Chapter Five

Answers

"Izzi!"

"Palakang kaka!" muntik kong mahampas sa mukha ni Rigel ang librong ipinangtatakip ko sa aking mukha ng sumulpot siya sa aking harapan sa gitna ng pagtatago ko sa nag-iisang lalaking hiniling kong magka-amnesia nalang o mabulag para hindi na ako makita.

Umalingawngaw ang halakhak niya sa hallway kaya agad ko siyang hinila sa gilid at pinatahimik.

"What are you doing?" kunot noo niyang tanong pero nang muling umawang ang kanyang bibig ay agad ko iyong binusalan gamit ang aking palad lalo na ng mahagip ng gilid ng aking mga mata ang grupo ng kanyang kapatid na palapit sa aming gawi!

Huli na ako para magsinungaling dahil agad niyang natanto ang dahilan kaya kinuha niya ang kamay ko.

"Relax–"

"Tara na!" mabilis kong ipinagpalit ang mga kamay namin at hinila siya para sana umalis na pero imbes na magpatianod sa akin ay mahigpit niya akong pinigilan.

Pakiramdam ko'y guguho na ang mundo lalo na't ilang dipa na lang ang lalaking 'yon kasama ang sandamakmak niyang alipores at mga hindot na palamuti!

"Rigel!" sigaw ni Ramiel at kuha ng atensiyon ng kapatid.

Ngumisi siya at tumayo ng tuwid bago kinuha ang libro sa kamay ko.

"I said relax..." halos pabulong niya nang sabi bago makalapit sa amin ang mga iniiwasan ko.

Pumihit ako paharap kay Rigel at ibinigay ang buong tiwala't buhay sa mangyayari. Inisip kong nag-o-overthink lang ako. Baka daraan lang ang mga ito at wala naman talagang pakialam sa amin pero ng marinig ko ang paghintuan ng yapak ng  lahat sa aking likuran ay tuluyan nang naputol ang aking paghinga!

Oh my God!

Nakita ko ang pagtango ni Rigel sa kung sino kaya humigpit ang kapit ko sa kanya. Dama ko ang paninigas ng aking katawan. Hindi lang katawan, puso utak at buong kaluluwa na!

"You and Almera are a thing now, Rigel?" malanding boses ng babae ang narinig ko.

Marahan akong hinila ni Rigel sa kanyang tabi. Ayaw ko pa sanang harapin ang delubyong nasa likuran ko pero nang marinig ko ang sunod niyang sinabi ay awtomatiko akong napapihit habang nakaawang ang bibig.

"What if we are, Ana? May problema?" aniya pagkatapos ay pinisil ang kamay ko, tila sinasabing magtiwala lang ako sa kanya.

"Alam mo ba kung anong ginawa niyan sa kapatid mo?!" she spat, nalasahan ko pa ang pait no'n na parang siya ang nagawan ko ng masama!

I heard Rigel groaned at that. May sinabi siya, narinig ko pero hindi ko na naintindihan dahil sa paglihis ng mga mata ko patungo sa lalaking tila magnet ang mga titig at pinipilit hilahin ang aking mga mata. Nanuyo ang aking lalamunan ng matitigan iyon... Shit! Ang mga matang 'yon!

"Wala siyang karapatang pigilan si Ramiel sa gusto niyang gawin! Bakit mo ba ipinagtatanggol?!" patuloy nilang pag-aaway na ginatungan pa ng ilan maging ang mga lalaki.

Nang makita ko ang pagkapit ng kamay ni Clare sa braso ni Ramiel ay agad na nalaglag ang mga mata ko doon. Pakiramdam ko'y may sariling sinehan sa loob ng utak ko't ni-replay na naman ang ginawa nilang dalawa ilang araw ang lumipas!

"Ramiel, do you believe this? Ipinagtatanggol ng kapatid mo ang babaeng 'yan!"

Ipinilig ko ang ulo ko para ibalik kay Rigel. The guy is still smiling, walang pakialam sa mga taong kaharap lalo na sa impluwensiya ng kapatid. Nang makita ko ang ngisi nito ay bumalik ang nababaliw kong titig sa kapatid niya.

"We have no business here," ani Ramiel at pagkatapos ay may kinuha sa bulsa't inabot sa kapatid.

Nakita ko ang isang pakete ng sigarilyo pero mukhang hindi sigarilyo ang laman! Is it weed? Drugs? Shit! May mare-report na ba ako kay Ate Sky?!

