Kriti: Khushi mujhe nahi khaani wo.. Aur Shiv.. msi koi nomination file karne nahi gayi thi aur tujhe khaane ka man kar raha hai na to tu hi kha..

Shiv: No waysssss.. kitni kadwi hoti hai ye dawaiya.. yuckksss!

Kriti: to mai bhi to yahi keh rahi hu naa.. lekin ye Khushi hai ki samajhti hi nahi..

Khushi: Wow..! Mil gaya ise aur ek supporter.. Shiv.. ye bolna jaroori tha kya? Ab ise kaun khilayega ye dawai?

Janvi: ok ok.. Kriti.. meri baat tumhe manani hi hogi.. abhi na sahi.. kuch order karte hai, khaate hai aur khaane ke baad tumhe dawai khaani hi hogi..

Kriti: haa thik hai di..

Shiv: ok then.. Chal Jannu.. hum sabke liye kuch order karke aate hai..

Janvi: Haa lekin wo Bandar kaha hai?

Khushi: Library..

Janvi: Bandar library bhi jaata hai? Interesting yaar..

Khushi: are nahii.. ek book lautane gaya hai..

Janvi: Book.. shit! Mujhe bhi aaj book lautani thi.. thank god yaad dilaya tune Khushi.. aaj bhool jaati to kal 10 rs fine padti bina vajah..

Khushi: Oopss.. lautake aao phir di.. aur Yash ko bhi le aao.. tab tak mai aur Shiv order karte hai aap ke liye bhi..

Janvi: greatt.. aati hu mai..
(Janvi leaves)

Shiv: chalo.. khaana lekar aate hai..

Khushi: yaa.. umm.. Karan.. please try agar ye dawai leti hai.. khaali pet lene ke liye advice ki hai doctor ne.. meri baat to maan nahi rahi shayad teri maan le..

(She handover the medicine to him and leaves with Shiv. They go to the food counter)

Shiv: 2 burgers, 3 pizza, 1 sandwich aur 6 cold drinks dijiye please...

Khushi: sabka order kar bhi diya? Waah..

Shiv: Oye oyee.. nahi nahi.. maine sirf apna order kiya hai.. tum batao kya logi?

(Khushi looks at him shocked)
Khushi: huh? Tum.. tum itna sab kuch.. akele? Seriously?

Shiv: haa of course.. kyu? Koi problem hai kya?

Khushi: Shiv.. pet fat jaayega tumhara.. itna sab tum akele kaise..

Shiv: (laughs) Khushii.. mazak kar raha tha mai.. just kidding.. relax.. itna mai akela nahi khaunga.. sabke liye order kiya hai.. waise tumhe kuch aur add karna hai?

Khushi: Hashh.. you scared me.. waise haa.. order a Red Velvet Pastry!

Shiv: Red Velvet hi kyu?

Khushi: Kriti ko dawai khilane ke liye..

Shiv: Red velvet dekh ke wo kha legi dawai?

Khushi: Shiv.. Red velvet ka lalach dekar na tum Kriti se koi bhi kaam karwa sakte ho.. she can do anything and everything for Red velvet..

Shiv: seriously?

Khushi: yaaa.. pagal hai wo.. actually na waise hi mai bhi Choco lava ke liye kuch bhi kar sakti hu.. (giggles)

Shiv: sachme pagal ho..

Khushi: so to hai..

(While at the table, Karan places the medicine on the table and slides it towards her. To ignore any further conversation she starts using her phone)

Karan: Excuse me.. I know tum bohot busy ho lekin dawai..

Kriti: m.. mai.. khaane ke b.. baad le lungi..

Karan: Ohh.. waise mujhe nahi yaad maine tumse pucha ho ki tum khaogi ya nahi.. tumhe yaad hai aisa kuch?

Kriti: ma.. matlab..?

Karan: matlab mai puch nahi raha bata raha hu.. dawai lo!

Kriti: na.. nahi.. mai le lungi.. baa.. baadme..

Karan: Baadme nahi.. Abhii Kriti!!

(Kriti makes faces looking at the medicines)

Kriti: Mai.. nahi le sak.. sakti.. sachme bohooot ka.. kadwee haii..

Karan: Kadwa hai? Accha tell me iss dawai se jyada kadwi koi cheez hai?

Kriti: Karelaa.. ughh..

Karan: matlab ye karele se kam kadwa hai na?

Kriti: haa.. n.. no.. don't tell m.. me.. ye nahi kh.. khaayi to karela kh.. khaana padega..

