(Khushi and Karan reach Sharma house and were going to their rooms when Dadi stops them)

Dadi: Baccho.. mujhe ek bohot jaroori baat karni hai tumse..

Karan: Jee dadi.. kahiye..

Purvi: maa.. baad mein baat kar lijiye please.. bacche raat bhar se jaag rahe hai.. pehle fresh hoke kuch kha le phir baat karte hai na..

Dadi: accha thik hai.. baccho pehla
fresh hoke nashta kar lo phir baat karenge..

Karan: jee dadi..

(They go to their rooms to freshen up and get ready. Khushi immediately calls Shiv from her room)

Shiv: Hello..

Khushi: Shiv...!! I am soo.. soo.. soooo... happy!! Mera paas 2 - 2 super super super amazing good news haii..

Shiv: Wow Wow.. Rajdhani Express.. cool down yaar.. ek to mai guess kar sakta hu ki Kriti bilkul sahi salamat hai lekin dusri kya hai?

Khushi: tumhe kaise pata chala Kriti thik hai?

Shiv: Tere awaaz mein jo khushi hai na usase.. chhod.. dusri baat kya hai?

Khushi: aise nahi.. pehle mujhe milo.. milke bataungi..

Shiv: ok lekin kaha?

Khushi: Wherever yaar.. kya farak padta hai?

Shiv: Accha ok.. aaj shaam 5 baje mai tumhe pick up karta hu.. ok?

Khushi: Shaam ko? Nahi nahi.. mainitni der nahi ruk sakti.. abhi milo naa..

Shiv: Okay.. to phir abhi 11 baje milte hai.. mai 11 ko tumhe ghar se pick karta hu..

Khushi: Greatt... Aur Jannu di ko bhi le aana..

Shiv: Jannu to nahi hai yaar.. abhi uska call aaya tha.. urgently mumbai se bahar jaana pad raha hai use family ke saath... aaj raat ya kal subah tak wapas aayegi wo..

Khushi: Offo.. accha koi baat nahi.. to mujhe pick karne ke baad pehle hum Kriti ke ghar chale? Use discharge mil jaayega to use gharpe milke phir jaate hai..

Shiv: that's perfect! Mujhe bhi milna hai Kriti se..

Khushi: ok then.. see you soon.. byee..

Shiv: bye!
(Call disconnected)

(Karan and Khushi freshens up and goes downstairs for breakfast after taking an hour long sleep. Meanwhile, Kriti is discharged from the hospital after collecting blood samples for test and she comes back home. In the Sharma house, everyone gathers to have breakfast)

Dadi: Karan.. mujhe tujhse kuch bohot jaroori baat karni hai..

Karan: jee dadi..

Dadi: Maine teri shaadi ke liye ek ladki dekhi hai..

Karan and Khushi: Whatttt!!
(Khushi and Karan look at each other in shock)

Karan: (in mind: dadi ki satak gayi hai kya? she has lost it.. out of her mind!! Shaadi? Yaha meri padhai bhi abhi tak puri hui nahi hai aur bass kuch ghanto pehle to maine apna pyaar realise kiya hai.. wo bhi ek aisi ladki ke liye jo kisi aur se pyaar karti hai.. aur upar se ye dadi.. kya behki behki baatein kar rahi hai.. aur ladki? Ye kaunsi ladki dhoondhke laayi hai ab? Aur uske ghar wale maan kaise gaye unki beti ki shaadi ek bacche se karane ke liye..)

Kavin: Karan.. final decision sirf aur sirf tera hoga.. koi tujhpe kisi tarah ka pressure nahi laayega ok? Mai samajhta hu tu iss vaqt apne career pe concentrate karna chahega..

Purvi: Haa.. tumhara jo bhi faisla hai hum tumhe support karenge.. koi bhi faisla karne se pehle acchi tarah se soch lena..

Karan: (in mind: Thank god iss baar mom dad Dadi ko unki ulti seedhi harkat mein support nahi kar rahe.. lekin aise hi nahi bolunga to dadi nahi manegi.. time lekar nahi bolta hu)
Ok.. lekin wo ladki kaun hai? Jaanta hu mai use?

Dadi: Tumhari girlfriend..

Khushi: What?? (Shocked) Bhai.. aapki girlfriend hai??

(Meanwhile, at Kriti's home, her Nani visits them)

Nani: Kriti.. beta mujhe tumse ek bohot important baat karni hai

Kriti: jee nani.. kahiya na?

