Taehyung pov.

Mein darwaze ke bahar khada hua gusse me wait kar raha tha, akhir hobi ne jhoot bola kyun, bas yahi janna tha.

Jab hobi bhaiya bahar aae to vo darr gaye mujhe wahan dekhke.

“hae ram dara diya, ese nahi karte taehyung, mera dil kitna kamzor hai tujhe to pata hai”

“oh really? Zara aap mujhe phir se bataenge aap humara bathroom kyun use kar rahe hai?” mene tevar dikhate hue pucha.

“are bola to tha, mere bathroom me paani nahi aa raha tha, isilie”

“mene abhi just check kiya, paani aa raha tha”

“a-are nahi, mene check kiya tha, tab to nahi tha” unke expression bol rahe the kuch to gadbad hai. Vo itne ache actor to bilkul nahi ki mujhse kuch chupa le.

“Bhaiya sach sach bolo, akhir chakkar kya hai?”

“tu mujhpe shak kar raha hai? Akhir kyun? Mujhe milega bhi kya esa jhoot bolke” unhone dukhi hoke kaha.

“vahi to mein soch raha hun, akhir aapko milega kya?” bas ye kehke mein jaane hi wala tha wahan se ki vo kuch bole.

“jispe shak karna chahiye uspe to kar nahi raha”

“kya? Aapka matlab kya hai?”

“jeongguk, kuch zyada hi vishwas nahi kar raha tu uspe? Jaanta hi kitna hai tu usko?”

Excuse me?

“pehli baat, aap hote kaun ho jeongguk ke baare me esa bolne wale? AAP kitna jaante ho use? Aur dusri baat, mein uspe kaise bhi vishwas karu usse aapko kyun mirchi lag rahi hai? Shakkar khao aur shaanti se apni zindagi jio aur mujhe bhi jine do"

"Taehyung tu samajh nahi raha, vo tujhe dhoka bhi to de sakta hai?"

"Dhoka to aapne bhi diya tha?"

Iss par unke chehre ke rang udd gaye.

"Taehyung--"

"Are aapne to humari dosti tak ki parwah nahi kari, bas chal diye bina kuch bole"

"Lekin ab mein wapas aa gaya hun"

"Ehsaan kiya? Nahi aate, my life was finally going really fine without you"

"Matlab mere yahan aane se tu zara sa bhi khush nahi?"

"Actually no, mein khush hun, aapki wajah se mujhe jeongguk ke saath room share karne ko mila, hum aur zyada paas aa jaenge"

"You can't do this to me, MEIN SIRF TUMHARE LIYE WAPAS AAYA HUN TAEHYUNG"

Dude chill itna gussa kyun?

"Really? To aapko mein finally yaad aaya? Matlab aapko finally laga ki kim taehyung exist karta hai? Wow"

"Dekh taehyung-"

"Nahi aap dekhiye, bohot mushkil se sambhal paaya hun me, 2 mahine tak paralysed raha tab jaake samajh aaya ki mere dil mein kaun hai aur kaun nahi"

"Aur vo mein nahi hun?"

"Ye bhi koi puchne ki baat hai, aap to the, ab vahan jeongguk hai, aur mein chahta hun ki vahi rahe--"

*khatak* darwaze ke bahar kuch gira, KISNE HUMARI BAATE SUNI?

"KAUN HAI WAHAN?" bhaag kar dekha to vo banda already bhaag chuka tha.

Akhir kaun tha? Jeongguk to nahi?

Tabhi hobi ne mera collar pakda, hobi gusse me tha, bohot zyada.

"Are jaane do meri collar ko, kal hi to dhoi thi yaar, kharab mat karo please"

"Taehyung mere saath mazak mat kar, pyaar se baat kar raha hun samajh jaa, bhul jaa jeongguk ko"

Apne collar unke haaton se chudakar mene bhi mast dialogue bol hi diya. "Rahul gandhi hai kya vo, jo use bhul jau?"

"TAEHYUNG TU JAANTA NAHI HAI MEIN KYA KAR SAKTA HUN"

"Acha chalo bata hi do aap kya kar sakte ho"

"Tera vo jo jeongguk hai na use mein chutkiyon me khatm kar sakta hun, uski kya aukaat hai mere saamne"

"Acha? Theek hai jao, khatm kar do use"

"What?"

"Are jaooo, mein khud bol raha hun jao, aur khatm kar do use"

"You will regret this taehyung, mein ab pehle wala hobi nahi hun"

Bas ye kehkar hobi wahan se gusse me nikal gaya jeongguk ko maarne. Tabhi dusri taraf se suga bhaiya aae, shock ho gaye hobi ka gussa dekh kar.

