Continue from previous part:

AS: SHO mallik agar apko yad ho toh hum nay apko humari ek aamanat do thi.

HM: ha humain yad hai ap pendrive ki baat kar rhy hain na.

AS: ha usi ki baat kar rhy hain..

HM: apko abhi uski kiyà zaroorat hai.

AS: kyun Kay Jo Kam hum nay adhora chora hai usay pora bhi karna hai, waisay hi buhat zayda samay barbad ho gaya hai humain jald say jald is mission ko is Kay anjam tak pohncha hoga.

HM: abhi ap kay liey mission say zayda zaroori apki sehat hai, jab tak ap pori tarha say theek nahi ho jatay hum apko kahen nahi janay dyn gay.

AS: yeh ap humain order day rhi hain?

HM: Jo apko theek lagay waisa hi samjh lyn.

AS: SHO mallik shaid ap bhool rhi hain k order daynay ka haq ya toh ap kay seniors ka hota hai ya phir ap unka Jo ap kay buhat qareeb hun, par ap in dono mei say koi nahi hain.

HM: shaid ap bhool rhy hain Mr Anubhav Singh, ap hum say shaid physically ek hi bar milay hain magar hum pichlay 6 mahinay say roz ap say miltay aaey hain, or ha in 6 mahinon mei hum itnay close toh aa gay hain Kay hum apko order day saken.

AS: SHO mallik yeh ap theek nahi Kar rhi hain, dekhain humaray liey desh ki suraksha pehlay baqi cheezain bad mei aati hain. Or waisay hi in sab chakaron mei buhat samay barbad ho gaya hai.

HM: jis mission ki ap baat kar rhy hain Mr Anubhav Singh woh mukamal ho chuka hai, Mukesh or us Kay sathi jail Kay salakhon k peechay hain or bacha Suraj woh bhi buhat jaldi ghurb ho jaey ga.

AS: ap kaisay janti hain mission k baray mei?

HM: kyun ap hi nay toh humain woh pendrive di thi...

AS: ap nay usay dekha hai us say information nikali hai , ap aaisa kaisay kar sakti hain, hum nay apkay pass woh aamanat Kay toar par rakhwai thi.

HM: agar hum usay nahi dekhtay toh tumhara naam or tum Kaun ho kaisay pata chala humain?

AS: Kahan hai woh pendrive abhi...

HM: kyun?

AS: humain chaheay..

HM: humaray pass nahi hai.

AS: toh phir Kahan gae?

HM: dekho us waqt tumhain aaram ki zaroorat hai yeh jannah tumharay liay zaroori nahi hai abhi.

AS: SHO mallik humari baat ka sedha sedha jawab dyn Kahan hai pendrive , humain abhi isi waqt chaheay... Ek toh ap nay hum say pochay bina us say information nikali or ab keh rhi hain k ap k pass nahi hai Kahan gae woh, kahen ap nay usay Mukesh awasti ko toh nahi ap aaisa nahi Kar sakti bataein Kahan hai woh?

HM: wahen hai jahan usay hona chaheay tha IB Kay head office mei tumharay boss Kay pass, jis k basis par unhon nay action lay Kay Mukesh awasti or us k sathiyun ko griftar kiyà hai, par Suraj zaroorat say zayda chalak nikla bhag gaya or tumharay boss nay Suraj ko pakarnay ka kariey humain saunpa hain jisay hum karishma Singh k Sath mil kay lead Karen gay.

AS: shukar hai SHO mallik waqai hum nay Sahi waqt par Sahi faisala liya tha usay tumharay hawalay karnay ka.

HM: kiyà ap us waqt say humain SHO mallik SHO mallik bulaey ja rhy hain humara ek acha sa naam humari Ammi nay rakha hai haseena, atleast ap humain haseena mallik toh keh Kay bula saktay hain na, ghalat kaha hum nay nahi na, humain bilkul pasand nahi hai koi humain is naam say bulaey, aaisa lagta hai Kay ap Kisi purush say hum Kalam ho. Aur kitni dyar say hum say sawal jawab kiey ja rhy hain ap, hum apko apradi dikhtay hain kiyà? Hum toh kisi apradi say bhi itni interrogation nahi kartay jitni k ap kar rhy ho, or tumhari dictionary mei thank you, sorry, jaisay alfaz nahi hain kiyà? Hum nay tumhari khidmat 6 mahinay tak ki hai par majal hai janab k mun say shukriya ka ek lafz bhi niklay, dekho hum ehsan nahi Jata rhy hain tum par, yeh humara farz tha par ap ho Kay humain sunaey ja rhy ho humain, agar apki jagha koi dosra hota toh dus bar humain thank you bol chuka hota, par ap Ulta humain ghalat samjh Kay humain hi doshi bana rhy ho.

AS: shant... shant ho jao tum apni gari par break lagao , kitna bolti ho tum zaban nahi thakti hai tumhari, us waqt say non stop boli ja rhi ho.
Ok thank you so much Jo ap nay humari jan bachai and thanks Jo bhi ap nay humari khidmat ki hai and sorry us lay liay Jo humari wajah say apko takleef hui hai, ab theek hai na MS non stop 🛑.

