗﺮﺳﻮﺍ ﺍﻟﺪﺭﺍﺑﻴﻦ ﻭﺣﺘﻰ ﺩﺭﺍﺳﺘﻬﻢ ﻣﻔﻠﺤﻮﺍ ﺑﻴﻬﺎ ﻭﻋﻮﺩ ﻟﺨﺎﻃﺮﺝ ﻣﺸﻐﻠﻬﻢ ﺑﺲ ﺗﺪﻟﻠﻴﻦ ﺳﻠﻤﻰ ﺍﻧﺘﻲ ﺟﺒﺘﻴﻬﺎ ﺍﻟﺞ ﻭﺍﻟﻬﻢ .. ﻭﻫﺬﺍ ﺍﻟﻲ ﺗﺤﺠﻴﻦ ﻋﻠﻴﻪ ﺍﻟﻲ ﺟﺎﺏ ﻣﻌﺪﻝ ﻭﺭﺍﺡ ﻳﺼﻴﺮ ﻃﺒﻴﺐ ﻣﺤﺪ ﻣﻦ ﻋﺸﻴﺮﺗﺞ ﻟﻮ ﻗﺒﻞ 20 ﺳﻨﺔ ﺣﺼﻠﻬﺎ ﻭﻟﺪ ﻃﻤﻮﺡ ﻭﺷﺎﻏﻮﻝ ﻭﻣﺆﺩﺑﻴﻦ ﻭﺧﻠﻮﻗﻴﻴﻦ ﻋﻤﺮﻫﻢ ﻣﻜﻌﺪﻭﺍ ﺣﺘﻰ ﺍﻟﺠﻤﻌﺔ ﺍﻟﻜﻴﻬﻢ ﻛﺪﺍﻣﻲ ﻟﻮ ﻣﺎ ﻫﻤﺔ ﻭﻻﺯﻣﻴﻦ ﻇﻬﺮﻱ ﺟﺎﻥ ﻧﻬﺸﻮﻧﻲ ﺍﻟﻤﻨﻲ ﻭﺑﻴﻪ . ﺑﺘﺞ ﺭﺍﺡ ﺗﻨﺴﻌﺪ ﻭﻳﺎﻩ ﻭﺗﺼﻴﺮ ﻣﺮﺕ ﺍﻟﺪﻛﺘﻮﺭ ﻣﻮ ﺍﺣﺴﻦ ﻣﻦ ﻣﺮﺕ ﺍﻟﺨﻤﺎﺭ ﻟﻮ ﻣﺮﺕ ﺍﻟﻤﺪﻣﻦ .. ﺳﻜﺘﺖ ﻭﺩﻧﺠﺖ .. ﺍﻧﻲ ﻣﺪﺍﺑﺮﺭﻟﺞ ﻣﻮﺍﻓﻘﺘﻲ ﺣﺘﻰ ﺍﻧﺘﻲ ﺗﻘﺒﻠﻴﻦ ﻻﻥ ﺍﻧﻲ ﺧﻠﺺ ﻗﺮﺭﺕ ﻭﻭﺍﻓﻘﺖ ﻋﻠﻴﻪ ﻭﻫﺴﺔ ﻻﻥ ﻣﺤﺘﺮﻣﺘﻲ ﺍﺣﺪ ﻛﻮﻣﻲ ﺍﻋﺘﺬﺭﻱ ﻭﺍﺫﺍ ﺍﻧﻌﺎﺩ ﻫﻠﺤﺠﻲ ﻳﺎﺳﻠﻤﻰ ﻓﻤﺎ ﺍﺭﻳﺪ ﺍﻋﻴﺪ ﻭﺍﻛﻮﻟﺞ ﻣﺎﻟﺞ ﻛﻌﺪﺓ ﺍﺑﻴﺘﻲ ﺣﺎﻟﺞ ﺣﺎﻝ ﻓﺮﺣﺔ ﻣﻌﻠﻜﺔ ..
- ﺳﺮﻭﺓ ... ﻛﺎﻣﺖ ﺑﺎﺳﺘﻨﻲ ﻭﻃﻠﻌﺖ ﻣﻦ ﺍﻻﺳﺘﻘﺒﺎﻝ ..
ﺩﻙ ﺗﻠﻴﻔﻮﻧﻪ ﻏﺎﻧﻢ ..
- ﺑﺮﻛﺎﺕ ... ﻫﺎ ﺧﻮﻳﺔ .. ﻫﻠﺔ ﺑﻲ ﻳﻨﻮﺭ ﻳﺮﻳﺪﻧﻲ ﺍﻧﻲ ﺍﺟﻲ ... ﻫﺎ ﺯﻳﻦ ﻫﻼ ﺑﻴﻜﻢ ..
- ﺍﻟﺤﺠﻴﺔ .. ﻫﺎ ﻭﻟﻴﺪﻱ ﺷﻜﻮ ﺷﻴﺮﻳﺪﻭﻥ ﻣﻨﻚ ..
- ﺑﺮﻛﺎﺕ .. ﻣﺎﻋﺮﻑ ﻭﺍﻟﻠﻪ ﻳﻮﻡ ﻋﻤﻲ ﻏﺎﻧﻢ ﻳﺮﻳﺪ ﻳﺠﻲ ﻫﻮ ﻭﺍﻟﻮﻟﺪ ...
- ﺳﺮﻭﺓ .. ﻣﺎﺩﺭﻱ ﻟﻴﺶ ﺑﻄﻨﻲ ﻋﻜﺮﺗﻨﻲ ﻳﺒﻮﻭﻭ ﺟﻨﺔ ﻣﺮﺗﺎﺣﻴﻦ ﻣﺎﻛﻮ ﻣﺸﺎﻛﻞ . ﻭﺭﺓ ﻧﺺ ﺳﺎﻋﺔ ﻛﻠﻬﻢ ﺍﺟﻮﻱ ﺑﻠﺪﻳﻮﺍﻥ ﻭﻃﺒﺖ ﻓﺮﺣﺔ ﺑﺎﻻﺳﺘﻘﺒﺎﻝ . ﺍﻧﻲ ﺑﺤﻀﻨﻲ ﻓﻬﺪ ﻭﺭﺿﺎ ﻃﻠﻊ ﻭﻳﺔ ﺑﺮﻛﺎﺕ ﻭﻛﻌﺖ ﻉ ﺍﻟﺤﺠﻴﺔ ﻭﻟﻤﻴﺎﺀ ﺟﺎﻧﺖ ﻛﺎﻋﺪﺓ ﻭﻫﻢ ﺑﺎﺳﺘﻬﺎ ﻭﺑﺎﺳﺖ ﻧﺮﺟﺲ ﻫﻤﻴﻦ ... ﻫﻬﻬﻪ ﻋﺒﺎﻟﻬﺎ ﺭﺍﺡ ﺍﺿﻮﺝ ..
