Josrael Likan

***

Kumunot ang noo ko nang isang maliit na babae ang nagbukas ng pinto. Kumunot rin ang noo niya habang nakatingin sa akin.

"Sino ho kayo?" tanong niya.

"Sino ka rin?" tanong ko pabalik.

"Eh ikaw nga ang tinatanong ko kuya eh, sino kayo at anong ginagawa niyo sa bahay ni Lola Zen?" tinaasan niya ako ng kilay at humalukipkip sa tapat ng pintuan.

"Wala akong pangalan at wala kang karapatan na malaman kung bakit ako nandito," tinaasan ko rin siya ng kilay at inangasan.

"Aba't ang kapal naman ng mukha mo, kuya. Umalis ka na bago pa magdilim ang paningin ko," nagbabanta niyang sabi.

Umingos ako at tiningnan ang maikli niyang binti at braso. Matapang 'tong pandak na 'to.

"Kuya Jos!"

Mula sa loob ay patakbong lumapit si Ziya sa'kin. Yumakap siya sa binti ko kaya mabilis kong siyang kinarga. Tinulak ko yung noo ng babae dahilan para makadaan ako sa pintuan.

"Aba't, walang modo!" matinis siyang sumigaw.

Sakto at lumabas si Zenon na nakabihis ng pangbasketball. Bagong ligo pa si gago.

"Ano ba 'yan, Joy! Ang ingay-ingay ng bunganga mo ang aga-aga. Tsaka, bakit ka ba nandito na naman?" Inis na sabi niya. Ngumisi ako sa babae na umirap lang sa akin.

"Nagdala akong lutong champorado ni Mama. Para sa inyong tatlo lang 'to. Bawal 'to sa mga bisitang walang modo," pasiring niya akong sinulyapan.

Napataas ang kilay ko at tumikhim ng malakas.

"Zenon, bakit ka ba nag-aampon na shitzu dito?"

Nagtaka si Zenon sa tanong ko habang tumitingin sa buong sala.

"Wala naman kaming alagang aso, gago. Kung ano-anung sinasabi mo dyan, gutom lang 'yan. Tara kain muna tayo," sinenyasan niya akong sumunod sa kusina pero kaagad akong hinarangan nung babaeng shitzu.

"Bawal kang kumain ng champorado ko," taas kilay niyang sabi. Muli kong tinulak ang noo niya. Bago ako tuloy-tuloy na pumasok sa loob ng kusina nina Zenon.

"Nasaan si Lola Zen?" untag ko kay Zenon na inaayos ang buhok ng kapatid. Binuhat niya rin ito at pinaupo sa katabing upuan.

Umupo ako sa tapat nilang magkapatid at padabog na umupob 'yung babaeng shitzuo sa tabi ko.

"Maagang namalengke, alam mo naman na early bird ang lola ko," natatawa niyang sabi.

Kukuha na sana ako ng champorado nang agawin iyon nung babaeng katabi ko. Masama ko siyang tiningnan pero hindi niya ako pinansin at siya mismo ang naglagay sa plato ko.

"Hindi ako nagda-diet," komento ko nang makitang dalawang kutsara lang ang nilagay niya.

"Pasalamat ka nga binigyan pa kita eh," ismir niyang sagot.

"Aba, matindi," bulong ko. Tumingin ako kay Zenon na nagtatakang nakatingin sa aming dalawa.

"Sino ba 'tong shitzuo na 'to?" umingos ako sa katabi ko.

"Sinong shitzuo? Si Joy ba?" takang tanong ni Zenon habang naglalagay ng gatas sa pagkain.

"Hoy! Ang ganda ko para maging aso, kapal ng mukha mo!" Sinuntok niya ako sa braso. Hindi ako makapaniwalang napahawak doon dahil feeling masakit ang suntok niya.

"Ganda? Ipakita mo naman sa'kin, 'wag puro paa," ngumisi ako habang tumatalim ang tingin niya sa akin.

Nagulat ako, pati si Zenon nang hablutin nung babae ang platong may laman na champorado at bigla na lang ibinuhos sa ulo ko.

"Oh, 'yan, bagay sa'yo. Lakas mong mang-insulto ng magandang dyosa," turan niya habang nakatulala ako sa kaniya.

"Pvtang*na!" napasigaw ako kaya nagulat si Ziya at mukhang iiyak na. Mabilis siyang binuhat ni Zenon pabalik sa kwarto niya.

"Ano bang problema mo?!" inis kong tanong.

Humalukipkip siya at sinamaan ako ng tingin.

"Nakaka-insulto ka na eh, kanina pa!" sigaw niya pabalik.