"Ye kahan jaa raha hai jwala mukhi bankar?" Unhone pucha

"Zyada Kuch nahi bas jeongguk ko maarne jaa rahe hai"

"KYA? TO GADHE TU YAHAN KYA KAR RAHA HAI, USE ROK, JEONGGUK SACH ME MAARA GAYA TO"

"Acha? To chalo jeongguk ki dead body dekhke aate hai" mene unko apne saath kheecha aur chal diya vahan jahan jeongguk hoga kyunki vahin par hobi bhi hoga, lekin phir mujhe kuch yaad aaya…

"Agar abhi jaenge to maar-dhad chal rahi hogi, ek kaam karte hai raaste me kachori kha lenge, tab tak action scene finish ho jaenge, phir hum direct dead body dekhne chalenge"

"Taehyung tu pagal ho gaya hai kya?" Suga bhaiya kuch samajh hi nahi paa rahe the.

=================

Suga pov

Mujhe bohot tension ho rahi thi. Hobi ka gusse wala chehra agar koi dekhega to vo bhi darr jaega. Kitna badal gaya hai vo ladka. Pehle pyaara sa tha ab to rakshak jaisa lagta hai.

Aur ek taraf taehyung tha, bas kachoriyan thuse jaa raha tha. Bhagwan kare ye kachoriyan iske paet mein gadbad kar de. Saale ko fikar hi nahi jeongguk ki.

Jaise taise use kheech ke unki classes me pahunche, kyunki iss samay jeongguk vahi hota hai to hobi bhi wahin hoga.

Dimaag me alag alag tasveere chal rahi thi, jeongguk ko bacha lena bhagwan bas yahi mantra padhe jaa raha tha mein.

Jab hum wahan pahunche to mein ready tha jeongguk ko adh-mari halat mein dekhne ke liye. I was fully prepared.

Lekin jab mein wahan pahuncha to suraj ulti disha se ugaa hua tha. Hobi dard mein chilla raha tha jab uske chele uske zakhmo par dawai laga rahe the, aur jeongguk? Vo to diwar ke sahare bade boriyat se hobi ko dekh raha tha.

Ye sab kaise hua?

Taehyung ka chehra bata raha tha ki vo bilkul bhi shocked nahi tha. Esa lag raha tha ki use pehle se pata tha ye sab hone wala hai.

"To hobi? Maar diya jeongguk ko?" Taehyung ne pucha

"I am sorry, mujhse galti ho gayi" hobi ne rote hue maafi maangi "mein tumhare beech mein nahi aaunga"

"Koi mujhe bataega hua kya hai?" Mene pucha, dimaag chakra raha tha mera.

"Suga bhaiya mein batata hun" jeongguk ne bola

Flashback

Mera pov

Hobi gusse me laal, enter hua vahan jahan jeongguk tha, jeongguk apni class se bahar nikal hi raha tha, uske haat mein jo phone tha use dekhke muskara raha tha, Lekin hobi ne sabhi public ko ignore maara aur chad gaya jeongguk ke upar.

Hobi ne jeongguk ko direct punch maara muh pe. Ek waqt ke liye jeongguk hil gaya. Thodi der baad khud ko sambhala to dekha saamne hobi gusse mein khada tha. Apna phone pyaar se pocket me rakhke usne hobi ka samna kiya.

"Kya chahiye? Ye muft ka gift kyun maara mere muh pe?"

"Abhi to aur bhi gift bache hai, teri iss cute si shakl ka huliya badal dunga aaj me"

Hobi ne apni karate skills dikhate hue jeongguk par humla kiya lekin jeongguk asaani se usse bach gaya.

Next jo sabne dekha usse sabki ankhen chaudi ho gayi. Jeongguk ne hobi ka hath peeche se mod ke use diwar me almost chun diya.

Hobi dard se chilla raha tha aur jeongguk uska haat aur takat se marode jaa raha tha.

"Chilla!! Aur chilla, pure kota ko pata chale ki jeon Jeongguk se panga lene ka nateeza kya hota hai"

"I-i am s-sorry, please MUJHE JAANE DO"

"Kyun bhai? Kyun itni meharbaani karu mein tujhpe? Kya bola tha? Meri cute si shakl bigadega?" Jeongguk ne zor se hobi ko laat maari jisse phir hobi ki cheekh nikali.

"MAAF KARDE BHAI"

"Dekhle shahar ke aae hue hobi, mein hun desi munda ekdum gaon ka, jo gundagardi tune kuch mahino me seekhi hai vo to bachpan se meri dost hai"

"I am sorry, ab esa nahi karunga"

"Better!! Ek baat aur sun le, jitni cuteness meri shakl pe dikhti hai na? Usse zyada haramkhori meri rago mein behti hai, agli baar taehyung ke paas jaane ki koshish ki, ya humare beech me aane ki koshish ki, to shareer ki saari haddiyan ese tod dunga ki doctor bhi na jod pae"

Present

Suga pov

"Tune esa bola jeongguk?" Taehyung ne chonk ke pucha.

"Jimin ne mujhe video bheja tha, jisme teri aur hobi ki baate thi, bas vahin tera adhura confession sun liya" jeongguk ne vo teasing wali smile ke saath kaha

"OHO MATLB DARWAZE KE BAHAR JIMIN THA? MY GOD" taehyung chillaya.

