Author's Note: 

Hindi ko alam kung tama ang iniisip o hula ninyo. Hindi ko alam kung pareho tayo ng iniisip haha.. Pero natutuwa naman ako sa mga comments and speculations ninyo ^_^ Here's the next update. Minamadali ko kasi gusto ko na ring matapos 'to. Marami kasi akong gustong isulat.. Medyo natambakan na ako.. Gusto ko nang mag-moveon sa WMA hahaha! Enjoy reading :)

~Missmaple

---------------------------------------

XYRA's POV

It's been a week since I talked with Selene and Jeanne. Hindi namin alam kung gumagawa na sila ng hakbang laban sa'min. Tahimik sila kaya hindi namin alam ang mga pinaplano nila. Gumawa na kami ng mga listahan ng mga taong sa tingin namin ay nagtataglay ng kapangyarihan. Ang  ilan sa kanila ay may hindi malinaw na personal background kaya kailangan din namin silang bantayan.

"Medyo marami ang mga estudyanteng nasa listahan. Ang mabuti pa, simulan na natin ang pagmamatyag sa kanila para mabawasan na sila. Isang tao lang naman ang hinahanap natin," sabi ni Frances.

Naghati-hati na kami. We worked in pairs. Tigli-lima kami ng babantayan. Magkatulong sina Clauss at Claudette dahil nag-aalala siya sa kapatid niya. Kasama ko si Akira samantalang sina Frances at Xavier naman ang magkasama. Kasama ni Bryan si Troy. Magkatulong naman sina Cyril at Xander. Kailangan na naming magsimula. Baka maunahan pa kami nina Jeanne kung hindi kami gagalaw.

"Be careful everyone. Kapag nalaman na ninyo kung sino ang hinahanap natin, sabihin ninyo agad para makapagplano tayo," sabi ni Bryan.

Tumango kami. Isa-isa na kaming lumabas sa opisina niya. Naglalakad na kami sa hallway nang biglang hawakan ni Clauss ang kamay ko. Nagtatakang napalingon ako sa kanya. Napatigil tuloy kaming dalawa sa hallway. Nauna na sa paglalakad ang mga kasama namin.

"Be careful," nag-aalangang sabi niya.

"I will. Don't worry. Kasama ko naman si Akira," nakangiting wika ko sa kanya. Napasimangot siya.

"'Yon na nga! Bakit ba hindi na lang si Xavier ang pinili mong makasama? Bakit si Akira pa?" inis na tanong niya sa'kin.

"Kanino mo ba ako pinag-iingat? Sa kalaban o kay Akira?" nagtatakang tanong ko sa kanya.

"Both," nakasimangot na sagot niya. Napaawang ang labi ko.

"What? Bakit naman ako mag-iingat kay Akira? Kakampi naman natin siya," hindi makapaniwalang wika ko sa kanya. Gusto kong matawa dahil pakiramdam ko nagseselos siya. Hindi ko mapigilan ang pagngiti.

"Why are you smiling?" kunot-noong tanong niya sa'kin. Salubong na ang kilay niya at halatang naiinis na talaga. Napatawa na ako dahil sa itsura niya.

"Clauss, nagseselos ka ba?" nang-aasar na tanong ko sa kanya.

"No way," sagot niya pero nag-iwas siya ng tingin. Lalong lumakas ang tawa ko dahil halatang nagseselos nga siya.

"Clauss, hindi ako magkakagusto kay Akira, 'no! Saka mahal niya si Selene," natatawang sabi ko sa kanya.

"Hindi ka pwedeng magsalita ng tapos. Malay mo magkagusto ka sa kanya. Tumigil ka nga sa katatawa," inis na wika niya nang tingnan ako.

"Imposible 'yon!" natatawa pa ring sabi ko. Halatang inis na inis na si Clauss dahil sa tawa ko. He sighed. He hold my face with his two hands. Nagulat ako nang bigla niya akong halikan para patahimikin. Nanlaki ang mga mata ko dahil tiyak na maraming nakakita sa'kin.

