"Happy birthday, Levi!" malaki ang ngiti ni Leia nang batiin ang matalik na kaibigan.

Levi just smiled at her. Hindi niya nakakalimutan ang kaarawan nito. Madalas pa siya ang nauunang bumati rito.

"Paunahan tayo sa punong 'yon," tinuro niya ang isang malaking puno hindi kalayuan.

"Kapag ako ang nauna doon-"

"You will use my birthday wish." pagtatapos ni Levi sa sinasabi niya.

She just grinned from ear to ear.

"Yay!" tuwang tuwa si Leia nang manalo.

"Hanggang ngayon, Levi, ang bagal mo parin tumakbo." she giggled a bit.

"Make a wish." Levi said, instead.

Excited na tumango si Leia at pinikit ang mga mata.

Habang humihiling naman ang dalaga ay tumitig lang si Levi rito. Leiana's beautiful. Her dark hair's thick and long with natural waves. Her eyes... nose... Her lips... Namumula ito na bagay sa maputing balat.

Nakita niya ang bahagyang pagkunot ng noo nito nang magmulat ng mga mata ay naabutan siyang nakatitig dito. Levi blinked once or twice at niyaya na itong umalis.

"Why do you like using my wishes, anyway?" naalala niyang tanong niya kay Leia isang beses.

Malaki ang ngiti nitong bumaling sa kanya. "Kasi nagkakatotoo 'yung wishes ko kapag birthday wish mo gagamitin ko! Kapag kasi birthday ko parang hindi naman natutupad... Weird." Leia explained, shrugging her shoulders.

Lumakas ang bulung bulungan at halos magkagulo lalo ang mga babae sa cafeteria habang kumakain sila ni Levi doon. It was lunch break.

Kasama ang ilang kaklase ay dumating si Harry Samaniego. Bago lang ito sa school nila at isang transferee. Pero nakuha na agad nito ang loob ng mga babaeng schoolmates at isa na siya.

Nahinto siya sa pagkain at hindi na naalis ang tingin sa binata.

"Finish your food, Leia." saway sa kaniya ni Levi.

Leia sighed nang lumampas na sa mesa nila ang crush niya. "You think Harry will like me?" she asked him.

Hindi agad nagsalita si Levi. "Everyone likes you." binalik nito ang atensyon sa pagkain.

She pouted her cute lips.

Ngumiti lang si Levi sa kaniya.

"Leviticus!" malakas na tawag ni Leia sa best friend niya habang umaakyat pa lang sa grand staircase sa bahay ng mga Gozon.

Napatakip siya sa bibig nang mapuna ang kaingayan. Kinalma niya ang sarili at nagtuluy tuloy sa kwarto ni Levi.

"Levi!" agad niyang niyakap sa leeg ang kaibigan matapos siya nitong pagbuksan ng pinto.

Pinakawalan ni Leia sa yakap ang kaibigan at gigil na pinisil ang mga pisngi nito.

"What-" inayos ni Levi ang eyeglasses nito.

"Guess what?" she was obviously excited.

"What?"

Ngumuso nalang siya sa kaibigan. Pero hindi nabawasan ang saya niya. "Harry invited me to his birthday!"

Binagsak ni Leia ang katawan sa malaki at malambot na kama ni Levi. Kasing laki ng kama niya sa bahay nila. Sinugod talaga niya ang kaibigan nang gabing 'yon para personal na sabihin dito na inimbita siya ng crush niya sa birthday nito!

Napa-iwas naman ng tingin si Levi sa dalaga na nakahiga sa kama niya. Leia wasn't aware that her nightgown already reached her thighs. Umangat ang laylayan ng suot at kita na ang mapuputi nitong hita.

"Leia-"

Biglang dumapa naman ang dalaga. And from where Levi stood ay nasulyapan niya ang dibdib nito. Halos mapasapo siya sa mukha.

Hindi na sila mga bata but Leiana remained careless around him.

"Leiana-"

"Ano kaya'ng isusuot ko?" umupo na ito kaya parang nakahinga na ulit si Levi.

"I'm sure alam ni Tita Leilani," he sighed.

"I'm excited!"

Tumango lang si Levi.

"Ang dami ko nang na-s-share sa 'yo about sa crush ko! Ikaw? Sino ba crush mo? Sa school, classmate ba natin? Si Marie?" nagsimula siyang kulitin ni Leia.

Levi just shook his head. Bumalik na siya sa ginagawa kaninang homework.

"Bakit? Maganda naman si Marie. At crush na crush ka no'n!"