Natahimik ang lahat dahil sa pagkapahiya sa sinabi ni Ramiel. Mukhang hindi inasahan na wala itong pakialam kung anong gusto ng kapatid pero nang muling magdikit ang mga mata namin matapos iwan ang sa kapatid ay hindi ko na napigilang mapasinghap.

"Sumunod ka mamaya sa warehouse at huwag mong hayaang pakalat-kalat 'tong chicks mo para hindi kung ano-ano ang nakikita."

"Anong nakita?" inosenteng tanong ni Rigel gaya rin ng mga taong nakapalibot sa amin.

Sinubukan kong hilahin ang kamay niya para takbuhan ang lahat pero madaling naubos ang lakas ko ng makita ang pag-ngisi ng lalaki sa aking harapan!

"Ano nga bang nakita mo, Almera? Can you tell us?" mapaglaro niyang tanong pero wala akong nagawa kung hindi ang paulit-ulit na pisilin ang kamay ni Rigel!

"Izzi?"

"W-Wala–"

Ramiel's sarcastic laugh echoed in the hallway!

"Really, huh?"

"Ramiel, what is going on?" nalilito na ring tanong ni Clare pero hindi niya sinagot, mukhang gusto talagang ako ang magsabi at kahit naman sabihin ko, wala siyang pakialam na malaman ng lahat! The nerve!

"I don't know. I'm curious too," nanghihina akong napaatras ng humakbang siya ng isang beses palapit sa akin. Nalaglag ang mga kamay ni Clare rito pero wala siyang pakialam. Nanatili ang matalim at nanunuya niyang titig sa akin bago muling nagsalita. "Gusto ko ring malaman kung anong nakita mo, Almera?"

Gusto kong lamukusin ang mapang-asar niyang mukha na proud na proud pa sa nagawa pero hindi ko maisakatuparan! Shit! Kung pwede ko lang talagang isumbong kay Ate Skyrene ay ginawa ko na! Aba dapat siyang magpasalamat sa akin at hindi ganito! Ang kapal!

"Hindi ko alam ang sinasabi mo, Ramiel," marahas kong pinutol ang pakikipag-titigan sa kanya at ibinaling iyon kay Rigel na magkadikit na ang makakapal na kilay. "Tara na kasi, Rigel... Please?"

Sa pagtango niya ay nakahinga ako ng maluwag. Tinanguan niya nalang rin ang kapatid at hindi na ako nag-aksaya pa ng oras. Hinila ko na siya palayo sa mga nagtatanungang alagad ng ugat ng kasamaan!

Hindi ako nakaligtas sa mga tanong ni Rigel pero dahil naroon na ang professor ko sa silid na pinaghatiran niya sa akin ay hindi ko na nasabi sa kanya. Nagpasya nalang kaming magkita at sabay mananghalian kaya hinanda ko ang sarili ko.

Habang tumatagal ang pag-ikot ng oras ay mas lalo akong naiirita sa Ramiel 'yon. Ang kapal ng mukha niyang itanong sa akin ang bagay na 'yon. Paano kung sinabi ko? Ano nalang ang mararamdaman ni Clare kapag nalaman ng mga kaibigan niyang nakikipag-sex siya rito sa loob mismo ng campus? Will she be proud or embarrassed?

My class ended well. Pagkatapos ng dalawa ay naghanda na ako sa muling pagkikita namin ni Rigel. Marami namang kaibigan si Rigel sa school pero dahil nakasanayan na namin ang isa't-isa ay komportable na siyang ganito kami lalo na kapag wala si Mari. Minsan kasi ay inamin niya sa aking naiilang siya rito dahil masyadong bokal ang kaibigan kong 'yon sa pagsasabi ng mga bagay na gustong sabihin. Halimbawa nalang noong nakaraan na ilang beses niyang sinabihang gwapo si Rigel kahit sa gitna ng dagat ng mga estudyante sa loob ng canteen. Sanay naman na si Rigel sa gano'n dahil marami rin siyang admirers pero pinipili nitong huwag masyadong gawing big deal ang lahat. He's just humble and that makes him more attractive, 'yon nga lang, magkasing-edad lang kami at hindi kami bagay. I just don't like someone who's not way older than me, iyon pa rin ang hindi nawawala sa akin.

"So? Ano? Nililigawan mo na si Lana?" nakangisi kong bungad sa kanya na agad niyang inilingan.

"Don't dare change the topic, Izzi. Hindi 'yon ang pag-uusapan natin."