- ﺍﻟﺤﺠﻴﺔ .. ﻻﺯﻡ ﻣﺸﻔﺘﻲ ﺍﻡ ﻓﻬﺪ ...
- ﺳﺮﻭﺓ .. ﻻ ﻳﻤﺔ ﻋﺎﺩﻱ ﻓﺪﻭﺓ ﻟﺤﻠﻜﺞ ﺗﺨﺒﻞ ﻣﻨﺞ ﺍﻡ ﻓﻬﺪ ..
- ﺍﻟﺤﺠﻴﺔ ... ﺟﻴﺒﻠﻴﺎﻩ ﺩﺍﺑﻮﺳﻨﺔ ...
- ﺳﺮﻭﺓ .. ﻧﻄﻴﺘﻬﻴﺎ ﻟﻠﺤﺠﻴﺔ ﻭﻫﻲ ﻋﻴﻮﻧﻬﺎ ﺭﺍﺡ ﺗﻄﻠﻊ ﺟﻠﻄﺘﻬﺎ ﺑﺤﺮﻛﺎﺗﻲ ﻭﺍﺑﺘﺴﺎﻣﺎﺗﻲ ﺍﻟﺪﻧﻐﻮﺯﻳﺔ ﻫﻬﻪ ﺑﻄﻨﻬﺎ ﻛﺒﺮﺍﻧﺔ ﻭﻣﻮﺭﻣﺔ ﻫﻮﺍﺍﻳﺔ ﺻﺎﻳﺮﺓ ﺩﻋﺒﻠﺔ ﻣﺪﺭﻱ ﺳﻤﻨﺎﻧﺔ ﻉ ﺍﻟﺤﻤﻞ ..
- ﺍﻟﺤﺠﻴﺔ .. ﺷﻜﺪ ﻋﻠﻴﺞ ..
- ﺳﺮﻭﺓ .. ﻛﺎﻣﺖ ﺷﺎﻭﺭﺗﻬﺎ 8 ﺷﻬﻮﺭ ..
- ﺍﻟﺤﺠﻴﺔ .. ﻭﻟﻴﺶ ﺩﺗﺸﺎﻭﺭﻳﻨﻲ ...
- ﻓﺮﺣﺔ .. ﻣﻮ ﺍﺧﺎﻑ ﻣﻦ ﺍﻟﺤﺴﺪ ... ﻭﺗﺒﺎﻭﻉ ﻋﻠﻴﻪ ...
- ﺍﻟﺤﺠﻴﺔ .. ﻭﻣﻨﻮ ﻋﺪﻧﺎ ﻳﺤﺴﺪ ..
- ﻓﺮﺣﺔ .. ﻣﺎﻛﻮ ﻳﻤﺔ ﻣﺎﻛﻮ ﺍﻧﻲ ﺍﺣﺴﺪ ..
- ﺍﻟﺤﺠﻴﺔ .. ﺑﻴﺞ ﻭﻟﻴﺪ ﻟﻮ ﺑﻨﻴﺔ .....
- ﻓﺮﺣﺔ .. ﻣﻤﺒﻴﻦ ﻳﻤﻪ ...
- ﻟﻤﻴﺎﺀ .. ﻫﻬﻬﻬﻬﻬﻬﻬﻬﻬﻪ ﺩﻛﻮﻟﻲ ﺑﻨﻴﺔ ﻫﻲ ﻣﺎﻝ ﻣﻤﺒﻴﻦ ﻟﻮ ﻭﻟﺪ ﺟﺎﻥ ﻓﺸﺨﺘﻴﻨﺎ ﻣﻦ ﺗﻜﻮﻟﻴﻬﺎ ﻟﻮ ﻻﻥ ﺑﻨﻴﺔ ﻣﻤﺒﻴﻦ ..
- ﻓﺮﺣﺔ .. ﻫﺎ ﺷﺒﻴﺞ ﻟﻤﻴﺎﺀ ...
- ﻟﻤﻴﺎﺀ ... ﺳﻼﻣﺘﺞ ﻫﻬﻬﻬﻬﻬﻬﻬﻬﻪ ... ﻫﻲ ﻭﻧﺮﺟﺲ ﻳﺘﺒﺸﺒﺸﻦ ﻭﻳﻀﺤﻜﻦ ﻋﻠﻴﻬﺎ ...
ﻃﺐ ﺑﺮﻛﺎﺕ ﻭﺭﺓ ﺳﺎﻋﺔ ﻛﺎﻣﺖ ﺭﻛﻀﺘﻠﻪ ﺑﺎﺳﺘﻪ ﻣﻦ ﺧﺪﻩ ..
- ﻓﺮﺣﺔ .. ﺷﻠﻮﻧﻚ ﺍﺑﻮ ﻧﻤﺮ ....
- ﺳﺮﻭﺓ .. ﻭﻫﺬﻧﻲ ﻣﺴﻜﺘﻦ ﺧﺮﺑﻦ ﺿﺤﻚ ....
- ﻟﻤﻴﺎﺀ . ... ﻫﻬﻬﻬﻪ ﺍﻟﻨﻮﺑﺔ ﻧﻤﺮ ﺷﻨﻮ ﺍﻟﺴﺎﻟﻔﺔ ﺭﺍﺡ ﻧﻌﻴﺶ ﺑﻐﺎﺑﺔ ... ﺷﺨﺒﺎﺭﻙ ﺍﺑﻮ ﻧﻤﺮ ...