"Kung 'di ka lang babae, kanina pa kita sinapak," sinipa ko 'yung upuan dahil ramdam na ramdam ko 'yung lagkit sa buhok ko.

"Edi salamat dahil babae ako," taas kilay niyang aniya.

"Shit! Tang-na talaga," bulong ko habang naglalakad papunta sa banyo.

Bwesit na bansot na 'yun.

---

"Anong ginagawa mo d'yan?" taas kilay kong tanong nang makita 'yung bansot na babae na may hawak na dalawang pirasong saging.

Tumingin siya at matamis na ngumiti. Ano bang nangyayare sa bipolar na bansot na 'to? Kanina lang ay galit na galit tapos ngayon ay kulang na lang na lumingkis siya sa braso ko.

"Peace offering ko. Alam ko naman na may kasalanan ako dahil tinapon ko 'yung pagkain sa'yo. Sana ay tanggapin mo ang saging ko," nakangiti niya pa ring aniya.

Kumunot ang noo ko pero hindi ko pa rin tinatanggap ang saging na inaalok niya.

"Anong gagawin ko sa dalawang saging?"

"Try mong gawing ballpen. Malay mo sumulat, 'no?" sarcastic niyang sagot. Tingnan niyo, bipolar nga talaga 'to.

"Tabi nga d'yan! Naiinis ako sa mukha mo," tinulak ko ang noo niya. Dire-diretso akong pumunta sa sala at kumportableng umupo.

Sumunod naman si Joy sa'kin na ngayon ay nakasimangot at masama ang tingin sa akin. Tinaasan ko siya ng kilay at inirapan.

"Ayaw mo ba sa saging ko? Ako nga nga nag-aalok na peace offering kahit may kasalanan ka rin," aniya.

"Anong kasalanan ko sa'yong bansot ka? Hindi naman kita tinapunan ng champorado sa ulo ah? Baka 'pag 'di ako nakapagtimpi ay asido ay itapon ko sa'yo," iyamot kong sagot sa kaniya.

Nawala ang pagkasimangot niya at hindi makapaniwalang tumingin sa akin.

"Asido agad? Champorado lang ang tinapon ko sa'yo tapos sa'kin asido? Ang kapal naman ng apog mong bwesit ka," malakas niyang sabi.

"Ano ba kayong dalawa? Para kayong aso't pusa kung mag-away. Kakakilala niyo pa lang ngayong araw ah, pero kung magtalo kayo ay parang magkaaway na kayo noong nakaraang siglo," lumabas si Zenon mula sa kwarto ng kapatid niya.

"Kumukulo ang dugo ko sa bisita mo Zenon. Huwag mo ng papuntahin dito 'yan ah. Baka maitarak ko ang antique na kutsilyo ni Lola Zen sa dibdib niyan," sabi ni Joy sabay irap sa'kin.

"Palayasin mo nga dito 'yan Zenon. May allergy ka sa shitzuo, 'diba?" ismir kong sagot pabalik.

"Hayst, tama na nga 'yan. Baka ma-inlove pa kayo sa isa't isa kapag nagtagal 'yan. Tara na, Jos," natatawang sabi ni tarantado.

Hinding-hindi ako maiinlove sa bwesit na  bansot na 'to.

"Excuse me lang! Mas pipiliin ko pa ang isang totoong unggoy kesa d'yan sa kamukha nila," sigaw nung babae.

Nakakarindi ang matinis niyang boses, bwesit.

"Kapal talaga ng mukha niya, akala mo naman kagandahan," bulong ko habang naghihintay kami ng jeep ni Zenon sa labas ng gate nila.

"Gago ka. Pinatulan mo pa ang katangahan nun, eh hindi 'yun nagpapatalo," natatawang sabi ni Zenon.

"Nakakabwesit kasi ang mukha niya. Teka, bakit ba nasa bahay niyo 'yun?"

"Pinapabantayan ko si Ziya sa kaniya,"

"Kayo ba nung bansot na 'yun?"

Umiling siya habang natatawa.

"Hindi, 'no. Hindi ko siya gusto,"

"Kasi si Bela ang gusto mo?"

"Siguro, ikaw ba?"

"Wala akong gusto kay Bela," mabilis kong sagot kaya sinapak niya ako.

"Hindi si Bela ang tinutukoy ko, gago."

"Huh? Eh sino?"

"Si Joy."

"Si bansot?"

"Oo,"

"Sa tingin mo ba magugustuhan ko 'yung bwesit na 'yun? Nagpapatawa ka bang tarantado ka?" angil ko.

"Ikaw bahala,"

"Para kang tanga, gago,"

"Tara na nga!"

***

(End of Kaguluhan 23)