Pilit..
Ipinasok sa isip;
hindi ka totoo,
mali ang pagkatao mo,
isa kang bagyo—
ginugulo ang utak ko.
May iba pa;
mas makabubuti sila,
kung pagkakamali ka,
bakit ako tataya?
Hindi ko 'to gusto;
nililinlang ako ng puso ko,
tinutukso ako,
nahuhumaling sa'yo.
Papayagan na sana;
sige, umalis ka,
lumayo nang kusa,
maglahong parang bula.
Ngunit hindi—
may nakabigkis na tali,
isang pagbabakasakali.
Ikaw ang kinandili,
ng pusong namimili.
Nagbago ang ihip
ng magulong pag-iisip,
dahilang di malirip,
pag-asa'y sumilip.
Anong nangyari?
Tanong ng marami,
tanong ko rin sa sarili.
Anong nangyari?
Ikaw.
Nangyari ka sa akin.  

©FortressMeadow
06.06.2016
06:36