تكملت القصة؟

وعلى عادته سكت شويه انوب حجه وكال:
كولش حلو انو تساعدين أبوج وأني متأكد انو راح نكدر أناجر بيت أني وياج!!

كالت اله: المهم انو البيت يكون مريح إذا جان صغير أو جبير!
كال الهه: اي وانو تكون بي وسائل الراحة مثل الثلاجة ومكيف وغسالة وكذا......

كالت اله: احنه أول شي نشتري الأشياء البسيطة انوب شويه شويه لأن ابويه محيدفع أي شي......
كال الهه: البساطة فد شي كولش حلو وراح منروح سفرة للخارج!
كالت اله: اي صح احسن لان اني عندي أقساط وسلف؟
فهوه اهناية كولش تعصب وكذا 😡
كال الهه: يعني راتب معندج!
كالت اله: تقريباً .....
فعدل كعدته وكال الهه: اني هم عندي سلف وديون ولهذا السبب مراح أفكر بالزواج حالياً !

انوب كام وكال: اعتقد بعد مراح اشوفج واتمنى الج كول السعادة والموفقية!...

كال هيج وراح.....وعبالك ولا جانت حبيبته الي جان يحجي وياهه قبل شويه....

انوب اجاهه الجرسون يريد الحساب؟
فعرفت هي انو هو حتى مدفع الحساب فكالت ويه نفسهه وتضحك عرفت حيصير هيج لذالك كذبت عليه...شكد غبي...مجان يعرف انو حسابي بالمصرف كولش جبير ومجان عندي أقساط وسلف وبس الخير بلي صار جانت
(صفقة خاسرة) بالنسبة إليَّ ....!

أتمنى عرفتو شنو العبرة او الدرس من القصة يعني ماخذه علمود الفلوس شنو الفائدة راح تصرف عليك هي 😏والله بلوة....😂

المهم هاي القصة من كتاب

المجمُوعَة القصصيّة الكاملة
الشهيدة بنت الهدى آمنة الصدر