بارت15
- ﺳﺮﻭﺓ .. ﻋﻼﻗﺘﻨﺎ ﺑﻌﻤﻲ ﻣﻜﻄﻮﻋﺔ ﻭﺳﻤﻌﻨﺎ ﻣﻦ ﻋﻤﺘﻲ ﻗﻤﺮ ﺍﻟﻲ ﻃﻠﻌﺖ ﺑﺮﺓ ﻫﻲ ﻭﻋﺎﺋﻠﺘﻬﺎ .. ﺍﻧﻮ ﻫﻮ ﻣﺮﻳﺾ ﻭﻫﻲ ﺟﺎﻳﺔ ﻟﻠﻌﺮﺍﻕ ﺩﺗﺸﻮﻓﻪ ﻭﻃﻠﺒﺖ ﺗﺸﻮﻓﻨﺎ ﻭﺗﺸﻮﻑ ﺍﺑﻮﻳﺔ ﻣﻦ ﺗﺠﻲ ..
- ﺳﺮﻭﺓ .. ﺍﻱ ﻳﺎﺑﺔ ﻛﻠﺘﻠﻬﺎ ﺍﺣﻨﺔ ﺑﻠﻨﺎﺻﺮﻳﺔ ﻣﻮ ﺍﺑﻐﺪﺍﺩ ..
- ﺍﺑﻮ ﺳﺮﻭﺓ .. ﺍﻱ ﻳﺎﺑﺔ ﺣﺠﻴﺘﻠﻬﺎ ﻭﻛﺎﻟﺖ ﺣﺘﻰ ﻟﻮ ﻧﻨﺪﻝ ﺍﻟﻌﻨﻮﺍﻥ ﻭﻧﺠﻴﻜﻢ ..
- ﺳﺮﻭﺓ .. ﺧﻴﺮ ﻳﺎﺑﺔ ﺍﺷﻮ ﻣﺼﺮﺓ ﻋﻠﻰ ﺍﻟﺠﻴﺔ ..
- ﺍﺑﻮ ﺳﺮﻭﺓ .. ﻭﺍﻟﻠﻪ ﻳﺎﺑﺔ ﻣﺎﺩﺭﻱ ...
- ﺳﺮﻭﺓ .. ﺍﻣﻲ ﻣﺪﻧﺠﺔ ﻭﺳﺎﻛﺘﺔ ﻻﻥ ﺣﺴﺖ ﺍﻛﻮ ﺷﻲ ﻭﺍﺻﺮﺍﺭ ﻋﻤﺘﻲ ﻋﻠﻰ ﺟﻴﺘﻬﺎ ﺑﻴﻬﺎ ﺷﻲ ﻏﺮﻳﺐ .. ﻭﺭﺓ ﻳﻮﻣﻴﻦ ﻋﻤﺘﻲ ﺧﺎﺑﺮﺕ ﺍﺑﻮﻳﺔ ﻛﺎﻟﺘﻠﻪ ﺍﺣﻨﺔ ﺟﺎﻳﻴﻦ ..
ﺍﺑﻮﻳﺔ ﻫﻢ ﺑﻠﻎ ﺑﺮﻛﺎﺕ ﻭﻛﻠﺶ ﺭﺣﺐ ﺑﻠﻤﻮﺿﻮﻉ ..
- ﺑﺮﻛﺎﺕ ... ﻳﻨﻮﺭﻭﻥ ﺍﻟﻨﺎﺻﺮﻳﺔ ﻋﻤﻲ ﺍﻧﺖ ﻭﺍﻫﻠﻚ ﻋﻠﻰ ﺭﺍﺳﻲ ..
- ﺍﺑﻮ ﺳﺮﻭﺓ .. ﺗﺴﻠﻢ ﺭﺍﺳﻚ ﻭﻟﻴﺪﻱ ﻳﺎﺭﺍﻓﻊ ﺭﺍﺳﻲ ...
ﺑﺎﺱ ﺭﺍﺱ ﺍﺑﻮﻳﺔ .. ﺍﻧﺖ ﺍﺑﻮﻳﺔ ﺷﺪﺗﺤﺠﻲ ﻋﻤﻲ ﺍﻧﺖ ﺗﺄﻣﺮﻧﻲ ..
- ﺳﺮﻭﺓ .. ﻛﻌﺪﻧﺎ ﻣﻦ ﺍﻟﺼﺒﺢ ﻭﻣﻨﺘﻈﺮﻳﻦ ﺟﻴﺘﻬﻢ ﺍﺑﻮﻳﺔ ﺭﺍﺩ ﺑﻠﻤﺸﺘﻤﻞ ﺑﺲ ﺑﺮﻛﺎﺕ ﻣﻘﺒﻞ ﺍﻻ ﺑﻠﺪﻳﻮﺍﻥ ﻻﻥ ﻛﻠﺶ ﺟﺒﻴﺮ ﻭﻣﺤﻀﺮ ﺫﺑﺎﻳﺢ ﻭﻏﺪﺓ ﻳﻌﻨﻲ ﻛﻠﺶ ﺍﻧﺨﺒﺺ ﺑﻴﻮﻣﻬﺎ ﺍﺑﻮﻳﺔ ﻛﻠﻪ ﺳﺮﻭﺓ ﻻﺯﻡ ﺗﻄﺐ ﺗﺴﻠﻢ ﻉ ﻋﻤﺘﻬﺎ ..
- ﺑﺮﻛﺎﺕ .. ﺍﻱ ﻋﻤﻲ ﺷﻠﻮﻥ ﻟﻌﺪ ﺟﺎﻳﺔ ﻣﻦ ﻃﺮﻳﻖ ﻣﺘﺮﻫﻢ ﻣﺘﻄﻠﻊ ﺗﺴﻠﻢ ﻋﻠﻴﻬﻢ ..
- ﺳﺮﻭﺓ .. ﺑﺮﻛﺎﺕ ﺟﺎﻥ ﻣﻄﺸﺮ ﺯﻟﻤﻪ ﻋﻤﻦ ﺑﺪﺍﻳﺔ ﺍﻟﻨﺎﺻﺮﻳﺔ ﻳﺴﺘﻘﺒﻠﻮﻫﻢ ﻭﻳﺎﻫﻢ ﺍﺑﻮﻳﺔ ﻭﻋﻠﻰ ﺍﻟﺘﻠﻴﻔﻮﻥ ﻭﺻﻠﻮﺍ ﺟﺎﻳﺔ ﻋﻤﺘﻲ ﻫﻲ ﻭﺍﺑﻨﻬﺎ ﻭﺭﺟﻠﻬﺎ ﻭﻭﻟﺪ ﻋﻤﻲ 3 ﺍﻟﺠﺒﻴﺮ ﺳﺎﻣﺎﻥ ﻭﺭﻳﺒﻮﺍﺭ ﻭﻃﻪ ﻛﻠﻬﻢ ﺍﻛﺒﺮ ﻣﻨﻲ ﻣﺘﺰﻭﺟﻴﻦ ﺑﺲ ﻃﻪ ﻣﻤﺘﺰﻭﺝ ﻭﺍﻟﺤﻤﺪﻟﻠﻪ ﻛﻠﻬﻢ ﻳﻌﺮﻓﻮﻥ ﻋﺮﺑﻲ ﻭﻻﺟﺎﻥ ﺍﻧﻼﺻﺖ ﻭﺭﺟﻞ ﻋﻤﺘﻲ ﺍﺻﻼ ﻋﺮﺑﻲ ﺑﺲ ﺟﺎﻥ ﻋﺎﻳﺶ ﺑﺪﻫﻮﻙ .. ﻭﺻﻠﻮﺍ ﻭﺍﺣﻨﺔ ﻛﺎﻋﺪﻳﻦ ﺑﻠﻤﻄﺒﺦ ﻃﺐ ﺑﺮﻛﺎﺕ ﺻﺎﻳﺮ ﻧﺎﺭ ﻣﻌﺒﺎﻟﻪ ﺟﺎﻳﻴﻦ ﻭﻳﺎﻫﻢ ﺭﻳﺎﺟﻴﻞ ﻋﺒﺎﻟﻪ ﺑﺲ ﻋﻤﺘﻲ ﻭﻭﻟﺪﻫﺎ ﻭﺭﺟﻠﻬﺎ .. ﺍﻧﺼﺪﻡ ﺑﻠﺰﻟﻢ ﺍﻟﺠﺎﻳﺔ ﻭﺷﻠﻮﻥ ﺭﺍﺡ ﺍﻃﺐ ﻭﺍﺳﻠﻢ .. ﺍﻣﻲ ﻛﺎﻋﺪﺓ ﻳﻤﻲ ..
- ﺑﺮﻛﺎﺕ .. ﻟﺤﺪ ﻳﻄﺐ ﻋﻠﻤﺎ ﺍﺻﻴﺤﻜﻢ ..
- ﺳﺮﻭﺓ .. ﺭﺍﺡ ﺭﺑﻊ ﺳﺎﻋﺔ ﻭﺍﺟﺔ ﺍﺣﻤﺪ ﺻﺎﺣﻨﻲ ﺍﻧﻲ ﻭﺍﻣﻲ ﻭﻫﻨﺎﻙ ﺍﻟﺤﺠﻴﺔ ﻭﺻﻔﺎﺀ ﻛﺎﻋﺪﺓ ﻃﺒﻴﻨﺎ ﺳﻠﻤﻨﺎ ﻋﻤﺘﻲ ﺟﺎﻧﺖ ﺗﺒﺠﻲ ﺑﻮﺳﺘﻨﻲ ﻭﺑﻮﺳﺖ ﺍﻣﻲ ﻭﻇﻠﺖ ﺣﺎﺿﻨﺘﻨﻲ ﺍﺑﻮﻳﺔ ﻋﺮﻓﻨﺎ ﻋﻠﻴﻬﻢ ﻛﻠﻬﻢ ﺳﻠﻤﺖ ﻭﺭﺣﺖ ﻛﻌﺪﺕ ﻳﻢ ﺍﻻﺳﺪ ﻣﺎﻟﺘﻲ ﻫﺬﺍ ﻛﻠﺔ ﻭﻫﻤﺔ ﻣﻴﺪﺭﻭﻥ ﻫﺬﻭﻟﺔ ﻣﻨﻮ ﺍﻭ ﺍﻧﻲ ﻣﺘﺰﻭﺟﺔ ﻃﻪ ﻭﺭﻳﺒﻮﺍﺭ ﺑﺲ ﻳﺒﺎﻭﻋﻮﻥ ﻛﻞ ﺷﻮﻳﺔ ﺩﺍﻳﺮﻳﻦ ﻭﺟﻬﻬﻢ ﻋﻠﻴﻪ ﻭﻫﻤﺔ ﻓﺪ ﺟﻤﺎﻝ ﺧﺮﺏ ﻋﻤﻲ ﻋﺒﺎﻟﻚ ﺍﺗﺮﺍﻙ ﻭﻫﺬﺍ ﺍﻟﻜﺎﻋﺪ ﻳﻤﻲ ﻳﺸﺐ ﻭﻳﻄﻔﺎ ...
- ﺳﺎﻣﺎﻥ .. ﻭﺍﻟﻠﻪ ﻋﻤﻲ ﺍﺑﻮﻳﺔ ﻣﺘﻨﺪﻡ ﻋﻠﻰ ﺍﻟﻌﻤﺮ ﺍﻟﻲ ﺭﺍﺡ ﻭﺍﻻﺫﻳﺔ ﺍﻟﻲ ﺗﺄﺫﻳﺘﻬﺎ ﺑﺴﺒﺒﻪ ﺟﺎﻥ ﻇﻨﻪ ﺗﺮﺟﻊ ﻭﻣﺘﻜﺪﺭ ﺑﻠﻴﺎﻩ ﺑﺲ ﺍﻧﺖ ﻋﻔﺘﻪ ﻭﻻ ﻭﺻﻠﺘﻠﻪ ﺑﻌﺪ ﻭﺍﺑﻮﻳﺔ ﻫﺴﺔ ﻣﺮﻳﺾ ﻭﻭﺍﻛﻊ ﻭﻛﻠﺶ ﻣﺘﺄﺫﻱ ﻋﻠﻰ ﻓﺮﺍﻛﻚ ..