Nani: Kriti.. beta tere liye ek Rishta aaya hai..

Kriti: What? Kya kuch bhi nani? Aap to jaanti ho na mai..

Nani: haa meri bacchi.. mai jaanti hu tu padhna chahti hai, kuch banana chahti hai.. lekin ek baar tu pehle meri puri baat sun le..

Kriti: jee nani.. kahiye..

Nani: pehle bata, kya tu kisi ko pasand karti hai? Agar tere dil mein koi hai to tu mujhe bata sakti hai tu.. jaanti hai na?

Kriti: jee nani.. lekin aisi koi baat nahi hai.. meri life mein koi nahi hai aur problem mujhe ladke se nahi shaadi se hai.. ye shaadi kaha se le aayi aap achanak se?

Nani: (in mind: Karan ek bohot accha ladka hai aur mai nahi chahti Kriti use mana kar de isliye ise manane ke liye jhooth bolna pada to bhi mujhe manjoor hai)
Beta.. jinke ghar se rishta aaya hai wo meri bohot acchi saheli hai.. aur kuch saal pehle hum pe ek bohot badi aafat aayi thi aur uss vaqt unhone hamari madat ki thi.. jab unhone saamne se ye kaha to mai unhe mana nahi kar paayi.. aur dusri baat wo ladka.. heera hai wo ladka.. uss ghar mein jaake tu shaadi ke baad wo sab kar sakti hai jo tu karna chahti thi.. uski dadi ke alawa baki ghar wale bohot modern log hai.. apni beti ki tarah rakhenge wo tujhe..

Kriti: Nani lekin mere bohot saare sapne hai.. mai abhi abhi to 18 hui hu nani.. abhi tak to ek bhi boyfriend tak nahi bana mera kabhi aur aap seedhe shaadi pe pohonch gayi?

Nani: Ab tere padhne likhne ke, kuch banane ke saare armaan uss ghar mein pure honge iski guarantee mai de sakti hu.. par ab tera kabhi boyfriend nahi bana ye problem to baadme solve nahi ho sakti.. ek kaam kar.. abhi banale na sagai tak ke liyee.. (both giggle)

Kriti: Kyaa nani.. (laughs)

Nani: Beta.. mai sachme chahti hu teri shaadi uss ladke se ho.. uss ghar jitna apnapan tujhe kahi aur nahi milega Kriti.. mere liye.. please haa kar de..

Kriti: Nani aap jaanti ho na mai aapki baatein nahi taal sakti aur apne mummy papa se jyada aap par bharosa karti hu mai.. aur agar aap itni badi baat keh rahi ho to I trust your decision.. sirf aur sirf aapke liye.. mai karungi ye shaadi...

Nani: thank you beta... Aur tera koi sapna shaadi ke vajah se na tute iski responsibility meri.. tu waha bohot bohot khush rahegi.. (she kisses Kriti's forehead)

Kriti: ok nani.. as you say..
(In mind: aaj ke baad mai kabhi Khushi ke bhai ke saamne nahi jaa sakti.. uske liye mai jo bhi feel karti hu.. mujhe sab khatam karna hoga.. mai Nani ki baat rakhungi aur shayad isi tarah mai use bhi bhula paungi)

(After sometime, Kriti's mom and dad comes to her room)

Kriti's mom: Kriti.. Nani kya bakwass kar rahi hai ki tune haa kar di?

Kriti: maine haa keh diya mom..

Kriti's dad: Kriti tera dimaag kharab hai? Haa kaise bol sakti hai tu? Bacchi hai tu abhi.. tere itne saare sapne wo kuch karne ka junoon sab kaha gaya? Shaadi ke liye haa kar di tune? Hume puri guarantee thi ki tu mana kar degi isliye hum yaha araam se baithe the..

Kriti's mom: tu jaanti hai na tu sirf 18 saal ki hai? Shaadi ke liye bohot chhoti hai tu abhi.. mujhe bata Nani ne tujhe blackmail kiya kya? Kyu haa kaha tune?

Kriti: Mom.. dad.. relax.. nani ne koi blackmail nahi kiya... Trust me mom.. na mai apna koi sapna bhuli hu aur na kuch karne ka junoon.. mai nani ka dil nahi dukha sakti and I know mai kya kar rahi hu.. aap chinta mat kijiye.. I am happy with my decision..

