Ar: Ammi yeh uncle humain bilkul aachay nahi lagay unhon nay apko rula diya.

HM: nahi Arman uncle nay humain nahi rulaya hai uncle buhat achay hain. Lekin ap nay uncle say dour rehna hai samjhay ap.

AR: ji Ammi. Ammi apko bhook lagi hogi khana kha lyn ap please.

HM: ha Chalo.

AR: Ammi yeh humaray Abu ki tasveer hai na.

Seeing marriage pictures of haseena.

HM: ha par ap kyun poch rhy ho.

Ar: humaray Abu kitnay achay thy or uncle kitnay ganday hain. Ammi Abu humain chor k kyun chalay gay.

HM: Allah ko woh buhat pasand thy isliay unhon nay unhain apnay pass bula liya.

Ar: kiyà hum Abu say milnay bhi nahi ja saktay?

HM: nahi kyun k wahan Jana abhi possible nahi hai.

Ar: toh phir hum kab jaen gay?

HM: jab Allah humain bhi apnay pass bula lyn gay tab hum un say mil saktay hain.

Ar: toh humain Allah Pak jab bulain gay.

HM: beta pata nahi

Ar: Ammi par apko toh sab pata hota hai na.

HM: par apki Ammi ko yeh nahi pata.

KS enters : Ms sab apka bahir lunch k liey intezar Kar rhy hain , chalen na Sath lunch kartay hain.

HM: ap chalen hum hath dho k aatay hain. Phir humain namaz bhi ada karni hai.

KS: ap aa jaen hum intezar Kar rhy hain.

After lunch she offers her prayers.

HM: ya Allah ap nay aaj phir us shaks ko humaray samnay la khara kiyà hai jisay hum bhoolna chahtay thy kitni duain mangi thi ap say k jis shaks k liay ap nay humaray dil mei be inteha mohabat daali hai humaray dil usi k liey nafrat paida kar dyn itni nafrat k hum chah k bhi unhain yad na kar paen magar unhain bhoolna toh dour phir say woh shaks humaray samnay aa gaya hai, ap jantay hain hum nay aaj tak kuch ghalat nahi kiyà hai na hi hum kuch ghalat Karna chahtay hain par hum kiyà karen us k samnay hum kamzoor par jatay hain, please ya Allah kuch aaisa Karen Jo humaray betay or humaray haq mei behtar ho.

**************

PS: maddam sir jab say naye DSP sir yahan say ho k gay hain ap buhat pareshan lag rhi hain.

HM: nahi pushpa ji aaisi koi baat nahi hai hum theek hai, hum soch rhy hain k hum kaisay adjust Karen gay un k sath kaafi rude hain woh.

KS: ha maddam sir bhaiya shru say hi aaisay hai, boarding school mei unka Sara bachpan guzra hai maa Kay pyar k liay hamesha say tarastay aaen hain woh, itnay salon mei shaid hi mushkil say Chand mahinay hi hum Sath rahen hain, schooling k bad bhaiya nay jab college mei admission liya toh hostel shift ho gay wahen apni taleem mukamal ki phir Police training k samay quarter ya mess mei life guzari, posting bhi ghar say dour karwai, par sach toh yeh hai k maa or papa baqi dono bhai behan say zayda bhaiya say pyar kartay thy, bhaiya ki taleem k liey hi unhain boarding school bheeja tha kyun k hum jahan rehtay thy wahan ka educational systems itna acha nahi tha, par bhaiya hamesha yahi sochtay rhy k koi un say pyar nahi karta hai jabhi unhain khud say dour kar diya hai, us k bad bhaiya kabhi kabhi ghar aatay hain.

HM: Karishma Singh kiya a waqai apki Ammi ko unka zara bhi khayal nahi aaya k itnay saal kaisay guzaray hun gay unhon nay apnay parivar k bina, shaid in k is behavior k kahen na kahen doshi ap k parents bhi hain.

KS: maddam sir aaisa nahi hai.

HM( to herself): Anubhav ko waqai aaj tak koi samjh nahi paya hai kyun k aaj tak kisi nay us kay nazareay say soch k deekha hi nahi. Or ek hum hai Jo uska dard bantna chahtay thy par us nay humain bhi us Qabil hi nahi samjha k hum uska dard bant saken.

