Tumingin ako sa salamin
Hindi tinitigil ang bawat tingin
Ako ba tila'y hangin?
Ang mapansin ang tangi kong dalangin

Mga bulong na kaysakit
Dahilan nitong pasakit
Ang tinatagong hinanakit
Tinatagong pilit

Lumalayo sa karamihan
Pinipilit walang kampihan
Sabi nila'y sinasapian
Ngunit sarili ko'y ganyan

Weirdo man sa inyong paningin
Purong panlilinlang kaya niyo bang salagin?
Itong emosyong tago kasing lalim ng bangin
Hanapin niyo't naroon lamang sa hangin