"Saan ako matutulog?" 

Lumabas ako ng banyo na nakabihis na, siyempre! Hindi pa 'ko ready sa mature roles, direk! Chos. 

"That's the problem." Nakita kong umiwas siya ng tingin habang nakaupo siya doon sa kama. 

"Isa lang ang kama?" I finished his sentence. Ano 'to? Ganito palagi ang mga nababasa ko sa fanfic at napapanood ko sa teleserye, ah! 

Pagkatango niya, agad akong naglakad papunta sa king-sized bed at binagsak ang sarili roon sa right side. Napalingon siya sa akin kaya tinapik ko 'yung kabilang side ng kama. 

"Dito ka!" Mukhang tuwang tuwa pa 'ko. 

"Are you sure? I can bring you home-" 

Hindi na niya natapos ang sasabihin niya dahil hinatak ko na siya pahiga roon sa kama. Nagulat siya at akala ko tatayo pero umayos lang siya ng pagkakahiga. Amoy na amoy ko pa ang sabon sa kanya dahil kakatapos niya lang din maligo. Pinigilan ko na lang ang sariling singhutin siya. 

Nakasuot na siya ng sweatpants at shirt at ako naman, dolphin shorts at oversized shirt. Hindi ko naman kasi napaghandaan 'to. Sana ay bumili ako ng lingerie. Chos.

Kinuha ko ang remote sa side table para i-dim 'yung ilaw, handa nang matulog. Kinuha ko na rin ang kumot at in-extend hanggang sa katawan niya para kaming dalawa ang mainitan. Binuksan pa kasi niya ang aircon kahit malamig naman na! 

"Ang lamig naman," reklamo ko. "Ayaw mong magpa-init?" 

Napalayo kaagad siya sa 'kin na parang may nakakahawa akong sakit! Umusog siya palayo kaya tumawa ako kaagad. Hindi ko alam ang iniisip niya pero kape ang iniisip ko. Hindi ko na lang pinilit dahil baka nga hindi kami makatulog. 

Dumapa ako sa kama at humarap sa kanya. Tinignan niya ako at tinaasan ng kilay. "This is our second time sleeping together." I let out a flirty laugh. "Alam mo, kung hindi lang ako sa UST nag-aaral, baka sa condo mo na ako tumira para gabi-gabi tayo magkatabi." Napangisi ako. 

"Buti na lang." 

Sumimangot ako at humiga na ulit. Kinuha ko ang braso niya para maakbayan niya 'ko bago ko siniksik ang sarili ko sa katawan niya. Hindi naman siya umangal pero parang hirap ang mukha niya. Mabuti at pinapayagan niya 'kong ganito. 

"Unleash yourself," demonyong bulong ko sa may bandang leeg niya. 

"No," masungit na tanggi niya. 

Tumawa ulit ako dahil ang cute cute niya talaga asarin! Mas lalo siyang sumusungit. Pakiramdam ko pinanganak talaga ako para inisin siya. Kung kumikita lang ako sa trabahong 'to, mayaman na 'ko. 

Hindi ko alam kung paano ako nakatulog. Basta nag-uusap lang kami tungkol sa zodiac signs tapos wala na, mukhang bumagsak na 'ko. Pagkagising ko, wala na siya sa tabi ko physically dahil emotionally and mentally ay narito siya sa puxoh quoh. 

Naghilamos ako at nagmumog bago bumaba. Sigurado akong nagluto siya ng breakfast dahil naaamoy ko na sa hagdan pa lang... at tama nga ako. Nakita ko siyang umiinom ng kape roon sa may dining area kaya roon ako dumiretso. 

"Good morning!" I was even hopping towards the table. 

"Morning." He sipped on his mug while looking at me. 

Umupo ako sa tabi niya. Sa harap ko, mayroong kanin, hotdog, egg, and corned beef. Sabi niya 'yon lang daw ang nabili niya sa malapit na store kaya 'yan lang ang nandito. Hindi naman daw kasi sila nag-iiwan ng pagkain dito dahil wala namang tumitira. 

"E, 'di dito na lang tayo tumira," banat ko habang kumakain. 

"It looks empty," tumingin siya sa paligid.

