قصة صغيرة بس بيهه عبرة وكولش حلوة علمود تتوضح لازم اسويهه بالعامية وهي بالفصحة ؟!

كعد كدامهه وهو مشتاك ...
كال الهه: أني احبج لدرجة العبادة(ده يكذب)
وأنتي حياتي الي ما أستغني عنهه(هم ده يكذب )😂
صحيح همه جانو أبداية الخطوبة بس هو كال الهه لازم نتعرف وكذا يعني...
جانت هي تسمع اله بكول سعادة..

كال الهه: اني أريد أعقد بقرب فرصة لأن ما أكدر اعيش بدونج..(ده يكذب)😏

كال الهه: اني ما اعرف شلون جنت عايش بدونج كول هاي السنين وأني راح أستاجر بيت كولش جبير وراح نسافر لباريس شهر عسل..
(طبعاً ده يركع ركع بالكذب)

وجان يحجي وياهه بحب وأعجاب وجانت هي سارحة ويه أحلامهه ويه خطيبهه..ف وهمه ده يحجون خصلات من شعرهه طار وكامت تعدل بي وتكول: خليتني أستعجل ومسويت شعري زين؟
كال الهه: شعرج حلو بأي حال من الأحوال 😒

فضحكت وكالت اله: حتى فستاني الجديد موصلني من الخياطة.
كال الهه : مو كتلج هذه ميهمني؟ اهم شي انتِ يا عزيزتي
كالت اله: صدوك تحجي!
كال الهه: اي وحق حبنه!
كالت اله: لعد اني كولش فرحانه لان جنت أتمنى ازوج شخص متهمة الفلوس...
كال الهه: اي اني هيج ما أهتم وراح تشوفين..

كالت اله: اي هي الفلوس متسوه واني ما اهتملهه بحياتي ولهذا السبب تنازلت لابويه عن راتبي لمن شفته محتاج فلوس..

يتبع 🙃❤