#اسقني__حبك

بقلم وئام البياتي

ﺍﻫﻠﻲ ﺑﺮﻛﺎﺕ ﺟﺎﺑﻬﻢ ﻳﺴﻜﻨﻮﻥ ﻳﻤﻨﺎ ﺑﻠﻨﺎﺻﺮﻳﺔ ﺑﻌﺪ ﺳﺎﻟﻔﺔ ﺳﻼﻡ ﻣﻦ ﺭﺍﺡ ﻟﺒﻐﺪﺍﺩ ﻭﻫﺪﺩﻩ ﺍﺫﺍ ﻭﺻﻞ ﺍﻟﻨﺎﺻﺮﻳﺔ ﺑﻌﺪ ﺗﻜﻮﻥ ﻧﻬﺎﻳﺘﻪ ﺑﻴﻬﺎ ﻻﻥ ﺟﺒﻴﺮﺓ ﺗﻄﻠﺐ ﻣﺮﺗﻲ ﻣﻨﻲ ﻭﻣﺒﻠﻐﻴﻚ ﻫﻲ ﺗﺰﻭﺟﺖ ﻃﺒﻌﺎ ﺿﻞ ﻣﺼﺮ ﻭﺻﺎﻳﺮﺓ ﻫﻮﺳﺔ ﻟﻮ ﻣﺎ ﺍﺑﻮﻩ ﻣﺘﻼﺣﻚ ﻟﻠﻤﻮﻗﻒ ﻭﺍﺑﻮﻳﺔ ﻫﻢ ﺟﺎﻥ ﻣﻮﺟﻮﺩ ﺟﺎﻥ ﺻﺎﺭﺕ ﺷﻐﻠﺔ ﻋﺸﺎﻳﺮ ﺑﺲ ﺍﺑﻮﻳﺔ ﻣﺮﺍﺩﻟﻲ ﺍﻟﻬﻮﺳﺔ ..
- ﺍﺑﻮ ﺳﺮﻭﺓ .. ﺍﺑﻨﻲ ﺑﺮﻛﺎﺕ ﻛﻌﺪﻩ ﻣﺎﻝ ﺯﻟﻢ ﻭﻳﻨﺬﻛﺮ ﺍﺳﻢ ﺑﺘﻲ ﻭﺍﻟﻲ ﻫﻲ ﻣﺮﺗﻚ ﺟﺒﻴﺮﺓ ﻋﻮﻑ ﺍﻟﺴﺎﻟﻔﺔ ﻭﺧﻠﻲ ﻳﺮﻭﺡ ﻟﺤﺎﻟﻪ ﻭﺍﻛﻴﺪ ﺑﻌﺪ ﻳﺨﺎﻑ ﻳﻮﺻﻞ ﺻﻠﻲ ﻉ ﺍﻟﻨﺒﻲ ﻭﻟﻴﺪﻱ ﺍﺩﺭﻱ ﺑﻴﻬﺎ ﺟﺒﻴﺮﺓ ﺑﻘﺎﻧﻮﻥ ﺍﻟﻌﺸﺎﻳﺮ ﻣﺘﺮﺿﺎ ﺍﻟﻌﻴﺒﺔ ﺍﻟﺒﺘﻲ ﻣﻦ ﻭﺭﺓ ﺷﻐﻠﺔ ﻣﺎﻟﻬﺎ ﺫﻧﺐ ﺑﻴﻬﺎ ﻣﻦ ﺍﻟﺒﺪﺍﻳﺔ ﻫﻲ ﺿﺤﻴﺔ ...
- ﺑﺮﻛﺎﺕ ... ﺻﺎﺭ ﻋﻤﻲ ﺣﺠﻴﻚ ﻉ ﻋﻴﻨﻲ ﻭﻉ ﺭﺍﺳﻲ ﻣﻴﻜﻮﻥ ﺧﺎﻃﺮﻙ ﺍﻻﻃﻴﺐ ﺑﺲ ﺍﻧﺘﻮ ﺑﻌﺪ ﻣﺎﻟﻜﻢ ﻛﻌﺪﺓ ﻫﻨﺎ ﺍﻧﺘﻮ ﺍﻫﻞ ﺳﺮﻭﺓ ﻳﻌﻨﻲ ﺍﻫﻠﻲ ﺗﺠﻮﻥ ﻭﺷﻐﻞ ﻟﻠﻮﻟﺪ ﻣﻮﺟﻮﺩ ﻭﻉ ﺭﺍﺳﻲ ...
- ﺳﺮﻭﺓ .. ﺍﺑﻮﻳﺔ ﺑﻮﻛﺘﻬﺎ ﻣﻘﺒﻞ ﺑﺲ ﻋﺮﻑ ﺑﺮﻛﺎﺕ ﻳﻘﻨﻌﻪ ﻭﺟﺎﺑﻬﻢ ﻭﺍﺟﺔ ﻛﻌﺪﻭﺍ ﺍﻟﻲ ﺟﻨﺖ ﻛﺎﻋﺪﺓ ﺑﻲ ﺍﻧﻲ ﻭﺗﻤﻴﻢ ﻭﺍﺣﻤﺪ ﻭﻋﺒﺪﺍﻟﻠﻪ ﺷﻐﻠﻬﻢ ﻭﻳﺎﻩ ﺑﺸﺮﻛﺘﻪ ﺍﺣﻤﺪ ﺻﺎﺭ 6 ﻋﻠﻤﻲ ﺣﺒﻴﺒﻲ ﻭﻋﺒﺪﺍﻟﻠﻪ ﺻﻒ ﺭﺍﺑﻊ ﻭﺍﻟﺤﻤﺪﻟﻠﻪ ﻣﺴﺘﻮﺍﻫﻢ ﻛﻠﺶ ﺯﻳﻦ ﺑﻠﺪﺭﺍﺳﺔ ﺍﺟﻮﻱ ﺍﻫﻠﻲ ﻛﻌﺪﻭﺍ ﻭﺧﻄﻴﺔ ﺍﻣﻲ ﻣﻄﺐ ﺍﻻ ﺍﻟﺤﺠﻴﺔ ﺗﺪﺯ ﻋﻠﻴﻬﺎ ﺗﺴﺘﺤﻲ ...
- ﺑﺮﻛﺎﺕ .. ﻃﻠﻌﺖ ﻣﻦ ﺍﻟﺼﺒﺢ ﻇﻠﻴﺖ ﻛﺎﻋﺪ ﺑﻠﺪﻳﻮﺍﻥ ﻝ 8 ﺧﺎﺑﺮﺕ ﺍﺑﻮﻫﺎ ﻻﺯﻡ ﺍﺧﺒﺮﻩ ﻋﻴﺐ ﻣﻨﻪ ﺭﺟﺎﻝ ﻃﻴﺐ ﻣﺘﻄﻠﻊ ﻣﻨﻪ ﺍﻟﻌﻴﺒﺔ ﺧﻄﻴﺔ ﺭﺑﻊ ﺳﺎﻋﺔ ﻭﺭﺣﺘﻠﻪ ﻟﻠﺒﻴﺖ . ﺩﻧﺞ ﻭﺍﻧﻲ ﺍﻟﻲ ﺍﺳﺘﺤﻴﺖ .. ﺑﺮﺍﺣﺘﻚ ﻭﻟﻴﺪﻱ ﺑﺲ ﻉ ﻛﻴﻔﻚ ﻭﻳﺎﻫﺎ ﺗﺮﺓ ﺳﺮﻭﺓ ﺍﻟﺒﺎﺭﺣﺔ ﻳﻠﺔ ﻓﺮﺣﺘﻮﺍﺭﺗﺎﺣﺖ ﻭﺍﻟﻴﻮﻡ ﺗﻨﺼﺪﻡ ﺑﻬﻴﺞ ﺧﺒﺮ ..
- ﺑﺮﻛﺎﺕ .. ﻭﺍﻟﻠﻪ ﻋﻤﻲ ﻣﻮ ﺑﻴﺪﻱ ﻭﻭﻭﺷﺮﺣﺘﻠﻪ ﺍﻟﻤﻮﺿﻮﻉ .. ﻋﺬﺭﻧﻲ ﻭﻃﻠﺐ ﻣﻨﻲ ﻫﻮ ﺍﻟﻲ ﻳﺒﻠﻐﻬﺎ ﺑﻌﺪ ﺍﺫﻧﻚ ﻭﻟﻴﺪﻱ ..
- ﺑﺮﻛﺎﺕ .. ﻳﺎ ﺍﺫﻥ ﻋﻤﻲ ﺍﻧﺖ ﺗﺄﻣﺮﻧﻲ ﺑﺲ ﻻﺯﻡ ﺗﺸﺮﺣﻠﻬﺎ ﻣﻮﻗﻔﻲ ﻭﺍﻧﻲ ﻻ ﺭﺍﺡ ﺍﻋﻮﻓﻬﺎ ﻭﻻ ﻣﻌﺎﻣﻠﺘﻲ ﺍﻟﻬﺎ ﺗﺘﻐﻴﺮ ﻻﻥ ﺳﺮﻭﺓ ﻋﻤﺮﻱ ﺍﻟﺠﺎﻱ ﻛﻠﻪ ﺍﻟﻲ ﻻ ﻳﻤﻜﻦ ﺍﺗﺨﻠﻰ ﻋﻨﻬﺎ ﺑﻴﻮﻡ ﻣﻦ ﺍﻻﻳﺎﻡ ..
- ﺍﺑﻮ ﺳﺮﻭﺓ .. ﺍﻥ ﺷﺎﺀ ﺍﻟﻠﻪ ﻭﻟﻴﺪﻱ ...
- ﺑﺮﻛﺎﺕ .. ﺍﻣﻬﺎ ﻣﻨﻄﻘﺖ ﻭﻻ ﻛﻠﻤﺔ ﺍﺧﻮﺗﻬﺎ ﻣﺠﺎﻧﻮﺍ ﻣﻮﺟﻮﺩﻳﻦ ﻭﺣﺘﻰ ﻟﻮ ﻛﺎﻋﺪﻳﻦ ﻣﻴﺪﺧﻠﻮﻥ ﻣﺪﺍﻡ ﺍﺑﻮﻫﻢ ﻛﺎﻋﺪ ﺗﺮﺑﻴﺔ ﻓﺮﻳﺪﺓ ﻣﻦ ﻧﻮﻋﻬﺎ .. ﺻﺎﺭﺕ 9 ﻭﻧﺺ ﻃﻠﻌﻨﺎ ﺍﻧﻲ ﻭﻳﺎﻩ ﻭﺍﻣﻬﺎ ﺧﻄﻴﺔ ﻫﻢ ﺍﺟﺘﻲ ﺣﺘﺮ ﺍﺑﻮﻫﺎ ﻳﺤﺠﻲ ﻭﻳﺎﻫﺎ ﻭﻃﻠﺒﺖ ﻣﻦ ﻋﻤﻲ ﺍﻟﺰﻭﺍﺝ ﺑﻌﺪ ﺷﻬﺮ ﻳﻠﺔ ﻻﺯﻡ ﺍﻣﻬﺪﻟﻬﺎ ﻭﺍﺧﻠﻴﻬﺎ ﺗﺴﺘﻮﻋﺐ ﺍﻟﻤﻮﺿﻮﻉ ﻳﻠﺔ .. ﻃﻠﻌﻨﺎ ﻟﻠﺒﻴﺖ ﻻﻛﻨﺎ ﻭﻟﺪ ﺻﺎﺣﺒﻲ ﻭﻛﻔﺖ ﻭﻳﺎﻩ ﺗﻘﺮﻳﺐ 10 ﺩﻗﺎﻳﻖ ﺍﻣﻬﺎ ﺭﺍﺣﺖ ﻭﺭﺣﻨﺎ ﺗﻤﺸﻴﻨﺎ ﺍﻧﻲ ﻭﻋﻤﻲ ..