Ye dono kya baat kar rahe the kuch samajh nahi aaya par jab jimin bhi classes me ek ghabrae hue chehre ke saath pahuncha to taehyung ne sabse pehle uska collar pakad liya.

"Saale tune video kyun banai, aur jeongguk ko bejh bhi di?"

"Obviously esi opportunity kaun haat se jaane dega? Mujhe credit jo lena tha ki "teri love story me mera bohot bada haat hai" to bas bhej di usko video" mera boyfriend kya bol raha tha pata nahi, par jo bhi yahan ho raha tha usse ye pata chal raha tha ki ab jeongguk aur taehyung ki setting pakki.

Phir jeongguk taehyung ko kheech ke bahar le gaya, finally ab ye ankh micholi na khele aur seedhe baat kar le to acha hai.

"Jimin mujhe bataega kya hua?" Mene pucha

"Zyada kuch nahi, bas mene esa kuch kiya jisse tumhe mujhpe garv hoga"

"Vo to mujhe humesha se hi tha, par abhi puri kahani bata"

"To hua yun…"

==============

Nukkad pe khade hoke dono jeongguk aur taehyung chup chap khade the. Samajh nahi aa raha tha ki baat ki shuruat kahan se kare.

Tab taehyung ne socha ab kis baat ka sharmana, sab kuch to bahar aa hi gaya.

Dono samne lagi street light ko dekhte hue baate karne lage.

"Mujhe pata tha, hobi tera kuch nahi bigad paega"

"Kaise?"

"Mene jhele hai tere hatiyaar, mujhse behtar pure kota mein koi nahi jaanta, tu kya cheez hai, mujhe pata tha tu hobi ko acha maza chakhaega"

"Well, vishwas karne ke liye shukriya, aur kuch?"

"Sach bolu to, mujhe tu pehle din se hi kuch alag laga, par mera ego kaho ya gussa ya kuch bhi, mene kabhi uss cheez ko dhyan se socha nahi"

"Hmm mujhe bhi tum pehle din se kuch zyada hi ache lage the. Pehli baar dekhte hi hosh udd gaye the mere" jeongguk ko jab unki pehli mulakat yaad aayi to ek muskan to aai uske chehre par.

"Yaad hai mujhe, kaise statue ban gaya tha,  aur vo "mera naam padosi hai, mein aapka naya jeongguk hun" bhi yaad hai mujhe ache se" taehyung ki iss baat par dono has pade aur mahol thoda halka ho gaya.

"Kya karun, pighal jo gaya tha. Mera kya kasoor, kudrat ka karishma saamne khada ho to koi bhi ladkhada jaae"

"Oh ye to bohot normal hai, kaafi ladke bolte hai" taehyung ne style me bola jaise ki ye to roz ki baat hai.

"Really?" Jeongguk ne taehyung ko 'beta humse hoshiyari?' Wali nazaro se dekha.

"Acha okay, kaafi ladke to nahi but kuch ne bola hai" taehyung ne sacchai batate hue bola.

"Hmm to phir aage kya plan hai?" Jeongguk ne pucha.

"Zyada kuch nahi, mera boyfriend padhai mein acha hai uska fayda uthaunga, aaj se tu mujhe padhaega jeongguk" taehyung ne jeongguk ko point aur phir wink karke bola.

"Pehli baat, boyfriend? Aur dusri baat, mein padhaunga?"

"Han kyun? Uss din pinky ko nahi bola tha 'ye hai mera boyfriend, taehyung', pehle ese hi bola tha, abhi promotion kar do aur official kar do, simple" taehyung ne bola.

"Baat to sahi hai, lekin mein padhai me tumhari help kyun karu?"

"Mera roommate aur boyfriend hone ki khatir tu itna sa bhi nahi kar sakta? Iss gareeb ki thodi madad kar de, varnaaaaaa"

"Varna kya?"

"Varna mujhe hobi se help leni padhegi, vo bhi pdhai mein bohot ache hai" taehyung jaane wala tha par jeongguk ne use pakad ke rok liya

"A-are are mein to bas teri taang kheech raha tha, madad karunga na, apne boyfriend ki madad nahi karunga to kiski karunga?"

"Ab aaya na tu line pe"

"Lekin meri ek shart hai" jeongguk ne bola.

"Kya?"

"Apne uss home theatre ko na thoda chill maarne do, future mein mujhe bolne ki zarurat nahi padni chahiye ki "Taehyung volume kam kar", samjha?"

"Pakka promise"

Bas isi ke saath dono boyfriends ghar ko nikal diye, ek nayi shuruat ke saath.

==THE END==

This chapter, this story ends here.

Fact: ye to bas ek oneshot hone wala tha jahan taehyung tang karta hai jeongguk ko loud music se, par phir mujhe itna pasand aaya ki isse extend kar diya aur story hi bana diya.