- ﻧﺮﺟﺲ .. ﻋﻔﻴﺔ ﺑﻘﺔ ﺑﺲ ﺍﻻﺳﺪ ﺧﻠﻲ ﺍﻣﻲ ﺗﺨﻠﻔﻠﻚ ﺍﻻﺳﺪ ...
- ﺳﺮﻭﺓ ... ﻫﻬﻬﻪ ﺻﺪﻙ ﺿﺤﻜﻨﻲ ... ﻟﺒﺴﺘﻬﻦ ﻭﻛﺎﻣﺖ ﺑﺎﺳﺘﻪ ﻣﻦ ﺧﺪﻩ ﻭﻻﺯﻣﺘﻪ ﻣﻦ ﺧﺼﺮﻩ ﻭﻣﺘﻘﺒﻞ ﺗﻮﺧﺮ ﻭﺍﻧﻲ ﺍﻟﻨﺎﺭ ﺻﻌﺪﺕ ﻟﻌﻴﻮﻧﻲ ﻣﺪﺍﻛﺪﺭ ﺍﺑﺎﻭﻉ ﻓﺮﺕ ﻣﻦ ﺍﻟﻤﻨﻈﺮ ﻣﺪﺗﻮﺧﺮ ﻭﻫﻮ ﻋﺎﺟﺒﺘﻪ ﺍﻟﺴﺎﻟﻔﺔ ﻭﻻ ﻭﺧﺮﻫﺎ ﺍﻧﺪﺍﺭﻳﺖ ﻉ ﺍﻟﺤﺠﻴﺔ ﻓﻬﻤﺘﻨﻲ ... ﺭﺍﺡ ﻛﻌﺪ ﻳﻤﻬﺎ ﺩﻳﺸﻴﻞ ﻓﻬﺪ ..
- ﺍﻟﺤﺠﻴﺔ .. ﺭﻭﺡ ﺍﺑﻮ ﻧﻤﺮ ﺍﻟﺠﻤﺎﻋﺔ ﻣﺤﺘﺎﺟﻴﻚ ...
- ﺳﺮﻭﺓ .. ﻗﺼﻔﺘﻪ ﺍﻟﺤﺠﻴﺔ ﻋﺎﺷﺖ ﺍﻳﺪﺝ ﻳﻤﻪ .... ﺑﺎﻭﻉ ﻋﻠﻴﻬﺎ ﻭﺩﻧﺞ ﺷﻌﺪﻩ ﻋﻤﻚ ﻭﻭﻟﺪ ﻋﻤﻚ ﺍﺟﻮﻱ ..
- ﻓﺮﺣﺔ .. ﺭﺟﻌﻮﻧﻲ ﻳﻤﻪ ﻣﺪﺍﻛﺪﺭ ﺍﻋﻴﺶ ﺑﻼ ﺑﺮﻛﺎﺕ ﻣﺪﺍﻧﺎﻡ ﺍﻟﻠﻴﻞ ﻭﻫﺮﻣﻮﻧﺎﺕ ﺍﻟﺤﻤﻞ ﻣﺄﺫﻳﺘﻨﻲ ﻛﻠﺶ ﺗﻬﻴﺞ ﻋﻠﻴﻪ ﺑﻠﻴﻞ ﻣﺘﺨﻠﻴﻨﻲ ﺍﻧﺎﻡ ...
- ﺳﺮﻭﺓ .. ﻃﺒﻌﺎ ﺗﺤﺠﻲ ﻭﺗﺘﻤﻮﻉ ﻭﺍﺣﻨﺔ ﻧﻌﻮﺝ ﺑﺤﻠﻜﻨﺎ ﻣﻦ ﺗﺤﺠﻲ ﻭﻧﺮﺟﺲ ﺗﺄﺷﺮ ﺑﺄﻳﺪﻳﻬﺎ ﻣﺜﻠﻬﺎ ﻭﺗﻀﺤﻚ ﺻﻨﻔﻨﻬﺎ ﺗﺼﻨﻴﻒ ﻭﻫﻲ ﺗﺒﺎﻭﻉ ﻋﻠﻴﻬﻦ ﻭﻻ ﺩﺍﻳﺮﺗﻠﻬﻦ ﺑﺎﻝ ...
- ﺍﻟﺤﺠﻴﺔ .. ﺍﻱ ﻳﻤﺔ ﻭﻻﺯﻡ ﻧﺴﻴﺘﻲ ﺍﻟﻲ ﺳﻮﻳﺘﻲ ﺍﻧﺘﻲ ﻭﺍﻟﻌﻜﺮﺏ ﺍﻟﺦ ﺑﺘﻲ ...
- ﻓﺮﺣﺔ .. ﺷﻜﺮﺍ ﻳﻤﺔ ﻳﻌﻨﻲ ﺍﻧﻲ ﻫﻢ ﻋﻜﺮﺏ ..
- ﺍﻟﺤﺠﻴﺔ .. ﻃﺒﻌﺎ ﺍﻧﺘﻲ ﻭﺍﻣﺞ ﻭﺳﻨﻴﻮﺓ ﺍﻟﻜﺸﺮﺓ ﺭﺍﺿﻌﺔ ﻭﻳﺔ ﺍﻟﺒﺰﺍﺯﻳﻴﻦ ﺗﺎﻛﻞ ﻭﺗﻨﻜﺮ ..
- ﻓﺮﺣﺔ .. ﻋﻔﺎ ﺍﻟﻠﻪ ﻋﻤﺎ ﺳﻠﻒ ﻏﻠﻄﺖ ﻭﺍﻋﺘﺮﻑ ...
- ﺍﻟﺤﺠﻴﺔ .. ﻭﻫﺎﻱ ﺍﻟﻤﻜﺮﻭﺩﺓ ﺍﻟﻲ ﺟﺎﻥ ﺭﺍﺣﺖ ﺑﻴﻬﺎ ﻫﻲ ﻭﺍﺑﻨﻬﺎ ﻣﻦ ﻭﺭﺍﺟﻦ ..
- ﻓﺮﺣﺔ ... ﻭﺷﺪﻋﻮﺓ ﻫﻲ ﻣﺘﺤﺠﻲ ﻭﺗﻜﻮﻝ ﺣﺎﻣﻞ ..
