"friddo e abbandunato,

t'aggio truvato

tutto scummato

'ncoppa 'a scalinata,

figlio mio,

chi è stato?"

'o viecchio parlava

'na recchia me fischiava:

nu'capette manco 'o cazzo

"friddo e abbandunato,

te l'aggio giurato

chi t'ha struppiato

'o faccio 'na paliata

ma se tu staje abboccato

resta sulo 'o peccato"

sotto 'o baffo castano

'nu sigaro toscano:

'a nuvola aizzava 'nu palazzo

"friddo e abbandunato,

songo state chilli scostumati?

chilli 'do mercato,

addo' 'o chiù scardato

nunn'ave maje accattato

ma ave sempre camminato

che'sacche chine 'e ciucculate,

'e muorte che ha cacato...

mo' me songo sfastriato:

pe' quanto hanne campato

se nunn'e mannano carcerate

'e faccio cammenà che'cosce allascate"