Chapter 1

Luwalhati's POV

"Hati! Ano?! Hindi ka babangon? Kanina ka pa ginigising!" Mas lalo ko namang tinabunan ng unan ang mukha ko dahil sa malakas na sigaw ni Lola na siyang narito na sa kwarto ko. Ang aga-aga'y nambubulabog na ito. Mas lalo tuloy sumasakit ang ulo ko dahil sa lakas ng boses nito.

"Kapag bumilang ako ng tatlo at wala ka pa rin sa hapag, bahala ka na," aniya sa akin kaya agad akong napatayo sa pagkakahiga. Paniguradong buong isang linggo na gulay ang ulam namin. Napanguso na lang ako bago sumunod sa kaniya sa labas.

"Uminom ka?" tanong niya. Nakatikom lang naman ang bibig ko dahil alam kong sermon ang aabutin ko kahit na sabihin kong hindi o sabihin ko man ang totoo. Matalim ang tingin niya sa akin kaya tumango ako bago ko pinapak ng halik ang pisngi niya.

"Amoy alak po ba? Hindi, 'di ba?" Tumawa pa ako nang handa na sana siyang hampasin ako. Agad akong lumayo at tumakbo patungo sa hapag. Alam kong hindi niya ako pagagalitan kapag nasa harap na ng pagkain. Sinamaan niya nga lang ako nang tingin kaya nagkunwari na lang akong abala sa pagkain. Tinagalan ko pa para saktong dadating na si Marco kaya lang ay late pa itong nagising.

"Ikaw na bata ka, namumuro ka na riyan sa pagtakas mo! Disi-siete ka pa lang kung ano-ano ng inaatupag mo imbes na mag-aral!" sermon niya na naabutan pa tuloy ni Marco na siyang crush ko pa naman din. Bahagya tuloy akong nahiya kahit na normal na lang naman sa kaniya na marinig na sinesermonan ako dahil magkalapit lang talaga ang bahay naming dalawa.

"Lola, nandiyan na si Marco! Aalis na po kami!" ani ko na malapad pa ang naging pagngiti sa kaniya. Humalik pa ako sa pisngi niya bago kumaway.

"Bye, Lola!" ani ko na kinindatan pa siya. Umirap lang ito kaya mas lalo akong natawa.

"Saan ka na naman nanggaling? Hinigh-blood mo na naman ang lola mo!" Napailing na lang din siya habang nakatingin sa akin. Umirap lang naman ako bago ipinangtakip ang hawak-hawak na pamaypay sa ulo ko.

"Ang init naman! Sana pinilit mo na lang si Tito na gamitin ang kotse mo edi sana'y hindi na tayo magbubus pa ngayon," reklamo ko ss kaniya.

"Sino kayang may kasalanan kung bakit ako grounded ngayon?" reklamo niya sa akin kaya bahagya akong ngumisi at pumito pa habang nakatingin sa kawalan. Napailing na lang siya sa akin. Ako rin kasi talaga ang may kagagawan kung bakit grounded siya. Hinayaan niya rin naman kasi ako na gamitin ang sasakyan niya. Kasalanan ko bang may puno pala sa gilid?

Sa huli tuloy ay pinagalitan siya dahil ang laki rin ng gastos ni Tito sa kotse niyang nasira.

Nang makarating kami sa eskwela ay agad kong nilapitan si Lisa na siyang nakikipagkwentuhan kina Abi at Juliane. Nasa gazebo ang mga ito dahil iba-iba rin ang schedule.

"Good morning!" bati ko sa kanila na umupo pa agad sa tabi ng mga ito. Agad akong nakigulo nang makita na may dalang mga bagong make up si Lisa.

"Ang haharot talaga ng mga sophomore ngayon." Hindi ko naman mapigilan ang mapairap nang marinig ang isang senior na dumaan sa harap namin.

"Huwag nang patulan," ani ko na tumawa pa dahil balak pa sanang patulan ni Lisa at Abi. Sabi nila'y kapag nasa college na, matured na kung mag-isip subalit sa palagay ko'y hindi naman talaga ganoon.

Matapos kaming mag-ayos ay nagtungo na rin naman kami ni Lisa sa unang subject namin ngayong araw. BDes ang kinuha kong kurso kasama itong si Lisa. Well, I actually enjoy designing clothes but para nga lang sa sarili ko.  Mas gusto kong maging isang sikat na modelo. Noon pa man ay 'yon na ang pangarap ko. Ayos naman ang sabi nila dahil sa height ko. 5'9 ang height ko, ang sabi ni Lola'y mana raw sa tatay kong Brazilian at matangkad din naman ang nanay ko. Mabuti naman at kahit paano'y may ipinamana sila sa aking maganda.

Natawa na lang ako sa aking sarili bago nagpatuloy sa paglalakad.

"Hati, may boyfriend ka na raw ba?" tanong ng isang soccer player sa akin.

"Wala pa. Bakit? Gusto mong mag-apply?" I asked.