SS: maddam sir

HM: ji Santosh Sharma.

SS: ap kahan kho jati hain bar bar.

HM: kahen nahi hum bus kuch soch rhy thy.

CC: maddam sir ek baat kahen hum sab k liey buhat mushkil hoga in k Sath Kam karnay mei baat baat par gussa kartay hain

HM: aaisa nahi hai Anubhav aaisa nahi hai hum jantay hain usay achi tarha say.

KS:: maddam sir kiyà ap pehlay say bhaiya ko janti hain kiyà?

HM: nahi hum unhain nahi jantay hain hum kaisay janain gay unhain.

KS: par abhi apki baton say laga k ap bhaiya ko buhat achay say janti hain.

HM: nahi aaisa kuch nahi hai.

≠=================

Haseena is sitting on her bed and his son sleeps beside her.
She lost in her own thoughts and dreams.

AS: aaj phir hum late ho gay tum nay humain uthaya kyun nahi tha. Pata hai mam say kitni Sunni pari humain unhon nay jab hum par penalty lagi tum kyun hans rhi thi.

HM: toh tum nay alarm kyun nahi set kiyà tha, hum hamesha tumharay Sath thori rahen gay tumhain subha subha jaganay k liey.

AS: hum nay alarm set kiyà tha par hum band kar k dobara so gay

HM: hum nay Kaha tha tum say alarm band kar k dobara so jao.

AS: kyun k humain laga k call Kar k tum humain jaga do gi, par aaj tum nay call hi nahi ki.

HM: tum hum par dependent kab tak raho gay Anubhav khud k liey khud bhi kuch kar liya karo.

AS: tum jab tak ho humaray Sath humain kiya fikar? Bad ki bad mei dekhain gay.
He is still yawning. And she is busy in doing her assignment on her laptop

HM: Anubhav dyar raat tak kyun jagtay ho tum , Kal raat bhi dyar say soey thy na tum.

AS: ha par tumhain kaisay pata.

HM: shaid tum bhool rhy ho hum tumhari aankhain parhna jantay hain tumhaari aankhain saaf bata rhi hain k woh Kai ratoon say theek say nahi soe hain , wahan table par chai rakhi hai pi lo, I know very well tumhain mess ki chai pasand nahi hai.

AS: thank you so much for the tea, humain laga k shaid tum nay humaray liey chai bhi nahi banai hogi

HM: Anubhav ...

AS: humm..

HM: aaj bhi buhat zayda pyar kartay ho na us say , jantay hain hum din bhar toh yahan guzar daytay ho par raat ko spray say bhool nahi patay hai na.

AS: nahi aaisi baat nahi hai haseena , hum us k baray mei nahi sochtay hain ab.

HM: Kaha na hum say jhoot tum nahi bol saktay ho.

AS: ha hum usay kabhi bhool nahi saktay or please humain usay bhoolnay ka kehna bhi nahi.

HM: nahi kahen gay, bhala koi apni mohabat bhulata hai kiyà?

" Kiyà hua usay hum say pyar nahi hai,
Hum kaafi hain umar bhar usay chahnay k liey"

AS: wah ek baat pochain.

HM: ha pocho.

AS: kiyà tum nay kisi say pyar kiya hai.

HM: nahi yeh kaisa sawal hai Anubhav.

AS: par tumhari baton say nahi lagta.

HM: choro in baton ko chai pio.

AS: waisay humara bhi assignment bana dayna.

HM: hum kyun complete Karen khud karo.

AS: haseena mam nay hand written mangi hai or humari hand writing toh tumhain pata hai.

HM: acha theek hai hum bana dyn gay.

AS: thank you.

**********************

In head quarter

IG: are you sure Ms mallik ap apna transfer karwana chahti hain?

HM: yes sir.

IG: please ek bar aur ap apnay decision par ghor kar lyn.

HM: sir yeh humara final decision hai.or hum nay buhat soch samjh k yeh faisala liya hai.

IG: dekhain MS mallik jab tak ap transfer k liey valley d reason department mei submit nahi karwati tab tak hum apka transfer approve nahi Kar saktay sorry.

