Yash: mai bass itna bol raha hu ki hum koi aur ladki dhoondh lenge.. don't worry.. par please Khushi wo ladki nahi ho sakti yaar.. samajh baat ko.. wo kisi aur ko pasand karti hai..

Janvi: Whatt?? Ye nahi ho sakta.. aise kaise wo kisi aur ko pasand kar sakti hai? Aur aisa tha to tune mujhe pehle kyu nahi bataya? Have you lost it? Aur wo.. wo pasand kise karti hai?

Yash: (in mind: ab ise kaise batau jise ye propose karna chahti hai uski shaadi isi ke best friend ke saath ho chuki hai.. ughh)
Dekh wo sab mai tujhe nahi bata sakta.. par please bhool ja ye sab kuch.. kyu apne aap ko hurt karna chahti hai?

Janvi: Dude.. problem kya hai teri? Aur mai kyu apne aap ko hurt karne lagi? Aur ab jyada bhav mat kha.. please bata na kaun ha wo?

Yash: Actually.. wo ladka hai...

Janvi: I can guess that.. kaun???

Yash: yaar kaha na nahi bata sakta.. samajh na.. Aur tu please bilkul tension mat le.. hum tere liye koi acchi si ladki dhoondh lenge yaar..

Janvi: mere liye ladki dhoondh lenge? (Smiles creepily) aur.. wo kyu bhala?

Yash: Janvi.. mujhe pata chal gaya hai tu lesbian hai.. and that's fine.. ok? Isme kuch galat nahi hai bas problem ye hai ki Khushi straight hai.. wo ek ladke ko pasand karti hai.. tu use propose nahi kar sakti yaar.. lekin tu chill kar ok? Hum tere liye acchi si ladki dhoondh hi lenge..

Janvi: (in mind: oh my god.. no ways.. ise lagta hai mai... dudee.. this is a chance to play!)
Well well well.. Bandar I am extremely flattered to know ki tu mere saath hai aur mujhe ladki dhoondhne mein hell karega oar filhaal mai apni baat nahi kar rahi thi..

Yash: matlab? Thik se bol na..

Janvi: Idiot.. mai apne bestfriend ki crush par kaise crush kar sakti hu? I don't have any crush on Khushi aur na mai use propose karna chahti hu..

Yash: sachmee? Matlab tujhe Khushi mein koi interest nahi hai? Matlab tu use propose nahi karne wali?

Janvi: Nooo!!

Yash: Thank god.. that also means to Lesbian nahi hai.. mai bhi na kya kya soch liye..

Janvi: maine aisa kab kaha?

Yash: matlab?

Janvi: maine kab kaha mai lesbian nahi hu?

Yash: kaha nahi par.. wait a minute.. tu sachme...

Janvi: haa.. par please kisi ko batana nahi hn.. Shiv aur Karan ko bhi nahi pata..

Yash: Whattt? Par kyu?

Janvi: unhone ne labhi pucha hi nahi aur maine bhi kabhi bataya nahi.. anyways.. point abhi mera nahi Khushi ka hai..

Yash: par tu unhe bata kyu nahi deti?

Janvi: nahi batana yaar.. bass mujhe nahi pata wo kaise react karenge aur I don't know.. bass nahi batana mujhe.. wo sab chhod.. concentrate in Khushi naa..

Yash: (in mind: Oh damnn.. aur mai ab tak sochta raha Janvi uske jaisi hai.. ab ye janane ke baad to.. Oh godd!) Fine.. Khushi.. ha Khushi pe concentrate.. us propose kaun karne wala hai matlab? (All confused)

Janvi: Bandar tujhe ho kya gaya hai? Shiv of course..  Shiv ko Khushi ko propose karna hai isliye he wants to know use kya pasand hai kya napasand hai.. Abhi tu batayega please?

Yash: (in mind: Sorry Janvi.. filhaal I am not in right state of mind.. teri vajah se phir mujhe uski yaad aa gayi.. I can't talk anymore)
Jise propose karna hai wo khud mujhse puch sakta hai.. tujhe puchne ki koi jaroorat nahi hai..

Janvi: Dekh Yash.. Shiv ne Karan ko distract karke rakha hai taki mai tujhse baat kar saku.. please pareshan mat kar aur bata na..

Yash: (in mind: Are yaar ise samajh kyu nahi aata mujhe nahi baat karni..)
Accha bol kya janana hai tujhe uske baare mein?

Janvi: Sab kuch..

