Yash: Khushi mai na tujhe bachpan se jaanta hu.. tujhe sachme lagta hai tu jhoot bol sakti hai mujhse? Mujhe samajh raha hai Kritss ki aur Karan ki shaadi hai tu unhe nahi batana chahti par kya ma tera best friend nahi hu? Mai tera bhai nahi hu?

Khushi: Yash aisi baat nahi hai..

Yash: to kya baat hai Khushi.. just share with me!! For god's sake.. Pleasee!!

Khushi: Yash... yaar mujhe sachme samajh nahi aa raha what's happening in my life... (She breaks down, hugs him and starts crying. He hugs her back tightly)

Yash: Shhhhh... Princess.. Khushii.. bata na kya hua hai?

Khushi: (crying) Mai kyu usase itna attach ho rahi hu? Kyu attract ho rahi hu? Pani feeling par mera bass hi nahi hai Yash.. kyu ho raha hai ye sab?

Yash: kiske saath attach Khushi? Shiv? Aur agar ho bhi raha hai to kyu control kar rahi hai feelings? Kyu daba rahi hai? Set it free.. Shiv is a great person Khushi... Go for him!

Khushi: I.. I can't..

Yash: par kyu?

Khushi: kyuki koi option nahi hai mera paas.. I can't be attracted to him.. ye nahi ho sakta.. kabhi nahi..

Yash: Khushi.. ok relax.. accha se clearly bata.. tu to hamesha se tere Mr Right ka wait kar rahi thi.. ab wo mil gaya hai to problem kya hai? Aisi kaunsi baat hai jo tu Karan aur Kriti ko bhi nahi bata paa rahi? Kis cheez ka itnaa tension hai tujhe? Kya sochti rehti hai tu din bhar?

Khushi: Yashh.. I am.. I am m.. ma.. married!

Yash: What? Come on Khushi.. kya ghatiya mazak kar rahi hai abhi?

Khushi; Yash.. mai koi mazak nahi kar rahi.. (she tell him everything that happened) lekin ab mujhe kuch samajh nahi aa raha.. meri Shiv ke saath attachment badhti jaa rahi hai Yash.. nahi rok paa rahi mai apne feelings ko.. aur na mai use kuch bata sakti hu.. kya karu mujhe kuch samajh nahi aa raha yaar..

Yash: Khushi.. y.. ye.. jo shaadi hui.. kisine force kiya hai tujhe nibhane ke liye?

Khushi: Nahi yaar.. in fact kisi ko nahi pata mai iss baare mein jaan chuki hu..

Yash: ha to.. to.. jaane de naa Khushi.. bhool jaa ye sab jo tune suna.. tujhe kisine kuch bataya nahi hai aur tujhpe iss vaqt koi responsibility nahi hai.. tu.. tu na Shiv ko propose kar de.. jab tu gharpe Shiv ko as your boyfriend introduce karegi bol de ki ab pyaar ho gaya aur wo jo bhi hai uske baare mein to waise bhi according to them tu kuch nahi jaanti..

Khushi: Yashh.. kya bol raha hai tu? Have you lost it? Shaadi hui hai Yash... Koi mazak nahi hai.. aur mai jaanti hu agar mai mom dad ko bataungi to wo Dadi ke against jaake bhi mera saath denge lekin mai khud aisa nahi kar sakti Yash.. jab mai jaanti hu meri shaadi ho chuki hai.. I.. I just can't.. I need to find out wo ladka kaun hai aur aisa kya ho gaya tha saalo pehle ki jis umar mein mai bol nahi paati thi tab mom dad meri shaadi karane ke liye maan gaye.. I need to know the reason Yash..

Yash: Hmm.. lekin phir bhi Khushi.. take my advice.. apni feelings se mat bhaag.. tune hi ek baar kaha tha na mujhse? Jakhm gehre ho to kuredna nahi chahiye, dard hame hi hota hai..! Tu pyaar nahi kar sakti par ek dost ki tarah to behave kar.. use apne aap se dur karne ki koshish mat kar.. he is your friend.. to ek friend ki tarah kam se kam uske paas to reh sakti hai na?

Khushi: hmm

Yash: Accha mujhe jara photo dikhana wo.. maybe mujhe kuch yaad aa jaye to?