- ﺳﺮﻭﺓ .. ﻃﺒﻦ ﻳﻬﻠﻬﻠﻦ ﺷﻨﻮ ﻫﺎﻱ ﻣﻌﻘﻮﻟﺔ ﺟﺎﻳﺎﺕ ﻳﺒﺎﺭﻛﻠﻲ ﻣﻌﻘﻮﻟﺔ ﻋﺮﻓﻦ ﺍﺑﺎﻭﻉ ﻟﻠﺒﻨﺎﺕ ﻭﻫﻨﺔ ﻫﻢ ﻣﺴﺘﻐﺮﺑﺎﺕ .. ﺍﻟﻤﻄﺒﺦ ﻣﺎﻝ ﺑﻴﺖ ﻛﻠﺶ ﺟﺒﻴﺮ ﻧﺎﺱ ﻭﺍﻛﻔﺔ ﻉ ﺍﻟﻄﺒﺎﺥ ﻧﺎﺱ ﻉ ﺍﻟﺴﻨﻚ ﻧﺎﺱ ﻛﺎﻋﺪﺓ ﻭﻃﺒﻦ ﻫﻨﺔ ﺳﻨﺎﺀ ﺭﺍﺣﺖ ﺑﺎﺳﺖ ﺍﻣﻬﺎ ..
- ﺳﻨﺎﺀ .. ﺑﻠﻤﺒﺎﺭﻙ ﻳﻤﺔ ﻉ ﺑﺮﻛﺎﺕ ﻭﻓﺮﺣﺔ ...
- ﺳﺮﻭﺓ .. ﺍﻧﻲ ﺍﻻﺑﺘﺴﺎﻣﺔ ﻏﺎﺑﺖ ﻋﻨﻲ ﺷﻨﻮ ﻳﺎﻓﺮﺣﺔ ﻫﺎﻱ ﺭﺍﺳﻦ ﻭﺟﻬﻲ ﺍﻧﻜﻠﺐ ﺍﺑﺎﻭﻉ ﻋﻠﻰ ﺻﻔﺎﺀ ﻭﺩﻋﺎﺀ ﻭﻟﻤﻴﺎﺀ ﻧﻔﺲ ﺣﺎﻟﻲ ﺣﺘﻰ ﻳﻤﺔ ﺍﻟﺤﺠﻴﺔ ﻫﻤﻴﻦ ..
- ﺍﻟﺤﺠﻴﺔ .. ﻳﺎ ﻓﺮﺣﺔ ﻭﻟﺞ ..
- ﺳﻨﺎﺀ .. ﻟﻴﺶ ﻳﻤﺔ ﻣﺘﺪﺭﻳﻦ ﻣﻮ ﺍﻟﺒﺎﺭﺣﺔ ﺍﻟﺸﻴﺦ ﺑﺮﻛﺎﺕ ﻃﻠﺐ ﻓﺮﺣﺔ ﺑﺖ ﺍﻟﺸﻴﺦ ﺣﺴﻦ ﺍﺑﻮ ﻏﺎﻧﻢ ﻭﺍﻟﻌﺮﺱ ﺑﻌﺪ ﺷﻬﺮ ...
- ﺳﺮﻭﺓ .. ﺍﻧﻲ ﺍﺣﺲ ﻏﺒﺖ ﻋﻦ ﺍﻟﺪﻧﻴﺎ ﺍﺟﺘﻲ ﻟﻤﻴﺎﺀ ﻳﻤﻲ ﻟﺰﻣﺘﻨﻲ .. ﺍﻧﺪﺍﺭﺕ ﻋﻠﻴﻪ ﺳﻬﺎﻡ .. ﻫﺎ ﺳﺮﻭﺓ ﺍﺷﻮ ﻣﺒﺎﺭﻛﺘﻲ ﻻﺧﺘﻲ ﺑﻌﺮﺳﻬﺎ .. ﻣﺠﺎﻭﺑﺘﻬﺎ .. ﺑﺎﻭﻋﺖ ﻉ ﻳﻤﺔ ﺍﻟﺤﺠﻴﺔ . ﺍﺭﻳﺪ ﺑﺲ ﺩﻣﻮﻋﻲ ﺗﻨﺰﻝ ﻣﺎﻛﻮ ﺍﺣﺲ ﻛﻠﺒﻲ ﺩﻳﻨﺰﻑ ﻃﺐ ﻫﻮ ﻣﻦ ﺑﺎﺏ ﺍﻟﻤﻄﺒﺦ ﺑﺲ ﻣﻦ ﺟﻮﺓ ﺍﻟﻲ ﻗﺮﻳﺐ ﻣﻦ ﺍﻻﺳﺘﻘﺒﺎﻝ ﺑﺎﻭﻉ ﻋﻠﻴﻪ ﻭﺍﺳﺘﻐﺮﺏ ﻣﻨﻬﻦ ﻣﻮﺟﻮﺩﺍﺕ ﻛﻠﻬﻦ ﻭﻋﺮﻑ ﺍﻧﻲ ﻋﺮﻓﺖ ﻛﺎﻣﻦ ﻛﻠﻬﻦ ﻳﻬﻠﻬﻠﻦ ﻭﺻﻮﺗﻬﻦ ﻃﺮﺵ ﺍﺫﻧﻲ ﺍﺣﺲ ﺍﺧﺘﻨﻜﺖ ﺑﺲ ﺍﺭﻳﺪ ﺍﻃﻠﻊ ﻭﻫﻮ ﻭﺍﻛﻒ ﻳﻢ ﺍﻟﺒﺎﺏ .. ﻛﺎﻣﻦ ﻳﺒﺎﺭﻛﻠﻪ ﺧﻨﺰﺭ ﻉ ﺳﻨﺎﺀ ﺳﻜﺘﺖ ..
- ﺑﺮﻛﺎﺕ .. ﺑﺴﺴﺴﺴﺲ ﻛﺎﻓﻲ ﻭﻛﻠﺠﻦ ﻟﺒﻴﻮﺗﺠﻦ ﻳﻠﺔ ﻭﺣﺘﻰ ﺍﻣﻬﻦ ﻣﺤﺘﺮﻣﻬﺎ ..
- ﺳﺮﻭﺓ .. ﻇﻠﻦ ﺻﺎﻓﻨﺎﺕ ﻋﻠﻴﻪ . ﻫﻮ ﻋﺮﻑ ﻳﺮﻳﺪﻥ ﻳﺄﺫﻧﻲ .. ﺍﻣﻲ ﺍﺟﺘﻲ ﻭﻳﺎﻩ ﺗﺒﺎﻭﻋﻠﻲ ﻭﺍﺩﻧﺞ ..
- ﺍﻟﺤﺠﻴﺔ .. ﺗﻌﺎﻱ ﻟﻤﻴﺔ ﻭﺩﻳﻨﻲ ﻟﻐﺮﻓﺘﻲ ﻛﺎﻣﺖ ﺳﻨﺪﺗﻬﺎ ﻻﻣﻬﺎ ﻭﻳﺎﻫﺎ ﻧﺮﺟﺲ ﻭﻃﻠﻌﻦ ﻭﺭﺿﺎ ﺳﻮﺩﺓ ﻋﻠﻴﻪ ﻣﺪﻳﻔﺘﻬﻢ ﺑﺲ ﻳﻜﻤﺰ ﻳﻢ ﺭﺟﻠﻪ ﻫﻮ ﻋﻴﻨﻪ ﻣﻨﺰﻟﻬﺎ ﻭﺍﻧﻲ ﻫﻢ ﻋﻴﻨﻲ ﺑﻌﻴﻨﻪ ﻣﺘﺮﻭﺳﺔ ﺩﻣﻮﻉ ..
- ﺳﺮﻭﺓ .. ﻋﻔﻴﺔ ﺻﻔﺎﺀ ﺍﺭﻳﺪ ﺍﻧﺎﻡ ﺭﺍﻳﺤﺔ ﻟﻐﺮﻓﺘﻲ ﺑﺲ ﻋﻴﻨﻜﻢ ﻉ ﺭﺿﺎ ﺩﺍﺃﻃﻠﻊ ﻣﻦ ﺍﻟﻤﻄﺒﺦ ..
- ﺑﺮﻛﺎﺕ .. ﺳﺮﻭﺓ ..
- ﺳﺮﻭﺓ .. ﻧﻌﻢ ﺍﺑﻮ ﻧﺮﺟﺲ ﻛﻮﻝ ..
- ﺑﺮﻛﺎﺕ .. ﺍﺑﻮﺝ ﺑﺎﻻﺳﺘﻘﺒﺎﻝ ﺭﺍﻳﺪ ﻳﺤﺠﻲ ﻭﻳﺎﺝ ...
- ﺳﺮﻭﺓ .. ﻟﻴﺶ ﻣﻮ ﺍﻧﺖ ﺗﺤﺠﻲ ﻭﻳﺎﻳﺔ ... ﻭﺍﺑﺎﻭﻉ ﻋﻠﻴﻬﻦ ﺭﺩ ﺑﺎﻭﻋﻠﻬﻦ ﻭﻋﺎﻁ ﺑﻴﻬﻦ ﺟﺎﻧﻦ ﺩﻳﻠﺒﺴﻦ ﻋﺒﻴﻬﻦ .. ﺍﻻ ﻓﺮﺣﺔ ﺍﺟﺘﻲ ﻳﻤﺔ ... ﺑﺮﻛﺎﺕ ﺣﺒﻴﺒﻲ ﺟﻨﺖ ﻣﺘﺄﻛﺪﺓ ﺗﺤﺒﻨﻲ ﻭﺭﺍﺡ ﺍﺻﻴﺮ ﺍﻟﻚ ﻭﺗﺒﺎﻭﻋﻠﻲ ... ﺍﻧﻲ ﻋﻔﺘﻬﻢ ﻭﺭﺣﺖ ﻉ ﺍﺑﻮﻳﺔ ﻃﺒﻴﺖ ﻛﺎﻋﺪ ﻭﻳﺔ ﺍﻟﺤﺠﻴﺔ ﻳﻤﻪ ﻛﺎﻋﺪﻩ ﻭﻟﻤﻴﺎﺀ ﻫﻢ ﺭﻛﻀﺖ ﻋﻠﻴﻪ ﺣﻀﻨﺘﻪ ﻭﺑﺴﺎﻋﺘﻬﺎ ﻳﻠﺔ ﻧﺰﻟﺖ ﺩﻣﻮﻋﻲ ﻭﺷﻜﻮ ﺩﻣﻮﻉ ﻋﻨﺪﻱ ﻃﻠﻌﺘﻬﺎ .. ﻃﺒﻌﺎ ﺍﺟﺔ ﻭﺭﺍﻳﺔ ﻫﻮ ﻭﺻﻔﺎﺀ ﻭﺩﻋﺎﺀ ﻫﻢ ﺟﺎﻧﺖ ﻣﻮﺟﻮﺩﺓ ... ﻗﺒﻞ ﺳﺎﻋﺔ ﺍﻟﻜﻞ ﺟﺎﻥ ﻳﻀﺤﻚ ﻭﻓﺮﺣﺎﻥ ﻭﻫﺴﺔ ﺍﻟﻜﻞ ﺿﺎﻳﺞ ﻭﻣﻄﺎﻳﻖ ﻧﻔﺴﻪ ...