"Duh! We can make it even more beautiful and modern! Hire me! I'm an architect!" Proud na sabi ko. 

"I thought you have a dream house," sabi niya ulit. 

"Hmm, oo nga 'no? Sige, bumili na lang tayo ng lupa dito sa Tagaytay tapos dito tayo magpatayo ng bahay. Gusto ko kasi rito, e. Mahirap nga lang na pabalik-balik ka sa Manila para magtrabaho. Or gusto mo dalawang bahay?" Pagpaplano mo na akala mo'y kasal na kami. 

"Whatever you want." He shrugged. Bakit hindi siya tumanggi? Natuwa tuloy ako! 

Tumawa ako. "Ang feeling natin! Mamaya, hindi naman tayo 'yung magkakatuluyan! Epal nito, sinasakyan pa mga banat ko! Baka umasa ako niyan tapos iyakan kita." 

"We're not even official yet." 

Oo nga pala, hindi ko pa siya sinasagot! Hindi ko pa sinasagot ang manliligaw ko! Hay, ano ba 'yan! Hindi naman kasi ako pumayag magpaligaw. Akala niya siguro ay sasagutin ko siya. Paghihintayin ko kaya siya ng mga 4 days. Char.

"Alam mo ba ang kwento ng kutsara't tinidor?" Pagti-trivia ko. Umiling siya. "Hindi mo alam?" 

"No." 

"Kasi wala naman talagang kwento! Hahaha, uto-uto!" Tinuro ko pa ang mukha niya habang tumatawa. 

Napairap lang siya sa joke ko at hindi man lang tinawanan! Sumimangot ako at tinapos na lang ang pag-kain ko. Nagtalo pa kami kung sino ang maghuhugas pero nanalo naman ako at umakyat na siya para maligo. Kapag si Kierra, pahirapan kami sa pagtuturuan lalo na kapag order galing sa labas at walang nagluto. 

"Aware ka ba na may gusto sa 'yo si Amethyst?" Tanong ko habang nagdadrive na siya pauwi ng Manila. Tumango lang siya. "Pero wala kang ginagawa?"

"I rejected her once. She cried in class." Umiling siya. 

Luh, iyakin! Charot. 

Pakiramdam ko ay masakit magsalita 'tong si Kalix kaya kahit ako ang i-reject niya ay mapapaiyak din ako. I wondered kung paano niya ni-reject si Amethyst? Straightforward kaya? 'Hindi kita gusto', ganoon? O may pag-sugar coat tulad ng, 'I'm not yet ready for a relationship' o kaya 'There's nothing wrong with you, I'm just not looking for a girlfriend right now' o kaya 'Hinahanap ko pa ang sarili ko, e'. Alin kaya? 

"Sabi mo nagka something kayo? Ano 'yun?" Tanong ko. 

"I was 18. It wasn't really official. Just mini dates and flirty encounters. I didn't take it seriously and I already told her that I won't but I guess she... couldn't accept it. I admit I was an asshole. No need to rub it on my face." 

Hindi naman ako nagsalita. Kung sa akin niya naman kasi ginawa 'yon, mafa-fall din ako! Medyo nagegets ko na 'yung undying affection ni Amethyst kay Kalix. Maybe part of it was because he gave her hope at some point at umaasa pa rin siya ngayon na baka mabalik 'yung ganoon. 

"That's what you're doing to me right now." Pinangsingkitan ko siya ng mata. So anong pinagkaiba namin? Paano ko malalaman na hindi niya inuulit sa 'kin? 

"I didn't tell her I was falling in love with her," he rolled his eyes. 

"But you showed motive."

Bakit napunta ako sa side ni Amethyst ngayon?! Well, sabi nga ni Kierra, look at both sides of the story! Iyon naman ang ginagawa ko ngayon, putting myself on her shoe. 

"And I also made it clear that I didn't want a relationship," he countered again. 

"Sige na nga, ganyan din naman ako sa past flings ko," I admitted.

Doon siya napasulyap sa 'kin na parang may ginawa akong masama! Binalik ko ang tingin niya at tinaasan siya ng kilay pero agad niya ring binalik ang tingin sa daan dahil baka mabangga pa kami. Anong ibig sabihin ng tingin niyang 'yon? Selos kaya? 

