Dear Diary,

Demo lesson kanina. Si Robbie ang magtuturo. Medyo nag-alala kami kasi hindi pa nya naaaral 'yong module kahit noong isang linggo pa sinabi sa kanya ni Sister na graded 'yong pagtuturo nya kanina.

Pero buti na lang nagawan ng paraan.

Para sa visual aids, nag-drawing na lang si Robbie sa blackboard. Tuwang-tuwa ang mga bata sa drawing nyang stickman. Tapos, dinala nya kasi 'yong gitara nya kanina. Nagkantahan sila. Kinanta nya 'yong ibang parts ng lesson na may equivalent na kanta. E, dahil catholic school kami, memoryado namin lahat ng kantang pangsimbahan.

Naki-jam din si Derrick. Sya 'yong sa percussion. Pati mga bata tinuruang magpapalo sa desks nila.

Ako naman 'yong nasa side ng mga bata at nakikihalubilo sa kanila.

Buti na lang natuwa si Sister.

Naa-amaze pa rin,

Ylona