مسااااااااااااء الخيررر للجميع

ماعدا ذلك الشخص الذي يقول لحبيبته

"فداك العالم كله"

لأنه لم يأخذ رأينا وتبرع بنا بكل وقاحه 🙂🙂

دقايق قَبل الهجوم

بَس خلي افهمكم 🦍

هو شنو يعني ترى مشتاق الكم حتى شو احس روحي ماعرف انشر 😂

سرسريه ارجعوا صوتوا للبارتات الي قبله وتعالوا يلا منتضركم⭐

الي ميعرف شنو قبله يعني الاتجاه الي نصلي بي
سوالف ادب سززيه ماعندي 🙃☺️

يلا مراح ابدي بالبارت لمن تصوتون

جذب اشاقه راحح ابدي واني الممنون هم 🤧🤧🙂

تعرفون ليش خليت هذا الايموجي؟🤧

لان مريض🙂🙂

ومحد يسأل عليه 😐

حتى راحح ابجي شوفوا نزلن السوائل والاملاح الي مخزونات بالحفره الي تقع شمال وجهي..

الي ميعرف شنو يعني املاحح يصير شكله هيجي مثل  الرماد ولونه ابيض وطعمه مالح شويه

شويه مو هوايه

صحيح اني مسئلت عن اخباركم 🙁

ايي شخباركم،؟

حبيت اشخبر عليكم حتى متگولون موجود وميشخبر علينه

آسف تعرفون شركتي بأمريكا اشغالهه هوايه تنسيني كل شي

احم احم ... يلا يلا نبدي بالبارت

قبل لا ابدي جعدت افچر شنو انشر من فچره يديده

بس لتخافون،،،

عقلي شتغل بسرعه وماطولت بالتفكير گلت انشرلكم مواقف معفنه ومحرجه وتفشل (ღ˘⌣˘ღ)

بصراحه ماتوقعته هيچ يشتغل بِسُرعَه. 🌝😂💔

–__–__–__–__–__–

اممم مرى من چنت رئيس العصابه بالاعداديه
جان عدنه مدرس
هذا شكله.          😡
وهذا سمنه     «| 👕 |»      
وهذا طوله.        👖

طبعا عصابتنه جانت عباره عن شعبه كامله

الي ميعرف شنو يعني شعبه هايه جزء من اجزاء

الترتيب المصنوف هايه مالت النوع والجنس والعائله والرتبه والصنف والشعبه والمملكه

خلي اگولكم اني شلون خفضتهن حتى متخربطون بيهن

ملاحظه :.. يجوز لكم الضحك عند قراءة طريقة حفظي ف أنا لا ازعل من شخص وخاصة منكم وشكرا جزيلا ..

جنت اقرا كل شي ع شكل قصه يعني اگول نوع الجنس مالتي ذكر
وعائلتي الأسدي رتبتي بالعائله الابن الكبير وصفي سادس وشعبتي هاء ومدرستي الافــاق للبنين الي ههِي خليتهه بمكان المملكه وخلص ولحد الان خافضهن

ادري شنو خافض حراره دوه مالت صخونه استغفرالله الكيبورد حالف يفشلني🌝💔

أمــا إذا تردون تعرفون الفرق بين ض / ظ
وصلوا هالبارت 600تصويت 😉😂💔

الحمدلله  ردت اكتب 150 تصويت بس كلت خاف تصير  صدگ ورجعت كتبت600لان اول شي ادري مراح يوصل وثاني شي والصراحه هوه يعني شني انه اعرفهن بس ماريد اگول الكم

من تواضع لله رفعه 🦋🥀🌝

چذب ماعرفهن لاتصدگون

ايي خلي اكمللكم السالوفه جان عدنه درس شاغر مدري شاغل المهم جنه منقسمين 3 مجموعات

مجموعه تدگ ع الرحلات

ومجموعه ترگص

والاخيره چانوا يغنون ومصيفي الخماط چــان راگوص الله يسلمه  🙃

طبعا سميته الخماط لان دائما تضيع الستره مالتي والكاهه عنده فسميته خماط الستر وهاي كل مابالسالفه»»يعيوني

المهم راحح واحدد چنه انسمي البُــلبل الفتان لان دائما ننعلس من وراه وگال للمدير

اجانه المدير يرفع بنطرونه هذا البنطرون 27 ساعه خارط 🤦‍♂️

شعبتنه جان لونهه وردي غاااااااااااااااااااااااااااااااااااااامق
والله يسلمه واحد من جماعتنه جابلنه برده زرگه صار الصف أضــلم

الي ميعر شنو يعني برده
حبايبي هايه يعني ستائر بس قبل لمن اجوي العثمانيون للعراق وفرضوا السياسه التتريكيه والله يسملهم العراقيين گامو يحجون تركي ومن هنا بدأت سالفة البرده«يعيوني 🚰