Napanguso ako sa narinig. Sabay kaming pumasok sa canteen at um-order ng pagkain. Nang makaupo na ay hinanda ko ang sarili ko. I never really believe in the goodness of the odds, pero ng marinig ang sinabi niya ay tila may bumbilyang umilaw sa utak ko.

"Go on, tell me now. Pagkatapos nito pupuntahan ko pa si Ramiel may kailangan akong ibalik."

"Wait, anong ibabalik mo?"

"Money."

"Para saan?"

"Para sa laro niya mamaya sa warehouse–"

"Warehouse? Doon na ba ang venue ng pasugalan niya? Saan 'yon?"

Sandali siyang natigil at napatitig sa akin. Nang matanto kong alam na niya ang sinusubukan kong gawin ay matamis akong ngumiti upang magpa-cute at maging inosente.

"Nagtatanong lang naman ako. Isa pa, kahit naman malaman ko hindi ako makakapasok do'n. Ang sabi ni Mari kailangan munang maging member. Bukod sa wala akong pera para sa membership ay hindi rin naman ako marunong magsugal. Gusto ko lang malaman."

Mas lalong dumiin ang titig niya sa akin. Rigel has dark eyes unlike his brother's almonds. Parehong makakapal ang kanilang kilay, may matangos na ilong at mapupulang labi pero ang mukha niya ay hindi intimidating gaya ng kapatid. He looks like Ate Skyrene, maamo ang mukha at parang baby na gusto mo nalang i-hele at patulugin. Iyong isa, parang gusto ka laging kainin sa tindi ng titig.

"Why? Bakit curious ka?"

"Curious lang talaga. Masama bang malaman?"

Umiling siya.

"Not really. It's just weird for a girl to ask where the warehouse is lalo na't hindi naman nagsusugal."

"Gusto ko lang malaman kung paanong nag-expand 'yon at mukhang successful na, eh noon kara-krus lang naman 'yon, 'di ba?"

Natatawa itong kumagat sa kanyang burger.

"Malapit sa palayan 'yon. 'Yung dating distribution center ng isang patahian na medyo tago sa kabihasnan. Luma na pero dahil sa tagong pwesto ay binili pa rin ni Ramiel para ipagpatuloy doon 'yung trip niya."

"But it's illegal."

"We all know that."

"Paano kung mahuli?" kumain na rin ako habang nagtatanong, pinipilit maging kaswal ang lahat para hindi siya makahalatang kailangan ko talaga ng impormasyon.

Nangingiti ang utak ko sa ginagawa. I felt like a secret agent or something. Wala namang bayad pero hindi na rin masama kung 'yon ang makakapagpalagay ng loob ni Ate Skyrene... Or not.

"Kaya nga pribado 'yon at walang pwedeng makaalam. Kung meron man, madali na ring lusutan lalo na't ang mga naglalaro do'n ay mga anak ng pulis. Sila Sandeval, Ercanta at marami pang iba. Balita ko nga pati iyong anak ni General Matias ay member na rin. Hindi pa naglalaro pero nasa listahan na."

Bumagal lalo ang pag-nguya ko. So it's really a thing! Totoong mayroon pa rin at buhay na buhay ang pasugalang iyon!

"Doon ka pupunta?"

He nodded quietly. Uminom siya at nagpatuloy sa pagkain habang ako naman ay nag-iisip kung ano ang dapat gawin. Nang maisip kong sa bawat gagawin ko ay kailangan ko ng pruweba ay hindi na ako nagdalawang-isip na sabihin ang plano ko.

"Can I come then?"

"What? Why?"

"I told you many times. I'm curious. Hindi ka naman siguro magtatagal doon, 'di ba? Isa pa, pagkatapos doon ay pupunta rin ako sa mansion kaya sabay na tayo." inalis ko ang tingin sa kanya para magmukhang malinis ang konsensiya ko.

"You sure?"

"Sandali lang naman tayo, 'di ba?" ulit ko dahil hindi ko rin naman kayang magtagal sa iisang lugar habang nasa paligid si Ramiel. Isang picture lang ng ibidensiya ay tama na.

"Yeah. I'm just gonna give him his money."

Napalunok ako ng maisip ang posibleng pinanggalingan ng perang 'yon.

"'Y-Yung pera... Galing ba 'yon sa ibinigay niya sa'yo kanina? Is that..."

Napaangat ang tingin niya sa akin at pagkatapos ay lumingon sa paligid. Nang makitang wala namang mga estudyanteng malapit sa amin ay saka lang siya nagpatuloy.