Khushi: Haa.. ha..
(She shows him the photo)
Aur haa.. yahi photo na maine Shiv ke ke lock screen par bhi dekhi thi.. ek group photo tha to usme bhi ye tha.. iska matlab Shiv use jaanta hai..

Yash: Wait waitt.. are you sure ye wahi ladka hai.

Khushi: haa..

Yash: are you 100%, like absolutely suree Khushi? Ye wahi ladka hai?

Khushi: of course I am Yash.. kaise sawal kar raha hai?

Yash: Kyuki idiott mai jaanta hu ise aur tu bhi.. (his phone rings and he picks up)
Haa Chudail bol..

Janvi: Bandaaaar!! Abhi ke abhi Khushi ko lekar wapas aa.. right nowww!!!

Yash: haa haa.. chilla mat.. aa rahe hai..
(Call Disconnects)
Khushi.. I wonder abhi tujhe ye baat batana thik hai ya nahi kyuki mai bhi puri tarah sure nahi hu ki ye wahi hai.. wait.. ek kaam karte hai abhi chalte hai neeche aur mai tujhe ye bataunga lekin abhi nahi.. haldi ki rasam ke baad mil mujhe akele mein..

Khushi: par abhi kyu nahi bata raha?

Yash: pata nahi.. I.. see.. ek to mai 100% sure nahi hu and I don't want to create a blunder misunderstanding.. aur agar ye wahi hai to bhi everything is just too much and I don't know tu kaise react karegi wo kaise react karega.. I am too confused.. I need time.. to make sure ye wahi hai and to sort out my head.. lekin tu pleasee rona band kar.. aur Shiv.. usase bhaagna band kar aur apne aap se bhaagna band kar.. aur abhi ke liye neeche chal..

Khushi: hmm okay.. Pakka batyega na par Haldi ke din?

Yash: promise.. tab tak I will make sure ye wahi hai..

Khushi: okay..
(They go downstairs)

Kriti: Jaan kaha chali gayi thi? Kab se raah dekh rahe the teri..

Khushi: Krits wo.. kuch nahi.. bass room mein gayi thi.. kuch kaam tha so..
(Yash plays a song and starts dancing)

(Yash goes to Khushi and dances with her and takes her to the centre. Then he goes to Kriti and pulls her to dance. He winks to Shiv and looks at Khushi and then signs Karan to dance with Kriti. They too join the stage. He then goes to Janvi and turns her around and around gracefully and then pushes her ti the dance floor. From the floor he asks Vivaan, Samu and Kittu to join and they come running to the dance floor. Then he goes to Arpita and does a crazy dance with her abd brings her on the stage too. All of them dance together)

Khushi: Woaah woahh.. kya baat hai Yash.. aaj to bade mood mein hai tu..

Yash: ab mahol hi aisa haii.. au ek gaanaa??

Janvi: Yesss!!

Kriti: Noo.. bohit ho gaya..

Arpita: oh come on Kritii.. Yashhh go for it!!

Yash: Yesss!! (He plays another dance number and they dance crazilyyy)

Janvi: Guyss.. bass ab!! No more songs.. kuch aur karte hai..

Shiv Khushi: Idea!!!

Janvi: Umm.. ok dono ek ek karke bolo then we can decide..

Khushi Shiv: Cool.. pehle mai!

Arpita: Whatt?? (Laughing) Saath mein hi bol do ab idea bhi..

Yash: Mujhe to lagta hai idea bhi same hi hoga..

Khushi Shiv: Shut up Yash!!
(They look at each other and all burst into laughter)

Karan: bolo bho abhi..

Khushi: ok mai bolungi..

Shiv: go on!

Khushi: Mehendi mein naam dhoondhna haii..

Shiv: I swearr mai bhi yahi bolne wala thaa..

Khushi: Seriously? (All laugh)

Shiv: Yess.. baaki sabbto busy hai aur abhi hum log hi hai.. come on Karan.. naam dhoondh apnaa Kriti ki Mehendi mein..

Karan: Are par abhi kaise?

All: Karaaan!! Karan!! (Cheering him)

Karan: Ohh god.. okay okay.. shut up!!

Yash: Yess.. aao sab log neeche baitho aur in dono ke liye beechme jagah chhodo..

(Karan and Kriti sit in the middle and everyone else surrounds them and sits)

Karan: Kriti.. (he forwards his hand and she hesitantly keeps her in his and he looks at the mehendi)
What the hell guys.. ye mehendi itni chhoti chhoti kyu hai? Isme naam dhoondhte dhoondhte to 2 din nikal jaayege..