Karan: Of course not.. come with me..
(He holds her hand and takes her to the canteen kitchen from back door)

Kriti: y.. ye.. hum yaha kyu?

Karan: Patience.. Chhotu.. jara 3, 4 karele laana..
(Chhotu, a worker gives him Karelas)
Ab mai tab tak ye karele khaunga jab tak tum wo dawai nahi khaati

Kriti: Whatt??

Karan: And I am not kidding..
(He takes a bite of Karela)

Kriti: No.. no no.. don't..
(He takes another bite and he feels like vomiting)
Listen.. bohot kadwa hai.. don't do this.. are you ok?
(He takes another bite)
Damnn.. what's wrong with you? Finee.. just wait.. mai kha rahi hu..
(He takes another bite. She looks at him and gulps down the medicine)
Le li.. Stop.. pleasee..

(He returns all the remaining karelas and smiles looking at her face after having medicine)
Karan: Chhotu.. shakkar please.. bohot kadwa thaa..

(He makes faces, Kriti looks at him and both burst into laughter. Both eat some sugar and go back to the table yet laughing remembering each other's faces)

Kriti: y.. ye karne ki jaroorat nahi thi..

(Shiv and Khushi returns with food and Khushi is shocked to see empty packet of the medicine)

Khushi: Tune dawai khaa li??

Shiv: Shayad kisi ki baat taal nahi paayi Kriti... hai naa?

Khushi: Kriti.. main itni der se tujhe samjhane ka try kar rahi hu lekin meri to ek baat nahi maan rahi thi aur ab Karan ne kaha to dawai kha bhi li? Shiv.. yaar hamein bhi to pata chale aisi kaunsi baat ki Karan ne ke ye taal nahi paayi...

Kriti: (murmurs) ab baat kare to insaan taale na... Yaha to log seedhe blackmailing par utar jaate hai...

Khushi: kya kahaa?

Kriti: ku.. kuch nahi.. bass aise hi..

Karan: Ohh waise mere paas aur bhi kuch hai.. (he takes out three chocolates from his bag and gives it to Kriti and Khushi)
For you.. and for you..

Shiv: aur ye meri..

Karan: Chupp.. Jannu ki hai wo..

Khushi: Ye.. kis khushi mein? Ohh Kriti ko chocolate dene ka bahanaa?

Karan: Ayee.. pagal hai kya tu? Listen.. first of all mujhe Kriti ko kuch bhi dene ke liye kisi bahane ki jaroorat nahi hai.. aur dusri baat.. with all due respect to the love for chocolates that girls usually have.. wo kya chhoti bacchi hai ki mai use chocolate gift karunga? Come on yaar.. meri pocket money pe itne bhi bure din nahi aaye ki mujhe use chocolate gift karna pade as my first gift to her...

Khushi: Ohh.. okay.. makes sense.. (Giggles and Kriti controls her laughter)

Karan: Aur rahi baat chocolates ki to subah dukaan gaya tha.. unke paas change nahi tha to unhone 2 chocolates de diye aur tum teeno ke baare mein soch kar maine aur ek khareed li.. does that satisfy your curiosity?

Khushi: Waisee.. mere paas bhi tere liye kuch hai..

Karan: kya?

Khushi: ruk.. (she takes out a box from her bag and hands it over to Karan. He opens it to find a set of classic music cassettes which were limited edition)

Karan: What thee... damnn.. ye tujhe kaha se mila? Mai ise 1 saal se dhoondh raha tha.. kahi par available nahi thaa.. maine savings kar rakhi thi iske liyee.. kaha se laayi tu? Abhi address de.. mai jaake bill clear kar deta hu..

Khushi: Gift hai yaar tere liye.. de diye hai paise..

Karan: bohot expensive hogaa... dad ne dilvaya??

Khushi: meri taraf se gift hai na? Dad kyu dilvayenge? Thi meri bhi savings..

Karan: teri savings? Wo jo tu un speakers ke liye kar rahi thi.. wait.. don't tell me tune un paiso se ye liya hai.. come on.. tu kabse uss speaker ke liye save kar rahi hai..

Khushi: mere bhai ki life badal rahi hai yaar.. gift dena to banta hai naa.. speaker phir kabhi le lenge... big deal?

Karan: mila kaha tujhe ye?