- ﺍﺑﻮ ﺳﺮﻭﺓ .. ﺑﻌﺪ 22 ﺳﻨﺔ ﻭﻟﻴﺪﻱ ..
- ﺳﺎﻣﺎﻥ .. ﺍﺑﻮﻳﺔ ﻃﻠﻊ ﺑﻲ ﺍﻟﻤﺮﺽ ﺍﻟﺨﺒﻴﺚ ﻭﺍﺧﺮ ﺟﻢ ﺳﻨﺔ ﺟﻨﻪ ﻣﻠﺘﻬﻴﻴﻦ ﻭﻳﺎﻩ ﻭﻫﻮ ﺟﺎﻥ ﻣﺼﺮ ﺍﻧﻮ ﺗﺮﺟﻊ ﻟﺤﻴﺎﺗﻚ ﺑﺲ ﻣﻌﺮﻓﻨﺎ ﻃﺮﻳﻘﻚ ﻟﺤﺪ ﻣﺎﺍﺗﺼﻠﻨﺎ ﺑﻌﻤﺘﻲ ﻗﻤﺮ ﻭﺭﺟﻌﺖ ..
- ﺳﺮﻭﺓ .. ﻃﺒﻌﺎ ﻛﻠﻤﺔ ﻋﺮﺑﻲ ﻭﻋﺸﺮﺓ ﻛﺮﺩﻱ ﺑﺲ ﺍﺑﻮﻳﺔ ﻳﻔﺘﻬﻢ ﻋﻠﻴﻬﻢ ..
- ﺍﺑﻮ ﺳﺮﻭﺓ .. ﻻ ﻭﻟﻴﺪﻱ ﺑﻌﺪ ﺍﻧﻲ ﺻﺎﺭﺕ ﺣﻴﺎﺗﻲ ﻭﻋﺎﺋﻠﺘﻲ ﻫﻨﺎ ﺑﻌﺪ ﻣﺎﻛﺪﺭ ﺍﺭﺟﻊ ..
- ﺳﺎﻣﺎﻥ .. ﺑﺲ ﺍﺑﻮﻳﺔ ﻳﺮﻳﺪ ﻳﺸﻮﻓﻚ ﻗﺒﻞ ﻟﻴﺴﻠﻢ ﺍﻣﺎﻧﺘﻪ ..
- ﺍﺑﻮ ﺳﺮﻭﺓ .. ﺍﻱ ﺣﺒﻴﺒﻲ ﺍﺟﻲ ﺍﺷﻮﻓﻪ ﻭﺍﺭﺟﻊ ﻟﻌﺎﺋﻠﺘﻲ ﻭﻟﻮﻟﺪﻱ ..
- ﺳﺎﻣﺎﻥ .. ﻋﻤﻲ ﻭﺭﺛﻚ ﻭﺍﻟﺒﻴﺖ ﺍﻟﺠﺒﻴﺮ ﺍﺑﻮﻳﺔ ﻛﺘﺒﻪ ﺑﺄﺳﻤﻚ ...
- ﺳﺮﻭﺓ .. ﺍﺑﻮﻳﺔ ﺩﻧﺞ ﺭﻓﻊ ﺭﺍﺳﻪ ﻭﺑﺎﻭﻋﻠﻲ ..
- ﺳﺎﻣﺎﻥ .. ﻭﻋﻤﻲ ﻋﻨﺪﻙ ﺑﺲ ﺳﺮﻭﺓ ﻭﺍﺣﻤﺪ ﻭﻋﺒﺪﺍﻟﻠﻪ ..
- ﺍﺑﻮ ﺳﺮﻭﺓ .. ﺍﻱ ﻭﻟﻴﺪﻱ ..
- ﺳﺎﻣﺎﻥ .. ﺑﻌﺪ ﺍﺫﻧﻚ ﻋﻤﻲ ﺍﺑﻮﻳﺔ ﻭﺻﺎ ﺍﺫﺍ ﺳﺮﻭﺓ ﻣﻤﺘﺰﻭﺟﺔ ﻧﻄﻠﺒﻬﺎ ﻟﻄﻪ ﺍﺑﻮﻳﺔ ﻳﺮﻳﺪ ﻳﻌﻮﺿﻚ ﻋﻦ ﺍﻟﻲ ﺻﺎﺭ ﻗﺒﻞ ..
- ﺳﺮﻭﺓ .. ﻃﺒﻌﺎ ﻣﺎﺣﺠﻴﻠﻜﻢ ﻉ ﺍﻻﺳﺪ ﺍﻟﻴﻤﻴﺸﺼﺎﺭ ﺑﻲ ﺍﺣﺲ ﺍﻟﺮﺟﻔﺔ ﻫﻠﻜﺪ ﻣﺼﺎﺭ ﻧﺎﺭ . ﺻﺎﺭﺕ ﺑﻴﻪ ﺭﺃﺳﻦ ﺑﺎﻭﻉ ﻋﻠﻴﻪ ..
- ﺑﺮﻛﺎﺕ .. ﺍﻟﻌﻔﻮ ﻣﻨﻜﻢ ﺑﺲ ﺍﻡ ﺭﺿﺎ ﺯﻭﺟﺘﻲ ﻭﻣﺎﺗﺮﻫﻢ ﺗﻄﻠﺒﻮﻫﺎ ﺟﺪﺍﻣﻲ ..
- ﺳﺎﻣﺎﻥ .. ﻻ ﺍﻟﻌﻔﻮ ﻣﻨﻜﻢ ﻣﺎﻋﺒﺎﻟﻨﺎ ﺍﻟﺒﻨﻴﺔ ﻣﺘﺰﻭﺟﺔ ﺍﺳﻔﻴﻦ ﻭﻧﻜﺮﺭ ﺍﺳﻔﻨﺎ ﻟﻠﻤﺮﺓ ﺍﻟﺜﺎﻧﻴﺔ ..
- ﺍﺑﻮ ﺳﺮﻭﺓ .. ﺍﻱ ﻭﻟﻴﺪﻱ ﺳﺎﻣﺎﻥ ﺳﺮﻭﺓ ﻣﺘﺰﻭﺟﺔ ﺑﺮﻛﺎﺕ ﻭﻛﺎﻋﺪﺓ ﻳﻢ ﺭﺟﻠﻬﺎ ﺑﺮﻛﺎﺕ ﺭﻓﻌﺔ ﺭﺍﺳﻲ ﻭﺳﻨﺪﻱ ﻭﻳﺔ ﺍﺣﻤﺪ ﻭﻋﺒﺪﺍﻟﻠﻪ ﻟﻮ ﻣﺎ ﻫﻮ ﻭﻟﺔ ﺷﻨﻮ ﺣﺎﻟﺘﻲ ﺍﻧﻲ ﻭﻋﺎﺋﻠﺘﻲ ﻭﻭﻟﺪﻱ ﻋﺎﺋﻠﺔ ﻭﻧﻌﻢ ﻣﻨﻬﺎ ﻭﻟﺪ ﺟﻤﻮﻟﺔ ﻭﻭﻟﺪ ﻋﺸﺎﻳﺮ ﻋﺎﻧﻮﻧﻲ ﻭﺳﺎﻧﺪﻭﻧﻲ ﺑﻮﻛﺖ ﺿﻴﻜﺘﻲ ﻭﻫﻮ ﺍﺑﻨﻲ ﺍﻟﺠﺒﻴﺮ ﻭﺍﺥ ﻟﻮﻟﺪﻱ ﺍﻋﺘﻤﺪ ﻋﻠﻴﻪ ﻭﻛﺖ ﺍﻟﺸﺪﺓ ...
- ﺳﺮﻭﺓ ... ﻃﻔﺖ ﺍﻟﻨﺎﺭ ﺍﻟﺠﺎﻧﺖ ﻛﺎﻋﺪﺓ ﻳﻤﻲ ﻣﻦ ﺣﺠﻲ ﺍﺑﻮﻳﺔ ﻭﺍﺣﺴﻪ ﺍﻧﺘﻌﺶ ...
- ﺑﺮﻛﺎﺕ .. ﺍﻧﺘﻮ ﺍﻻﺣﺴﻦ ﻋﻤﻲ ﻭﺗﺪﻟﻠﻮﻥ ﺍﺣﻨﺔ ﺍﻟﻐﺮﻳﺐ ﻧﻮﻛﻔﻠﻪ ﻋﺎﺩ ﺍﻫﻠﻨﺎ ﻭﻧﺎﺳﻨﺎ ﺗﺄﻣﺮﻧﻲ ﻛﺎﻓﻲ ﺍﻧﺖ ﺍﺑﻮ ﺍﻡ ﺭﺿﺎ ﻭﻃﺒﻌﺎ ﻻﻥ ﻣﺼﺎﺭ ﻓﺮﺻﺔ ﺍﺗﻌﺮﻑ ﻋﻠﻴﻜﻢ ﻭﻧﻌﻢ ﻣﻨﻜﻢ ﻭﻣﻦ ﻧﺴﺒﻜﻢ ﻭﻧﻌﻢ ﺍﻟﻨﺴﺐ ﻭﺍﻡ ﺭﺿﺎ ﺟﻮﻫﺮﺓ ﺍﻟﻲ ﺻﺎﻳﻨﺘﻨﻲ ﻭﺻﺎﻳﻨﺔ ﺑﻴﺘﻲ ...
- ﺳﺮﻭﺓ ... ﺭﺿﺎ ﺑﺤﻀﻨﻪ ﺻﻔﻨﻮﺍ ﻋﻠﻴﻪ ﻭﻋﻠﻰ ﺭﺿﺎ ﻳﻌﻨﻲ ﻋﻮﺩ ﻋﻨﺪﻱ ﻭﻟﺪ ﻫﻤﻴﻦ ﺻﺪﻙ ﺣﺴﻴﺖ ﺑﻔﺨﺮ ﺑﺄﺑﻮﻳﺔ ﻭﺑﺒﺮﻛﺎﺕ ﺍﻟﺤﻤﻠﻠﻪ ﻳﺎﺭﺑﻲ ﺍﺑﻮﻳﺔ ﻣﺮﻓﻮﻋﺔ ﺭﺍﺳﻪ ﻭﺭﺓ 22 ﺳﻨﺔ ﻫﺴﺔ ﻳﻠﺔ ﺗﺬﻛﺮﻭﺍ ..
ﺳﺎﻣﺎﻥ .. ﻫﺎ ﻋﻤﻲ ﺍﺣﻨﺔ ﺍﺳﻔﻴﻦ ﺍﺑﻮ ﺭﺿﺎ ﻣﺠﻨﻪ ﻧﻈﻦ ﺍﻥ ﺳﺮﻭﺓ ﻣﺘﺰﻭﺟﺔ ﻭﻣﺒﺮﻭﻙ ﻋﻠﻴﻜﻢ ﻭﻧﺒﻘﻰ ﺍﻫﻞ ﺍﻥ ﺷﺎﺀﺍﻟﻠﻪ ﻭﺑﺎﻭﻉ ﻻﺧﻮﺗﻪ ﺍﻛﻴﺪ ﺿﺎﺟﻮﺍ ..
- ﻋﻤﺘﻲ .. ﺍﻧﺪﺍﺭﺕ ﻋﻠﻰ ﺍﺑﻮﻳﺔ ﻫﺎﻱ ﻣﻦ ﺷﻮﻛﺖ ﺯﻭﺟﺘﻬﺎ ..
