Chào các bạn! Vì nhiều lý do từ nay Truyen2U chính thức đổi tên là Truyen247.Pro. Mong các bạn tiếp tục ủng hộ truy cập tên miền mới này nhé! Mãi yêu... ♥

ONE

September 2022:

Ye kahani hay meri aur apke rishte ke aaghaz ki.

Aur ye mahina hay meri pedaish Ka.

Is mahinay ke shuru hone ke forun baad apke Papa mjhe , Pre-Birthday Surprise dene ke liye bahar leke gaye. Apke Papa mere liye kbhi kbhi bohat special cheezen plan krte Hain, mjhe Acha lgta hay.

Kch Dino ke guzarne ke baad meri Birthday Ka din Aaya, ye Shaadi ke baad meri yahan pe Pehli Birthday hay.

23 September , mjhe bht special feel krwaya. Blkl jesa main chahti thi wesa. Meri birthday celebrate krne ke liye yummy sa cake lekr Aaye.🎂

Kuch din guzrne ke baad mjhe ehsas hua ke mere din Kuch upar hogye Hain. Inn Dino main school main job bhi krrhi thi. Lekin Kuch problems ki wjah se mjhe resign krna para tha aur Mera notice period chalrha tha.

Tbyat main bojhal-pan aur Kuch nasaazi mehsoos Hoti thi. Naaf ke niche musaslal dard rehta tha. Zara Zara se kaam krne pe forun thakan hone lgti thi jese najane konse pahar torr liye haun.

Jab mjhe Pehli bar ehsas hua ke Shayad main expect krrhi Hu. Mere symptoms halanke auron se Kuch mukhtalif thay, magar ye wazeh zroor krrhe thay ke pregnancy ke aasar Hain. Mjhe laga ke mjhe home pregnancy test krlena chahye.
Lekin jab Maine Pehli bar himmat krke Pharmacy se khareed krke Ghar aakar chupke se darte darte test kya tw wo test negative Aaya. Najanae kyun mjhe bohat afsos hua. Aesa laga jese Jo main mehsus krrhi thi wo sab jhoota sabit hua.


Yahan pr main Chand wajoohat pesh krna chahungi aur apko medical research ki Bina pr btaungi ke agar test false negative aata hay tw wo kyun hota hay, aur agar test positive aata hay tw wo kese ?

" Baaz auqat aesa hota hay ke ap ne periods miss kye aur Chand hafte upar hogye, missal ke tor pe teen ya chaar lkein Uske bawjood apka home pregnancy test result negative aata hay. Home pregnancy test ek hormone ke Bina pr kaam krta hay Jo ke Human Chrionic Gonadotropin (HCG) kehlata hay. Pregnancy ke fori Dino main ye hormone urine main bht Kam ta'adad main paya jata hay jiski wjah se test usay jaanch Nahi pata. Ya ye bhi hoskta hay ke ap ne Apne test kit ko ghalat tareeqe se istemal kya ho, lihaza zroori hay ke ap test kit pr lkhe label instructions ko zroor ghaur se prhen. Umooman mana jata hay ke din ke waqt subah jab ap uthen tw first urine dilute hone ki wjah se is hormone ke jaanch main zyada asaani faraaham krta hay, wrna din ke baqi auqat main urine main aksar impurities mojood Hoti Hain. Agr ap koi qism ki allergy ya epilepsy ke Marz ke liye dawayen lerhe Hain tw wo bhi apke test ki negative bta skta hay. Khuda Nakhwsta ye bhi hoskta hay ke aurat ki Ectopic pregnancy yaani baccha uterus ke bjaaye fallopian tube main thehre jiski wjah se test negative Aaye aur Jo ke maa ke liye khtrnak sabit hoskta hay. " 
" Test results us waqt positive aata hay JB apka Hamal thehr chuka ho aur ap ne proper tareeqe se , Kuch din intezar krne ke baad (meri Pehli pregnancy ke hisab se mjhe ye andaza lagane main Kam az Kam periods miss hone ke baad 38 days lgay thay.) , Kam az Kam 1 mahinay se upar periods hojayen TB check kya ho. Apki test kit itni accurate ho ke wo apke urine main mojood hormone ko jaanch ke btaske. Doctors Ka kehna hay agar ap pregnant Hona chahte hain, tw periods miss hone ke baad ehtyati aur Achi umeed ke tor pr multivitamins aur zyada Pani Ka istemal kren, phal aur sabzyan apni ghiza main shamil kren, folic acid Ka istemal kren. Lekin iske liye zroori hay ke har aurat apni mukhtalif jismani sehat ke Bina pr pehle apni gynecologist se mashwara le."

