وہ اک اجنبی ہے،
اس کی آنکھوں میں خاموش سی التجا ہے۔!!
وہ یہ چاہتا ہے،
کہ میں اس کی نظروں کی پیاسی تھکن کو،
اپنی مسکاں سے سیراب کر دوں۔۔!
میرا دل اس کی خاطر پگھلنے لگا ہے!!
مگر میں نے نظریں چرا لیں،
کیونکہ آخر سرِ راہ ایسے کئی اجنبی ،
دل ہتھیلی پہ رکھے ہوئے،
اپنی آنکھوں سے پیغام دیتے ہوئے،
اشاروں اشاروں میں دل مانگتے ہیں!!
میں سب کی پذیرائی کیسے کروں؟!!
اور کیوں؟؟!!
یہ بھی ممکن ہے ان میں سے اکثر،
محض اپنی تفریح کے واسطے،
مجھے کھیلنا چاہتے ہوں۔۔!
ان کے ہاتھوں کھلونا بنوں،
یہ گوارا نہیں۔۔!!
مجھ کو دامن بچانا ہے اس کے لئے،
جس کو اللہ نے میری  تقدیر میں لکھ دیا ہے۔۔!
میں نہیں جانتی ہوں کہ وہ کون ہے۔۔
پھر بھی اس کی امانت ہوں میں۔۔!!
میں اسی کی نگاہوں کو تسکین دوں
اور اسی کی دعاؤں کا حاصل بنوں!!
میرے رب! صنف نازک ہوں میں،
مجھ کو محفوظ رکھ۔!
میرے دامن کو بے داغ رکھ!!!