- ﺍﺑﻮ ﺳﺮﻭﺓ .. ﺻﺎﺭ ﻫﻮﺍﻳﺔ ﻭﻫﺬﺍ ﺍﺑﻨﻬﺎ ﺭﺿﺎ ﺗﻌﺎﻝ ﺟﺪﻭ ..
- ﺳﺮﻭﺓ .. ﻛﻤﺰ ﻉ ﺍﺑﻮﻳﺔ ﻭﻛﻌﺪ ﺑﺤﻀﻨﻪ ﺿﻠﻮﺍ ﻋﻴﻮﻧﻬﻢ ﺗﺮﻭﺡ ﻭﺗﺮﺟﻊ ﻋﻠﻴﻪ ﻋﺎﺩ ﺍﻧﺪﺍﺭ ﻋﻠﻴﻪ ﻣﺘﻜﻮﻣﻴﻦ ﻋﺎﺩ ﻟﻮ ﻋﺎﺟﺒﺘﺞ ﺍﻟﻜﻌﺪﺓ ...
- ﺳﺮﻭﺓ .. ﺍﻱ ﻭﺍﻟﻠﻪ ﻋﺎﺟﺒﺘﻨﻲ ﻻﻥ ﻛﺎﻋﺪﺓ ﻳﻤﻚ ﻳﺎ ﺗﺎﺝ ﺭﺍﺳﻲ ﺍﻧﺖ .. ﺍﺑﺘﺴﻢ ﻭﺩﻧﺞ ... ﺍﻟﻠﻪ ﻳﺤﻔﻈﻚ ﺍﻟﻴﻪ ﻳﺎﺭﺏ ..
- ﺑﺮﻛﺎﺕ .. ﺩﻛﻮﻣﻲ ﻋﺎﺩ ﻭﻟﺘﻠﺤﻴﻦ ﻭﻫﻮ ﻣﺒﺘﺴﻢ ...
- ﺳﺮﻭﺓ .. ﺑﺲ ﻣﺎﺍﻧﺴﺎ ﺍﻟﻲ ﺳﻮﻳﺘﻪ ﺑﻴﻪ ﻭﺍﻟﻲ ﺭﺍﺡ ﺗﺴﻮﻱ ﺩﻣﻌﺖ ﻋﻴﻨﻲ ﻣﻦ ﺣﺠﻴﺘﻬﺎ . ﻫﻮ ﺭﺃﺳﻦ ﺑﺎﻭﻉ ﻋﻠﻴﻪ ..
- ﺑﺮﻛﺎﺕ .. ﺷﺒﻴﺞ ﺭﺍﺳﻦ ﻛﻠﺒﺘﻲ ...
- ﺳﺮﻭﺓ .. ﻣﺪﺍﻛﺪﺭ ﺍﻧﺴﺎ ..
- ﺳﺎﻣﺎﻥ .. ﺳﺮﻭﺓ ﺍﺣﻨﺔ ﻭﻟﺪ ﻋﻤﺞ ﺍﻟﻠﻪ ﻳﺤﻔﻆ ﺍﺑﻮ ﺭﺿﺎ ﺑﺲ ﻧﺒﻘﻰ ﺍﻫﻞ ﻭﻻﺯﻡ ﺗﺰﻭﺭﻳﻨﺎ ﺍﻥ ﺷﺎﺀﺍﻟﻠﻪ .. ﻭﻫﺴﺔ ﻋﻤﻲ ﺗﺠﻲ ﻋﻠﻤﻮﺩ ﺗﺸﻮﻑ ﺍﺑﻮﻳﺔ ..
- ﺍﺑﻮ ﺳﺮﻭﺓ .. ﺍﻱ ﻭﻟﻴﺪﻱ ﻻﺯﻡ ﻭﺍﺣﻤﺪ ﻭﻋﺒﺪﺍﻟﻠﻪ ﻫﻤﻴﻦ ﻳﺘﻌﺮﻓﻮﻥ ﻋﻠﻰ ﺍﻫﻠﻬﻢ ﺳﺮﻭﺓ ﻳﻢ ﺭﺟﻠﻬﺎ ﺑﻌﺪ ﻣﺎﻟﻲ ﺳﻠﻄﺔ ﻋﻠﻴﻬﺎ ..
- ﺑﺮﻛﺎﺕ .. ﺍﻧﺖ ﺍﻟﺨﻴﺮ ﻭﺍﻟﺒﺮﻛﺔ ﻋﻤﻲ ..
- ﺍﺑﻮ ﺳﺮﻭﺓ .. ﻻ ﻭﻟﻴﺪﻱ ﺍﻧﺖ ﻣﺴﺆﻭﻝ ﻋﻨﻬﺎ ﺑﺎﺟﺮ ﻧﻄﻠﻊ ﻻﻥ ﺍﻟﻴﻮﻡ ﻣﻨﻠﺤﻚ ..
بيج قصص عراقيه حقيقيه من واقعنا.روعه الطائي
- ﺑﺮﻛﺎﺕ .. ﻟﻴﺶ ﻣﺴﺘﻌﺠﻠﻴﻦ ﻻﺯﻡ ﺗﺒﻘﻮﻥ ﻓﺪ ﻳﻮﻣﻴﻦ ﺗﻼﺛﺔ ...
- ﺳﺎﻣﺎﻥ .. ﻻ ﻭﺍﻟﻠﻪ ﻻﺯﻡ ﻧﺮﺟﻊ ﺑﺄﺳﺮﻉ ﻭﻗﺖ ﻻﻥ ﺍﻟﻮﺍﻟﺪ ﺣﺎﻟﺘﻪ ﺍﻟﺼﺤﻴﺔ ﺑﺘﺪﻫﻮﺭ ﻭﺍﺧﺮ ﻛﻠﻤﻪ ﺗﻌﺎﻝ ﺑﺴﺮﻋﺔ ﺣﺘﻰ ﺍﺷﺒﻊ ﻣﻦ ﺍﺧﻮﻳﺔ ...
- ﺳﺮﻭﺓ .. ﺍﺑﻮﻳﺔ ﺭﺍﺳﻦ ﺑﺠﻪ ﺍﻣﻲ ﻣﻨﻄﻘﺖ ﺍﻧﺪﺍﺭﻳﺖ .. ﺑﺮﻛﺎﺕ ﺭﺍﺡ ﺍﻛﻮﻡ ﻳﻢ ﺍﺑﻮﻳﺔ ﻣﻨﺘﻈﺮﺕ ﻳﻨﻄﻴﻨﻲ ﺍﻻﺫﻥ ﻛﻤﺖ ﻛﻮﻣﺖ ﺍﺣﻤﺪ ﻭﻛﻌﺪﺕ ﻳﻢ ﺍﺑﻮﻳﺔ ﺣﻀﻨﺘﻪ ﻭﺑﺠﻴﺖ ﻭﻳﺎﻩ ﺍﺑﻮﻳﺔ ﺍﻧﻲ ﺍﻟﻮﺣﻴﺪﺓ ﺍﻟﻲ ﺍﻛﺪﺭ ﺍﻣﺴﺢ ﺩﻣﻌﺘﻪ ﻣﺮﺗﻴﻦ ﺑﺠﺔ ﺑﺤﻴﺎﺗﻪ ﻫﻠﻤﺮﺓ ﻋﻠﻰ ﺍﺧﻮﻩ ﻭﻣﺮﺓ ﻣﻦ ﺑﻄﻠﻮﺍ ﻣﻦ ﺷﻐﻠﻪ ﻭﺭﺟﻊ ﻟﻠﺒﻴﺖ ﺟﺎﻥ ﻣﻬﺪﻭﺩ ﺣﻴﻠﻪ ﻭﺍﻟﺒﻴﺖ ﻣﺎﺑﻲ ﻟﻜﻤﻪ ﻭﻻ ﻓﻠﺲ ﻫﻢ ﻧﺰﻟﺖ ﺩﻣﻌﺘﻪ .. ﻫﺎ ﺍﺑﻮ ﺳﺮﻭﺓ ﻟﻴﺶ ﻫﻠﻜﺪ ﺿﻌﻴﻒ ﺷﺎﻭﺭﺗﻪ ﺍﻧﺘﻲ ﻣﺜﻠﻲ ﺍﻻﻋﻠﻰ ﺍﻣﺴﺢ ﺩﻣﻮﻋﻚ ﻭﺍﻥ ﺷﺎﺀﺍﻟﻠﻪ ﺗﺸﻮﻓﻪ ﺑﺼﺤﺔ ﻭﻋﺎﻓﻴﺔ ﻭﺗﺮﺟﻊ ﻣﺮﺗﺎﺡ ﻛﺎﻓﻲ ﺣﺒﻴﺒﻲ ﺍﻧﻲ ﻻﺯﻡ ﺍﻃﻠﻊ ﻻﻥ ﺑﺮﻛﺎﺕ ﺻﺎﻳﺮ ﻧﺎﺭ ﻻﻥ ﻫﺬﻭﻟﺔ ﺑﺲ ﻳﺒﺎﻭﻋﻮﻥ ..
- ﺍﺑﻮ ﺳﺮﻭﺓ .. ﺍﻋﺮﻑ ﺑﻨﺘﻲ ﺍﻧﺘﺒﻬﺖ ﻛﻮﻣﻲ ﻳﺎﺑﺔ ﻛﻮﻣﻲ ... ﻳﻠﺔ ﺍﻡ ﺭﺿﺎ ﻛﻮﻣﻮﺍ ﺣﻀﺮﻭﺍ ﺍﻟﻐﺪﺓ ﺑﻌﺪ ﺍﺫﻥ ﺍﺑﻮ ﺭﺿﺎ ﻻﻥ ﻛﺎﻋﺪﻳﻦ ﺍﺑﻴﺘﻪ ..
- ﺑﺮﻛﺎﺕ .. ﺷﻠﻮﻥ ﺣﺠﻲ ﻋﻤﻲ ﺑﻴﺘﻚ ﻫﺬﺍ ﻭﺍﺣﻨﺔ ﺧﻄﺎﺭﻙ ..
- ﺳﺮﻭﺓ .. ﻛﻤﺖ ﻭﺍﻣﻲ ﻛﺎﻣﺖ ﻭﺭﺍﻳﺔ ﺣﻀﺮﻧﺎ ﺍﻟﻐﺪﻩ ﻭﺭﺣﺖ ﺩﻧﻮﻡ ﺭﺿﺎ ﺑﻠﻐﺮﻓﺔ ﻃﺐ ﺍﺳﺪﻱ ﺭﺍﺡ ﻳﻄﻠﻊ ﻗﻬﺮﻩ ﺑﻴﻪ ﺍﺩﺭﻱ ﺑﻲ ..
- ﺑﺮﻛﺎﺕ .. ﺗﺘﺠﺎﻭﺯﻳﻨﻲ ﺳﺮﻭﺓ ..
- ﺳﺮﻭﺓ .. ﻻ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﻻﺯﻡ ﺍﻧﻲ ﺍﻟﻲ ﺍﻣﺴﺢ ﺩﻣﻌﺖ ﺍﺑﻮﻳﺔ ﻣﻮ ﻏﻴﺮﻱ ﺑﺮﻛﺎﺕ ﺍﺑﻮﻳﺔ ﺍﻏﻠﻰ ﺷﻲ ﺑﻠﺪﻧﻴﺎ ﻛﻠﻬﺎ ﻭﻣﺎﺗﺤﻤﻞ ﺩﻣﻌﺘﻪ ﺗﻨﺰﻝ ﻭﻣﻜﺪﺭﺕ ﻣﺎﻛﻮﻡ ﻭﺍﻋﺮﻑ ﺑﻴﻚ ﺍﺫﺍ ﻣﻘﺒﻠﺖ ﺍﻛﻮﻡ ﻻﺯﻡ ﻣﺎﺍﻛﻮﻡ ﻻﻥ ﻣﺘﻘﺘﻨﻊ ﻭﺍﻋﺮﻓﻚ ﻓﺠﺎﻥ ﻻﺯﻡ ﺍﻛﻮﻡ ﺑﻠﺔ ﻣﺘﺠﺎﻭﺑﻨﻲ ..