Yash: Umm.. as.. in?

Janvi: wo mujhe nahi pata yaar.. kuch bhi bata..

Yash: What? Chudail are you serious? Nahi matlab Seriously tune mujhe puchne call kiya aur tumhe yahi nahi pata ki puchna kya hai? Ab what the hell am I supposed to tell you? Mujhe kaise pata chalega Shiv ko kya janana hai? Ab mai mai tujhe uska pura bio data banake du uska?

Janvi: Hmmm... Waise idea bura to nahi hai.. ek kaam kar.. ek bio data banake bhej mujhe.. minimum 100 pages ka hona chahiye to mai data analysis karke Shiv ko explain karti.. Okay?

Yash: Chudail.. tu na doctor ke pass ja aur apna ilaaj karwa.. I am sure wo tujhe teri satki dimaagi halat par ek 100 pages ka report banake de denge.. phir uska data analysis karte baithna (laughs)

Janvi: Shut up duffer.. aur ab sidhe sidhe bata Khushi ko kya kya pasand ha warna...

Yash: warna kya?

Janvi: Warna Hell with you Bandar.. tu Shiv se hi baat kar le.. I can't take any more of your shit! Tum dono ko jo karna hai kar lena dono..

Yash: Really? Thanks!! Byee Chudail..
(She disconnects call)
Thank god.. pata nahi maine lyu soch liya tha ye uske jaisi hai.. But Chudail.. tu chinta mat kar.. just give me some time.. mai tere saath rahunga.. hum tere kiye ek perfect ladki dhoondh lenge..

Janvi: What the hell is wrong with this guy.. mai Shiv ko to chhodungi nahi.. par ek accha hua.. ab iss bandar ki acchi maza aayegi jab ye sochega mai lesbian hu.. (laughs) dekhte hai kya react karta hai..
(She goes to Karan's room and indicates Shiv that the call is done)

Shiv: Accha Karan.. mai aur Jannu chalte hai.. tujhe bhi der ho rahi hogi na?

Karan: Ohh haa.. mai bhi kya yaha baato mein lag gaya.. mujhe Kriti ke ghar jana hai.. Chalo chalo byee...

Janvi: Byee...
(Karan leaves. Meanwhile, Kriti and Yash were busy with their family and Khushi was waiting in Kriti's room)

Khushi: mujhe kuch samajh nahi aa raha.. mai kab tak aise Shiv ko avoid karti rahungi aur iss sab mein uski koi galti bhi to nahi hai na.. wo shaadi, responsibility nahi chahta.. mai use kuch nahi bata sakti par ye sach jaante hue mai uske saamne har roz kaise reh sakti hu? Kya karu kuch samajh nahi aa raha.. college.. college hi chhod deti hu.. na rahega baans nahi bajegi bansuri..

(In living room)
Kriti: Yash kaha gaya Nani?

Nani: wo gallery mein hai.. call aaya tha koi

Kriti: ohh accha aur.. Khushi.. ab Khushi kaha gayi?

Mom: tere room mein hai.. ab to tu usi ke saath rahegi na? Yaha aayi hai to thoda hame bhi yaad kar le.. (giggles)

Kriti: Kya mom aap bhi.. rukiye mai abhi Khushi ko dekh ke aati hu..
(She goes to her room)
Khushi.. kya hua tu akeli aake kyu baithi hai?

Khushi: Kuch nahi.. bass aise hi..

Kriti: hmm.. uske baare mein soch rahi hai na?

Khushi: aaj kal kisi aur baare mein sochti hu?

Kriti: bata kyu nahi deti yaar?

Khushi: Nahi jaan.. mai nahi bata sakti use kuch.. wo shaadi vagare nahi chahta.. mai ye sab batake uspe kisi tarah ka koi pressure nahi daal sakti..

Kriti: Are you sure tu use kuch bhi batana nahi chahti?

Khushi: haa jaan.. bata ke koi faida to hai nahi aur nuksan joga so alag.. lekin filhaal I think I should shift my concentration..

Yash: matlab?

Khushi: tu kaha tha?

Yash: Are wo chudail ka call aaya tha.. chhod.. tu bata.. shift concentration matlab?

Khushi: matlab mai wo ladka dhundhna chahti thi jisase meri shaadi hui hai kyuki mujhe laga use kuch pata hoga, uske paas koi clue hoga ke mom dadko uss umar mein meri shaadi kyu karwani padi thi.. primarily mera interest kabhi uss ladke ke saath ghar basana nahi tha, sach tak pohonchna tha.. clearly Shiv ko iss baare mein koi clue to hai nahi to ab mujhe naya rasta dhundhna chahiye to find out iske peeche ki vajah kya thi.. samjha?

