Kabhi kabhi yun lagta h jese sab kuch badal sa gya hai,
Ya mai badal gyi hu,
Ye samay bohot tez chla hai,
Ya mai isme kahi kho gyo hu,
Mai jise novels padhna pasand tha,
Jo dil khol kr nachti thi,
Khaali samay mai mehendi lagati thi,
Alag alag hairstyle banati thi,
Dosto k saath ghanto samay bitati thi,
Mai jo khilkhila k hasna jaanti thi,
Dosto se milne k liye kuch bhi kr guzarti thi,
Ab maheeno baat nhi hoti unn dosto se,
Novels se to jese rishta hi toot gya hai,
Hasna kewal stand up comedy dekh kr hota hai,
Nachna to jese bhool hi gyi hu,
Mehendi to pta nhi kab akhri baar lagayi thi,
Or hairstyle, ab to kanghi tk nhi lagati baalo m theek se.
Ye mai badal gyi ya samay,
Ya samay or mai dono.
Ye kesa pher h samay ka,
Mai khud ko dhundti hu khud mai kahi,
Wo khoi hui mai,
Ya phir chhipi hui mai.

~~TANISHA PAYAL