"You said you had two exes, right?" Naramdaman ko ang selos sa boses niya. Tama nga ako! 

"Yes, si Lance noong high school tapos si Drix noong 1st year, 1st sem," pagkekwento ko. Nakakatuwa palang makita siyang ganito. 

"What about them?" He arched a brow and pursed his lips. 

"Si Lance, first kiss ko-"

"I didn't ask," he cut me off.

Tumawa ako sa reaction niya. Sumeryoso ang mukha at parang galit ang mata dahil sa sinabi ko. Hindi nga niya tinanong 'yung about sa first kiss pero tinanong niya kaya 'what about them?'! Ibig sabihin pinapagkwento niya 'ko! 

"Tumagal kami ng 2 years pero nakipagbreak ako. Ang toxic niya, super! Sakal na sakal ako sa kanya. Hindi niya 'ko pinapayagan lumabas kasama friends ko, magpagabi kahit may sundo, at mag-shorts!" Inis na sabi ko.

"Mag-shorts?" Kumunot ang noo niya. 

"Sabi niya ay baka raw mabastos ako! Doon ako napikon! Ang sabi ko sa kanya, kahit mag-pants ako ay mababastos pa rin ako kung may bastos! Ang sabi niya sa 'kin, alam niya raw 'yon pero alam niya rin daw kasi kung paano mag-isip ang ibang lalaki! Kaya sabi ko talaga, 'wow, alam na alam mo kung paano mag-isip ang manyak, baka manyak ka rin?' tapos hindi niya ako kinausap hanggang kinabukasan," tumawa ako. 

"Tell me you broke up with him after that." 

"Well, we broke up eventually... Nakipag-break ako. Iyak nga siya nang iyak sa 'kin, e. Ganda ko lang!" Tumawa ulit ako. 

"Men like that would act like victims after the break-up," he predicted. "How about the other guy?" Tanong niya ulit, parang naghahanap ng bagong ibabash. 

"Well, si Drix, okay naman siya. Taga-AB siya sa UST. Nag-meet lang kami sa Bumble pero nagtagal kami for around 8 months," pagkekwento ko ulit. 

"You have Bumble?" Nagsalubong ang kilay niya.

"I don't have one now, siyempre! Dati, oo! Naghahanap kasi ako ng Paskuhan Date that time. Masaya naman ang Paskuhan ko noon pero nakipagbreak din ako sa kanya kasi nga ang daldal niya, e! Pareho kaming jolly ang personality, parang walang thrill! Tsaka, hindi rin siya ganoon ka-seryoso sabi niya 'G lang' noong nakipagbreak ako?! Ano kaya 'yon?!" Pagrarant ko ulit. "Lagi na lang fail ang relationships ko. Sana successful tayo." 

"Walang tayo," pambabara niya. 

"Ouch!" Pabiro akong humawak sa dibdib ko kahit alam kong ako naman ang magdedesisyon kung kami na o hindi pa. 

Pagkahatid niya sa 'kin sa condo, umakyat na 'ko sa unit. Pagkabukas ko ng pinto, mukhang nagulat si Kierra sa biglaang pagdating ko. Agad siyang tumalikod at pumasok sa kwarto niya. Kumunot ang noo ko at sumunod sa kanya. 

Hinawakan ko ang braso niya at hinarap siya sa 'kin. Tinuro ko ang labi niya na may dugo dahil sa sugat. Mukhang pumutok.

"Ano 'yan?" Nagtatakang tanong ko.

Umiling siya. "Nabagsak ko phone ko sa mukha ko habang nakahiga." 

I tilted my head a bit to the side and further examined her wound. Grabe naman ang sugat kung nabagsakan lang ng phone pero mukhang ayaw niyang pag-usapan kaya lumabas na lang ako pero papasok pa lang ako sa kwarto ko ay may pumasok sa utak ko. 

Dali-dali akong bumalik sa kwarto niya pero narinig ko na may kausap siya sa phone. 

"Nakauwi na 'ko.. Oo, Miguel..."

Hindi na lang ako nakinig sa pinag-uusapan nila. Ni hindi ko kilala ang kausap niya kaya umalis na lang ako doon. Isang Miguel lang ang kilala ko, 'yung anak ng Mayor na taga Pol Sci, pero baka ibang Miguel rin naman. 