- ﺍﺑﻮ ﺳﺮﻭﺓ .. ﻫﺎﻱ ﺷﻨﻮ ﺑﺎﺑﺎ ﻟﻴﺶ ﻫﻴﺞ ﺿﻌﻴﻔﺔ ﺍﻧﺘﻲ ﻣﻌﺮﻓﺖ ﺳﺮﻭﺓ ﺑﻨﻴﺘﻲ ﻫﻠﻜﺪ ﺿﻌﻴﻔﺔ ﺍﻧﺘﻲ ﻗﻮﻳﺔ ﺣﺒﻴﺒﺘﻲ . ﺍﻧﺘﻲ ﻗﻮﻳﺔ ﻣﺜﻞ ﺍﻣﺞ ﻣﻦ ﺳﻨﺪﺗﻨﻲ ﻋﻠﻰ ﺩﻧﻴﺎﻱ ﺍﻟﻲ ﺗﻌﺮﻓﻴﻬﺎ ﻣﻦ ﺍﺧﻮﻳﺔ ﺗﺒﺮﺓ ﻣﻨﻲ ﻻﻥ ﺗﺰﻭﺟﺖ ﺍﻣﺞ ﻭﺣﺮﻣﻨﻲ ﻣﻦ ﻛﻠﺸﻲ ﻭﺍﻟﻌﻴﺸﺔ ﺍﻟﻲ ﻋﺸﻨﺎﻫﺎ . ﺟﺎﻧﺖ ﻗﻨﻮﻋﺔ ﺑﺸﻜﻞ ﻭﻧﻌﻢ ﺍﻟﻤﻌﻴﻞ ‏( ﺍﻧﻲ ﺍﺑﺎﻭﻉ ﺑﻌﻴﻮﻧﻪ ﻣﻦ ﻳﺤﺠﻲ ﻭﺩﻣﻮﻉ ﻣﺒﻘﺖ ﻋﻨﺪﻱ .. ﻫﻮ ﻭﺍﻛﻒ ﻳﺪﺧﻦ ﺑﺒﺎﺏ ﺍﻻﺳﺘﻘﺒﺎﻝ ﻭﺍﻟﻜﻞ ﻋﻴﻨﻪ ﻉ ﺍﺑﻮﻳﺔ ﻣﻦ ﺩﻳﺤﺠﻲ ‏) ... ﺍﻟﻲ ﻋﺎﻧﺘﻨﻲ ﻉ ﺩﻧﻴﺎﻱ ﻛﺎﻓﻲ ﺑﺎﺑﺎﺗﻲ ﺭﺟﻠﺞ ﺍﻧﺠﺒﺮ ﻉ ﺍﻟﻲ ﺩﻳﺼﻴﺮ ﻳﻌﻨﻲ ﺗﺮﻳﺪﻳﻦ ﺗﺼﻐﺮﻱ ﻛﺪﺍﻡ ﺍﻟﻌﺎﻟﻢ ﻟﻮ ﺗﻮﻛﻔﻴﻦ ﺑﻈﻬﺮﻩ ﻭﻳﻜﻮﻝ ﻋﻨﺪﻱ ﻣﺮﺓ ﺍﻋﺘﻤﺪ ﻋﻠﻴﻬﺎ ﺑﺸﺪﺍﺗﻲ . ﻭﺍﻧﻲ ﺍﺑﺪ ﻣﻨﺪﻣﺎﻥ ﺍﻥ ﻧﻄﻴﺘﺞ ﻟﻬﻴﺞ ﻋﺎﺋﻠﺔ ﻭﺍﻟﻮﻟﺪ ﺭﺍﺡ ﻳﺼﻮﻧﺞ ﻭﻣﻌﻠﻲ ﻗﻴﻤﺘﺞ ﻛﺪﺍﻡ ﺍﻫﻠﻪ ﻭﻋﻤﺎﻣﻪ ﻭﺍﻟﻜﻞ ﻳﺤﺒﺞ ﻭﻳﺮﻳﺪ ﺧﺎﻃﺮﺝ ﺍﻋﺮﻑ ﺻﻌﺐ ﻋﻠﻴﺞ ﺍﻟﻰ ﺭﺍﺡ ﻳﺼﻴﺮ ﻭﺭﺍﺡ ﻳﺼﻌﺐ ﺍﻛﺜﺮ ﻭﺍﻛﺜﺮ ﻻﻥ ﻫﻲ ﺑﺖ ﻋﻤﻬﻢ ﻭﺍﻧﺘﻲ ﺍﻟﻐﺮﻳﺒﺔ ﺑﺲ ﻣﺎﻋﺘﻘﺪ ﺣﺴﺴﻮﺝ ﺑﻴﻮﻡ ﺍﻧﺘﻲ ﻏﺮﻳﺒﺔ ﺑﻠﻌﻜﺲ ﺍﻧﺘﻲ ﺑﺘﻬﻢ ﻭﺍﻡ ﺍﺑﻨﻬﻢ . ﺑﻨﺘﻲ ﻻﺯﻡ ﺗﻌﺪﻳﻦ ﻫﺎﻱ ﺍﻻﺯﻣﺔ ﻻﻥ ﻻﺑﺪ ﻭﺭﺍﻫﺎ ﻓﺮﺝ ﻭﻫﻲ ﻣﺤﺒﺔ ﺭﺟﻠﺞ ﻭﺍﻫﻠﻪ ﺍﻟﺞ ﻭﻻﺑﻨﺞ ﺯﻳﻦ ﺑﺎﺑﺎﺗﻲ ﻛﻮﻣﻲ ﺑﻮﺳﻲ ﺭﺍﺱ ﻋﻤﺘﺞ ﻭﺗﺴﺎﻧﺪﻳﻦ ﺭﺟﻠﺞ ﺗﺪﺭﻳﻦ ﻣﻨﺎﻳﻢ ﺍﻟﻠﻴﻞ ﻛﻠﻪ ﻭﺍﺟﺎﻧﻲ ﻣﻦ ﺍﻟﺼﺒﺢ ﻣﻴﻐﺪﻋﺮﻑ ﺷﻠﻮﻥ ﻳﻔﺎﺗﺤﺞ ﺑﻠﻤﻮﺿﻮﻉ ﺩﻳﺸﻮﻓﻬﺎ ﺻﻌﺒﺔ ﻋﻠﻴﺞ ﺑﺲ ﺑﻨﻔﺲ ﺍﻟﻮﻛﺖ ﻣﻴﻜﺪﺭ ﻳﺮﻓﺾ ﻭﻳﻜﺴﺮ ﺣﺠﺎﻳﺔ ﻫﻮ ﺣﺠﺎﻫﺎ ﻭﻣﻠﺰﻭﻡ ﺑﻴﻬﺎ ... ﻟﻴﺶ ﺳﺎﻛﺘﻪ ﻳﺎﺑﺔ ﺍﺣﺠﻲ ﻓﺮﻏﻲ ﺍﻟﻲ ﺑﻜﻠﺒﺞ ...
- ﺳﺮﻭﺓ .. ﻛﻠﺒﻲ ﺍﺯﺭﻑ ﻳﺎﺑﺔ ﺍﻧﻲ ﺍﻟﺒﺎﺭﺣﺔ ﻓﺮﺣﺖ ﺍﻟﺒﺎﺭﺣﺔ ﻋﺸﺖ ﺍﻟﺒﺎﺭﺣﺔ ﺣﺴﻴﺖ ﺍﻟﺪﻧﻴﺎ ﺗﺤﺒﻨﻲ ﻭﺍﻟﺴﻌﺎﺩﺓ ﻣﺠﺎﻧﺖ ﻻﻣﺘﻨﻲ ﻟﻴﺶ ﺍﻧﻲ ﻓﻜﺮ ﻭﻣﺘﻠﻮﻛﻠﻲ ﺍﻟﻔﺮﺣﺔ ..
- ﺍﺑﻮ ﺳﺮﻭﺓ .. ﻻ ﺑﻨﺘﻲ ﺣﺮﺍﻡ ﻋﻠﻴﺞ ﺍﺳﺘﻐﻔﺮﻱ ﺭﺑﺞ ﻣﻴﺠﻮﺯ ﻫﺸﻜﻞ ﺗﺤﺠﻴﻦ ﻣﺮﺑﻴﺘﻜﻢ ﻫﻴﺠﻲ ﺍﻧﻲ .. ﺻﻠﻲ ﻋﻠﻰ ﺍﻟﻨﺒﻲ ﻭﺍﺳﺘﻐﻔﺮﻱ ﺭﺑﺞ ﻭﻛﻮﻣﻲ ﻋﺎﺩ ﺭﺟﻠﺞ ﺿﺎﻳﺞ ﻋﻠﻰ ﺿﻮﺟﺘﺞ ﻟﺘﻘﻬﺮﻱ ﺷﻮﻓﻲ ﻗﺎﻫﺮﺓ ﺍﻟﻜﻞ ﺍﻧﺘﻲ ﺑﺎﻋﻲ ﺍﻟﺒﻨﺎﺕ ﻭﺭﺍﺝ .. ﻛﺎﻓﻲ ﺑﻨﺘﻲ ﻛﺎﻓﻲ ﺣﻀﻨﺘﻪ ﻭﺯﺩﺕ ﺑﻠﺒﺠﻲ ﻇﻞ ﻳﻄﺒﻄﺐ ﻉ ﻇﻬﺮﻱ .. ﺍﺑﺠﻲ ﺣﺒﻴﺒﺘﻲ ﺣﺘﻰ ﺗﺮﺗﺎﺣﻴﻦ ﺑﺲ ﺗﻨﻄﻴﻨﻲ ﻭﻋﺪ ﻭﺭﺍﻫﺎ ﺗﻮﻛﻔﻴﻦ ﺑﻈﻬﺮ ﺭﺟﻠﺞ ﻭﺗﺴﺎﻧﺪﻱ ﻭﻟﺘﺼﻐﺮﻱ ﻭﺗﻨﺰﻟﻴﻦ ﻛﻠﻤﺘﻪ ﺯﻳﻦ ﺑﺎﺑﺎ ﺯﻳﻦ ﺳﺮﻭﺓ ﺣﺒﻴﺒﺔ ﺍﺑﻮﻫﺎ .. ﺭﻓﻊ ﺭﺍﺳﻲ ﻳﻤﺴﺢ ﺩﻣﻮﻋﻲ ..
- ﺳﺮﻭﺓ .. ﺻﺎﺭ ﻳﺎﺑﺔ ...
