Hejka kochani!

Wszystkiego najlepszego z okazji Dnia Dziecka!

Do prezentów, które dostaliście lub dopiero dostaniecie dorzucam się ja! Oto rozdział 31 z "The Diary Of Changes" po śląsku! 😃

Nad każdym fragmentem pojawi się screenshot z odpowiednikiem po polsku.

Miłego czytania 💖

*Nataniel*

Je idealno. Razym z Rin liczymy i całujymy kożdy z malutkich paluszków. Lykorz zabiyro ją łod nos i bado ją. Je zdrowo choby ryba, dziesiynć punktów we skali Apgara. W końcu moji słuńce przistawio do piersi naszą niedowno narodzoną cerę. Patrza na dziołchy. To je moja familia. Familia, z kierej żech je taki dumny.

- Witej na świecie, Lisa - szepto Rin.

Dziołszka przestowo ssać. Podnosi łebek i patrzy na swoją mamusie. A ij mamusia na mie.

- Podobo ij sie - uśmiecho sie.

Siadom bliżyj moich dziewczyn i obejmuja ich ramionami. Od dzisiej moja familia je pełno. Widza, że powieki moij ukochanej się klapują. Całuja ją w czoło i biera na rynce cera.

- Moi - szepca.

Rin kimo chwila potym. Zauważom, że przed salą stoi Kari. Po roz ostatni uśmiychom się do żony, a nastympnie opuszczom sala. Kari natychmiast do mie doskokuje, a za nią wszyski osoby, kiere dzisiej były świadkami początkowego etapu porodu moij ukochanej. Na początek, trzimia cera gymbą do swoij klatki piersiowej.

- Pokoż ją - prosi Kari.

- Chcymy ją zoboczyć - godo Kas.

- Proszymy - dodowo Lysander.

- Nie bydź taki - dodowają Alexy, Armin, Kentin, Shiru, Kou, Werka i Gosia.

Uśmiechom się i pokazują im swoja cera. Kari kładzie palca na ij rynce. Mało zacisko dłoń w piąstka. To wyglądo tak słodko...

- Ciotka prziszła - godom do Lisy.

Całuja ij malutki usteczka. Słysza pstryk aparatu. To Kari zrobiła zdjynci. Pokazuje je cołkij grupie, potym mi, na końcu swoij siostrzenicy. Dziołszka prziglądo sie zdjynci z zaciekawiynom w tych małych, ślicznych, złotych łoczkach. Szwagierka patrzy na mie.

- Moga opublikować to zdjynci? - pyta.

- Jasne - uśmiechom sie.

Pora sekund potym zdjynci już krąży po portalu społecznościowym. Biera telefon i dzwonia do rodziców. Odbiyro mama.

- Co się stało? - pyto.

- Mama, my są w szpitalu. Rin przed chwilą urodziła - tłumacza.

Mama woło na dół łojca i Amber.

(aut. Na Śląsku na łojca idzie też pedzieć "foter".)

- W kierym szpitalu żeście są?

- W Wersalu, pora kilometrów łod naszego uniwersytetu.

- Za godzina tam bydymy.

- Dobre, do zobaczynio.

Mama się rozłanczo. Chowom telefon do kapsy. Dopiyro teraski dokładnie prziglądom sie gymbie moij cery. Mo leko ostre rysy gymby po mie i złote łoczy w jasnym łodciyniu po Rin. Idymy do barku.

Jo wciąż trzimia ukochaną cerę w ramionach, nie pozwalając kumukolweik brać ij na rynce.

*Godzina potym*

Do szpitala przijyżdżają moi rodzice i siostra. Chcą zoboczyć wnuczka i siostrzenica. Nie je żech pewiyn, czy łojciec zasłużył na tyn przywilej... ale ostatecznie zgadzom sie. Kożdy biere Lisa na rynce. Rodzice mi gratulują, a Amber uśmiycho sie.

- Umisz ty robić piynkne dzieci - godo. Rozumia, że na nastympny roz bydzie syn?

Śmieja sie.

- Nie ukrywom, było by miło. Ale na to jeszcze przijdzie czas, na razie musza chocioż trocha cera odchować.

Przypominom se o Rin. Upewniom se, że moga zostawić cera z moją familią, po czym wracom do sale. Mój skarb już nie kimie. Siadom koło nij na łóżku.

- Kaj je Lisa? - pyto od razu.

- Spokojnie, je z Amber i moimi rodzicami. Nie pozwolą, żeby ij sie coś stało.

- Mom tako nadzieja.

Rozmawiumy jeszcze chwila, po czym do sale włazuje moja familia. Mama mo Lise na rynkach. Natychmiast podowo ją moij żonie. Rin kołysze ją w ramiunach. Wkrótce, mało nyno.

(aut. "nynać" oznaczo "spać", ale yno w okresie noworodkowym i niemowlęcym)

Rin patrzy na moja familia.

- A wiync? - odzywo sie Amber. - Jak sie czujesz?

- Na początku bolało jak pieron, ale tera już je dobrze.

- Wybraliście już imię? - pyto mama.

- Ja. Lisa.

- Piykne - uśmiycho sie moja rodzicielka.

