Cairo's POV

"Malapit na ba matapos ang Suhail?" tanong ko sa mga kaklase ko na kagagaling lang sa labas na nag-uusisa sa nangyayari sa Speech lab. Practical exams na namin ngayon at medyo kinakabahan ako.

Inayos ko ang kuwelyo ng polo ko at pinagpagan ang pants ko. Hawak ko ang salamin at tinitingnan ang hitsura ko nang may biglang kumuha nito.

"Make-up nanaman ba 'yan?" tanong ni Lux, mukhang masama na agad ang mood nito.

Napasimangot ako, "Hindi ah! Tintingnan ko lang ang hitsura ko." Inagaw ko ang salamin mula sa kamay niya at ipinagpatuloy ang pag-aayos ng mukha ko.

Naagaw ang aming attensyon nang biglang pumasok si Lora sa loob ng aming classroon. 

"Malapit na po matapos ang Suhail, ready na po ang Alioth!" Napabuntong hininga ako nang sabihin iyon ni Lora sa pintuan ng classroom namin at umalis na.

Ibinaba ko na ang salamin na aking hawak at lumabas na ako ng classroom nang biglang may humawak sa pulso ko at pinag-isa ang aming mga kamay, gulat akong napatingin kay Lux.

Nang napabaling ng tingin sa akin si Lux ay pinagtaasan niya ako ng kilay.
"What? Don't act as if bago 'to." Turan nito at naramdaman ko ang pag-init ng aking pisnge. Hanggang ngayon ay hindi ako sanay sa mga galawan na ganito ni Lux. I'm not used on his sweet side. 

Naglakad kami patungo sa Speech lab, sobrang lapit pati sa classroom namin. Nag intay kam sa labas, dahil Velasco ang apelyido ko ay natagalan ako bago matawag at pumasok sa loob.

 Pumasok ako sa Speech lab, bumungad sa akin si Evan, nginitian niya ako at ngumiti ako pabalik. Then sinalubong ako ni Joyce na hawak ang bunutan.

Nag sasalita ang huling estudyante na taga Suhail, pumunta na ako sa harap ng prof at binasa ko ang nabunot ko. Napahinga ako at saka nagisip bago napatingin ulit kay Lora na sinusubaybayan ang timer. I started my answer with confidence, iyon ang sabi sa amin ng prof. Hindi na ako gaano kinabahan habang nagsasalita dahil sabay na gumagana ang utak ko sa kakaisip at bibig ko sa kakasalita.

Seconds later ay tumunog ang malakas na timer ni Lora..

Nag bow ako nang matapos ang aking pasagot saka lumabas ng Speech lab, nakita ko doon na mga naka pila na ang mga kaklase kong lalaki, nadaan ko si Lux na kanina pa tapos pero nakikipagkwentuhan pa sa mga kaklase namin na hindi pa sumasalang. Paalis na ako nang hawakan ako nito sa pulso bigla.

"Kumusta? Mahirap ba? Nakakamatay ba 'yong tanong?" Pagbibiro nito, 

"Ayos lang, basic siya honestly." sagot ko at pumalakpak ito bigla, "Gara naman, galing talaga!" ani nito at napahagikhik. 

He pat my shoulder, "Sige na mag bihis kana, ang pogi mo sa polo and coat pero hindi ko gusto ang titig sayo noong isang babae." Pinanliitan pa niya ako ng mata na para bang nag bibigay siya ng warning.

Hinampas ko ito sa balikat, bago pa 'man ako makapagsalita ay muling bumuka ang bibig nito, "Basta! Mag bihis kana ng uniform... lock mo pinto ng banyo." Utos niya at napakunot ang noo ko.

"Paano kung may-

"Ah basta! Kahit na! Mag lock ka! Cairo ha!" Pagbabanta niya kaya napatango nalang ako. Napapatawa ako habang naglalakad sa kaniya palayo.

Bumalik ako ng classroom para kunin ang damit ko nang mag tinginan kami ni Athena, she looked at me with lifeless eyes. Nauna akong mag-alis ng tingin saka nagtungo sa banyo. Gaya ng sabi ni Lux ay ini-lock ko ang pinto.

Nagsimula ako mag tanggal ng butones. Nang matapos ako ay sinuot ko na ang damit ko which is polo as well so I have to button it up again.

Nang matapos ako at kailangan nang alisin ang pantalon ay sinigurado kong walang naghihintay sa labas. Saka ko tinanggal nang mabilis ang aking suot na pantalon at sinuot naman ang kanina kong suot.

Tapos na akong mag bihis at tinitiklop ko nalang ang damit ko ng may biglang kumatok kasunod ng pag tatangkang buksan ang pinto.

Nataranta ako at bilisan na tiniklop ang damit habang simisigaw ng 'sandali'. Pero patuloy ang pagkatok. Naglakad ako sa may pinto at binuksan ito saka nag sabi ng' sorry' pero nakarinig lang ako ng hagikhik.

"Grabe ka Lux! Akala ko naman kung sino!" Nakanguso kong turan at siya naman ito na napahagikhik muli.