طبعا ولامره بحياتي سولفتلي شغله وما گطعتهه ع النص واسولف سالفه ثانيه  🌝ايي فاجانه المدير احنى لبدنه جوه الرحلات خليناه يدخل وطفر واحد سد الباب واحنى طب طاخخ طلعنه الحرگه مالت الامتحانات بي وضرب كتل سحل نتــــــــل
والصف اضلم مو كلش يشوف وجهنه مايعرف منو الضربه ومنو الحباب مثلي
والحمدلله ثاني يوم نَـــزل بينه عقوبه فصل 5 ايام وخصم 5 درجات من السلوك 💔💔

بس هو يستاهل صراحة عود اجه يضربنه ضربناه احنى 😂😂💔

*وقيل ان المدير قد استقال بعدها والله وحده اعلم بهذا

–__–__–__–__–__–

هذا موقف هم بالاعداديه صار ويايه بالامتحانات وسويته الكم ع شكل شِعر تدرون بيه اني شاعر تمضرطي

ادري شنو موقف البــاص هوايه صاير اسحگ انه

في يومٍ من الأيام..
بدأتُ بلا سحورٍ في الصيام ..🤦‍♂️💔

فصرتُ كالذبيحِ من الحمام ..🥺

أكلٌ وشربٌ هِي الأحلام..
أُحب السمك واللبن وكَُل ما يخصُ الطعام🤦‍♂️..

استيقضتُ في سُبات في المنام..

ذهبت الى المدرسة ع وفقِ نظام.

رأيتُ كومة من الشباب مشكلين ازدحام..

واحِدٌ يبتسم والآخر يرميهِ بالشتام ..

تركتهُم وذهبتُ ألى الحمَّام ..

فغسلتُ يدي وأغلقتُ الصمّام..

ثُم عدتُ وبِحوزتي مايكفي من الكلام..
لِأُقابلَ السخيفين اللذينَ يتضاربونَ ع اتفه الأسباب وفي كُلِ الأيام..

قلتُ توقفوا قد جاءَ القاضي👨‍✈️

لِيحِلَ لكـُم هذا الخِصَام 😎.»

فَلا أسمَعُ لَكــُم صوتٌ أو هَمَام..

قال أحدُهُم : انــا مريضٌ بالزُكام ..

وتحججَ صديقَهُ إذ أنّ فيه انفِصام ..
«هلو هاي شني هاي »

وقالوا كِلاهُما أنهم سَيُفَعِّلونَ حرَكَة الإنهِزام 😉..

قلتُ ياشبــــااب : 
انا صائمٌ وليس لي عِلمٌ بما تفعلون ولسنا في ببجي لِتُفعِّلوا حركة الإنهزامم ..

فَلم يُعجِبُهُم كلامي وذهبوا دونَ أن يُعيروني أي اهتمام 😳
☹️

انصدمن من حركَتهم وتذكرتُ أني قد رئيتُهم يوما يكتبون البِرشام 😉..

قلتُ تعالوا او سأقولُ للمدير وَ أوَجِهَ لكم ذاك الإتِهَام ..

فأتَوا 😏،،

فقلتُ ترَاضوا فإنَنـــا إخوَةٌ فِي الإسلاَم☺️ ..

فتصَالَحوا ☺️،،

وَشكروني وصاروا يرفعونَني إلى الغَمام ..

وامتحنه ..وفطرنه ..وصارت أمورنَه تمــــــَام 😀..

ورجعنه ..وسبحنه .. وتعشينه ورحنه ننام ☺️🤗..

--------  تمارين 3-1

ملاحظه : الاجابه عن 5 اسئلة فقط 🎭🎶

الامتحان :: تاريخ

الوقت ::ثانيتان ونصف

المدرسه ::سويف وزعاطيطه

هايه الاسئله جدا صعبه اذا معرفتوا الجواب ممكن تستعينو بصديق اني حباب عادي اسمحلكم 🦍

2، شنو لون جلاد كتاب العربي؟

5، كم هي مساحة دولة الأماخوبو؟

9، ماهو لون علم دولة المريخ ؟

18، ماذا قال الرئيس المصري بشأن الاحتلال الفلسطيني ؟

20، كم لبثت إسرائيل في القدس ؟

25، ماهو لون باب بيت رئيس إيران عندما كان في دولة الامارات ؟

*مع تمنياتي لكم بالنجاح الباهر والخط الظاهر

كبروا خطكم بداعت حصان امرؤ القيس مو تخلوهن كلمة فوگ الثانيه وكل شي مافهم

*وحضروا نفسكم باجر عدكم امتحان احياء،،،

وهذا نزار الفارس ايگول اذا واحد طعنك بالضهر انت اطعنه بالعصر لان الضهر وقت غدا عيب 🌀

يلا بويه بايي