- ﺑﺮﻛﺎﺕ .. ﻳﻌﻨﻲ ﺑﻜﻞ ﻋﻴﻦ ﺻﻠﻔﺔ ﻛﺎﻋﺪﺓ ﻭﺗﺮﺍﺩﺩﻳﻦ ﺑﻠﺤﺠﻲ ﻋﺒﺎﻟﺞ ﻧﺴﻴﺖ ﺍﻟﻲ ﺳﻮﻳﺘﻲ ﻛﻮﻣﻲ ﺭﺟﻌﻲ ﻭﻳﺔ ﺍﺑﻮﺝ ﻭﺍﺧﻮﺗﺞ ﻣﺎﻋﻨﺪﻱ ﻣﺮﺓ ﻏﻴﺮ ﺳﻠﻤﻰ ﻭﺳﺮﻭﺓ ﻭﺍﻧﺘﻲ ﻣﺘﺼﻴﺮﻟﻲ ﻣﺮﺓ ﺍﻟﻲ ﻳﺮﺑﻄﻨﻲ ﺑﻴﺞ ﺍﺍﻱ ﺍﺑﻄﻨﺞ ...
- ﻓﺮﺣﺔ .. ﻻ ﻋﻔﻴﺔ ﺑﺮﻛﺎﺕ ...
- ﺑﺮﻛﺎﺕ .. ﺷﻮﻓﻲ ﻳﺎ ﺑﺖ ﻋﻤﻲ ﺍﻧﺘﻲ ﻣﺼﻴﺮﻟﺞ ﺟﺎﺭﺓ ﻋﺒﺎﻟﺞ ﻗﺒﻠﺖ ﻭﺷﻔﺘﻴﻨﻲ ﺳﺎﻛﺖ ﻋﺒﺎﻟﺞ ﻗﺎﺑﻞ ﻋﻠﻰ ﻛﻼﻥ ﺍﻟﺘﺒﻦ ﺍﻟﻲ ﺩﺗﺎﻛﻠﻲ ﻋﻮﺩ ﻻﻥ ﺣﺎﻣﻞ ﻻﺯﻡ ﺍﺳﻜﺖ .. ﻻ ﻭﺍﻧﻲ ﺩﺍﺷﻮﻑ ﻋﻴﻨﺞ ﺍﻟﻜﻮﻳﺔ ﺑﻌﺪﻫﺎ ﻛﻠﺖ ﺍﺫﺍ ﺍﻧﻌﺪﻟﺘﻲ ﺍﺑﻘﻴﺞ ﺑﺲ ﻣﻊ ﺍﻻﺳﻒ ﺯﺩﺗﻲ ﻣﻨﻜﺼﺘﻲ ﻛﻮﻣﻲ ﻳﺎﺑﺖ ﺍﻟﻨﺎﺱ ﺍﻫﻠﺞ ﻳﻨﺘﻈﺮﻭﺝ ﺧﻠﻲ ﻟﻨﻔﺴﺞ ﻛﺮﺍﻣﺔ ﻭﻛﻮﻣﻲ ...
- ﻓﺮﺣﺔ .. ﻣﺎﻃﻠﻊ ﻣﻨﺎ ﻫﺬﺍ ﺑﻴﺘﻲ ﻭﺑﻴﺖ ﺍﺑﻨﻲ ...
- ﺑﺮﻛﺎﺕ .. ﺍﺻﻴﺢ ﺍﺑﻮﺝ ﻳﺠﻲ ﻳﺎﺧﺬﺝ ...
- ﻓﺮﺣﺔ ﻻ ﻋﻔﻴﺔ ﺑﺮﻛﺎﺕ ..
- ﺑﺮﻛﺎﺕ .. ﻛﺎﻓﻲ ﺑﺖ ﻋﻤﻲ ﺗﻬﻴﻨﻴﻦ ﺑﻨﻔﺴﺞ ﺍﻧﺘﻲ ﺑﺖ ﺷﻴﺦ ﺣﺪﻱ ﻭﻳﺎﺝ ﻟﺤﺪ ﻣﺎﺗﺠﻴﺒﻴﻦ ﺍﻟﻲ ﺻﺎﺭ ﻣﻨﺞ ﻫﻮﺍﺍﺍﻱ ﻭﻣﺎﻳﻨﺴﻲ ﻭﺍﻧﺖ ﻣﺪﺗﻌﺮﻓﻴﻦ ﺍﻟﻠﻪ ﺣﻖ ... ﺍﺧﺬ ﺍﺑﻨﻲ ﻣﻨﺞ ﻭﺑﻌﺪﺝ ﺻﻐﻴﺮﺓ ﻭﺍﻟﺤﻴﺎﻩ ﻛﺪﺍﻣﺞ ...
- ﺳﺮﻭﺓ ... ﺟﺮﺕ ﻋﺒﺎﺗﻬﺎ ﻭﻃﻠﻌﺖ .. ﻏﺮﺗﻬﺎ ﺍﻟﺪﻧﻴﺎ ﺑﺖ ﺷﻴﺦ ﻣﺤﺘﺮﻣﺖ ﺍﺣﺪ ﻋﺒﺎﻟﻬﻦ ﺍﻟﻨﺎﺱ ﻳﺸﺘﻐﻠﻮﻭﻥ ﻋﺪﻫﻦ ﻭﻻ ﺍﺣﺘﺮﻣﺖ ﺭﺟﻠﻬﺎ ﻭﻻ ﻫﺎﺑﺘﻪ ﻻﻥ ﺗﺪﺭﻱ ﺑﺄﺑﻮﻫﺎ ﻳﺘﺼﺮﻑ ﺻﻠﻔﺔ ﻭﻇﻠﺖ ﺗﺴﻤﻊ ﺣﺠﻲ ﺍﻣﻬﺎ ﻭﺍﺧﺘﻬﺎ ﻭﻣﺮﺍﻋﺖ ﻣﺸﺎﻋﺮ ﺍﻱ ﺍﺣﺪ ﺟﺎﻧﺖ ﺗﺼﺮﻑ ﺑﺮﻋﻮﻧﺔ ﻭﺟﺒﺮﻭﺕ ﻏﻨﻰ ﻭﺻﻴﻂ ﻭﺳﻠﻄﺔ ﺑﺲ ﻣﺤﺴﺒﺖ ﺍﻧﻮ ﻣﻮ ﺍﻟﻜﻞ ﺭﺍﺡ ﻳﺮﺿﺨﻮﻭﻥ ﻻﻱ ﺍﺣﺪ ﻭﺑﺮﻛﺎﺕ ﻣﻦ ﺍﻟﻨﻮﻉ ﺷﻜﺪ ﻣﺘﻌﻠﻖ ﺑﻌﻤﻪ ﻭﻃﻤﻮﻋﻪ ﻏﻠﺒﻪ ﺑﻠﺒﺪﺍﻳﺔ .. ﻭﻣﻜﺪﺭﺕ ﺗﺴﻴﻄﺮ ﻋﻠﻴﻪ ﺭﺟﺎﻝ ﺻﺎﺣﺐ ﻧﺨﻮﺓ ﻭﻏﻴﺮﺓ ﻭﻃﻴﺒﺔ ﻛﻠﺐ ﻭﺍﺧﻼﻕ ﺟﺪﺍ ﻋﺎﻟﻴﺔ ....