- ﺍﺑﻮ ﺳﺮﻭﺓ .. ﺍﺭﻳﺪﺝ ﺑﻨﺘﻲ ﺍﻟﺴﺒﺎﻋﻴﺔ ﻗﻮﻳﺔ ﻭﻣﺘﻬﺰﺝ ﺭﻳﺢ ﻣﺎﺷﻲ ..
- ﺳﺮﻭﺓ .. ﻣﺎﺷﻲ ﻳﺎﺑﺔ ﺍﻧﺪﺍﺭﻳﺖ ﺍﻟﻜﻞ ﻭﺭﺍﻳﺔ ﺻﺎﻳﺮ ﻭﺍﻧﻲ ﺍﺑﺠﻲ ﻭﺍﻟﺸﻬﻜﺔ ﻣﺪﺗﺮﻭﺡ ﻣﻨﻲ ﺭﺣﺖ ﺑﺴﺖ ﺭﺍﺱ ﺍﻟﺤﺠﻴﺔ ...
- ﺍﻟﺤﺠﻴﺔ .. ﺗﻌﺎﻱ ﻳﻤﻪ ﺗﻌﺎﻱ ﺍﺣﺒﻨﺞ ﺗﺮﻭﺣﻠﺞ ﻓﺪﻭﺓ ﻓﺮﺣﺔ ﻭﺍﻫﻠﻬﺎ .. ﺑﺎﺳﺘﻨﻲ ... ﺭﻭﺣﻲ ﻏﺴﻠﻲ ﻭﺟﻬﺞ ﻟﺘﻀﻠﻴﻦ ﻫﻴﺞ ﻣﻌﻜﻔﺔ ﺍﺭﻳﺪﻥ ﺍﺷﻮﻑ ﺿﺤﻜﺘﺞ ..
- ﺳﺮﻭﺓ .. ﺍﺑﺘﺴﻤﺖ ﺩﺍﻃﻠﻊ ﻫﻮ ﻭﺍﻛﻒ ﺍﺑﺎﺏ ﺍﻟﻐﺮﻓﺔ ﻭﺍﻟﺠﻜﺎﺭﺓ ﺑﻴﺪﻩ ﻳﺒﺎﻭﻉ ﻋﻠﻴﻪ ﻟﺤﺪ ﻣﺎ ﻭﻛﻔﺖ ﻳﻤﻪ .. ﺭﻓﻌﺖ ﺭﺍﺳﻲ ﻣﺒﺮﻭﻭﻙ ﺍﺑﻮ ﻧﺮﺟﺲ ﻭﻳﺎﺭﺑﻲ ﻳﺘﻤﻤﻠﻚ ﺑﺨﻴﺮ . ﺑﺎﺱ ﺭﺍﺳﻲ ﻭﺣﻀﻨﻲ ﻛﺪﺍﻡ ﺍﻟﻜﻞ . ﻃﻠﻌﺖ ﻭﺍﻧﻲ ﺑﻠﻜﻮﺓ ﺍﺟﺮﺟﺮ ﺑﺮﺟﻠﻲ ﻣﻮ ﺳﻬﻠﺔ ﻳﺎﺭﺑﻲ ﻣﻮ ﺳﻬﻠﺔ ﻭﺍﻟﻠﻪ .. ﺭﺣﺖ ﺑﺠﻴﺖ ﺑﺠﻲ ﻋﻠﻰ ﺍﻟﻔﺮﺣﺔ ﺍﻟﻲ ﻣﺪﺍﻣﺘﻠﻲ ﻫﻲ ﻟﻴﻠﺔ ﻭﺣﺪﺓ ﻳﺎﺭﺑﻲ ﻻ ﺍﻋﺘﺮﺍﺽ ﻋﻠﻰ ﺣﻜﻤﻚ ﻭﺭﺍﺡ ﺗﺠﻲ ﺗﺠﻲ ﺗﺎﺧﺬﻩ ﻣﻨﻲ ﺳﺖ ﻓﺮﺣﺔ ﻭﻭﺭﺍﻫﺎ ﻛﻮﻣﺔ ﻋﻜﺎﺭﺏ ﺑﻘﺖ ﻣﺨﺪﺗﻲ ﻫﻲ ﺍﻟﻲ ﺗﻮﺍﺳﻴﻨﻲ ﻋﻠﻰ ﻗﻬﺮﻱ . ﺑﻘﻴﺖ ﻟﻠﻌﺼﺮ ﺑﻠﻐﺮﻓﺔ ﻣﻄﻠﻌﺖ ﻭﻻ ﺍﻋﺮﻑ ﺭﺿﺎ ﻭﻳﻦ .. ﺍﺟﺘﻲ ﻋﻠﻴﺔ ﻟﻤﻴﺎﺀ ﺗﺒﻮﺱ ﺑﺮﺍﺳﻲ ...
- ﻟﻤﻴﺎﺀ .. ﻛﻮﻣﻲ ﺣﺒﻴﺒﻲ ﻛﻮﻣﻲ ﺍﻟﺒﻴﺖ ﻓﺎﺭﻍ ﺑﻠﻴﻪ ﺻﻮﺗﺞ ..
- ﺳﺮﻭﺓ .. ﻛﻤﺖ ﺍﺑﺘﺴﻢ ﺑﺲ ﺷﻨﻮ ﻋﻴﻮﻧﻲ ﻣﻨﻔﻮﺧﺔ ﻣﻦ ﺍﻟﺒﺠﻲ .. ﻣﻴﺨﻠﻰ ﻣﻨﻜﻢ ﻳﺎﺭﺏ ﺍﺑﻮﻳﺔ ﺭﺍﺡ ...
- ﻟﻤﻴﺎﺀ .. ﺍﻱ ﺭﺃﺳﻦ ﻃﻠﻊ ﺧﻄﻴﺔ ﺗﻮﺳﻠﻨﺎ ﺑﻲ ﻉ ﺍﻟﻐﺪﺓ ﻫﻮ ﻭﺍﻣﺞ ... ﺍﻣﺞ ﻭﺍﺑﻮﺝ ﻳﺨﺒﻠﻮﻥ ﺍﻟﻠﻪ ﻳﺤﻔﻈﻬﻢ ..
- ﺳﺮﻭﺓ .. ﻭﺭﺿﺎ ﻭﻳﻦ ..
- ﻟﻤﻴﺎﺀ .. ﻃﺎﻟﻊ ﻭﻳﺔ ﺑﺮﻛﺎﺕ .. ﻭﺍﻣﻲ ﺛﺒﺮﺗﻨﻲ ﺗﺮﻳﺪﺝ ﻛﻞ ﺷﻮﻳﺔ ﺗﻜﻠﻲ ﻛﻮﻣﻲ ﻛﻌﺪﻳﻬﺎ ..
بيج قصص عراقيه حقيقيه من واقعنا.روعه الطائي
- ﺳﺮﻭﺓ .. ﻛﺎﻳﻤﺔ ﻫﺴﺔ ﺑﺲ ﺍﺳﺒﺢ ﻭﺍﺑﺪﻝ ﻭﺍﺟﻲ ﺷﻜﺪ ﻋﻴﺐ ﺍﻟﺒﻨﺎﺕ ﺭﺍﺣﺖ ﻋﻔﺘﻬﻦ ﻭﻧﻤﺖ ..
- ﻟﻤﻴﺎﺀ .. ﻻ ﺧﻄﻴﺔ ﻋﺎﺫﺭﻳﺞ ﻭﺍﻟﻠﻪ ﻛﺎﻟﻦ ﺑﻠﻴﻞ ﻧﺠﻲ ..
- ﺳﺮﻭﺓ .. ﻫﻠﺔ ﺑﻴﻬﻦ ﻳﻠﺔ ﻫﺴﺔ ﺍﺑﺪﻝ ﻭﺍﻃﻠﻊ .. ﻃﻠﻌﺖ ﻳﻢ ﺍﻟﺤﺠﻴﺔ .. ﺿﺤﻜﺖ ﻣﻦ ﺷﺎﻓﺘﻨﻲ ﻧﺮﺟﺴﺔ ﻫﻢ ﻛﺎﻋﺪﺓ ﺍﺟﺘﻲ ﺑﺎﺳﺘﻨﻲ ﻭﻛﻌﺪﻧﺎ ﺟﺎﺑﻦ ﻛﻠﻴﺠﺔ ﻭﺟﺎﻱ ﻭﺣﺐ ﻭﻋﻮﺩ ﺩﻳﻠﻬﻨﻲ ﻭﺍﻧﻲ ﺻﻔﻨﺔ ﺗﺠﻴﺒﻨﻲ ﻭﺻﻔﻨﺔ ﺗﻮﺩﻳﻨﻲ ﺩﺍﺗﺨﻴﻞ ﻣﻦ ﺭﺍﺡ ﺗﺠﻲ ﻭﻳﻄﺐ ﻏﺮﻓﺘﻬﺎ ﻛﺪﺍﻣﻲ ... ﻟﻠﻤﻐﺮﺏ ﻃﺒﺖ ﺻﻔﺎﺀ ﻭﺑﺘﻬﺎ ﺻﻐﻴﺮﺓ ﺍﺻﻐﺮ ﺷﻮﻳﺔ ﻣﻦ ﻧﺮﺟﺲ ﺍﺟﺘﻲ ﺑﻮﺳﺘﻨﻲ ..
- ﺻﻔﺎﺀ .. ﺷﻠﻮﻥ ﺻﺮﺗﻲ ﺍﻡ ﺭﺿﺎﻭﻱ ﺍﻟﻮﺭﺩﺓ ﻭﻟﺞ ﺧﻮﺍﺗﺞ ﺍﺣﻨﺔ ﻭﺩﺍﻋﺘﺞ ﺷﻬﺮ ﻭﻧﻬﺠﺠﻬﺎ ..
- ﺳﺮﻭﺓ .. ﻛﻤﺖ ﺍﺑﺘﺴﻢ ﻋﻠﻰ ﺣﻀﻲ ﻳﺎﺭﺑﻲ ﺍﻟﺼﺒﺮ ﻣﻦ ﻋﻨﺪﻙ .. ﺻﻔﺎﺀ ﺑﻴﻮﻣﻬﺎ ﺷﺴﻮﻱ ﻳﻤﻜﻦ ﺍﺣﺮﻙ ﺭﻭﺣﻲ ..
- ﺻﻔﺎﺀ .. ﻳﻤﺔ ﺍﺳﻢ ﺍﻟﻠﻪ ﺍﻥ ﺷﺎﺀﺍﻟﻠﻪ ﺑﻔﺮﺣﺔ ﻭﺍﻣﻬﺎ ﻛﺎﻓﻲ ﻭﻟﺞ ﻟﺘﺨﻠﻴﻬﻦ ﻳﺘﺸﻤﺘﻦ ﺗﺮﺓ ﺑﺮﻛﺎﺕ ﻣﻴﻜﺪﺭ ﺑﻠﻴﺎﺝ ﺗﻜﺪﺭﻳﻦ ﺗﺤﺎﺭﺑﻴﻬﻦ ﺑﻲ ﺟﺮﻱ ﻟﺼﻔﺞ ﻭﺑﺎﻭﻋﻲ ﺷﻠﻮﻥ ﺭﺍﺡ ﻳﺘﺼﺮﻑ ﻭﻳﺎﻫﻦ ﻭﺩﺍﻋﺘﺞ ﻳﺨﺒﻠﻬﻦ ..