HM: Ms non stop 🛑 kyun haseena kehnay mei tumhari zaban par tala lag Jata hai kiyà? Yeh tum gongay ho jatay ho us samay.

AS: tumhain bura kyun lag rha hai tum bhi toh humain Mr silent 🔕 keh Kay bulati thi.

HM: tumhain kaisay pata tum humari batein sun rhy thy na.
Bolo.

AS: nahi humain karishma Singh nay bataya tha shaid tumhain yad ho toh...

HM: ha ha yad hai humain.

AS: toh Ms non stop 🛑 ab ap bhi sorry bolain gi ya nahi hum nay toh keh diya apko sorry.

HM: sorry bola tha ya ehsan kiyà tha? Or hum kyun bolain sorry.

AS: Ms non stop ap nay humari ijazat k bina humari aamanat mei khayanat Jo ki thi.

HM: theek hai sorry. Or non stop bolna band karen humain.

AS: yeh baat toh apko pehlay sochni chaheay thi jab Kay ap janti hain samnay wala apki kisi baat ka jawab nahi day rha toh apko bhi khamosh rehna chaheay tha par nahi batein Kar Kay usay irritate Karna zaroori tha na.

HM: ap silent 🔕 mode par hi theek thy, ya Allah isay zaban kyun di hai.

Here maa and karishma Singh enters.

AS: maa ap humain ghar kab lay ja rhi hain?

Maa: kyun tu kyun poch rha hai?

KS: ha bhaiya waisay bhi sir nay Kaha hai k jab tak Suraj pakra nahi Jata ap yahan say kahen nahi jaen gay. Dekhna buhat jald hum or maddam sir usay pakar lyn gay.

AS: lekin behna hum aaisay kaisay Kisi or par or kab tak boojh banay rahen gay, Ms mallik or unki family bhi humari wajah say buhat disturb hoti hogi.

Ammi: nahi humain koi pareshani nahi hai tumharay yahan rehnay say. Balkay humain khushi hogi agar kuch din tum yahan aur ruk jao, apni maa k Sath.

KS: Ammi bilkul theek keh rhi hain bhaiya.

AS: Ammi?

KS: yeh Ms ki Ammi hain or jab inhain or MS ko problem nahi hai toh aur kisi ko kiyà problem hogi.

AS: par Inka parivar?

HM: sirf do hi log hain humaray parivar mei hum or humari Ammi.

AS: or baqi sab? Humara matlab hai ap kay bhai behan ya ap kay father?

HM: koi bhai behan nahi hai humara or Abu ki death us waqt hui thi jab hum eighth standard mei thy.

AS: ap nay kabhi un Kay baray mei baat nahi ki?

HM: baat nahi ki? Kehnay ka kiyà arth hai apka?

AS: humain jan Kay buhat dukh hua dekhain na MS mallik humaray bhi pita ji buhat choti umar mei humain chor gay thy, maa nay Pala hai humain, woh bhi ek IB agent thy ek mission k doran shaheed ho gay thy, hum bhi baba ki tarha desh ki sewa karna chahtay thy isliay yeh field join ki or maa ko nahi bataya kyun k hum nahi chahtay thy k maa ko koi bhi sadma pohnchay.

HM: humaray Abu bhi ek police officer thy, janta ko bachatay huay dushmanon ki sazish ka shikar ho gay ek bomb 💣 blast mei shaheed ho gay.

KS: aray ap dono bhi kiyà beeti batein lay Kay baith gay hain, aaj toh khushi ka din hai or khushi k moqay par udasi achi nahi lagti. Kyun chachi ji.

Maa: Sahi Kaha tum nay.

Ammi: toh is khushi Kay moqay par kuch metha ho jaey phir?

HM: Ammi no metha apko diabeties hai or yad Karen last time apki sugar level kitna barha hua aaya tha.

Ammi: woh toh ek haftay pehlay ki baat hai , pichlay ek haftay say hum nay cheeni ka ek Dana bhi mun par nahi rakha hai.

HM: acha theek hai kiya khana pasand Karen gay ap sab hum abhi sab Kay liey lay Kay aatay hain.

KS: ice cream.

Maa: kheer.

Ammi: sheer khurma.

HM: or apko sir?

AS: Jo apko pasand ho, humara maan chocolate 🍫 khanay ka kar rha hai.

HM: chocolate 🍫 apko kaisay pata humara maan chocolate khanay ka kar rha hai.

AS: ap kay maan ka nahi pata ha humara dil zaroor chah rha hai k hum chocolate 🍫 khaen.

HM: theek hai hum abhi lay k aatay hain sab ki maan pasand cheezain.

KS: chalen Ms hum apki madad Kar daytay hain.

HM: ek baat kahen KS agar ap bura na manain toh.

KS: ji MS bilkul nischit ho k kahen Jo kehna hai.

