Hey guys...

Enjoy this part...😊
......................................................................

Karan (Taking a deep breath) - Witches bahot hi zyada gusse me thi. Unhe kisi bhi tarah badla chahiye tha aur isliye unhone vo kiya jisse meri aur Vikramaditya ki jaan khatre me aa gayi. Jo Sooraj jivan pradan karta hai, ab vahi humari maut ka karan ban sakta hai.

Monami - Apne gusse ke karan unhone apne spells ke through ek aisi cheez taiyyar ki ke jisko peene ke baad jo duniya ke sabse pehle Vampire bane, vo the Karan. Rajmahal ke paani me vo liquid mix kiya gya tha aur usme Vikramaditya ka khoon mila hua tha.

Karan - Vampires me jo bhi negative points hai, vo Vikramaditya ki wajah se hai. Jab tak mujhe puri baat samajh aati, main vo paani pi chuka tha. Mujhe thode waqt tak to zyada kuch pata nahi chala but jab subha - subha main apne ghar se bahar nikla to mujhe apni skin ko aag lag gayi ho aisa mehsoos hua.

Monami (Taking a deep breath) - Ye tha witches ka pehla vaar... (Pointing at their lockets) Ye jo gale me tum log locket pehn ke rakhte ho, usi se tum log Sooraj ki kiranon se jalne se bach pa rahe ho. Jin witches ne ye spell perform kiya tha, unhe ye pata nahi tha ke unke asli Raja ab bhi zinda hai aur unhi ke beech reh rahe the itne saalo se.

Karan - Jab subhe mere andar bhi vahi badlav unhone dekhe to vo samajh gaye ke main kon hu. Itne saalo se un logo ke beech rehne ki wajah se, vo jaante the ke main apne bhai jaisa nahi hu. Karib 1 saal tak mujhe aise hi bandh karke rakha gya. Mere willpower ki wajah se aur shayad mere ache karmo ki wajah se, meri bloodlust ki haalat ke waqt bhi, un witches ne mera dhyan rakha aur main bhi unhe koi nuksaan pohochana nahi chahta tha isliye khudko hamesha ke liye duniya se alag kar liya.

Monami (With a smile) - Aur usi waqt ke beech janma hua Mohini ka... Yaani mera. Mera janm ek badi hi wealthy family me hua tha, log mere parents ki bahot respect karte the. Log unhe bahot chahte bhi the. Isiki wajah se main hamesha baki logo ke aur zyada kareeb hoti gai. As mere Baba hamesha sikhate the ke har ek insaan ko apni hi barabari ka samjho.

Apne logo ke beech, main badi ho rahi thi. Logo ka pyaar bhi mil raha tha, unki respect bhi aur apne Pita ki successor banne ki training bhi.

Karan (Taking a deep breath) - 150 saal lag gaye mujhe sambhalne me. Aur tab tak me, kuch Witches ne, mere sooraj ki roshni me bahar nikalne ka rasta dhoondh liya tha. Jab tak main bahaar nikal saka, bahot kuch badal gya tha. Witches me se bahot sare maare gaye the. Jo meri dekhbhal kar rahe the unhone mujhe bataya ke mere bhai ne tabaahi macha rakhi thi aur vo tabaahi ke sath aage badhta ja raha tha, to maine bhi uska pichha karna shuru kar diya.

Monami (Angrily) - Lekin tab tak vo maut bankar mere ghar ko, mere apno ko, mere logo ko nigal chuka tha. Mere samne usne ye dikhaya ke uske bade bhai, yaani Karan ki wajah se, maine apni family khoi. Is gusse me aur nafrat me hi maine ek aise darinde ke sath 500 saal nikal diye jo ke asal me mere pariwaar ka hatyara tha aur kahi na kahi mera bhi. Usi ki wajah se, main vampire bani thi but mujhe is baat ka koi andesha hi nahi tha.

Sid (Confusingly) - Vo sab to thik hai but un 500 saalo me, Karan kabhi Vikramaditya ko dhoondh kyu nahi paya?

Sanju (Pointing at Faizi) - Aur Faizi ka kya connection hai Karan se? Ye samajh hi nahi aaya...!!!

Sonali (Immediately) - Exactly my point, Sanju...!!!

Faizi (Nodding his head) - Ye sawaal to humara bhi hai... (To Karan) Hum dono ka connection kaise bana, Karan? Hum kaise mile? Dost kab bane? Aur kitne waqt se sath hai?

Karan (Hugging Monami sideways) - Jab main Vikramaditya ko dhoondhne ki koshish me tha tab pehli baar meri Faizi se mulakat hui thi. Vo bhi apni family uski wajah se kho chuka tha aur ek Vampire ban chuka tha. Jin Witches ne meri madad ki thi unhone hi baad me Faizi, Sanju, Akash aur Disha ke liye lockets banaye the mere kehne par.

Monami (Nodding her head) - Aur rahi baat ke Karan Vikramaditya ko 500 saalo tak dhoondh kyu nahi paye? To uska reason, main khud hu. Main sirf kisi bade ghar ki beti hi nahi thi, balki main ek Witch family ko belong karti thi. Mujhe nahi pata kaise but ek Vampire banne ke baad bhi mere powers intact the. So, maine kuch aur Witches ke sath milke uske irdgird ek suraksha ghera bana diya tha ke jise koi na bhed sake. Isliye Karan kabhi uske samne bhi aakar khade ho jaate to bhi unhe pehchan nahi pate.

(With sadness) Fir vo manhoos din bhi aa hi gya ke jiski wajah se mujhe sari sachchai pata chal gayi. Vikramaditya is an Original aur mere pass usse ladne ki takat nahi thi. Isliye, I started to look for Karan. Taaki un tak Vikramaditya ki khabar pohocha saku. Maine Vikramaditya se kaha ke main Europe jaa rahi hu kyuki mujhe uske bhai ke baare me kuch pata chala hai aur vo apne bhai se itni nafrat karta tha ke usne meri baat maan li.

Akash (Confusingly) - Magar kya usne ek baar bhi ye check karne ki koshish nahi ki ke tum sach me Europe me ho ya nahi?

Monami (Smirking at him) - Koshish to usne ki hogi but jo Witches usse nakhush thi, unhi ki madad li thi maine to hide from him and to prove my existence in Europe. Karan ko dhoondhte - dhoondhte mujhe do saal nikal gaye aur jab vo mile tab se aaj tak hum kabhi alag nahi hue, emotionally to nahi.

Karan (With a smile) - Mohini se jaankari to mil gayi thi mujhe. Bas ab, sahi waqt ka intezaar karna tha hume to strike him. (With a sad smile) Par hume ye nahi pata tha ke vo ladai bhavishya me, humare is aaj ko janam de degi, varna use zinda chhodne ki galti nahi karta main...!!!
......................................................................

Here's the next part guys...

How was it???

Silent readers, please stay away from my stories...😡😡😡

Please, vote and comment for my story and share your opinions and ideas...😊😊😊

Till the next part... Take care, be happy, be healthy & bye - bye, dear readers...❤❤❤