- ﺳﺮﻭﺓ .. ﻋﺎﺩﻱ ﺑﻌﺪ ﻛﻠﺸﻲ ﻣﻴﻬﻤﻨﻲ ﻭﻫﺎﻱ ﻗﺴﻤﺘﻲ ﻣﻦ ﺍﻟﺪﻧﻴﺎ ﻣﺎﺭﻳﺪ ﺍﻛﺜﺮ ﺑﻌﺪ ﺑﻘﺎﻟﻲ ﺑﺲ ﺭﺿﺎ ﺍﺭﺑﻲ ﻭﺧﻠﺺ ..
- ﺻﻔﺎﺀ .. ﻻ ﻭﻟﺞ ﺑﻌﺪﺝ ﺻﻐﻴﺮﺓ ﻭﺣﻠﻮﺓ ﻭﺣﺮﻛﻴﻬﻦ ﺣﺮﻙ ﺷﻮﻑ ﺷﻌﻨﺪﺝ ﺍﺑﺪﺍﻋﺎﺕ ﻃﻠﻌﻴﻬﻦ ﺍﻟﺒﺴﻲ ﻭﺣﺮﻛﻲ ﺍﻋﺼﺎﺑﻪ ﺣﺘﻰ ﺑﺲ ﺑﻴﺞ ﻳﻔﻜﺮ ..
- ﺳﺮﻭﺓ .. ﺷﻠﻮﻥ ﻳﻌﻨﻲ ..
- ﺻﻔﺎﺀ .. ﺍﻟﺒﺴﻲ ﻭﺷﻌﺮ ﻭﻣﻜﻴﺎﺝ ﻭﻣﻦ ﻳﺠﻲ ﺍﺣﺪ ﻣﻦ ﻭﻟﺪ ﻋﻤﻲ ﻟﻮ ﻭﻟﺪﻧﺎ ﻟﺘﻄﻠﻌﻴﻦ ﻟﺰﻛﻲ ﺑﺄﻣﻲ ﺑﺲ ﺣﻄﻲ ﺷﺎﻝ ﻋﻠﻰ ﺭﺍﺳﺞ ﻭﻟﺘﺒﺎﻭﻋﻴﻦ ﻋﻠﻴﻪ . ﻫﺎ ﻭﻟﺞ ﺿﺮﺑﺘﻲ ﺻﻔﻨﺔ...

- ﺻﻔﺎﺀ .. ﻫﺎ ﻭﻟﺞ ﺍﺷﻮ ﺿﺮﺑﺘﻲ ﺻﻔﻨﺔ ..
- ﺳﺮﻭﺓ .. ﻣﺎﺭﻳﺪ ﻣﺸﺎﻛﻞ ﺍﻡ ﻣﻬﻨﺪ ..
- ﺻﻔﺎﺀ .. ﻓﺪﻭﺓ ﻣﺎﻛﻮ ﻣﺸﺎﻛﻞ ﺑﺲ ﺭﺍﺡ ﻳﻀﻞ ﻋﻴﻨﻪ ﺑﺲ ﻋﻠﻴﺞ ﻭﻳﻌﻮﻓﻬﺎ ﻫﻲ ﺭﺍﺡ ﺗﺘﺨﺒﻞ ﻭﻫﻲ ﺍﻟﻲ ﺭﺍﺡ ﺗﺴﻮﻱ ﻣﺸﺎﻛﻞ ﻫﻬﻬﻬﻪ ..
- ﺳﺮﻭﺓ .. ﻣﺎﺩﺭﻱ ﻋﺪﺝ ﻫﻴﺞ ﺳﻮﺍﻟﻒ ..
- ﺻﻔﺎﺀ .. ﻟﻌﺪ ﺷﻌﺒﺎﻟﺞ ﻳﺎﺧﺬﻧﻪ ﻏﻴﺮ ﺍﻟﻌﺐ ﺑﻴﻬﻦ ﻃﻮﺑﺔ ﻫﻠﺮﻋﻦ ﺣﺸﺎﺝ ﻛﻮﻭﻭﻭﻣﺔ ﺷﺎﻳﻔﻴﻢ ﻣﻨﻬﻦ ﻣﺼﺎﻳﺐ ﻗﺒﻞ ﻭﻫﺴﺔ ﻛﻠﻬﺎ ﻉ ﺍﻳﺪﻱ ..
- ﺳﺮﻭﺓ .. ﺍﻟﻠﻪ ﻛﺮﻳﻢ ﺣﺒﻲ ﺭﺑﺞ ﻳﺴﻬﻠﻬﺎ ﻭﻳﻬﻮﻧﻬﺎ .. ﻭﺭﺓ ﺳﺎﻋﺔ ﻃﺐ ﺭﺿﺎ ﺭﺩﺕ ﺍﻛﻮﻡ ﺟﺮﺗﻨﻲ ﺻﻔﺎﺀ ..
- ﺻﻔﺎﺀ .. ﺍﻛﻌﺪﻱ ﻭﻟﺘﺒﺎﻭﻋﻴﻠﻪ ﺣﺮﻛﻲ ﺍﻋﺼﺎﺑﻪ ..
- ﺳﺮﻭﺓ .. ﻭﺻﺪﻙ ﻃﺐ ﻣﻜﺪﺭﺕ ﺍﺑﺎﻭﻋﻠﻪ ﺍﻛﻮ ﺷﻲ ﺩﺍﺧﻠﻲ ﻛﺴﺮﻩ .. ﺳﻠﻢ .. ﺭﺩﻳﺖ ﺍﻟﺴﻼﻡ ﻭﺍﻧﻲ ﻣﺪﻧﺠﺔ .. ﺑﺎﺱ ﺭﺍﺱ ﺍﻟﺤﺠﻴﺔ ﻭﻛﻌﺪ ﻳﻤﻬﺎ ﺻﺎﺭ ﻛﺒﺎﻟﻲ ﻭﻻ ﺭﻓﻌﺖ ﺭﺍﺳﻲ ﺿﻠﻮﺍ ﻳﺴﻮﻟﻔﻮﻥ ﻃﺒﺖ ﺳﻠﻤﻰ ﺟﺎﻧﺖ ﺧﺎﻧﺴﺔ ﻃﻮﻝ ﺍﻟﻬﻮﺳﺔ ﺍﻟﻲ ﺻﺎﺭﺕ .. ﻛﻌﺪﺕ ﺷﻮﻳﺔ ﻭﺑﻨﺺ ﺍﻟﺤﺠﻲ ..
- ﺳﻠﻤﻰ .. ﺍﻱ ﻣﺒﺮﻭﻙ ﺍﺑﻮ ﻧﺮﺟﺲ ﻣﻨﻚ ﺍﻟﻤﺎﻝ ﻭﻣﻨﻬﺎ ﺍﻟﻌﻴﺎﻝ ..
- ﺳﺮﻭﺓ .. ﻇﻠﻴﺖ ﺍﺑﺎﻭﻉ ﻋﻠﻴﻬﺎ ﻫﺎﻱ ﺍﻟﻤﻦ ﺗﻘﺼﺪ ..
- ﺑﺮﻛﺎﺕ .. ﺗﺴﻠﻤﻴﻦ ﺍﻡ ﻧﺮﺟﺲ ...
- ﺳﻠﻤﻰ .. ﻓﻌﻼ ﻓﺮﺣﺔ ﺗﺴﺘﺎﻫﻞ ﺑﺖ ﺍﺻﻮﻝ ..
- ﺳﺮﻭﺓ .. ﺗﻨﻬﺪﺕ ﺷﺒﻌﺖ ﺑﺴﺎﻣﻴﺮ ﻋﺎﺩﻱ ﻛﺎﻡ ﻣﻴﻔﺮﻕ ﻋﺪﻱ ...
- ﺍﻟﺤﺠﻴﺔ .. ﻋﺪﺝ ﺣﺠﺎﻳﺔ ﺑﻴﻬﺎ ﺧﻴﺮ ﺍﺣﺠﻴﻬﺎ ﻟﻮ ﺗﺴﺪﻳﻦ ﺣﻠﻜﺞ ..
ﻭﺑﺮﻛﺎﺕ ﻫﻢ ﺧﻨﺰﺭ ﻋﻠﻴﻬﺎ . ﻋﻮﺩ ﻛﺴﺮﺕ ﺍﻟﻤﻮﻗﻒ ..
- ﺳﻠﻤﻰ .. ﺍﻱ ﺍﺑﻮ ﻧﺮﺟﺲ ﻭﻳﻦ ﺭﺍﺡ ﺗﺼﻴﺮ ﻏﺮﻓﺘﻬﺎ ..
- ﺑﺮﻛﺎﺕ .. ﺑﻠﻐﺮﻓﺔ ﺍﻟﻲ ﻛﺒﺎﻝ ﻏﺮﻓﺘﺞ ..
- ﺳﻠﻤﻰ .. ﺷﻨﻮ ﻻ ﻻﻋﻔﻴﺔ ﺑﺮﻛﺎﺕ ﻓﻮﻙ ﻣﺎﺭﻳﺪ ﺍﺣﺪ ﺧﻠﻲ ﺳﺮﻭﺓ ﺗﺮﺟﻊ ﻟﺒﻴﺘﻬﺎ ﻳﻢ ﺍﻫﻠﻬﺎ ﻭﺳﻮﻭﻟﻬﺎ ﺍﻟﻐﺮﻓﺔ ﺍﻟﺠﻮﺓ ﺍﻟﻬﺎ ﺍﻧﻲ ﻣﺎﺭﻳﺪ ﺍﺣﺪ ﻳﻤﻲ ...
- ﺑﺮﻛﺎﺕ .. ﺍﻧﻲ ﻫﻨﺎ ﻣﻮ ﺑﻜﻴﻔﺞ ...
- ﺳﻠﻤﻰ .. ﻻ ﻓﺪﻭﺓ ﺑﺮ ....
- ﺳﺮﻭﺓ .. ﻋﺎﻁ ﺑﻴﻬﺎ ﺳﻜﺘﺖ ﻭﺍﻧﺴﺪ ﺍﻟﻤﻮﺿﻮﻉ ﻭﻋﻴﻨﺔ ﻣﻨﺰﻟﻬﺎ ﻣﻨﻲ ﺍﻧﻲ ﻟﻬﻴﺖ ﺭﻭﺣﻲ ﺍﺳﻮﻟﻒ ﻭﻳﺔ ﺻﻔﺎﺀ ﻟﻮ ﺭﺿﺎ ﻛﻞ ﺷﻮﻳﺔ ﻳﺠﻲ ﻳﻤﻲ .. ﻛﻤﺖ ..
- ﺻﻔﺎﺀ .. ﻭﻳﻦ ..
- ﺳﺮﻭﺓ .. ﺩﺍﺻﻠﻲ ﻭﺍﺭﺟﻊ ﻭﺍﻟﻠﻪ ﻟﺘﺨﺎﻓﻴﻦ ﺍﻧﻄﻴﺘﻴﻨﻲ ﺟﺮﻋﺔ ﻗﻮﺓ ﻟﺘﺨﺎﻓﻴﻦ ﺑﺲ ﻋﻔﻴﺔ ﺍﺳﻨﺪﻳﻨﻲ ﻣﻦ ﺍﺿﻌﻒ ..