"Tatahimik ka na ba?" nakangising tanong niya. Napatango ako nang wala sa pag-iisip. "Don't dare to fall in love with him. Got it?" nakasimangot niyang sabi sabay pisil sa pisngi ko. "Tara na," wika niya sabay akbay sa'kin. Ang cute niya. Pero ramdam ko rin ang mabilis na tibok ng puso ko dahil sa ginawa niya.

Sumunod na kami sa mga kasamahan namin. Sisimulan na rin namin ang paghahanap sa taong kinokontrol ng King of Darkness. 

~~~

Naghihintay na si Akira sa'kin. I smiled at him and he smiled back. Una sa listahan namin si Angel. Kaklase ko siya na laging mag-isa. Mukhang wala siyang kaibigan sa classroom na nakapagtataka.

Katatapos lang ng klase namin at kailangan namin siyang sundan nang hindi niya napapansin. Nagtaka kami nang pumasok siya sa kagubatan. Nagtatago kami sa mga puno para hindi niya kami mapansin.

Nahigit ko ang hininga nang tumigil siya sa paglalakad. She looked around. Tila naramdaman niya na may sumusunod sa kanya. Nagkatinginan kami ni Akira dahil sa kabilang puno siya nagtatago. We're both holding our breath.

Makalipas ang ilang minuto naglakad na siyang muli. Hindi namin matukoy kung saan siya pupunta pero paakyat siya sa kabundukan. Malapit nang sumapit ang gabi. Dumidilim na ang paligid. Naghahanda rin kami dahil baka makasalubong pa namin sina Jeanne at Selene. Sana wala sila rito. Pareho naming pinakikiramdaman ni Akira ang paligid. 

Tumigil sa isang patag na lugar si Angel. Wala naman kaming nakikitang kakaiba sa lugar kung saan siya tumigil. Wala kaming nakikitang ibang tao. Ramdam ko ang malamig na hangin na dumampi sa balat ko. Maliwanag ang buwan at tahimik na tahimik ang gabi.

Napakunot-noo ako nang mapansin ang itim na usok na biglang bumalot sa'min ni Akira. Unti-unting bumibigat ang talukap ng mga mata ko. Hindi ko matukoy kung kay Angel nanggagaling ang kapangyarihan pero unti-unti na akong inaantok. Narinig ko na lang na bumagsak na si Akira sa lupa. 

Shit! I can't fight my drowsiness anymore. Naramdaman ko na lang na bumagsak na ang katawan ko at unti-unting napapikit.

CLAUSS' POV

"Kuya Clauss, sino ang uunahin natin?" makulit na tanong ni Claudette. I sighed. Nagsisimula na sina Xyra at Akira sa paghahanap. Masama ang kutob ko ngayong gabi. Pakiramdam ko may masamang mangyayari sa mga lakad namin. Nakatitig lang ako sa listahang hawak ko.

"Let me see the list," wika ni Claudette sabay kuha sa'kin ng listahan. Hinayaan ko na lang siya sa ginagawa. "Look who we got here. A nerd, a playboy, an orphan, a painter and a fashion freak," wika ni Claudette. "So, sino na ang gusto mong unahin?"

"Pumili ka na lang. Huwag mo na akong tanungin," masungit na sagot ko sa kanya. Umismid si Claudette sa sagot.

"Ok. Let's try the fashion freak," inis na sagot ni Claudette.

Napakunot-noo ako sa sinabi niya. Bakit sa lahat ng pagpipilian, isang fashion freak pa ang napili niya? Mukhang wala naman kaming makukuhang impormasyon sa isang fashion freak. I sighed.

"Pick another," I said.

"What? 'Di ba sabi mo ako ang pumili? Ayan, nakapili na ako, bahala ka!" inis na wika niya sa'kin. Napalingon si Claudette sa babaeng maingay na pumasok sa canteen. She saw the fashion freak together with her friends. What's her name again? I think it's Melody? Maraming kasama si Melody. Napalingon siya sa direksiyon namin ni Claudette and she even winked at me. Gusto kong mapailing sa ginawa niya.

