اليوم: السّبت.
التاريخ: 19.6.2021.
الساعة: 10:34 مساءً.

لطالما كان موضوع الأصدقاء حساس بالنسبة لي، للأمانة من صف ثالث للسابع وأنا قردة دائمًا مع أصدقائي برا ونصهم شباب، بعد هيك بدأوا البنات ما يطلعوا لهيك ضليت مع الشباب ألعب، بس كبرنا وابتعدنا عن بعض لدرجة ما عدنا نتواصل بتاتًا، يعني حتى هلأ بس نشوف بعض لا سلام ولا شيء، ولا كأنه كنا نلعب فطبول وأنا الحارس، حقراء. "-"

بس بعد هيك حتى بالمدرسة كنت أحس نفسي وحيدة لأنه ما كان عندي حدا احكي معه بنفس اهتماماتي، ولما كلنا نجتمع دائمًا أقعد بالزاوية وأكون ساكتة، بس أضحك واحكي كم كلمة.

واستمر هالشيء لعدة سنوات لدرجة بطل يفرق عندي لو كان معي صديق أو لا، لكن بنفس الوقت ما بقدر أعيش بدون صديق، ولو ما حكينا بحس سويت شيء غلط أو إني زعلته، لهيك تحملت صديقتي التوسيك يلي قلت لكم عنها لأنها كانت صديقتي الأولى يلي تشاركني اهتماماتي من بعد جفاف طويل.

لكن الآن عندي كتير أصدقاء ممتنة لوجودهم حتى لو ما قدرت أشوفهم حقيقي لأنه كلهم اونلاين لكن بحبهم جدًا جدًا، وأكيد أولهم القمرز: Sorcha_Larken

هذا الحلو صديقي الصدوق، زوجي وحبيبي وحياتي وكل شيء، داعمتي بحياتي والأشياء يلي أسويها، أحبها جدًا وممتنة إني تعرفت عليها دائمًا وأبدًا، لأنها مش بس مجرد صديقة بل هي غيّرت كتير فيني أشياء للأفضل، كنت أغيّر من نفسي حتى أقدر أكون صديقة جيدة لها.

لسه انتظر نشوف بعض ونتعاون على قتل ساعي البريد يلي ما وصل الكيكة للآن، أحبك! 😔🤎

---
هاييزز، سو مر اليوم وصار عدة أشياء:
-خلصت كتاب العادات الذريّة.
-عملت ملاحظات بالتلفون أنه قطع الخبز، قطع السكر، الصلاة، قراءة القرآن، زي هيك.

وكتبت ال100 كتاب يلي بالبوست حتى يكون أسهل علي أدوّر عليهم، هيهم لو كان حدا بدو اياهم.

لحد الآن صرت مخلصة منهم:
1- أربعون.
2- فن اللامبالاة.
3- اللعبة.
4- أنتيخريستوس.
5- خروج أنتيخريستوس.
6- صاحب الظل الطويل.
7- العادات الذرية.
8- دقات الشامو.
9- لأنك الله.

إن شاء الله بس اخلص باجي بشارككم كمان شو خلصت! "-"

---
اليوم كان في عزيمة لهيك البيت كان عجقة، ويمكن طلعت الدرج ونزلته شي ست سبع مرات، ومشيت لقلت كافي لهيك رح اعتبر إني سويت رياضة. 👈👉

+صليت كل الصلوات الحمد لله، وقرأت قرآن، رتبت الغرفة شوي، وصمت ودعيت للكل. 😔🤎

باقي من المهام يلي حطيتها لنفسي إني اشتغل بفريق الترجمة وكمان أرتب شوي من كتاباتي وألاقي محل حتى أكتب فيه، وإن شاء الله رح اسويهم.

أنتو شو سويتوا اليوم؟

---
حرق لبكرا:
-صوم اليوم.
-قراءة القرآن.
-صلاة.
-المشي لمدة خمس دقائق.
-ترتيب شوي من الغرفة.
-القراءة في كتاب فاتتني صلاة.
-الشغل بفريق الترجمة.
-محاولة الكتابة.
-الشغل بالفريق الجديد.

وأنتو شو حرقكم لبكرا؟

كونوا بخير إيميز، أحبكم! 🤎