"Oh diba! At least sinunod mo sinabi ko, good boy." Ginulo niya ang buhok ko na parang aso pero tinabig ko iyon, napansin ko siyang tumingin sa paligid bago nag nakaw ng isang halik sa pisngi.

Nanlaki ang mata ko, "Lukas, ano ba?!" sigaw ko pero nginitian niya lang ako. Napatakip ako ng pisnge ko na hinalikan niya pero agad naramdaman ang pag-init ng mga ito. 

He smiled at me, his eyes almost disappearing,"Sige na Cai, labas kana d'yan. Mag bibihis na ako." Tinabig niya ako palabas at dali-daling pumasok at isinara ang pinto.

Aba naman!

Grey's POV
Natapos ang aming practical sa Speech, since last subject namin iyon sa hapon ay uwian na pagkatapos. Nakapagpalit na ako ng damit at akmang nasa tapat ng classroom ng Suhail nang bigla akong tinawag ni Code.

"Uyy, Grey... tara kain tayo kay mang Willy mamaya." Pag-aakit niya, napatigil ako sa paglalakad at naglaan ng ilang segundo para magdesisyon.

Pero kalaunan ay tumango ako, "Sige mamaya kunin ko lang gamit ko." Paalam ko at tumango siya bago pumasok ulit ng classroom nila.

Pumunta ako sa classroom namin at inayos ang damit at gamit ko saka bumalik ng Suhail. Pag dating ko ay suot na ni Grey ang bag niya sa likod at hawak nalang ang cellphone niya.

Tumama ang kapilyuhan sa akin at biglang hinaklit ang cellphone niya bago ito itinakbo pababa ng ramp.

"Grey, bigay mo sa akin yan!" May pag babanta sa boses niya... pero umiling ako bago patuloy na itinatakbo  ang cellphone niya, humabol siya at naghabulan na kami pero di kalaunan ay napagod ako at sumuko. Kinuha niya ang cellphone niya saka tiningnan iyon.

Nagsimula akong umubo sa sobrang pagod. Noong una ay simpleng ubo na iyon pero maya-maya ay halos mailuwa ko na ang atay ko.

"Uy, Grey! Ayos ka lang ba?!" Nag-aalala niyang tanong, binulsa niya ang cellphone niya at nag simulang himasin ang likod ko. Napansin ko na kinuha niya mula sa kaniyang bag ang kaniyang tubigan bago ito inilahad sa aking harapan. 

"Grey, uminom ka muna..." Ini-abot niya sa akin ang tubigan niya na siya namang agad kong kinuha.

Hindi ko inaakala na mauubos ko ito, "Ok kalang? Uuwi kana ba? Umuwi kana kaya." Nag-aalala niyang tanong.

Pero umiling ako at nag-ayos ng tayo, "Hindi, tara na! Baka ang dami nang bumibili." Akit ko at tumango siya at lumabas na kami ng main building.

Buti nalang pagdating namin doon ay hindi ito gaanong puno.

"Isang nga po ng chicken sandwich." Order ko at kinuha ang wallet ko pero pinigilan ako ni Code.

"Wag na! Libre kita." Napakunot ang noo ko... si Code? Ililibre ako?

"Okay ka lang ba? May sakit ka ba? Sure kang manlilibre ka?" Pang-iinis kong tanong pero tiningnan niya lang ako saka umorder. Narinig kong napatawa ang asawa ni mang Willy.

"Oh mga hijo..." Inabot ni mang Willy ang order namin, binayaran na rin ito ni Code. Bumalik kami ng school para sa garden kainin ang binili namin, naupo kami sa grass at nagsimulang kumain at nag kwentuhan.

"I will never get tired of mang Willy's chicken sandwich." ani ko sabay kagat  sa sandwich ko, nakita ko si Code na nakatingin sa akin. My brows furrowed.

"Gusto mo?" Alok ko pero umiling siya, kaya sa huling kagat ay inubos ko na ang sandwich ko. Inilagay ko sa bulsa ng bag ko ang basura at saka nanahimik. Ganun naman talaga eh, mananahimik ka nalang kapag wala kanang pagkain.

Laking gulat ko ng mula sa kawalan ay itinulak ako ni Code para ako'y mapahiga at bigla siyang pumaibabaw sa akin. Kinabahan ako, dahil baka may maka kita sa amin at dahil sa kung anong iniisip ni Code... nagkatitigan lang kami, lumakas ang kalabog ng dibdib ko habang nakatingin nang diretso ang mga mata niya sa akin. 

Hindi ko siya magawang itulak, bakit hindi ko siya magawang maitulak!?

Huminga ito ng malalim, "You're making me crazy, Chua." Iyon lang ang huli niyang sinabi bago umalis sa ibabaw ko at tumakbo paalis. Napa-upo ako, napakunot ang noo ko at sinapo ko ang dibdib ko. Ang lakas ng tibok ng puso, ano ba 'to?! Nababaliw na ba siya?!