Nag-aral muna ako para sa quiz bago ko tinapos 'yung pinapagawa sa History of Archi. Noong kinagabihan, in-open ko Instagram ko dahil nag-message si Kalix. 

kalixjm: I need your cellphone number. 

Nagreply kaagad ako at binigay ang number ko.

lunavaleria: ayan, ampangit mo naman magtanong dapat 'yung medyo nakakakilig. 

lunavaleria: kunwari 

lunavaleria: HUY NASAMID AKO PAHINGING NUMBER mo 

lunavaleria: o kaya hi, sorry nautusan lang haha, hinihingi ng friend ko number mo pwede ba? kung pwede, don't worry hindi ko ibibigay. 

kalixjm: Yanna teaches you a lot of things.

lunavaleria: hey nO AH! IT'S ALL ME! kung si yanna 'yon straightforward 'yon ako medyo may hiya pa ganoon. ikaw naman ang straightforward mo rin pero ang plain! okay lang tho mahilig naman ako sa plain rice <3

kalixjm: When's your undas break? 

lunavaleria: last week na namin today tapos next week walang pasok. kayo ba? 

kalixjm: 5 days lang from Oct 30.

lunavaleria: kasama mo family mo? 

Iyon ang tanong ko dahil ako, palagi naman akong nasa bahay lang kapag undas. Wala naman kaming binibisita nila Mommy dahil nga wala naman kaming close na relative na namatay at kung meron man, nasa malayong lugar. Kaso laging nagtatrabaho sila Mommy kahit undas o kaya may business meeting sa ibang bansa kaya naiiwan lang kami ni Kierra kila Tita or 'yung mommy niya na kapatid ng Daddy ko. 

kalixjm: No, they need to work. 

Okay, I forgot his parents were both doctors. Baka duty. 

kalixjm: You wanna go somewhere? 

Napangiti kaagad ako sa excitement. Mukhang may pinaplano na siya kaagad kaya niya in-open 'yung topic. 

lunavaleria: saan? 

kalixjm: Let's decide on Wed. 

Hindi na 'ko makapaghintay sa Wednesday. Mabilis lang din lumipas ang mga araw. Monday at Tuesday, nagpakabait lang ako sa room at tumambay sa Dapitan. Nagkita pa nga kami ni Sevi roon. 

"Nandito ka na naman?" Tanong niya sa 'kin habang kumakain ulit ako ng cheesestick. "Hindi ka ba magkaka UTI dyan?" 

"Ang nega, ha! Ngayon na lang naman ako kumain nito!" 

Kapag nakikita ko ang mukha niya, naaalala ko 'yung sinabi ni Kalix na may gusto sa 'kin si Sevi! Nakakaloka! Parang hindi matanggal sa utak ko kaya kinailangan ko talagang itanong sa kanya. 

"Hoy Sevi," tawag ko habang bumibili siya ng fishball. Lumingon naman siya sa 'kin, nagtatanong kung bakit ko siya tinawag. 

"Oh?" Tinaasan niya 'ko ng kilay. 

"Wala ka namang gusto sa 'kin, 'no?" Diretsong tanong ko.

Nakita ko ang gulat sa mga mata niya at napaawang pa ang labi niya, tila hindi alam ang sasabihin. Naghintay ako ng sagot sa kanya at akala ko nga hindi darating pero nakahinga ako nang maluwag nang tinawanan niya 'ko. 

"Pinagsasasabi mo?" Umiling siya at kinuha na ang fishball na nasa stick. 

"'Di ba?! Hindi ko rin alam kung bakit nila sinasabi na may gusto ka raw sa 'kin! Parang imposible naman!" Napakamot ako sa ulo ko. 

"Bakit naman imposible?" Tinaasan niya 'ko ng isang kilay. 

"I mean, siyempre, super close natin as friends! Sana awkward tayo kung may gusto sa isa 'yung isa sa'tin, diba?!" Pagpapaliwanag ko naman. 

Tumango-tango siya at hindi na nagsalita dahil kumakain siya ng fishball. 

"Buti na lang talaga wala kang gusto sa 'kin!" Ngumiti ako. 