Rozmawiumy jeszcze pora godzin. Moi rodzice i siostra muszą ostatecznie sie wrócić do Paryża. Jo i Rin żegnomy sie z nimi, po czym moja familia wylazuje ze sale.

Za to do sale wlazuje Austin - chłopak​, kiery pumóg Rin i złonaczył, że wszyscy szkolorze zaś ij uwierzyli. Siado koło nas.

- Witejcie - godo ze wstryntnym uśmiechym. - Świyżo upieczyni rodzice. Moga zoboczyć wasz skarb?

Rin patrzy na mie, przestraszono. Kiwom głową. Moja żona pokozuje cerziczka Austinowi, ale nie dowo mu ij​ na rynce. Najwyraźnij sie tego boi. Austin patrzy to na mie, to na Rin, to na nasza cera.

- Pamiyntom, co żeście mi obiecali pora miesiyncy tymu?

- J-Ja - godo Rin.

- I bardzo dobrze. Myśla, że za miesiąc bydzie odpowiedni momynt. Wtedy, przijada do waszego miyszkanio. Nie bydziecie musieli sie martwić, bo mało bydzie miała odpowiedni warunki, nieważne kaj ją wezna.

- Nastympnego dnia zabiera wos na miejsce waszego wyzwanio. Tak jak żech wom wcześnij obiecoł, bydziecie mogli wziąć se dwie osoby do pomocy. Miejmy nadzieja, że docie rada - stowo z krzesła i opuszczo sala.

Rin patrzy na mie, tym razym jednak naprowda przerażono. Prziciskom ją mocnij siebie, starając sie jednak nie zgniyść cery.

- Spokojnie, kochanie - szepca. - Obiecuja ci, że domy rada i wygromy z Austinym. A ty, skarbie - godom do Lisy. - na pewno zostaniesz snami. Nie pozwolymy mu cie nom odebrać. A przinajmij nie tak łatwo.

Rin uśmiecho sie, a cera patrzy na mie swoimi ślicznymi łoczami. Wyglądo tak uroczo. Słysza pora krótkich dźwiynków "pip" pod rząd. To z moigo telefonu. Wyciągom go z kapsy i uśmiechom sie na widok

mnóstwa komyntarzy pod zdjyncim, kiere opublikowała Kari.

Rozalia: AAAAAA! Nareszcie! Gratuluja! Chca być na chrzcinach!

Ariana: Brawo, kochani! Gratuluja!

Aiko: Gratuluja, kochani! ❤

Iris: Śliczno cera! Gratuluja!

Kim: Nat, umisz ty robić piykne dziecka. Ślicznie razym wyglądocie. Gratuluja!

Violetta: Jeszcze niedowno my sie dowiadywali, że żeście są parą, a teraski mocie już cera. Śliczno! Pozdrawiom i gratuluja! ❤

Pokazuja komyntarze ukochanej. Uśmiycho się szeroko. Proponuje zrobiyni wspólnego selfie. Zgadzom sie.

Obejmuja Rin ramiyniym, a łona przytulo do siebie mocnij Lisa. Publikuja zdjynci z napisym "Szczynśliwi młodzi rodzice". Już pora sekund potym przichodzą piyrsze polubiynia i komyntarze. Wyciszom telefon. Odbiyrom Lisa Rin, żeby moja żona mogła iść do szpitalnej łaziynki wziąć prysznic. Trzimia cerziczka w ramionach i dziwom się na ij śliczne złote łoczka. Cicho zaczynom śpiywać pieśniczka "Lullaby". Już pora chwil potym moja cera nyno w moich ramionach. Rin wraco do sale. Pomału kładzie sie na łóżku i zasypio. Pielyngniarka zabiyro Lisa i zanosi ją do sale, kaj bydzie mogła w spokoju nynać. Sam wraco​m do Nicei, żeby się kimnąć.

(aut. "kimać" to "spać" od wieku poniemowlęcego, ale myśla, że akurat to wiycie 😃)

Biera szybki prysznic, przeblykom sie w czorne bokserki i kłada sie do łóżka. Zasypiom z myślą, że już niedługo Lisa pojedzie zy mną i Rin do chałpy.

**********

I właśnie tak godo się u mie w chałpie! Ale obawiom się, że gorole (nieślązacy), a może i niekiere hanysy (Ślązaki), mają już dość takij dowki śląskij godki i chcą se legnąć. A wiync mocie ody mie pozwolyni.

Te, a co Wy na to, żebych zaczła nowo książka, ale coś w stylu nauki śląskij godki? 😅

Rozdział sprawdzałach i ni ma w nim byków, choć może sie Wom wydować, że je inaczyj.

Pozdrawiom, Ślązoczka wera9737.

Enjoy! =^.^=

PS.: W mediach: Feet - Wodzionka.

Do goroli: wodzionka to je tako zupa z chlebym, masłym i knoblochym (czoskiym), oczywiście zupa ta pochodzi ze Śląska. Ostrzegom tych, co chcą se tej pieśniczki posłuchać - całość je po śląsku. Łoczywiście tekst je na tekstowo.pl, styknie wpisać w googlach tytuł i wykonawca i dopisać słowo "tekst" 😃

PPS.: Pod spodym: Ed'mans - Jada Na Ryby.

Pośmiyj sie, pośpiywej, jak umisz... tekst też je na tesktowo.pl 😃