Zamana to dushman sadiyo se tha humara par apno ne bhi koi kasar na chhodi

Kabhi zor se hase to kaha haya se raho ladki ho tum

Kisi ki galat baat ka jawab diya to kaha apni had me raho ladki ho tum

Kabhi apni khwahisho ko sach karna chaha to kaha chulha chauka karo ladki ho tum

Koi galat niyat se haath firata to kaha tumhari galti hai kyuki ladki ho tum

Kisi ne ye na bataya ki khud ko insaan na samjho kyuki ladki ho tum

Kisi ne ye na sikhaya ki khud ki raksha khud kro kyuki ladki ho tum

Wo raavan ka putla jalate hai ki wo paapi tha jisne sita ka haran kiya

Un anginat rakshaso ka kya jinhone ram banke na jane kitni sitao ka maran kiya

Ladki ho tum ladki ho tum kehke na jaane kitna dabaya hamein

Taano ki bauchhar se is zamane ne khud se hi daraya humein

Bolti bandh kr di humari, bachpan ka gala ghont diya

Khud ko aayina na dikha sake isliye ghunghat ka oant kiya

Purush se bachne ki salah bhi purush hi deta hai, ho gyi insaniyat kahi gum

Khud ko purush ke barabar banao kyuki sita ki missal ab purani ho gyi hai

Agni pariksha ke naam par pratadna, aur draupadi vastra haran to aam si kahani ho rhyi hai

Ab is sabse chhutkara tumhe khud hi pana hoga kyuki ladki ho tum

Tumse paida hokar tumpr hokum na chalaye ye sikhana hoga

Ma ke anchal ki tarah har ladki ke anchal ko samman dilana hoga

Samaj ko insaniyat aur aurat ki ahmiyat ko samjhana hoga

Kyuki ladki ho tum, tumhe laadki hone ka farz nibhana hoga