"Mukhang type ka niya, Kuya," Claudette giggled.

"Shut up!" mahina kong saway sa kanya.

Claudette frowned. "Wala ka nang magagawa. She's our target, now. Magpakabait ka muna," she said. "She really got a taste for fashion," Claudette commented as she kept her eyes on Melody. Ininom ni Claudette ang milk shake niya habang pasimpleng tumitingin sa target namin. Kumakain sina Melody at ang mga kasama niya.

"Gusto mo, Kuya?" alok pa niya sa'kin. Napailing ako. Ang kulit talaga.

"Sungit! Porque magkasama sina Ate Xyra at Kuya Akira, nagkakaganyan na. Sana hinayaan na lang ako kay Xavier," pabulong na sabi ni Claudette pero narinig ko naman. Pinitik ko ang noo niya kaya napangiwi siya. Inis na tumingin siya sa'kin.

"Huwag ka na ngang magreklamo," sabi ko. Ano na kaya ang nangyayari kina Akira at Xyra? Kinakabahan ako pero hindi ko alam kung bakit.

Ilang minuto pa kaming naghintay sa canteen bago natapos kumain sina Melody. Nang umalis na sila sa canteen, saka kami sumunod ni Claudette. Mukhang excited na excited si Claudette sa ginagawa. She's playing like a detective. A detective brat.

Humiwalay si Melody sa mga kasama niya dahil may pupuntahan pa raw ito. Lumabas si Melodee sa academy. Naglakad siya patungo sa malawak na track field ng academy. Hindi muna namin siya sinundan dahil mahahalata kami. Pinagmamasdan lang namin siya sa 'di kalayuan.

Pumasok siya sa isang building. A building for music, dance and arts. Sumunod na kami nang makapasok siya sa building. Nang makapasok na kami, wala kaming napansin na tao roon. Tiyak na nasa kanya-kanyang dorm na ang mga estudyante.

Hindi namin alam kung nasaan si Melody. Tahimik kaming naglakad ni Claudette sa pasilyo. May napansin akong isang dance studio na bahagyang nakabukas ang pinto. Bukas ang ilaw nito. May nagpapractice pa ba ng ganitong oras? Malapit nang mag-alas-otso ng gabi.

"Stay here," sabi ko kay Claudette. "I'll check if she's there," dagdag ko.

"What? Sasama ako!" mahinang tutol ni Claudette. Ang kulit talaga niya. Wala na akong nagawa kundi ang hayaan na lang siya.

"Bahala ka na nga," nakasimangot na sabi ko. Masayang kumapit siya sa braso ko. Nakalapit na kami sa pinto ng studio. Dahan-dahan kong hinawakan ang door knob para hindi makagawa ng ingay.

Napangiwi ako nang biglang maramdaman ang paninikip ng dibdib ko nang mahawakan ko na ang door knob. There was a strong force surrounding us. Isang itim na usok. Napadaing si Claudette dahil nahihirapan na siyang huminga. Hindi ko alam ang gagawin ko dahil pareho lang kami ng nararamdaman. Kinabahan ako para sa mangyayari kay Claudette. Mali siguro na isinama ko pa siya.

"Kuya... h-hindi ako makahinga," nanghihinang sabi ni Claudette. Pinagpapawisan na siya maging ako man. I hold unto her. I can't let her die but what should I do? Unti-unti na siyang nawawalan ng malay. The next thing I knew, napapalibutan na kami ng itim na usok. It's suffocating us. Ramdam ko rin na gusto nang bumigay ng katawan ko. Napaupo ako sa sahig habang hawak si Claudette. Napansin ko na wala na siyang malay. No! She must not die! Damn!

Napahawak ako sa dibdib ko dahil sa lalong paninikip nito. Wala na akong nasasagap na hangin. Hindi ko na yata kakayanin. I was about to release my fire hoping that it might help us but I already lost consciousness.

 -------------------------

TO BE CONTINUED...