- ﺑﺮﻛﺎﺕ .. ﻫﺎ ﺣﻠﻴﺘﻴﻬﺎ ..
- ﺳﺮﻭﺓ . ﺍﻱ ﻭﺍﻟﻠﻪ ﺷﺒﻴﻚ ...
- ﺑﺮﻛﺎﺕ .. ﻭﻫﺬﺍ ﺍﻟﺠﺎﻱ ﻳﺨﻄﺒﺞ ...
- ﺳﺮﻭﺓ .. ﻛﻤﺖ ﻟﺰﻣﻨﻲ ﻣﻦ ﺍﻳﺪﻱ .. ﺍﻱ ﺑﺮﻛﺎﺕ ﺍﻳﺪﻱ ..
- ﺑﺮﻛﺎﺕ .. ﺍﻛﺴﺮﻫﺎ ﺳﺮﻭﺓ ﺍﻓﺘﻬﻤﺘﻲ ﺑﻌﺪ ﻃﻠﻌﺔ ﻣﻄﻠﻌﻴﻦ ﻛﺪﺍﻡ ﺫﻭﻟﺔ ..
- ﺳﺮﻭﺓ .. ﻭﻟﺪ ﻋﻤﻲ ﺑﺮﻛﺎﺕ ﻭﺑﺎﺟﺮ ﺭﺍﺟﻌﻴﻴﻦ ﻋﻴﺐ ﻟﺨﺎﻃﺮ ﺍﺑﻮﻳﺔ ..
- ﺑﺮﻛﺎﺕ .. ﻻ ﺍﺑﻮﺝ ﻳﻌﺮﻑ ﻟﺘﻔﺘﻴﻦ ﺑﻜﻴﻔﺞ ..
- ﺳﺮﻭﺓ .. ﺑﺲ ﺍﻧﻲ ﺍﺭﻳﺪ ﺍﻃﻠﻊ ..
- ﺑﺮﻛﺎﺍﺕ .. ﺷﻠﻮﻥ ..
- ﺳﺮﻭﺓ .. ﺍﺭﻳﺪ ﺍﻃﻠﻊ ﺑﺮﻛﺎﺕ ..
- ﺑﺮﻛﺎﺕ .. ﻻﺯﻡ ﻋﺠﺒﺘﺞ ﻧﻈﺮﺍﺗﻬﻢ ..
- ﺳﺮﻭﺓ .. ﺍﻧﻲ ﻣﻮ ﻣﺜﻠﻚ ﺍﻟﻤﻠﻢ ﺍﻟﻨﺴﻮﺍﻥ ﺩﺍﻳﺮ ﻣﺪﺍﻳﺮﻱ ﻭﺍﻟﻌﺐ ﺑﻤﺸﺎﻋﺮﻫﻦ ﺍﻧﻲ ﻣﻮ ﻣﺜﻠﻚ ﺍﺑﻮ ﻧﺮﺟﺲ .. ﻓﺮ ﺭﺍﺳﻲ ﻓﺮ ﺑﺮﺍﺷﺪﻱ ﺧﺮﺏ ﺿﻤﻴﺮﻙ ﺣﺘﻰ ﺍﻟﺪﻭﺧﺔ ﻣﺪﺗﺮﻭﺡ ..
- ﺑﺮﻛﺎﺕ .. ﺍﺑﻠﻌﻲ ﻟﺴﺎﻧﺞ ﻭﻳﺎﻳﺔ ﺻﺎﻳﺮﺓ ﺗﻨﻌﺜﻠﻴﻦ ﻫﻮﺍﻳﺔ ﻭﻃﻠﻌﺔ ﻣﺘﻄﻠﻌﻴﻴﻦ ﻛﺪﺍﻣﻬﻢ ﻋﻤﺘﺞ ﺗﻄﺐ ﻫﻨﺎ ﺗﺸﻮﻓﺞ ﻳﺎ ﺳﺮﻭﺓ ﺍﺫﺍ ﺷﻔﺘﺞ ﻃﺎﺑﺔ ﻟﻠﺪﻳﻮﺍﻥ ﺍﻟﻴﻮﻡ ﺭﺟﻠﺞ ﺍﻛﺴﺮﻫﺎ ....
ﺑﻴﻮﻣﻬﺎ ﻣﻄﻠﻌﺖ ﻟﻠﻴﻞ ﺍﻣﻲ ﻃﺒﺘﻠﻲ ﻛﻠﺘﻠﻬﺎ ﻣﻴﻘﺒﻞ ﺍﻃﻠﻊ ..
- ﺍﻡ ﺳﺮﻭﺓ .. ﻋﻔﻴﺔ ﻋﻠﻴﻪ ﺍﻧﻲ ﻭﻳﺎﻩ ﺧﻠﻲ ﻳﻮﻟﻮﻥ ﻫﺴﺔ ﻳﻠﺔ ﻋﺮﻓﻮﺍ ﺍﺑﻮﺝ ﻣﺤﺪ ﻭﻛﻔﻠﻨﺎ ﻏﻴﺮ ﺭﺟﻠﺞ ﺍﻓﺘﻬﻤﺘﻲ ﺗﺴﻤﻌﻴﻦ ﻛﻼﻣﻪ ﻭﻋﻤﺘﺞ ﻋﻮﺩ ﺍﺻﻴﺤﻬﺎ ﺗﺴﻠﻢ ﻋﻠﻴﺞ ﺟﻮﺓ ﻟﺘﻄﻠﻌﻴﻠﻬﻢ ﺑﻌﺪ ... ﺑﻬﻠﺤﺠﻲ ﻃﺐ ﻭﺍﻋﺘﻘﺪ ﺳﻤﻊ ﻛﻞ ﺣﺠﻲ ﺍﻣﻲ ﻃﺐ ﻣﺒﺘﺴﻢ ﺑﺎﺱ ﺭﺍﺳﻬﺎﻭﻛﻌﺪ ﻳﻤﻲ ﻣﻨﻔﺘﺤﺔ ﺍﺳﺎﺭﻳﺮﻩ ﻭﺑﺲ ﻳﻀﺤﻚ ﻭﻳﺔ ﺍﻣﻲ ﺍﻇﺎﻫﺮ ﺩﻳﻨﺎﻣﻮﻥ ﻭﻫﻮ ﺍﺟﺔ ﺍﺑﻮﻳﺔ ﻭﺍﺣﻤﺪ ﻭﻋﺒﺪﺍﻟﻠﻪ ﺑﺎﻗﻴﻴﻦ ﻳﻤﻬﻢ ﻋﻤﺘﻲ ﺑﻐﺮﻓﺔ ﺍﻟﺤﺠﻴﺔ ﺑﺎﻳﺘﻪ ﻭﻳﺎﻫﺎ ﻛﻠﺶ ﺍﻧﺪﻣﺠﻦ ﺳﻮﺓ .. ﺛﺎﻧﻲ ﻳﻮﻡ ﻣﻦ ﺍﻟﻔﺠﺮ ﻃﻠﻌﻮﺍ ﺍﺑﻮﻳﺔ ﻭﺍﺣﻤﺪ ﻭﻋﺒﺪﺍﻟﻠﻪ ﻭﺑﺮﻛﺎﺕ ﻫﻢ ﻣﻘﺒﻞ ﺍﻻ ﻳﺮﻭﺡ ﻭﻳﺎﻫﻢ ...
- ﺑﺮﻛﺎﺕ .. ﻟﻴﺶ ﻋﻤﻲ ﻣﻮ ﺗﻜﻮﻝ ﺍﻧﻲ ﺍﺑﻨﻚ ﺍﻟﺠﺒﻴﺮﻣﺘﺮﻳﺪﻧﻲ ﻭﻳﺎﻙ ..
- ﺍﺑﻮ ﺳﺮﻭﺓ .. ﻉ ﺭﺍﺳﻲ ﻭﻟﻴﺪﻱ ﺑﺲ ﺍﺧﺎﻑ ﺃﺃﺛﺮ ﻋﻠﻴﻚ ﻭﻋﻨﺪﻙ ﺷﻐﻞ ﺍﻋﺮﻑ ﺑﻴﻚ ..
- ﺑﺮﻛﺎﺕ .. ﻳﺴﻠﻢ ﺭﺍﺳﻚ ﻳﺎﺑﺔ . ﻭﺭﺗﺒﺖ ﻛﻠﺸﻲ ﻟﺘﺸﻴﻞ ﻫﻢ ..
- ﺳﺮﻭﺓ .. ﺳﻠﻤﻮ ﻭﻃﻠﻌﻮﺍ ﺍﻣﻲ ﻫﻤﻴﻦ ﻣﺮﺍﺣﺖ ﻭﺑﻘﺖ ﻳﻤﻨﺎ ﺍﻧﺘﻈﺮﻧﺎ ﻟﻠﻌﺼﺮ ﺍﺑﻮﻳﺔ ﺧﺎﺑﺮ ﻭﺻﻠﻮﺍ ﺍﻟﺤﻤﺪﻟﻠﻪ ﻭﺑﻠﻴﻞ ﺧﺎﺑﺮ ﺍﻣﻲ ﻭﺳﻮﻟﻔﻠﻬﺎ ﺍﻧﻮ ﻣﺪﺧﻠﻲ ﻣﺴﺘﺸﻔﻰ ﻻﻥ ﻛﻠﺶ ﺣﺎﻟﺘﻪ ﻣﺘﺮﺍﺩﻳﺔ ﻭﺣﺎﺱ ﻉ ﺍﺑﻮﻳﺔ ﻭﺑﺎﻗﻲ ﻳﻤﺔ ﺑﻠﻤﺴﺘﺸﻔﻰ ﻟﺤﺪ ﻣﺎ ﺛﺎﻧﻲ ﻳﻮﻡ ﺍﻟﻌﺼﺮ ﺳﻠﻢ ﺍﻣﺎﻧﺘﻪ ﻫﻤﺰﻳﻦ ﺍﺑﻮﻳﺔ ﺷﺎﻓﻪ .. ﺟﺎﻥ ﻛﻠﺶ ﺗﺄﺫﺓ ﺣﻀﺮﻭﺍ ﺍﻟﻔﺎﺗﺤﺔ ﻭﺷﺎﻑ ﺧﻮﺍﺗﻪ ﻛﻠﻬﻦ ﺑﻘﻮﺍ 3 ﺍﻳﺎﻡ ﻭﺭﺟﻌﻮﺍ .. ﻓﺎﺕ ﻉ ﺍﻟﺴﺎﻟﻔﺔ ﺍﺳﺒﻮﻋﻴﻦ ﻭﻗﺮﺏ ﻋﺮﺱ ﻟﻤﻴﺎﺀ ﻭﺭﺍﻫﺎ ﺑﺄﺳﺒﻮﻉ ﻋﺮﺳﺔ ﺍﻟﻤﺼﻜﻮﻋﺔ ﻭﺃﺟﻠﻬﻦ ﺑﺮﻛﺎﺕ ﺍﺛﻨﻴﻨﻬﻦ ﻟﺒﻌﺪ 3 ﺷﻬﻮﺭ ﻭﻣﺤﺪ ﻛﺪﺭ ﻳﻌﺘﺮﺽ ﺑﺲ ﺍﺑﻮﻳﺔ ...