- ﺻﻔﺎﺀ ... ﻫﻬﻪ ﺍﺩﻟﻠﻲ ﺧﻴﺘﻲ ...
- ﺳﺮﻭﺓ .. ﻛﻤﺖ ﻋﻴﻨﺔ ﻋﻠﻴﻪ ﺩﺍﺃﺣﺲ ﺑﻲ ﻣﺘﺎﺫﻱ ﺍﻛﺜﺮ ﻣﻨﻲ ﺑﺲ ﻣﻮ ﺑﻴﺪﻱ ﻣﺪﺍﻛﺪﺭ ﺍﺳﺘﻮﻋﺐ ﺍﻟﻮﺿﻌﻴﺔ ... ﺭﺣﺖ ﻟﻠﻐﺮﻓﺔ ﺗﻮﺿﻴﺖ ﻭﻛﻌﺪﺕ ﺍﺻﻠﻲ ﻭﺩﻋﻴﺖ ﺭﺑﻲ ﻳﻬﻮﻧﻬﺎ ﻋﻠﻴﻪ ﻟﻮ ﺍﺭﺗﺎﺡ ﻣﻨﻪ ﻭﻣﻦ ﺣﺒﻪ .. ﺧﻠﺼﺖ ﺻﻼﺓ ﻭﻛﻤﺖ ﺑﺪﻟﺖ ﺟﺎﻥ ﻳﻄﺐ .. ﺍﻧﺪﺍﺭﻳﺖ ﻟﻜﻴﺘﻪ ﻛﺒﺎﻟﻲ . .
- ﺑﺮﻛﺎﺕ .. ﺗﻘﺒﻞ ﺍﻟﻠﻪ ..
- ﺳﺮﻭﺓ .. ﺗﻘﺒﻞ ﺍﻟﻠﻪ ﺍﻋﻤﺎﻟﻚ ﺭﺣﺖ ﻉ ﺍﻟﻤﺮﺍﻳﺔ ﺣﻄﻴﺖ ﻣﻜﻴﺎﺝ ﻭﻟﺒﺴﺖ ﺗﺮﺍﻛﺴﻮﺩ ﻣﺎﺭﻭﻧﻲ ﻭﺭﺷﺮﺷﺖ ﻋﻄﺮ ..
- ﺑﺮﻛﺎﺕ .. ﻣﻮ ﻛﺎﻓﻲ ﻋﺎﺩ ﺗﻌﺎﻱ ﻋﻨﺪﻱ ﺣﺠﻲ ﻭﻳﺎﺝ ..
- ﺳﺮﻭﺓ .. ﺍﻧﺪﺍﺭﻳﺖ ﻋﻠﻴﻪ ﻧﻌﻢ ﺍﺑﻮ ﻧﺮﺟﺲ ﻣﺤﺘﺎﺝ ﻣﻨﻲ ﺷﻲ . ﻇﻞ ﻳﺒﺎﻭﻉ ﺑﻌﻴﻨﻲ ﻭﺍﻧﻲ ﻫﻢ ﻭﻻ ﻧﺰﻟﺘﻬﺎ ﻣﺎﻋﺮﻑ ﻣﻨﻴﻦ ﺍﺟﺘﻨﻲ ﺍﻟﻘﻮﺓ ..
- ﺑﺮﻛﺎﺕ .. ﺍﻋﺘﻘﺪ ﺍﺑﻮﺝ ﻛﻔﺔ ﻭﻭﻓﺔ ﻭﺣﺠﻰ ﺍﻟﻲ ﺑﻜﻠﺒﻲ ﻛﻠﻪ ﺍﻧﻲ ﻣﻦ ﻋﺎﺷﺮ ﺍﻟﻤﺴﺘﺤﻴﻼﺕ ﺟﺎﻥ ﺍﻓﻜﺮ ﺍﺭﺗﺒﻂ ﺑﻌﺪﺝ ﺑﺲ ﻋﻤﻲ ﺍﺣﺮﺟﻨﻲ ﻛﺪﺍﻡ ﺍﻟﻜﻞ ﺍﻧﺘﻲ ﻣﻠﻴﺘﻲ ﻋﻠﻴﻪ ﻋﻤﺮﻱ ﻛﻠﻪ ﻭﻣﻠﺤﻜﺖ ﺍﺷﺒﻊ ﻣﻨﺞ ﺻﺪﻛﻴﻨﻲ ﻣﻮ ﺑﻴﺪﻱ ﻏﻠﻄﺔ ﻏﻠﻄﺘﻬﺎ ﻗﺒﻞ ﻭﺭﺩﺕ ﺍﺟﺒﺮ ﺗﻤﻴﻢ ﺑﻴﻬﺎ ﻭﻣﻜﺪﺭﺕ ﺑﻮﻛﺘﻬﺎ ﺻﺎﺭﺕ ﺑﺮﺍﺳﻲ ﺍﻛﻴﺪ ﺣﻮﺑﺔ ﺍﻟﻤﺮﺣﻮﻡ ﻻﻥ ﻣﻘﺒﻠﺖ ﻉ ﺯﻭﺍﺟﻪ ﺑﻠﺒﺪﺍﻳﺔ ﺳﺮﻭﺓ ﺗﺒﻘﻴﻦ ﺍﻻﻭﻟﻰ ﻭﺍﻻﺧﻴﺮﺓ ﺯﻭﺍﺟﻲ ﻫﺬﺍ ﺩﻓﻊ ﺛﻤﻦ ﻏﻠﻄﺔ ﻻ ﺍﻛﺜﺮ ﺍﻧﺘﻲ ﺭﻭﺣﻲ ﺍﻟﻲ ﻣﻀﻴﻌﻬﺎ ﻣﻦ ﺯﻣﺎﻥ ﻭﻟﻜﻴﺘﻬﺎ ﻭﻳﺎﺝ ﺍﻧﺘﻲ ﻋﻤﺮﻱ ﺍﻟﻲ ﺭﺍﺡ ﻭﺍﻟﻲ ﺟﺎﻱ ﻟﺘﻈﻨﻴﻦ ﺑﻴﻮﻡ ﺍﻟﻲ ﺭﺍﺡ ﻳﺼﻴﺮ ﻛﺴﺮﺓ ﺍﻟﺞ ﻟﻮ ﺍﻫﺎﻧﺔ ﺍﺑﺪ ﺻﺪﻛﻴﻨﻲ ﻭﺍﻧﻲ ﺭﺍﺡ ﺍﺧﻠﻲ ﺣﺪ ﻟﻜﻞ ﻭﺍﺣﺪ ﻳﻔﻜﺮ ﻳﺘﺠﺎﻭﺯ ﺣﺪﻭﺩﻩ ﻭﻳﺎﺝ ﻭﻛﺎﻓﻲ ﺑﺠﻲ ﺩﻣﻮﻋﺞ ﻧﺎﺭ ﺗﺤﺮﻙ ﺑﻀﻠﻮﻋﻲ ..
- ﺳﺮﻭﺓ .. ﻭﺍﻟﻨﺎﺭ ﺍﻟﻲ ﺑﻜﻠﺒﻲ ﻣﻨﻮ ﻳﻄﻔﻴﻬﺎ ﺑﺮﻛﺎﺕ ﻟﻴﻠﺔ ﻭﺣﺪﺓ ﻭﻛﺴﺮﺗﻨﻲ ﺑﻴﻨﺘﻠﻲ ﺍﻧﻮ ﺍﻧﻲ ﻭﻻ ﺷﻲ ﺍﺧﺬﺗﻨﻲ ﻭﺛﺎﻧﻲ ﻳﻮﻡ ﻣﻦ ﺍﻟﺼﺒﺢ ﺗﺠﻲ ﻋﺮﻭﺳﺘﻚ ﺗﻬﻠﻬﻞ ﺷﺘﺮﻳﺪ ﻳﺼﻴﺮ ﺑﻴﻪ ..
- ﺑﺮﻛﺎﺕ .. ﺍﻧﻲ ﺍﺗﻔﻘﺖ ﻭﻳﺔ ﻋﻤﻲ ﺑﻌﺪ ﺷﻬﺮ ﺑﺲ ﻫﻨﺔ ﺭﺍﺩﻥ ﻳﻜﻴﺪﻧﺞ ﺑﺲ ﺍﻧﻲ ﻣﺴﻜﺘﺘﻠﻬﻦ ﻭﻛﺪﺍﻣﺞ ﻃﺮﺩﺗﻬﻦ . ﺳﺮﻭﺓ ﻏﻼﺗﺞ ﻋﻨﺪﻱ ﻣﻮ ﺑﺲ ﺣﺠﻲ ﺗﻌﺎﻟﻲ ﺑﺤﻀﻨﻲ ﺗﻌﺎﻟﻲ ﻣﺸﺘﺎﻕ ﻟﻌﻴﻮﻧﺞ ..
- ﺳﺮﻭﺓ .. ﺍﻧﻲ ﺭﺍﺳﻦ ﻛﻤﺖ ﻻﻥ ﺟﻨﺔ ﻛﺎﻋﺪﻳﻦ ﻉ ﺍﻟﻘﻨﻔﺔ .. ﻫﻮ ﺍﻧﺼﺪﻡ ﺑﺮﺩﺓ ﻓﻌﻠﻲ .. ﻻ ﻣﺎﻛﺪﺭ ﺑﺮﻛﺎﺕ ﻋﻮﻓﻨﻲ ﺍﺗﺠﺎﻭﺯ ﺍﻟﻤﻮﻗﻒ ﺍﺑﺪ ﺍﻟﻤﻮﺿﻮﻉ ﻣﻮ ﺳﻬﻞ ﻣﺪﺍﻛﺪﺭ ﺍﺗﻘﺒﻞ ﺍﻟﻔﻜﺮﺓ ﻣﻮ ﻋﺎﺩ ﺭﺍﺡ ﺗﺼﻴﺮ ﺍﺭﺽ ﻭﺍﻗﻊ ﻭﻻﺯﻡ ﺍﺳﻜﺖ ﻭﺍﻗﺒﻞ ﻭﻓﺮﺣﺔ ﺍﻟﻲ ﻣﻦ ﺍﻭﻝ ﻣﺎ ﺃﺟﻴﺖ ﺗﺤﺎﺭﺑﻨﻲ ﻭﺭﺍﺡ ﺗﺠﻲ ﺗﺸﺎﺭﻛﻨﻲ ﺑﻴﻚ .. ﺻﺎﺭ ﻋﺼﺒﻲ ..
- ﺑﺮﻛﺎﺕ .. ﻳﻌﻨﻲ ﺗﻤﻨﻌﻴﻨﻲ ﻣﻨﺞ ﺍﻧﻲ ﻣﺤﺪ ﻳﺮﻓﻀﻨﻲ ﺗﺮﺓ ..
- ﺳﺮﻭﺓ .. ﺍﻧﻲ ﻣﺮﺍﻓﻀﺘﻚ ﺑﺲ ﻧﻔﺴﻴﺘﻲ ﻛﻠﺶ ﺗﻌﺒﺎﻧﺔ ﺍﺣﺲ ﻣﺨﺘﻨﻜﺔ ﻭﻧﻔﺴﻲ ﺿﺎﻳﻖ ﻣﺎﻛﺪﺭ ﺍﺟﺎﻣﻞ ...
