★★★★

maari ba kitang mahalin?

isang beses
ngunit panghabang buhay

dalawang beses,
pagtulog at paggising

tatlong beses,
agahan, tanghalian at hapunann
pang-apat kung kasama ang panghimagas

maari ba kitang mahalin?

walong beses sa isang linggo
bawat oras, minuto, bawat segundo

sa bawat pagkakamali ko, o pagkakamali mo

sa paglakasala't pagpapatawad
sa bawat pagtulak mo sa'kin palayo,

babalik ako ng paulit ulit
magtatanong, magsusumamo, mangungulit.

...maari pa rin ba kitang mahalin?

★★★★