Kriti's mom: are you sure?

Kriti: Yes mom..

Kriti's dad: Kriti lekin tu nahi samajh rahi..

Kriti's mom: tum nahi samajh rahe.. hamari beti badi ho gayi hai.. apna accha bura samajhti hai wo.. aur hamari beti ki shaadi hai.. bohot saari tayariya karni hai.. timepass mat karo abhi..

(While at Sharma house)

Khushi: What?? (Shocked) Bhai.. aapki girlfriend hai??

Karan: Chup Khushi.. Dadi.. meri girlfriend kab paida hui?

Dadi: umm.. 18 saal pehle..
(Khushi giggles)

Karan: Dadii.. kuch bhi kya? Meri koi girlfriend hai hi nahi phir aapne meri shaadi ki baat kisase chala di?

Khushi: Dadi.. ye baat to mai bhi jaanti hu.. Bhai ki koi girlfriend nahi hai.. I am 100% confident about this... Itna to mai apne bhai ke baare mein jaanti hi hu..

Dadi: Khushi.. agar tujhe aisa lagta hai to tu galat hai.. apne bhai ko tu jaanti hi nahi..

Karan: Nahi dadi.. wo bilkul sahi bol rahi hai.. bohot acche se jaanti hai wo mujhe.. aur baat yaha mere girlfriend ki hai aur mai bol raha hu na meri koi girlfriend nahi hai dadi..

Dadi: Sachme? Lekin maine to tujhe kayi baar uss ladki ke saath dekha hai.. aur Khushi.. tu bhi jaanti hai use..

Khushi: Whatt? (Whispers to Karan: Oyee.. kahi unhone tujhe Jannu di ke saath to nahi dekh liya?)

Karan: Shitt.. no.. no.. dadii.. Jannu.. wo girlfriend? Best friend hai wo meri..

Dadi: Jannu? Maine kab Jannu kaha? Mujhe pata hai wo teri sabse acchi dost hai.. girlfriend nahi hai..

Khushi: Mumma.. ye kya ho raha hai? Aur kiske saath dekh liya ab inhone Karan ko?

Karan: Mom.. mujhe kuch samajh nahi aa raha.. Please aap hi bata do ye situation kya hai..

Dadi: Are mai batati hu na.. Khushi.. teri dost hai na.. Kriti! (Karan's food gets choked and Khushi looks at him) Maine dekha hai in dono ko Café mein.. haat pakad ke baithe the.. uske ghar mein bhi baat ho chuki hai.. ab faisla tum dono baccho ko karna hai..

Khushi: What? Kriti?? Ye sab ho kya raha hai?

Karan: Dadi.. Kriti.. wo meri girlfriend nahi hai.. wo to mai use drop karne jaa raha tha aur kuch kaam se mujhe ulta jaana pada uske saath.. use bhook lagi thi isliye hum waha se jo paas mein mila uss Café chale gaye the.. aur haath pakad ke? Mai kisi baat se bohot pareshan tha aur wo mujhe samjha rahi thi aur anjane mein usne mere haath pe haath rakh diya tha.. that's it.. itna sab karne se pehle ek baar mujhse baat to karti dadi.. apne hi dimaag mein khichadi paka li aapne?

Dadi: Kya? Are par.. (her phone rings, she picks up the call and disconnects it within a couple of minutes)
Kriti ne haa kar di..

Karan: Whattt??

Dadi: umm.. wo, jo ladki teri girlfriend nahi hai aisa tu hame bata raha hai.. usne shaadi ke liye haa kar di.. ab faisla tere haath mein hai..

Karan: (in mind: ye sab kya ho raha hai? Usne haa kyu kar di? Wo to Sameer se pyaar karti hai na? Kahi uspe koi jabardasti to nahi kar raha haa bolne ke liye..)

Kavin: Karan.. humne tujhse pehle bhi kaha hai ki jo tu decide karega wahi hoga.. jo bhi faisla lena hai soch samajh ke lena.. ye tum dono ki zindagi ka sawaal hai..