"Oh? Pwede manligaw?" tanong nila sa akin. Tumawa lang naman ako at pabirong sumagot.

"Study first," ani ko kaya tumawa rin sila. Alam naman ng ilan na hindi naman ako ganoon kaseryoso pagdating sa eskwela. Madalas nga'y nagcucutting pa para lang maglakwatsa subalit hindi ko naman na magawa 'yon ngayon dahil ako lang din ang kawawa bandang huli.

Ang ilan din ay naging schoolmate ko sa dating eskwela kaya naman pamilyar na rin talaga. Alam ko na agad na tukmol at hindi mapagkakatiwalaan.

Ang tagal ng oras lalo na't kapag nasa klase ka although sometimes ay nalilibang din ako. Tamad lang talaga ako kahit sa mga bagay na gusto.

"Hati!" tawag sa akin ni Lisa nang matapos ang klase. Paimpit pa siyang tumili kaya pinagkunutan ko siya ng noo.

"Naalala mo 'yong isang model na nakakilala natin sa pageant sa cavite?" tanong niya na halos mangisay na sa kilig. Tumawa naman ako at tinignan siya.

"Nandoon siya sa labas ngayon. Hinihintay ka raw!" aniya na hinampas pa ako. Napailing na lang naman ako roon. Sumali kasi kami nitong nakaraan sa isang pageant at hindi rin naman nabigong magwagi. Katulad ko'y hilig din kasi ni Lisa ang pagmomodelo subalit mas lamang lang talaga ang kagustuhan niyang maging isang sikat na fashion designer na hindi naman malabong makamit niya dahil magaling siya. Ang gaganda rin talaga ng mga design niya.

Nang lumabas ako'y pinagtitinginan si Ash, kahit paano'y nakikilala na rin naman siya dahil sumali sa isang reality show dito sa pilipinas at talaga namang nakuha ang loob ng mga kababaihan.

"Gara! Ikaw na talaga ang babaeng pinagpala, Hati!" sigaw ng ilang schoolmate ko. Natawa na lang ako roon at napailing. Nakalandian ko naman si Ash subalit kalaunan ay hindi ko na rin gusto. He's kind to me pero hindi sa mga taong nakapaligid sa kaniya and I hate people like that. Naalala ko na nagdate kami nitong nakaraan, sinigawan ba naman ang waiter na nakatapon sa akin ng soup. Hindi ko alam kung nagyayabang o ganoon lang talaga tumtrato ng tao. Either way, I don't like him.

"What are you doing here, Ash?" tanong ko in a really nice way. Mahinang-mahina rin dahil ayaw kong marinig ng ilang taong nakamasid sa amin.

"I'm visiting you. You're not responding after our date. Should I treat you again? In a more nicer resto? Ang pangit kasi ng service nila roon," aniya kaya hindi ko maiwasan ang pagngisi.

Hmm?

"Is it you who have ugly personality," bulong ko kaya nilingon niya ako. Hindi naman narinig ang kung anong sinabi ko. Ngumiti lang naman ako sa kaniya.

Laking pasasalamat ko na lang din na dinagsa siya ng mga fans niya kaya nagawa kong lumayo.

"Grabe, ikaw na talaga, Hati! Haba ng hair mo!" natatawang saad sa akin ni Lisa.

"Nga pala, the audition!" aniya nang maalala ang audition namin sa clouds. Isang sikat na brand ang clouds at naghahanap sila ng mga baguhang modelo kaya naman gusto naming subukan ni Lisa.

"Na-move 'yon sa August 10," sambit niya kaya nanlaki ang mga mata ko at nakaramdam ng excitement.

Tinignan ko pa ang kalendaryo nang makauwi sa bahay. It's already August 5, 2015. I still have 5 days to get ready.

Habang palapit nang palapit ang araw. Palakas naman nang palakas ang tibok ng puso ko. I really can't wait for it to happened. It was a big step for my dream.

"Aba't saan ka na naman pupuntang bata ka?" Halos mapatalon ako sa gulat nang may magsalita sa gilid ko. Halos hampasin ko si Marco na siyang nasa labas ng bahay nila.

"Siraulo ka! Akala ko si Lola," ani ko na napahawak pa sa aking dibdib.

"Tatakas ka na naman!" aniya na nailing pa sa akin. Iniligay ko lang sa aking labi ang hintuturo para pigilan siya sa pagsasalita kaya nailing na lang siya sa akin. Wala rin naman siyang magagawa dahil aalis at aalis ako.

Agad ko ring tinawagan si Lisa na nakalabas na ako ng village. Wala pang ilang minuto ay sinundo na nila ako.

"Girl, ganda ng hair mo! Grabe naman! Gusto ko ring magpa-ash grey!" nakanguso kong saad nang puriin si Lisa sa kulay abo niyang buhok. Agad naman siyang ngumisi. Ang tagal niya nang pinapangarap na magpakulay abo kaya lang ay hindi pa pupuwede sa school noong nasa senior high kami kaya ngayong college niya sinusulit.