Kriti: Hmm..

Yash: Accha Kriti.. tu bahar jaa.. sab log tujhse baatein karne ke liye pagal ho rahe hai waha.. mai hu Khushi ke saath..

Kriti: ohh.. haa okk.. Jaan mai abhi wapas aati hu ok?

Khushi: Jaa yaar.. isiliye mujhe tujhe kuch batana nahi tha.. apni rasme chhodke yaha baithi hai bewakoof.. goo..
(Kriti goes back to her family and after some time Karan comes to their home)

Kriti: Ab bolo naa jo bhi puchna haii.. kyu suspense badha rahe ho?

Nani: Beta wo actually..

Kriti: What Nani? Pichle 10 min se sabke sab wo wo pe atke hue hai..

Chachi: Ohho.. puch lo na.. Krittu, beta sab puchna chahte hai kal raat kuch hua to nahi na? I mean.. abhi.. tum log bohot chhote ho to..

Kriti: Chachii.. aap sab na impossible ho.. ye sab shaadi se pehle sochna chahiye tha na? (Chuckles) Andd.. kuch nahi hua yaar.. aur hoga bhi to mai aap logo ko to batane se rahi.. kara di na shaadi? Bhej diya na apne ghar se? Ab kyu puch rahe ho ye sab? (Laughs)

Karan: Kya puch rahe hai sab?

Kriti: (stops laughing) aa.. aa.. aap.. aap.. wo..

Karan: kya hua bolo naa..

Kriti: ku.. kuch nahi.. bass aise hi..

Karan: aise kaise? Maa aap to batayiye.. waise mai aapko maa to bula sakta hu na?

Mom: Of course betaa..

Karan: haa to batayiye na..

Mom: Are beta kuch nahi.. bass aise hi tang kheech rahe the Krittu ki

Karan: Krittu? Nice name yaar.. Kriti tumne bataya nahi gharpe tumhe Krittu bolte hai

Kriti: haa wo.. ba.. baat hi na.. nahi hui na iss baare mein..

Karan: ye bhi sahi hai.. that reminds me.. tumhe pata hai mujhe bachpan mein gharpe kya bulate the?

Kriti: k.. kya?

Karan: Gundu.. can you imagine thatt?

Kriti: kyaaa? (Laughing) Gunda? As in.. goon?

Karan: kya? Nahi nahi.. cuter version of Gunda.. Gundu..
(All laugh)

Chachi: Lekin beta Karan tum itni jaldi le jaoge Krittu ko? Hame to laga tha.. matlab din bhar rahegi Krittu..

Karan: Chachi aapki Krittu bhi din bhar yahi rahegi aur mai bhi.. aakhir sirf Kriti ko hi naya pariwar thodi na mila hai.. mujhe bhi mila hai na?

Nani: Dekha Krittu.. isilye mai chahti thi teri shaadi isise ho.. itna accha ladka baadme mil sakta tha bhala?

Kriti: Nani? Kya aap bhi..

Chachu: bhai maan to mai bhi gaya maa aapki choice ko.. pehle mai bhi nahi chahta tha Krittu ki shaadi itni jaldi ho par ab sukoon sa hai.. hamari bacchi bilkul sahi haatho mein hai..

Karan: Chachu.. sach kahu to aapki beti sahi haatho mein hai ya nahi pata nahi par meri maa bohot khush hai ki unka beta bilkul sahi haatho mein hai.. (all laugh)

Nani: bass ab Yash ke liye ek acchi si ladki laani hai aur Yash ke aur tum dono ke baccho ko god mein khilana hai.. phir mai chali bhi jau to mujhe koi gham nahi hoga..

Kriti: Nani yaar kaisi baatein karti ho aap? Kuch bhi matlab? Ek to aap kahi jaane nahi wali aur bacche kya? Ye baccho wala angle kaha se aa gaya ab.. agar aap bhool rahi ho to mai khud ab bhi bacchi hi hu.. kuch bhi mat bola karo aap..

Karan: Kriti.. relax.. Nani mazak kar rahi thi.. (chuckles)

Kriti: kya? Kaisa mazak?

Karan: aankh maari unhone mujhe ye sab bolne se pehle... Kitna hyper hoti ho? (Laughs)

Kriti: Ohh god.. nanii?