ﺩﺯ ﺧﺒﺮ ﻻﻫﻠﻲ ﻣﻮﺍﻓﻖ ﻳﺨﻄﺒﻮﻥ .. ﺍﺑﻮﻳﺔ ﻇﻞ ﻉ ﺗﻮﺍﺻﻞ ﻭﻳﺔ ﻭﻟﺪ ﺍﺧﻮﻩ ﻣﻦ ﻭﻛﺘﻬﺎ ﻭﺑﻴﻮﻡ ﺧﺎﺑﺮﻭ ﻭﺭﺍﺩﻭﺍ ﻳﺠﻮﻥ ﻭﺑﺮﻛﺎﺕ ﻛﻠﺶ ﺿﺎﺝ ... ﻻﻥ ﺟﺎﻧﻮ ﻳﺮﻳﺪﻭﺝ .. ﻳﻤﻌﻮﺩ ﻏﻴﺮ ﻣﺠﺎﻧﻮﺍ ﻳﻌﺮﻓﻮﻥ ﺑﻴﻚ ﺍﻧﺖ ﺍﻟﺮﻭﺡ ﻭﺍﻟﺮﻳﺔ ...
ﻓﺪﻭﺓ ﻻﻡ ﻓﻬﺪ ... ﺗﺴﻠﻢ ﺑﺮﻛﺎﺗﻲ .... ﻗﺮﺭﻭﺍ ﻳﺠﻮﻥ ﻭﺑﺮﻛﺎﺕ ﻫﻢ ﻗﺮﺭ ﻳﺴﺘﻘﺒﻠﻬﻢ ﻭﻫﻠﻤﺮﺓ ﻋﻤﺎﺗﻲ ﻫﻢ ﺟﺎﺍﻳﺎﺕ ﺍﺳﺘﻘﺒﻠﻬﻢ ﺍﺳﺘﻘﺒﺎﻝ ﻳﺨﺒﻞ ﻳﻌﻨﻲ ﻓﻌﻼ ﺍﺑﻦ ﺷﻴﻮﺥ ﻭﺍﺑﻦ ﺣﻤﻮﻟﺔ ﻭﺍﺑﻦ ﻃﻴﺐ ﻭﺍﺻﻞ ﻭﺷﺒﻌﺎﻥ ﻋﻴﻦ ﻭﺳﻮﻭﻭﺓ ﻋﺰﻳﻤﺔ ﻟﻠﺴﺘﺎﺭ ﻣﺠﻨﺖ ﻣﺘﻮﻗﻌﺔ ﻫﻠﻜﺪ ﻧﻔﺴﻪ ﻃﻴﺒﺔ ﻣﻮ ﺑﺲ ﻭﻳﺎﻳﺔ ﻭﻳﺔ ﺍﻟﻌﺎﻟﻢ ﻛﻠﻬﺎ ﻧﺎﺱ ﺍﻫﻞ ﺧﻴﺮ ...
ﺩﺧﻠﻮﺍ ﻭﻻﻭﻝ ﻣﺮﺓ ﺑﻌﺪ 24 ﺳﻨﺔ ﻳﻠﺔ ﺷﺎﻓﻨﻲ ﺍﻧﻲ ﻭﺍﺧﻮﺗﻲ ﻳﺒﻮﺳﻦ ﻭﻳﺒﺠﻦ ﺳﻠﻤﺖ ﻋﻠﻴﻬﻦ ﺍﻣﻲ ﻙ
ﻛﻠﺶ ﺿﺎﺟﺖ ﻭﻛﻌﺪﻧﺎ ﺳﻮﺍﻟﻒ ﻭﺑﻮﺳﻦ ﻓﻬﺪ ﻭﺭﺿﺎ ﻭﻛﺎﻥ
ﻣﻦ ﻳﺤﺠﻦ ﺑﻠﻌﺮﺑﻲ ﺍﺣﺘﺮﺍﻣﺎ ﻟﻠﻜﺎﻋﺪﻳﻦ ﻛﻠﻬﻢ ﺍﺣﻨﺔ ﻧﻌﺮﻑ ﻧﺤﺠﻲ ﺑﺲ ﻣﻮ ﺑﻄﻼﻗﺔ .. ﺳﺎﻣﺎﻥ ﺑﺪﺓ ﻳﺤﺠﻲ ﻭﻳﺔ ﺍﺑﻮﻳﺔ ﺍﻟﻲ ﺍﻓﺘﻬﻤﺘﻪ ﻋﻠﻤﻮﺩ ﺍﻟﻮﺭﺙ .. ﻋﻤﻲ ﻗﺒﻞ ﻟﻴﻤﻮﺕ ﻗﺮﺭ ﻳﻜﺘﺐ ﻧﺺ ﺍﻣﻼﻛﻪ ﻛﻠﻬﻦ ﻻﺑﻮﻳﺔ ... ﻛﺎﻳﻠﻠﻬﻢ ﻻﻥ ﺣﺮﻣﺘﻪ ﻣﻦ ﺣﻘﺔ ﻭﻟﻮ ﺟﺎﻥ ﻣﻮﺟﻮﺩ ﺟﺎﻥ ﻫﻢ ﻛﺒﺮ ﺗﺠﺎﺭﺗﻪ ﺍﺑﻮﻳﺔ ﻣﻘﺒﻞ ﺑﻠﺒﺪﺍﻳﺔ ﻭﻋﻤﺎﺗﻲ ﻟﺤﻦ ﻋﻠﻴﻪ ﻭﺟﺎﻧﻮ ﺟﺎﻳﺒﻴﻦ ﻭﻳﺎﻫﻢ ﺻﻚ ﺑﻤﺒﻠﻎ ﻣﻬﻮﻝ ﺍﺑﻮﻳﺔ ﺑﻘﻰ ﻳﺒﺠﻲ ﻭﺳﺎﻣﺎﻥ ﻭﺭﻳﺒﻮﺍﺭ ﻇﻠﻮ ﻳﺒﻮﺳﻮﻥ ﺑﻲ ﻭﻳﻌﺘﺬﺭﻭﻥ ﻣﻨﻪ .. ﺍﻧﻲ ﺩﻣﻮﻋﻲ ﻣﻮ ﻭﻛﻔﺖ ﺗﺬﻛﺮﺕ ﻛﻞ ﺗﻌﺐ ﺍﺑﻮﻳﺔ ﺍﻟﻲ ﺭﺍﺡ ...
