Kini nga panid sa ako'ng compilation kay mahitungod sa usa ka balak (visayan poem) nga ako'ng ipadangat sa ako'ng giapilan nga kapunungan.

❌❌❌❌❌

DAGAN DONG!

Karon nga gabin-una, ako galatagaw.
Ining lugara nga wala koy hanaw.
Samtang gahinay-hinay ko ug baklay.
Ako nakabati nga na'y nilabay.

Nilingi ko sa ako'ng isi'g kiliran.
Pero wala koy nakita nga biskan unsa man.
Abi ko'g dala rato sa kahanginan.
Busa ako mipadayon ug baklay nalang.

Ug sa dihang ako kalit nakurat.
Kay na'y usa ka tawo akong nasiplat.
Mga tulo ka metros kalay-on sako.
Ako'ng gitutukan kay basin higala ra nako.

Pero kalit may nisiga sa iyang kamot dapit.
Pagsusi nako kay hinagiban nga hait.
Nayati na! Gikulbaan ko pa'g ayo.
Gi-aksyon nako'g atras aron mulayo.

Buto-buto na ako'ng dughan intawon.
Dagko na kaayo ako singot dayon.
Busa wala nako nag duha-duha ug dagan.
Paglingi nako galakgon nako niya man.

Dagko na kaayo ako mga tikang.
Mura'g najud ko'g bakang nabuy-an.
Ug sa dihang nasangit ko sa bato.
Malasa jud! Ako namumo.

Nakapiyong ko, unya nakurat pagmata.
Nausab ang palibot, naunsa na?
Kalit may nihapak sa ako bukton.
Busa ako gilingi aron siya tan-awon.

"Giatay! Banga man kaayo ka bay"
"Inom-inom pero tumba man diay"
Karon kahimamat nako.
Nagdamgo ra diay ko.

Buanga! Muoli najud ko.
Basin matinuod pato.

❌❌❌❌❌

Libre kantyaw mga higala. Haha! 😂😂😂
Mao nani ako entry para sa Silaub. Matsalam!

Lex_bolt albiongiappone tropang_bisaya margarinepuppy GEMderless Lureylie_new memai_blanca Loveignn Sandrille SsejnelReyb CcheckMmate