Chachi: kya maa aap bhi? (Laughs)

Karan: waise ek baat puchu?

Mom: pucho na

Karan: Nani to Kriti ki nani matlab aapki maa hai na?

Mom: haa..

Karan: to.. I mean.. sab Nani ko maa kyu bula rahe hai? Sorry if that was personal..

Dad: Are nahi nahi beta.. baat ye hai ki Hamari maa bachpan mein hi guzar gayi thi.. Preeti, Maa, Papa hamare neighbours hua karte the.. mai aur Preeti best friends the.. being in same class aur wo bhi neighbours to.. maa ke guzarne ke baad dad din bhar office mein rehte the to mai aur Yadnyesh din bhar Preeti ke ghar mein rehte the.. Maa hamara khayal rakhti thi.. jaise jaise vaqt beeta Preeti ki maa ko hum bhi maa bulane lag gaye.. kuch saal baad jab mai apne pairo pe khada ho gaya, Yadnyesh college jaane laga tab dad bhi guzar gaye.. phir do saal mein maine aur Preeti ne shaadi kar li aur Mumbai chale aaye.. college mein Yadnyesh Sharvari se mila.. inki shaadi ki baat aayi to Sharvari ka haath maangne bhi maa hi aayi thi.. to kul milake ab hum sabki maa yahi hai..

Karan: Ohh.. wow.. I mean.. I am sorry maine ye sab pucha.. (his eyes are in tears)

Yadnyesh: Are are.. ab tum mat rona.. it's ok.. bohot saal beet gaye in sab cheezo ko (All laugh)

Karan: nahi.. mai.. ro nahi raha.. bass thoda emotional.. koi nahi (chuckles with others) Accha waise mai aap sabke liye kuch gifts laaya tha.. (he pulls the suitcase towards him and opens)

Mom: Are par iski kya jaroorat thi beta?

Karan: Maa aap mujhe Beta bhi bolti ho aur maine laaye hue gifts ki jaroorat bhi puchti ho? Not fair hn.. mai apni family ke liye gifts nahi laa sakta?

Chachi: baato mein bade tez ho na tum? Koi haat pakad hi nahi sakta tumhara..

Karan: Nahi nahi Chachi.. aapki ye beti hai na... Waise to kabhi baat karti hi nahi hai aur agar galti se kabhi baat kare to kisiko baat karne layak hi nahi chhodti.. pata hai aaj bhi maine kaha tha aap sabko gifts de de hamari taraf se par nahi.. bag ko haath bhi nahi lagaya..

Dad: ye kya badtameezi hai Kriti?

Karan: nahi nahi papa.. wo bass keh rahi thi maine gifts laaye hai to mujhe khud dene bhi chahiye.. Baat to sahi hai.. aapki family ka hissa hone ke liye mujhe aap sabse direct conversation to karna chahiye na..

Nani: hai to meri naati bohot hoshiyaar..

Karan: I admit! (All laugh)
Accha Nani.. ye aapke liye..

Nani: kya hai isme?

Karan: dekhiye na..
(She opens the gift wrap)

Nani: Ganesh ji.. thank you beta..

Karan: pasand aaya na aapko?

Nani: bohoot.. (he smiles happily)

Karan: Maa aur Chachi.. ye aapke liye.. (He gives them boxes and they open)

Chachi: Bohoot Sundar Saree hai Karan.. kiski choice hai?

Karan: Meri

Mom: sachme? Ya Purvi bhabhi ne..

Karan: Meri choice hai maa..

Chachi: Krittu.. tujhe life time ab gift mein choice ki chinta karne ki to koi jaroorat nahi.. acche hi gifts milenge..  nahi to tumhare chacha.. har baar replace karwane jana padta hai..
(All laugh)

Karan: Koi baat nahi chachu.. agli baar se na mai aapke saath aaya karunga.. chachi ko meri choice pasand hai na.. aap bol dena aapki choice thi..

Chachu: ye bilkul sahi hai.. ek kaam karna Karan.. tum Krittu ke liye gift laoge na to Sharu ke liye bhi le aana.. mai wahi chipka dunga.. (winks)

(All laugh)
Karan: kya aap bhi chachu.. thike chaliye.. that's a deal.. lekin badle mein mujhe kya milega?

Dad: ab tum logo ke liye treaty bhi bana lau? 100 rs ke stamp paper pe sign kar dena apni deal..

To Be Continued...