Natigilan si Levi at halos mabitawan ang hawak na ballpoint pen. Nasa balikat na kasi niya ang baba ni Leia at magkatabi na ang mga mukha nila. Dinungaw ng dalaga ang ginagawa niya. He can smell her sweetness.

"Next week pa 'yan? Ba't ginagawa mo na? Puwede namang sa weekends na gawin. Sa weekend ko pa rin gagawin 'yung akin."

They were classmates kaya alam din ni Leia ang ginagawa niya.

"Wala naman akong ginagawa kaya," he shrugged.

"Hmp! Ang sipag sipag mo talaga mag-aral." tumayo ito ng tuwid.

Nagbuntong-hininga si Levi.

"Mag-girlfriend ka na kaya para hindi lang school inaatupag mo?"

Tinigil ni Levi ang ginagawa at bumaling sa dalaga. She gave him a smile.

He sighed. "Mga bata pa tayo, Leia-"

"Hindi na kaya! Malapit na nga tayong mag-eighteen!"

Umiling lang si Levi.

The party came. Imbitado ng mga Samaniego ang mga Zobel maging ang mga Gozon. Halos magkasunod lang na dumating ang dalawang pamilya sa venue.

Leiana was stunning in her gown. She was beside her parents and sister habang nagbabatian ang mga nakatatanda.

"You have beautiful children." puri ni Gina Samaniego.

Leilani Zobel smiled a bit. "This is my daughter, Leiana."

Leia politely greeted Harry's Mom. Sinulyapan niya ang nakababatang kapatid na tahimik lang sa tabi nila. She smiled at Melody nang mag-angat ito ng tingin sa kaniya. Ngumiti na rin ito sa kaniya.

The party continued. Mukhang nagkakasundo ang Daddy niya at si Harold Samaniego na nag-uusap. Leia turned to her Mom at nakitang ganoon rin ito sa Mom ni Harry.

"Daphne," tinawag niya ang nakababatang kapatid ni Levi nang makita ito. "Nasaan ang kuya mo?"

"Kasama lang si kuya nila Mommy at Daddy, ate."

Tumango siya at tinawag rin ang kapatid. "Gusto mong sumama muna kay Daphne?" tanong niya sa tahimik na si Melody.

Ngayon pa lang ito nakasama ng pamilya niya at hindi pa talaga napapakilala sa lahat. Isa lang ang kilalang anak at tagapagmana ni Gaudencio Zobel at siya iyon. But Melody is her sister. Hindi lang sila pareho ng ina.

Levi's sister smiled at her sister. Unti-unting tumango si Melody at natuwa si Leia. Gusto rin niyang magkaroon pa ng mga kaibigan ang kapatid niya. Hindi rin halos pinapalabas ng bahay si Melody. Kung hindi niya pinilit na isama ang kapatid ay maiiwan na naman ito sa bahay. Inisip niya lang na unfair iyon. Kahit pa nagalit ang Mommy niya ay deserved ni Melody ang makalabas at maipakilala rin.

Nang maiwan siyang mag-isa ay agad rin niyang nahanap si Harry at nilapitan ito. Ngumiti siya sa binata at sa mga kasama nito. Maagap din binalik ng mga ito ang ngiti niya.

Umalis sila doon at sumunod siya kay Harry.

"Thank you for inviting me and my family." she smiled at him.

"You're welcome." Harry simply said. Ni hindi ito ngumiti sa kaniya.

Pero pinanatili lang ni Leia ang magandang ngiti sa mga labi niya.

Naalala niya noong una silang nagtagpo ng binata. Nagkasalubong lang sila nito sa school at natigilan ito at hindi halos naalis agad ang tingin sa kaniya. Simula nang dumating palang ito sa school nila ay naging crush na niya ang binata.

Gwapo ito at kasali sa varsity. Hindi ganoon ka-friendly pero wala pa rin naman siyang naririnig na may masama sa ugali nito.

At isang beses nga ay nakatanggap siya ng chat mula rito na iniimbita nga siya sa birthday nito. She was the one who added him at kinumpirma rin naman nito ang friend request niya.

"Thank you," Harry said politely nang matanggap ang regalo niya rito.

Nagtagal ang tingin nito sa mukha niya.

Doon iyon nagsimula. Since that night of Harry's birthday, palagi na silang nagkakausap ni Leia sa chat. He got her number at minsan na silang nagtatawagan.

At masaya si Leia na nakaka-usap na niya ang crush niya.

"Lunch-"

"Sorry, pero magsasabay ulit kami ni Harry mag-lunch," nakagat ni Leia ang ibabang labi nang magpaalam muli sa kaibigan.

"Oh, okay," Levi nodded.

Sanay itong palagi silang nagsasabay sa school. But things change...