Itna ham nahi sochte tumko likhte hue,
To itna aap kaise sochte hai ise padhte hue
Dil se mohabbat jo karte hai aap
To zahir si baat hai khudko rokenge khudse ladte hue

Sochkar k ham gussa karenge , shaant se ho jaate hai aap
To phir ye sochiye kisse ab lade ham
Bhale hi dosh kisika na ho,
Agar tum ye sochoge, phir batao gussa kispe kare ham

Jaha duniya me kisiko hamari khushi ki parwah nahi hai
Waha aap hi to khayaal rakhte hai har baat ka
Dhyaan dete hai k kahi kuch bura na lag jaye is baat ka
Ya dukh na ho jaye kahi tumhe us baat ka

Kya sochte hai aap, kabhi bola kare
Kabhi khudke k panne bhi khola kare
Khol k hamare saamne rakh diya kare
Taaki ham bhi unhe kabhi padh liya kare

Har baar ye zaroori nahi k aap hi padhe,
Kabhi kabhi hamare liye bhi chod diya kare
Bas itna hi kehna tha aapse ,maan liya kare
Zara khudke dil pe bhi to gaur kar liya kare

Jaante hai k aap se behtar nahi honge kabhi,
Par ham kuch koshish to kare
Ham bhi dheere dheere seekh jayenge,
Zara thoda sa wakt to adaa kare

Kabhi kabhi aap bhi keh de apne dil k raaz,
Kabhi kabhi aap bhi ched dijiye koi gazal k saaz
Tabhi to jaan payenge kisme ruchi hai aapki,
Aur kisme bas hamare liye rakhe hue kuch raaz

Jaha har baat me aap ye zaroor sochenge,
K isse behtar  kaise ban jau
Bas itna yaad rakh lena
K tumsa pyaara koi aur nahi

Bata to diya hai k aap kitne hai dil k paas,
Kabhi kabhi maan jaeyega hamari ye bhi baat
Ham jo kehte hai sach hi kehte hai,
Chahe kabhi bura bhi lag jaye aapko us baat k baad.

Jaha likhawat to Kalam se ho jaati hai
Yakeen rakhiye janaab,
Aap bhale hi baatein chupaye aapki
Aakhein saari aapki keh jaati hai behisaab

Rona phir bhi gawara nahi hai
Kyuki kehte hai ladke rote nahi,
Par dhyaan rakhyega kabhi kabhi rula bhi diya karenge aapko
Kyuki dil halka ho jaayega aapka uske alawa ham kuch sochte nahi

Kya ye 1 kavita hai ya 1 ehsaas
Koi nahi bata payega ye raaz
Bas phir bhi icha ye rahegi
K shaayad aap samajha paye hame hamara ye raaz❣️

Maana k mohabbat hame tumse nahi,
Par dil pe na lagaye ye baat
Ham to beyhad darte hai iss ehsaas se
Kyuki har mohabbat ki hai yahi dil todne ki baat.