"Faye, tama na. Pangalawang bucket mo na 'to, oh." pagpigil ko sa kanya dahil halos ginawa niya ng tubig yung beer na in-order niya.

No'ng una tahimik ko pa siyang pinapanood. Hindi rin naman kasi siya nagsasalita eh. Ayoko rin namang mag-initiate kaya pinabayaan ko na muna siya.

Pero ngayong nakikita ko na parang wala talaga siyang balak tumigil, naisipan ko ng pigilan siya.

"Arvin . . . bakit gano'n kayong mga lalaki . . . sa una lang kayo magaling."

Nagsalita na siya! Umayos ako ng upo at pinakinggang mabuti ang mga lumalabas sa bibig niya.

"—pag nakuha niyo na yung gusto niyo, mang-iiwan na lang kayo sa ere."

"Hindi naman lahat."

"Gago! Ang gasgas na ng linyang 'yan."

Katahimikan.

"Sex lang ba talaga ang habol niyo?"