Khushi: meri ek dost hai.. uske dad ka music studio hai.. use kaha tha chahe jo ho jaaye kahi se bhi kal shaam tak ye cassette mujhe chahiye.. NYC se mangvani padi pata hai.. (laughing)

(Karan hugs her)
Karan: Thaank you meei jaaan.. thank you so so soo soo sooo muchhhh!!

(Janvi and Yash return and everyone have their meal)

Karan: Kriti.. dawai khaane ke liye pleasee mujhse roz roz wo mat karwana jo aaj karwaya.. ok?

Kriti: ma.. maine.. maine karwaya?

Karan: aur nahi to kya.. anyways.. Jannu, Shiv.. jaldi chalo.. practice ke liye jaana hai..
(He makes them stand up and takes them away)

Kriti:: Hawww Khushii.. kitna bura hai tera bhai.. Pehle khud mujhe blackmail kiya aur phir kehta hai maine karwaya.. hadd hoti hai besharmi ki..

Yash: besharmi? Come on Kritss.. aisa kya kar diya usne?

Kriti: Usne na mujhe.. kuch nahi..

Khushi: kuch nahi? Seriously?

Kriti: chhod yaar..

Khushi: Accha ye sab chhod.. mujhe tera phone de naa..

Kriti: pada hai na.. le le..

Yash: Thankss!! (He gives phone to Khushi)

Kriti: thanks? Kyu? Kya karna hai?

Khushi: mere bhai ke saath flirt.. wo bhi tere phone se.. ab tu khud to karne se rahi to hum hi kar lete hai.. (laughs)

Kriti: Khushi... Tu aisa kuch nahi karegi.. kuch bhi nahi!

Yash: hum to aisa hi karenge.. tu bass yaha chup chap baithi reh aur hame apna kaam karne de..

(Khushi types message to Karan)
Message: Hii handsome!! Kabhi mere liye bhi to time nikal liya karo naa.. after all hamari shaadi hone wali hai..

Khushi: message sent!

Kriti: What nonsense guyss? Khushi kya likha tune? Yaar kya kar rahi hai.. kya sochega ab wo mere baar mein?

Khushi: chup yaar.. kya sochega wo? Yahi na ki uski hone wali wife uske saath time spend karna chahti hai..

Yash: Exactly.. ab chup chap baith ke uske reply ka intezaar kar..

(On the ground, Karan comes to drink water and checks his phone to find Kriti's message)

Karan: Whattt.. Handsome? Time? Shaadi.. ye Kriti thik to hai na.. dawai ka kahi kuch dimaag pe to asar vasar.. nahi wait.. ye Kriti ho hi nahi sakti.. Khushi ki bacchii.. I am sure tu hi masti kar rahi hai..

(At canteen Khushi and Yash are getting restless for the reply while Kriti is stressed about the same. Her notification rings)
Khushi: message aayaaa...

Kriti: oh noo..

Yash: Oh yess.. Khushi padh naa..

Khushi: haa..
Khushi uske phone ke saath khelna band kar aur use phone wapas de.. aur mai practice mein busy hu so shut up!
(Looking towards Kriti suspiciously)
Ise kaise pata chala?

Kriti: Mujhe aise kyu dekh rahi hai.. mujhe kya pata.. mai to tum logo ke saamne hi baithi hu na?

Yash: Usiko puch naa..

Khushi: haa ruk..

Message: Tujhe kaise pata mai thi?

Reply: Well itna to mai apni Fiancé ko bhi jaanta hu aur meri behen ko bhi.. jo apparantly uski best friend bhi hai.. so itna mushkil nahi tha guess karna..

Khushi: Waah yaar Kritss.. mera bhai to abhi se tujhe badi acchi tarah jaanta hai..
Message: kya baat hai Karan.. tu to abhi se meri best friend ko badi acchi tarah se jaanta hai..
I am damn sure.. ab ye shut up likhegaa..

Reply: Shut Up Khushi! Aur message karna band kar.. let me practice.. bye!

Khushi: (she reads it loud and all three burst into laughter) bolaa tha naa...

Yash: ok ok.. ab Bohot ho gaya.. lecture ka time ho raha hai.. chalo abhi..

Kriti: haa haa let's go.. mera phone do pehle.. (she takes her phone back and they leave)

(After 2 lecture, Kriti, Yash and Khushi are in the college ground sitting and talking when Kriti's phone rings and a notification pop's up and she starts searching for her phone in the bag)

Yash: Kriti.. kahi Karan ka message to nahi? Shayad use Khushi ki baat samajh mein aa gayi ho aur sachme tere saath time spend karna chahta ho..

