Dear Diary,

Novena kanina. Diretso kami sa simbahan matapos ang flag ceremony. Isa ako sa mga nag-alay ng bulaklak. Kapag opening song kasi, may parada ng mga alay na bulaklak papunta sa altar. Second year ang in charge kaya ako kasali. Muntik na akong madapa. Hindi talaga ako dapat pinaglalakad sa gitna ng altar, diary. Nakakahiya.

Nang pabalik na kami ng classrooms, biglang umakbay si Robbie tapos 'yong bigat nya, ipinasa sa 'kin. Muntik na 'kong matumba, diary. Buti na lang nahila ako ni Lotlot.

Pero bakit gano'n? Pakiramdam ko napaso 'yong leeg ko. 

Nawiwirduhan,

Ylona