- ﺑﺮﻛﺎﺕ .. ﺍﻫﺎﺍﺍﺍ ﻳﻌﻨﻲ ﺻﺎﺭﺕ ﻣﺠﺎﻣﻠﺔ ﺍﻟﺴﺎﻟﻔﺔ ﻣﻮ ﺑﺲ ﺍﻧﻲ ﻣﺪﺍﻧﺘﻈﺮ ﻣﻨﺞ ﺍﺫﻥ ...
- ﺳﺮﻭﺓ .. ﺍﻭﻛﻲ ﺗﺮﻳﺪ ﺷﻲ ﺍﺧﺬﻩ ﺑﺪﻭﻥ ﻣﺘﺴﺎﻟﻨﻲ ﻻﻥ ﺍﺫﺍ ﺳﺎﻟﺘﻨﻲ ﺭﺍﺡ ﺍﻛﻮﻟﻚ ﻻ ﺩﺭﺕ ﻭﺟﻬﻲ ﺣﺴﻴﺖ ﺍﻳﺪﻱ ﺍﻧﺨﻠﻌﺖ ﺟﺮﻧﻲ ﻃﺨﻴﺖ ﺑﻲ ﻫﻮ ﺿﺨﻢ ﺷﻜﺪ ﻣﺎ ﺃﻧﻲ ﻫﻢ ﻣﻮ ﺿﻌﻴﻔﺔ ﺑﺲ ﺍﻧﺠﺮﻳﺖ ﻋﻠﻴﻪ ...
- ﺑﺮﻛﺎﺕ .. ﺷﻮﻓﻲ ﺍﻧﻲ ﻟﻮ ﺍﺭﻳﺪ ﺷﻲ ﻣﺎﺍﻧﺘﻈﺮ ﻣﻨﺞ ﺍﻻﺫﻥ ﺍﻓﺘﻬﻤﺘﻲ ﻟﻮ ﻻ ﺑﺲ ﺑﻌﺪ ﻣﺎﻟﻲ ﻧﻔﺲ ﺣﺘﻰ ﺑﻴﺞ ... ﺷﻤﺮﻧﻲ ﻉ ﺍﻟﻘﻨﻔﺔ ﻭﻃﻠﻊ ...
- ﺳﺮﻭﺓ .. ﻛﺴﺮﺗﻨﻲ ﻳﺎﺑﺮﻛﺎﺕ ﻛﺴﺮﺓ ﻣﺎﻋﺪﻳﻬﺎ ﺍﺫﺍ ﻣﺘﻌﺮﻑ ﻗﻴﻤﺘﻲ ﺑﺲ ﺷﻨﻮ ﻣﺘﺖ ﺑﺠﻲ ﻭﺑﺸﻬﻜﺔ ﺷﻮﻳﺔ ﻭﺍﺟﺘﻲ ﺻﻔﺎﺀ ..
- ﺻﻔﺎﺀ .. ﻫﺎ ﻭﻟﺞ ﺷﻜﻮ ﺷﺒﻴﺞ ..
- ﺳﺮﻭﺓ ... ﺣﺠﻴﺘﻠﻬﺎ ﻛﻠﺸﻲ ..
- ﺻﻔﺎﺀ .. ﻻ ﻳﻮﻟﻲ ﻣﻜﻠﻨﺎ ﻫﻴﺞ ..
- ﺳﺮﻭﺓ .. ﻻ ﻋﻔﻴﺔ ﻣﻮ ﺑﻴﺪﻱ ﺷﻨﻮ ﻣﺎﻋﻨﺪﻱ ﺍﺣﺴﺎﺱ ﻳﺘﺰﻭﺝ ﻋﻠﻴﻪ ﻭﺍﻃﺒﻄﺐ ﻋﻠﻴﻪ ﻣﺎﻛﺪﺭ ﻛﻠﺒﻲ ﺍﻧﻜﺴﺮ ﺻﻔﺎﺀ ﺯﺭﻓﻪ ﻟﻜﻠﺒﻲ ﺑﻴﺪﻩ ﻣﻌﻴﺸﻨﻲ ﺑﺲ ﻟﻴﻠﺔ ﻭﺣﺪﺓ ﻭﺑﻌﺪﻫﺎ ﻳﻜﺴﺮﻧﻲ ﻫﻴﺞ ..
- ﺻﻔﺎﺀ .. ﺩﻛﺎﻓﻲ ﺣﺒﻴﺒﺘﻲ ﻛﺎﻓﻲ ﺑﺲ ﻣﻮﺗﻲ ﺭﻭﺣﺞ ..
- ﺳﺮﻭﺓ .. ﺍﻡ ﻣﻬﻨﺪ ﻣﺪﺍﻛﺪﺭ ﺍﺳﺘﻮﻋﺐ ﺍﻟﻲ ﺻﺎﺭ ..
- ﺻﻔﺎﺀ .. ﺩﻛﻮﻣﻲ ﻳﺎﻋﻴﻨﻲ ﺍﺑﻮﺝ ﻭﺍﻣﺞ ﻭﺍﺧﻮﺗﺞ ﺍﺟﻮﻱ ﺑﺮﺓ ﻛﻮﻣﻲ ﻏﺴﻠﻲ ﻭﺗﻌﺎﻟﻲ ...
- ﺳﺮﻭﺓ .. ﻛﻤﺖ ﻏﺴﻠﺖ ﻭﺭﺩﻳﺖ ﺣﻄﻴﺖ ﻣﻜﻴﺎﺝ ﻗﺒﻞ ﺟﻨﺖ ﻭﻻ ﺍﺣﻂ ﺑﺲ ﻛﻠﺸﻲ ﺭﺍﺡ ﺍﻏﻴﺮ ﺍﻧﺘﻈﺮ ﻭﺷﻮﻑ ﺍﺳﺘﺎﺫ ﺑﺮﻛﺎﺕ ... ﻃﻠﻌﺖ ﺭﺣﺖ ﺑﻮﺳﺖ ﺍﺑﻮﻳﺔ ﻭﺍﻣﻲ ﻭﺍﺧﻮﺗﻲ ﻫﻢ ﺣﺒﺎﻳﺒﻲ ﻛﺒﺮﺍﻧﻴﻴﻦ ﻭﺻﺎﻳﺮﻳﻦ ﺭﻳﺎﺟﻴﻞ ﻭﺷﻮﺍﺭﺑﻬﻢ ﺧﺎﻃﺔ ﻛﻌﺪﺕ ﺍﺳﻮﻟﻒ ﻭﻳﺎﻫﻢ ﻭﺍﺷﺎﻗﻴﻬﻢ ﺧﻮ ﺍﺣﻤﺪ ﻫﻠﺴﻨﺔ ﺳﺎﺩﺱ ﺣﺘﻰ ﻟﺤﻴﺔ ﻃﺎﻟﻌﺘﻠﻪ .. ﺭﻭﺣﻪ ﻃﻠﻌﺖ ﺻﻴﺢ ﻉ ﺭﺿﺎ ﻻﻭﻝ ﻣﺮﺓ ﺑﺤﻴﺎﺗﻪ ﻣﻤﺴﻮﻳﻬﺎ ﻗﺒﻞ ﺣﺘﻰ ﺍﻟﺤﺠﻴﺔ ... ﺍﻱ ﺷﺒﻴﻚ ﺧﻨﺴﺖ ﺍﻟﻮﻟﺪ .. ﺭﻓﻌﺖ ﺭﺍﺳﻲ ﻟﻜﻴﺖ ﻳﺒﺎﻭﻋﻠﻲ ﺑﺮﻋﺐ ﺭﺣﺖ ﺟﺮﻳﺖ ﺭﺿﺎ ﺩﺍﺃﻏﺴﻠﻪ ﻃﻠﻌﺖ ﺍﺟﺘﻲ ﻟﻤﻴﺎﺀ ﻭﺭﺍﻳﺔ ...
- ﻟﻤﻴﺎﺀ .. ﻟﺞ ﺳﺮﻭﺓ ﻛﺎﻓﻲ ﺷﻘﻪ ﻭﻳﺔ ﺍﺧﻮﺗﺞ ﺗﺮﺓ ﺭﺍﺡ ﻳﺘﺨﺒﻞ ..
- ﺳﺮﻭﺓ .. ﻫﺎﺍﺍ .
- ﻟﻤﻴﺎﺀ ... ﺍﻱ ﻭﺍﻟﻠﻪ ﻛﻠﻲ ﻛﻮﻟﻴﻠﻬﺎ ﻛﺎﻓﻲ ﻟﺘﺸﻮﻓﻨﻲ ﻫﺎﺩﻱ ..
- ﺳﺮﻭﺓ .. ﺧﻮﺵ ﻫﻤﺰﻳﻦ ﻛﺘﻴﻠﻲ ..
- ﻟﻤﻴﺎﺀ .. ﻭﻟﺞ ﺷﺮﺍﺡ ﺗﺴﻮﻳﻴﻦ ..
- ﺳﺮﻭﺓ .. ﻣﺎﺳﻮﻱ ﺷﻲ ﺍﻧﺘﻈﺮﻱ .. ﺭﺣﺖ ﻟﻼﺳﺘﻘﺒﺎﻝ ﻛﻌﺪﺕ ﺭﺿﺎ ﻳﻢ ﺍﻟﺤﺠﻴﺔ ﻟﺘﺴﻮﻱ ﻭﻛﺎﺣﺔ ﺣﺒﻴﺒﻲ ﻭﺻﺤﺖ ﺍﺣﻤﺪ ﻋﻔﻴﺔ ﺗﻌﺎﻝ ﺭﺍﻳﺪﺗﻚ ﺑﺴﺎﻟﻔﺔ .. ﻫﻮ ﻋﻴﻨﻪ ﻃﻠﻌﺖ .. ﺍﺟﺎﻧﻲ ﺍﺣﻤﺪ ﻟﻠﻤﻄﺒﺦ
- ﺍﺣﻤﺪ . ﻫﺎ ﺳﺮﻭﺓ .. ﻛﻮﻟﻲ ..
- ﺳﺮﻭﺓ .. ﻭﻟﻚ ﻛﻮﻟﻲ ﺻﺪﻙ ﺭﺍﻳﺪ ﻧﺮﺟﺲ ﺗﺮﺓ ﺩﺍﺷﻮﻑ ﻋﻴﻮﻧﻚ ﻭﺍﻟﺒﻨﻴﺔ ﺣﺎﺳﺔ ﺑﻴﻚ ﺑﺲ ﺗﺒﺎﻭﻉ ﻋﻠﻴﻬﺎ ﻭﻛﻠﺶ ﻣﺴﺘﺤﻴﺔ ﻻ ﺍﺑﻮﻫﺎ ﻳﻨﺘﺒﻪ ..
- ﺍﺣﻤﺪ .. ﺍﻱ ﻭﺍﻟﻠﻪ ﺳﺮﻭﺓ ﺣﺘﻰ ﺍﻧﻲ ﺩﺍﻟﻤﻠﻢ ﻧﻔﺴﻲ ﻭﻻ ﺍﺻﺮﻑ ﺣﺘﻰ ﺍﺑﻮﻫﺎ ﻳﻘﺒﻞ ﺑﻴﻪ ..