Karan: (in mind: Dad sahi keh rahe hai.. ye hamari zindagi ka sawaal hai.. lekin mujhe kuch samajh nahi aa raha.. mere ghar wale meri shaadi usase karwana chahte hai jisase mai bohot bohot pyaar karta hu.. wo khud bhi haa kar chuki hai phir mai kyu kuch galat dhoond raha hu? Iss vaqt shaadi ke liye hum bohot chhote hai lekin Aaj agar maine mana kar diya to dadi nahi samjhengi ki maine abhi shaadi ke liye mana kiya hai.. wo samjhengi ki maine Kriti ke liye mana kiya hai aur Kriti ka kissa meri zindagi se tabhi khatam ho jaayega.. meri feelings mujhe mana karne nahi de rahi aur dimaag haa karne nahi de raha.. kya karu...? Haaa.. Pehle to mujhe pata lagana padega usne haa kyu kiya.. lekin mere saamne to wo kuch bolne se rahi.. Khushi ki madad leni padegi.. I have to know jab wo Sameer se pyaar karti hai to mujhse shaadi ke liye kaise tayar ho gayi?)
Dadi.. koi bhi faisla lene se pehle mai Kriti se baat karna chahta hu...

Dadi: ha ha beta.. kyu nahi? Mai aaj hi raat dinner ke liye use uske pariwar ke saath ghar bulati hu.. tum dono baatein kar lena tab..

Karan: Okay..

Dadi: Waise Khushi.. tum kaha jaa rahi ho? Aise tayar hoke kyu ghum rahi ho?

Khushi: Wo dadi.. actually mai jara bahar jaa rahi hu..

Dadi: kiske sath? Itwaar ka college to band hai na aaj?

Khushi: Haa dadi.. wo.. wo Shiv.. Karan ka dost hai na..! Actually wo mera dance partner hai aur hamari dance ki team aaj celebrate karne wale hai.. kal hum competition jeete the na.. isliye..

Dadi: Shiv ke saath.. thik hai ja..

Khushi: (in mind: Dadi ne muh bigdaye bina mujhe Shiv ke saath jaane ki permission de di? Wow.. aur ye Karan Kriti ka kya scene hai naya? He bhagwan.. iss ghar mein ho kya raha hai?)

(At Kriti house)
Nani: Shaam ko hame ladke walo ke ghar jaana hai... dinner ke liye..

Kriti: par nani.. wo hai kaun?

Nani: Surprise.. Sham ko pata chal jayega..

Kriti: finee.. ladke ko haa kar di bina jaane.. ye ek din kaunsi badi baat hai..

(Shiv comes to pick up Khushi and she goes with him)

Shiv: Oyee.. kya hua? Chehre pe itnaa bhar bharke shock kyu hai?

Khushi: Kyuki kuch bohot shocking hua hai abhi abhi..

Shiv: Subah to khushi se ucchal rahi thu.. mujhe laga koi acchi khabar hai.. tera chehra dekh ke to darr lag raha hai mujhe..

Khushi: Subah mere paas 2 good news thi.. abhi ek third news bhi hai.. aur wo kaafi kaafi shocking hai.. aur abhi abhi pata chala hai na.. jara digest nahi ho raha abhi tak..

Shiv: batayegi bhi kya hua hai?

Khushi: Karan loves Kriti.. maine khud Karan ko ye baat Kriti ko kehte suni.. jab wo behosh thi..

Shiv: tu isliye shocked hai? Ye to good news hai na?

Khushi: haa.. ye subah wali dusri good news hai.. shocking wali nahi..

Shiv: okk.. waise ek baat batau? Teri ye good news bohot baasi hai yaar.. kal usne pehle hi mere aur Jannu ke saamne confess kiya tha ki wo Kriti se

Khushi: Oh really? Okay..

Shiv: Okay? Kuch to gadbad hai.. aur shocking wali news kya hai?

Khushi: shocking news ye hai ki dadi ne unki shaadi ki baat chala di hai.. tai kar di.. almost..

(Shiv stops the car suddenly)
Shiv: What???

Khushi: Laga na shock? You know dadi ne unhe ek baar saath mein Café mein dekh liya tha aur unhone khud hi soch liya ki Kriti Karan ki girlfriend hai.. aur usase bhi badi baat matlab.. Kriti.. Kriti ne shaadi ke liye haa kar di hai.. mai Krits ko bohot acche se jaanti hu Shiv.. wo shaadi se pehle kuch karna chahti thi.. apne dum par kuch banana chahti thi.. bohot ambitious ladki hai wo.. usna haa kaise kar di?

To be continued...

Guys please do vote and comment your views!! Next chapter is ready but will be out upon the responses I get

How was the chapter?

Best part of the chapter?

What do you like the best in this book?

What will happen next?