- ﺍﺑﻮ ﺳﺮﻭﺓ .. ﻳﺎﺑﺔ ﺍﻧﺘﻮ ﻣﻘﺮﺭﻳﻦ ﻟﻴﺶ ﺗﺄﺟﻠﻮﻫﺎ ..
ﺑﺲ ﺑﺮﻛﺎﺕ ﺟﺎﻥ ﻣﺼﺮ ﻭﻓﻌﻼ ﺗﺎﺟﻞ ﺍﻟﻌﺮﺳﻴﻦ ﻣﺮﺕ ﺷﻬﺮﻳﻦ ﻭﺭﺟﻌﻦ ﻳﻜﻤﻠﻦ ﺗﺠﻬﻴﺰ ﺍﻟﻐﺮﻓﺔ ﻭﻟﻤﻴﺎﺀ ﻫﻢ ﻛﻤﻠﺖ ﺧﻄﻴﺔ ﺑﺮﻛﺎﺕ ﻣﺮﺍﺩ ﻋﺮﺱ ﻭﺣﺪﺩﻭﺍ ﻋﺮﺱ ﻟﻤﻴﺎﺀ ﺍﻟﺨﻤﻴﺲ ﺍﻟﺠﺎﻱ ﻭﺍﻟﺤﻨﺔ ﺍﻻﺭﺑﻌﺎﺀ .. ﺍﻧﻲ ﻣﺴﻮﻳﺖ ﺷﻲ ﻟﺨﺎﻃﺮ ﺍﺑﻮﻳﺔ ﺑﺲ ﻟﺒﺴﺖ ﻧﻔﻨﻮﻑ ﺍﺳﻮﺩ ﻭﺑﻲ ﺫﻫﺒﻲ ﻭﺷﺴﻮﺭﺕ ﺷﻌﺮﻱ ﻭﺍﻧﻲ ﺳﻮﻳﺖ ﻣﻜﻴﺎﺝ ﺑﻠﺒﻴﺖ ﻭﻃﺒﻌﺎ ﺑﺲ ﺣﺰﻧﺔ ﺍﺟﺘﻲ ﻟﻠﺤﻨﺔ ﺍﻟﺤﺠﻴﺔ ﻣﻘﺒﻠﺖ ﺍﻟﺒﻘﻴﺔ ﻳﻄﺒﻦ ﺑﺲ ﻫﺎﻱ ﻋﻴﻨﻬﺎ ﻛﻮﻳﺔ ﻭﺍﺟﺘﻲ ﻭﺣﺪﻫﺎ .. ﻟﻠﻌﺮﺱ ﻣﺮﺣﺖ ﻻﻥ ﺍﺳﺪﻱ ﻣﻘﺒﻞ ﺍﻃﻠﻊ ﻣﻦ ﺍﻟﺒﺎﺏ .. ﻣﻊ ﺍﻟﻌﻠﻢ ﻛﻠﻬﻦ ﺭﺍﺣﻦ ﺑﻘﻴﻨﺎ ﺑﺲ ﺍﻧﻲ ﻭﺍﻟﺤﺠﻴﺔ ﻭﺍﻣﻲ ﺑﻠﺒﻴﺖ .. ﻭﺗﺰﻭﺟﺖ ﻟﻤﻴﺎﺀ ﻭﻓﺮﻍ ﻣﻜﺎﻧﻬﺎ ﺧﺎﻟﻲ ﺣﺒﻴﺒﺘﻲ ﻭﺍﻧﻲ ﻭﻧﺮﺟﺲ ﻟﻴﻞ ﻧﻬﺎﺭ ﻧﺒﺠﻲ ﻋﻠﻰ ﻓﺮﺍﻛﻬﺎ ﻭﺍﻟﺤﺠﻴﺔ ﺗﺮﺯﻟﻨﺎ ﺑﻴﻮﻣﻬﺎ ﻛﺎﻋﺪﻳﻦ ﻭﺍﻟﺤﺠﻴﺔ ﺭﺍﺩﺕ ﻣﻲ ﻛﻤﺖ ﻭﺍﻟﻜﻮﻣﺔ ﻭﻳﺎﻫﺎ ﻭﻛﻌﺔ ﺣﺴﻴﺖ ﻉ ﻧﺮﺟﺲ ﺗﻄﺒﻄﺐ ﻉ ﻭﺟﻬﻲ ﺩﻭﺧﺔ ﻛﻠﺶ ﻗﻮﻳﺔ ﻭﻧﺮﺟﺲ ﻣﺨﺎﺑﺮﺓ ﺍﺑﻮﻫﺎ ﻭﺍﻣﻲ ﺍﺟﺘﻲ ﺗﺒﺠﻲ .. ﺗﻜﻠﻲ ﻋﻴﻦ ﻭﺻﺎﺑﺘﺞ ﺷﻠﻮﻥ ﻃﻠﻌﺘﻲ ﺑﻠﺤﻨﺔ . ﺍﺑﺘﺴﻤﺖ ﻉ ﺣﺠﺎﻳﺘﻬﺎ . ﺍﻣﻲ ﺩﺍﺋﻤﺎ ﺍﻱ ﺷﻲ ﺗﻜﻮﻝ ﻋﻴﻦ ﻭﺣﺴﺪ ﻭﺍﻟﻌﺎﻟﻢ ﻋﻴﻮﻧﻬﺎ ﺗﺨﻮﻑ .. ﺑﺮﻛﺎﺕ ﺭﺍﺩ ﻳﻮﺩﻳﻨﻲ ﻣﺴﺘﺸﻔﻰ ﺍﻧﻲ ﻣﻘﺒﻠﺖ ..
ﺍﺳﻤﻊ ﺍﻣﻲ ﻭﺍﻟﺤﺠﻴﺔ ﻳﺘﺒﺴﺒﺴﻦ .. ﺣﺠﻴﺔ ﺧﻠﻲ ﺍﺑﻮ ﻧﺮﺟﺲ ﻳﻮﺩﻳﻬﺎ ﺧﺎﻑ ﺣﺎﻣﻞ ﻭﺍﻟﺤﺠﻴﺔ ﺗﺠﺎﻭﺑﻬﺎ ﺑﺼﻔﻨﺔ ﺍﻱ ﻭﺍﻟﻠﻪ ﻳﻤﻜﻦ ... ﺑﻜﻠﺒﻲ .. ﻣﻨﻴﻦ ﺣﺒﺎﻳﺐ ﻣﻨﻴﻦ ﻫﻲ ﻣﺮﺓ ﺣﺰﻳﻨﺔ ﻫﻴﺞ ﻭﺍﻟﺒﺨﺖ ﻭﺍﻃﻠﻊ ﺣﺎﻣﻞ ..
- ﺍﻟﺤﺠﻴﺔ .. ﻳﻤﺔ ﺑﺮﻛﺎﺕ ﻛﻮﻡ ﺍﺧﺬ ﻣﺮﻳﺘﻚ ﺣﻠﻠﻬﺎ ﻳﻤﻜﻦ ﻋﺪﻫﺎ ﻓﻘﺮ ﺩﻡ ..
- ﺳﺮﻭﺓ .. ﺟﺠﺠﺠﺞ ﺑﺎﻋﻲ ﺷﻠﻮﻥ ﺩﺭﻭﺏ ﻳﺎﻓﻘﺮ ﺩﻡ ﺣﺠﻴﺔ ﻫﻮ ﺑﻘﺔ ﺑﺲ ﺍﻧﺘﻮ ﻣﺎﺃﻛﻠﺘﻜﻢ ..
- ﺑﺮﻛﺎﺕ .. ﻛﺎﻡ ﻳﺒﺘﺴﻢ ﺑﻠﻌﺎﻓﻴﺔ ﺣﺒﻴﺒﺔ ﻛﻮﻣﻲ ﻳﻠﺔ ﻛﻮﻣﻲ ﻟﻴﺶ ﻛﻠﺴﻊ ﻭﺍﻛﻌﺔ ..
- ﺳﺮﻭﺓ .... ﻛﻤﺖ ﺑﺪﻟﺖ ﻻﻥ ﻣﺎﺑﻴﻪ ﺣﻴﻞ ﻣﻨﺎﻫﺪﺓ ﻻﻥ ﻇﻞ ﻳﻠﺢ .. ﻃﻠﻌﺖ ﻭﻳﺎﻩ ﻃﺮﻳﻖ ﺍﻟﺮﻭﺣﺔ ﻋﺒﺎﻟﻚ ﻛﺎﻋﺪﺓ ﺑﺘﻜﺴﻲ ﻭﻻ ﻧﻄﻘﺖ . ﺭﺣﺖ ﻟﻤﺨﺘﺒﺮ ﻃﺒﻴﺖ ﻭﺣﺪﻱ ﺍﺧﺬﺕ ﻣﻨﻲ ﺩﻡ .. ﺣﺒﻴﺒﺘﻲ ﺑﺲ ﻓﻘﺮ ﺩﻡ ... ﺳﺮﻭﺓ ... ﻭﺣﻤﻞ ﻫﻤﻴﻦ ﺣﺒﻲ .. ﺳﻬﻠﺔ ﺗﺪﻟﻠﻴﻦ .. ﺍﺧﺬﺕ ﺩﻡ ﻭﻃﻠﻌﺖ ﻛﻌﺪﺕ ﻳﻤﻪ ﺑﻼﻧﺘﻈﺎﺭ .. ﺛﻠﺚ ﺳﺎﻋﺔ ﻭﺻﺎﺣﺖ ﺳﺮﻭﺓ ﻣﺤﻤﻮﺩ ﻛﺎﻡ ﻋﻠﻴﻬﺎ ..
ﺍﻡ ﺍﻟﻤﺨﺘﺒﺮ .. ﻋﻴﻨﻲ ﻓﻘﺮ ﺩﻡ ﻛﻠﺶ ﻗﻮﻱ ﻳﻌﻨﻲ ﻻﺯﻡ ﺗﺘﻐﺬﺓ ﺯﻳﻦ ﻻﻥ ﻣﻮ ﺯﻳﻦ ﻋﻠﻴﻬﺎ ﻭﻉ ﺍﻟﻨﻮﻧﻮ ..
- ﺳﺮﻭﺓ .. ﻫﻮ ﻣﻨﻄﻴﻨﻲ ﻇﻬﺮﻩ ﺍﺑﺎﻭﻉ ﻋﻠﻴﻬﺎ ﻭﺍﺑﺘﺴﻢ ﻣﺠﺎﻥ ﺍﻛﻮ ﺍﺣﺪ ﺑﻠﻌﻴﺎﺩﺓ
- ﺑﺮﻛﺎﺕ .. ﺷﻠﻮﻥ ﻳﻌﻨﻲ ..
- ﺍﻡ ﺍﻟﻤﺨﺘﺒﺮ .. ﻳﻌﻨﻲ ﺯﻭﺟﺘﻚ ﺣﺎﻣﻞ ﻣﺒﺮﻭﻭﻭﻙ ﺑﺲ ﻓﻘﺮ ﺩﻡ ﻋﺪﻫﺎ ﻛﻠﻠﺶ ﻗﻮﻱ ..
- ﺑﺮﻛﺎﺕ .. ﺍﻟﻠﻪ ﻳﺒﺎﺭﻙ ﺑﻴﺞ ..
- ﺳﺮﻭﺓ .. ﺍﺑﺎﻭﻉ ﻋﻠﻴﻪ ﻣﺪﻳﻌﺮﻑ ﺷﺘﺴﻮﻱ ﻧﻄﺎﻫﺎ ﻓﻠﻮﺱ ﻭﻃﻠﻌﻨﺎ .. ﻭﻉ ﺍﺳﺎﺱ ﺍﻧﻲ ﻣﺎﺍﺩﺭﻱ .. ﺍﺟﺔ ﻟﺰﻡ ﺍﻳﺪﻱ ﻭﺍﺣﻨﺔ ﻣﻦ 3 ﺷﻬﻮﺭ ﺑﺲ ﻋﺮﻛﺎﺕ ﻭﺻﻴﺎﺡ ﻭﻣﻐﺜﺎﺕ .. ﻟﺰﻡ ﺍﻳﺪﻱ ﻭﺩﻧﻄﻠﻊ ﻫﺎ ﺑﺮﻛﺎﺕ ﺷﻜﺎﻟﺖ ..