HM: par sir dekhain humara jald say jald transfer layna buhat zaroori hai.

IG: par MS mallik hum apko rok nahi rhy bus valid reason mang rhy hain.

HM: theek hai sir hum apni application valid reason k Sath submit karwa dyn gay thank you jai hind.

IG: jai hind.

Anubhav sees her when she exits from IG's cabin.

AS: haseena yahan kyun aai thi. Kahen waisa toh nahi hai Jo hum soch rhy hain.

***************
Next day.

HM: ap sab humaray cabin mei aaen humain ap sab say zaroori baat karni hai.

She walks towards her cabin.

PS: aaisi Kaun si baat hai Jo maddam sir nay hum say karni hai.

SS: ha pushpa ji mujhe toh buhat dar lag rha hai.

CC: waisay bhi Kal say jab say DSP sir aaey hain maddam sir buhat pareshan hai tab say.

KS: humain bhi yahi lag rha hai k Ms kuch chupa rhi hain hum sab say.

PS: Kal jab DSP sir aaey thy woh inhain deekh k kaisay ghabra gae thi.

SS: ha na pushpa ji, mei nay bhi yeh note kiyà tha.

HM: ap log yahan kharay kharay batein Kar rhy hain hum wahan ap sab ka intezar Kar rhy hain. Aaen sab jaldi

PS: ji Chalo sab andar jaldi.

****************

KS: par maddam sir ap transfer kyun layna chahti hain hum sab ko is mahila police thanee ko apki zaroorat hai, hum apko kahen janay nahi dyn gay.

PS: ha maddam sir ap humain chor k kahen aur nahi jaen gi

SS: ha MS mujhe toh abhi ap say buhat kuch seekhna hai.

CC: maddam sir agar ap Chali jaen gi toh thanee ki ronaq Chali jaey gi hum apko nahi janay dyn gay.

Billu enters:

Billu: aray cheetay Kaun ja rha hai.

Cc: deekh na billay Ms transfer layna chahti hain.

Billu: Ms transfer kyun MS hum say aaisi kiyà ghalti ho gae hai Jo ap humain chor k janay ki batein Kar rhi hain.

HM: shant ho jaen ap sab humain pata hai ap sab ko humari fikar hai magar humara transfer layna zaroori hai, wahan humari Ammi akeli hain or bhai bhi abroad shift ho gay hain toh bus hum isliay transfer laynay ka soch rhy hain, waisay bhi hum or arman yahan akelay hi toh rehtay hain or Ammi wahan akelay toh acha hai sab Sath mei rahen gay ab.

PS: maddam sir toh ap apni Ammi ko yahan kyun nahi bula layti wahan janay ki kiyà zaroorat hai apko.

SS: pushpa ji Sahi keh rhi hain Maddam sir.

HM: par Ammi lucknow aana nahi chahti isliay hum wahan ja rhy hain waisay bhi hum kab tak akelay rahen gay yahan.

PS: kiyà sach mei ap humain chor k jana chahti hain.

HM: dil toh nahi hai ap sab ko chor k janay ka par majboori hai pushpa ji I hope you all understand humaray liay yeh decision layna aasan nahi tha par humain Ammi k liey yeh layna par rha hai.

PS: theek hai phir hum apko nahi rokain gay.

They leave her cabin except ks.

HM: kiyà hua KS ap humain aaisay kyun deekh rhi hain sab theek toh hai na.

KS: Ms ap bus humain itna bataein ap kab say itni maharat say jhoot bolnay lagen, Kal aakhir aaisa kiyà Kaha tha DSP sir nay ap say k ap nay torant yeh nirnay liya, hum jantay hain ap bhaiya ko pehlay say janti hain Kal humain itna toh andaza ho gaya tha par kaisay janti hain yeh ap bataein gi humain.

HM: KS aaisi koi baat nahi hai hum  pehlay say sir ko nahi jantay.

KS: theek hai maan laytay hain par humain pata hai k ap kay is decision ka kaaran Ammi nahi DSP Anubhav Singh hain or kyun hain woh hum pata laga k rahen gay.

*******************