- ﺳﺮﻭﺓ .. ﺍﻧﺖ ﺩﺷﺪ ﺣﻴﻠﻚ ﻭﻃﻠﻊ ﻛﻠﻴﻪ ﺑﻴﻬﺎ ﺧﻴﺮ ﻭﺗﺪﻟﻞ ﺍﻧﻲ ﺍﺧﻴﺘﻚ ﺣﺒﻴﺒﻲ .. ﻭﻳﺔ ﺣﺒﻴﺒﻲ ﻃﺐ ﺍﻟﻌﻴﻨﺘﻴﻦ ﻭﺳﻤﻌﻨﻲ ..
- ﺑﺮﻛﺎﺕ .. ﺍﺣﻤﻤﻢ ﻫﺎ ﺍﺑﻮ ﺷﻬﺎﺏ ﺑﺸﺮ ﺷﻠﻮﻧﻚ ﺑﻠﺪﺭﺍﺳﺔ ..
- ﺍﺣﻤﺪ .. ﻻ ﺍﻟﺤﻤﺪ ﻟﻠﻪ ﺍﺑﻮ ﻧﺮﺟﺲ ﻣﻦ ﺑﻌﺪ ﺧﻴﺮﻙ ...
- ﺑﺮﻛﺎﺕ .. ﻟﺘﻨﺪﺝ ﻣﻦ ﺗﺤﺠﻲ ﺍﻧﺖ ﺭﺟﺎﻝ ﺣﺒﻴﺒﻲ ﻭﺑﻠﻌﻜﺲ ﺍﻧﺘﻮ ﺗﺴﺘﺎﻫﻠﻮﻥ ﻛﻞ ﺧﻴﺮ ﻭﻧﻌﻢ ﺍﻟﺘﺮﺑﻴﺔ ﻭﺷﺘﺤﺘﺎﺝ ﺭﻛﺒﺘﻲ ﻛﺪﺍﻣﻚ ﺗﺪﻟﻞ ﻭﻋﺒﺪﺍﻟﻠﻪ ﺷﻠﻮﻧﻪ ..
- ﺍﺣﻤﺪ .. ﺍﻟﺤﻤﺪﻟﻠﻪ ﺯﻳﻦ ..
- ﺑﺮﻛﺎﺕ .. ﺳﻬﻠﺔ ﺳﻬﻠﺔ ﻳﺤﺠﻲ ﻭﻋﻴﻮﻧﻪ ﺗﺮﺯﻝ ﻭﺗﺮﺟﻊ ﻟﻴﻮﺭﺓ ...
- ﺍﺣﻤﺪ .. ﺯﻳﻦ ﺗﺴﻤﺤﻮﻟﻲ ..
- ﺳﺮﻭﺓ ... ﺭﺟﻊ ﺍﺣﻤﺪ ﻟﻼﺳﺘﻘﺒﺎﻝ ﻭﺍﻧﻲ ﺩﺍﻛﻮﻡ ﻉ ﺍﻟﺜﻼﺟﺔ ﺍﻧﺠﺮﻳﺖ ﺑﺤﻴﺚ ﻋﻜﺲ ﺍﻳﺪﻱ ﺍﻧﻀﺮﺏ ﺑﺰﺍﻭﻳﺔ ﺍﻟﻤﻴﺰ ﻣﺎﻝ ﻃﻌﺎﻡ ﺍﻟﻲ ﺑﻠﻤﻄﺒﺦ ﻣﺘﺖ ﻣﻦ ﺍﻟﻮﺟﻊ ..
- ﺑﺮﻛﺎﺕ .. ﺗﺨﺘﺒﺮﻳﻦ ﺻﺒﺮﻱ ﻭﻳﺎﺝ ﺳﺮﻭﺓ .. ﺳﻬﻠﺔ ﺗﺮﺓ ﺍﻋﺮﻑ ﺷﻠﻮﻥ ﺍﺭﺩﺝ ﺑﻄﺮﻳﻘﺘﻲ ﻋﺎﻓﻨﻲ ﻭﻃﻠﻊ ﻭﺍﻧﻲ ﺍﻳﺪﻱ ﻣﻮﺗﺘﻨﻲ ﻳﻤﻜﻦ ﺍﻧﻜﺴﺮﺕ ﺍﻟﻀﺮﺑﺔ ﻛﻠﺶ ﻗﻮﻳﺔ ﻻﻥ ﺟﺮﻧﻲ ﻋﻮﺩ ﺩﻳﻜﻌﺪﻧﻲ ﻭﺷﻤﺮﻧﻲ ﻉ ﺍﻟﻜﺮﺳﻲ ﺭﺣﺖ ﻉ ﺍﻟﻐﺮﻓﺔ ﺍﻟﻮﺟﻊ ﺧﺒﻠﻨﻲ ﻳﺎﺭﺑﻲ ﺍﻳﺪﻱ ﻣﺪﺍﻛﺪﺭ ﺍﺣﺮﻛﻬﺎ ﺍﺟﺘﻲ ﺩﻋﺎﺀ ..
بيج قصص عراقيه حقيقيه من واقعنا.روعه الطائي
- ﺩﻋﺎﺀ .. ﻳﻤﻌﻮﺩﺓ ﺳﺮﻭﺓ ﻭﻳﻨﺞ ﻭﻳﻦ ﺭﺣﺘﻲ ﻣﻮ ﻋﻴﺐ ﺩﻧﺮﻳﺪ ﻧﺴﻮﻱ ﻋﺸﺎ ﻭﺍﺑﻮﺝ ﻣﺪﻳﻘﺒﻞ ﻳﺒﻘﻰ ﺩﻛﻮﻣﻲ ﺍﻧﺘﻲ ﻭﻟﺞ ﺷﺒﻴﺞ ﺗﺒﺠﻴﻦ ..
- ﺳﺮﻭﺓ .. ﺩﻋﺎﺀ ﻋﻔﻴﺔ ﺍﻳﺪﻱ ﺗﻌﻮﺭﺕ ﺑﻠﻤﻄﺒﺦ ﻭﺍﻟﻮﺟﻊ ﺩﻳﻤﻮﺗﻨﻲ ﻓﺪﻭﺓ ﻛﻮﻟﻲ ﻻﺑﻮﻳﺔ ﻳﻮﺩﻳﻨﻲ ﻟﻠﻤﺴﺘﺸﻔﻰ ﻳﻤﻜﻦ ﺍﻧﻜﺴﺮﺕ .. ﺭﺍﺣﺖ ﺗﺮﻛﺾ ﺧﻄﻴﺔ ...
ﺍﻟﺤﺠﻴﺔ .. ﻫﺎﻳﻤﺔ ﻭﻳﻦ ﺍﻡ ﺭﺿﺎﻭﻱ ﻭﻳﻦ ﺭﺍﺣﺖ ..
- ﺩﻋﺎﺀ .. ﻳﻤﺔ ﻣﺘﻌﻮﺭﺓ ﺑﺄﻳﺪﻫﺎ ﺑﻠﻤﻄﺒﺦ ﺩﺗﺒﺠﻲ ﺗﻜﻮﻝ ﻳﻤﻜﻦ ﺍﻧﻜﺴﺮﺕ ..
- ﺑﺮﻛﺎﺕ .. ﻳﺎﻟﻠﻪ ﻳﻤﻜﻦ ﻣﻦ ﺟﺮﻳﺘﻬﺎ ﺗﺘﻮﺭﺕ ﻣﻌﺒﺎﻟﻲ ﺗﺎﺫﺕ ﺍﻭﻝ ﻭﺍﺣﺪ ﻛﻤﺰﺕ ﻭﺭﺍﻳﺔ ﺍﺑﻮﻫﺎ ﻭﺍﺧﻮﺗﻬﺎ ﻭﺍﺷﻮﻓﻬﺎ ﻣﻤﺮﻭﺩﺓ ﻣﻦ ﺍﻟﺒﺠﻲ .. ﻣﻨﻴﻦ ﺗﻮﺟﻌﺞ ..
- ﺳﺮﻭﺓ ... ﻋﻜﺴﻲ ﺩﻳﺄﺫﻳﻨﻲ ..
- ﺍﺑﻮ ﺳﺮﻭﺓ .. ﺷﺠﺎﺝ ﻳﺎ ﺑﻮﻳﺔ ..
- ﺳﺮﻭﺓ .. ﻣﺎﺩﺭﻱ ﻳﺎﺑﺔ ﺍﻧﻀﺮﺑﺖ ﺑﻠﺰﺍﻭﻳﺔ ﻣﺎﻝ ﻣﻴﺰ ﺑﻠﻤﻄﺒﺦ ..
- ﺍﺑﻮ ﺳﺮﻭﺓ .. ﺩﻛﺎﻓﻲ ﻳﺎﺑﻮﻳﺔ ﺷﻨﻮ ﻫﻠﺒﺠﻲ ...
- ﺳﺮﻭﺓ .. ﺍﻟﻮﺟﻊ ﻣﻮﺗﻨﻲ ﻳﺎﺑﺔ ..
- ﺍﺑﻮ ﺳﺮﻭﺓ .. ﻳﺎﺑﺔ ﺑﺮﻛﺎﺕ ﻳﻤﻜﻦ ﻳﺮﺍﺩﻟﻬﺎ ﻃﺒﻴﺐ ..
- ﺑﺮﻛﺎﺕ .. ﺍﻱ ﻋﻤﻲ ﻳﻠﺔ ﻛﻮﻣﻲ ﺑﺪﻟﻲ ﺧﻠﻲ ﺍﻭﺩﻳﺞ ﻟﻠﻤﺴﺘﺸﻔﻰ ..
- ﺳﺮﻭﺓ .. ﻟﻤﻴﺎﺀ ﺧﻄﻴﺔ ﻃﻠﻌﺘﻠﻲ ﺟﺒﺔ ...
- ﺑﺮﻛﺎﺕ .. ﻣﺴﺤﻴﻠﻬﺎ ﻫﻠﺨﺮﺍﺑﻴﻂ ﺍﻟﻲ ﺑﻮﺟﻬﻬﺎ ﻭﻳﺒﺎﻭﻉ ﻋﻠﻴﻪ ..
- ﺳﺮﻭﺓ .. ﺣﻄﻴﺖ ﺍﻟﺸﺎﻝ ﻉ ﺭﺍﺳﻲ ﻭﻛﻤﺖ .. ﺍﺟﺔ ﺍﺑﻮﻳﺔ ﻭﺍﺧﻮﺗﻲ ﻭﻳﺎﻳﺔ ﻣﻘﺒﻞ ﻧﺴﻮﺍﻥ .. ﺭﺣﻨﺎ ﺟﺎﻥ ﻃﺒﻴﺐ ﺧﻔﺮ ﻛﺎﻋﺪ ﻣﻦ ﻋﺮﻓﻪ ﻛﺎﻡ ﺭﺃﺳﻦ ﻭﺭﺣﺐ ﺑﻲ ﻳﻄﻠﻊ ﺑﻜﺪﻱ ﺑﺲ ﺷﻨﻮ ﻳﺨﺒﺒﺒﻠﻞ ﻫﻬﻬﻬﻊ ﺩﻛﻠﻬﺎ ﺍﺑﻮ ﻧﺮﺟﺲ ...