Din guzrte Gaye meri tabyat wesi hi rahi, blke mazeed chirchirapan mizaaj main shamil hogya.

Is dafa mjhe meri coordinator ne mashwara dya ke main Thora aaram se kaam kya Kru, stress na lya Kru (kyuke stress aur meri purani dosti hay ), apna khyal rkha kru wgera wgera. Unki baaton se mjhe laga jese waqaee ye sab tw main kr hi nahi rhi thi.

Wo maheenay ke Kuch din zindagi ki uljhano main masroof aur pareshan-kun daur main se tha. Tabyat ki na'gawaari, Ghar ke masle masaail, job smnbhal nai parhi thi, aur upar se ye tension ke akhir din brhgye Hain tw koi Khushkhabri ke aasar kyun Nahi visible horhe.

Maine dubara coordinator se baat ki aur apni ek Umar main senior magar Dil se bht qareeb dost se mashwara lya tw unho NE btaya ke test Maine Kuch jaldi hi krlya tha, lihaza 40 din upar hone pr main test dubara kru.

Aese tese krke Kuch 38 din upar huay honge, ke Maine akhir dubara test krne ki thaan li. Mjhse sabar Jo Nahi horha tha.

October 2022

October Ka mahina shuru hochuka tha. Shayad ibtedai haftay ke hi din thay.

Pregnancy kit ko khareedna bhi jese ek dushwar marhala tha, halanke ab tw daur bohat agay brhchuka hay magar phir bhi aam tor pr mushtarka mua'ashre ki Soch Kuch conserved hi thi.

Insab soorat e haal ke baare main , Mai apke Papa ko pehle hi btachuki thi. Wo pehle tw Thora chonke they magar phr Khush huay ke chalo Acha hay finally 9 mahinay tak musaslal logo ki baaten sunne ke baad ye Khushkhabri sunne ko milegi aur yaqeenan hmari life ko bht change kregi. Allah kre ye hmare haqq main behetreen sabit ho.

Dopeher Ka waqt tha , 3rd October 2022 , jab main test se farigh hui ye intezar ke wo do chaar minute bohat bhaari lgrhe thay.

Magar phir,

Alhamdulillah aur Ma sha Allah, mjhe maloom hua ke main waqaee Maa banne wali Hu  Wo feeling alfazon main Shayad hi dhalne ke qabil ho.

Khushi aur izterab ki Mili Juli kaifiyat thi. Jese yaqeen hotay huay bhi yaqeen Nahi araha ho. Poori body beshumar jazbaat bahar nikaal rhi thi: besukuni, tazabzub,khush-kun , dilshaad, mutmaieen aur shukurguzaar ehsasat se labraiz wo pal thay.

Mjhse sabar Nahi horha tha ke main apke Papa ko btaun ke wo bhi Baba banne wale Hain.

Us waqt wo office main thay. Pehle socha ke unhe Ghar aatay hi surprise dungi. Magar utawlapan aesa tha ke Maine unhe Bina Kuch dairi kya, bgher mzeed soche forun WhatsApp krdya.

Unka reaction Kuch emojis main tha, aur wo bhi meri trah Kuch bolne ki salahiat se jese kuch kehne ke liye mehroom hogye Haun, akhir Khushi hi itni thi!






•••••••••~•••••••••~•••••••••~
=> Apke Khayalat:

__________________________________________
__________________________________________
__________________________________________
__________________________________________

Bạn đang đọc truyện trên: Truyen247.Pro