راما تشعر بالإكتئاب، يو نو وت ذات مينز؟ كتاب جديد!

كتاب فقط عني، حاليًا بمر بفترة سيئة جدًا بحياتي؛ ضغط ما بين مشاكل عائليّة، الدراسة والجامعة، مشاعر وأفكار سلبيّة، ضغط من الروايات، إلخ...

بدي أبدأ من جديد لكن بلاحظ أنه كل ما ببدأ بفقد الأمل وما بعود عندي طاقة لحتى أكمّل، بمل بسرعة وبترك أي شيء بسويه ثم بعود لمرحلة البقاء على السّرير من لما استيقظ لحتى أنام، لكن لاحظت أنه أحيانًا لمّا بشارك الأشياء يلي بسويها بتشجع؟ مدري، مش بتشجع بل فقط بعطيني دافع صغنن.

لهيك سويت هذا الكتاب حتى أكتب فيه يومياتي والأشياء يلي بسويها حتى لو حدا حاب يشاركني، أو مثلًا نصائح ممكن تفيد البعض وهيك.

أتمنى الكتاب يساعدني ويساعدكم، هي المرحلة فيها تكون حاسمة بحياتي وكيف بمر فيها بتحدد مستقبلي، لو ضليت على حالتي الآن رح أضيع ويخرب كل شيء خططت له، ولو حاولت، أتحرك على الأقل واستغليت بس ساعة بيومي رح يكون شيء جيد.

رح أحاول بنهاية كل فصل أحط شو رح أسوي اليوم الثاني حتى لو حدا بدو يشاركني، سواء سوينا هي الأشياء فأنا فخور، ولو ما سويناها فـعلى الأقل فكرنا نسويها، وقبل خطوة بأي شيء هي فكرة أنه نحن رح نمشي، لهيك حتى الأفكار مهمة.

حتى لو كانت الفصول متقدمة اتسكيه نبدأ من البداية، يعني لو حدا حاب يشارك وكان في أيام معدية عادي يكتب من أول يوم ورح أتابع معاه وأسأله وهيك إن شاء الله.

سيو إيميز، لوف يو حقيقي لأنه أنتو من أسباب سعادتي! 🤎