"Bakit naman?" Ngumiti rin siya nang tipid sa 'kin. Mukhang nawala siya sa mood. Palagi naman siyang ganiyan! 

"Siyempre, nakakailang 'yun, 'no! Parang kapatid na kita, e!" Inakbayan ko siya. 

Ngumiti siya nang tipid sa 'kin bago lumayo para itapon 'yung stick doon sa basurahan. Bumalik siya sa harapan ko na nakahawak na sa dalawang strap ng backpack niya, mukhang handa nang bumalik sa campus. 

"Una na 'ko," sabi niya. Kumaway ako sa kanya noong naglalakad na siya palayo. Nakangiti lang siya sa 'kin at tumalikod na siya para pumasok sa UST. 

Umuwi na rin naman ako pagkaubos ko ng pagkain ko. Pagkauwi ko, wala na naman si Kierra. Hindi ko alam kung saan na naman nagpupupunta 'yon! Lagi na lang wala. Hindi ko na lang siya hinintay at natulog na 'ko pagkatapos mag-aral. Kinabukasan, nag-quiz kami at pagkatapos ng klase, excited akong lumabas ng building dahil alam kong hinihintay na 'ko ni Kalix.

Tama nga ako. Nakaupo siya roon sa gazeebo at naglalaro ng ML. Agad kong tinakpan ang screen habang naglalaro siya.

"Fuck!" Inis na sigaw niya at nilayo ang phone sa 'kin habang pumipindot-pindot pa rin siya. 

Patuloy ko siyang ginulo at tumayo na siya para hindi ko maabot 'yung phone. Halatang pikon na pikon siya sa 'kin at naglakad pa palayo habang naglalaro. Natawa tuloy ako at na-encourage na asarin pa siya lalo. 

"Luna!" Sigaw niya nang pindutin ko ulit ang screen. "Stop!" 

Tumawa ako nang tumawa sa itsura niya. Halatang nagagalit na pero pinagpatuloy pa rin niya ang laro niya hanggang sa matapos. Nanalo naman sila kaya hindi na siya galit sa 'kin. MVP pa siya. Marksman user pala 'to, e. 

Doon kami nag-stay sa condo ko. Umupo kami sa sahig ng kwarto ko habang ang laptop ko ay nasa kama, naghahanap ng ibobook. "Where do you want to go?" Tanong niya sa 'kin habang nagiiscroll sa offers. 

"Boracay!" Suggest ko sa kanya. 

Nag-lagay kaagad siya ng dates para tignan 'yung prices ng tickets. Mahal kasi next week na kaagad pero parang wala naman siyang pakialam, basta makapunta kami roon. Nang sinilip ko ang ginagawa niya, nakita kong nagbobook na nga siya ng flight! 

Kinuha niya ang wallet niya para sa card tapos in a few minutes, mayroon na kaming booked flight kaya ngayon naghahanap kami ng hotel. Nagtatalo pa kami dahil ang gusto ko ay 'yung mga mura lang pero ang gusto niya e 'yung may private beach.

"Come on, it's our first vacation. Let's give it all in," pagpapaawa pa niya sa 'kin. 

"Hay nako, sige! But let me pay for the hotel since you paid for the flight to Caticlan," inis na sabi ko. He shook his head and got up, holding the laptop. "Let me pay!" Inagaw ko ang laptop ko sa kanya at umupo ulit sa sahig. "Kung ayaw mo, mag-isa kang mag bakasyon." 

Para siyang tutang umupo ulit sa tabi ko. I paid for the hotel we both decided to stay in. Ang sabi niya naman ay simpleng room lang but I wanted to treat him so I booked a suite. Siyempre, I called my dad first. Baka magulat siya sa malaking bill ng card ko. 

[Anak?] He answered after the third ring. 

"Dad, I'm going to Boracay next week for my undas break. Okay lang?" Maingat na tanong ko. Hindi naman ako palaging humihiling sa kanila ng kahit ano. Ngayon lang. 

[What? Sinong kasama mo?]

"Uh, my friends." I tried not to stutter when I lied. 