(Kriti looks at him angrily)

Khushi: Bhaii.. thoda soch samajh ke baatein karna sikh jaa abhi tu.. Kriti ki choice hai ye design..

Karan: Oh.. oh wo.. wo actually.. bohot acchi hai Mehendi..

Yash: really?

Karan: haa.. ha of course.. dekh na.. kitni khoobsurat hai..
(All look at each other and burst into laugh and so does Kriti and Karan keeps looking at them and then decides to concentrate on the Mehendi)

Samu: Dear Sexy.. teri mehendi sahi mein ekdum sexy lag rahi hai hn.. very beautiful!!

Kriti: Thaank youu.. (happily)
(After about 20 mins, Expressions of Karan change and he leaves her hand)
K.. kya hua?

(He stands up)
Karan: I need to talk to you.. abhi isi vaqt!

Kriti: y.. ya.. say..

Karan: Akele mein.. (looks at everyone angtily) in my room right now!! (He walks away to his room)

Khushi: Aree.. Karan kya hua?

Kriti: Guys kya hua hoga?

Khushi: Krits wo bohot gusse mein lag raha hai.. jaldi jaa please..

Kriti: haa.. ha.. (She runs to his room and enters silently. Other put their ears to the door to know what happened)

Karan: Darwaza andar se lock karo.. aur bahar tum sab log.. just go away! Thodi si privacy mil sakti hai please?

Khushi: Karan par..

Karan: Khushi.. I said leave!! Right now..

Khushi: o.. ok.. okay.. relax!! Guys chalo let's go to my room! (She takes everyone to her room and Kriti fearfully locks the room)

Kriti: K.. Kya hua..? M.. Maine.. kuch.. kuch galat kaha? K.. kuch kiya?

Karan: Miss Kriti Singhania.. or should I say Future Mrs Kriti Karan Sharma.. I really really need to know agar tum Sameer se pyaar karti ho to kyu ye shaadi karke apni aur meri zindagi kharab karne pe tuli ho? Ya.. ya ye shaadi karne ka tumhara iraada hi nahi tha kabhi? Shaadi ke din bhaag jaana chahti ho? Tell me what's your plan?

(Meanwhile, in Khushi's room)
Khushi: Guys kya hua hoga?

Janvi: bohot gusse mein lag raha tha naa?

Shiv: kuch to hua hai..

Yash: Ohh shitt.. Samu, Kittu.. tun log please Nani ki jaake madad karo na gharpe.. unka baar baar call aa raha hai.. kuch guests ka issue ho gaya hai.. mai Krits ko lekar aata hu thodi der mein..

Samu: Ha haa okay.. but keep us informed.. call karna yaha kuch problem hua to..

Yash: ha ha sure..

Kittu: pakka call karna..!! Chali bye guys.. (Samu and Kittu leave)

Vivaan: Guyss.. mujhe bohot tension ho rahi hai.. ye Karan ke tevar kuch thik nahi the.. aur Shit.. maa ki jewellery jeweller se leke anai hai.. I will have to run guyss!! I am sorry.. jaana hoga.. (he runs away)

Arpita: Guys.. I will have to leave.. bohot late ho gaya hai.. mujhe ghar jaana hoga.. Jannu.. mujhe bhi please baadme bata dena hn kya hua.. sab thik to hai na..

Jannu: haa haa.. don't worry.. raat ko call karti hu tujhe..

Arpita: Thankss..

Yash: Oyee.. tera number to de.. itne saalo baad mili aur aise hi chali?

Arpita: haa ha.. mere paas tera number hai.. mai tujhe message karti hu.. chal bye.. (she hugs Yash, Jannu and Shiv and then leaves)

Khushi: Kuch to major problem hai di.. Karan ka reaction.. mujhe bohot darr lag raha hai..

Janvi: relax baby.. kuch nahi hoga.. tujhe pata hai na wo kitna bada Dramebaaz hai.. relax.. Ohh god.. mai to bhool hi gayi..

Khushi: Kya?

Janvi: umm.. kuch nahi.. tu chinta mat kar.. relax! Bandar.. mere saath chal.. bohot important kaam hai..
(She takes him away)

Khushi: Sab thik to hoga na waha?