Kriti: Yashhh..! Shut up.. phone nikala bhi nahi aur tere stupid guesses shuru bhi ho gaye?

Khushi: dekh na jaldii..

Kriti: nikal rahi hu yaar.. ruk to.. (She takes out the phone and opens it. Her mouth opens in shock and she turns towards Khushi and Yash)

Khushi: Oyee.. aisa kya dekh liya? Sach mein Karan ka message hai kya?

Yash: dikhaa..
(He snatches phone from her)
Damn.. Khushi.. hamari baat to sach nikli.. mai to bass mazak kar raha tha shayad Karan ne kuch jyada hi seriously le liya .

Khushi: Aree likha kya hai par?
(She snatches phone from him and reads)
Message: Hey beautiful.. abhi bhi Phone Khushi ke paas hai ya mila wapas?

Khushi: What? No.. Kritss mujhe nahi lagta Karan aisa kuch likh sakta hai..

Kriti: Exactly.. mujhe bhi nahi lagta.. but this is shocking..

Yash: come on yaar.. hamari hi trick hum pe hi thodi use karenge.. aur kaun ho sakta hai? Wahi hoga..

Khushi: Nahi yaar.. mujhe nahi lagta.. mai jis Karan ko jaanti hu wo ye nahi likhega.. agar use flirt karna hai to muh pe karega.. message pe? Naah.. so not him! Accha ek kaam karte hai.. reply him.. reply se kuch na kuch hint mil jayegi..

Yash: haa good idea..
Reply: Nahi.. le liya maine wapas..
Done..!

(Phone rings again but Kriti spots Karan walking towards them free handed)

Yash: wapas message aaya..
Message: tum aaj bohoot hot lag rahi thi.. mai to apni nazare hi nahi hata paaya tumse...

Kriti: Guyss.. koi aur hai wo.. Khushi.. dekh tera bhai yahi aa raha hai.. aur kuch nahi hai uske haath mein..

Khushi: Ohh.. dekha.. dekha maine bola tha na ye Karan nahi ho sakta..

Yash: kaun hoga lekin.. Chudail Shiv ya koi aur?

(Karan reaches near them)

Karan: Kya hua guys? Mujhe aise kyu dekh rahe hi jaise mai abhi abhi Tihar Jail se bhaag ke aaya hua koi kaidi hu?

Khushi: Naa naa.. hum to bass soch rahe the.. waise aaj kal bade romantic messages bheje jaa rahe hai kisi ko.. nahi?

Karan: Wo to tu bhej rahi thi.. wo bhi Kriti ke phone se.. koi kaam dhandhe nahi hai kya tujhe?

Khushi: tune bhi to bheje na? Hi beautiful? Phone mila ya nahi wapas? Badi fikar ho rahi hai tumhe uske phone ki..

Karan: maine aisa message kiya? Tu pagal hai kya.. mera phone to waha.. ohh freakkk.. shitt.. kar kya rahe hai ye dono mere phone ke saath?

Yash: dono?

Karan: Shiv aur Jannu.. damnn mai abhi apna phone lekar aata hu un dono se.. I am going to kill them today.. Khushi tu car ke paas mil mujhe.. (he runs away to get his phone back and Khushi and Yash burst into laughter)

Kriti: kyaa yaar Khushi.. tu jaanti thi na wo nahi kar raha tha message.. kyu pareshan kar rahi thi faltu mein?

Khushi: meri jaaan.. ise kehte hai bhai ke maze lenaa (Kriti gives her an angry look and suddenly all three start laughing)

(After sometime, everyone goes back to their homes. At Sharma house, Karan is in his room)

Karan: Ye Jannu aur Shiv bhi na.. dekhu to kya message kiya tha.. (He checks those messages) Damn.. ye dono bhi naa.. thappad lagana chahiye tha inhe to.. I should apologise pehle to...

(Text Talks)
Karan: Hey.. Are you there?

Kriti: Ya

Karan: Karan here..

Kriti: Number saved hai mere paas..

Karan: Umm.. okay! Actually thodi der pehle jo hua uske liye.. I am really very Sorry.. Shiv aur Jannu masti kar rahe the..

Kriti: That's fine.. Khushi aur Yash kaunsa kam hai?

Karan: Glad to know tum message pe to normal baat karti ho 😅

To be continued...

Guys please do vote and comment your views!! Next chapter is ready but will be out upon the responses I get

How was the chapter?

Best part of the chapter?

What do you like the best in this book?

What will happen next?