"Promise me you'll never tell anyone."

"I-Is it drugs?" kinakabahan ko nang tanong dahil hindi ko yata alam kung paano sasabihin 'yon kay Ate Sky.

Rumehistro ang pagkabaliw sa tuwa sa kanyang mukha dahil sa sinabi ko.

"Gago 'yong kapatid ko pero hindi adik."

Napanguso ako.

"Promise me, Izzi."

Tumango nalang ako. "I promise."

"It's weed and yes, galing doon ang pera."

Napalunok ako. Hindi ba drugs rin 'yon? Kung tutuusin ay hindi na dapat ako magulat dahil may issue naman nang gano'n noon pero hindi pa rin ako makapaniwalang totoo lalo na't involve pala si Ramiel sa illegal na gawain ng kapatid nito.

"I know what you're thinking, Azalea," pinunasan niya ang bibig saka nagpatuloy. "We're not smoking weed... Well... I mean, hindi na ngayon at iyong kanina ay special order lang. It's for Mr. Aranjuez."

"S-Si Dean?!"

"Shh!" pigil niya sa akin na inilagay pa ang hintuturo sa gitna ng bibig.

"S-Si Dean?" mahinang mahina kong ulit dahil nababaliwan na ako sa mga sinasabi niya.

Tumango siya at muling uminom at lumingon sa paligid.

"Hindi na yata tinatayuan kaya kailangan si Mary Jane."

"Mary Jane?"

Nasapo niya ang noo, natantong wala akong alam sa mga short cut and terms niyang gano'n.

"Weed, tsongke, cannabis, you know the drill but I swear, matagal nang tapos ang transaksiyon ng pagbebenta no'n rito sa university. Simula ng mabili ni Ramiel iyong warehouse tumigil na siya."

"A-Alam ni Ate Sky?"

"No and she doesn't need to know, promise me."

Matagal akong napatitig sa kanya at walang naisagot. Kung hindi niya pa hinawakan ang kamay ko ay hindi ako magigising sa aking kahibangan.

"Izzi?"

"I-I promise."

"Good."

"Pero bakit ikaw ang inutusan niya? Kasali ka rin ba sa ganito kahit noon pa?"

"No. I just made him a favor dahil bukod sa may kailangan ako kay Dean ay ayaw ring mag-iwan ng kahit anong trace no'n. It was his secret medicine to his failing sex life. Ramiel is just happy to help."

"Pero saan niya kinukuha ang mga 'yon?"

Doon na siya natawa. Nabaliw na rin sa sarili dahil sa patuloy na pagsagot sa mga katanungan ko't pagbibigay ng impormasyon.

"You're really that too curious, huh?"

Tumango ako. "I'm kind of into illegal things now."

"Sira ulo ka."

"Bakit? Ikaw rin naman. Alam mo bang no bail ang marijuana kapag nahuli ka?"

"Of course."

"Pero bakit niyo ginagawa?"

"Just say that we have needs. Isa pa, we're not beginners when it comes to selling mj and doing illegal stuff."

Ipinilig ko ang ulo ko. I guess I still have a lot to learn in him... Sa buong pinagmulan nila.

"Saan niya kinuha iyong ibinigay mo kay Dean na cash on delivery pa?"

Natatawa siyang umiling at muling uminom ng soft drinks.

"Sa sariling farm ni Ramiel."

"F-Farm?"

"I'm giving you too much information. Gusto mo bang maging pulis o accomplice sa illegal na 'to?"

Marahas akong umiling!

"No way! Gusto mong multuhin ako ni Papa!"

Humalakhak na ito. "Then stop asking questions," sinaid niya ang laman ng iniinom bago muling nagsalita. "My turn, ano 'yong sinabi ni Ramiel na nakita mo?"

"H-Ha?"

"Come on, Izzi. Ang dami kong isinagot sa'yo. It's your turn to answer me back with full honesty. Anong nakita mo?"

Parang muli kong naramdaman ang mga butil ng pawis sa aking noo noong araw na mangyari iyon.

"Izzi–"

"I saw your brother having sex with Clare sa likod ng education building!" tuloy tuloy ko nang pag-amin dahilan para umawang ang kanyang bibig.

~~~~~~~~~~~~

Facebook Page : Ceng Crdva

Facebook Group : CengCrdva Wp

Instagram : CengCrdva/Cengseries

Twitter : CengCrdva