Hindi ko pwedeng sabihing si Kalix dahil hindi ako papayagan! Una sa lahat, hindi pa nila siya kilala. Hindi ko pa siya pinapakilala sa kanila. May balak ako pero saka na 'yon! Hindi pa naman kami kaya... Pwedeng friend ang tawag ko 'di, ba? 

[Nag-book ka na? Your mom and I are going to Vietnam next week so we can't accompany you.]

"Yes, I'm booking a hotel right now..." 

Marami pa siyang binilin sa 'kin pero sa huli pumayag na rin naman siya kaya nag-book na 'ko. Pinapanood lang ako ni Kalix na makipag-usap kay Daddy at parang siya rin ay kinakabahan dahil sa itsura niya.

"Did he get mad?" Mukha nga siyang kinabahan! 

Umiling ako kaya nakampante na siya. Pagkatapos kong mag-book, humiga na 'ko sa kama. Siya naman, nakaupo lang sa gilid ko at may cinacalculator doon. Nagbasa na lang din ako ng libro hanggang sa mag-gabi. We decided to order food online dahil pareho kaming tinamad magluto. 

"Dapat sinama natin sila Adonis," suggest ko habang kumakain kami. 

"This is our first vacation. It should be ours only," pagpapaliwanag niya. 

Nagets ko naman siya. Nagbibiro lang naman ako! Sa totoo lang, ayaw ko rin naman magsama ng iba. Gusto ko kami lang dalawa ngayon para mas marami kaming memories together kasi we were going to stick to each other for more than 24 hours. 

"How are you going to tell your parents?" Nagtatakang tanong ko.

"I already told my dad."

Napaawang ang labi ko at napatigil sa pag-kain. "Huh? Anong sinabi mo?" Parang ako naman ang nag-panic ngayon. 

"I told him I'm going to the beach with the girl I'm courting." He shrugged like it wasn't even a big deal. "He said okay and.. uh.. gave me a lecture about safe sex." He shook his head in embarrassment. 

Parang nag-init ang pisngi ko. Bakit ganoon?! Ako ang nahihiya para sa kanya. Baka kapag ako ang nagkwento kay Mommy, ganyan din ang sasabihin niya sa 'kin. Lelecture-an din ako nun! Kaya nga hindi pa 'ko ready ipakilala siya. 

"How's your dad like?" I asked. 

"He's okay." He shrugged. "My mom's stricter. That's why I didn't tell her. She's always.. expecting so much." He swallowed hard. "She wanted me to become a doctor." 

"Buti pumayag siya ngayon na mag-aabogado ka?" Maingat na tanong ko dahil alam kong sensitive sa kanya ang topic. 

"She did not." He shook his head. "We made a deal. I just need to maintain my grades and be on the Dean's list every semester... Or else, she will send me to med school." He smiled bitterly.

"Hard, huh?" I smiled at him to cheer him up.

"Yeah, the pressure and expectations are both so high. It's like I couldn't make even one mistake or else I'll lose everything. My dream, above all." 

"But I know you're doing well," I cheered him up. "You just need to continue that pero huwag mong i-sacrifice ang health mo, ha. Mentally and physically. Kapag pagod, just rest and then continue fighting. Isang taon na lang naman and then law school na. Siguro bawas-bawasan mo na lang ang pabalik balik mo from Katipunan papunta dito so you can rest." 

"That's bullshit. When I'm with you, I am resting, Luna."

Napangiti ako. Gusto ko rin bumanat ng you are my comfort too pero hindi na lang ako nagsalita dahil moment niya 'yon. Iyon rin naman ang nararamdaman ko sa kanya. Pakiramdam ko nakakapagpahinga ako kapag kasama ko siya. Malala na nga ata kami. 

But at least we found comfort on each other. It was something I never felt before with my past relationships. It made me think that this one will be different. It gave me hope. 

Baka ito na. Baka siya na. 

"Kalix," I called. Tumigil siya sa pag-inom ng tubig para tignan ako. "Let's make it official," I said with full determination. 

Muntik na niyang madura 'yung iniinom niya. Nasamid pa siya at naubo na naman. Bakit ba palagi na lang siyang nagugulat kapag umiinom ng tubig? 

"What?!" His eyes were wide from surprise. 

"The boyfriend and girlfriend thing. Let's do it!" I smiled.

________________________________________________________________________________

:)