ﺍﻧﺪﺍﺭ ﺑﺮﻛﺎﺕ ..
- ﺑﺮﻛﺎﺕ .. ﺍﻱ ﺩﻛﺎﻓﻲ ﻣﻮ ﺣﺘﻰ ﺩﻣﻮﻉ ﻣﺒﻘﺖ ﻋﺪﺝ .. ﻋﻮﺩ ﻣﻦ ﺍﻣﻮﺕ ﻫﻢ ﺗﺒﺠﻴﻦ ﻋﻠﻴﻪ ..
- ﺳﺮﻭﺓ . ﺍﺳﻢ ﺍﻟﻠﻪ ﻋﻠﻴﻚ ﻳﻮﻣﻲ ﻗﺒﻞ ﻳﻮﻣﻚ ﺍﺑﻮ ﻓﻬﺪ ﻳﺎﺭﺍﻓﻊ ﺭﺍﺳﻲ ﺑﻜﻞ ﻭﻛﺖ ﺣﺒﻴﺒﻲ ﺑﻘﻮﺍ 3 ﺍﻳﺎﻡ ﻭﺑﻠﻜﻮﺓ ﺭﺍﺣﻮﺍ ﺍﻟﻜﻞ ﺟﺎﻥ ﻣﺠﻠﺐ ﺑﻴﻬﻢ .. ﺍﻟﺤﺠﻴﺔ ﺣﻤﻠﺘﻬﻢ ﺻﻮﻏﺎﺕ ﻭﺑﺮﻛﺎﺕ ﻫﻢ ﻛﻮﻣﺔ ﺣﻤﻠﻬﻢ ﺍﺑﻮﻳﺔ ﺑﻘﻰ ﻳﺘﺼﻔﻦ ...
- ﺑﺮﻛﺎﺕ .. ﻫﺎﻱ ﻋﻤﻲ ﻟﺘﺪﻭﺥ ﺣﻘﻚ ﻭﺭﺟﻌﻠﻚ ﺭﺑﻚ ﻛﺎﻓﺌﻚ ﻉ ﻗﻨﺎﻋﺘﻚ ﻭﺭﺿﺎﻳﺘﻚ ﺑﻌﻴﺸﺘﻚ ﺍﻧﺖ ﻭﺍﻫﻞ ﺑﻴﺘﻚ ﻭﺭﺏ ﺍﻟﻌﺎﻟﻤﻴﻦ ﻋﻴﻨﻪ ﻉ ﻋﺒﺎﺩﻩ ﻭﻟﻮ ﺑﻌﺪ ﺣﻴﻦ ... ﺍﺑﻮﻳﺔ ﻗﺮﺭ ﻳﻘﺴﻢ ﻛﻠﺸﻲ ﻣﻦ ﺍﻟﺒﺪﺍﻳﺔ ﺑﻴﻨﻲ ﻭﺑﻴﻦ ﺍﺧﻮﺗﻲ ... ﺑﺮﻛﺎﺗﻲ ﻣﻘﺒﻞ ﺳﺮﻭﺓ ﻣﺴﺆﻭﻟﺔ ﻣﻨﻲ ﻋﻤﻲ ﻭﺍﻥ ﺷﺎﺀﺍﻟﻠﻪ ﻣﺎﻗﺼﺮ ﻭﻳﺎﻫﺎ ... ﺑﺲ ﺍﺑﻮﻳﺔ ﺍﺻﺮ ﻭﻗﺴﻢ ﻭﺍﻟﺒﺎﻗﻲ ﺍﺷﺘﺮﺓ ﺑﻴﺖ ﺍﻟﻪ ﻭﻻﻣﻲ ﻗﺮﻳﺐ ﻋﻠﻰ ﺑﻴﺖ ﺍﻟﺤﺠﻴﺔ .. ﻭﺍﺧﻴﺮﺍ ﺍﻣﻲ ﻭﺍﺑﻮﻳﺔ ﺍﺭﺗﺎﺣﻮﺍ ﻭﻋﺎﺷﻮﺍ ﺣﻴﺎﺗﻬﻢ ﺷﻜﺪ ﺗﻌﺒﻮﺍ ﺑﺲ ﺭﺏ ﺍﻟﻌﺎﻟﻤﻴﻦ ﺷﻜﺪ ﻛﺮﻳﻢ ﻭﻳﺎﻫﻢ ﻭﺷﻜﺪ ﺟﺎﻧﻮﺍ ﻣﺤﺘﺎﺟﻴﻦ ﺍﺧﺮ ﻓﺘﺮﺓ ﺑﺲ ﻫﺴﺔ ﻏﻴﺮ ﻻﻥ ﻣﻦ ﻓﻠﻮﺳﻪ ﻭﺣﻘﻪ ﺍﻟﺮﺟﻌﻠﻪ ﺟﺎﻥ ﻳﺪﻧﺞ ﺭﺍﺳﻪ ﺳﻮﺩﺓ ﺗﻠﻴﻪ ﺑﺲ ﻫﺴﺔ ﻻ ﺭﺍﺳﻪ ﻣﺮﻓﻮﻋﺔ ﺭﺍﺣﻮﺍ ﻟﻠﺤﺞ ﻫﻮ ﻭﺍﻣﻲ ﻭﺍﺣﻤﺪ ﻛﻤﻞ ﻣﺮﺣﻠﺔ ﺭﺍﺑﻌﺔ ﺑﻘﺖ ﺳﻨﺔ ﻭﻳﺘﺨﺮﺝ ﺗﺰﻭﺝ ﻧﺮﺟﺴﺔ ﻭﺻﺎﺭ ﻋﺪﻫﻢ ﻋﻠﻲ ﻭﻧﻮﺭ .. ﻭﻧﺮﺟﺴﺔ ﻛﻤﻠﺖ ﺍﺩﺍﺏ ﺍﻧﻜﻠﻴﺰﻱ ﻭﻛﻌﺪﺕ ﺑﻠﺒﻴﺖ ﻭﻟﻤﻴﺎﺀ ﻫﻢ ﺗﺨﺮﺟﺖ ﻭﺟﺎﺑﺖ ﻋﻠﻴﺎﺀ ﻭﺳﻴﻤﺎﺀ ﻭﺍﺧﺮ ﺍﻟﻌﻨﻘﻮﺩ ﺣﺴﻴﻦ ﻭﺻﻔﺎﺀ ﺯﻭﺟﺖ ﺍﺑﻨﻬﺎ ﺍﻟﺠﺒﻴﺮ ﻟﺒﺖ ﺩﻋﺎﺀ ﻭﺩﻋﺎﺀ ﻫﻢ ﺯﻭﺟﺖ ﺍﺑﻨﻬﺎ ﺑﺲ ﻏﺮﻳﺒﺔ ﻣﻘﺒﻞ ﻛﺮﺍﺍﺍﺍﻳﺐ ﻭﺳﻨﺎﺀ ﺷﻜﺪ ﺣﺎﻭﻟﺖ ﺗﺠﻲ ﺍﻟﺤﺠﻴﺔ ﻣﺘﻘﺒﻞ ﻭﺗﻄﺮﺩﻫﺎ ﺣﺘﻰ ﺑﺮﻛﺎﺕ ﻣﺠﺎﻥ ﻳﻘﺒﻞ ﺗﺮﺟﻊ ﺑﺲ ﻣﺘﻮﺍﺻﻠﺔ ﻭﻳﺔ ﺧﻮﺍﺗﻬﺎ ..
بيج قصص عراقيه حقيقيه من واقعنا.روعه الطائي
ﺭﺿﺎ ﻋﻴﻨا ﺗﻤﻴﻢ ﺍﻟﻠﻪ ﻳﺮﺣﻤﻪ ﻧﺴﺨﺔ ﻣﻨﻪ ﻭﻓﻬﺪ ﻣﻌﺰﺗﻪ ﻏﻴﺮ ﺷﻜﻞ ﻣﻊ ﺍﻟﻌﻠﻢ ﺟﺒﺖ ﻭﺭﺍﻩ ﻻﻧﺔ ﻭﺭﺍﻫﺎ ﺑﺴﻨﺘﻴﻦ ﺟﺒﺖ ﻣﺤﻤﺪ ... ﻓﺮﺣﺔ ... ﺍﻟﻄﻔﻠﺔ ﻃﻠﻌﺖ ﻣﻴﺘﻪ ﺍﺑﻄﻨﻬﺎ ﻭﺍﻟﺤﺠﻴﺔ ﺗﻜﻮﻝ ﻫﻲ ﻛﺘﻠﺘﻬﺎ ﺑﺖ ﻓﻀﻴﻠﺔ ﺑﺮﻛﺎﺕ ﻃﻠﻜﻬﺎ ﻭﺭﺓ ﺳﻨﺔ ﺗﻘﺮﻳﺒﺎ ﺗﺰﻭﺟﺖ ﺍﺑﻦ ﺧﺎﻟﻬﺎ ﻭﺭﺍﺣﺖ ﻋﺎﺷﺖ ﺍﺑﻐﺪﺍﺩ ﻭﻟﺤﺪ ﺍﺧﺮ ﺷﻲ ﺳﻤﻌﺖ ﻣﻦ ﺧﺘﺎﻡ ﻣﺼﺎﺭ ﻋﺪﻫﺎ ﺍﻃﻔﺎﻝ .. ﺳﻠﻤﻰ ﻇﻠﺖ ﻧﻔﺲ ﻋﺎﺩﺗﻬﺎ ﺯﻳﺎﺭﺍﺕ ﻭﻃﻠﻌﺖ ﻭﺍﻟﻲ ﺯﺍﺩ ﻧﺮﺟﺲ ﻭﺟﻬﺎﻟﻬﺎ ﺟﺎﻧﺖ ﺗﻀﻞ ﻳﻤﻬﺎ ﺑﻼﺳﺎﺑﻴﻊ ﻭﻛﻌﺪﺕ ﺗﺮﺑﻴﻠﻬﺎ ﺟﻬﺎﻟﻬﺎ ... ﻭﺍﻟﺤﺠﻴﺔ ﻣﻮ ﻣﺜﻞ ﻗﺒﻞ ﺻﺤﺘﻬﺎ ﻭﻛﻞ ﻓﺠﺮﻳﺔ ﺍﺣﺲ ﻋﻠﻰ ﻭﻧﻴﻨﻬﺎ ﻋﻠﻰ ﻭﻟﺪﻫﺎ ﺣﺎﻃﺔ ﺻﻮﺭﻫﻢ ﻉ ﺍﻟﺴﺠﺎﺩﺓ ﻭﺗﺼﻠﻲ ﻭﺗﺒﺠﻲ ﻋﻠﻴﻬﻢ ﺍﺑﺪ ﻣﺎﻋﻮﻓﻬﺎ ﻭﺣﺪﻫﺎ ﺍﻟﻨﻬﺎﺭ ﻛﻠﻪ ﺍﻟﺠﻬﺎﻝ ﺑﻐﺮﻓﺘﻬﺔﺣﺘﻰ ﺗﻨﺴﻰ ﺷﻮﻳﺔ .. ﺳﻼﻡ .. ﺍﺣﻤﺪ ﺩﺍﺋﻤﺎ ﻳﺮﻭﺡ ﻟﺒﻐﺪﺍﺩ ﻭﺳﻤﻊ ﺳﻼﻡ ﻣﺘﺰﻭﺝ ﺳﻤﺎ ﻭﻣﺎﺧﺬﻫﺎ ﻭﻃﺎﻟﻊ ﻟﺘﺮﻛﻴﺎ ﻳﺮﻳﺪ ﻳﺴﺘﻘﺮ ﻭﻣﻴﻘﺒﻞ ﻳﺮﺟﻊ ﻭﺍﻣﻪ ﺍﻟﻨﻬﺎﺭ ﻛﻠﻪ ﻛﺎﻋﺪﺓ ﺑﻠﺒﺎﺏ ﻻﻥ ﺍﻟﺒﻴﺖ ﻓﺮﻍ ﻋﻠﻴﻬﺎ ﻭﻣﺤﺪ ﺑﻘﺔ ﻳﻤﻬﺎ ....