- ﺑﺮﻛﺎﺕ .. ﻓﻘﺮ ﺩﻡ ﻋﻨﺪﺝ ﻛﻠﺶ ﻗﻮﻱ ﻻﺯﻡ ﺗﺎﻛﻠﻴﻦ .. ﺻﻌﺪﻧﺎ ﻭﻛﻒ ﻳﻢ ﻣﻄﻌﻢ .. ﺗﺎﻛﻠﻴﻦ ﻫﻨﺎ ﻟﻮ ﻧﺎﺧﺬﻩ ﻭﻳﺎﻧﺔ .. ﺑﻜﻴﻔﻚ .. ﻧﺰﻝ ﺟﺎﺏ ﺍﻛﻞ ﻭﻳﺎﻩ ﺣﻄﻪ ﻟﻴﻮﺭﺓ ﻭﺍﺟﺔ ﻣﻦ ﺟﻬﺔ ﺍﻟﺸﺒﺎﻙ ﺍﻟﻴﻤﻲ ﺣﻂ ﺍﻳﺪﻩ ﻉ ﺑﻄﻨﻲ ..
- ﺑﺮﻛﺎﺕ .. ﻧﻈﺮ ﻋﻴﻨﻲ ﻣﺤﺘﺎﺝ ﺷﻲ ﺑﻌﺪ ..
- ﺳﺮﻭﺓ .. ﺷﻨﻮ ﻳﻌﻨﻲ ..
- ﺑﺮﻛﺎﺕ .. ﺍﻧﻲ ﻣﺘﺎﻛﺪ ﺍﻧﺘﻲ ﺟﻨﺘﻲ ﺗﺪﺭﻳﻦ ...
- ﺳﺮﻭﺓ .. ﺟﻨﺖ ﺷﺎﻛﺔ ﻣﻤﺘﺎﻛﺪﺓ ..
- ﺑﺮﻛﺎﺕ .. ﻭﻫﻨﺖ ﻋﻠﻴﺞ ﺗﻀﻤﻴﻦ ﻋﻠﻴﻪ ﺳﺮﻭﺓ ..
- ﺳﺮﻭﺓ .. ﻫﻴﺞ ﻣﻮﺿﻮﻉ ﻣﻴﻨﻀﻢ ﺑﺲ ﻣﺠﺎﻥ ﺍﻟﻲ ﻭﺍﻫﺲ ﺍﺣﺠﻲ ﺑﺄﻱ ﺷﻲ ..
- ﺑﺮﻛﺎﺕ .. ﻫﻮ ﻫﺬﺍ ﺍﻱ ﺷﻲ ﻫﺬﺍ ﺍﻟﻄﻔﻞ ﺳﺮﻭﺓ ﺍﻧﻲ ﻣﺤﺘﺎﺟﻪ ﻭﺗﻌﺮﻓﻴﻦ ﻫﻴﺞ ﺧﺒﺮ ﺷﻨﻮ ﺑﻠﻨﺴﺒﺔ ﺍﻟﻴﻪ ﻻ ﻭﻓﻮﻛﺎﻫﺎ ﻣﻨﺞ ﻣﻦ ﻋﻤﺮﻱ ﻣﻦ ﺭﻭﺣﻲ ﺍﻟﻲ ﻣﺎﺍﻛﺪﺭ ﺑﻠﻴﺎﻫﺎ ..
- ﺳﺮﻭﺓ .. ﻣﺠﺎﻭﺑﺘﻪ ﺍﻧﺪﺍﺭﻳﺖ ﻉ ﺍﻟﺠﻬﺔ ﺍﻟﺦ ... ﻋﻔﻴﺔ ﻳﻠﺔ ﺍﺻﻌﺪ ﺩﻧﺮﻭﺡ .. ﺻﻌﺪ ﻭﺭﺟﻌﻨﺎ ﺍﻟﻄﺮﻳﻖ ﻛﻠﻪ ﻻﺯﻡ ﺍﻳﺪﻱ .. ﻧﺰﻟﻨﺎ ﻧﺰﻝ ﺍﻻﻛﻞ ﻭﻃﺎﺭ ﻉ ﺍﻟﺤﺠﻴﺔ .. ﺟﺎﻧﺖ ﺍﻣﻲ ﻫﻢ ﻛﺎﻋﺪﺓ ﻳﻤﻬﺎ .. ﺑﺸﺮﻫﻦ ﻭﺍﻣﻪ ﻇﻠﺖ ﺗﺒﺠﻲ ﻭﺻﺪﻙ ﺍﻟﻤﻮﻗﻒ ﺭﻫﺒﻨﻲ ﺻﻮﺗﻬﺎ ﻳﻜﻄﻊ ﺍﻟﻜﻠﺐ ﺗﺬﻛﺮﺕ ﻭﻟﺪﻫﺎ ﻛﻠﻬﻢ .. ﻳﻤﺔ ﻳﺎﺑﺮﻛﺎﺕ ﺑﻘﻴﺖ ﻭﺣﻴﺪ ﻭﺭﺑﻚ ﺟﺒﺮ ﺑﺨﺎﻃﺮﻙ ﺻﺎﺣﺘﻨﻲ ﺑﻮﺳﺘﻨﻲ ﻭﺍﻣﻲ ﻫﻤﻴﻦ ﺣﺒﻴﺒﺘﻲ ﻛﻠﺶ ﻓﺮﺣﺖ .. ﺷﻮﻳﺔ ﻭﺭﺍﺣﺖ ﺍﻣﻲ .. ﺧﺎﺑﺮ ﺧﻮﺍﺗﻪ ﻭﺍﻟﻜﻞ ﻓﺮﺡ ﻭﺍﺳﻤﻊ ﻫﻼﻫﻠﻬﻦ ﺑﺘﻠﻴﻔﻮﻥ ﺯﺩﻭﻧﺮﺟﺴﺔ ﻫﻢ ﺣﺒﻴﺒﺘﻲ ﻛﻠﺶ ﻛﻴﻔﺖ ﺳﻠﻤﻰ ﻣﺎﻟﻬﺎ ﺫﺟﺮ ﺑﻠﺒﻴﺖ ﻟﻮ ﺯﻳﺎﺭﺍﺕ ﻟﻮ ﻳﻢ ﺍﻫﻠﻬﺎ ﻟﻮ ﻣﻮﻻﺕ ﻭﺍﻧﻲ ﻟﻠﻄﺮﻣﺔ ﻣﻤﻨﻮﻉ ﻭﺍﻧﻲ ﻋﺎﻳﻔﺘﻪ ﻻﻥ ﻣﺎﻟﻲ ﺧﻠﻜﻪ .. ﺛﺎﻧﻲ ﻳﻮﻡ ﺍﺟﺘﻨﻲ ﺻﻔﺎﺀ ﻭﺩﺗﻨﻲ ﻟﻠﻄﺒﻴﺒﺔ ﺍﻃﻤﺌﻨﻴﺖ ﻉ ﺍﻟﻨﻮﻧﻮ ﺑﺲ ﺍﻟﻔﻘﺮ ﺩﻡ ﻗﻮﻱ ﺗﻘﺮﻳﺒﺎ ﺷﻬﺮﻳﻦ ﻭﻧﺺ ﻭﺍﻧﻲ ﻭﻻ ﻣﻨﺘﺒﻬﺔ ﻟﺮﻭﺣﻲ ﺟﻨﺖ ﻣﻠﺘﻬﻴﺔ ﺑﻘﻬﺮ ﻓﺮﺣﺔ ﻛﻤﻠﻨﺎ ﻭﺭﺟﻌﻨﺎ ﻭﻫﻮ ﺩﺍﻳﺮ ﺑﺎﻟﻪ ﻋﻠﻴﻪ ﺑﺸﻜﻞ ﻭﺧﺼﻮﺻﺎ ﺑﺄﻛﻠﻲ ..
ﺣﺪﺩ ﻣﻮﻋﺪ ﻋﺮﺳﻪ ﺑﻌﺪ ﺍﺳﺒﻮﻉ ﺳﻤﻌﺘﻪ ﻳﺤﺠﻲ ﻟﻠﺤﺠﻴﺔ ﻭﻫﻲ ﻛﺎﻋﺪﺓ ﻭﺗﻘﺴﻤﻠﻪ ﻭﺍﻛﻔﺔ ﺍﺑﺎﺏ ﺍﻟﻐﺮﻓﺔ ﻣﻦ ﺻﺪﻙ ﺍﻧﻬﺪ ﺣﻴﻠﻲ ﻻﻥ ﻗﺮﺑﺖ ﺍﻟﺴﺎﻟﻔﺔ ﺟﻨﺖ ﻣﺘﻨﺎﺳﻴﺘﻬﺎ ﺑﺲ ﻻﺑﺪ ﻭﻳﺠﻲ ﻳﻮﻡ ﻭﻳﺼﻴﺮ .. ﻃﻠﻊ ﻭﺷﺎﻓﻨﻲ ﺳﺎﻧﺪﻩ ﺭﻭﺣﻲ ﻉ ﺍﻟﺪﺭﺝ ..
- ﺑﺮﻛﺎﺕ .. ﻫﺎﺳﺮﻭﺓ ﺩﺧﺘﻲ ....
- ﺳﺮﻭﺓ .. ﻭﺧﺮﺕ ﺍﻳﺪﻩ ﻭﻃﺒﻴﺖ ﻟﻐﺮﻓﺘﻲ ﺑﺠﻴﺖ ﻋﻠﻤﺎ ﻛﻠﺖ ﺑﺲ .. ﺷﻲ ﻣﻮ ﺑﺄﺩﻳﻨﺎ ﻧﻐﻴﺮﺓ ﻗﺪﺭ ﻣﻔﺮﻭﺽ ﻻﺯﻡ ﻧﻌﻴﺸﻪ ﺑﺲ ﺍﻟﻌﺒﺮﺓ ﺑﻄﺮﻳﻘﺔ ﺗﻘﺒﻠﻨﺎ ﻟﻠﻤﻮﺿﻮﻉ ﻧﻮﺑﺎﺕ ﺍﺣﺲ ﺍﻟﻘﻨﺎﻋﺔ ﺍﻟﻌﻨﺪﻱ ﻋﻴﺐ ﻭﺍﺣﻤﻞ ﺍﻫﻠﻲ ﻫﻠﺸﻲ ﻻﻥ ﺍﺣﺴﻪ ﻫﺪﺭ ﻟﻜﺮﺍﻣﺘﻲ ﻭﺿﻐﻂ ﻉ ﺍﻋﺼﺎﺑﻲ ﺍﺣﺘﻤﺎﻝ ﻣﺎ ﺍﺗﺤﻤﻠﻪ ﻭﻧﻮﺑﺎﺕ ﺍﺣﺴﻬﺎ ﻓﺨﺮ ﻻﺯﻡ ﺍﻗﺘﺪﻱ ﺑﻲ ﻭﺍﻋﻠﻤﻪ ﻻﻃﻔﺎﻟﻲ ﻻﻥ ﺍﻛﻴﺪ ﺍﻟﻲ ﻳﺄﻣﻦ ﺑﻘﺴﻤﺘﻪ ﻭﺑﻘﺪﺭ ﺭﺏ ﺍﻟﻌﺎﻟﻤﻴﻦ ﻫﻮ ﺍﻻﺭﺑﺢ ﺗﻘﺒﻠﺖ ﺍﻟﻤﻮﺿﻮﻉ ﻉ ﺍﻋﺼﺎﺑﻲ ﻭﻫﺮﻣﻮﻧﺎﺕ ﺍﻟﺤﻤﻞ ﺍﻟﻲ ﺳﻜﻄﻄﺘﻨﻲ .. ﺍﻟﺤﺠﻴﺔ ﻣﻘﺒﻠﺖ ﺍﺣﺪ ﻳﻌﺮﻑ ﺑﺤﻤﻠﻲ ﺑﺲ ﻫﻮ ﻻﺯﻡ ﻳﺒﻴﻦ ﻭﺍﻧﻲ ﻣﻮ ﺿﻌﻴﻔﺔ ﻗﺎﺑﻞ ﻭﻳﻦ ﺍﺿﻤﻪ ..