HM: ap ghar par humain maddam sir nahi Didi ya di keh k bulaya Karen.

KS: Di ?

HM: kyun bura laga apko sorry humari intension apko hurt karnay ki bilkul nahi thi.

KS: aray nahi Ms balkay hum toh khush hain humari koi bari behan Jo nahi hai. Theek hai aaj say hum apko haseena di keh k bulain gay.

HM: magar sirf off duty on duty hum ap kay senior hain.

KS: samjh gay di.

HM: toh phir chalen.

KS: ji.
**************

KS: ouchhh.

HM: kiyà hua karishma Singh?

KS: di woh lagta hai humara bracelet toot gaya hai zara isay nikal dyn , or humaray hath mei yeh tray hain na kheer or sher khurmay ki.

HM: ok she puts chocolate 🍫 on the tray and remove bracelet from her wrist during this haseena's palm injured by the broken hook of the bracelet.

KS: kiyà hua?

HM: woh bracelet say hath mei chot lag gae hai.

She puts the tray on the table and examines her wound.

KS: sorry Ms humari wajah say apko choat lag gae.

HM: aray mamoli sa ghao hai ap chinta mat karen theek ho jaey ga

KS: phir bhi di humari wajah say apko takleef pohnchi hai sorry.

AS is watching all this:
Inta sa ghao logon say bardasht nahi hota toh baray baray zakham kaisay jheelain gay, choti si choat hai aaey din lagti hi rehti hai, agar ap itni itni si baton mei dukhi hoti rahen toh phir ho gae desh ki seva. Humaray liey humaray har rishtay say barh k humara farz hona chaheay, apnon ki takleef humain kamzoor bana dayti hai or Baz auqat hum apnay laksh say bhatak jatay hain.

KS: dekhain bhaiya is waqt hum ghar par hain kisi maidan e Jang mei nahi, or ek police adikari honay say pehlay hum ek insan hain jis k seenay mei bhi ek dil hai, Jo Kay us kay apnon k liey dharakta hai bhalay hi Ms or humara nazarya ek dosray say alag hai par hum say unki takleef sehan nahi hoti, na hi hum say yeh sehan hota hai k koi bhi shaks humari Ms ko takleef day, har kisi ka dil apki tarha pathar ka nahi hota hai bhaiya. Na hi hum apki tarha apni ankhon k samnay apnay pyaron ki takleef ka tamasha deekh saktay hain.

AS: behna hum  ap kay laksh ki baat kar rhy thy dekhain apki chinta nay apko ap k laksh say bhakta diya, apki ice cream bhi phigal gae or maa ki kheer bhi thandi ho gae.

KS: ap apni chocolate enjoy karen, humain toh pighli hui ice cream zayda pasand hai. Dekhna bhaiya ek din aaisa zaroor aaey ga Jab apko humaray dard say takleef ho gi dekheay ga.

AS: woh din kabhi nahi aaey ga ks, kyun k jab hum nay IB join ki thi usi din faisala Kar liya tha, hamesha dil ko dimagh k qabo mei rakhain gay, kyun k dil baz auqat woh faisaly karwa dayta hai Jo humaray farz k nafi kartay hain. Pyar ka humaray liey ek hi matlab hai humari Bharat maa or humari maa jis nay humain Janam diya hai. Looking at haseena baqi sab baymol hain humaray liey.

Maa: bus kar apna gayan tu chocolate 🍫 k mazay lay or humain bhi Shanti say humara maan pasand metha khanay day. Or Haseena tu apnay liey kuch lay k nahi aai kyun tujhe khushi nahi hai Anu k theek honay ki.

HM: maa hum bhala kyun khush nahi hun gay, woh kiyà hai Kay humara maan chocolate khanay ka tha or ghar par ek hi chocolate pari thi.

KS: koi baat nahi di aaen ap humaray sath Ice cream 🍨 share Karen she puts a spoon full of ice cream in her mouth, Ammi and maa feed her kheer and sheer khurma from her bowl.

AS: humari taraf nahi dekhain hum apni chocolate 🍫 ap kay Sath share nahi Karnay walay.

HM: hum nay ap say share karnay ka toh nahi Kaha.

AS: chalen theek hai he lay lyn ap bhi kiyà yad Karen gi kisi dil walay say kabhi Pala para tha.

KS: Dil hai bhaiya ap k pass, humaray Sath toh kabhi kuch share nahi kiyà ap nay.

AS: behna share Karna para humain Ms non stop Kay Sath, warna jis tarha say yeh humain deekh rhi thi humara pait dard karta bad mei, or waisay bhi yeh chocolate toh in hi k hissay ki thi Jab yeh share kar sakti hain toh hum kyun nahi. Or buhat ho gaya aaram chalen planning kartay hain Suraj ko pakarnay ki or yeh mission Ms mallik nahi hum lead Karen gay.

********************

I hope you like it, Don't forget to leave your valuable feedback.

Upcoming:

Planning and Suspense.