Binibini

Bakit parang namumula itong aking mga mata?
Sa katititig sa dalawa mong bilugang nangungulila
Ng kaluluwang magpaluluwag sa damdamin nating dalawa?

Sa bawat pagsugod mo ng tingin sa akin
Tila ba'y agarang inihanda ko ang sarili Upang sa labanan man lang Ika'y aking masagip.
Huwag mo akong paikutin
Sapagkat bisig ko nama'y naririto sa t'wing Mundo mo'y maghahanap ng mga huhulihing bituin.

Sagipin mo ako, Binini
Kunin mo ang aking kamay
At ilayo mula sa pagkahulog
Ngunit kung ang naisin mo'y mahulog ako sa bitag
Gagawin ko'ng lahat hindi upang makalabas lang,
Makuha rin kita.

Binibini,
Ako'y umiibig na yata.