شمس: ما كدرت أتحمل وحجيتلة كلشي وكبل عافني وراح وسد الباب قوي

علي:بعد ما سولفتلي شمس انصدمت كلت ليش ما كلتلي وإني اليوم فرحان وأريد اخطبها وجان شوي وتدخل امي

أم علي: يمة العصر حضرو روحكم خلي نروح نخطبها
علي:يمة خليها غير وقت هسه تعبان شوي
أم علي :براحتك يمة

نور:ورى ما سولفت لشمس رحت نمت لأن تعبانة كلش جانت الساعة 1:30 نمت وكعدت ساعة 5:00
رحت ع مبايلي واستغربت علي ليش ما دزلي رسالة لأن هوا دائما يدزلي كلت خلي ابادر وادزلة دزيتلة وكلت هلو حبي

علي:جنت كاعد وجاي أفكر بهذا الي اسمة عمر شوي واجتلي رسالة من نور شفتها وغلست ما رديت

نور:شفت علي شافها وما رد رحت على شمس كتلها علي شبي ليش مجاي يجاوبني

شمس:نور علي سمعنه جاي نحجي اني وياج وخلاني اعترفلة بكلشي

نور: طفرت وكفت على السرير وكتلها مفهمت قصدج عن عمر

شمس:يي

نور:خررب ولج شسويتي

شمس:نور اسفة والله بس هوا سمع كلشي روحي احجي ويا

نور:رحت اتصلت على علي ورفضة رجعت اتصلت وهم رفضة  بعدين كتبتلة رسالة (علي انت فاهم الموضوع غلط ترى ) وهم شاف المحادثة وشفت جار الكتابة فرحت شوي

علي:وين مكان هذا الخراا
نور:مفهمت

علي:كبل اتصلت وردت وصيحت عليها وكتلها لا تستغبين الموضوع هذا عمر

نور: علي عوفة يولي والله هذا يسوي مشاكل

علي:حضري روحج راح اجي اخطبج واذا وافقو اهلج ورى الزواج تكليلي بيتهم وين فهمتييي

نور :ماشي كبل سدة بوجهي اول مرة اشوف علي هيج عصبي رحت لشمس كتلها كلشي حجينا اني وعلي بس مجانت فاتحة

شمس:جاي أنزل وسمعت علي يحجي لأمي ويكللها

علي:يمة بأجر نروح نخطبها واذا وافقو نسويها هيه خطوبة وهيه عقد محكمة ورى أسبوع يصير الزواج

أم علي:يمة ليش مستعجل أصبر خلي البنية تكمل احتياجاتها

علي:يمة هذا لعندي

أم علي:شدعوة عليك ما تصبر

علي:مو عندي شغل ولهذا راح أسافر ف كلت استعجل

أم علي:ابني للكاتبة الله يصير

علي:ونعم بالله يلا يمة اني طالع وية جماعتي

أم علي:الله وياك وليدي

شمس:صعدت لغرفتي بسرعة واتصلت على نور

نور:اتصلت شمس وجاوبتها هااا شصاير

شمس:نور بأجر علي حيجي يخطبج

نور:يي ادري كلي

شمس:وكال اذا. وافقو هيه خطوبة وهيه عقد محكمة

نور:لابربج

شمس:يي والله وكال ورى الخطوبة بأسبوع يصير الزواج

نور:ماشي هسه اني حروح بأي

شمس:بكلبي ادري بيها ضاجت بس شسوي كتلها بأي ورحت

نور: صار اليل وعلي مراسلني عرفت بي معصب اتصلت علي ونطاني رفض رحت راسلتة كتلة علي لا اسوي هيج

علي:ارجع للبيت ونتفاهم

نور:كعدت انتضرة شوي ودزلي رسالة

علي: اني شسويت حتى انتي هيج تسوين وياي كم مرة كتلج لا تجذبين علية ولا تضمين ليش هيج عاندتيني

نور:علي اني اسفة

علي :شيفيد الأسف هسه هاااا

نور:أريد اتصل

علي: اتصلي

نور:ورى ما اتصلت سمعته يكول الو وصوتة مثل الضايج ومقهور كبل بجيت

علي:نور لا تشلعين كلبي وتبجين

نور:.....

علي:راسلج لو لا

نور:لا بس خايفة

علي:يصير خير لا تخافين

نور :علي كافي لا تسوي هيج

علي بعصبية وصياح:لييش شنو تريديني اكلج عفية عليج لأن ضميتي علية

نور : هاي هية اتركني عوفني اذا لدرجة خليتك تصيح

علي:نجبي ومرة ثانية لا تعلين صوتج لا أشك حلكج وكبل سديتة بوجها ونمت

نور:بعد ما سدا بوجهي كعدت ابجي ومحسيت على نفسي آلة وإني نايمة كعدت الصبح وراسي يوجعني كلشش حتى ما أكلت شي فتحت جهازي دازتلي شمس رسالة
شمس : نور ب5 راح نجيلكم علي كلي كليلها

نور :هلا بيكم شكد ضجت من كال علي كلالها زين ليش ما هوا يجي يكلي اووووف

أم نور:نور طلعت صديقتي جاية تخطبج لابنها ويمكن أوافق

نور:ماما شنو هيه لعبة توافقون بكيفكم ترى اني هم الي رأي

أم نور:لا تعلين صوتج وعناد آلة اخلي ابوج يوافق

نور:ماما مو أهل صديقتي راح يجون يخطبوني

أم نور: واحنا شنعرف عنهم حتى نوافق كومي يلا حضري وياي

نور:هناا فقدت الأمل وكلت علي مراح يصير الي وأمي راح تعاند  وتوافق يربي شلون هسه كملت تحضير وإني بالي مو يمي ورى ما خلصت كبل رحت نمت بدون ما احس

.............

أم علي :يمة طلعت أم نور نفسها صديقتي

علي:شلون يعني صديقتج

أم علي:يي يمة قبل شوي جنة جاي نسولف وكالت راح يجون يخطبون بنتي كتلها وإني هم اليوم راح نخطب لابني كالت البنية منين كتلها من اقاربنة واسمها نور بنت أبو .....

أم نور: ياا شهل صدفة هاي بنتي

أم علي:هاي الساعة المباركة وبنتج ماشاء الله تخبل وراح نجيلهم الساعة ب5

أم نور:تسلمين حبيبتي واحنى ننتضرج

علي :هااااا ويحك بشعرة خوش لعد

كملت تضير وخلصت وكبل نمت وما حسيت غير امي كعدتني كالت كوم الساعة ب4:30

علي:كايم كمت لبست قميص ماروني وبنطرون نيلي
كملت وطلعنة لبيت نور

................................ .. . . .  . . . . . . .

نور:صار العصر حضرت نفسي وكالت زوجة اخوي لا تخلين مكياج اصلا انتي حلوة بدون مكياج ومخليت وانتضرناهم شوية واجو احس نفسي انكطع من التوتر

علي:وصلنة لبيتهم استقبلونة وكعدتة شوية ودخلت نور قدمتنة الضيافة وما رفعت راسها ابدد

نور :امي كالت يلا تعالي قدمي الضيافة كتلها وإني ابجي ماما فدوة رفضي ما أريد ازوج واحد ما اعرفة

أم نور:نجبي وامشي بسرعة

نور:امي دخلت مسحت دموعي ودخلت وراها قدمت الضيافة وبعدين صار السرة للعرب