Nika,

bawat araw, dumadaan ako sa inyo. kahit pa tapos na ang libing, gusto pa rin kitang kamustahin. noong bakasyon, dinala kita sa lugar kung saan ako napulot ng isang babae. siya na ang tumayo kong ina. sabi mo no'n, "Akala ko sa pelikula lang nangyayari ang mga ganyan."

nagsimba tayong dalawa. sobrang kabado ako noong hinawakan mo ang kamay ko. alam kong  para iyon sa Ama Namin pero magkahalong kaba at kilig ang naramdaman ko. kaya habang nakapikit ka at taimtim na nagdarasal, naisip kong dito sa simbahang ito . . .

ipinapangako ko sa sarili kong dito kita pakakasalan.