Shiv: Haa Khushi.. just relax..! Koi gadbad nahi hogi..

Khushi: mujhe bohot darr lag raha hai Shiv.. Karan ko itna gusse mein maine kabhi nahi dekha..

Shiv: Okay listen.. tune khaana khaaya?

Khushi: seriously? Khaana? Aisi situation mein khaane ke baare mein kaun soch sakta hai?

Shiv: mai..! Bohot bhook lagi hai yaar.. room mein kuch chips vagare nahi hai kya?

Khushi: Namkeen hoga Study table ke drawer mein.. kha lo..

Shiv: Woww.. thank you so muchh!! You are a saviour..

Khushi: harr hoti hai matlab.. waha mera bhai gusse mein hai, meri best friend pata nahi kaunsi musibat mein hai, mera heart fail hue jaa raha hai aur tumhe kiski padi hai? Namkeen ki.. amazingg!!

Shiv: okay okay.. relax.. sorry..
(She keeps moving to and fro thinking about it and Shiv keeps looking at her going right to left and left to right for some time)
Yaar bohot ho gaya.. meri gardan dukhne lagi, tere pair nahi dukh rahe kya? Shaanti rakh na thoda..

Khushi: Youu.. you shut up!!

Shiv: Okay.. (he keeps finger on his lips) Namkeen nikalu?

Khushi: Ughh.. fine.. nikalo..
(He opens Namkeen and starts eating with her, Meanwhile, in Karan's room...)

Kriti: Whatt?? Have you bloody lost it? Samajh aa raha hai kya bol rahe ho?

Karan: bohot acche se.. mujhe to pehle hi pata tha tum Sameer se pyaar karti ho par maine Khushi par bharosa karne ki bewakoofi kar di ki wo sirf tumhara dost hai.. I am such an idiott..

Kriti: Whatt? Wo sirf mera dost hi hai.. mera bohot accha, saccha, pyaara aur kareebi.. par dost!! He has a girlfriend for god's sake.. Why the hell do you think mai usase pyaar ya.. anything.. ugh.. how can you think that low?

Karan: I am thinking low? Pyaar karna low nahi hai.. chhupana aur kisi aur se shaadi karna is very low.. agar tum usase pyaar nahi karti to haat pe S kyu likhvaya hai? Mera naam to S se shuru nahi hota.. thank god maine ye sab shaadi se pehle dekh liya.. warna 3 3 zindagiyan barbaad ho jaati.. meri, tumhari aur us.. uss Sameer ki.. kaun force kar raha hai tumhe? Kyu kar rahi ho ye?

Kriti: Okay enough.. ab samjha.. I can't blame you for this but I do deserve a chance to explain..

Karan: Explain what? Loving him?

Kriti: Noo!! No.. explain this S! Ye S ek to Sameer ka hai hi nahi.. it's.. it's Shiv..

Karan: Sh.. Shiv? T.. tum.. aur Shiv? No.. No ways.. Shiv aisa kar hi nahi sakta.. wo.. wo mera best friend hai..

Kriti: Are you crazy? Puri baat sunoge? Mere aur Shiv ka kya? Dost hai wo mera.. wo bhi kyuki wo tumhara dost hai.. nothing else!! Let me explain please.. apne hi dimaag se kuch soch lene ki aadat hai kya tum logo ko?

Karan: Fine.. say..

Kriti: Mehendi wali ladki.. usne naam pucha tha likhvane ke liye and.. I.. I am not comfortable taking your name.. nahi le paati mai aur Khushi aur Janu di jaan bujh ke nahi bata rahe the.. paas se Shiv jaa raha tha to maine use awaaz di aur mehendi wali ko laga maine naam bataya to usne S likh diya aur tabhi Khushi ka dhyaan gaya to usne roka.. Shiv ne tumhara naam liya aur baadme usne tumhara pura naam likha hai mehendi mein.. wo S mita nahi sake kyuki bohot nazuk design hai aur agar wo mitane jaate to puri mehendi kharab ho jaati isliye uss ladki ne S ko baki design ke saath merge kar diya.. aur pata nahi kaise tumhe apna itna bada naam nahi bass wo chhota sa S dikha.. amazing!!

To be continued...

Guys please do vote and comment your views!! Next chapter is ready but will be out upon the responses I get

How was the chapter?

Best part of the chapter?

Are u all having fun reading the edited version ?