ﻗﺮﺭﺕ ﺍﺭﻭﺡ ﻟﻌﺮﺳﻪ ﻭﺍﻟﺒﺲ ﺯﻱ ﻛﺮﺩﻱ ﻻﻥ ﻛﻠﺶ ﻳﺠﺬﺏ ﺍﻻﻧﺘﺒﺎﻩ ﻭﺑﻬﺮﺟﺘﻪ ﻫﻮﺍﻳﺔ ﻭﺣﻠﻮﺓ ﺟﻨﺔ ﻧﻮﺻﻲ ﺍﻗﻤﺸﺔ ﻣﻨﺎﻙ ﻭﺍﻣﻲ ﺗﺨﻴﻄﻠﻲ ﺟﺎﻥ ﻋﻨﺪﻱ ﻭﺍﺣﺪ ﻟﻮﻥ ﺍﺣﻤﺮ ..
ﻋﺎﻧﺪﺕ ﻭﻳﺎﻩ ﺍﻻ ﺍﺭﻭﺡ ﻟﻠﺤﻨﺔ . ﻫﻮ ﻣﺠﺎﻥ ﻗﺎﺑﻞ ﻋﻮﺩ ﺩﻳﺨﺎﻑ ﻋﻠﻴﻪ ﺍﻣﻲ ﻫﻢ ﺍﻳﺪﺗﻨﻲ ﻻﺯﻡ ﺗﺮﻭﺣﻴﻦ ﻭﺧﻮﺍﺗﻪ ﻛﻠﻬﻦ ﻭﻳﺎﺝ ﻟﺘﺨﺎﻓﻴﻦ ﻋﻠﻰ ﺷﻨﻮ ﺿﺎﻣﺔ ﺭﻭﺣﺞ ﻻﺯﻡ ﻳﺸﻮﻓﻮﺝ ﻭﺗﺸﻮﻓﻴﻬﻢ ﺍﻛﺴﺮﻱ ﻫﺬﺍ ﺍﻟﺤﺎﺟﺰ ﺣﺘﻰ ﻳﻬﺎﺑﻨﺞ ﻣﻦ ﺍﺍﻟﺒﺪﺍﻳﺔ ...
ﻛﻌﺪﺕ ﺣﻀﺮﺕ ﻣﻦ ﺍﻟﺼﺒﺢ ﻭﻛﻠﺸﻲ ﺑﻼ ﻭﺍﻫﺲ ﺑﺲ ﻻﺯﻡ ﺍﻗﺘﻨﻊ ﻭﺷﻲ ﻣﻮ ﺑﻴﺪﻱ .. ﺟﻮﻱ ﺍﻟﺒﻨﺎﺕ ﻛﻠﻤﻦ ﺣﺎﻳﺮ ﺑﺮﻭﺣﻪ .. ﻭﺍﻟﻴﻮﻡ ﺣﻨﺔ ﺣﺒﻴﺒﻲ ﻣﺎﻋﺮﻑ ﺷﻠﻮﻥ ﺍﺷﻮﻓﻪ ﺑﻄﻮﻟﻪ ﺍﻟﺤﻠﻮ ﻭﺍﻛﻒ ﻳﺤﻨﻴﻬﺎ ﻳﺎﺭﺑﻲ ﻟﻄﻔﻚ ﺑﻴﻪ ﻭﺑﻜﻠﺒﻲ ﺻﻌﺒﺔ ﻭﺍﻟﻠﻪ ﻓﻜﺮﺕ ﺍﻏﻴﺮ ﺭﺃﻳﻲ ﻭﻣﺎﺭﻭﺡ ﺍﻟﺤﺠﻲ ﻣﻘﺒﻠﺖ ﻭﻟﺞ ﺗﻀﻴﻌﻴﻦ ﻫﻴﺒﺘﺞ ﻭﻳﻜﻮﻟﻦ ﻛﺴﺮﻧﺎﻫﺎ ﺭﻭﺣﻲ ﻭﺍﺭﻳﺪﺝ ﺗﻄﻠﻌﻴﻦ ﺍﺣﻠﻰ ﺣﺘﻰ ﻣﻦ ﺍﻟﺒﻮﻣﺔ ﺍﻟﻲ ﺭﺍﺡ ﻳﺘﺰﻭﺟﻬﺎ ..
- ﺳﺮﻭﺓ .. ﻳﻤﺔ ﻭﺍﻟﻠﻪ ﺻﻌﺒﺔ ﺷﻠﻮﻥ ﺭﺍﺡ ﺍﺗﺤﻤﻞ ﺍﺷﻮﻓﻬﻢ ﻛﺪﺍﻣﻲ ﻭﺍﻧﻲ ﺍﻟﻲ ﻣﺘﻬﻨﻴﺖ ﺑﻲ ..
- ﺍﻟﺤﺠﻴﺔ .. ﻟﻴﺶ ﻳﻴﻤﺔ ﺑﺎﻋﺪﺗﻪ ﻋﻨﺞ ..
- ﺳﺮﻭﺓ .. ﻣﺎﻛﺪﺭ ﻳﻤﺔ ﻣﻦ ﺍﺷﻮﻓﻪ ﺍﺗﺬﻛﺮ ﻣﺼﻴﺒﺘﻲ ﻣﻮ ﺳﻬﻠﺔ ﻳﻤﺔ ﺍﻟﻲ ﺩﻳﺼﻴﺮ ﺑﻴﻪ ﻛﻠﺸﻲ ﻭﻻ ﻛﺴﺮﺓ ﻛﻠﺐ ﻭﺍﻧﻲ ﻛﺴﺮﺗﻲ ﺟﺒﻴﺮﺓ ﻳﻤﺔ ﺑﺮﻛﺎﺕ ﻣﻮ ﻫﻴﻦ ﺑﺮﻛﺎﺕ ﻋﻤﺮﻱ ﻛﻠﻪ ﻭﺍﺧﺬﺗﻪ ﻣﻨﻲ ..
- ﺍﻟﺤﺠﻴﺔ .. ﻻ ﻳﻤﺔ ﺍﺳﻤﻌﻲ ﻛﻼﻣﻲ ﻭﺧﻠﻲ ﻳﻮﻟﻦ ﻣﻠﺞ ﻻﺯﻡ ﺑﻴﻬﻦ ﻫﻮ ﻳﻤﻮﻭﺕ ﻋﻠﻴﺞ ﻭﺍﻡ ﻭﻟﻴﺪﻩ ﺟﺮﻱ ﻟﺼﻔﺞ ﻣﺎﻳﻜﺪﺭﻥ ﻳﺎﺧﺬﻧﻪ ﻣﻨﺞ ﻭﺍﻟﻠﻪ ﻭﻫﺴﺔ ﺧﻮﺍﺗﻪ ﻛﻠﻬﻦ ﻭﻳﺎﺝ ﻟﺘﺨﺎﻓﻴﻦ ﻫﻨﺔ ﺑﺲ ﻳﻨﻌﺜﻠﻦ ﻣﻴﻜﺪﺭﻥ ﻳﺴﻮﻭﻟﺞ ﺷﻲ ... ﻻﻥ ﺍﺧﺮ ﻣﺮﺓ ﺍﻧﻜﺘﻠﻦ ﻛﺘﻠﺔ ﺣﺘﻰ ﺍﻣﻬﻦ ﺧﻔﺖ ﻭﻋﺎﺑﺖ ﺯﻋﻄﻮﻃﺔ ﻋﻮﺩ ﻣﺮﺕ ﺍﻟﺸﻴﺦ ﺍﻟﻠﻪ ﻳﺠﺮﻡ .. ﺧﻠﻲ ﻳﻮﻟﻦ ﻟﺪﻳﺮﻟﻬﻦ ﺑﺎﻝ . ﻧﻄﺘﻨﻲ ﺫﻫﺐ ﺛﺮﻭﺓ ﻣﻮﺫﻫﺐ ..
- ﺳﺮﻭﺓ .. ﻫﺎﻱ ﺷﻨﻮ ﻳﻮﻡ ﻛﻼﺩﺓ ﺍﻡ ﺍﻟﻠﻴﺮﺍﺕ ﻭﺯﻧﺎﺩﻱ ﻭﻣﺤﺰﻡ ﻟﻠﺰﻱ ﺍﻟﻜﺮﺩﻱ ﻳﻤﺔ ﻳﺨﺒﻠﻦ ﻛﻠﻬﻦ ﻣﻮﺻﻴﺔ ﺍﻟﺼﺎﻳﻎ ﻗﺒﻞ ﺷﻬﺮ ﻳﺴﻮﻳﻬﻦ ... ﻫﺎﻱ ﺷﻨﻮ ﻳﻤﺔ ﺍﻟﻠﻪ ﻋﻠﻴﺞ ﻫﺬﺍ ﻛﻠﻪ ﻳﻠﺒﺲ ..
- ﺍﻟﺤﺠﻴﺔ .. ﺍﻱ ﻳﻠﺒﺲ ﻭﺍﺭﻳﺪﺝ ﺗﺪﻭﺧﻴﻬﻦ ﻭﻟﻮ ﺍﺩﺭﻱ ﻛﻠﺸﻲ ﻣﻴﺤﺘﺎﺟﻠﺞ ..
ﻛﻤﺖ ﺣﻀﺮﻧﺎ ﻟﻠﻌﺼﺮ ﻳﻄﻠﻌﻮﻥ ﻳﺤﻨﻮﻫﺎ ﻫﻮ ﺳﻮﺓ ﺣﻨﺔ ﺑﻠﺤﺪﻳﻘﺔ ﻛﻠﺶ ﺟﺒﻴﺮﺓ . ﺍﺧﻮﺗﻲ ﻭﺍﻛﻔﻴﻦ ﻭﻳﺎﻩ ﻭﻭﻟﺪ ﻋﻤﺎﻣﻪ ﻭﺍﻧﻲ ﺍﻟﺒﺠﻲ ﻣﺪﻳﻔﺎﺭﻛﻨﻲ ﺍﻟﻴﻮﻡ ﻳﺤﻨﻮﻟﻚ ﻋﺮﻭﺳﺘﻚ ﺑﺮﻛﺎﺕ ﺍﻟﻴﻮﻡ ﺗﺎﺧﺬﻙ ﻣﻨﻲ ﺍﻧﻲ ﺍﻟﻲ ﻣﺸﺒﻌﺖ ﻣﻨﻚ ﺍﺑﺪﻝ ﻭﺍﺑﺠﻲ ﺭﺿﺎ ﺑﺪﻟﺘﻠﻪ ﻭﺭﺍﺡ ﻭﻳﺎﻩ ﻭﻣﺸﻔﺘﻪ ﻭﻣﺸﻔﺖ ﻃﻮﻟﻪ ﻭﻣﺸﻔﺖ ﻫﻴﺒﺘﻪ ﺑﺪﺷﺪﺍﺷﺘﻪ ﻣﺘﻌﻮﺩ ﺩﺍﺋﻤﺎ ﻳﻠﺒﺲ ﺩﺷﺪﺍﺷﺔ ﺳﻮﺩﺓ . ﺍﻟﻴﻮﻡ ﺷﺮﺍﺡ ﻳﺰﻳﻦ ﻃﻮﻟﻚ ﺍﻟﺤﻠﻮ ..