ﻭﺑﺮﻛﺎﺕ ﻳﺎ ﺑﺮﻛﺎﺗﻲ ﺩﻧﻴﺎ . ﺩﻧﻴﺎ ﺟﺎﻧﺖ ﻏﺎﻳﺒﺔ ﻋﻨﻲ ﻭﻟﻜﻴﺘﻬﺎ ﺳﺒﺤﺎﻥ ﺍﻟﻠﻪ ﻋﺸﺖ ﻋﻤﺮﻱ ﻛﻠﻪ ﺍﺧﻄﻂ ﻟﺪﺭﺍﺳﺘﻲ ﻭﻣﺴﺘﻘﺒﻠﻲ ﻭﻭﻇﻴﻔﺔ ﻭﺗﻌﻴﻴﻦ ﺣﺘﻰ ﺍﻋﻴﻦ ﺍﻫﻠﻲ ﺑﺲ ﺭﺑﻲ ﻗﺎﺳﻤﻠﻲ ﺍﻻﺣﺴﻦ ﻋﺸﺖ ﻋﻤﺮﻱ ﻛﻠﻪ ﺍﺷﺘﻐﻞ ﻋﻠﻰ ﺣﻠﻢ ﻣﻌﺮﻓﺖ ﺍﺣﻘﻘﻪ ﺑﺲ ﺍﻟﻤﻜﺘﻮﺏ ﻣﺎﻣﻨﻪ ﻣﻬﺮﻭﺏ ﺍﻛﻴﺪ ﺭﺑﻲ ﺭﺍﻳﺪﻟﻲ ﺍﻻﺻﻠﺢ .. ﺍﻟﻲ ﺗﻤﻨﻴﺘﻪ ﺑﻌﻘﻠﻲ ﻭﺑﻜﻠﺒﻲ ﺗﺠﺴﺪ ﺑﺒﺮﻛﺎﺕ ﻣﻦ ﻳﻮﻡ ﺍﻟﻲ ﺷﻔﺘﻪ ﺍﺭﺗﻮﺕ ﺳﻨﻴﻦ ﻋﻤﺮﻱ ﺍﻟﻲ ﺟﺎﻧﺖ ﺿﻤﺎﻧﺔ ﺑﺄﺣﻠﻰ ﺍﻳﺎﻣﻬﺎ ﺑﺲ ﺑﺸﻮﻓﺔ ﻋﻴﻮﻧﻪ ﺍﺣﺘﻴﻴﻴﻦ ﺳﻨﺪﻱ ﻭﺍﻣﺎﻧﻲ ﻭﺭﻭﺣﻲ ﺍﻟﻲ ﺍﻣﺘﻠﻜﻬﺎ ﺑﺮﻛﺎﺕ ... ﻋﺸﺖ ﻭﻳﺎﻩ ﺻﺎﺭ 10 ﺳﻨﻮﺍﺕ ﻣﺘﺰﻭﺟﻴﻦ ﻭﺍﺣﻠﻰ ﺍﻳﺎﻣﻲ ﻭﻳﺎﻩ .. ﺗﻜﺎﺩ ﻻ ﺗﺨﻠﻮﺍ ﻣﻦ ﺑﻌﺾ ﺍﻟﻬﻔﻮﺍﺕ ﺍﻛﻴﺪ ﻛﺤﺎﻝ ﺍﻱ ﺑﻴﺖ ﻣﻴﻤﺸﻲ ﺑﺪﻭﻥ ﻣﺸﺎﻛﻞ ﺑﺲ ﺣﺒﻴﺒﻲ ﻗﺒﻞ ﻟﺘﺘﺄﺯﻡ ﺍﻟﺴﺎﻟﻔﺔ ﻳﺘﻼﻓﺎﻫﺎ ﺣﺘﻰ ﻟﺘﻜﺒﺮ ﺑﺤﻜﻤﺘﻪ ﻭﻋﻘﻠﻪ ....
ﻟﻬﻨﺎ ﻭﺍﻧﺘﻬﺖ ﺣﻜﺎﻳﺘﻲ ﻭﺍﺗﻤﻨﻰ ﻳﻮﺻﻠﻠﻜﻢ ﺍﻟﻲ ﺣﺴﻴﺖ ﺑﻲ ﻭﻋﺸﺘﻪ ﻭﻋﺎﻧﻴﺘﻪ ﻭﻛﻞ ﺍﻟﻲ ﻣﺮﻳﺖ ﺑﻲ .. ﺍﺗﻤﻨﻰ ﺍﺳﺘﻤﺘﻌﺘﻮﺍ ﺑﻘﺼﺘﻲ ﻭﺍﺳﺘﻔﺪﺗﻮ ﻣﻨﻬﺎ ﺷﻜﺮﺍ ﻭﺗﺤﻴﺎﺗﻲ ﺍﻟﻜﻢ .....
ﺍﺗﻤﻨﻰ ﺍﻛﻮﻥ ﻛﻔﻴﺖ ﻭﻭﻓﻴﺖ ﻭﺗﻜﻮﻥ ﻗﺼﺘﻲ ﻋﺠﺒﺘﻜﻢ ..
وئام البياتي