"Ako lang 'to, Bhie," natatawang saad ni Lisa kaya nailing na lang kami ni Ren.

"Is it really fine for the both of you to party when you have audition tomorrow?" tanong ni Ren sa amin. Isa sa mga kaibigan naming bakla na siyang madalas nagtatakas sa amin kapag nagtutungo sa bar.

"Ayos lang 'yan!" natatawa kong saad na nauna pang bumaba. Hindi naman halata na disi-siete pa lang kami at dahil kay Ren na siyang regular dito, hindi kami hinahanapan ng ID. May mga pamilyar na mukha naman na siyang nginitian at kinawayan lang. Ang damimg circles ni Ren kaya maski kami'y naipakikilala niya. Nakilala namin si Ren dahil kay Cia, ang handler namin.

"Paniguradong malalagot ako kay Cia kapag nalaman niyang dinala ko na naman kayo rito," ani Ren subalit tumawa lang ako. Imposible rin kasing hindi malaman ni Cia. Baka nga nandito lang 'yon sa paligid mamaya. Mahilig din sa party ang isang 'yon.

Dumeretso lang kami sa table kung saan pumwesto si Ren. Hindi naman ako gaanong uminom dahil hindi pupwedeng mamaga ang mukha ko gayong gusto kong magmukhang natural sa audition. Nakikipagkwentuhan lang sa ilang taong lumalapit.

"May target na ba today?" tanong ko kay Ren dahil kita kong nakamasid na siya sa paligid. Tinawanan niya naman ako dahil sa sinabi.

"Huwag mo naman akong ibinubuking!" natatawa niyang sambit sa akin kaya tumawa lang ako.

Nang magsawang makipagchikahan sa kanila ay nagtungo na rin ako sa dancefloor. May kausap na si Lisa kaya hindi ko na siya ginulo pa. May ilang nakikisayaw sa akin na sinasayawan ko rin naman pabalik. Someone even hold my waist kaya agad kong tinapik ang kamay nito.

"Sayaw lang, Miss." Tumawa pa ito na wari'y nakakatawa ang ginawa ko kaya hindi ko mapigilan ang iritasiyon na nadarama sa kaniya.

"Kunwari ka pa, mukha namang gustong-gusto mo!" anito kaya naman iritado ko siyang tinulak. Sinubukan niya pa akong hawakan subalit nagawa ko nang makalayo roon. Kailangan ko rin na umiwas sa gulo kung gusto ko nang maayos na simula sa karera ng pagiging modelo.

"Walang fafa! Manyak lang mayroon!" reklamo ko kay Ren nang makabalik sa upuan namin. Nahinto lang ako nang makitang may kausap pala siya. Agad naman akong ngumisi at naningkit pa ang mga mata.

Sumenyas pa ako sa kaniya dahil tatlo ang lalaki na kaniyang kausap.

"Nakabingwit ka agad," I murmured. Nginiwian niya naman ako at sinenyasan pang manahimik. Hindi ko naman namalayan na malamig na pala akong tinitignan no'ng pinakamatangkad na lalaki. Nang makita niyang nakatingin ako sa kaniya'y wala siyang pag-aalinlangan na tinignan ako na wari'y nang-iinsulto.

Napanguso naman ako at lumayong kaunti dahil sinenyasan ako ni Ren. Nang matapos sila sa pag-uusap ay nginitian ako no'ng dalawang lalaki samantalang dire-diretso naman na sa paglalakad 'yong isa.

"I'm Hati," pakilala ko nang madaan sila sa gawi ko. Naglahad pa ako ng kamay na tinanggap naman no'ng pinakafriendly na lalaki.

"Daniel," aniya na ngumiti pa sa akin.

"Oh, nice to meet you!" nakangiti kong sambit. Nagpakilala rin si Joaquin. 'Yong isa lang talaga ang tuloy-tuloy na naglakad na wari'y hindi interesado sa akin. Hindi ko naman mapigilan ang sundan siya nang tingin.

Agad ko namang nilapitan si Ren nang makaalis ang mga iyon.

"Gaga ka talaga, 'yang bunganga mo!" ani Ren sa akin.

"Bakit na naman?" tanong ko na napanguso.

"Anak ng business partner ni Papa ang mga 'yon! Baka mamaya'y isumbong ako!" Hindi alam ng pamilya ni Ren na bisexual ito kaya takot niya lang na mahuli.

"Wala naman akong sinabi!" ani ko. Sa huli'y napatango na lang siya.

"Sino 'yong mukhang suplado? Ang gwapo, ah!" saad ko.

"Huwag mo ng pangarapin. Mataas ang kalidad na gusto niyon."

"Bakit mataas maman ang kalidad ko, huh?" tanong ko.

"Alam kong maganda ka, Hati. Pero maganda at mayayaman ang mga nagiging girlfriend niyon," aniya kaya napakibit ako ng balikat. Walang balak makinig.

"Hindi 'yan ang tinatanong ko. Ang tanong, sino 'yon?" ani ko. Sa huli'y napairap na lang siya.

"Maurice Ruiz."