ﻛﻤﻠﺖ ﻭﺍﻧﻲ ﺷﺴﻮﺭﺕ ﺷﻌﺮﻱ ﻭﺣﻄﻴﺖ ﻣﻜﻴﺎﺝ ﻟﺮﻭﺣﻲ ﻗﺎﺑﻞ ﻓﺮﺣﺎﻧﺔ ﻭﺍﺭﻭﺡ ﺻﺎﻟﻮﻥ ﻛﻤﻠﺖ ﻭﻛﻔﺖ ﻉ ﺍﻟﻤﺮﺍﻳﺔ .. ﻭﺍﻟﻠﻪ ﺣﻠﻮﺓ ﻟﻴﺶ ﻫﻴﺞ ﺻﺎﺭ ﺑﻴﻪ ﻟﻴﺶ ﻣﺪﺍﺿﻮﻙ ﻃﻌﻢ ﺍﻟﺴﻌﺎﺩﺓ ﺿﻜﺘﻪ ﻣﺮﺓ ﻭﻣﺸﺒﻌﺖ ﻣﻨﻪ ﻭﻣﺪﺍﻣﺘﻠﻲ ﻭﺍﺧﺬﺗﻪ ﻣﻨﻲ ﻏﻴﺮﻱ ..
بيج قصص عراقيه حقيقيه من واقعنا.روعه الطائي
ﺑﺮﻛﺎﺕ ﻭﺭﺍﻫﺎ ﺣﺎﻭﻝ ﻭﻳﺎﻳﺔ ﻫﻮﺍﻳﺔ ﺑﺲ ﺍﺑﺪ ﻣﻨﻄﻴﺘﻪ ﻣﺠﺎﻝ ﻻﻥ ﻣﺎﺭﻳﺪ ﺍﺗﻌﻮﺩ ﻋﻠﻴﻪ ﻭﻳﺮﻭﺡ ﻟﻐﻴﺮﻱ ﺧﻠﻲ ﺍﻟﻬﺎ ﻭﺍﻧﻲ ﺍﻛﻞ ﺭﻭﺣﻲ ﻭﺭﺍﺡ ﺗﺒﺪﻱ ﻣﺄﺳﺎﺗﻲ ﻣﻦ ﻳﺠﻲ ﻟﻬﻨﺎ ﻭﺍﺷﻮﻓﻪ ﻳﺮﻭﺣﻠﻬﺎ ﻳﻤﻜﻦ ﺍﻣﻮﺕ ﺑﻴﻮﻣﻬﺎ . ﺍﻧﻲ ﻻﺯﻡ ﺍﺭﻭﺡ ﺍﻛﻌﺪ ﻳﻢ ﺍﻫﻠﻲ ﻭﻻ ﺣﺮﻛﺎﻥ ﺍﻟﻜﻠﺐ ﻳﻮﻣﻴﺔ ﻣﺎﻟﻲ ﺧﻠﻚ ﺍﺗﺤﻤﻞ .. ﺍﻧﻔﺘﺤﺖ ﺍﻟﺒﺎﺏ ﺍﻧﺪﺍﺭﻳﺖ ﻭﺍﺷﻮﻓﻪ ﻛﺪﺍﻣﻲ ﺍﻭﻭﻭﻭﻑ ﻳﺎﻛﻠﺒﻲ ﺍﻟﺮﺟﻒ ﺑﺸﻮﻓﺘﻚ ﻋﻴﻮﻧﻪ ﺍﻛﻠﺘﻨﻲ ﻭﺍﻧﻲ ﺍﻟﻲ ﻣﺪﻳﻬﻠﻲ ﺍﻭﺧﺮ ﻋﻴﻨﻲ ﻭﻻ ﺩﺗﻤﻞ ﻣﻦ ﺷﻮﻓﺘﻪ ﻳﺒﺎﻭﻉ ﻋﻠﻴﻪ ﻣﻦ ﻓﻮﻙ ﻟﻴﺠﻮﺓ ﻭﻳﺒﻠﻊ ﺭﻳﻜﻪ ﺗﻘﺪﻣﺖ ﻋﻠﻴﻪ ﻭﻋﻴﻮﻧﻲ ﻣﻠﻴﺎﻧﻪ ﺩﻣﻮﻉ .. ﻣﺒﺮﻭﻙ ﺍﺑﻮ ﺭﺿﺎ ﻻﻭﻝ ﻣﺮﺓ ﺍﻛﻮﻟﻪ ﺍﺑﻮ ﺭﺿﺎ ﺩﺍﺋﻤﺎ ﺍﺻﻴﺤﻠﻪ ﺍﺑﻮ ﻧﺮﺟﺲ .. ﺑﺲ ﺭﺩﺕ ﺍﺣﺴﺴﻪ ﺍﻧﺖ ﺍﻟﻴﻪ ﺍﻧﺖ ﻣﺎﻟﺘﻲ ﻭﻟﺘﻨﺴﻰ ﻫﻠﺸﻲ ﺍﺑﺪ .. ﻣﺒﺮﻭﻙ ﺍﻧﺖ ﺗﺴﺘﺎﻫﻞ ﺍﻟﺨﻴﺮ ﻛﻠﻪ ﺑﺲ ﻣﻮ ﻫﻲ ﺍﻟﺨﻴﺮ .. ﻭﺍﺗﻤﻨﻰ ﺍﻛﻮﻥ ﻣﺄﺫﻳﺘﻚ ﺑﻴﻮﻡ . ﺑﺲ ﺍﺭﻳﺪ ﺍﻃﻠﺐ ﻣﻨﻚ ﻃﻠﺐ .. ﻣﻴﺠﺎﻭﺏ ﺑﺲ ﻳﺒﺎﻭﻉ ﺑﺴﻜﻮﺕ .. ﺍﺭﻳﺪ ﺍﺣﻀﻨﻚ ﻗﺒﻞ ﻟﺘﺤﻀﻨﻬﺎ ﻭﻣﻦ ﺗﺤﻀﻨﻬﺎ ﻭﻳﺼﻴﺮ ﺭﺍﺳﻬﺎ ﻉ ﺻﺪﺭﻙ ﺗﺘﺬﻛﺮﻧﻲ . ﺗﺬﻛﺮﻧﻲ ﺑﻜﻞ ﻟﻤﺴﺔ ﺗﻠﻔﺢ ﺟﺴﻤﻬﺎ ﺗﺬﻛﺮﻧﻲ ﺑﻜﻞ ﻫﻤﺴﺔ ﺭﺍﺡ ﺗﻬﻤﺴﻬﺎ ﺑﺎﺫﻧﻬﺎ ﺗﺬﻛﺮﻧﻲ ﺑﻜﻞ ﺷﻤﺔ ﻋﻄﺮ ﺭﺍﺡ ﺗﺸﻤﻪ ﻣﻨﻬﺎ ﻻﻥ ﺭﺍﺡ ﺍﻛﻮﻥ ﺑﻜﻠﺒﻲ ﻭﺑﺮﻭﺣﻲ ﻭﻳﺎﺍﻙ ﻣﺎﺭﻳﺪﻙ ﺗﻨﺴﺎﻧﻲ ﺑﺮﻛﺎﺕ . ﻻﻥ ﺍﻧﺖ ﺟﻨﺖ ﻣﺎﻟﺘﻲ ﻭﺍﺧﺬﻭﻙ ﻣﻨﻲ ﺣﻀﻨﺘﻪ ﺑﻜﻞ ﻗﻮﺗﻲ ﻭﺑﺠﻴﺖ ﺑﺤﺮﻛﺔ ...
- ﺑﺮﻛﺎﺕ .. ﻛﺎﻓﻲ ﻳﺎﺭﻭﺡ ﺑﺮﻛﺎﺕ ﺍﻧﻲ ﻣﺎﺃﺗﺬﻛﺮﺝ ﻻﻥ ﻣﺎﻧﺎﺳﻴﺞ ﻟﺤﻈﺔ ﻭﻻ ﺭﺍﺡ ﺍﺣﺲ ﺑﻜﻞ ﺍﻟﻲ ﻛﻠﺘﻲ ﻻﻥ ﻫﻨﺔ ﺑﺲ ﺍﻟﺞ ﺳﺮﻭﺓ ﺑﺮﻛﺎﺕ ﻣﺎﻟﺘﺞ ﺍﻧﺘﻲ ﻭﺑﺲ ﻟﺘﺰﻳﺪﻳﻬﺎ ﻋﻠﻴﻪ ﺣﺒﻴﺒﺔ ﻋﻤﺮﻱ ﻭﻟﺘﺄﺫﻳﻨﻲ ﺩﻣﻮﻋﺞ ﻏﺎﻟﻴﺔ ﻭﻣﺎﺭﻳﺪﻫﺎ ﺗﻨﺰﻝ ﺣﺘﻰ ﻣﻦ ﺍﻣﻮﻭﻭﺕ ..
- ﺳﺮﻭﺓ ... ﺍﺳﻢ ﺍﻟﻠﻪ ﻋﻠﻴﻚ ... ﻭﺧﺮﺕ ﻣﻦ ﻳﻤﻪ ﻳﻠﺔ ﺭﻭﺡ ﺷﻮﻑ ﺣﻨﺘﻚ ﻣﻮ ﻋﺎﻳﻒ ﺍﻟﻌﺎﻟﻢ ﻭﺟﺎﻱ ﻫﻨﺎ ﺩﺍ ﺃﻭﺧﺮ ﺟﺮﻧﻲ ﻋﻠﻴﻪ ....
- ﺑﺮﻛﺎﺕ ... ﻭﻳﻦ ﺭﺍﻳﺤﺔ ..
- ﺳﺮﻭﺓ ... ﺍﺭﻭﺡ ﻳﻢ ﺍﻟﺤﺠﻴﺔ ﺭﺍﺩﺗﻨﻲ ﻣﺮﺗﻴﻦ ﺩﺯﺕ ﻋﻠﻴﻪ ....
- ﺑﺮﻛﺎﺕ .. ﺍﻧﺘﻲ ﺷﻠﻮﻥ ﺭﺍﺡ ﺗﻄﻠﻌﻴﻦ ﻣﻨﺎ ...
- ﺳﺮﻭﺓ ... ﺍﻟﺒﺲ ﻣﺜﻞ ﻣﻴﻠﺒﺴﻮﻥ ﻭﺍﻃﻠﻊ ﻭﻳﺎﻫﻢ ...
- ﺑﺮﻛﺎﺕ .. ﻛﻠﺸﻲ ﻣﺎﺭﻳﺪ ﻳﺒﻴﻦ ﻣﻨﺞ ﺳﺮﻭﺓ ﻣﺎﺭﻳﺪ ﺍﻭﺻﻲ ...
- ﺳﺮﻭﺓ .. ﻟﺘﺨﺎﻑ ﺍﻧﻲ ﻛﻠﺸﻲ ﺑﻴﻪ ﻣﻀﻤﻮﻡ ﺑﺲ ﺍﻟﻚ ﻭﻣﺴﺠﻞ ﺑﺄﺳﻤﻚ ﺍﺑﺘﺴﻤﺖ ﺍﺑﺘﺴﺎﻣﺔ ﺣﺰﻥ ﻭﻋﻔﺘﻪ ﻭﺭﺣﺖ ﻭﺍﻧﻲ ﺍﻟﺪﻣﻮﻉ ﺗﻼﻟﻲ ﺑﻌﻴﻨﻲ
يتبع.....
Bạn đang đọc truyện trên: Truyen247.Pro