Swacchta abhiyan

Modi ji ka naam lete hue mene din ki shuruat kari. Aaj classes nahi thi meri par mujhe pata tha uski hai.

Isilie subah 6 baje uthke, hallway me paani daal diya, aur phir acche se pocha laga diya. Sirf utna hi ache se ki mera kaam ho jaae.

Phir apne room me jaake padne beth gaya. Intezaar kara uske bahar aane ka…

5 min baad.

Aaja...

10 min baad...

Jaldi aa…

20min…

Kahan marr gaya??

“UII MAAAAAÀAAA. YE YAHAN ITNA GEELA KYUN HAI??”

“plan successful. YES YES YES” uske chillane ki awaaz mere liye sangeet se kam nahi thi.

Wahhh kya originality hai. Taaliyan to baja do mere liye!!!!!

Masoom sa chehra banake mein bahar gaya to dekh ke zoro se hasne ka mann kiya par character me rehna zaruri tha.

Chipakli ki tarah zameen par leta tha.

“Oh ho. Kya hua aapko?”

“Ye yahan pani tune daala?”

“Han bohot gandagi ho rahi thi to saaf kar diya”

“To batana to chahiye tha?”

“Mene darwaza bajaya tha Par aapke gaane ke volume me aapko sunai hi nahi diya hoga”

Uska chehra dekhne layak tha. Mein out of control hue jaa raha tha. Bohot hasi aa rahi thi.

“Meri daal chad rahi hai, Bye. Ese mat lete rahiye, Classes nahi jaana?”

“Lekin meri help--”

Ignore maarte hue mein bhaag ke apne room me aa gaya aur zameen par hi late gaya. Itna khul ke hasa ki pet me dard ho raha tha.

Ye to sirf shuruat hai Taehyung. Aage aage dekho hota hai kya.

Ewwww

Classes se aane ka time ho raha tha uska and mera mixture abhi tak ready nahi tha…

Chii kitna ganda hai. Vo zarur pareshaan hoga.

Phatafat mene vo mixture uske doorknob pe laga diya.

Mene phir uske aane ka wait kiya. Mene bataya nahi? Mere room me ek choti si window hai, pura street dikhta hai. Wahan se mene dekh liya ki vo aa raha.

Bohot thaka hua lag raha tha. Par phir bhi hasin?? Uff. Apni ankhen bechne ka mann kar raha tha.

Mene darwaze ke paas kaan lagake kiya intezaar.

“AAAAAÀAAAAA YAAAAK CHIIIIIIIIIII YE KYA HAI?”

apne hi room me ek chota sa victory dance kiya.

“PYAAZ?”

han bhaiya, kota ke pyaaz bohot rulate hai. Mene to chambal hi baha di unhe kaatne me. *wipes away fake tears*

“GREECE?”

Chii kitna rough rough tha. Abhi bhi haat se nahi gaya.

“LAHSUN?” (GARLIC?)

Smell to aani chahiye na!!

“KAHIN YE REEMA AUNTY KA GHATIYA DETERGENT POWDER TO NAHI? USKI BADBU CHIIIIIIIII”

Thank you reema aunty. Aapka ghatiya detergent kahin to kaam aaya.

“KISNE KIYA YE?”

Mene sleepy face banaya, aur bahar aaya. “Kya hua aapko?”

“Ye sab tune kiya hai?”

Krishna bhagwaan ki kasam gusse me hot lag raha tha.

“kya?

“ye. Ghatiya si cheez jo mere haatho se jaa hi nahi rahi.”

“Nahiiiiiiiii to”

“Tu yahin ruk. Abhi aakar teri khabar leta hun.” Ye bolke vo andar chala gaya aur me phir hasne laga.

Bohot maza aa raha tha.

Kuch der baad vo wapas aaya. Mene phir bholi si shakal banayi. “Kya hua?”

“tere haat bata!” He demanded.

Oh shit. Vo greece to abhi bhi haat se gaya hi nahi.

“kyun? Mere haat kyun dekhne hai? Jyotish ho kya?” mene haat piche chupa liye.

“chup chap idhar dikha” usne zabardasti mera haat pakad liya. Current dod gaya puri body me.

“mujhe pata tha ye teri hi harkat hai. Chal suga bhaiya ke paas”

“meri baat to suniye!” mene bohot koshish ki use rokne ki par vo to mujhe zabardasti kheench ke suga bhaiya ke paas le gaya.

Jhoot nahi bolunga, suga bhaiya ko dekhte hi mein darr gaya. Vo bade hi peacefully book pad rahe the par phir bhi mein darr raha tha. Jab aapke padosi aapki complaint leke aapki mammi ke paas aate hai, vaisi hi feeling aa rahi thi.

“Bhaiya ye dekho iski harkate. Aaj subah paani daal ke mujhe giraya to abhi ye gandi si cheez se mere haat kharab kar diye”

Bachale murlidhar, abhi to meri shaadi bhi nahi hui.

Suga bhaiya ke bolne ka intezaar saha nahi jaa raha tha. Dil zoro se baj raha tha. Paer kaanp rahe the. Puri body shake ho rahi thi. Mein sirf zameen ki taraf dekh raha tha. Sir uthane ki meri himmat nahi thi.

“that means score 2-10 ho gaya” suga bhaiya ne jo bola usse mein aur taehyung dono hairan the.

“bhaiya ye aap kya bol rahe ho, konsa score? Kis game ka score?”

“yahi, tere or jeongguk ke beech jo game shuru ho gaya hai, uska score ho gaya hai 2-10” Suga bhaiya ne meri taraf smile karke bola “Good going jeongguk. Mein teri hi team me hun”

“thank you bhaiya” mene badi si smile dikhai par vo utar gayi jab taehyung ne meri taraf gusse se ghoora.

“ye aap kya bakwaas kar rahe ho bhaiya?” Taehyung ne gusse se bola.

Suga bhaiya ne aaraam se apni book side me rakhi, apna chashma utara or humari taraf aae. He was too chill. Koi farak nahi pad raha tha unhe, i love his personality.

“jeongguk tu jaa” mein to bhaag gaya jaise hi unhone ye bola, par darwaze ke bahar khade hoke mene sab sun liya.

Sorry suga bhaiya!!

“kya? Bas itna hi kar sakta hai tu? Tu use pichle dus din se pareshaan kar raha tha, bhool gaya? Iski shuruat tune ki thi, aaj usne palat kar jawab kya de diya, tu bachho ki tarah mere paas aa gaya. Bas yahi hai teri taehyung-giri??”

“aap kiski taraf ho bhaiya”

“Mein teri taraf to bilkul nahi hun. Kyunki jo tu kar raha hai vo bilkul galat hai”

“Kuch galat nahi hai bhaiya-”

“Sab kuch galat hai. Teri zidd galat hai. Tera maksad galat hai. Tera tareeka galat hai. Vo chala gaya. Ab vo kabhi wapas nahi aaega. Uske liye baakiyon ko kyun pareshaan kar raha hai?”

“mene bola tha aap iske baare me baat nahi karenge”

“kyun na karun jab saare fasaad ki jadd wahi hai. Taehyung mere bhai, move on karna mushkil zarur hai par impossible nahi”

“stop it bhaiya”

“Okay. Use chod dete hai. Iski baat karte hai. Jeongguk is different, ye baat to tujhe ab tak samajh aa hi gayi hogi. Jung ab shuru kar hi di hai to use ladna bhi sikh le. Ab tak to game bohot easy tha, lekin ab se asli khel shuru hoga, kyunki dushman tagda hai taehyung. Bachho ki tarah rote hue mat aana mere paas agli baar, nahi to next time bhi lecture hi milega”.

Apne room me aake mene bohot socha.

Kya baat kar rahe the vo? Kaun chala gaya? Kahan gaya? Move on? Ye kahin pyaar-vyaar ka to chakkar nahi?

Mein jo kar raha hun vo sahi to hai na?

Ye sab baate soch kar mein guilty feel kar raha tha par--

“AA DEKHE ZARA KISME KITNA HAI DUM...JAMKE RAKHNA KADAM...MERE SAATHIYA~~”

“SAATHIYA NAHI HUN MEIN TERA. BUT THANKS FOR SONG. I AM GETTING MOTIVATED”

Mein kuch galat nahi kar raha. I will not stop. Iss taehyung ko mein nahi chodunga. Taehyung-giri, my foot. Ab dekho jeongguk ka tashan.

...To be continued.