Saang banda ka pipikit at magkukunwaring bulag?
sa alapaap o sa bukal ng sariling agam-agam?
sa pabalat ng aklat na bida sa bisig ng ilustradong duwag?
o sa mahistradong sa tindig lang edukado at may kilos na hiram?

Sa galaw ng magnanakaw o sa delubyo ng kanilang sikmura?
Sa mura ng maharlika o sa bulong ng kabaong sa ilalim ng herarkiya?
Sa nagbabalatkayong labi o sa mga matang mulat?
Saang banda ka pipikit at magkukunwaring bulag?

—MLD | 07122021