اليوم: الأحد.
التاريخ: 20.6.2021.
الساعة: 10:01 مساءً.

ما رح أكذب وأحكي إني بمرحلة الأمان والسكينة لكن عم بحفر طريقي لهما من خلال الصلاة وقراءة القرآن والصيام، ويا رب أنه ترزقني السكينة والإطمئان بكل شيء في حياتي.

عم بقرأ بكتاب فاتتني صلاة وبقلك فقط مجرد تفكيرك أنه الصلاة تعطيك راحة يساعد حتى لو ما تعطي، مثلًا بالنسبة لي كنت اصليّ فقط حتى ما يروحوا علي الصلوات واحكي كيف يلي يحكوا بعد ما يصلوا يحسوا براحة يسووا هالشيء؟ ليش لما أنا أصليّ ما أحس بالراحة؟

ولوقت طويل فكرت الخلل مني ولهذا السبب كان كتير تمر أيام من غير ما أصليّ، لكن يمكن من بعد ما قرأت الكتاب تغيرت وجهة نظري؟ صرت أحكي لنفسي أنه الصلاة تجلب لي الراحة، وأنه من بعد الصلاة رح أنام مرتاحة وأصحى بكير حتى أصلي.

ومبارح نمت عالستة الصبح رغم أنه بالعادة أسحبها للتسعة، وصحيت بالضبط مع أذان الظهر وما عرفت ارجع أنام لهيك صحيت وصليت، يا رب يستمر هالشيء حتى أقدر أحافظ على صلاتي.

وأنتو هل ملتزمين بصلاتكم ولا تواجهوا صعوبة فيها زيي؟ ولو عندكم نصائح تساعد عالإلتزام شاركونا اياها.

---
سو اليوم الحمد لله صليت كل الصلوات، قرأت قرآن، صمت، اشتغلت شوي بفريق الترجمة، وساعدت ماما بالبيت.

واليوم اجت أختي من عمان وقعدنا ساعات بس نلعب عالبلاي ستيشن ونسولف لهيك ما سويت كتير أشياء، صراحة كنت مشتاقة لها جدًا سو سامحوني. 👈👉

لكن قرأت من كتاب فاتتني صلاة، ويا ريت لو بقدر أجيبه كتابيّ، لكن إن شاء الله رح أجيبه هو وكتاب لأنك الله كتابيّ لماما لأنه هي تحب هيك شغلات وما تقدر تقرأ عالتلفون عشان عيونها يوجعوها.

وهلأ رح أنام بإذن الله كوني نعسان، ورح أفيق بكير توو حتى أعدّل نظام نومي من هلأ للصيفي.
+حطيت منبه حتى أفيق الفجر، مش بس ادعوا أني أصحى بل أدعو إني أنام من بعد ما أخلص حتى ما يضيع علي نوم.🧍‍♀️

وفقط؟...

أنتو شو سويتوا من اليوم؟

---
حرق لبكرا:
-صيام.
-صلاة.
-قرآن.
-قراءة من كتاب فاتتني صلاة.
-الشغل بالترجمة.
-محاولة البحث عن شغل حقيقي، للمرة الألف. *بيق معلش*
-أرتب هالغرفة يلي مش راضية تترتب.

وأنتو شو حرقكم لبكرا؟

كونوا بخير إيميز، أحبكم. 🤎