Aaj main tumhe ek story sunana chahti hu....or plzz ye story puri sunna (padhna).....or uske baad mujhe btana ki iss kahani ka ant kya hona chahiye....

(Sachi kahani pe adharit)

******

Ek ladki thi.....ek din vo ek ladke se mili. Or uss ladke ko dekhte hi , ladki ko usse pyaar ho gya......
Uss time vo samajh nhi paayi ye pyaar hi hain......
Usse laga ye sirf ek normal attraction hai....jo aksar hota hai !

Fir dheere dheere time aage badha....dono me dosti hui....normal waali...... normal baatein hoti thi....hasi mzak...etc...

Uss ladki ki attraction badhti hi jaa rhi thi......
Use smjh nhi aaya ki ab vo kya kare.....Kya uss ladke ko bta de...that she is feeling something for him...ya jaisa chal rha hain yuhi chalne de....

Use yahi darr satata tha ki kahi vo ladka mna na kar de......Kahi use btane ke baad ye pyar sirf ek mzak banke na reh jaye....uski feelings hurt na ho jaaye....or kahi uska dil na tut jaye.....

Kya pata vo ladka sirf usse ek dost manta ho or usse jyada kuch nahi......
Uss ladki ne socha ki jaisa hai vesa chalne do....
Vo khush thi uss dosti ke saath....usse or kuch nahi chahiye tha...

Sirf uss ladke se baatein karke hi use khushi milti thi.....or ek comfart level jo uske sath mehsoos karti thi....vo kisi or ke sath usne aaj tak mehsoos nahi kiya tha....

Fir dheere dheere waqt beetta gyaa....

Ab baatein kam ho gayi thi dono me....Vo ladka busy tha....ladki bhi apne kaam me busy rehne lagi.......

Use laga shayad ab vo uss ladke ko bhul jayegi......or ye sirf uski ek normal attraction hai, jo waqt ke sath khatam ho jayegi......

.........

Fir ek din, ek or ladka us ladki ki life me aaya....Vo ladka uss ladki se bohot pyaar karta tha.....Uss ladki ko ye baat pta thi....
Unn dono ki baatein shuru hui...ladki usse normal baatein karti thi....

Uss ladki ne socha....ki jis ladke ko vo pyaar karti hai vo ladka to mujhse pyaar nahi karta.....lekin ye mujhse pyaar karta hain....

Or isse jyada khushi ki baat kya ho sakti hai....ki koi aapse itna pyaar kare....aapki care kare....aapke baare me soche....
It was a different feeling for her....First time usse aisa koi ladka mila jo usse pyaar karta hai....

Vo ladka bhi achaa tha....he was intelligent, he was homely, he was successful, he was a CA, he was a sweet person, or vo pyaar bhi karta hain....

Ladki ne uske saath baat aage badhane ki sochi....socha ki ye uske liye perfect match hain...

Uski baatein hone lagi....dono me achi dosti hone lagi.....Use laga shayad yahi uska perfect match hai.......

........

Lekin fir ek din...vo pehle wala ladka uski life me vapis aaya.......

Uski dono ke sath normal baatein hoti thi....sird dosti waali....use laga sab normal hai....dono hi uske sirf ache dost hain....

Inn kuch dino me uske paas dono ladko ke messages aate the......vo dono ko replies karti......Dono se baatein normal hoti thi...

Lekin usne ye realise kiya.....ki vo pehle wale ladke ko bina kuch soche kuch bhi message kar sakti hain.....kyunki uskw saath vo bohot comfartable feel karti hain.....Usse koi darr nahi hai ki koi usse judge krega.....ya use koi darr nhi hai ki vo mere baare me kya sochega....vo kuch bhi uss ladke ke saath share kar sakti hain...

Lekin uss dusre ladke ke sath vo ye nahi kar paati thi....Uske sath usse sochna padhta tha ki kahi vo mujhe judge to nhi krega.....

Or aise hi ek din......usse realise hua....ki....ki  YE MAIN KYA KAR RAHHI HUN......

Ye...ye main nahi hun....main aisa nahi karr sakti......ye main kya banti jaa rahi hun....

Uss ladki ne socha ki ye galat hai.....Usse kisi ek ko chunna hi hoga....

Vo isse ek mzak nahi bna sakti.....vo apni feelings ko sirf ek mzak bante hue nahi dekhna chahti.....

Ek taraf vo ladka hai jisse vo pyaar karti hain....or ek taraf vo hain...jo usse pyaar karta hain....

Rule ke hisab se use usse chunna chahiye jo usse pyaar karta hai...taaki vo khush rahe......vo ladka usse khush rakhega....

Lekin us ladki se.... aisa nahi hua....

Vo ladki chahkar bhi aisa nahi karr paayi.....

Use laga ye sab filmy baatein hai....ye mere sath kya ho rha hain....ye pyaar vyaar kuch nahi hota....

Lekin ye sab sach me hua....USE REALISE HUA KI USSE SACH ME PYAAR HO GAYA HAIN.....

Uska pyaar ek tarfa hai...ya do tarfa....use nahi pata......lekin vo usska sacha pyaar hain.....ye use pata hain.

Or uss dusre ladke ke sath....vo sirf forcefully ek rishta bnane ki koshish kar rhi thi.....
Or jabardasti se bnaya hua rishta kabhi khushi nahi dega......Ye baat usse samajh aa gyi thi....

Ab vo uss dusre ladke ke sath galat nhi karna chahti thi.....vo use dhoke me nahi rakh sakti Kyunki vo usse kabhi pyaar kar hi nahi sakti.....Jabtak.......

Jabtak vo uss pehle ladke se pyaar karti hai....!

Uss din uss ladki ko ye 100 %realise ho gya....ki vo uss pehle ladke se sacha pyaar karti hain....Vo sirf ek attraction nahi hain uski life me....usse kahi jyada hain...
Ek comfart level mehsoos karti hai.....jo comfart level vo kisi or ke sath mehsoos nahi karti......

Ek understanding hai dono me.....ek apnapan bhi hain....dosti to hai hi......or ye sab vo sirf iss ek ladke ke sath hi mehsoos karti hai....Or kisi ke sath nahi....!

.........

Toh ab aap hi btaiye.....Kya kisike sath comfart level mehsoos karna pyaar hota hain?

Kya ye pyaar sirf ek tarfa hain....?

Kya vo bhi ye comfart level mehsoos karta hoga ?

Aap btaiye....iss kahani ka ant kya hona chahiye ?

********