.            
             Hindi asukal
             ang sagot
             sa iyak ng sanggol,
            
             hindi iyak ng sanggol
             ang gamot
             sa labing nakabusal,
            
            hindi labing nakabusal
            ang sagot
            sa tawag ng tagapagtanggol,
           
            hindi tawag ng tagapagtanggol
            ang gamot
            sa kahitang pagal.
            
             hindi laway
             ang pangontra
             sa naghihingalong
             ningas;
            
             idura man sa masa'y
             bokya ang halaga.
            
             aanhin mo ang lakas
             ng dumadagundong
             na hustisya,
            
             kung balawis at bingi
             ang tenga
             ng baluktot na sistema?
            
            
             —MLD |01092021